ပြီးခဲ့တဲ့တစ်ပတ်က ဈေးမြင့်ခဲ့တဲ့ ခရမ်းချဉ်သီးဈေးကွက်မှာ ထိုင်းနိုင်ငံဘက်မှ ဝယ်ယူမှုရပ်နားလိုက်သည့်အတွက် ရှမ်းပြည်နယ်ထွက် ခရမ်းချဉ်သီးဈေးကွက်မှာ ဈေးအနည်းငယ်ပြန်ကျလာတယ်လို့ အောင်ပန်းရှိ ကုန်စိမ်းပွဲရုံတွေထံ က သိရပါတယ်။
#Local_News
Published_ 26 June 2024
#ခရမ်းချဉ်သီးဈေးထပ်မံကျ #ထိုင်းနိုင်ငံဘက်မှဝယ်ယူမှုရပ်နား
#YMG/LW #Yangon_Times

မြန်မာလူငယ်ထုကြား မူးယစ်ဆေးဝါး(၉) မျိုးပျံ့နှံ သုံးစွဲမှုရှိနေပြီး ကလပ်‌တွေမှာအကြောစွဲ၊ သူငယ်အိမ်စောင်းပြီးမှတ်ဉာဏ်ပျက်‌စေတဲ့ မူးယစ်ဆေး Happy Water သုံးစွဲမှုအများဆုံးဖြစ်နေတယ်လို့ သိရပါတယ်။
#Local_News
Published_ 26 June 2024
#မူးယစ်ဆေးဝါး(၉)မျိုးပျံ့နှံ့ #Happy_Waterသုံးစွဲမှုအများဆုံး
#tthl #Yangon_Times

#Local_News
Published_ 26 June 2024

▪️ လှိုင်မြစ်ကျော်ပြီး ဓာတ်အားလိုင်းသွယ်တန်းမည်ဖြစ်ပြီး ဓာတ်အားလိုင်းသွယ်တန်းနေချိန်၌ လုပ်ငန်း ခွင်၏ အထက်နှင့်အောက်ဘက်ရှိ လှိုင်မြစ်အတွင်းရေလမ်းကြောင်းခေတ္တပိတ်ထားမည်ဖြစ်ကြောင်း သိရသည်။

▪️ မြစ်ကျော်ဓာတ်အားလိုင်းသွယ်တန်းခြင်းလုပ်ငန်းကို ဇွန် ၂၅ ရက်မှ ဇူလိုင် ၄ ရက်အထိ နေ့စဉ် နံနက် ၈နာရီမှ ညနေ ၄ နာရီအထိ ဆောင်ရွက်သွားမည်ဖြစ်သည်ဟုဆိုသည်။

▪️ လျှပ်စစ်စွမ်းအားဝန်ကြီးဌာန လျှပ်စစ်ဓာတ်အား ပို့လွှတ်ရေးနှင့် ကွပ်ကဲရေးဦးစီးဌာန စီမံကိန်းမန်နေဂျာရုံးသည် ၅၀၀ ကေဗွီ ဘုရားကြီး-လှိုင်သာယာ လှိုင်မြစ်ကျော် ဓာတ်အားလိုင်းသွယ်တန်းခြင်းကို ဝါးတရာကျေးရွာအထက်တွင် ဆောင်ရွက်မည်ဖြစ်သည်။ 

▪️ မြစ်ကျော်ဓာတ်အားလိုင်း သွယ်တန်းနေစဉ် ရေကြောင်းအန္တရာယ် မဖြစ်ပေါ်စေရေးအတွက် လုပ်ငန်းခွင်၏ အထက်နှင့်အောက်ဘက်ရှိ လှိုင်မြစ်အတွင်း ကြီးကြပ်ကွပ်ကဲရေးအဖွဲ့က ရေယာဉ်များဖြင့်စောင့်ဆိုင်း၍ ရေလမ်းကြောင်းခေတ္တပိတ်ထားမည်ဖြစ်ကြောင်း၊

▪️ လုပ်ငန်းခွင်တည်ရှိရာရေလမ်းကို ဖြတ်သန်းမည့်ရေယာဉ်များသည် လုပ်ငန်းခွင်နှင့် လွတ်ကင်းရာတွင် ရပ်နားစောင့်ဆိုင်းပြီး ကြီးကြပ်ကွပ်ကဲရေးအဖွဲ့၏ ခွင့်ပြုချက်ရရှိမှသာ ဖြတ်သန်းခုတ်မောင်းကြရန် ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ ရေလမ်းသတိပေးနှိုးဆော်ချက် ထုတ်ပြန်ထားကြောင်း သိရသည်။

#tthl #Yangon_Times

#Local_News
Published_ 26 June 2024

▪️ ယခုဇွန်လ(၂၃)ရက်အထိ မှတ်ပုံတင်ထားသော ဆန်၊ စပါးသိုလှောင်ရုံ(၇၂၆)လုံးရှိပြီဖြစ်ပြီး ဆန်တန်ချိန်(၅၀)၊ စပါးတင်း(၅၀၀၀)နှင့် အထက်ရှိသော သိုလှောင်ရုံထပ်မံမှတ်ပုံတင်ကြရန်တိုက်တွန်းထားကြောင်း စီးပွားရေးနှင့်ကူးသန်းရောင်း ဝယ်ရေး ဝန်ကြီးဌာနမှ သိရသည်။

▪️ မှတ်ပုံတင်ထားသော ဆန်၊ စပါးသိုလှောင်ရုံ(၇၂၆)လုံးတွင် ကုမ္ပဏီသိုလှောင်ရုံ(၂၁၃)လုံးနှင့် တစ်ဦးချင်းသိုလှောင်ရုံ(၅၁၃)လုံးပါဝင်သည်ဟု ဆိုသည်။

▪️ ပြည်တွင်းဆန်ဖူလုံရေး၊ ပြည်ပသို့ စနစ်တကျတင်ပို့နိုင်ရေး၊‌ ဈေးနှုန်းတည်ငြိမ်မှန်ကန်စေရေး၊ သိုလှောင်မှုအခြေအနေကိုစနစ်တကျစာရင်းပြုစု မှတ်တမ်းတင်နိုင်ရေး၊သိုလှောင်ရုံအပ်လက်မှတ်ကို အခြေပြုပြီး ငွေကြေးထောက်ပံ့ရေးစနစ် ဖော်ဆောင်နိုင်ရေးအတွက် အွန်လိုင်းမှတ်ပုံတင်စနစ်ဖြင့် Myanmar Rice Online(MyRo) www.myro. com.mm၌ ၂၀၂၃ခုနှစ် နိုဝင်ဘာလ(၂၃)ရက်မှစတင်၍ မှတ်ပုံတင်ဆောင်ရွက်ရန်အသိပေးခဲ့ပြီးဖြစ်ကြောင်း သိရသည်။

#tthl #Yangon_Times

#Local_News
Published_ 26 June 2024

▪️ ပြည်ပခရီးသွားများအတွက် One Tourist One Tree အစီစဉ်ကို လာမည့် ဇူလိုင်လတွင် စတင်ဆောင်ရွက်သွားမည်ဖြစ်ကြောင်း ဟိုတယ်နှင့်ခရီးသွားလာရေးဝန်ကြီးဌာနမှ သိရသည်။

▪️ အဆိုပါ One Tourist One Tree အစီအစဉ်ကို ဟိုတယ်နှင့်ခရီးသွားလာရေးဝန်ကြီးဌာနနှင့်အတူ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနတို့ ပူးပေါင်း၍ အကောင်အထည်ဖော်ဆောင်ရွက်မည်ဖြစ်ပြီးကနဦးအနေဖြင့် ပြည်တွင်းရှိခရီးစဉ်ဒေသများဖြစ်သည့် နေပြည်တော်၊ ရန်ကုန်၊ မန္တလေး၊ ပုဂံ၊ ငွေဆောင်နှင့် ချောင်းသာ စသည့် ဒေသများတွင် ဇူလိုင်လမှ အောက်တိုဘာလအထိ ၄ လကြာ ဆောင်ရွက်ရန် သက်ဆိုင်ရာဌာနများမှ ဆွေးနွေးညှိနှိုင်းလျက်ရှိကြောင်း သိရသည်။

▪️ One Tourist One Tree အစီအစဉ်ဖော်ဆောင်ရာတွင် အဖွဲ့လိုက်လာရောက်မည့် နိုင်ငံခြားသားခရီးသွားဧည့်သည်များ၊ ခရီးသွားကုမ္ပဏီများနှင့်ချိတ်ဆက်ပြီး လာရောက်ကြမည့် ခရီးသွားဧည့်သည်များကို  ၎င်းတို့သွားရောက်ကြမည့် ခရီးစဉ်ဒေသများတွင် သစ်ပင်စိုက်ပျိုးနိုင်ကြောင်း အသိပညာပေး စည်းရုံးမည့်အပြင် တစ်ဦးချင်းစီ လာရောက်လည်ပတ်ကြမည့် ခရီးသွားဧည့်သည်များကိုလည်း ၎င်းတို့ဆန္ဒအလျောက် One Tourist One Tree အစီစဉ်တွင်ပါဝင်ကာ သစ်ပင်စိုက်ပျိုးလိုပါက သက်ဆိုင်ရာမှ လိုအပ်သည်များ  စီစဉ်ဆောင်ရွက်ပေးမည်ဖြစ်ကြောင်း သိရသည်။

#YMG/NN #Yangon_Times

#Local_News
Published_ 26 June 2024

▪️ MPT ဆင်းမ်ကတ်သုံးစွဲသူများအား Physical SIM Card  မှ eSIM သို့  ဩဂုတ်လကုန်အထိ အခမဲ့ ပြောင်းလဲပေးသွားမည် ဖြစ်ကြောင်း သိရသည်။

▪️ eSIM ဝန်ဆောင်မှု ဆိုသည်မှာ သုံးစွဲသူများအနေဖြင့် ရိုးရိုးဆင်းမ်ကတ် (Physical SIM Card) ထည့်သွင်းအသုံးပြုရန် မလိုအပ်ဘဲ ၎င်းတို့၏ မိုဘိုင်းဖုန်းစနစ်ထဲတွင် digital နည်းဖြင့် တိုက်ရိုက် ဖြည့်သွင်းအသုံးပြုနိုင်သည့် ဒီဂျစ်တယ် ဆင်းမ်ကတ်တစ်ခုဖြစ်ကြောင်း သိရသည်။

▪️ အဆိုပါ eSIM ဝန်ဆောင်မှုကို အသုံးပြုနိုင်ပြီဖြစ်ကြောင်း ဇွန်လ ၂၄ ရက်နေ့က MPT ကထုတ်ပြန်လိုက်ပြီး  ယင်း ဝန်ဆောင်မှုနှင့်ပတ်သက်၍ သုံးစွဲသူများအား  ပရိုမိုးရှင်းကာလဖြစ်သည့်  ဩဂုတ်လ (၃၁) ရက်အထိ ရိုးရိုးဆင်းမ်ကတ် (Physical SIM Card) မှ eSIM သို့ အခမဲ့ ပြောင်းလဲပေးသွားမည်ဖြစ်ကြောင်း သိရသည်။

▪️ MPT eSIM ကို အသုံးပြုရန် eSIM အသုံးပြုနိုင်သော မိုဘိုင်းဖုန်း လိုအပ်သဖြင့် eSIM ပြောင်းလဲအသုံးမပြုမီ မိမိတို့၏ မိုဘိုင်းဖုန်းသည် eSIM အသုံးပြုနိုင်ခြင်း ရှိမရှိကို ကြိုတင်စစ်ဆေးထားရန် လိုအပ်သကဲ့သို့  သုံးစွဲသူများအနေဖြင့် *#06# ကိုခေါ်ဆိုပြီး မိမိတို့၏ဖုန်းသည် eSIM ဝန်ဆောင်မှုသုံးစွဲနိုင်မှု ရှိ/မရှိ ကို အလွယ်တကူ စစ်ဆေးနိုင်ကြောင်း သိရသည်။

▪️ ထိုသို့စစ်ဆေးရာတွင်   ဖုန်းမျက်နှာပြင်တွင် ပြသထားသည့် EID ဘားကုတ်ကို မြင်ရပါက သုံးစွဲသူများက eSIM ကို ထည့်သွင်း အသုံးပြုနိုင်မည် ဖြစ်ကြောင်း၊

▪️ eSIM ဝန်ဆောင်မှုတွင် အကျိုးကျေးဇူးများစွာ ပါဝင်သောကြောင့် သုံးစွဲသူများအနေဖြင့် ပိုမိုကောင်းမွန်သော ကြိုးမဲ့ဆက်သွယ်ရေးစနစ်(mobile) သုံးစွဲမှု အတွေ့အကြုံကို ရရှိခံစားနိုင်ပြီး ရိုးရိုးဆင်းမ်ကတ် (Physical SIM Card) များမလိုအပ်ဘဲ နိုင်ငံရပ်ခြားတွင် အဆင်ပြေ ချောမွေ့စွာ  ချိတ်ဆက် အသုံးပြုနိုင်မည် ဖြစ်သည့်အပြင် eSIM ဝန်ဆောင်မှု အသုံးပြုခြင်းအားဖြင့် ရိုးရိုးဆင်းမ်ကတ် (Physical SIM Card) များကဲ့သို့   ပျောက်ဆုံးပျက်စီးနိုင်ခြေ နည်းပါးသည့်အတွက် သုံးစွဲသူများအနေဖြင့် စိတ်သက်သာမှု ရရှိနိုင်မည်ဖြစ်ကြောင်း သိရသည်။

▪️ MPT သုံးစွဲသူများသည်  မိုဘိုင်းဖုန်း၏ SIM manager settings ရှိ Add eSIM menu သို့သွားကာ စကန်ဖတ်နိုင်သည့် QR ကုတ် မှတစ်ဆင့် eSIM ကို ထည့်သွင်းနိုင်မည်ဖြစ်ကြောင်း သိရသည်။

▪️ ထို့အပြင် eSIM လဲလှယ်နိုင်သည့် QR ကုတ်ကတ်ကို လတ်တလောတွင် သတ်မှတ်ထားသော MPT အရောင်းဆိုင်များ၌ ရရှိနိုင်ပြီး MPT အနေဖြင့် သုံးစွဲသူများ ဒီဂျစ်တယ် QR ကုတ် အသုံးပြုနိုင်ရန်အတွက် ဆက်လက်တိုးချဲ့ သွားမည်ဖြစ်ကာ eSIM အကြောင်းနှင့်ပတ်သက်သည့် အကြောင်းအရာများကို လူမှုကွန်ရက်မီဒီယာချန်နယ်များမှ တစ်ဆင့်  ကြေညာပေးသွားမည်ဖြစ်ကြောင်း သိရသည်။

▪️ အဆိုပါ ဒီဂျစ်တယ် QR ကုတ်သည် အသုံးပြုသူများအတွက် ပိုမိုအကျိုးရှိပြီး သုံးစွဲသူများသည် ဆိုင်ကိုသွားစရာ မလိုဘဲ အင်တာနက်ရသည့်နေရာများမှ eSIM လဲလှယ်ခြင်းကို လုပ်ဆောင်နိုင်မည် ဖြစ်သကဲ့သို့  MPT eSIM ဝန်ဆောင်မှုနှင့် အသေးစိတ် အချက်အလက်များကို သုံးစွဲသူများနှင့် အနီးဆုံး MPT အရောင်းဆိုင်များကို သွားရောက်၍ ဆက်သွယ်စုံစမ်း မေးမြန်းနိုင်ကြောင်း၊  MPT ၏ တရားဝင် ဝက်ဘ်ဆိုက်ဖြစ် သော www.mpt.com.mm သို့လည်းကောင်း 106 Call Center သို့ ခေါ်ဆို မေးမြန်းခြင်းဖြင့် လည်းကောင်း မိမိသိရှိလိုသည်များကိုလည်း တိုက်ရိုက်တုံ့ပြန် ဖြေကြားပေးမည့် Chatbot ဝန်ဆောင်မှုများကို MPT4U အက်ပလီကေးရှင်းနှင့် MPT Viber တို့တွင်လည်း စုံစမ်းမေးမြန်းနိုင်တယ်လို့ ထုတ်ပြန်ချက်အရ သိရသည်။

#YMG/NN #Yangon_Times

#Local_News
Published 25 June 2024

▪️ တနင်္သာရီတိုင်းဒေသကြီး၊ ကော့သောင်းမြို့တွင် မိုးသည်းထန်စွာရွာသွန်းမှုကြောင့် မြေပြိုကျမှုဖြစ်ပွားကာအမျိုးသမီး တစ်ဦး ‌ေ-သဆုံးခဲ့ကြောင်း မီးသတ်တပ်ဖွဲ့၏သတင်းထုတ်ပြန်ချက်အရ သိရသည်။

▪️ ဇွန်လ ၂၅ရက် မနက် ၁ဝနာရီခွဲ အချိန်က ကော့သောင်းမြို့၊ အေးမြကန်သာရပ်ကွက်၊ မနော်ဟရီ(၆)လမ်းတွင် မိုးသည်းထန်စွာရွာသွန်းမှုကြောင့် မြေပြိုကျမှုဖြစ်ပွားခဲ့ကြောင်း သိရသည်။

▪️ မြေပြိုကျမှုဖြစ်ပွားကြောင်း သတင်းရရှိသဖြင့် ကော့သောင်းခရိုင်မီးသတ်စခန်းမှ အုပ်ချုပ်မှုယာဉ်(၁)စီး၊ မီးငြှိမ်းသတ်ရေးယာဉ်(၁)စီး၊ ရှာဖွေကယ်ဆယ်ရေးတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ ရွှေအဏ္ဏဝါနာရေးကူညီမှုအသင်းဝင်များ၊ သက်ဆိုင်ရာအဖွဲ့အစည်းများဖြင့် ပူးပေါင်း၍ ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ကြောင်း သိရသည်။

▪️ အဆိုပါဖြစ်စဉ်ကြောင့် အမျိုးသမီး(၁)ဦး(သေဆုံး)အား ရွှေအဏ္ဏဝါနာရေးကူညီမှုအသင်းယာဉ်ဖြင့် (၂)မိုင်ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။

#YMG/LW #Yangon_Times

#Local_News
Published 24 June 2024

▪️ တွံတေးမွေးမြူရေးဇုန်၌ လုပ်ငန်းရှင် (၆၈) ဦးမှ ကြက်၊ ဝက်၊ ဘဲများ အပါအဝင်မွေးမြူရေးလုပ်ငန်းများ လုပ်ကိုင်နေကြောင်း ရန်ကုန်မြို့တော်စည်ပင်ရေးကော်မတီမှ သိရသည်။

▪️ အဆိုပါ တွံတေးမွေးမြူရေးဇုန်အတွင်းလုပ်ငန်းရှင် (၆၈) ဦးက အသားတိုးကြက် ၄၂၇၀၀ ကောင်၊ အသားတိုးဘဲ  ၃၉၀၀ ကောင်၊ အသားတိုးနွား ၁၁၃ ကောင်၊ ဆိတ်အကောင်ရေ ၃၄၃၅ ၊ ဒေသကြက်၂၀၄၁၆  ကောင်၊ ဥစားကြက် ၇၉၀၀ ကောင်၊ ဥစားဘဲ ၄၀၆၈ ကောင်၊ နို့စားနွား ၂၂၁ ကောင်၊ ငုံးအကောင်ရေ ၁၄၃၇၀ ကောင်မွေးမြူထား ကြောင်းသိရသည်။

▪️ ထိုသို့မွေးမြူမှုများမှ ဇွန်လ ၂၃ ရက်အထိ ကြက်ပိဿာချိန် ၁၃၄၉၀၀ ပိဿာ၊ ဝက်ပိဿာချိန် ၉၄၃၆ ပိဿာ၊ ဘဲပိဿာချိန် ၉၅၇၀ ပိဿာ၊ အမဲသားပိဿာချိန် ၃၂၀၀ ပိဿာ၊ ဆိတ်သားပိဿာချိန် ၅၉၈၃ ပိဿာ၊ ဘဲဥအလုံးရေ ၄၄၃၇၉၈ လုံး၊ ကြက်ဥအလုံးရေ ၃၉၄၈၈၅ လုံး၊ ငုံးဥအလုံးရေ ၄၀၄၂၆၂  လုံးနှင့် နွားနို့ပိဿာချိန် ၄၅၃၈၈၅  ပိဿာထုတ်လုပ်နိုင်ခဲ့ကြောင်း သိရသည်။

#YMG/NN #Yangon_Times

#World_News
Published 25 June 2024

▪️ ယူကရိန်းက အမေရိကန်မှ ထောက်ပံ့တဲ့ ATACMS ဒုံးကျည်များဖြင့် ခရိုင်းမီးယားကို တိုက်ခိုက်ခဲ့ရာ အနည်းဆုံး လူ ၄ ဦးသေဆုံးပြီး ၁၅၁ ဦးဒဏ်ရာရခဲ့သဖြင့် ရုရှားတို့က အမေရိကန်ကို တနင်္လာနေ့မှာ အပြစ်တင်လိုက်ကာ တုန့်ပြန်လက်စားပြန်ချေရလိမ့်မယ်လို့ အမေရိကန်သံအမတ်ကို တရားဝင်သတိပေးလိုက်ပါတယ်။

▪️ ယူကရိန်းစစ်ပွဲကြောင့် ရုရှားနဲ့ အနောက်တိုင်းကြား ဆက်ဆံရေး အလွန်ဆိုးရွားနေပြီး ပဋိပက္ခက အတင်းမာဆုံး အခြေအနေအဖြစ်သို့ ရောက်ရှိလာပြီဖြစ်ကြောင်း ရုရှားအရာရှိများက ပြောပါတယ်။

▪️ ၂၀၁၄ ခုနှစ်က ရုရှားတို့ တဖက်သတ် သိမ်းပိုက်ထားတဲ့ ခရိုင်းမီးယားကျွန်းဆွယ် တိုက်ခိုက်ခံရတဲ့အပေါ် ရုရှားတို့က အမေရိကန်ကို တိုက်ရိုက်အပြစ်တင်လိုက်တာ ဖြစ်ပါတယ်။

▪️ ရုရှားတို့ ပြောကြားချက်အရ တနင်္ဂနွေနေ့က ဆယ်ဗာစတိုပိုလ်ကို တိုက်ခိုက်ခဲ့ရာမှာ အနည်းဆုံး ကလေး ၂ ဦးသေဆုံးခဲ့ပြီး ကမ်းခြေမှာ ဒဏ်ရာရတဲ့လူတွေကို သယ်ဆောင်နေခဲ့ကြတယ်လို့ သိရပါတယ်။

▪️ အမေရိကန်ဟာ သွယ်ဝိုက်တဲ့နည်းဖြင့် ရုရှားနဲ့ စစ်ဖြစ်နေပြီး စစ်ပွဲမှာ ပါဝင်ပတ်သက်နေကာ လက်စားချေမှုတွေ ဆက်ဖြစ်လာမယ်လို့ ရုရှားနိုင်ငံခြားရေးဝန်ကြီးဌာနက အမေရိကန် သံအမတ် လိုင်းထရေစီကို ခေါ်ဆောင်ကာ ပြောကြားခဲ့ပါတယ်။

▪️ အရပ်သားများ ထိခိုက်ပျက်စီးရတဲ့အတွက် ဝမ်းနည်းမိကြောင်း ထရေစီက ပြောကာ အမေရိကန်က ယူကရိန်းကို လက်နက်ထောက်ပံ့တယ်ဆိုတာ ယင်းအချုပ်အခြာ အာဏာပိုင်နယ်မြေများကို ကာကွယ်နိုင်ရန်အတွက် ဖြစ်တယ်လို့ ဆိုပါတယ်။

▪️ အမေရိကန် စစ်ဌာနချုပ် ပင်တဂွန်မှ ပြောရေးဆိုခွင့်ရှိသူ ဗိုလ်မှူးချာလီဒီယက်ဇ်က ပြောရာမှာ ယူကရိန်းဟာ သူ့ကိုယ်ပိုင်ဆုံးဖြတ်ချက်တွေ ချနေတာဖြစ်ပြီး ယင်းတို့ဘာသာ စစ်ဆင်ရေးတွေ ပြုလုပ်နေတာ ဖြစ်တယ်လို့ ဆိုလိုက်ပါတယ်။

▪️ ရုရှားဟာ အမေရိကန်ဦးဆောင်တဲ့ နေတိုး(NATO)အဖွဲ့နဲ့ ပဋိပက္ခမဖြစ်ချင်ပေမယ့် ကမ္ဘာ့အင်အားကြီး နျူကလီးယားနိုင်ငံများ ပါဝင်လာပါက စစ်ပွဲပိုမိုကြီးမားလာနိုင်တဲ့ အန္တရာယ်ရှိနေကြောင်း ရုရှားသမ္မတ ဗလာဒီမာပူတင် အကြိမ်ကြိမ်သတိပေးခဲ့ပါတယ်။

▪️ အမေရိကန်တွေ ပါဝင်လာပြီး အပြစ်မဲ့တဲ့ ရုရှားပြည်သူတွေ သေကြေရတာဟာ နောက်ဆက်တွဲအကျိုးဆက်တွေ ရှိလာလိမ့်မယ်လို့ ခရင်မ်လင်မှ ပြောရေးဆိုခွင့်ရှိသူ ဒီမစ်ထရီပက်စ်ကော့ဗ်က ပြောသွားပါတယ်။

#Source: Reuters

#Local_News
Published_ 25 June 2024

▪️ အာရှပူးပေါင်းဆောင်ရွက်ရေး ဆွေးနွေးပွဲအဖွဲ့(အေစီဒီ) အစည်းအဝေး၌ ဒုတိယဝန်ကြီးချုပ်နှင့်နိုင်ငံခြားရေးဝန်ကြီး ဦးသန်းဆွေသည် နိုင်ငံတော်အစိုးရ၏ ငြိမ်းချမ်းရေး၊ ဖွံ့ဖြိုးတိုးတက်ရေးနှင့် ဒီမိုကရေစီဖော်ဆောင်ရေးအတွက် ကြိုးပမ်းဆောင်ရွက်နေမှုများနှင့် မြန်မာနိုင်ငံ၏ လက်ရှိဖြစ်ပေါ်တိုးတက်မှုအခြေအနေများကို အဖွဲ့ဝင်နိုင်ငံများမှ ကိုယ်စားလှယ်အဖွဲ့ခေါင်းဆောင်များအား ရှင်းလင်းပြောကြားခဲ့ကြောင်း သိရပါတယ်။

▪️ ဝန်ကြီး ဦးသန်းဆွေသည် ဇွန် ၂၄ ရက်တွင် အီရန်နိုင်ငံ၊ တီဟီရန်မြို့၌ ကျင်းပပြုလုပ်ခဲ့တဲ့ (၁၉) ကြိမ်မြောက် အာရှပူးပေါင်း ဆောင်ရွက်ရေးဆိုင်ရာ ဆွေးနွေးပွဲအဖွဲ့ (အေစီဒီ)၏ နိုင်ငံခြားရေးဝန်ကြီးများ အစည်းအဝေးသို့ အဖွဲ့ဝင်နိုင်ငံများမှ နိုင်ငံခြားရေး ဝန်ကြီးများ၊ ကိုယ်စားလှယ်များနှင့်အတူ တက်ရောက်ခဲ့တာ ဖြစ်ပါတယ်။

▪️ အေစီဒီလက်ရှိဥက္ကဋ္ဌ အီရန်နိုင်ငံက သတ်မှတ်ထားသည့် “ဆန်းသစ်စနည်းပညာ များမှတစ်ဆင့် ပိုမိုချိတ်ဆက်ပြီး၊ စွမ်းဆောင်ရည် ပြည့်ဝသည့် အာရှဒေသ ဆီသို့” ခေါင်းစဉ်ဖြင့် ကိုယ်စားလှယ်အဖွဲ့အသီးသီးက သက်ဆိုင်ရာနိုင်ငံအလိုက် မိန့်ခွန်းများ ပြောကြားခဲ့ကြပါတယ်။

▪️ ဒုတိယဝန်ကြီးချုပ်နှင့် နိုင်ငံခြားရေးဝန်ကြီးက အေစီဒီ လက်ရှိဥက္ကဋ္ဌ အီရန်နိုင်ငံ၏ ကြိုးပမ်းဆောင်ရွက်ချက်များနှင့် အေစီဒီဥက္ကဋ္ဌတာဝန် အောင်မြင်စွာ ထမ်းဆောင်ခဲ့သည့် ဘာရိန်းနိုင်ငံတို့အပေါ် ချီးကျူးခဲ့ပြီး အေစီဒီဥက္ကဋ္ဌသစ်အဖြစ် လွှဲပြောင်းတာဝန်ယူ ဆောင်ရွက်မည့် ထိုင်းနိုင်ငံအား ကြိုဆိုပါကြောင်း ပြောကြားခဲ့ပါတယ်။

▪️ အီရန်သမ္မတ မစ္စတာဆေးယက်ဒ်အီဘရာဟင်ရိုင်စီနှင့် နိုင်ငံခြားရေးဝန်ကြီး ဒေါက်တာ ဟိုစိန်အမီယာ အက်ဘ်ဒိုလာဟီယံတို့ မကြာသေးမီက ကွယ်လွန်သွားခဲ့မှု အပေါ် မြန်မာနိုင်ငံက ဝမ်းနည်းကြေကွဲရပါကြောင်းနှင့် ၎င်းတို့၏ အာရှပူးပေါင်း ဆောင်ရွက်ရေး လုပ်ငန်းစဉ်အပေါ် ကြိုးပမ်းမှုများအား အောက်မေ့သတိရ တန်ဖိုးထား ပါကြောင်း ပြောကြားခဲ့ပါတယ်။

▪️ အာရှပူးပေါင်းဆောင်ရွက်ရေးဆိုင်ရာ ဆွေးနွေးပွဲအဖွဲ့ (အေစီဒီ) ကို ၂၀၀၂ ခုနှစ်၊ ဇွန်လက ထိုင်းနိုင်ငံ၊ ချာအမ်းမြို့၌ စတင်ဖွဲ့စည်းထူထောင်ခဲ့ပြီး ဒေသတွင်း အုပ်စုကြီး (၅) ခုဖြစ်သည့် အရှေ့တောင်အာရှအုပ်စု၊ တောင်အာရှအုပ်စု၊ အနောက်အာရှအုပ်စု၊ ဗဟိုအာရှအုပ်စုနှင့် အရှေ့အာရှအုပ်စုတို့ကို အသီးသီး ကိုယ်စားပြုသည့် အဖွဲ့ဝင်နိုင်ငံ (၃၅) နိုင်ငံ ပါဝင်ပါတယ်။

▪️ အီရန်နိုင်ငံ၌ ကျင်းပခဲ့သည့် (၁၉) ကြိမ်မြောက် အေစီဒီ နိုင်ငံခြားရေးဝန်ကြီးများ အစည်းအဝေးသို့ အေစီဒီအဖွဲ့ဝင်နိုင်ငံ (၃၁) နိုင်ငံနှင့် ဒေသတွင်းနှင့် အပြည်ပြည်ဆိုင်ရာ အဖွဲ့အစည်း (၈) ခုမှ ကိုယ်စားလှယ်များ ပါဝင်တက်ရောက်ခဲ့ကြောင်း သိရှိရပါသည်။

#Ymg_mnn #Yangon_Media_Group

#World_Health
Published 25 June 2024

▪️ အသီးအနှံ၊ ဟင်းရွက်၊ အခွံမာသီး၊ အစေ့အဆန်၊ ဂျုံတို့မှရတဲ့ အပင်အခြေပြု အာဟာရဓာတ်တွေဟာ ခန္ဓာကိုယ်မှာ ဓာတ်တိုးဆန့်ကျင်အာနိသင်များ ပေးစွမ်းနိုင်ပြီး ဆဲလ်များပျက်စီးခြင်းမှ ကာကွယ်ပေးကြောင်း အာဟာရပညာရှင် မယ်လာနီမာဖီရစ်ချ်တာက ပြောပြခဲ့ပါတယ်။

▪️ အပင်အခြေပြု အာဟာရဓာတ်တွေဟာ ကိုယ်ပိုင်အကျိုးကျေးဇူးများရှိပြီး ရောင်ရမ်းဆန့်ကျင် အာနိသင်များ၊ ကိုယ်ခံအားတက်စေခြင်း၊ နှလုံးကျန်းမာရေး ကောင်းမွန်စေခြင်း၊ ကင်ဆာဆန့်ကျင်စွမ်းရည်များစသဖြင့် ပေးစွမ်းနိုင်ပါတယ်။

▪️ အပင်အခြေပြု အာဟာရဓာတ်တွေနဲ့ ဓာတ်တိုးဆန့်ကျင်ပစ္စည်းတွေကို တစ်နေ့ဘယ်လောက် စားသုံရမယ်လို့ သတ်မှတ်ချက်မရှိပေမယ့် အမျိုးမျိုးစားသုံးလေ ကျန်းမာရေးအတွက် အကျိုးရှိလေ ဖြစ်ပါတယ်။

 
-  ကယ်ရိုတီနွိုက်
▪️ ဖရုံသီး၊ ခရမ်းချဥ်သီး၊ မုန်လာဥနီ၊ ငရုတ်ပွသီးတို့မှာ ပါဝင်တဲ့ ကယ်ရိုတီနွိုက်က မျက်လုံးကျန်းမာရေးကို ထောက်ပံ့ပေးပြီး ကင်ဆာဖြစ်နိုင်ခြေကို လျှော့ချပေးပါတယ်။

 
-  ဖလေဗိုနွိုက်
▪️ သံပယိုသီးမျိုးနွယ်များ၊ လက်ဖက်စိမ်း၊ ဘယ်ရီသီး၊ ပန်းသီး၊ ကြက်သွန်နီ၊ ကိုကိုးတို့မှာ တွေ့ရတဲ့ ဖလေဗိုနွိုက်က သွေးဖိအားနဲ့ ကိုလက်စ်ထရောလ်တို့ကို လျှော့ချပေးကာ နှလုံးနဲ့ အလုံးစုံကျန်းမာရေးကို အကျိုးဖြစ်စေပါတယ်။

 
-  ဂလူကိုဆိုင်နိုလိတ်စ်
▪️ ပန်းဂေါ်ဖီ၊ ကိုက်လံတို့မှာပါဝင်တဲ့ ထိုပစ္စည်းတွေက ခန္ဓာကိုယ်မှ အဆိပ်သင့်အရာများကို ဖယ်ရှားပေးပါတယ်။

 
-   ဖိုင်တိုအီစထရိုဂျင်
▪️ လျှော်စေ့၊ တိုဖူး၊ ဘာလီတို့မှာပါတဲ့ ဖိုင်တိုအီစထရိုဂျင်က အမျိုးသမီးတွေမှာ ရာသီစက်ဝန်းမှန်ကန်စွာ လည်ပတ်ဖို့ရာ ထောက်ပံ့ပေးပါတယ်။

 
-   ဖိုင်တိုစတီရောလ်
▪️ အခွံမာသီး၊ အစေ့အဆန်၊ ပဲအမျိုးမျိုးတို့မှာပါတဲ့ ဖိုင်တိုစတီရောလ်က မကောင်းတဲ့ ကိုလက်စ်ထရောလ်တွေကို လျှော့ချပေးကာ နှလုံးကို အကျိုးပြုပါတယ်။

 
-   ပိုလီဖီနောလ်
▪️ ချောကလက်မည်း၊ ဘယ်ရီသီး၊ သစ်တော်သီး၊ စပျစ်သီး၊ ဝိုင်နီတို့မှာပါတဲ့ ပိုလီဖီနောလ်က ဓာတ်တိုးခြင်းမှ ကာကွယ်ပေးကာ အာရုံကြောဆုတ်ယုတ် ရောဂါများဖြစ်ခြင်းမှ ကာကွယ်ပေးပါတယ်။

#Source: New York Post

#World_Health
Published 25June 2024
▪️ စားပြီးသောက်ပြီး လဲလျောင်းခြင်းက ဇိမ်ကျပေမယ့် ကျန်းမာရေးအတွက်တော့ မသင့်လျော်ပါဘူး။ အစာကြေပြီး ကျန်းမာဖို့အတွက် စားသောက်ပြီးရင် ခဏတဖြုတ် လမ်းလျှောက်ပေးသင့်ပါတယ်။ စားသောက်ပြီးနောက် လမ်းလျှောက်သင့်တဲ့ အကြောင်းအရင်းတွေကို ဖော်ပြလိုက်ပါတယ်။

 
(၁) အစာကြေခြင်း
▪️ လမ်းလျှောက်ခြင်းဖြင့် အစာအိမ်ကြွက်သားများနဲ့ အူများကို လှုံ့ဆော်ပေးပြီး အစာများ လျင်မြန်စွာ​​ရွေ့စေကာ အစာကြေစေပါတယ်။

 
(၂) သွေးတွင်းသကြားဓာတ်ထိန်းပေးခြင်း
▪️ စားပြီးနောက် လမ်းလျှောက်ခြင်းက သွေးတွင်းသကြားဓာတ် မြင့်တက်ခြင်းကို ကာကွယ်ပေးပါတယ်။

 
(၃) ကိုယ်အလေးချိန်ထိန်းပေးခြင်း
▪️ လမ်းလျှောက်ခြင်းဖြင့် ကယ်လိုရီလောင်ကျွမ်းစေပြီး ကိုယ်အလေးချိန် ကျစေရန် အထောက်အကူ ပေးပါတယ်။

 
(၄) သွေးပေါင်ချိန်ထိန်းပေးခြင်း
▪️ စားသောက်ပြီးနောက် လမ်းလျှောက်ပေးပါက သွေးပေါင်ချိန် မှန်ကန်စေပြီး သွေးဖိအားများသူများအနေဖြင့် သွေးပေါင်ချိန် ထိန်းသိမ်းဖို့ အကူအညီ ဖြစ်စေပါတယ်။

 
(၅) ကောင်းစွာအိပ်စက်စေခြင်း
▪️ လမ်းလျှောက်ခြင်းဖြင့် အိပ်စက်နိုးကြားခြင်းစက်ဝန်း ပုံမှန်ဖြစ်စေပြီး နှစ်ခြိုက်စွာအိပ်ပျော်စေပါတယ်။

#Source: DoctorNDTV