#Local_News
Published - 7 September 2022

မြန်မာ့သနပ်ခါးကို အချောထည်တွေထုတ်လုပ်ပြီး ဖိလစ်ပိုင်၊ မလေးရှားနဲ့ အင်ဒိုနီးရှားနိုင်ငံတွေကို တင်ပို့သွားဖို့အစီအစဉ်တွေရှိတယ်လို့ မြန်မာ့သနပ်ခါး စိုက်ပျိုးထုတ်လုပ်တင်ပို့ ရောင်းချသူများအသင်းမှ သိရပါတယ်၊၊

#Yangon_Media_Group

#Local_News
Published _ 7 September 2022

စီးပွားဖြစ်ထုတ်လုပ်နိုင်မည့် ကုဗပေ (၂)ထရီလီယံကျော်ရှိ ဓာတ်ငွေ့သိုက်တစ်ခုကို ဘင်္ဂလားပင်လယ်အော်အတွင်းတွေ့ရှိထားကြောင်း နစက ဥက္ကဌ ဗိုလ်ချုပ်မှူးကြီးမင်းအောင်လှိုင်က အရှေ့ဖျားစီးပွားရေးဖိုရမ် ၂၀၂၂ မိန့်ခွန်းအတွင်း ထည့်သွင်းပြောကြားခဲ့သည်။

ယင်းကို မကြာမီတွင် စီးပွားဖြစ်ထုတ်လုပ်နိုင်တော့မည်ဖြစ်ကြောင်း၊ယင်းအပြင် အဆိုပါ ပမာဏထက်ပိုကြီးသည့် ဓာတ်ငွေ့သိုက်တစ်ခုကိုလည်း တူးဖော်နိုင်မည့် အလားအလာလည်း ရှိနေသေးကြောင်း၊ နောင်လာမည့် ၃ နှစ်အတွင်း မြန်မာနိုင်ငံတွင် သဘာဝဓာတ်ငွေ့လိုအပ်မှုအခြေခံစက်မှုလုပ်ငန်းများ အားကောင်းလာမည်ဖြစ်သည့်အတွက် ရင်းနှီးမြှုပ်နှံမှုကို စိတ်ဝင်စားသည့် လုပ်ငန်းရှင်များအား ဖိတ်ကြားကြောင်း၊ ကြေးနီ၊ သံ၊ ခဲမဖြူစသော သတ္တုများလည်း ကမ္ဘာ့ဈေးကွက်ထိတင်ပို့နိုင်လောက်သည်ထိ ရှိနေကြောင်း ၎င်းက ပြောကြားခဲ့သည်။

မြန်မာနိုင်ငံတွင် ကမ်းလွန်ရေနံလုပ်ကွက် ၅၁ ကွက် သတ်မှတ်ထားပြီး လုပ်ကွက် ၈ ကွက်မှ သဘာဝဓာတ်ငွေ့များ တွေ့ရှိထားသောကြောင့် ကာ ပြည်တွင်း၊ ပြည်ပသို့ တင်ပို့ရောင်းချလျက်ရှိကြောင်း၊ ယင်းအပြင် မဖော်ထုတ်ရသေးသည့် ရေနံနှင့်သဘာဝဓာတ်ငွေ့သိုက်များလည်း များစွာ ရှိနေကြောင်း ထည့်သွင်း ပြောကြားခဲ့သေးသည်။

#ymg/mt
#Yangon_Media_Group

#Local_News
Published - 7 September 2022

နိုင်ငံခြားငွေ ငွေလဲနှုန်း တည်ငြိမ်အောင်အထူးကြိုးစားနေပြီး ပို့ကုန်လိုင်စင်သက်တမ်းများကိုလည်း ပြန်လည်ဖြေလျှော့ပေးသွားမည်ဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီး ဦးအောင်နိုင်ဦးက ပြောသည်။

ကုန်သည်/စက်မှုအသင်းချုပ် (UMFCCI) နှင့် မြန်မာနိုင်ငံ ဆန်စပါးအသင်းချုပ် (MRF) မှတာဝန်ရှိသူများနှင့် တွေ့ဆုံစဥ်ထည့်သွင်းပြောကြားခဲ့ခြင်းဖြစ်သည်။

အစည်းအဝေးတွင် ကုန်သွယ်ရေးကဏ္ဍ၌ ချမှတ်ထားသည့် ကန့်သတ်ချက်များကို ဖြေလျှော့မှုများ လုပ်ပေးမည်ဟု ပြောဆိုခဲ့ပြီး လက်ရှိ သတ်မှတ်ထားသည့် ပို့ကုန်လိုင်စင်သက်တမ်းကာလ (၁)လကနေ မူလအတိုင်း ပြန်တိုးပေးမည်ဖြစ်ကြောင်း ပြောကြားခဲ့သည်။

ယင်းအပြင် IT နည်းပညာနှင့် ပတ်သက်သည့်လိုင်စင်ကိစ္စများကိုလည်း လွယ်ကူအောင် ဆောင်ရွက်ပေးမည်ဖြစ်ပြီး ခွဲတမ်း (Quota)စနစ်နှင့် အကန့်အသတ်များကို တက်နိုင်သမျှ ဖြေလျှော့ပေးမည်ဖြစ်ကြောင်းလည်းထည့်သွင်းပြောကြားခဲ့သည်။

#ymg/sth
#Yangon_Media_Group

#Local_News
Published - 7 September 2022

ပြည်တွင်း၌ ရာဘာခြံများပြန်လည်စဖွင့်ချိန် ကမ္ဘာရာဘာစျေးမှာ ကျဆင်းနေကြောင်း လုပ်ငန်းရှင်များထံ မှသိရသည်။

ပြည်တွင်းရာဘာမှာ ပြည်ပတင်ပို့မှုသာ အဓိကရှိပြီး ပြည်တွင်းသုံးစွဲမှုနည်းသည့် ပစ္စည်းဖြစ်သောကြောင့် နိုင်ငံတကာစျေးပေါ်တွင် မူတည်ကြောင်း၊ လက်ရှိကမ္ဘာ့စျေးကျဆင်းနေ၍ ပြည်တွင်း ရာဘာစျေးပါကျဆင်းနေကြောင်း ရာဘာလုပ်ငန်းရှင်တချို့၏ ပြောပြချက်အရ သိရသည်။

ရာဘာခြံများ ပြန်လည်စဖွင့်ချိန်ဖြစ်၍ အချို့ခြံများသည် အနည်းငယ်ထွက်ရှိသေးသောကြောင့် စျေးနှုန်းသေချာသတ်မှတ်ရောင်းချခြင်းမရှိသေးပဲ အဆင်ပြေသည့်စျေးဖြင့်ရောင်းချနေကြောင်းသိရသည်။

ပြည်ပလိုအပ်ချက်များရှိနေပြီး ဒေါ်လာစျေးမှာလည်း အမြင့်စျေးတွင် ရှိနေသောကြောင့် ရာဘာစျေးမှာ တစ်ထောင်အထက်တွင်သာ ရှိနေခြင်းဖြစ်ကြောင်း၊ ရာဘာကို တစ်နိုင်ငံလုံးစိုက်ဧက တစ်သန်းခြောက်သိန်းနှင့်လေးသောင်းကျော်ထိရှိပြီး လက်ရှိပြည်တွင်း လက်ကျန်တန်ချိန် ၃သောင်းခန့် သာကျန်မည်ဖြစ်ကြောင်းသိရသည်။

လက်ရှိတွင် မြန်မာ့ရာဘာ စုစုပေါင်း၏ ၇၅ ရာခိုင်နှုန်းခန့်အား တရုတ်နိုင်ငံသိုအဓိက တင်ပို့လျက်ရှိကာ မလေးရှား၊ အင်ဒိုနီးရှား၊ စင်ကာပူ၊ ကိုရီးယား၊ အိန္ဒိယနှင့် ဂျပန်နိုင်ငံများသို့လည်း တင်ပို့မှုများရှိကြောင်း ၊ အများဆုံးအနေဖြင့် ပင်လယ်ရေကြောင်းမှ တင်ပို့လျက်ရှိကြောင်း သိရသည်။

ပြည်ပနိုင်ငံများသို့ နှစ်စဉ်ရာဘာတန်ချိန် သုံးသိန်းခန့်တင်ပို့လျက်ရှိပြီး ရာဘာကို မြန်မာနိုင်ငံတောင်ပိုင်းဒေသများဖြစ်သည့် မွန်ပြည်နယ်နှင့် တနင်္သာရီတိုင်းဒေသကြီးတို့တွင် အများဆုံးစိုက်ပျိုးကြပြီး ရန်ကုန်တိုင်းဒေသကြီး၊ ပဲခူးတိုင်းဒေသကြီးနှင့် ကရင်ပြည်နယ်တို့တွင်လည်း စိုက်ပျိုးမှုများရှိကာ မိုးရွာသီတွင် ရာဘာလုပ်ငန်းများရပ်နားလျက်ရှိကြောင်း သိရသည်။

#ymg/sth
#Yangon_Media_Group

#Local_News
Published - 7 September 2022

တောင်ကိုရီးယားအလုပ်အကိုင်(EPS) စာမေးပွဲဖြေဆိုခွင့်လျှောက်လွှာများကို စစ်ဆေးနေဆဲဖြစ်ခြင်းကြောင့် စာမေးပွဲကျင်းပမယ့်ရက် မကြေညာနိုင်သေးခြင်းဖြစ်ကြောင်း အလုပ်သမားညွန်ကြားရေးဦးစီးဌာနထံမှ သိရသည်၊၊

ဖြေဆိုခွင့်လျှောက်ထားသည့် လျှောက်လွှာများက များပြားပြီးအွန်လိုင်းမှ လျှောက်ရမည်ဖြစ်ကြောင်းနှင့် ဖြည့်ထားသည့် အချက်အလက်များကို တင်ပြီးမှ အချိန်ယူပြန်စီစစ်နေရကြောင်း ယင်းဌာနတာဝန်ရှိသူတစ်ဦးက ဆိုသည်။

"စီစစ်တာကို ကိုရီးယားဘက်ကအဖွဲ့က လုပ်နေတာပေါ့။ အမှားအယွင်းနည်းအောင် အချိန်ယူလုပ်နေရတဲ့သဘောပါ။ အဲဒီကိစ္စတွေပြီးပြတ်ရင် ကြေညာပေးနိုင်ပါလိမ့်မယ်"ဟု သူက ပြောသည်။

ယခုရက်ပိုင်း၌လည်း လျှောက်ထားသူများထဲမှ ဓာတ်ပုံနှင့် ပတ်စပို့ပုံ မထင်ရှားသည့် လျှောက်လွှာပိုင်ရှင်များကို ပုံအသစ်များ ပြန်ပို့ပေးရန်လည်း ပြည်ပအလုပ်အကိုင်အေဂျင်စီ(POEA)က အသိပေးခြင်းများ ဆက်တိုက်လုပ်နေကြောင်း သိရှိရသည်။

ထိုစာမေးပွဲကို မူလက သြဂုတ်လ ၁၆ရက်မှာ စတင်ပြုလုပ်မည်ဟု ကြေညာထားသော်လည်း ယခုချိန်ထိ မကျင်းပနိုင်သောကြောင့် ဝေဖန်မှုများ ရှိနေသည်။

EPS စာမေးပွဲဖြေဆိုခွင့်လျှောက်ထားခြင်းအား ဇူလိုင်လက ခွင့်ပြုခဲ့ပြီး လျှောက်ထားသူ ၃၇,၀၀၀ ကျော်ရှိနေကြောင်း POEA က ထုတ်ပြန်ထားသည်။

#ymg/NN
#Yangon_Media_Group

#World_Military
Published 7 September 2022

အမေရိကန်စစ်တပ်က တိုက်ချင်းပစ်ပဲ့ထိန်းဒုံးကျည်တစ်စင်းကို ဗုဒ္ဓဟူးနေ့မှာ စမ်းသပ်ပစ်လွှတ်သွားမယ်လို့ ပင်တဂွန်စစ်ဌာနချုပ်က ကြေညာလိုက်ပါတယ်။

ဒါဟာ တစ်လတောင်မကြာသေးတဲ့ အချိန်အတွင်း အမေရိကန်တို့က နျူကလီးယားကာကွယ်ရေးဆိုင်ရာ စမ်းသပ်ပစ်လွှတ်မှုကို ဒုတိယအကြိမ်စမ်းသပ်တာဖြစ်ပါတယ်။

စက်တင်ဘာလ ၇ ရက်နေ့ နံနက်အစောပိုင်းမှာ ကယ်လီဖိုးနီးယား ဗန်ဒန်ဘာ့ဂ်စပေ့စ်တပ်အခြေချစခန်းကနေ နျူကလီးယားလက်နက်မပါတဲ့ မိနစ်မန်း(၃)တိုက်ချင်းပစ် ပဲ့ထိန်းဒုံးကျည်ကို လေတပ်ဌာနချုပ်က စမ်းသပ်ပစ်လွှတ်သွားမယ်လို ပင်တဂွန်မှပြောရေးဆိုခွင့်ရှိသူ ဗိုလ်မှူးချုပ်'ပတ်ရိုင်ဒါ'က အင်္ဂါနေ့က ပြောကြားခဲ့ပါတယ်။

စမ်းသပ်ပစ်လွှတ်ဖို့ကို ကြိုတင်ကြေညာတာက အမေရိကန်ထုံးစံတော့ မဟုတ်ပါဘူး။

ပင်တဂွန်ဟာ အရင်က မစမ်းသပ်ခင်မှာ အတည်ပြုကြေညာလေ့မရှိပါဘူး။

ဒီစမ်းသပ်မှုက စီစဉ်ထားတာကြာပြီဖြစ်ပြီး ထိုအစီအစဉ်များနဲ့ပတ်သက်ပြီး ရုရှားနဲ့ အခြားနိုင်ငံများကို အကြောင်းကြားထားကြောင်း 'ရိုင်ဒါ'က ဆိုပါတယ်။

စမ်းသပ်မှုရဲ့ရည်ရွယ်ချက်က အမေရိကန်နျူကလီးယားတပ်ဖွဲ့များ အသင့်ရှိနေခြင်းကို ပြသရန်နဲ့ နိုင်ငံရဲ့နျူကလီးယားဟန့်တားရေးဆိုင်ရာ လုံခြုံရေးနဲ့ထိရောက်မှုတို့အပေါ် ယုံကြည်အားထားနိုင်ရန်ဖြစ်တယ်လို့ 'ရိုင်ဒါ'က သတင်းထောက်တွေကို ပြောဆိုခဲ့ပါတယ်။

ယူကရိန်းအရေးနဲ့ ထိုင်ဝမ်အရေးတို့ကြား တင်းမာမှုမြင့်တက်လာဖို့ မလိုလားတာကြောင့် မိနစ်မန်း(၃)ပစ်လွှတ်မှုကို နှစ်ကြိမ်တိုင်ရွှေ့ဆိုင်းခဲ့ရပြီးနောက် ဩဂုတ် ၁၆ ရက်နေ့မှာ အမေရိကန်လေတပ်က အောင်မြင်စွာ စမ်းသပ်နိုင်ခဲ့ပါတယ်။

ဒုံးကျည်မှာ ဂြိုဟ်တုမှပြန်ရောက်လာတဲ့ယာဉ်နဲ့ တင်ဆောင်ထားပြီး တကယ့်စစ်ပွဲကျရင် နျူကလီးယားထိပ်ဖူးတပ်ဆင်နိုင်မှာ ဖြစ်ပါတယ်။

ဂြိုဟ်တုယာဉ်က အနောက်ပစိဖိတ် မာရှယ်ကျွန်းများရှိ ကွာဂျာလိန်းအန်တိုးလ်ကျွန်းအထိ မိုင်ပေါင်း ၄,၂၀၀ သွားရောက်ခဲ့ပါတယ်။

စမ်းသပ်မှုနှစ်ကြိမ်က အစီအစဉ်ဆွဲထားတာကြာပြီဖြစ်ပြီး ပထမတစ်ကြိမ်ကို ရွှေ့ဆိုင်းလိုက်ရတာကြောင့် ရက်နီးသွားတာဖြစ်ကြောင်း 'ရိုင်ဒါ'က ပြောပြသွားပါတယ်။

Source: The Straits Times
#Yangon_Media_Group

#Local_News
Published _ 7 september 2022

ရခိုင်ရှိ ဆင်ဖြူကလေးကို လူတွေနှင့်ယဉ်ပါးစေရန် သင်ကြားပေးနေကြောင်း သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာနမှ ထုတ်ပြန်ထားသည်။

ဆင်ဖြူတော်ကလေးမှာ ယခု အသက် ၄၅ ရက်သားအရွယ်တွင် အရပ်အမြင့် ၂ ပေ ၇ လက်မ၊ ကိုယ်လုံး လုံးပတ် ၃ ပေ ၅ လက်မ၊ ကိုယ်အလေးချိန် ၂၀၂ ပေါင်ခန့်ရှိလာပြီး မိခင်ဆင်မကြီးနှင့်အတူ ကျန်းမာပျော်ရွှင်လျက်ရှိကာ ဆင်ဖြူတော်ကလေးမှာ ငယ်စဉ်ကတည်းကပင် လူနှင့်ယဉ်ပါးသည့် ဆင်ဖြူတော်ကလေးဖြစ်ပြီး ပိုမိုယဉ်ပါးလာစေရန် Human and Friendly စနစ်ဖြင့် လေ့ကျင့်သင်ကြားပေးကြောင်း ယင်းမှ သိရသည်။

ပြီးခဲ့သည့် ဇူလိုင်လအတွင်းက ရခိုင်ပြည်နယ် တောင်ကုတ်မြို့နယ်ရှိ မြန်မာ့သစ်လုပ်ငန်း ဆင်ဝိုင်းမှ ဆင်မဇာနန်းလှ၊ အသက် ၃၃နှစ်မှ ဆင်အထီးလေးတစ်ကောင် မွေးဖွားခဲ့ပြီး ယင်းဆင်အထီးကလေးမှာ ရတနာဆင်ဖြူတော်များ၏ ကြံအင်လက္ခဏာ ၈ချက်အနက် မျက်လုံးပုလဲရောင်ဖြစ်ခြင်း၊ ကျောကုန်းမှာ ငှက်ပျောကိုင်းသဏ္ဍန်ဖြစ်နေခြင်း၊ အမွှေးအဖြူရောင်ဖြစ်ခြင်း၊ အမြှီးတံခါးပိတ်ဖြစ်ခြင်း၊ အရေပြားမှာ သြဇာကွက်ဖြစ်ခြင်း၊ အသားအရေပန်းရောင်ဖြစ်ခြင်း၊ ခြေဖဝါးတွင် ရှေ့ခြေသည်း ၅ခုစီနှင့် နောက်ခြေသည်း ၄ခုစီပါရီခြင်း၊ နားကြီးခြင်းစသည့် ရတနာဆင်ဖြူတော်များ၏ ကြံအင်လက္ခဏာများနှင့် ကိုက်ညီသောကြောင့် ဆင်ဖြူတော်ဟု နစကမှ တာဝန်ရှိသူများက သတ်မှတ်ခဲ့ကြသည်။

#ymg/NN
#Yangon_Media_Group

#Local_News
Published _ 7 September 2022

ရုရှားဖက်ဒရေးရှင်းနိုင်ငံအစိုးရ၊ အရှေ့ဖျားစီးပွားရေးဖိုရမ်(EEF)၏ ဖိတ်ကြားချက်အရ ရုရှားနိုင်ငံသို့ရောက်ရှိနေသော နစက ဥက္ကဌဗိုလ်ချုပ်မှုးကြီးမင်းအောင်လှိုင်နှင့် ရုရှားသမ္မတ ပူတင်တို့ ယနေ့ စက်တင်ဘာလ ၇ ရက်တွင်တွေ့ဆုံခဲ့ကြကြောင်းသိရသည်။

နစကဥက္ကဌသည် ရုရှားဖက်ဒရေးရှင်းနိုင်ငံ ဗလာဒီဘေ့စတော့မြို့တွင် စက်တင်ဘာလ ၅ ရက် မှ ၈ ရက်ထိ ပြုလုပ်‌နေသည့် ၇ ကြိမ်မြောက် အရှေ့ဖျား စီးပွားရေးဖိုရမ် ကို ပါဝင်တက်ရောက်နေခြင်းလည်းဖြစ်သည်။

#ymg/mt
#Yamgon_Media_Group

#World_Science
Published 7 September 2022

အသုံးပြုပြီးသား စွန့်ပစ်ပလတ်စတစ်ဗူးတွေကနေ စိန်ကျောက်ပြုလုပ်နိုင်မယ့်နည်းလမ်းကို သိပ္ပံပညာရှင်များ တွေ့ရှိခဲ့ကြပါပြီ။

ဒီနည်းပညာဖြင့် ပလတ်စတစ်စွန့်ပစ်ပစ္စည်းများကို လျှော့ချလာနိုင်ပြီး ပြန်လည်ထုတ်ယူမယ့် နာနိုစိန်(အလွန်သေးငယ်သော စိန်မှုန့်)များကို အကျိုးရှိတဲ့နေရာတွေမှာ အသုံးပြုနိုင်မှာပါ။

ကယ်လီဖိုးနီးယားရှိ SLAC National Accelerator ဓာတ်ခွဲခန်းမှသုတေသီများက နက်ပ်ကျွန်းဂြိုဟ်နဲ့ ယူရေးနပ်စ်ဂြိုဟ်တို့မှာ ဖြစ်ပေါ်တဲ့ စိန်မိုးရွာသွန်းတဲ့ဖြစ်စဉ်အတိုင်း ပုံဖော်သွားဖို့ ရည်မှန်းထားပါတယ်။

ဒီဂြိုဟ်တွေမှာ အပူချိန်ဒီဂရီဆဲလ်စ်းယပ်စ်ထောင်ပေါင်းများစွာ ရှိနေပြီး ကမ္ဘာမြေပေါ်မှ လေထုဖိအားထက် အဆသန်းပေါင်းများစွာပိုများပါတယ်။

ဒီအခြေအနေတွေကနေ ဟိုက်ဒရိုကာဗွန်ဒြပ်ပေါင်းပြိုကွဲစေပြီး ကာဗွန်အစိတ်အပိုင်းတွေကို စိန်များဖြစ်တဲ့အထိ ဖိအားပေးလိုက်ရပါတယ်။

သိပ္ပံပညာရှင်တွေက ဟိုက်ဒရိုကာဗွန်ဖြစ်တဲ့ ပိုလီအက်သလင်းတဲရပ်သာလိတ်(PET) ကို စွမ်းအားမြင့်လေဆာပစ်ကာ စိန်တည်ဆောက်ပုံများ ဖြစ်ပေါ်လာတာကို တွေ့ရှိခဲ့ကြပါတယ်။

စိန်ဖြစ်ပေါ်မှုအတွက် PET က ကာဗွန်၊ ဟိုက်ဒရိုဂျင်၊ အောက်ဆီဂျင်တိုကြား ဟန်ချက်ညီအောင် ပြုလုပ်ပေးကြောင်း ရော့စတော့ခ်တက္ကသိုလ်မှ ပရော်ဖက်ဆာ'ဒိုမီနစ်ခရော့စ်'က ပြောပြပါတယ်။

၂၀၁၇ ခုနှစ်တုန်းက SLAC အဖွဲ့က ပိုလီစတိုင်ရင်းကို လေဆာပစ်ပြီး စိန်မိုးရွာခြင်းဖြစ်စဉ်ကို ပထမဆုံးအောင်မြင်စွာ ပုံဖော်နိုင်ခဲ့ပါတယ်။

နက်ပ်ကျွန်းနဲ့ ယူရေးနပ်စ်ဂြိုဟ်တို့မှာ နာနိုစိန်ဖြစ်တည်မှုအပေါ် မည်သည့်အရာများက သက်ရောက်နေသလဲဆိုတာကို သိပ္ပံပညာရှင်များက သိချင်နေခဲ့ကြပါတယ်။

SLAC က စွမ်းအားမြင့်လေဆာဖြင့် အပူချိန် ၆ ထောင်ဒီဂရီဆဲလ်စီးယပ်စ်ရရှိအောင် အသုံးပြုခဲ့ကြပါတယ်။

အဲဒီကနေ ပလတ်စတစ်ပစ္စည်းအပေါ်ကို အလွန်တိုတောင်းတဲ့ စက္ကန့်ပိုင်းအတွင်း လေထုဖိအား အဆသန်းပေါင်းချီတဲ့ ဖိအားမျိုးပေးလိုက်ပါတယ်။

အိတ်စ်ရေးအလင်းယိုင်နည်းလမ်းဖြင့် အသုံးပြုကာ အက်တမ်တွေကနေ စိန်လေးတွေဖြစ်ပေါ်လာပုံနဲ့ အချိန်တိုအတွင်း ဘယ်လောက်ကြီးမားတဲ့အထိ ဖြစ်လာသလဲဆိုတာကို စောင့်ကြည့်ခဲ့ကြပါတယ်။

အောက်ဆီဂျင်ရဲ့သက်ရောက်မှုက ကာဗွန်နဲ့ဟိုက်ဒရိုဂျင်ပြိုကွဲမှုကို မြန်ဆန်စေပြီး နာနိုစိန်များဖြစ်ပေါ်လာပုံကို အားပေးပါတယ်။

ဓာတ်ခွဲခန်းထဲမှာထုတ်လုပ်တဲ့ စိန်တွေထက် နက်ပ်ကျွန်းဂြိုဟ်နဲ့ ယူရေးနပ်စ်ဂြိုဟ်တို့က စိန်တွေက ကာရက်သန်းနဲ့ချီရှိနိုင်ကြောင်း ခန့်မှန်းရပါတယ်။

စိန်ဖြစ်ပေါ်မှုအတွင်း အောက်ဆီဂျင်ပါဝင်တာကြောင့် အခြားဂြိုဟ်တွေမှာလည်း သူတို့အခြေအနေနဲ့သူတို့ စိန်တွေဖြစ်ပေါ်နေနိုင်ပါတယ်။

အခုအချိန်မှာတော့ နာနိုစိန်တွေရရှိဖို့ ကာဗွန်အများအပြားနဲ့ စိန်တွေကိုဖောက်ခွဲပစ်ရပြီး အရွယ်အစားမတူညီကြတဲ့ နာနိုစိန်တွေဖြစ်ပေါ်လာကာ ကိုင်တွယ်ရခက်ခဲပါတယ်။

အခုလေ့လာနေတဲ့ လေဆာနည်းပညာကတော့ အခြားနည်းလမ်းများထက် ပိုမိုမြန်ဆန်ပြီး ထိန်းချုပ်ရလွယ်ကူကာ ပိုမိုသန့်စင်တဲ့နာနိုစိန်တွေ ရရှိနိုင်မှာဖြစ်ပါတယ်။

Source: Daily Mail
#Yangon_Media_Group

#World_Health
Published 7 September 2022

အူထဲရှိ အဏုဇီဝပိုးတွေဟာ အိပ်စက်ပုံမမှန်ခြင်း၊ ခရီးပန်းခြင်း၊ အစားအစာမှတဆင့် ကူးစက်တဲ့ရောဂါဖြစ်ခြင်းတို့မှ ကာကွယ်ပေးနိုင်ဖွယ်ရှိပြီး ဓာတုကုထုံးရလာဒ်များကို တိုးတက်ကောင်းမွန်စေနိုင်ဖွယ်ရှိကြောင်း ဗာဂျီးနီးယားဆေးပညာတက္ကသိုလ်မှ သုတေသီများတွေ့ရှိခဲ့ကြပါတယ်။

ဗာဂျီးနီးယားတက္ကသိုလ်မှ ဒေါက်တာ'ရှောင်မော'နဲ့ ဒေါက်တာ'ဂျေဆန်ပါပင်'တို့ဦးဆောင်တဲ့ သုတေသီအဖွဲ့က ကွန်ပျူတာစနစ်ဖြင့် ပုံဖော်ကာ အူထဲက ပိုးမွှားလေးတွေက အူလမ်းကြောင်းဆဲလ်များရဲ့ လည်ပတ်ပုံကို တိုက်ရိုက်သက်ရောက်နေခြင်းကို ကြည့်ရှုခဲ့ကြပြီး Gastroenterology ဂျာနယ်မှာ စနေနေ့က ဖော်ပြခဲ့ပါတယ်။

အူထဲက ဘက်တီးရီးယားများဖြစ်တဲ့ E. plexicaudatum ၊ Pseudoflavonifactor နဲ့ P. goldsteinii တို့က အက်ဆစ်များထုတ်လွှတ်ကာ အူနံရံတွေဆဲလ်တွေ အလုပ်လုပ်ဆောင်စေပြီး ဆဲလ်လည်ပတ်ပုံကို ပြန်လည်စတင်ပေးပါတယ်။

အက်ဆစ်တွေက ၂၄ နာရီကာလတလျှောက် ဇီဝလိုအပ်ချက်များအရ ဒီလုပ်ဆောင်ချက်တွေကို ဖွင့်ချည်ပိတ်ချည် ပြုလုပ်ပေးပါတယ်။

ဒီလုပ်ငန်းစဉ်တွေ အလုပ်ကောင်းကောင်းမလုပ်နိုင်တဲ့အခါ အူရောင်ခြင်း၊ ဝမ်းလျှောခြင်း၊ ပြည်တည်ခြင်း၊ အဝလွန်ခြင်းနဲ့ အခြားကျန်းမာရေးပြဿနာများ ဖြစ်ပေါ်နိုင်ပါတယ်။

အခုလေ့လာချက်အသစ်က ဆရာဝန်တွေအနေနဲ့ အူထဲရှိအဏုဇီဝပိုးမွှားများကို ပစ်မှတ်ထားပြီး ရောဂါဘယများနဲ့ ခရီးပန်းခြင်းဝေဒနာတို့ကို ကာကွယ်စေနိုင်ကာ ကျန်းမာရေးကောင်းမွန်လာစေရန် အထောက်အကူဖြစ်စေမှာဖြစ်ပါတယ်။

ကွန်ပျူတာစနစ်ကိုအသုံးချပြီး ဘယ်ဇီဝဖြစ်စဉ်ပစ္စည်းတွေက ခန္ဓာကိုယ်တစ်နေ့တာလည်ပတ်မှုအတွက် အရေးကြီးဆုံးဖြစ်မလဲဆိုတာကို သုတေသီများသိရှိနိုင်မှာဖြစ်ပါတယ်။

"ဇီဝဗေဒဆိုတာက အချက်အလက်အလွန်များပြားစွာလိုအပ်ပြီး ကွန်ပျူတာစနစ်ဖြင့် အဏုဇီဝနဲ့ လူသားတွေရဲ့ ဇီဝကမ္မစနစ်တွေကို နားလည်နိုင်ရန် အသုံးပြုဖို့လိုအပ်ပါတယ်၊ ဒီစနစ်တွေနဲ့ ရှုပ်ထွေးလှတဲ့ ဇီဝအချက်အလက်တွေကို သိရှိအောင်ပြုလုပ်ပေးပြီး လူတွေမသိနိုင်သေးတဲ့အရာတွေကိုတောင် ဖန်တီးပေးနိုင်မှာဖြစ်ပါတယ်" လို့ ဒေါက်တာ'ပါပင်'က ဆိုပါတယ်။

တိုးတက်လာတဲ့ ကွန်ပျူတာသိပ္ပံအချက်အလက်များကို အသုံးချနိုင်ရင် ဇီဝဆေးသုတေသနလောကက အလွန်အလားအလာရှိပါတယ်လို့ ပြောပြခဲ့ပါတယ်။

Source: The Jerusalem Post
#Yangon_Media_Group

#Local_News
Published- 6 September 2022

ထိုင်းနိုင်ငံကို ပြီးခဲ့တဲ့ သြဂုတ်လ ၃၁ ရက်နေ့မှာ အခွန်ကင်းလွတ်ခွင့်နဲ့ ပြောင်းတင်ပို့ခွင့်ဟာ သက်တမ်းကုန်ဆုံးသွားတာပဲ ဖြစ်ပါတယ်။

#Yangon_Media_Group

#World_Rights
Published 6 September 2022

ချီလီနိုင်ငံမှ အာဏာရှင်ဟောင်း'အော်ဂတ်စ်တိုပီနိုချက်'လက်ထက်က ချမှတ်ခဲ့တဲ့ လက်ရှိအခြေခံဥပဒေဖွဲ့စည်းပုံအရ ရေဖြန့်ဖြူးခြင်းကို ပုဂ္ဂလိကပိုင်လုပ်ငန်းအဖြစ် ထာဝရခွင့်ပြုခဲ့ပါတယ်။

#Yangon_Media_Group