#World_Science
Published 04 August 2025
▪️ AI စနစ်ပါဝင်တဲ့ စက်ရုပ်ဖြင့် ခွဲစိတ်မှုတစ်ခု အောင်မြင်စွာ ပြုလုပ်နိုင်ခဲ့ကာ ဆေးပညာလောကကို အပြောင်းအလဲ ဖြစ်စေလာနိုင်ပါတယ်။
▪️ စက်ရုပ်က ဝက်သေကောင်ရဲ့ အသည်းကနေ သည်းခြေအိတ်ကို အောင်မြင်စွာ ခွဲထုတ်နိုင်ခဲ့သဖြင့် လာမယ့်ဆယ်စုနှစ်အတွင်း လူသားတွေမှာလည်း အလိုအလျောက် ခွဲစိတ်မှု စမ်းသပ်လာနိုင်ပါတယ်။
▪️ အခုထက်ထိတော့ ခွဲစိတ်မှုတွေမှာ AI က သာမန်အလိုအလျောက် တာဝန်လေးတွေသာ အဓိကလုပ်ဆောင်နေပါတယ်။
▪️ သည်းခြေအိတ် ခွဲစိတ်မှုကတော့ ဒီထက်များစွာရှုပ်ထွေးကာ အဆင့် ၂ ဆင့်ရှိတဲ့ AI စနစ် အသုံးပြုထားပါတယ်။
▪️ ပထမ AI အလွှာက ဗီဒီယိုတွေကိုကြည့်ပြီး AI ဘာသာစကား ညွှန်ကြားချက်များ ဖန်တီးပေးပါတယ်။
▪️ ဒုတိယအလွှာက ညွှန်ကြားချက်တွေကို 3D လှုပ်ရှားမှုအဖြစ် ပြောင်းလဲပေးပြီး ခွဲစိတ်မှုပြီးမြောက်စေပါတယ်။
▪️ ယခုစက်ရုပ်စနစ်က လုပ်ဆောင်ချက်အားလုံးမှာ ၁၀၀ ရာခိုင်နှုန်း အောင်မြင်မှုရခဲ့ပါတယ်။
▪️ သေချာစေရန်အတွက် ၇ ကြိမ်လုပ်ဆောင်ခဲ့ရာမှာ အကြိမ်တိုင်းကို ၁၀၀ ရာခိုင်နှုန်း ရခဲ့ပါတယ်။
▪️ ဂျွန်ဟော့ပ်ကင်းစ်တက္ကသိုလ်မှ သုတေသီအဖွဲ့က AI စမ်းသပ်ချက်ကို ဦးဆောင်ခဲ့တာ ဖြစ်ပါတယ်။
▪️ လူနာတွေနဲ့ ခွဲစိတ်ဆရာဝန်တွေကို အကူအညီပေးနိုင်မယ့် မျိုးဆက်သစ် စက်ရုပ်စနစ်တွေဖြစ်ကြောင်း ဂျွန်ဟော့ပ်ကင်းစ်မှ အိတ်ဆဲခရီဂျာက ပြောပါတယ်။
▪️ နောက်တစ်ဆင့်အနေနဲ့ အသက်ရှင်နေတဲ့ တိရိစ္ဆာန်တစ်ကောင်ကို အလိုအလျောက် ခွဲစိတ်သွားဖို့ဖြစ်တယ်လို့ ပြောသွားပါတယ်။
#Source: New York Post
