#Local_News
Published-10 Setember 2022

အစိုးရကနေ ရွှေဒင်္ဂါးပြားထုတ်ရောင်းမှုတွေကြောင့် လက်ရှိရွှေဈေးကွက်အခြေအနေမှာ အရောင်းအဝယ်အေးနေတယ်လို့ ရန်ကုန်တိုင်းရွှေလုပ်ငန်းရှင်များအသင်းကနေ သိရပါတယ်။

#Yangon_Media_Group

#World_Transport
Published 10 September 2022

လမ်းသွားလမ်းလာကြပ်တည်းလှတဲ့ အင်ဒိုနီးရှား ဂျာကာတာမြို့မှာ အများပြည်သူသုံး ရထားစီးနေကြတဲ့ ခရီးသည်တွေကို ဇွန်ဘီကဲ့သို့သရုပ်ဆောင်ထားတဲ့လူတွေက ခြောက်လှန့်တဲ့ပုံစံဖြင့် ဖျော်ဖြေမှုပေးလာကြပါတယ်။

#Yangon_Media_Group

#Health_Matters
Published - 10 Sep 2022

- ခရုအဖျားကို ဘယ်လိုကာကွယ်နိုင်မလဲ??

#Yangon_Media_Group

Published 10 Sept 2022

လာမယ့်ကာတာကမ္ဘာ့ဖလားမှာ ဘီယာသောက်သုံးတာဟာ အရင်ထုံးစံအတိုင်းပဲ အပြောင်းအလဲရှိမှာမဟုတ်ဘူးလို့ ပြိုင်ပွဲရဲ့ အကြီးအကဲက ထပ်မံကတိပေးလိုက်ပါတယ်။ မူစလင် ပင်လယ်ကွေ့နိုင်ငံမှာ အရက်ရောင်းချတာကို တင်းကြပ်စွာ တားမြစ်ထားတဲ့ကြားက သူကကတိပေးလိုက်တာပါ။  လက်မှတ်ရှိတဲ့မိသားစုတစ်ဦးဦးကခေါ်လာရင် လက်မှတ်မရှိတဲ့ သူတွေလည်း ပွဲလာကြည့်လို့ရမယ်လို့လည်း ပြောပါတယ်။

Source AFP

#Qatar_World_Cup

#Beer_drinking_as_usual

#Qater_2022

#Local_News
Published _ 10 September 2022

ကချင်ပြည်နယ်ရှိ လွယ်ဂျယ်နှင့်ကန်ပိုက်တီ နယ်စပ်ကုန်သွယ်ရေးစခန်းတွေက နှစ်စဉ်တရုတ်နိုင်ငံသို့ စိုက်ပျိုးရေးထွက်ကုန်များကို တင်ပို့လျက်ရှိနေပါတယ်။

#Yangon_Media_Group

#World_Military
Published 10 September 2022

မြောက်ကိုရီးယားနိုင်ငံရဲ့ ဥပဒေအသစ်မှာ မိမိကိုယ်ကိုကာကွယ်ရန်အတွက် နျူကလီးယားကာကွယ်တိုက်ခိုက်မှုများကို အသုံးပြုခွင့် တရားဝင်ပြဌာန်းလိုက်ပါတယ်။

ခေါင်းဆောင်'ကင်မ်ဂျုံအန်း'က အခုချမှတ်လိုက်တဲ့ နျူကလီးယားသတ်မှတ်ချက်ကို ပြန်လည်ပြင်ဆင်ခြင်းမရှိစေရန်နဲ့ နျူကလီးယားလက်နက်ပယ်ဖျက်ရေး ဆွေးနွေးပွဲများ တားဆီးသွားရန် ကြေညာလိုက်ကြောင်း နိုင်ငံပိုင်မီဒီယာက သောကြာနေ့မှာ ဖော်ပြလိုက်ပါတယ်။

ကုလသမဂ္ဂက မြောက်ကိုရီးယားရဲ့ နျူကလီးယားလက်နက်အစီအစဉ်နဲ့ပတ်သက်ပြီး နှစ်ရှည်လများ စီးပွားရေးပိတ်ဆို့မှုများ ပြုလုပ်ထားပါတယ်။

ကုလသမဂ္ဂအထွေထွေအတွင်းရေးမှူးချုပ်က မြောက်ကိုရီးယားဥပဒေအသစ်ကို အလွန်စိုးရိမ်မိပြီး နျူကလီးယားပယ်ဖျက်ရေးဆွေးနွေးပွဲများ ပြန်လည်တက်ရောက်ဖို့ မြောက်ကိုရီးယားကို အကြိမ်ကြိမ်တောင်းဆိုထားပါတယ်။

အမေရိကန်ကလည်း မြောက်ကိုရီးယားကို ရန်လိုတဲ့သဘောမရှိဘဲ ဆက်လက်တွေ့ဆုံဆွေးနွေးဖို့ ဆန္ဒရှိကြောင်း အသိပေးလိုက်ပါတယ်။

၂၀၁၈ ခုနှစ်တုန်းက အမေရိကန်သမ္မတဟောင်း'ဒေါ်နယ်ထရမ့်'နဲ့ အခြားခေါင်းဆောင်များ သမိုင်းဝင်ထိပ်သီးအစည်းအဝေးပြုလုပ်ခဲ့ရာ 'ကင်မ်ဂျုံအန်း'ကို နျူကလီးယားလက်နက်ချအောင် မဖြောင်းဖျနိုင်ခဲ့ဘဲ မြောက်ကိုရီးယားက ၂၀၁၇ နောက်ပိုင်း နျူကလီးယားစမ်းသပ်မှုများ ပြန်လည်ပြုလုပ်ဖို့ ပြင်ဆင်လာဟန်ရှိကြောင်း စောင့်ကြည့်သူများက သုံးသပ်ထားပါတယ်။

မြောက်ကိုရီးယား ပြည်သူ့လွှတ်တော်ပါလီမန်က ၂၀၁၃ ခုနှစ် ဥပဒေအစား နိုင်ငံရဲ့ နျူကလီးယားသတ်မှတ်ချက်ကို ဦးစားပေးဖော်ပြထားတဲ့ ဥပဒေအသစ်ကို ကြာသပတေးနေ့က အတည်ပြုလိုက်ကြောင်း နိုင်ငံပိုင် KCNA သတင်းဌာနက ဖော်ပြခဲ့ပါတယ်။

"နျူကလီးယားလက်နက်မူဝါဒကို ပြဌာန်းလိုက်တာဟာ မြောက်ကိုရီးယားရဲ့ နျူကလီးယားလက်နက်တွေနဲ့ ပတ်သက်ပြီး ညှိနှိုင်းဆွေးနွေးတာမျိုးတွေ မပြုလုပ်နိုင်အောင် စည်းတားလိုက်တဲ့သဘောဖြစ်ပါတယ်၊ ဒီလိုလုပ်လို့ ဒီတိုင်းပြည်ကို နှစ် ၁၀၀ လောက်ဒဏ်ခတ်ပိတ်ဆို့ထားရင်တောင် လက်နက်တွေဖျက်သိမ်းမှာမဟုတ်ပါဘူး" လို့ 'ကင်မ်ဂျုံအန်း'ကဆိုပါတယ်။

မြောက်ကိုရီးယားခေါင်းဆောင် ဒါမှမဟုတ် တိုင်းပြည်နဲ့လူမျိုး အခြိမ်းခြောက်ခံလာရတဲ့အခြေအနေနဲ့ စစ်ပွဲဖြစ်လာခဲ့ရင် အသာရအောင် ပြုလုပ်မယ့်အခြေအနေတွေမှာ နျူကလီးယားလက်နက် အသုံးပြုလာဖွယ်ရှိနေပါတယ်။

အိမ်ဖြူတော်သတင်းထောက်'ကာရင်ဂျင်ပီယာရီ'က "ကင်မ်ဂျုံအန်းနဲ့ မြောက်ကိုရီးယားအရာရှိတွေကို ပြောပြချင်တာက ကျွန်မတို့က သံတမန်ရေးအရ ဆက်လက်ဆွေးနွေးဖို့ပဲ အလိုရှိပါတယ်၊ ဒါပေမဲ့ သူတို့က ဘာမှမတုံ့ပြန်လာပါဘူး" လို့ ပြောကြားခဲ့ပါတယ်။

"မြောက်ကိုရီးယားက ခြိမ်းခြောက်လာတဲ့ပြဿနာတွေကို ဖြေရှင်းဖို မဟာမိတ်တွေနဲ့ ဆက်လက်ပူးပေါင်းဆောင်ရွက်သွားမှာပါ"

မြောက်ကိုရီးယားလွှတ်တော်အစည်းအဝေးမှ လက်ထောက်တစ်ဦးက ဒီဥပဒေဟာ မြောက်ကိုရီးယားကို နျူကလီးယားလက်နက်ပိုင်တိုင်းပြည်အဖြစ် ခိုင်ခိုင်မာမာ ရပ်တည်စေနိုင်မှာဖြစ်ပြီး နျူကလီးယားပေါ်လစီနဲ့ပတ်သက်ပြီးတော့ ပွင့်လင်းမြင်သာမှု၊ တိကျပြတ်သားမှုရှိအောင် လုပ်ဆောင်သွားမယ်လို့ ပြောကြားခဲ့ပါတယ်။

နျူကလီးယားလက်နက်အသုံးပြုသင့်တဲ့ အခြေအနေတွေက အလွန်ရှားပါးပြီးတော့ မြောက်ကိုရီးယားအနေနဲ့ ဒီအခြေအနေတွေကို ဘယ်လောက်အထိ ကန့်သတ်တိုင်းတာမှာလဲဆိုတဲ့အကြောင်း ပစိဖိတ်ဖိုရမ်မှ ဒေသတွင်းညွှန်ကြားရေးမှူး'ရော့ဘ်ယော့ခ်'က မေးခွန်းထုတ်ထားပါတယ်။

Source: Reuters
#Yangon_Media_Group

#Health_Matters
Published - 10 Sep 2022

- ခရုအဖျားက ကြောက်စရာကောင်းပါသလား??

#Yangon_Media_Group

#DailyNews
Published _ 10 September 2022

၁။ ကန်ပိုက်တီနှင့် လွယ်ဂျယ် နယ်စပ်ကုန်သွယ်ရေးစခန်းများမှ တရုတ်နိုင်ငံသို့ တင်ပို့ကုန် ယွမ်ငွေပမာဏ ၅ သိန်း ၁ သောင်းကျော်ရှိနေ

၂။ ရွှေဒင်္ဂါးပြားထုတ်ရောင်းမှုကြောင့် ရွှေဈေးကွက်အရောင်းအဝယ်အေးနေ

၃။ လေဖိအားနည်းရပ်ဝန်းနှင့်လေပွေလှိုင်းများကြောင့် မိုးဆက်ရွာဦးမည်

၄။ ဂျာကာတာမီးရထားဘူတာရုံ ဇွန်ဘီအခင်းအကျင်းဖြင့် ပြင်ဆင်ကာ ခရီးသည်များကို ဖျော်ဖြေမှုရသအသစ်ပေးနေ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Health_Matters
Published - 10 Sep 2022

-ခရုအဖျားဆိုတာ ဘာလဲ???

#Yangon_Media_Group

#Local_News
Published _ 10 September 2022

လာမည့် သီတင်းကျွတ်မီးထွန်းပွဲတော်အတွက် မြန်မာ့ရိုးရာလက်မှုပညာတစ်ခုဖြစ်သည့် လက်လုပ်မီးပုံးများကို မန္တလေးဈေးကွက်တွင် စတင်ရောင်းချနေပြီး ယခင်နှစ်များထက် ဈေးအနည်းငယ်မြင့်တက်လာမှုရှိနိုင်ကြောင်း နှစ်စဉ်ရောင်းချနေသူအချို့မှ သုံးသပ်ထားသည်။

သီတင်းကျွတ်လပြည့်နေ့ကို အဓိကထားရောင်းချခြင်းဖြစ်ကာ ဘိုးစဉ်ဘောင်ဆက် မိရိုးဖလာ အလေ့အထတစ်ခုဖြစ်သောကြောင့် ပွဲတော်နေ့တွင် ဝယ်ယူမည့်သူများအဆင်ပြေစေရန် အတတ်နိုင်ဆုံးဈေးသက်သာစွာဖြင့် ရောင်းချပေးမည်ဟု မန္တလေးဈေးကွက်ရှိ မီးပုံးပြုလုပ်ရောင်းချသူတစ်ဦးက ဆိုသည်။

"ကြာဖူးပုံတွေနဲ့ ကလေးတွေကြိုက်တတ်တဲ့ လေယာဉ်ပျံပုံတွေ၊ ကားပုံတွေ၊ တိရစ္ဆာန်ပုံလေးတွေနဲ့ သင်္ဘောပုံတွေနဲ့ အခြားသောပုံတွေကို ကြိုတင်ပြုလုပ်ထားပါတယ်။ အဓိကကတော့ လပြည့်နေ့ကို ရည်ရွယ်ပေမယ့် အခုထဲက လာမှာကြတာတွေလည်းရှိပါတယ်။ တစ်နှစ်တခါ ဈေးကွက်ကတော့ပုံမှန်ပါပဲ၊ အခုက ကုန်ကြမ်းဈေးတက်တော့ ပစ္စည်းဈေးပါ အနည်းငယ်လိုက်တတ်တဲ့သဘောမျိုးပါ" ဟု ၎င်းက ပြောသည်။

အရုပ်အမျိုးအစား ၁၂မျိုးလောက် ရှိပြီး တရုတ်နိုင်ငံမှတင်သွင်းသည့် မှန်ရောင်စက္ကူ၊ ဆီစိမ်စက္ကူများဖြင့် ပြုလုပ်ကာ အရွယ်အစားဒီဇိုင်းတွေပေါ်မူတည်၍ အနည်းဆုံး ငွေကျပ် ၅၀၀မှ အများဆုံး ငွေကျပ် သောင်းဂဏန်းအထိရှိသည်။

သီတင်းကျွတ်မီးထွန်းပွဲတော်ရာသီ ထုတ်ကုန်များကို မြန်မာနိုင်ငံ အနှံအပြားသို့ တင်ပို့ရောင်းချနေလျှက်ရှိပြီး မှန်ရောင်စက္ကူ၊ ဆီစိမ်စက္ကူများအသုံးပြုကာ တင်းဝါးများဖြင့် ပုံစံမျိုးစုံ ပုံဖော်ပြုလုပ်သည့် မြန်မာ့လက်မှုပညာဖြစ်ပြီး သီတင်းကျွတ်လ၏ မြန်မာ့ဓလေ့တစ်ခုလည်း ဖြစ်ကြောင်း သိရသည်။

#ymg/NN
#Yangon_Media_Group

#Local_News
Published - 10 September 2022

၂၀၂၂ခုနှစ် တက္ကသိုလ်ဝင်တန်းအောင်မြင်ပြီး ဆေးတက္ကသိုလ်များနှင့်သွားဘက်ဆိုင်ရာ ဆေးတက္ကသိုလ်များသို့ ဝင်ခွင့်လျှောက်ထားသူများအနက် ဝင်ခွင့်လူတွေ့နှုတ်မေးစာမေးပွဲသို့ ဝင်ရောက်ဖြေဆိုခွင့်ရရှိသူများစာရင်းကို ကျန်းမာရေးဝန်ကြီးဌာနကစက်တင် ဘာလ(၉)ရက်က ထုတ်ပြန်ကြေညာထားကြောင်း သိရသည်၊၊

အဆိုပါ ထုတ်ပြန်ကြေညာထားသည့် စာရင်းများအရဆေးတက္ကသိုလ်များနှင့်သွားဘက်ဆိုင်ရာဆေးတက္ကသိုလ်များတွင် ဝင်ခွင့်လူတွေ့နှုတ်မေးစာမေးပွဲသို့ ဝင်ရောက်ဖြေဆိုခွင့်ရရှိသူ ကျောင်းသား၊ ကျောင်းသူစုစုပေါင်း(၁၃၃၅)ဦးရှိကြောင်း သိရသည်၊၊

လူတွေ့နှုတ်ဖြေစာမေးပွဲများကို စက်တင်ဘာလ(၁၂) ရက်မှ(၂၂)ရက်အထိ နေပြည်တော်သားဖွားသင်တန်းကျောင်းတွင် ကျင်းပသွားမည်ဖြစ်ပြီး ခုံအမှတ်များအလိုက် တစ်ရက်ကိုလူဦးရေ(၁၅၀)ဦးခန့် ဖြေဆိုကြရမည်ဖြစ်ကြောင်း ဖော်ပြပါရှိသည်၊၊

ဆေးဘက်ဆိုင်ရာတက္ကသိုလ်များသို့ ဝင်ခွင့်ရသူများ၏ အမည်စာရင်းနှင့် ခုံနံပါတ်များကို ကျန်းမာရေးဝန်ကြီးဌာန၏ Facebook page၊Website၊ ကျန်းမာရေးလူ့စွမ်းအားအရင်းအမြစ်ဦးစီးဌာန၏ website၊ ဆေးတက္ကသိုလ်များနှင့် သွားဘက်ဆိုင်ရာဆေးတက္ကသိုလ်များ၊အဆင့်မြင့်ပညာဦးစီးဌာန Website၊ လျှောက်လွှာလက်ခံသော တက္ကသိုလ်(၂၆) ခုတွင် ကြေငြာထားပြီးဖြစ်ပြီး ဝင်ခွင့်လူတွေ့နှုတ်မေး စာမေးပွဲကိုလာရောက်ဖြေဆိုကြရန် ကျန်းမာရေးဝန်ကြီးဌာနက နှိုးဆော်ထားကြောင်း သိရသည်၊၊

#ymg/tthl
#Yangon_Media_Group

#Local_News
Published - 10 September 2022

တရုတ်နိုင်ငံက အာဆီယံအားထောက်ပံ့၍ မြန်မာနိုင်ငံအတွက်ကိုဗစ်ကာကွယ်ဆေးအကြိမ်ရေ(၂)သန်းနှင့် ဆေးထိုးအပ်များ ထပ်မံလှူဒါန်းခဲ့ကြောင်း မြန်မာနိုင်ငံဆိုင်ရာ တရုတ်သံရုံး၏ ထုတ်ပြန်ချက်အရ သိရသည်၊၊

အဆိုပါ လှူဒါန်းသည့် ကိုဗစ်ကာကွယ်ဆေးများကို လက်ခံရယူခြင်းအခမ်းအနားကို စက်တင်ဘာလ ၉ ရက်တွင် ရန်ကုန်အပြည်ပြည်ဆိုင်ရာလေဆိပ်၌ ကျင်းပခဲ့သည်၊၊

တရုတ်နိုင်ငံအနေဖြင့်ယခင်က နှစ်ဦးနှစ်ဖက်လမ်းကြောင်းမှ တစ်ဆင့် ကူညီလှူဒါန်းသည့် Vaccine များ အပါအဝင် မြန်မာနိုင်ငံအတွက် Vaccine အကြိမ်ရေပေါင်း ၅၃ သန်း ထောက်ပံ့ပေးပြီးဖြစ်သည်ဟု
မြန်မာနိုင်ငံဆိုင်ရာ တရုတ်သံရုံးသံမှူးကြီး Mr. Zheng Zhihong က လှူဒါန်းသည့် အခမ်းအနားတွင် ပြောကြားသည်၊၊

မြန်မာနိုင်ငံဆိုင်ရာ တရုတ်သံရုံးသံမှူးကြီး Mr. Zheng Zhihong က "တရုတ်-မြန်မာနှစ်နိုင်ငံသည် တောတောင်ရေမြေချင်းဆက်စပ်လျက်ရှိပြီး ဆွေမျိုးပေါက်ဖော်သံယောဇဉ် သမိုင်းကြောင်းကြာရှည်ပါကြောင်း၊ ယနေ့တွင် တရုတ်နိုင်ငံက အာဆီယံအားထောက်ပံ့၍ မြန်မာနိုင်ငံအတွက်လှူဒါန်းသည့် ကိုဗစ်-၁၉ Vaccine အကြိမ်ရေ (Doses) ၂ သန်းနှင့် တွဲဖက်ဆေးထိုးအပ်များ ရန်ကုန်မြို့သို့ ပို့ဆောင်ရောက်ရှိခဲ့ကြောင်း၊ ယခင်က နှစ်ဦးနှစ်ဖက်လမ်းကြောင်းမှတစ်ဆင့် ကူညီလှူဒါန်းသည့် Vaccine များအပါအဝင် တရုတ်နိုင်ငံသည် မြန်မာနိုင်ငံအတွက် Vaccine အကြိမ်ရေပေါင်း ၅၃ သန်း ထောက်ပံ့ပေးပြီးဖြစ်ကာ မြန်မာပြည်သူများကျန်းမာရေးအတွက် ခိုင်ခံ့သည့်အာမခံပေးလိုက်ပြီး တရုတ်-မြန်မာအေးအတူ ပူအမျှအသိုက်အဝန်းစိတ်ဓာတ်ကို ထင်ဟပ်စေကြောင်း၊ တရုတ်နိုင်ငံသည် မြန်မာနိုင်ငံအပါအဝင် အာဆီယံနိုင်ငံများနှင့်အတူ စည်းလုံးစွာ ကပ်ရောဂါတိုက်ဖျက်ရေးအား စွဲမြဲစွာဖော်ဆောင်ပြီး “China-ASEAN Health Shield” ကိုလက်တွဲတည်ဆောက်ကာ အာဆီယံနိုင်ငံပြည်သူများ ကျန်းမာရေးနှင့် စီးပွားရေးပြန်လည်ဦးမော့မှုအတွက်အကျိုးထမ်းဆောင်ကာ တစ်ကမ္ဘာလုံး ကပ်ရောဂါတိုက်ဖျက်ရေး ပူးပေါင်းဆောင်ရွက်မှုစံနမူနာဖြစ်လာကြောင်း" ပြောကြားခဲ့သည်။

မြန်မာနိုင်ငံ ရန်ကုန်တိုင်းဒေသကြီး ကျန်းမာရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာထွန်းမင်းက "ကပ်ရောဂါဖြစ်ပွားပြီးနောက် တရုတ်နိုင်ငံက မြန်မာနိုင်ငံသို့ ကိုဗစ်-၁၉ စစ်ဆေးရေးပစ္စည်း၊ အကာအကွယ်ဝတ်စုံ၊ Vaccine၊ ဆေးထိုးအပ်နှင့် Mobile Laboratory Vehicles စသည့် ပစ္စည်းအများအပြား ကူညီပေးအပ်ခဲ့ပြီး ဆေးကုသရေးပညာရှင်အဖွဲ့ကို မြန်မာနိုင်ငံတွင်လာရောက်ကူညီရန် စေလွှတ်ခဲ့ကာ တရုတ်-မြန်မာနှစ်နိုင်ငံက လူမှုစီးပွားကဏ္ဍတွင် ရင်းနှီးစွာပူးပေါင်းဆောင်ရွက်သော ဆက်ဆံရေးကို ထင်ဟပ်နေကြောင်း၊ သြဂုတ်လ ၂၉ ရက်နေ့အထိ မိမိတို့သည် ၁၈ နှစ်အထက်လူဦးရေပေါင်း သန်း ၃၀ အတွက် Vaccine ထိုးနှံပေးပြီးဖြစ်ကာ ထိုးနှံမှုနှုန်းသည် ၉၆% ရှိကြောင်း "ပြောကြားခဲ့သည်။

ထို့နောက် သံမှူးကြီး Mr. Zheng Zhihong၊ ဒုတိယညွှန်ကြား ရေးမှူးချုပ် ဒေါက်တာထွန်းမင်းတို့က Vaccine လှူဒါန်းသည့်စီမံကိန်း လက်ခံရယူမှု သက်သေခံလက်မှတ်ကို အတူတကွ လက်မှတ်ရေးထိုးခဲ့ပြီး အာဆီယံကိုယ်စားလှယ်၊ မြန်မာနိုင်ငံဆိုင်ရာ ကမ္ဘောဒီးယားသံရုံး ဒုတိယတာဝန်ခံ Soth Vanna နှင့် မှတ်တမ်းတင်ဓာတ်ပုံရိုက်ကူးခဲ့ကြောင်း သိရသည်၊၊

#ymg/tthl
#Yangon_Media_Group