#World_News
Published 05 April 2025

▪️ အမေရိကန်မှာ လူသားချင်းစာနာမှု အစီအစဉ်ဖြင့် တရားဝင်နေထိုင်နေတဲ့ ယူကရိန်းအများအပြားထံသို့ ယခုသီတင်းပတ်အတွင်း အီးမေးလ်တစ်စောင် ရောက်ရှိခဲ့ကာ ယင်းတို့ရဲ့ ခိုလှုံနေထိုင်ခွင့်ကို ရုပ်သိမ်းလိုက်ပြီဖြစ်ပြီး အမေရိကန်မှ ထွက်ခွာရန် ၇ ရက်အချိန်ရကြောင်း၊ မဟုတ်ပါက အစိုးရက ရှာဖွေသွားမှာဖြစ်ကြောင်း အသိပေးဖော်ပြထားပါတယ်။

▪️ နိုင်ငံတော်လုံခြုံရေးဌာနမှ ပြောရေးဆိုခွင့်ရှိသူတစ်ဦးကတော့ ဒီအီးမေးလ်ဟာ မှားယွင်းစွာ ပို့မိတာဖြစ်ပြီး ၂၀၂၂ ရုရှားကျူးကျော်ပြီးနောက် ယူကရိန်းတို့အတွက် ယာယီနေထိုင်ခွင့် အစီအစဉ်ကို ဖျက်သိမ်းခြင်းမရှိသေးဘူးလို့ သောကြာနေ့က ပြောပါတယ်။

▪️ ယူကရိန်းဘယ်နှယောက်လောက် အီးမေးလ်ရရှိလဲဆိုတာ သေချာမသိရပါဘူး။

▪️ ပြီးခဲ့တဲ့လက ရိုက်တာသတင်းဌာနမှ ဖော်ပြခဲ့ရာမှာ ထရမ့်အစိုးရအဖွဲ့ဟာ ရုရှားပဋိပက္ခကနေ စစ်ဘေးရှောင်ထွက်ပြေးလာတဲ့ ယူကရိန်း ၂၄၀,၀၀၀ ခန့်အတွက် တရားဝင်ယာယီနေထိုင်ခွင့်ကို ပြန်လည်ရုပ်သိမ်းသွားဖို့ စီစဉ်နေပါတယ်။

▪️ ဒါဟာ သမ္မတဟောင်း ဂျိုးဘိုင်ဒင်လက်ထက်က ယူကရိန်းတွေကို ကြိုဆိုလက်ခံခဲ့ခြင်းအပေါ် ဆန့်ကျင်ဘက်ဖြစ်နေပါတယ်။

▪️ ယခုအီးမေးလ်ထဲမှာ "အမေရိကန်ပြည်ထောင်စုမှ ယခုချက်ချင်း မထွက်ခွာပါက တရားဥပဒေစိုးမိုးရေးအရ အရေးယူမှုတွေ ခံရနိုင်ပြီး အမေရိကန်ကနေ နှင်ထုတ်ခံရမည်။ နိုင်ငံတော်လုံခြုံရေးဌာနက သင့်ရဲ့ယာယီနေထိုင်ခွင့်ကို ရုပ်သိမ်းသည်။ အမေရိကန်၌ ဆက်လက်နေထိုင်ရန် မကြိုးပမ်းပါနှင့်" လို့ ဖော်ပြထားပါတယ်။

▪️ ဒီနောက်သောကြာနေ့မှာတော့ နိုင်ငံတော်လုံခြုံရေးဌာနက ဒီအီးမေးလ်ညွှန်ကြားချက်ဟာ မှားယွင်းစွာ ပို့မိတာဖြစ်ပြီး ယာယီတရားဝင်နေထိုင်ခွင့်တွေက ယခုအချိန်ထိ အပြောင်းအလဲမရှိသေးဘူးလို့ ပြောလိုက်ပါတယ်။

#Source: Reuters

၅ ဧပြီ ၂၀၂၅

ဘင်စတက် ထိပ်သီးအစည်းအဝေးသို့တက်ရောက်ရန် ထိုင်းနိုင်ငံ ဘန်ကောက်မြို့သို့ ရောက်ရှိနေတဲ့ နစက ဥက္ကဋ္ဌ  နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်သည် ဧပြီ ၄ရက် မွန်းလွဲပိုင်းတွင် ဘန်ကောက်မြို့ ရှန်ဂရီလာဟိုတယ်၌ သီရိလင်္ကာ နိုင်ငံဝန်ကြီးချုပ် Dr. Harini Amarasuriya၊ ဘူတန်နိုင်ငံဝန်ကြီးချုပ် Mr. Tshering Tobgayတို့ကို သီးခြားစီတွေ့ဆုံ၍ နှစ်နိုင်ငံများအကြား ပူးပေါင်းဆောင်ရွက်ရေးကိစ္စများကို ရင်းနှီးပွင့်လင်းစွာဆွေးနွေးခဲ့ကြပါတယ်။

သီရိလင်္ကာဝန်ကြီးချုပ်နှင့် ဘူတန်ဝန်ကြီးချုပ်များကို မြန်မာနိုင်ငံတွင် ငလျင်ကြီးလှုပ်ရှားခဲ့မှုများအပေါ် ဝမ်းနည်းကြောင်း ထုတ်ဖော်ပြောကြားခဲ့ကြပြီး ကယ်ဆယ်ရေးလုပ်ငန်းများတွင် ဝင်ရောက်ကူညီလျက်ရှိ သည်များကို ပြောပြခဲ့တယ်လို့ နစကသတင်းထုတ်ပြန်ချက်အရသိရပါတယ်။

ဗိုလ်ချုပ်မှူးကြီးမင်းအောင်လှိုင်ကလည်း ငလျင်ဘေး ကယ်ဆယ်ရေးလုပ်ငန်းများတွင် ဝင်ရောက်ကူညီခဲ့ ကြသည့် သီရိလင်္ကာနှင့် ဘူတန်နိုင်ငံတို့ကို ကျေးဇူးအထူးတင်ရှိတယ်လို့ ပြန်လည်ပြောကြားခဲ့ပါတယ်။

ထို့နောက် ဗိုလ်ချုပ်မှူးကြီးနှင့် သီရိလင်္ကာနှင့် ဘူတန် ဝန်ကြီးချုပ်များသည် မြန်မာနှင့် သီရိလင်္ကာ၊ မြန်မာနှင့် ဘူတန်နိုင်ငံများအကြား စီးပွားရေးကဏ္ဍ၊ ကာကွယ်ရေးကဏ္ဍ၊ ပညာရေးကဏ္ဍ၊ သိပ္ပံနှင့်  နည်းပညာကဏ္ဍ၊ကျန်းမာရေးကဏ္ဍ များတွင်ပူးပေါင်းဆောင်ရွက်မှုများမြှင့်တင်ရေးကိစ္စများ ဆွေးနွေးခဲ့  ကြ ပါတယ်။

အဆိုပါတွေ့ဆုံပွဲများသို့ ဗိုလ်ချုပ်မှူးကြီးမင်းအောင်လှိုင်နှင့်အတူကောင်စီတွဲဖက်အတွင်းရေးမှူး ဗိုလ်ချုပ် ကြီး ရဲဝင်းဦး၊ ပြည်ထောင်စုဝန်ကြီးများဖြစ်ကြသည့် ဦးသန်းဆွေ၊ ဗိုလ်ချုပ်ကြီး မိုးအောင်နှင့် ခရီးစဉ်  တွင်လိုက်ပါလာသည့် အဆင့်မြင့်အရာရှိကြီးများတက်ရောက်ကြပြီး  သီရိလင်္ကာနှင့် ဘူတန်နိုင်ငံ  ဝန်ကြီး   ချုပ်များနှင့်အတူ သက်ဆိုင်ရာနိုင်ငံအစိုးရအဖွဲ့မှ တာဝန်ရှိသူများတက်ရောက်ကြပါတယ်။

#ymg/knl

Bangkok, 5 April 2025 — Senior General Min Aung Hlaing, Chairman of the State Administration Council (SAC) and Prime Minister of Myanmar, held separate bilateral meetings with the Prime Ministers of Sri Lanka and Bhutan on April 4, on the sidelines of the BIMSTEC Summit in Bangkok.

The meetings took place at the Shangri-La Hotel, where the Senior General met with Sri Lankan Prime Minister Dr. Harini Amarasuriya and Bhutanese Prime Minister Tshering Tobgay for open and cordial discussions focused on strengthening bilateral ties.

According to a statement from the SAC, both Dr. Amarasuriya and Mr. Tobgay extended their condolences over the recent earthquakes in Myanmar and reiterated their countries' continued support in ongoing relief and recovery efforts. Senior General Min Aung Hlaing expressed his heartfelt appreciation for their solidarity and assistance.

The discussions covered a wide range of areas aimed at enhancing cooperation between Myanmar and the two South Asian nations. Key sectors identified for future collaboration included trade, defense, education, science and technology, and healthcare.

Senior General Min Aung Hlaing was accompanied by SAC Joint Secretary Lt. Gen. Ye Win Oo, Union Ministers U Than Swe and Lt. Gen. Moe Aung, as well as senior officials from the Myanmar delegation. The Prime Ministers of Sri Lanka and Bhutan were also joined by senior officials from their respective governments.

The engagements are part of Myanmar’s broader efforts to deepen regional ties and promote collaboration within the BIMSTEC framework.

Ymg/knl

#World_Science
Published 05 April 2025

▪️ ကမ္ဘာတဝှမ်းက ရေခဲပြင်မြစ်တွေ လျင်မြန်စွာ အရည်ပျော်နေပြီး ၂၀၀၀ ခုနှစ်မှ ၂၀၂၃ အတွင်း ရေခဲတန်ချိန် ၆.၅၄၂ ထရီလီယံတန် ဆုံးရှုံးထားပါတယ်။

▪️ အန်ဒက်စ်ရေခဲပြင်မြစ် အရည်ပျော်လာခြင်းကြောင့် ထိုရေခဲမြစ်အပေါ် မှီခိုနေထိုင်တဲ့သူတွေအတွက် သိပ္ပံပညာရှင်များက သတိပေးလိုက်ပါတယ်။

▪️ အန်ဒီယန်တောင်တန်းကြီး(ခေါ်) အန်ဒက်စ်ဟာ အာဂျင်တီးနား၊ ချီလီ၊ ဘိုလစ်ဗီးယား၊ ပီရူး၊ အီကွေဒေါ၊ ကိုလံဘီယာတို့အထိ ဖြန့်ကျက်နေပြီး ဒေသခံများအတွက် သုံးရေ၊ ရေအားလျှပ်စစ်၊ စက်မှုလုပ်ငန်း၊ စိုက်ပျိုးသီးနှံ ရေမြောင်းသွင်းခြင်း၊ မွေးမြူရေးကဏ္ဍတို့အတွက် ပံ့ပိုးပေးနေပါတယ်။

▪️ ဒီရေခဲပြင်မြစ်တွေက တစ်နှစ်ကို ၀.၇ မီတာ ပါးလွှာလာပြီး ကမ္ဘာ့ပျမ်းမျှနှုန်းထက် ၃၅ ရာခိုင်နှုန်း ပိုမိုမြန်ဆန်နေကာ ဒေသတွင်းရှိ လူပေါင်းသန်း ၉၀ရဲ့ အသက်အိုးအိမ်တွေကို ခြိမ်းခြောက်နေပါတယ်။

▪️ ဒီလိုနှုန်းမျိုးဖြင့် အရည်ပျော်ရတာဟာ ရာသီဥတုဖောက်ပြန်ပြီး အပူချိန်များလာတာက အဓိကအကြောင်းအရင်း ဖြစ်နေပါတယ်။

▪️ စက်မှုခေတ်မတိုင်မီကထက် ၂ ဒီဂရီဆဲလ်စီးယပ်စ်အောက်အထိ ကမ္ဘာ့အပူချိန်လျှော့ချရန် ပစ်မှတ်နေရာကနေ ဝေးကွာလာကြပါတယ်။

▪️ ရေရင်းမြစ် ထိရောက်စွာ စီမံခြင်း၊ ထောက်ပံ့မှုနဲ့ လိုအပ်ချက် ပြောင်းလဲလာခြင်း၊ ကမ္ဘာ့ကာဗွန်ထုတ်လွှတ်မှု ထိန်းချုပ်ခြင်းတို့က ဒီဒေသကို သက်ရောက်နေပါတယ်။

▪️ ၂ ဒီဂရီထက် ပိုမိုပူနွေးလာပါက ၂၁၀၀ ခုနှစ်အရောက် အန်ဒက်စ်မှာ လုံးဝရေခဲမရှိနိုင်တော့ဘူးလို့ ခန့်မှန်းနေကြပါတယ်။

▪️ ရေခဲပြင်မြစ်တွေ အရည်ပျော်လာပါက နေထိုင်သူတွေ မှီခိုနေရတဲ့ ရေချိုရင်းမြစ်တွေအပေါ် ထိခိုက်လာနိုင်ပါတယ်။

▪️ ဆလိုဗေးနီးယား၊ ဗင်နီဇွဲလားတို့မှာ ရေခဲပြင်မြစ်အားလုံး ဆုံးရှုံးရနိုင်ခြေ ရှိနေကာ ဥရောပအလယ်ပိုင်း၊ ကော်ကေးရှပ်စ်ဒေသ၊ နယူးဇီလန်၊ အာရှအလယ်ပိုင်းအချို့နိုင်ငံတွေနဲ့ ဟိမဝန္တာတို့ဟာ ၂၁၀၀ အရောက်မှာ ရေခဲမြစ်များ ဆုံးရှုံးဖို့ရှိနေပါတယ်။

▪️ ရေခဲပြင်မြစ်များ ဆုံးရှုံးမှုကို ဖြေရှင်းရန်မှာ တစ်ကမ္ဘာလုံးမှ ပူးပေါင်းရန်လိုအပ်ပြီး ရာသီဥတုဖောက်ပြန်မှုအတွက် ကမ္ဘာတဝှမ်းမှ ရည်မှန်းချက်များနဲ့ ကိုက်ညီဖို့လိုပါတယ်။

#Source: India Today

#World_Health
Published 05 April 2025

▪️ ခန္ဓာကိုယ်အလေးချိန်ညွှန်းကိန်း (BMI)ဟာ ကိုယ်အလေးချိန် ထိန်းသိမ်းရာမှာ အသုံးအများဆုံးနည်းလမ်းတွေထဲက တစ်ခုဖြစ်ပြီး အရပ်နဲ့ အလေးချိန်အလိုက် လူတစ်ယောက်ရဲ့ အဆီရာခိုင်နှုန်းကို ဆုံးဖြတ်ပေးပါတယ်။

▪️ BMIများလေ နှလုံးရောဂါနဲ့ ဆီးချိုရောဂါတို့ ဖြစ်နိုင်ခြေ ပိုများလေဖြစ်ပါတယ်။

▪️ လေ့လာချက်အသစ်မှာတော့ BMIတစ်ခုတည်းက အဝလွန်အခြေအနေကို တိုင်းတာဖို့ရာ ပြဿနာရှိလာပါတယ်။

▪️ စပိန်နိုင်ငံ မာလာဂါမှာပြုလုပ်တဲ့ အဝလွန်ခြင်းဆိုင်ရာ ဥရောပကွန်ဂရက်မှာ ဖော်ပြသွားရာမှာ လူတွေအသက်ကြီးလာတဲ့အခါ BMIမပြောင်းလဲရင်တောင် ခန္ဓာကိုယ်ဖွဲ့စည်းပုံ သိသိသာသာ ပြောင်းလဲသွားပါတယ်။

▪️ BMIက ပုံမှန်ကိုယ်အလေးချိန်လား၊ အဝလွန်လားဆိုတာကို ခွဲခြားဖို့ အသုံးပြုကြပေမယ့် ယခုလေ့လာချက်ကတော့ BMIနီးစပ်တဲ့သူတွေမှာပင် အသက်အရွယ်အလိုက် အဆီနဲ့ ကြွက်သားဖြစ်တည်မှု အလွန်ကွဲပြားနိုင်တယ်လို့ တွေ့ရှိလာပါတယ်။

▪️ အသက်ကြီးလာတာနဲ့အမျှ အဆီတွေက ခန္ဓာကိုယ်အလယ်နားတဝိုက်မှာ စုပြုံလာတတ်ပြီး လက်နဲ့ ခြေထောက်တို့မှာ ကြွက်သားထုထည်ကတော့ လျော့နည်းလာတယ်လို့ သုတေသီများ တွေ့ရှိထားပါတယ်။

▪️ ဒီလိုပြောင်းလဲမှုတွေကြောင့် BMIကိုပဲ ယုံကြည်စိတ်ချနေလို့ မရလာတော့ဘူးလို့ မိုဒီနာနှင့် ရက်ဂျီယိုအမ်မီလီယာတက္ကသိုလ်မှ ပရော်ဖက်ဆာ မာဝမ်အယ်ဂို့ချ်က ရှင်းပြသွားပါတယ်။

▪️ BMI ၂၅ နဲ့အထက်ရှိပြီး အသက် ၂၀ မှ ၇၉ နှစ်ကြားရှိတဲ့ လူ ၂,၈၄၄ ဦးကို အဖွဲ့ ၃ ဖွဲ့ခွဲပြီး ဆန်းစစ်ခဲ့ကြပါတယ်။

▪️ ရလဒ်များအရ ယောက်ျားတွေဟာ အသက်ကြီးလာရင် ကြွက်သားထုထည် လျော့နည်းပြီး အဆီများလာပါတယ်။

▪️ မိန်းမတွေက အသက်အရွယ်တိုင်းမှာ အဆီနဲ့ ကြွက်သားတို့က တည်မြဲတတ်ကြပါတယ်။

▪️ သက်လတ်ပိုင်းနဲ့ သက်ကြီးပိုင်းတွေဟာ ငယ်ရွယ်သူတွေနဲ့စာရင် အစာအိမ်နဲ့ ဝမ်းဗိုက်မှာ အဆီပိုမိုစုပြုံပြီး ခြေတွေလက်တွေမှာ ကြွက်သားထု လျော့နည်းလာပါတယ်။

▪️ ဒါကြောင့် ခန္ဓာကိုယ်ဖွဲ့စည်းပုံကို ဆန်းစစ်ပေးနိုင်မယ့် အခြားနည်းလမ်းတွေက ခါး-အရပ်အချိုး၊ လက်ညှစ်အားစမ်းသပ်မှုတို့ဖြင့် တိုင်းတာနိုင်ပါတယ်။

#Source: India Today

၄ ဧပြီ ၂၀၂၅

မြန်မာ နစကဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်နှင့် ထိုင်းဝန်ကြီးချုပ် Paetongtarm Shinawatra တို့သည်နှစ်နိုင်ငံအကြား မူးယစ်ဆေးဝါးနှင့် တရားမဝင် လက်နက်ရောင်းဝယ်မှုပပျောက်ရေးပူးပေါင်းဆောင်ရွက်ရန်ကိစ္စ ဆွေးနွေးခဲ့ကြတယ်လို့သိရပါတယ်။

ထိုင်းနိုင်ငံ ဘန်ကောက်မြို့တွင်ကျင်းပသည့် ဘင်းမ်စတက် ထိပ်သီးအစည်းအဝေးသို့ တက်ရောက်ရန် ရောက်ရှိနေတဲ့ ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင်နှင့် ထိုင်းဝန်ကြီးချုပ် Paetongtarm Shinawatra နှင့် ဧပြီ ၄ရက်မနက်က သီးခြားတွေ့ဆုံစဉ် နှစ်နိုင်ငံ ဝန်ကြီးချုပ်တွေ ဆွေးနွေးခဲ့ကြတာ ဖြစ်ပါတယ်။

ထိုင်းနိုင်ငံဝန်ကြီးချုပ် က မြန်မာနိုင်ငံတွင် ပြင်းထန်ငလျင်လှုပ်ခတ်ခဲ့မှုကြောင့် ထိခိုက်ခဲ့ရမှုများ

အပေါ် မိမိနှင့် မိမိတို့ပြည်သူများအနေဖြင့် ထပ်တူဝမ်းနည်းရပါကြောင်း၊ ပြန်လည်ထူထောင်ရေးလုပ် ငန်းများနှင့်ဆေးဘက်ဆိုင်ရာအကူအညီပေးရေးလုပ်ငန်းများကို ဆက်လက်ကူညီ ဆောင်ရွက်ပေးသွား  မည်ဖြစ်ပါကြောင်းပြောကြားပါတယ်။

ယင်းအပြင် မြန်မာနိုင်ငံရဲ့လိုအပ်ချက်အခြေအနေများကိုသိရှိနိုင်ရန်အတွက် မိမိတို့နိုင်ငံမှ နိုင်ငံခြားရေး  ဝန်ကြီးနှင့် မလေးရှားနိုင်ငံမှ နိုင်ငံခြားရေးဝန်ကြီးတို့သည် မကြာမီကာလအတွင်း မြန်မာနိုင်ငံသို့ သွားရောက်မည်ဖြစ်ပါကြောင်းနှင့် မြန်မာနိုင်ငံအတွက် လိုအပ်သည့်အကူအညီများကို မိမိတို့နိုင်ငံအနေ  ဖြင့် ဆက်လက်ကူညီဆောင်ရွက်ပေးသွားမည်ဖြစ်ကြောင်းဖြင့် ပြောကြားခဲ့ပါတယ်။

ဗိုလ်ချုပ်မှူးကြီးကလည်းမြန်မာနိုင်ငံရဲ့ ပြင်းထန်ငလျင်ကြောင့် ထိခိုက်ခဲ့မှုများနှင့်ပတ်သက်၍  အဆွေတော်နှင့် အဆွေတို့ပြည်သူများအနေဖြင့် ဝမ်းနည်းကြောင်းပြောကြားပေးမှုများနှင့် လိုအပ်သည့် အကူအညီများဆောင်ရွက်ပေးမှုများကို မိမိတို့အနေဖြင့် ထိုင်းနိုင်ငံပြည်သူများကို များစွာကျေးဇူး   တင်ဝမ်းမြောက်ရပါကြောင်း၊ ထိုင်းနိုင်ငံဘန်ကောက်မြို့တွင်လည်း ထိခိုက်မှုဖြစ်ပွားခဲ့သည်ကိုလည်း  သိရှိရပါကြောင်း၊ အဆိုပါထိခိုက်မှုအတွင်း မြန်မာနိုင်ငံသားများ ထိခိုက်ဒဏ်ရာရရှိခဲ့မှုအပေါ်လည်း စိတ်မ

ကောင်းဖြစ်ရပါကြောင်း၊ ထိုင်းနိုင်ငံနှင့် မလေးရှားနိုင်ငံတို့မှ နိုင်ငံခြားရေးဝန်ကြီးများလာရောက်၍ အကူအညီပေးနိုင်ရေးလိုအပ်သည်များကိုကြည့်ရှုမည်ဆိုသည်ကိုလည်းမိမိတို့အနေဖြင့်ကြိုဆိုကြောင်   နှင့် ကျေးဇူးတင်ရှိပါကြောင်းဖြင့်ပြောကြားခဲ့ပါတယ်။

နှစ်နိုင်ငံခေါင်းဆောင်နှစ်ဦးသည် နှစ်နိုင်ငံအကြား ပူးပေါင်းဆောင်ရွက်မှုများ တိုးတက်ကောင်း

မွန်လျက်ရှိမှုအခြေအနေများ၊  နယ်စပ်ဒေသတည်ငြိမ်အေးချမ်းရေး၊ တရားမဝင်ကုန်သွယ်မှုများ ပူးပေါင်း  တိုက်ဖျက်ရေး၊ မူးယစ်ဆေးဝါးနှင့် တရားမဝင်လက်နက်ရောင်းဝယ်မှုများပပျောက်ရေးတို့ အတွက်  နှစ်နိုင်ငံ ပူးပေါင်းဆောင်ရွက်သွားမည့်အခြေအနေများ၊ကိုဆွေးနွေးခဲ့ကြတာဖြစ်တယ်လို့ နစကရဲ့သတင်း ထုတ်ပြန်ချက်မှာဖော်ပြထားပါတယ်။

ယင်းအပြင် တရားမဝင်အွန်လိုင်းလောင်းကစားမှုများနှင့် ငွေကြေးလိမ်လည်မှုများပပျောက်ရေး အတွက်လည်း ပူးပေါင်းဆောင်ရွက်သွားမည့်အခြေအနေများ၊ နယ်စပ်ဖြတ်ကျော်မီးခိုးမြူငွေ့ညစ်ညမ်းမှု လျော့နည်းပပျောက်စေရေး အတွက်နယ်စပ်နေပြည်သူများအားအသိပညာပေးမှုများနှင့် စိုက်ပျိုးရေး နည်းပညာများဖြန့်ဝေပေးသွားမည့်အခြေအနေများ၊ စီးပွားရေးကဏ္ဍ၊ စိုက်ပျိုးရေးနှင့်မွေးမြူရေးကဏ္ဍ၊ ကာကွယ်ရေးကဏ္ဍနှင့် အခြားကဏ္ဍပေါင်းစုံ၌ ပူးပေါင်းဆောင်ရွက်မှုများ ဆက်လက်မြှင့်တင်  ဆောင်ရွက်    သွားမည့်အခြေအနေများကိုလည်းဆွေးနွေးခဲ့ကြကြောင်း သိရှိရပါတယ်။