တရုတ်သမ္မတ ရှီကျင့်ဖျင်က ၂၀၂၆ ခုနှစ်အတွက် နှစ်သစ်ကူးအမှာစကား ပြောကြားရင်း ဆုမွန်ကောင်းများ တောင်းဆုပြုသွားပါတယ်။

#Asia_News
Published 02 January 2026
#တရုတ်သမ္မတရှီကျင့်ဖျင် #နှစ်သစ်ကူး
#YMG #Yangon_Times #Yangon_Media_Group

တနင်္လာနေ့က တရုတ်အနောက်တောင်ပိုင်း ယူနန်ပြည်နယ် ယုရှီမြို့မှာ တရုတ်-ကမ္ဘောဒီးယား-ထိုင်း နိုင်ငံခြားရေးဝန်ကြီးများအစည်းအဝေး ကျင်းပခဲ့ပါတယ်။

#Asia_Politics
Published 02 January 2026
#တရုတ်_ကမ္ဘောဒီးယား_ထိုင်း #ယူနန်ပြည်နယ်
#YMG #Yangon_Times #Yangon_Media_Group

#World_News
Published 02 January 2026

■ ဆွစ်ဇာလန် ခရန်စ်မွန်တာနာ နှင်းလျှောစခန်းမှ နှစ်သစ်ကူးပါတီတစ်ခုမှာ လူကြပ်ညပ်နေတဲ့ ဘားတစ်ခု မီးလောင်စွဲသဖြင့် အယောက် ၄၀ သေဆုံးကာ ၁၁၅ ဦး ဒဏ်ရာရခဲ့ကြောင်း အရာရှိတွေ ကြာသပတေးနေ့က ပြောပါတယ်။

■ လီကွန်စတယ်လေးရှင်းလို့ခေါ်တဲ့ ဘားမှာ ပျော်ပါးနေကြစဉ် သန်းခေါင် ၁ နာရီခွဲအချိန်မှာ မီးလောင်ခဲ့တာ ဖြစ်တယ်လို့ ရဲတွေပြောပါတယ်။

■ ဒီနိုင်ငံရဲ့ အဆိုးရွားဆုံး ဖြစ်ရပ်တွေထဲက တစ်ခုဖြစ်ပြီး သေဆုံးသူအများစုက လူငယ်တွေဖြစ်တယ်လို့ ဆွစ်ဇာလန်သမ္မတ ဂိုင်းပါမီလင်က ပြောပါတယ်။

■ မီးလောင်ရတဲ့ အကြောင်းအရင်း သေချာမသိရသေးဘဲ မတော်တဆ ဖြစ်ဖွယ်ရှိတယ်လို့ အာဏာပိုင်တွေ ပြောပါတယ်။

■ အလောင်းတွေ လောင်ကျွမ်းနေတဲ့အတွက် ဘယ်သူဘယ်ဝါတွေ ဆိုတာနဲ့ သေဆုံးစာရင်းအတိအကျ သိရဖို့ အချိန်ကြာဦးမှာ ဖြစ်ပါတယ်။

■ ဗီဒီယိုတွေထဲမှာ အဆောက်အဦကနေ မီးလောင်စွဲပျံ့နှံ့နေပြီး လူတွေက အလန့်တကြား ထွက်ပြေးနေကြပါတယ်။

■ စုံစမ်းစစ်ဆေးချက်များအရ ဘားပိုင်ရှင်ဟာ ပြင်သစ်စုံတွဲဖြစ်တယ်လို့ ရှေ့နေ ဘိထရစ်ပီလောက်က ပြောပါတယ်။

■ စခန်းမှာ လာရောက်ပျော်ရွှင်ကြသူတွေက နိုင်ငံအနှံ့မှ နိုင်ငံခြားသားတွေ ပါဝင်နေပြီး အတိအကျတော့ မသိရသေးပါဘူး။

■ ဗီဒီယိုပြချက်တွေထဲမှာ ကြာသပတေးနေ့ ညနေခင်းမှာ ရာနဲ့ချီတဲ့လူတွေက ထိခိုက်နစ်နာသူတွေအတွက် လေးစားမှုပြုခဲ့ကြပါတယ်။

Source: Reuters

#World_Health
Published 02 January 2026

■ အချိန်ကာလတစ်ခုအထိ အစားဖြတ်ခြင်း(IF)ဆိုတာက အစားစားခြင်းနဲ့ အစားဖြတ်ခြင်းအချိန်ကာလ အလှည့်ကျပြောင်းလဲတဲ့ စားသောက်ပုံစံဖြစ်ပါတယ်။

■ တစ်နေ့တာအတွင်း ၁၆ နာရီကြာအောင် အစားမစားဘဲ ၈ နာရီကာလအတွင်းသာ စားသောက်တာ ဖြစ်ပါတယ်။

■ အစားစားချိန်ကာလ ကန့်သတ်ခြင်းဖြင့် ကယ်လိုရီစားသုံးမှု လျှော့ချသွားပြီး ကိုယ်အလေးချိန် ကျဆင်းစေပါတယ်။

■ အများစု ကျင့်သုံးနေကြတယ်ဆိုပေမယ့် သိထားရမှာတွေလည်း ရှိပါတယ်။

■ (၁) ပရိုတိန်းစားသုံးမှု နည်းသွားရင် ခန္ဓာကိုယ်က စွမ်းအင်အတွက် ကြွက်သားတစ်ရှူးတွေကို ဖြိုခွဲရသဖြင့် ကြွက်သားဆုံးရှုံးစေပါတယ်။

■ (၂) အင်ဆူလင်ကို အလုပ်လုပ်စေသဖြင့် သွေးတွင်းသကြားဓာတ် လျှော့ချကာ ကိုလက်စ်ထရော၊ သွေးပေါင်ချိန်တို့ကို ကောင်းမွန်စေပြီး ဆီးချိုဖြစ်နိုင်ခြေကို လျှော့ချပေးပါတယ်။

■ (၃) ကယ်လိုရီလျှော့ချပြီး ဇီဝဖြစ်စဉ်ကျန်းမာရေး တိုးတက်စေသဖြင့် အသည်းခြောက်ရောဂါရှင်တွေအတွက် အကျိုးရှိစေကာ ရောင်ရမ်းခြင်းကို လျှော့ချပေးပါတယ်။

■ (၄) အစားဖြတ်တဲ့သူတွေက အားကစားကဏ္ဍတွေမှာ စွမ်းဆောင်ရည်ကျဆင်းသွားပြီး ဒါဟာ ရေဓာတ်ခန်းခြောက်ခြင်း၊ ဂလိုင်ကိုဂျင်သိမ်းဆည်းမှု လျော့နည်းခြင်းတို့ကြောင့် ဖြစ်ပါတယ်။

■ (၅) ရောင်ရမ်းခြင်းကို လျော့ကျစေပြီး သားဥအိမ်ရောဂါ (PCOS)ရှိသူတွေမှာ အင်ဆူလင်ပမာဏ ထိန်းညှိပေးပြီး ဟော်မုန်းညီမျှစေပါတယ်။

■ (၆) စားတဲ့အချိန်ကာလအတွင်းမှာ အာဟာရကြွယ်ဝတဲ့ ပရိုတိန်းတွေ၊ အကျိုးပြုအဆီတွေ၊ အစေ့အဆန်တွေကို ညီညွတ်မျှတအောင် စားသုံးရမှာဖြစ်ပြီး တခြားအကျိုးမပြုတဲ့ အစားအစာတွေကို ရှောင်ရှားရမှာ ဖြစ်ပါတယ်။

■ ဒါကြောင့် အချိန်ကာလအပိုင်းအခြားတစ်ခုအထိ အစားဖြတ်ခြင်းက ကိုယ်အလေးချိန်ကျဖို့ အကျိုးရှိနိုင်ပေမယ့် သေချာမကျင့်သုံးပါက အာဟာရဓာတ်ချို့တဲ့ခြင်းနဲ့ ဘေးထွက်ဆိုးကျိုးများ ဖြစ်လာနိုင်ပါတယ်။

Source: NDTV

#World_Health
Published 02 January 2026

■ လူတွေက အိပ်စက်တဲ့အခါ သက်တောင့်သက်သာ အဖြစ်ဆုံး အနေအထားရှိကြပြီး အချို့ဆိုရင် ဘေးတိုက်လဲလျောင်း အိပ်စက်ကြပါတယ်။

■ ဒီထဲမှာမှ ဗိုက်မှောက်အိပ်စက်ခြင်းကလည်း အတော်များများကျင့်သုံးကြပေမယ့် ခန္ဓာကိုယ်မှာ ကောင်းကျိုးရော ဆိုးကျိုးပါ ဖြစ်စေနိုင်တယ်လို့ အက်စ်တာ CMI ဆေးရုံမှ ဒေါက်တာ ဆူနီကူမာက ပြောပါတယ်။

■ ညတိုင်း ရက် ၃၀ ကြာအောင် ဗိုက်မှောက်အိပ်မယ်ဆိုရင် ရေတိုမှာ လည်ပင်းနာခြင်း၊ ပခုံးမအီမသာဖြစ်ခြင်း၊ ကျောတောင့်တင်းခြင်းတို့ ဖြစ်နိုင်ပါတယ်။

■ ရေရှည်မှာတော့ နာတာရှည် လည်ပင်းနာခြင်း၊ ခါးအောက်ပိုင်းဒဏ်ဖြစ်ခြင်း၊ ကိုယ်နေဟန်ထား မမှန်ခြင်း၊ ကြွက်သားမညီမမျှဖြစ်ခြင်း၊ ရင်ဘတ်တောင့်တင်းခြင်းတို့ ဖြစ်စေနိုင်ပါတယ်။

■ မျက်နှာကို အောက်ဘက်မှောက်ပြီး အိပ်စက်ခြင်းကြောင့် ရင်ဘတ်နဲ့ ဝမ်းဗိုက်တို့ကို ဖိမိစေပြီး အသက်ရှူရ ခက်ခဲစေကာ အောက်ဆီဂျင်ရောက်ရှိမှု နည်းပါးစေကြောင်း၊ ထိုအခါ လက် ခြေထောက် အာရုံကြော သွေးကြောတို့မှာ သွေးလည်ပတ်မှု နည်းစေပြီး အိပ်စက်ရခက်ခဲစေကြောင်း ပြောပါတယ်။

■ ရက် ၃၀ ကြာအောင် ဒီလိုအိပ်စက်ခြင်းဖြင့် အာရုံကြောဖိသိပ်စေပြီး ထုံကျဉ်စေကာ လည်ပင်းနဲ့ ကျောတို့မှာ ဒဏ်ဖြစ်လာစေသလို ကြာလာတာနဲ့အမျှ တောင့်တင်းခြင်း၊ နေ့ခင်းဘက် နေထိုင်ရခက်ခြင်းတို့ ဖြစ်လာစေနိုင်ကြောင်း ဒေါက်တာ ဆူနီက ပြောပါတယ်။

■ ဗိုက်မှောက်အိပ်ခြင်းမှ ကာကွယ်ဖို့အတွက် ဒူးခေါင်းအောက် ခေါင်းအုံးထားရှိခြင်း၊ ဗိုက်မမှောက်မိအောင် ခန္ဓာကိုယ်ဘေးမှာ ခေါင်းအုံးထားရှိခြင်း၊ ကျောရိုးအထောက်အကူဖြစ်စေမယ့် အတန်အသင့်ခိုင်မာသောဖျာ ထားရှိခြင်း၊ သက်တောင့်သက်သာရှိစေရန် ဖက်လုံးအသုံးပြုခြင်း၊ ဒူးခေါင်းကြား ခေါင်းအုံးထားရှိပြီး ဘေးတိုက်အိပ်စက်ခြင်းတို့ ပြုလုပ်သင့်ပါတယ်။

Source: Indian Express.

ဗင်နီဇွဲလားကမ်းရိုးတန်းတလျှောက် အမေရိကန်စစ်တပ်တွေ ချထားသဖြင့် အသက်ကယ်ဆေးဝါးအချို့ဈေးနှုန်းမြင့်တက်ကုန်ပြီး ဗင်နီဇွဲလားမှသာမန်လူတွေ ဝယ်ဖို့မတတ်နိုင်တော့ပါဘူး။

#World_Crisis
Published 01 January 2026
#ဗင်နီဇွဲလား #အမေရိကန်
#YMG #Yangon_Times #Yangon_Media_Group