#LocalNews
Published_9 October 2022

ပဲခူးတိုင်းဒေသကြီး၊ ပြည်မြို့၏ အရှေ့တောင်ဘက် ၅ မိုင်ခန့်အကွာ ကမ္ဘာ့အမွေအနှစ်ဒေသသရေခေတ္တရာပျူမြို့ဟောင်းအတွင်းရှိ သောင်းပြည့်ကုန်း ကို view Point ပြုလုပ်ရန် ရွေးချယ်ထားပြီးဖြစ်ကြောင်း ပဲခူးတိုင်းဒေသကြီးအစိုးရအဖွဲ့က သိရသည်။

ကမ္ဘာ့အမွေအနှစ် သရေခေတ္တရာယဉ်ကျေးမှုဇုန်တစ်ခုလုံးကို ခြုံငုံမြင်တွေ့လေ့လာ၍ ရနိုင်သည့် View Point မျှော်စင်တစ်ခု ပြုလုပ်မည့် သောင်းပြည့်ကုန်းတွင် မြေပြင်ရှင်းလင်းရေးလုပ်ငန်းများ ဆောင်ရွက်မှု စတင်တော့မည် ဖြစ်သည့်အပြင်သရေခေတ္တရာ ပျူမြို့ဟောင်းသို့ ခရီးသွားများ ကျယ်ဝန်းလွတ်လပ်စွာသွားလာနိုင်ရေး (၄)လမ်းသွားကားလမ်း ဖောက်လုပ်မည်ဖြစ်၍ ပဲခူးတိုင်းဒေသကြီးအစိုးရအဖွဲ့က အောက်တိုဘာလ ၈ ရက်တွင် သွားရောက် စစ်ဆေးမှုများပြုလုပ်ခဲ့ကြပြီး ဖြစ်ကြောင်းလည်း သိရသည်။

ယင်းအပြင် ပျူမြို့ဟောင်း မြို့ဝင်တံခါးပေါက်၊ မြို့ရိုးနှင့်ကျုံး ပြန်လည်ဖော် ထုတ်နိုင်ရေး မှုတ်ရှည်မြို့ဝင်တံခါးပေါက်၌ ကျူးကျော်နေအိမ်များကို ဖယ်ရှားရှင်းလင်းခြင်းများပြုလုပ်မည်ဖြစ်ကာသတ်မှတ်ရှေးဟောင်းဧရိယာအတွင်း ကျူးကျော်နေထိုင်မှုများမရှိစေရေးကိုလည်း ကြီးကြပ်သွားမည်ဖြစ်ကြောင်း သိရသည်။

ပျူမြို့ဟောင်းရှိ နန်းတော်ရာကုန်းကို ပြန်လည်တူးဖော်ခြင်း၊ အတွင်းကျုံး ရေအမြဲရှိစေရေး မူလရေဝင်ရေလွှဲစနစ်ကို ပြန်လည်ဖော်ထုတ်နိုင်ရေးအတွက် ဦးသောမကန်၊ ရဟန္တာကန်နှင့် ကြာကန်တို့ကို ရှေးမူမပျက် စနစ်တကျ တူးဖော်သွားမည်ဖြစ်ကြောင်း သိရသည်။

သရေခေတ္တရာမြို့ဟောင်းသည် အဝန်းအဝိုင်းပုံသဏ္ဍာန်ရှိကာ မြို့ရိုးမှာ အရှည် ၁၄ ကီလိုမီတာ၊ အကျယ် ၄ မီတာနှင့် အမြင့် ၁၀ မီတာရှိပြီး မြို့ဟောင်းအတွင်း မှော်ဇာရွာအပါအဝင် ကျေးရွာပေါင်း ၁၇ ရွာ ပါဝင်ကြောင်း၊ ဒေသရာဇဝင်များအဆိုအရ သရေခေတ္တရာမြို့တည်ပုံမှာ သာသနာတော်သက္ကရာဇ် (၁၀၁)ခုနှစ်တွင် ဂဝံပတိရသေ့၊ သိကြား၊ ဂဠုန်၊ နဂါး၊ ဂုမ္ဘာန်၊ စန္ဒီ၊ ပရမေသုရာ စသည့် သူမြတ် ၇ ဦးတို့သည် မြတ်စွာဘုရား ဗျာဒိတ်တော်ရှိသည်နှင့်အညီ မြို့ကိုတည်အံ့သော အကြောင်းကို စုရုံးတိုင်ပင်ကြ၍ သာယာညီညွတ်လှစွာသော မြေအပြင်ဝယ် သိကြားမင်းသည် စက်တိုင်၌ ရပ်နေပြီးလျှင် နဂါးကိုစက်ကြိုးပြု၍ ပတ်စေခဲ့ကြောင်း၊ ထိုအဝန်းအဝိုင်းကိုပင် သရေခေတ္တရာမြို့တော်၏ ပမာဏအဖြစ် စတင်တည်ထောင်ခဲ့ပြီး ဒွတ္တပေါင်မင်းကြီးကို နန်းတင်မြှောက်ခဲ့သည်ဟု အဆိုရှိခဲ့ကြောင်း၊ သရေခေတ္တရာမြို့ဟောင်းသည် ပျူတိုက်၊ သင်္ချိုင်း၊ ကုန်း၊ စေတီ၊ ဂူဘုရား၊ နန်းတော်၊ မြို့ဝင်ပေါက်၊ ကျုံး၊ မြို့ရိုးကဲ့သို့သော အဆောက်အဦ အကြွင်းအကျန်များနှင့်အတူ လက်ရှိအချိန်အထိ လူနေထိုင်ဆဲ မြို့ပြတစ်ခုဖြစ်ကြောင်း၊ မြို့ဟောင်းတူးဖော်မှုလုပ်ငန်းနှင့် ကွင်းဆင်းသုတေသနလုပ်ငန်းများကို ၁၉၀၇ ခုနှစ်မှစတင်၍ ယခုအချိန်အထိ ရှေးဟောင်းသုတေသနဦးစီးဌာနက ဆက်လက်ဆောင်ရွက်လျက်ရှိကြောင်း သိရသည်။

လက်ရှိတွင် ပြည်မြို့ရှိ ဧရာတီမြစ်ကမ်းတစ်လျှောက် ဒေသခံပြည်သူများ အပန်းဖြေစေရန် ကမ်းနားလမ်းကို အဆင့်မီကမ်းနားလမ်းအဖြစ်ပဲခူးတိုင်းဒေသကြီး အစိုးရအဖွဲ့ ခွင့်ပြုရန်ပုံငွေဖြင့် ဆောင်ရွက်လျက်ရှိကြောင်းလည်း သိရသည်။

ymg/mt
#Yangon_Media_Group

#LocalNews
Published_9 October 2022

ဟိုတယ်ငှားရမ်းခများနှင့် အခွန်အခများကို ပုံမှန်ပေးသွင်းကြရန် ဟိုတယ်နှင့်ခရီးသွားလာရေးဝန်ကြီးဌာန၏ ပြည်ထောင်စုဝန်ကြီး ဒေါက်တာဌေးအောင် က အောက်တိုဘာလ ၈ ရက်တွင် ရန်ကုန်မြို့အင်းယားလိတ်ဟိုတယ်၌ နိုင်ငံခြားရင်းနှီးမြှုပ်နှံမှု ဟိုတယ်များမှ တာဝန်ရှိသူများနှင့် တွေ့ဆုံဆွေးနွေးစဉ် ပြောကြားလိုက်သည်။

ယင်းအပြင် မြန်မာနိုင်ငံသို့ နိုင်ငံပေါင်း ၇၉ နိုင်ငံမှ ခရီးသွားများ ဝင်ရောက်လျက်ရှိပြီး ရုရှားနိုင်ငံနှင့် အာဆီယံအဖွဲ့ဝင် ရှစ်နိုင်ငံသို့ဗီဇာကင်းလွတ် ခွင့်ပြုထားကာ ယခုပွင့်လင်းရာသီမှအစပြု၍ ခရီးသွားလုပ်ငန်းများ ပုံမှန်လည်ပတ်လာချိန်တွင် နိုင်ငံခြားရင်းနှီးမြှုပ်နှံမှု ဟိုတယ်များအပြင် နိုင်ငံသားပိုင်ဟိုတယ်၊ တည်းခိုရိပ်သာများနှင့် ဆက်စပ်ခရီးသွားလုပ်ငန်းများပါ အကျိုးဖြစ်ထွန်းလာမည်ဖြစ်၍ နိုင်ငံခြားရင်းနှီးမြှုပ်နှံမှု ဟိုတယ်များအားလုံး ပူးပေါင်းပါဝင်ကြရန်လည်း ပြောကြားခဲ့သည်။

ယခုနှစ် ဧပြီလ ၁၇ ရက်က စတင်၍ နိုင်ငံတကာ လေကြောင်းလိုင်းများကို ဖွင့်လှစ်ပေးခဲ့ပြီး e-business visa ၊ e-tourist visa များကို ခွင့်ပြုပေးခဲ့သဖြင့် ယခုအခါ နိုင်ငံပေါင်း ၇၉ နိုင်ငံမှ နိုင်ငံတကာခရီးသွားများ ဝင်ရောက်လျက်ရှိသည့်အပြင် သက်ဆိုင်ရာနိုင်ငံအသီးသီးရှိ မြန်မာနိုင်ငံဆိုင်ရာ သံရုံးများတွင်လည်း e-Visa ဖြင့် လျှောက်ထားနိုင်ရန် ခွင့်ပြုထားကြောင်းလည်း ဟိုတယ်နှင့်ခရီးသွားလာရေးဝန်ကြီးဌာနက သိရသည်။

ymg/mt
#Yangon_Media_Group

#World_Health
Published 9 October 2022

အမျိုးသမီးတွေ အသက် ၅၀ ကျော်လာတာနဲ့အမျှ ရင်သားကင်ဆာဖြစ်လာနိုင်တယ်လို့ သိထားကြပေမယ့် ဒီရောဂါက အမျိုးသားတွေရော အမျိုးသမီးတွေမှာပါ အသက်အရွယ်မရွေး ဖြစ်တတ်ပါတယ်။

စိုးရိမ်စရာရှိတာက အမျိုးသား ၇၃ ရာခိုင်နှုန်းလောက်က ရင်သားမှာ အဖုတွေအကျိတ်တွေ ထွက်သလားဆိုတာကို မစစ်ဆေးကြကြောင်း သုံးသပ်ထားပါတယ်။

ယခုနှစ်အတွင်း ယူကေမှာ ရင်သားကင်ဆာတွေ့ရှိသူ အမျိုးသား ၃၅၀ ခန့်ရှိခဲ့တာကြောင့် အမျိုးသားတွေအနေနဲ့ လက္ခဏာတွေကို သတိထားသင့်ထားပါတယ်။
စောစောစီးစီးသိရရင် စောစီးစွာ ဆေးကုသမှုခံယူနိုင်မှာဖြစ်ပါတယ်။
အခြားကင်ဆာအများစုလိုပဲ စောစောသိရရင် အသက်ကယ်တင်နိုင်မှာဖြစ်ပြီး သတိထားရမယ့်လက္ခဏာတွေပေါ်လာတာဟာ ရောဂါနဲ့ဆက်စပ်နေတယ်ဆိုတာကို သိထားဖို့ အရေးကြီးကြောင်း ဓာတ်ရောင်ခြည်ကင်ဆာအထူးကု ဒေါက်တာ'အဲလက်ဇန်ဒရာဟားစ်'က ရှင်းပြခဲ့ပါတယ်။

အမျိုးသားတွေက လက္ခဏာတွေကို မသိဘာသာနေကြတာကြောင့် နောက်ကျမှ ရောဂါရှိကြောင်းသိရပြီး အမျိုးသမီးလူနာတွေထက် ပိုမိုနောက်ကျပြီးမှ ကုသတတ်ကြပါတယ်။
ရင်သားကင်ဆာအတွက် အမျိုးသားတွေသတိထားရမယ့် လက္ခဏာတွေကတော့..
(၁) ရင်ဘတ်အရွယ်အစား ပုံသဏ္ဍာန်ပြောင်းလဲခြင်း
(၂) ရင်ဘတ်နဲ့ ချိုင်းနားတဝိုက် အဖုအသေးလေးများထွက်လာခြင်း
(၃) ရင်ဘတ်နဲ့ ချိုင်းနားတဝိုက် ရောင်ရမ်းခြင်း
(၄) နို့သီးခေါင်း ထိုးထွက်လာခြင်း
(၅) နီရဲခြင်း
(၆) နို့သီးခေါင်းမှ သွေးစိမ့်ထွက်ခြင်း
(၇) အရေပြားအနာဖြစ်ခြင်း တို့ဖြစ်ပါတယ်။
ဒီလက္ခဏာတွေထဲက တစ်ခုခုဖြစ်ပြီဆိုရင် ဆရာဝန်နဲ့ပြသပြီး တိုင်ပင်သင့်ပါတယ်။
အသက်ကြီးသူတွေမှာ ပိုဖြစ်တတ်ပေမယ့် အသက်အရွယ်မရွေးဖြစ်တတ်တာမို့လို့ အမြဲစစ်ဆေးနေသင့်ပါတယ်။

မိသားစုထဲမှာ ရင်သားကင်ဆာဖြစ်ဖူးသူတွေပါရင် အထူးဂရုစိုက်သတိထားသင့်ပါတယ်။
အမျိုးသားတွေမှာ အီစထရိုဂျင်ဟော်မုန်းက အနည်းငယ်သာရှိပေမယ့် များလာရင်တော့ အမျိုးသားတွေမှာလည်း ရင်သားကင်ဆာဖြစ်နိုင်ချေရှိပါတယ်။

အဝလွန်ခြင်း၊ အသည်းရောဂါ၊ မျိုးရိုးရောဂါရှိတဲ့ အမျိုးသားတွေမှာ အီစထရိုဂျင်ဟော်မုန်းများနေတတ်ပါတယ်။ကုသမှုအနေနဲ့ ကင်ဆာဖြစ်နေတဲ့ တစ်ရှူးနေရာကို ခွဲစိတ်ခြင်း၊ ဓာတ်ရောင်ခြည်၊ ဓာတုကုထုံးတို့ဖြင့် ဖယ်ရှားနိုင်ပါတယ်။အမျိုးသမီးတွေမှာကဲ့သို့ပင် စောစီးစွာသိရှိရပါက ရင်သားကင်ဆာကို အောင်မြင်စွာကုသနိုင်ပါတယ်။

Source: The Sun
#Yangon_Media_Group

Published 9 October 2022

စင်္ကာပူ အစားအစာ အေဂျင်စီက Mie Sedaap အသင့်စားခေါက်ဆွဲထုတ်နှစ်မျိုးမှာ ပိုးသတ်ဆေးတွေ့လို့ ပြန်သိမ်းယူစေပြီးနောက် ( သတင်းဖော်ပြခဲ့ပြီး)အဲဒီအမှတ်တံဆိပ်မှာပဲ နောက်ထပ် နှစ်မျိုးမှာ အလားတူပိုးသတ်ဆေးတွေ့ခဲ့တဲ့ အတွက် ထပ်မံသိမ်းယူဖို့ ညွှန်ကြားခဲ့တယ်လို့ Channel News Asia က သတင်းထုတ်ပြန်ပါတယ်။

ခွင့်မပြုတဲ့ပိုးသတ်ဆေးတစ်မျိုးဖြစ်တဲ့ အက်သလင်းအောက်ဆိုက်ကို Mie Sedaap အသင့်ခေါက်ဆွဲအမျိုးအစားနှစ်ခုမှာ ထပ်မံတွေ့ခဲ့တာဖြစ်ပါတယ်။ စင်္ကာပူ အစားအစာ အေဂျင်စီ SFA က  ဖြန့်ချိတဲ့ Arklife Distributors ကုမ္ပဏီကို Mie Sedaap Soto အသင့်စားခေါက်ဆွဲထုတ်တွေနှင့် Mie Sedaap Curry အသင့်စားခေါက်ဆွဲထုတ်တွေကို ထပ်မံသိမ်းဆည်း ဖို့ ညွှန်ကြားခဲ့ကြောင်း သတင်းမှာဖော်ပြထားပါတယ်။

ယခုထပ်မံသိမ်းဆည်းတဲ့ အသင့်စား ခေါက်ဆွဲထုတ်တွေကတော့ ၂၀၂၂ခုနှစ် ဒီဇင်ဘာ ၁၁ရက်မှာ သက်တမ်းကုန်တဲ့ Mie Sedaap Soto နှင့် ၂၀၂၃ခုနှစ် ဖေဖော်ဝါရီ ၂၂ရက်မှာ သက်တမ်းကုန်တဲ့ Mie Sedaap Curry အသင့်ခေါက်ဆွဲထုတ်တွေ ဖြစ်တယ်လို့ ကြေညာချက်မှာဖော်ပြထားပါတယ်။ အဲဒီနှစ်မျိုးစလုံးကလည်း အင်ဒိုနီးရှားက တင်သွင်းတာဖြစ်ပါတယ်။

အဲဒါကြောင့် အေဂျင်စီဟာ အခြားသော Mie Sedaap အသင့်စားခေါက်ဆွဲတွေကို ဆက်လက်ပြီး စစ်ဆေးသွားမယ်လို့ စနေနေ့က ကြေညာပါတယ်။ တင်သွင်းသူတွေနှင့် အင်ဒိုနီးရှားအာဏာပိုင်တွေနှင့် လက်တွဲအလုပ်လုပ်ပြီး  အက်သလင်း အောက်ဆိုက်ပါဝင်နေတဲ့အပေါ် စုံစမ်းဖော်ထုတ်မှုတွေလုပ်သွားမယ်လို့ ပြောပါတယ်။

“ ယခုကြေညာထားတဲ့ ခေါက်ဆွဲထုတ်တွေ ဝယ်ယူထားမိတဲ့သူတွေ မစားသုံးမိကြဖို့အကြံပြုပါတယ်” လို့ SFA က ကြေညာပါတယ်။

“ ယခုကြေညာထားတဲ့ထုတ်ကုန်တွေကို စားသုံးမိသူတွေဟာ သူတို့ကျန်းမာရေးနှင့်ပတ်သက်လို စိတ်ပူစရာရှိပြီး ကျန်းမာရေးဆိုင်ရာ အကြံပြုချက်တွေရယူကြသင့်ပါတယ်။ ဝယ်ယူခဲ့သူတွေအနေနှင့် သူတို့ဝယ်ခဲ့တဲ့နေရာတွေမှာ သွားရောက်စုံစမ်းမေးမြန်းကြပါ” လို့လည်း စင်ကာပူအစားအစာ အေဂျင်စီက နှိုးဆော်ထားပါတယ်။

Source CNA

#Mie_Sedaap_Soto

#Mie_Sedaap_Curry

#Ethylene_oxide

#Local_News
Published_ 8 October 2022

ရွှေတိဂုံစေတီတော် ၁၃၈၄ ခုနှစ် သီတင်းကျွတ်လပြည့်နေ့ အကြို (အဖိတ်နေ့) ရွှေတိဂုံစေတီတော်မြတ်ကြီးအား လျှပ်စစ်မီးစေတီများ စုပေါင်းပူဇော်ဆက်ကပ်ပွဲကို အောက်တိုဘာ ၁၀ ရက် ညပိုင်းတွင် ရွှေတိဂုံစေတီတော်ရင်ပြင်၌ ကျင်းပခဲ့ပါတယ်။

ဦးစွာ ရွှေတိဂုံတီတော် ဘဏ္ဍတော်ထိန်းဂေါပကအဖွဲ့ဝင်များနှင့် ဂေါပကရုံး ဝန်ထမ်းများ၊ ဘာသာရေး ဝတ်အသင်းအဖွဲ့များ၊ အလှူရှင်များနှင့် ဘုရားဖူးလာပြည်သူများက ရှေးဟောင်းဗုဒ္ဓရုပ်ပွားတော်များ တန်ဆောင်းစုရပ်မှ လျှပ်စစ်မီးစေတီများ ပင့်ဆောင်လျက် ရွှေတိဂုံစေတီတော်မြတ်ကြီးအား လက်ယာရစ် လှည့်လည်ပူဇော်ကြပါတယ်။

ထို့နောက် လျှပ်စစ်မီးစေတီများ စုပေါင်းပူဇော်ဆက်ကပ်ပွဲကို ရွှေတိဂုံ စေတီတော်ရင်ပြင် ရာဟုထောင့် အောင်မြေ၌ ကျင်းပခဲ့ပြီး ဂေါပကအဖွဲ့ဝင်များ၊ ဂေါပကရုံးဝန်ထမ်းများ၊ ဘာသာရေးဝတ် အသင်းအဖွဲ့များ၊ အလှူရှင်များနှင့် ဘုရားဖူးလာပြည်သူများက စုပေါင်း၍ ရွှေတိဂုံစေတီတော်ရင်ပြင်တော် ပတ်လည်ရှိ ဆီမီးခုံများ၌ ဆီမီးများ ထွန်းညှိပူဇော်ခဲ့ကြောင်း သတင်းရရှိပါတယ်။

ygm_mnn
#Yangon_Media_Group

#LocalNews
Published_8 October 2022

အောက်တိုဘာ ၁ ရက်နေ့ကနေ ၈ ရက်နေ့အထိကို တရုတ်နိုင်ငံဘက်မှာ အများပြည်သူရုံးပိတ်ရက်ဖြစ်တာကြောင့် နယ်စပ်ဂိတ်အားလုံးကို ပိတ်ထားတာဖြစ်တယ်လို့ မူဆယ်ဆန်စပါးကုန်စည်ဒိုင်ဥက္ကဋ္ဌ ဦးမင်းသိမ်းက ပြောပါတယ်။

#Yangon_Media_Group

Published 8 October

အမေရိကန်ရေတပ်ရဲ့ အသစ်လွင်ဆုံး လေယာဉ်တင်သင်္ဘောဟာ အင်္ဂါနေ့က ပထမဆုံးခရီးကို စတင်ခဲ့ပါတယ်။ ဒါဟာ ခေတ်မီနည်းပညာအချို့နှင့်ပတ်သက်တဲ့ ပြဿနာတွေဖြစ်ခဲ့ရတဲ့ သင်္ဘောကြီးအတွက် အထင်ကရမှတ်တိုင်တစ်ခုဖြစ်ခဲ့ ပါတယ်။

USS Gerald R. Ford ယူအက်က်စ်အက်စ် ဂါးရက် အာရ် ဖို့ဒ် လို့အမည်ပေးထားတဲ့ သင်္ဘောကြီးဟာ ဒေါ်လာ ၁၃ ဘီလျံကျော်ကုန်ကျခံတည်ဆောက်ခဲ့တာဖြစ်ပါတယ်။ ဒီလေယာဉ်တင်သင်္ဘောကြီးဟာ တပ်ဖြန့်ခရီးမှာ  ကနေဒါ၊ပြင်သစ်နှင့် ဂျာမနီတို့ အပါအဝင် နိုင်ငံတွေနှင့်အတူ လက်တွဲလုပ်ဆောင်မှာဖြစ်ပါတယ်။အဲဒီအထဲမှာ လေကြောင်းကာကွယ်ရေး၊ ရေငုပ်သင်္ဘော တန်ပြန်စစ်ပွဲနှင့် ကုန်းနှင့်ရေ စစ်ဆင်ရေးတို့ကို သင်တန်းပေးမှာတွေ ပါဝင်ပါတယ်။

အမေရိကန်ရေတပ်ဖေ့စ်ဘုတ်ပေ့ချ်က ဗွီဒီယိုမှာ တွန်းသင်္ဘောတွေက မီးခိုရောင်ဆေးသုတ်ထားတဲ့ သင်္ဘောကြီးကို ဗာဂျင်နီးယားပြည်နယ် နော်ဖောက် ရေတပ်စခန်းဆိပ်ခံတံတားကနေ တွန်းပြီးထွက်ခွာနေတာကိုပြသထားပါတယ်။

“ ဒီသင်္ဘောကြီးရဲ့တပ်ဖြန့်မှုဟာ အတ္တလန်တစ်ထဲမှာ ပြိုင်ဘက်ကင်းတဲ့၊ နယ်ပယ်စုံတဲ့၊ သေကြေပျက်စီးစေလောက်တဲ့ နယ်ဝန်းပြည့်ဖြစ်တဲ့ တပ်ဖြန့်မှု ဆိုတာ ထင်ရှားနေပါတယ်” လို့  ရေတပ်ဗိုလ်ချူပ်ကြီး ဒါးကောဒဲလ်က သင်္ဘောမထွက်ခွာခင် သတင်းထုတ်ပြန်ချက်ထဲ ပြောထားပါတယ်။

ဒီတပ်ဖြန့်မှုခရီးမှာ နိုင်ငံပေါင်းကိုးနိုင်ငံက စစ်သင်္ဘောအစီး၂၀နှင့် လေယာဉ်အစီး ၆၀ပါဝင်ကြတယ်လို့ အမေရိကန်ရေတပ်ကပြောပါတယ်။ ဒါပေမယ့် ဘယ်နိုင်ငံတွေလဲဆိုတာကိုတော့ ထုတ်ပြောမသွားပါဘူး။

၂၀၁၇ခုနှစ်မှာ အဲဒီသင်္ဘောဟာ စတင်တာဝန်ပေးအပ်ခံရပါတယ်။ သင်္ဘောရဲ့ အလျားဟာ ပေ ၁၁၀၀ရှိပြီး  ဝန်အပြည့် တန်ချိန် တစ်သိန်းတစ်ထောင် တင်နိုင်ပါတယ်။ ဒါပေမယ့် ဝန်အပြည့်နှင့် တစ်နာရီကို ၅၄ ကီလိုမီတာကျော် အမြန်နှုန်းနှင့် ခုတ်မောင်းနိုင်ပါတယ်။

အမေရိကန်ရဲ့ ၃၈ ဦးမြောက် သမ္မတရဲ့အမည်ပေးထားတဲ့ ယခုလေယာဉ်တင်သင်္ဘောဟာ အရင် လေယာဉ်တင်သင်္ဘောတွေလောက် သင်္ဘောသား မလိုအပ်ဘဲ မောင်းနှင်နိုင်အောင် ဒီဇိုင်းလုပ်ထားပါတယ်။ အဲဒီအပြင် ယခုမှစမ်းသပ်နေတုန်းဖြစ်တဲ့ အနာဂတ်စွမ်းအင်လက်နက်တွေကိုလည်းသယ်ဆောင်နိုင်အောင်ပါ ဒီဇိုင်းလုပ်ထားပါတယ်။

ယခင် လေယာဉ်တင်သင်္ဘောတွေထက် သာတဲ့ အဓိကအချက်က လေယာဉ်တွေ အတက်အဆင်းနှုန်းပိုပြီးမြန်လာစေတာဖြစ်ပါတယ်။ ဒါပေမယ့် ၂၀၂၂ခုနှစ်ဇွန်လတုန်းက ကွန်ဂရက်ကိုတင်ပြတဲ့ အစီရင်ခံစာမှာတော့ ဒီသင်္ဘောမှာ နည်းပညာ ပြဿနာအချို့ရှိတယ်လို့ ဖော်ပြထားပါတယ်။

သင်္ဘောကြီးရဲ့ လက်နက်မတင်စက်တွေ တပ်ဆင်မပြီးသေးတာနှင့် အချို့သော နည်းပညာပြဿနာတွေကို ဖြေရှင်းနေရတာကြောင့် လေယာဉ်တင်သင်္ဘောကြီးရဲ ပထမဆုံးတပ်ဖြန့်မှုခရီးဟာ နှောင့်နှေးခဲ့ရပါတယ်လို့ ဩဂုတ်လက ထုတ်ပြန်တဲ့ လေယာဉ်နှင့်ပတ်သက်တဲ့ ကွန်ဂရက်သုတေသနလုပ်ငန်းအစီရင်ခံစာတစ်ခုမှာ ဖော်ပြထားပါတယ်။

Source AFP

#USS_Gerald_R. Ford

#US_Navy

#Newest_aircraft_carrier

#LocalNews
Published_8 October 2022

၂၀၂၂-၂၀၂၃ ဘဏ္ဍာနှစ်ရဲ့ ခြောက်လတာကာလအတွင်းမှာ ပြည်ပကိုတင်ပို့မှုကနေ ကန်ဒေါ်လာ ၈ ဒသမ ၆ ဘီလျံခန့် ပို့ကုန်ဝင်ငွေရရှိထားပြီး ယမန်နှစ်ထက် ဒေါ်လာတစ်ဘီလျံကျော် ပိုမိုရရှိထားတယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စာရင်းတွေအရ သိရပါတယ်။

#Yangon_Media_Group

#World_Industry
Published 8 October 2022

ဘီယာထုတ်လုပ်ရာမှာ နာမည်ကြီးတဲ့ ဘယ်လ်ဂျီယမ်နိုင်ငံမှာ ဘီယာချက်ရာကနေထွက်လာတဲ့ စွန့်ပစ်ပစ္စည်းတွေထဲ မှိုတွေပေါက်ရောက်လာပြီး စီးပွားရေးတွင်ကျယ်လျက်ရှိပါတယ်။

#Yangon_Media_Group

#Health_Matters
Published - 8 Oct 2022

- ဆင်တုပ်ကွေးကို ကြိုတင်ကာကွယ်လို့ရနိုင်မလား ဖြစ်လာရင်ကော ဘယ်လိုကုသခံရမလဲ??

#Yangon_Media_Group

#LocalNews
Published _ 8 October 2022

နိုင်ငံတကာအခေါ်အမည် ဒိုရီငါးလို့ခေါ်တဲ့ မြန်မာပြည်က ငါးဒန်ကို စနစ်တကျမွေးမြူပြီး ပြည်ပသို့တင်ပို့ရောင်းချဖို့ ကြိုးပမ်းနေတယ်လို့ မြန်မာနိုင်ငံ ငါးလုပ်ငန်းအဖွဲ့ချုပ်ကနေ သိရပါတယ်။

#Yangon_Media_Group

#Health_Matters
Published - 8 Oct 2022

- မြန်မာနိုင်ငံမှာ ဆင်တုပ်ကွေးဖြစ်ပွားမှုတွေ ဘယ်အခြေအနေမှာရှိပါသလဲ??

#Yangon_Media_Group