#LocalNews
Published_ 11 June 2022

ပြီးခဲ့သည့် မေလအတွင်း ရန်ကုန်မြို့ရှိ ရွှေတိဂုံစေတီတော်မြတ်ကြီးသို့ ပြည်တွင်း၊ ပြည်ပမှ လာရောက်သည့် ဘုရားဖူး ဦးရေ ၁၂ သိန်း ၈ သောင်းကျော်ရှိကြောင်း ရန်ကုန်မြို့တော်စည်ပင်သာယာရေး ကော်မတီမှ သိရသည်။

လာရောက်ဖူးမြော်သူများထဲတွင် သံဃာတော် ၁၁၀ဝ၀ ခန့်နှင့် သီလရှင် ၆၀ဝ၀ ကျော် ပါဝင်သည့်အပြင် နိုင်ငံခြားသား ၁၀ဝ၀ ခန့် လာရောက်ဖူးမြော်ခဲ့ပြီး ပြီးခဲ့တဲ့ ကဆုန်လပြည့်နေ့ တစ်ရက်တည်းတွင် ရွှေတိဂုံစေတီတော်မြတ်ကြီးသို့ ဘုရား ဖူးလာရောက်သူဦးရေ သုံးသိန်းကျော်ရှိကြောင်း သိရသည်။

ယင်းအပြင် လာမည့် နယုန်လပြည့်နေ့တွင်လည်း ရွှေတိဂုံစေတီတော်မြတ်ကြီး၌ မဟာသမယနေ့ အခမ်းအနားကျင်းပမည်ဖြစ်ပြီး ဘုရားဖူးလာသူ အများအပြား ရှိနိုင်ကြောင်း သိရသည်၊၊

ဘုရားဖူးလာသူများ ဘေးအန္တရာယ်ကင်းရှင်းပြီး စိတ်အေးချမ်းသာစွာ ဘုရားဖူးနိုင်စေရန်အတွက် လုံခြုံရေးလုပ်ငန်းများကိုလည်း စနစ်တကျ စီစဉ်ဆောင်ရွက် လျက်ရှိကြောင်း အဆိုပါကော်မတီမှ ထုတ်ပြန်ထားသည်။

ပြည်တွင်း၌ ကိုဗစ်- ၁၉ ရောဂါကူးစက်ပြန့်ပွားမှုများ လျော့ကျလာသောကြောင့် ရွှေတိဂုံစေတီတော်မြတ်ကြီး ပြန်လည်ဖွင့်လှစ်သည့် နောက်ပိုင်းတွင် လာရောက်ဖူးမြော်သူဦးရေများပြားလာကြောင်း သိရသည်။

ရွှေတိဂုံစေတီတော်သို့ ပြည်တွင်းပြည်ပမှ ဘုရားဖူးလာရောက်သူများ များပြားလာသည့်အတွက် ဘုရားဖူးချိန်ကို နေ့စဉ် နံနက် ၅ နာရီမှ ည ၈ နာရီ အထိ သတ်မှတ်ကာ ဖွင့်လှစ်ပေးထားကြောင်း သိရသည်။

ymg/NN
#Yangon_Media_Group

#LocalNews
Published _ 11 June 2022

ကုန်သေတ္တာသင်္ဘောလိုင်း အသီးသီး၏ ခရီးစဉ်များ တိုးချဲ့ပြေးဆွဲရန် စီစဉ်ထားလျှက်ရှိပြီး ဇွန်လအတွင်း ကုန်သေတ္တာတင် သင်္ဘော ၅၃ စီး ပြေးဆွဲသွားမည် ဖြစ်ကြောင်း မြန်မာ့ဆိပ်ကမ်းအာဏာပိုင်မှ သိရသည်။

ဇွန်လတွင် သင်္ဘောလိုင်း ၁၅ လိုင်းမှ သင်္ဘောများ ဝင်ရောက်ဆိုက်ကပ်မည်ဖြစ်ပြီး SEALAND MAERSK ASIA လိုင်းမှ ၁၂ စီး၊ SITC LINE မှ ငါးစီး၊ I.A.I LINE မှ လေးစီး၊ SAMUDERA LINE မှ လေးစီး၊ C.S.L လိုင်းမှ သုံးစီး၊ EVER GREEN လိုင်းမှ သုံးစီး၊ GOLD STAR LINE မှ သုံးစီး၊ LAND & SEA လိုင်းမှသုံးစီး၊ M.F.S.L လိုင်းမှ သုံးစီး၊ NEW GOLDEN SEA(COSCO) လိုင်းမှ သုံးစီး P.I.L လိုင်းမှ သုံးစီး၊ R.C.L LINE မှသုံးစီး၊ X-PRESS FEEDERS LINE မှနှစ်စီး၊ BAY LINE မှ တစ်စီး၊ BLPL SHPPING လိုင်း မှ တစ်စီး စုစုပေါင်း ၅၃ စီး ဝင်ရောက်ဆိုက်ကပ်မည်ဖြစ်ကြောင်း သိရသည်။

မြန်မာ့ဆိပ်ကမ်းအာဏာပိုင်၏ ကြီးကြပ်စီမံပံ့ပိုးမှုဖြင့် ကုန်သေတ္တာဆိပ်ကမ်း တံတားများ၊ သင်္ဘောလိုင်းများနှင့် သွင်းကုန်၊ ပို့ကုန်လုပ်ငန်းရှင်များ၏ ပူးပေါင်းဆောင်ရွက်မှုများကြောင့် ကုန်သေတ္တာသင်္ဘောများကို Turnaround Time ပျမ်းမျှသုံးရက်ခန့်ဖြင့် ဝန်ဆောင်မှုများ ပေးနိုင်ခဲ့သောကြောင့် သင်္ဘောဝင်ရောက်မှုနှင့် ကုန်ကိုင်တွယ်မှုများ မြင့်တက်လာခဲ့ကြောင်းလည်း သိရသည်၊၊

ymg/NN
#Yangon_Media_Group

#WorldHealth
Published 11 June 2022

ဖန်သားပြင်ကြည့်ရှုချိန် များပြားလွန်းခြင်းက မျက်လုံးတွေပျက်စီးစေတဲ့အပြင် ခန္ဓာကိုယ်ကအခြားအင်္ဂါများကိုပါ ထိခိုက်စေနိုင်ပြီး လူ့ဘဝသက်တမ်းကိုပါ တိုစေနိုင်ကြောင်း ကျွမ်းကျင်ပညာရှင်များက သတိပေးလိုက်ပါတယ်။

ဘက်ခ်တက္ကသိုလ်မှ သုတေသီများက အသက်အရွယ်ဆိုင်ရာရောဂါများအကြောင်း လေ့လာမှုပြုလုပ်ရာမှာ မျက်လုံးကိုအလင်းရောင်တာရှည်စွာ ထိတွေ့ခြင်းက ခန္ဓာကိုယ်ရဲ့ဇီဝလည်ပတ်မှုပုံစံကို ထိခိုက်စေပြီး နာတာရှည်ရောဂါဖြစ်ပွားခြင်းနဲ့ ပိုမိုဆိုးရွားခြင်းတို့ဖြစ်ပေါ်စေနိုင်ပါတယ်။

မျက်လုံးက ပြင်ပအရာတွေနဲ့ အဆက်မပြတ်ထိတွေ့နေရတာကြောင့် သူတို့ရဲ့ခုခံအားစနစ်က ပိုမိုအလုပ်လုပ်ရပါတယ်။

အလွန်အကျွံခုခံမှုများဖြစ်ပေါ်ပါက ကိုယ်တွင်းလုပ်ငန်းစဉ်များ အနှောင့်အယှက်ဖြစ်နိုင်ပြီး အခြားအင်္ဂါများကိုပါ ထိခိုက်စေပါတယ်။

ဒီဂျစ်တယ်ခေတ်ရောက်လာတဲ့အချိန်မှာ လူသားအများအပြားဟာ ဖန်သားပြင်ကြည့်ရှုချိန်များပြားလာတာကြောင့် သုတေသီများက အလင်းရောင်ကိုနေ့စဉ်အလွန်အကျွံ ထိတွေ့ခြင်းက ရေရှည်ဆိုးကျိုးတွေ ဖြစ်လာနိုင်တယ်လို့ သတိပေးနေကြပါတယ်။

ကွန်ပျူတာနဲ့ ဖုန်းဖန်သားပြင်တို့ကို အချိန်ကြာမြင့်စွာကြည့်ရှုပြီး ညအထိမျက်စိကိုအလင်းရောင်ထိတွေ့နေပါက ကိုယ်တွင်းဇီဝလည်ပတ်ပုံကိုအနှောင့်အယှက်ဖြစ်စေနိုင်တယ်လို့ အာဟာရပိုင်းဆိုင်ရာ ကျွမ်းကျင်ပညာရှင်နှင့် ပရော်ဖက်ဆာဖြစ်သူဒေါက်တာ'ပန်ကာကာပါဟီ'က ထုတ်ပြန်ကြေညာလိုက်ပါတယ်။

ဖန်သားပြင်ကို အလွန်အကျွံကြည့်ရှုခြင်းက မျက်လုံးကာကွယ်မှုကိုအနှောင့်အယှက်ဖြစ်စေကာ အမြင်အာရုံထိခိုက်စေတဲ့အပြင် ခန္ဓာကိုယ်အခြားနေရာများနဲ့ဦးနှောက်ကိုပါ ထိခိုက်စေပါတယ်။

အရင်ကသုတေသန ပြုလုပ်ရာမှာလည်း ကျန်းမာရေးဆိုးရွားမှုနဲ့ မျက်လုံးထိခိုက်ခြင်းတိုကြား ဆက်စပ်နေတာကို တွေ့ရှိခဲ့ကြပါတယ်။

ဥပမာအားဖြင့် ကမ္ဘာတဝှမ်းမှာ ဆီးချိုမျက်ကြည်လွှာရောဂါကြောင့် မျက်စိကွယ်သူ ၃.၉ သန်းရှိတယ်လို WHO က ဖော်ပြထားပါတယ်။

ဆီးချိုဖြစ်ခြင်းရဲ့အကျိုးဆက်အနေနဲ့ သွေးတွင်းသကြားဓာတ်မြင့်တက်လာကာ မျက်လုံးအစိတ်အပိုင်းတွေကို ထိခိုက်လာပြီး မျက်စိကွယ်ခြင်းအထိ ဖြစ်လာနိုင်ပါတယ်။

ခန္ဓာကိုယ်ထဲကဆဲလ်တိုင်းက ၂၄ နာရီအတွင်း ဇီဝလည်ပတ်ပုံအတိုင်းလုပ်ဆောင်နေပြီး နေ့စဉ်နေ့ညလည်ပတ်မှု အပြောင်းအလဲကိုလိုက်ပြီး ထိန်းညှိပေးနိုင်ပါတယ်။

ဆဲလ်တိုင်းက တစ်နည်းမဟုတ်တစ်နည်း ဒီပုံစုံအတိုင်းလည်ပတ်မှုအတိုင်းလုပ်ဆောင်နေတာကြောင့် ခန္ဓာကိုယ်အစိတ်အပိုင်း အားလုံးနီးပါးရဲ့ဆောင်ရွက်ချက်ကို ထိခိုက်စေပါတယ်။

မျက်လုံးကိုအလင်းဝင်တဲ့အခါ ရောင်ရမ်းခြင်းပုံမှန်ဖြစ်ပေါ်ပေမယ့် အချိန်ကြာမြင့်စွာရောင်ရမ်းမယ်ဆိုရင်တော့ နာတာရှည်ရောဂါတွေဖြစ်လာနိုင်ပါတယ်။

ဒီလိုတွေ့ရှိချက်တွေဟာ ကိုဗစ်ကပ်ရောဂါကာလအတွင်း ပိုမိုစိုးရိမ်စရာဖြစ်လာပါတယ်။

၂၀၂၀ အစောပိုင်းကစတင်ကာ ကပ်ရောဂါကာလမှာ အိမ်တွင်းမှာပဲပိုမိုနေထိုင်လာရတာကြောင့် အထူးသဖြင့်ဆယ်ကျော်သက်အရွယ်တွေမှာ ဖန်သားပြင်ကြည့်ရှုချိန် အရင်ကထက် ၂ ဆပိုများလာပါတယ်။

Source: DailyMail
#Yangon_Media_Group

#LocalNews
Published _ 11 June 2022

ယမန်နေ့ဇွန်လ ၁၀ရက်တွင် ကန်ပိုက်တီကုန်သွယ်ရေးစခန်း၊ တရုတ်ပြည်သူ့သမ္မတနိုင်ငံမှ ကချင်ပြည်နယ်အစိုးရသို့ လှူဒါန်းသည့် အောက်ဆီဂျင်(အိုးခွံ) ၁၀၀၀၊ Mask ၀ ဒသမ ၅ တန်ကို စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနမှ ယာဉ်စီးရေခြောက်စီးဖြင့် တင်သွင်းခဲ့ကြောင်း သိရသည်။

ကိုဗစ်-၁၉ ရောဂါ ကာကွယ်၊ ထိန်းချုပ်၊ ကုသရေးဆိုင်ရာပစ္စည်းများ ပြည်ပမှအဆင်ပြေချောမွေ့စွာ တင်သွင်းနိုင်ရေးကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက ဆောင်ရွက်ပေးနေကြောင်း သိရသည်။

ယင်းအပြင်သက်ဆိုင်ရာဌာနများ နှင့်ညှိနှိုင်းထားသည့် SOP များနှင့်အညီ ဦးစားပေးတင်သွင်းခွင့်ပြုပေးလျက်ရှိပြီး စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနအနေဖြင့် ကိုဗစ်- ၁၉ ရောဂါကာကွယ်၊ ထိန်းချုပ်၊ ကုသရေးဆိုင်ရာ ပစ္စည်းများကို လေကြောင်း၊ ပင်လယ်ရေကြောင်းနှင့် နယ်စပ်ကုန်သွယ်ရေးစခန်းများမှ နှောင့်နှေးကြန့်ကြာမှုမရှိ တင်သွင်းနိုင်ရေးအတွက် အချိန်နှင့်တစ်ပြေးညီ စီစဉ်ဆောင်ရွက်ပေးလျက်ရှိသည်။

ယင်းအပြင်ဆေးဝါးနှင့် ဆက်စပ်ပစ္စည်းများတင်သွင်းခြင်းနှင့်ဆက်စပ်သည့် အသိပေးကြေညာချက်များကိုလည်း အများပြည်သူသိရှိစေရန် ဝန်ကြီးဌာန Website ဖြစ်သည့် commerce.gov.mm တွင် ဝင်ရောက်ကြည့်ရှုနိုင်ကြောင်းလည်း သိရသည်။

ymg/NN
#Yangon_Media_Group

#WorldScience
Published 11 June 2022

အင်္ဂလန်နိုင်ငံဝိုက်ကျွန်းက ကျောက်ဆောင်ပင်လယ်ကမ်းစပ်မှာ အသားစားဒိုင်နိုဆောတစ်ကောင်ရဲ့ကျောက်ဖြစ်ရုပ်ကြွင်းများကိုတွေ့ရှိခဲ့ရာ ဥရောပကသိရှိခဲ့ဖူးသမျှ သတ္တဝါတွေအားလုံးထက် ပိုကြီးမားနိုင်တယ်လို့ ယူဆရပါတယ်။

ဒီသားရဲ ဒိုင်နိုဆောကြီးဟာ မှတ်တမ်းတင်ခဲ့ဖူးတဲ့ အကြီးမားဆုံးအသားစားဒိုင်နိုဆော မျိုးစိတ်တွေရဲ့ မျိုးနွယ်ဆက်စပ်နေပါတယ်။

ဦးခေါင်းခွံနဲ့ သွားတွေမပါဘဲ ကျောရိုး၊ တင်ပါးရိုး၊ အမြီးရိုးတို့ပါဝင်တဲ့ ဒိုင်နိုဆောအရိုးငြမ်းအစိတ်အပိုင်းများကို တွေ့ရှိခဲ့ရာ လွန်ခဲ့တဲ့နှစ်သန်းပေါင်း ၁၂၅ သန်းလောက်က နေထိုင်ခဲ့ကြတာဖြစ်ကြောင်း ကျောက်ဖြစ်ရုပ်ကြွင်းပညာရှင်များက ကြာသပတေးနေ့မှာ ပြောကြားခဲ့ပါတယ်။

တွေ့ရှိထားတဲ့အပိုင်းအစများ အတိုင်းခန့်မှန်းတွက်ချက်ကြည့်ရာ ဒိုင်နိုဆောက ၃၃ ပေထက်ပိုရှည် နေနိုင်ပါတယ်။

"ဒီအစိတ်အပိုင်းတွေအရ အရွယ်အစားကအံ့အားသင့်စရာပါပဲ၊ ဥရောပမှာကျင်လည်ခဲ့ဖူးတဲ့ အကြီးဆုံး ကုန်းနေသားရဲကြီးဖြစ်နိုင်ပါတယ်" လို့ ဆောက်သမ်တန်တက္ကသိုလ် ကျောက်ဖြစ်ရုပ်ကြွင်းဗေဒ ပါရဂူဘွဲရ'ခရစ္စဘာ့ကာ'က ဆိုပါတယ်။

အမြီးရိုးထိပ်ပိုင်းက မြောင်းပေါက်ငယ်တလျှောက်ပေါ်မူတည်ပြီးတော့ လွန်ခဲ့တဲ့နှစ်သန်းပေါင်း ၉၅ သန်းလောက်ကနေထိုင်တဲ့ စပိုင်နိုဆောရပ်စ်မျိုးနွယ်ဝင်ဖြစ်ပြီး ပေ ၅၀ အထိရှည်လျားနိုင်ပါတယ်။

စပိုင်နိုဆောတွေက မိချောင်းခေါင်းလိုမျိုး ရှည်လျားတဲ့ဦးခေါင်းခွံနဲ့ ကတော့ပုံစံသွားချွန်များပါရှိကာ သားကောင်များ ချော်ထွက်မသွားအောင် ဖမ်းကိုက်ထားနိုင်ပြီး သန်မာတဲ့လက်များနဲ့ လက်သည်းများပါရှိကာ ရေနေသတ္တဝါများအပြင် အခြားဒိုင်နိုဆောတွေကိုပါ စားသောက်လေ့ရှိပါတယ်။

တွေ့ရှိထားတဲ့ရုပ်ကြွင်းတွေက မပြည့်စုံတာကြောင့် သုတေသီတွေက ဒီဒိုင်နိုဆောကို သိပ္ပံနာမည်ပေးလိုမရသေးဘဲ အရိုးတွေတွေ့ရှိခဲ့တဲ့ မြေအလွှာပေါ်မူတည်ပြီး ကျောက်ဖြူစပိုင်နိုဆောရစ်လို့ ခေါ်ကြပါတယ်။

ဥရောပမှာတွေ့ရှိဖူးတဲ့ အကြီးဆုံးအမျိုးအစားကတော့ ၃၃ ပေရှည်လျားတဲ့ တော်ဗိုဆောရပ်စ်ဖြစ်ပါတယ်။

"ဒီတစ်ကောင်က အတော်ကိုကြီးတာပါ၊ နောက်ထပ်ရုပ်ကြွင်းတွေထွက်ပေါ်လာဖို့မျှော်လင့်ပါတယ်၊ ဦးခေါင်းခွံတို့ သွားတို့ဆိုရင်တော့ အကြိုက်ဆုံးပဲ"လို့ ဆောက်သမ်တန်တက္ကသိုလ်မှ ရုပ်ကြွင်းဇီဝပညာရှင်'နေးလ်ဂေါ့စ်လင်း'က ပြောပြသွားပါတယ်။

ဒီရုပ်ကြွင်းများကို ဝိုက်ကျွန်းအနောက်တောင်ဘက်ကမ်းရိုးတန်းရှိ ကမ့်တန်ပင်လယ်အော်တလျှောက်မျက်နှာပြင်မှာ တွေ့ရှိခဲ့တာဖြစ်ပါတယ်။

အပင်စားဒိုင်နိုဆောအမျိုးမျိုးနဲ့ ပျံသန်းနိုင်တဲ့တွားသွားသတ္တဝါများနေထိုင်ရာ ရေကန်ပတ်ဝန်းကျင်မှာ အဆိုပါအသားစားဒိုင်နိုဆော နေထိုင်ခဲ့တာဖြစ်ပါတယ်။

ထိုအချိန်တုန်းက ပင်လယ်ရေမျက်နှာပြင်က အခုအချိန်ထက် များစွာမြင့်တက်နေပြီး ဥရောပနေရာအတော်များများက ရေအောက်မြုပ်နေခဲ့ပါတယ်။

ဝိုက်ကျွန်းဟာ ဒိုင်နိုဆောရုပ်ကြွင်းအများအပြားတွေ့ရှိရာနေရာဖြစ်ပြီး ပြီးခဲ့တဲ့နှစ်ကလည်း ပေ ၃၀ ရှည်လျားတဲ့ စပိုင်နိုဆော ၂ ကောင်ရဲ့ရုပ်ကြွင်းတွေတွေ့ရှိခဲ့ပါတယ်။

Source: Reuters
#Yangon_Media_Group

#WorldHealth
Published 10 June 2022

ပါကစ္စတန်နဲ့အိန္ဒိယတိုဟာ စစ်ပွဲကြီး ၃ ကြိမ်နဲ့ တိုက်ပွဲငယ်ပေါင်းများစွာ ဆင်နွှဲလာကြပေမယ့် ရာသီဥတုပြောင်းလဲဖောက်ပြန်လာခြင်းနဲ့အတူ နွေရာသီပူပြင်းလာတဲ့အချိန်မှာ လျှို့ဝှက်နည်းနဲ့ဖော်စပ်ထားတဲ့ နှစ်ပေါင်း ၁၁၅ နှစ်သက်တမ်းရှိ ပန်းရောင်အချိုရည်ကြောင့် နှစ်နိုင်ငံကပြည်သူတွေပေါင်းစပ်နိုင်ကြပါပြီ။

#Yangon_Media_Group

Published 10 June 2022

တရုတ်နိုင်ငံတောင်ပိုင်း ကွမ်းရှီးကျွမ်း ကိုယ်ပိုင်အုပ်ချုပ်ခွင့်ရဒေသမှာရှိတဲ့ ရွာတော်တော်များများမှာ မြေပြိုမှုကြောင့် လူ(၇)ဦး သေဆုံးပြီး တစ်ဦးပျောက်ဆုံးနေပါတယ်။

အဆက်မပြတ် သည်းထန်စွာရွာခဲ့တဲ့မိုးကြောင့် ပေးလျိုးမြို့ကြီး၊ရှီးဖင်းမြို့က ရွာတော်တာ်များများကို မြေပြိုခြင်း၊ရွှံ့နွံတွေစီးဆင်းခြင်းနှင့် လမ်းတွေပြိုကျပျက်စီးခြင်းတွေ ဖြစ်စေခဲ့ပါတယ်။ သစ်ပင်တွေကို အမြစ်ကနေနှုတ်ပြီး အိမ်တွေပေါ်လဲကျတဲ့အတွက် ကယ်ဆယ်ရေးလုပ်ငန်းတွေလုပ်ကိုင်ဖို့ ခက်ခဲစေခဲ့ပါတယ်။

ပျောက်ဆုံးနေတဲ့သူကိုရှာဖွေဖို့နှင့် အပျက်အစီးတွေရှင်းလင်းဖို့အတွက် ဒေသမီးသတ်သမားတွေနှင့် အရေးပေါ်ဌာနဝန်ထမ်းတွေဟာ အစွမ်းကုန်ကြိုးစားနေကြပါတယ်။

သဘာဝဘေးကြောင့် လျှပ်စစ်ကြိုးတွေပါပျက်စီးသွားတဲ့အတွက် ရွာပေါင်း(၆)ရွာက အိမ်ထောင်စုပေါင်း ၆၅၀၀ လျှပ်စစ်မီးပြတ်တောက်သွားခဲ့ပါတယ်။

ပေးလျှိုးမြို့လျှပ်စစ်ဌာနက မီးပြန်ရဖို့ အရေးပေါ်ကြိုးစားဆောင်ရွက်ခဲ့ရာမှာ  အိမ်ထောင်စု ၂၀၀၀ခန့်မီးပြန်ရပေမယ့် ပျက်စီးနေတဲ့လမ်းအချို့ကို သွားလို့မရဖြစ်နေတုန်းပဲလို့သိရပါတယ်။

Source CMG

#LocalNews
Published _ 10 June 2022

နေပြည်တော်ရှိ မြို့နယ်အချို့က အိမ်ခြံမြေဈေးကွက်မှာ ငွေလဲဈေးနှုန်းများနှင့် အကြပ်အတည်းများကြောင့် ဈေးကွက်ထဲ အရောင်းအေးနေတယ်လို့ နေပြည်တော်ရှိ အိမ်ခြံမြေအကျိုးဆောင် လုပ်ငန်းအချို့ကပြောပါတယ်။

#Yangon_Media_Group

#LocalNews
Published_10 June 2022

မလေးရှားနိုင်ငံတွင် ပြစ်ဒဏ်ကျခံပြီး လွတ်ရက်စေ့သော်လည်း ပြန်၍မရနိုင်သေးသည့် မြန်မာနိုင်ငံသားများအနက်၂၁၅ ဦးကို ဇွန်လ ၉ ရက်တွင် နေရပ်သို့ ပြန်လည်ပို့ဆောင်ပေးခဲ့ကြောင်း မလေးရှားနိုင်ငံဆိုင်ရာ မြန်မာနိုင်ငံသံရုံးက ထုတ်ပြန်လိုက်သည်။

ယင်းတို့ကို ကွာလာလမ်ပူမြို့ရှိ မြန်မာသံရုံးမှ တာဝန်ရှိသူများက မြန်မာ့အပြည်ပြည်ဆိုင်ရာ လေကြောင်းလိုင်း (MAI) ကယ်ဆယ်ရေးလေယာဉ်ဖြင့် ပို့ဆောင်ပေးခဲ့ခြင်းဖြစ်ကြောင်း
အဆိုပါ ထုတ်ပြန်ချက်တွင် ဖော်ပြထားသည်။

ပြီးခဲ့သည့် မေလအတွင်းကလည်း မလေးရှားနိုင်ငံ၌ ပြစ်ဒဏ်ကျခံပြီးသည့် မြန်မာနိုင်ငံသား ၅၅ ဦးအား နေရပ်ပြန်ရန် မြန်မာသံရုံးမှကူညီပေးခဲ့ကြောင်း သိရသည်။

photo-MEKLM
ymg/mt
#Yangon_Media_Group

#LocalNews
Published_10 June 2022

မလေးရှားနိုင်ငံသို့သွားကြမည့် မြန်မာနိုင်ငံသား ၃၉ ဦးကို ထိုင်းနိုင်ငံတောနက်တစ်ခုအတွင်း ဖမ်းမိကြောင်း မြန်မာရွှေ့ပြောင်းအလုပ်သမားများအရေး ဆောင်ရွက်နေသူများထံမှ သိရသည်။

ယင်းတို့အား ထိုင်းနိုင်ငံ ထရိုင်ခရိုင် နခေါင်စီထမ္မရာတ်ပြည်နယ်တွင်း ပုန်းအောင်းနေစဉ် ဒေသခံများကတွေ့ရှိ၍ ရဲစခန်းသို့အကြောင်းကြားခဲ့ရာမှ ဖမ်းဆီးမိခြင်းဖြစ်ကြောင်း၊ မြန်မာနိုင်ငံသား အမျိုးသား ၃၇ ဦး၊ အမျိုးသမီး ၂ ဦးဖြစ်ပြီး မွန်ပြည်နယ်မော်လမြိုင်မြို့မှ လာရောက်ကြသည့် မွန်တိုင်းရင်းသားများဖြစ်ကြကြောင်း၊ ထားဝယ်ဘက်ခြမ်းမှတစ်ဆင့် တောင်တန်းဖြတ်ကျော်၍ ထိုင်းနိုင်ငံတွင်းသို့ ဇွန်လ ၉ ရက် ည ၁၁ နာရီအချိန်ခန့်က ဝင်ရောက်ပြီး တောလမ်းအတိုင်း ဖြတ်သန်းလာခဲ့ကာ ယနေ့ ဇွန်လ ၁၀ ရက် နံနက်ပိုင်း ၆ နာရီခန့်တွင် ဖမ်းဆီးခံခဲ့ရခြင်း ဖြစ်ကြောင်း သိရသည်။

အဆိုပါ ဖမ်းဆီးရသူများ ပြောဆိုချက်အရ မလေးရှားနိုင်ငံသို့ သွားရောက်ရန် ပွဲစားခ မြန်မာငွေ ကျပ်သိန်း ၄၀ ခန့်နှင့်ညီမျှသော (ဘတ် ၇ သောင်း)ထိ ပေးဆောင်ရကြောင်း၊ လက်ရှိတွင် စရံငွေ အဖြစ် မြန်မာငွေ ကျပ်သိန်း ၂၀ နှင့်ညီမျှသော (ဘတ် ၃၅၀၀၀)ကို ကြိုတင်ပေးသွင်းပြီး ဖြစ်ကြောင်းလည်း သိရသည်။

ymg/mt
#Yangon_Media_Group

#LocalNews
Published - 10 June 2022

မျက်မမြင်တွေအတွက် သင်ရိုးညွှန်းတမ်းဖတ်စာတွေကို မျက်မမြင်စာနဲ့ဖတ်နိုင်အောင် မြန်မာနိုင်ငံမျက်မမြင်များအသင်းအနေနဲ့ဆောင်ရွက်ပေးနေတယ်လို အသင်းရဲ့ တာဝန်ရှိသူတစ်ဦးထံမှသိရပါတယ်၊၊

#Yangon_Media_Group

Published 10 June 2022

ပေါ့စတား ဘရစ်တနေစပီးယားဟာ သူမနှင့်စေ့စပ်ထားတဲ့ ဆမ်အက်ဂါရီနှင့် ဇွန်လ၁၀ရက် ကြာသပတေးနေ့ညက ကာလီဖိုနီးယားက သောင်ဇင်အုတ်မြို့က သူမရဲ့အိမ်နောက်ဖေးကွက်လပ်မှာ လက်ထပ်လိုက်ကြပါတယ်။

စပီးယားက သူတို့ရဲ့ မင်္ဂလာပွဲကို မက်ဒွန်ား၊ပါရစ်ဟီလ်တန်၊ဒရူးဘာရီမိုးနှင့် သူမရဲ့ မင်္ဂလာဝတ်စုံကို ဒီဇိုင်းထုတ်ပေးတဲ့ ဒွန်နက်တီလာဗာဆက်တို့ကို ဖိတ်ကြားခဲ့ပါတယ်။

အဲဒီအပြင် သူမရ့ရှေ့နေ မက်သျူးရိုဆင်ဂတ်နှင့် “Piece of Me” အမ်တီဗွီမှာ အတူကခုန်ပေးတဲ့ လားဗီးဂါးစ်က ကချေသည်  တွေလည်းတက်ရောက်ပါတယ်။

ဒါပေမယ့် စပီးယားရဲ့မိဘတွေဖြစ်တဲ့ ဂျေမီစပီးယားနှင့် လင်းစပီးယား၊ညီမ ဂျေမီလင်းစပီးယား၊ သူမရဲ့သားတွေဖြစ်တဲ့ ရှောင်ပရက်စတွန်နှင့်‌ ဂျေဒီဂျိမ်းစ်တို့ကို မင်္ဂလာပွဲမှာ မတွေ့ရပါဘူး။

သူမရဲ့အစ်ကို ဘရိုင်းစပီးယားတစ်ဦးတည်း တက်ရောက်ပါတယ်။

ပွဲစစချင်းပဲ စပီးယားရဲ့ မိန်းမပွေတဲ့ ပထမခင်ပွန်း အဆိုတော် ဂျေဆင် အဲလက်ဇင်းဒါးဟာ ကြာသပတေးနေ့ ညနေခင်းမှာ မင်္ဂလာပွဲထဲ ဝင်ရောက်နှောက်ယှက်ဖို့ကြိုးစားလို့ ရဲကဖမ်းဆီးခဲ့ရပါတယ်။

အဲဒီအဖြစ်အပျက်ကြောင့် စပီးယားဟာ အတော်တုန်လှုပ်သွးတယ်လို့ ဆိုပါတယ်။

အသက်၄၀အရွယ်စပီးယားနှင့် အသက်၂၈နှစ်ရှိတဲ့ အက်ဂါရီတို့ဟာ ငါးနှစ်နီးပါး ချစ်သူဖြစ်ခဲ့ကြပြီးနောက် ၂၀၂၁ စက်တင်ဘာ တုန်းက စေ့စပ်ခဲ့ကြတာဖြစ်ပါတယ်။

Source: NY Post