#World_News
Published 24 June 2024

▪️ ရုရှားအပေါ် ခြိမ်းခြောက်မှုတွေ တိုးများလာပြီလို့ ယူဆရပါက နျူကလီးယား လက်နက်များ အသုံးပြုရေးအတွက် တရားဝင်မူဝါဒချမှတ်မယ့် ဆုံးဖြတ်ချက်ချခြင်းကို အချိန်တိုအတွင်း ပြုလုပ်သွားမယ်လို့ ကမ္ဘာ့နျူကလီးယား အင်အားအကြီးဆုံး ရုရှားနိုင်ငံရဲ့ ပါလီမန် ကာကွယ်ရေးကော်မတီ ဥက္ကဌက ပြောကြားလိုက်ပါတယ်။

▪️ ယူကရိန်းစစ်ပွဲကြောင့် ရုရှားနဲ့ အနောက်တိုင်းတို့ကြား ထိပ်တိုက်ရင်ဆိုင်မှုကြီး ဖြစ်နေကြရာ နျူကလီးယားလက်နက် အသုံးပြုလာနိုင်တဲ့ အခြေအနေတွေ ပါဝင်တဲ့ တရားဝင် နျူကလီးယား လမ်းစဥ်ကို ပြောင်းလဲနိုင်ဖွယ်ရှိတယ်လို့ ရုရှားသမ္မတ ဗလာဒီမာပူတင်က ယမန်လက ပြောခဲ့ပါတယ်။

▪️ ရုရှားအောက်လွှတ်တော် ကာကွယ်ရေးကော်မတီဥက္ကဌ အန်ဒရီကာတာပိုလော့ဗ်က RIA သတင်းဌာနနဲ့ ပြောကြားရာမှာ ရုရှားအပေါ် ခြိမ်းခြောက်မှုတွေ မြင့်တက်လာပါက နျူကလီးယားလက်နက်များ အသုံးပြုမယ့် အချိန်အခါနဲ့ အသုံးပြုရေး ဆုံးဖြတ်ချက်တို့နဲ့ ပတ်သက်ပြီး မူဝါဒလမ်းစဥ်များကို ပြင်ဆင်သွားဖို့ရှိတယ်လို့ ဆိုပါတယ်။

▪️ ဆီးရီးယားမှာတုန်းက ရုရှားတပ်တွေကို ကြီးကြပ်ခဲ့ပြီး ယခုအခါ အာဏာရ ယူနိုက်တက်ရုရှားပါတီမှာ ဥပဒေပြုအမတ်အဖြစ် တာဝန်ထမ်းဆောင်နေတဲ့ ကာတာပိုလော့ဗ်က နျူကလီးယားလမ်းစဥ်ကို ဒီလိုမျိုး ပြောင်းလဲဖို့အကြောင်း အသေးစိတ်ကို ပြောဖို့စောလွန်းသေးတယ်လို့လည်း ဆိုပါတယ်။

▪️ ရုရှားနိုင်ငံတည်ရှိမှု ခြိမ်းခြောက်ခံလာရပါက ပြည်ပက တိုက်ခိုက်လာသမျှကို နျူကလီးယား ဒါမှမဟုတ် အပျက်အစီးများစေတဲ့ လက်နက်မျိုးဖြင့် တုန့်ပြန်ဖို့ကို သမ္မတက ဆုံးဖြတ်ဖို့လိုလာတဲ့အခါ ၂၀၂၀ နျူကလီးယား မူဝါဒလမ်းစဥ်ကို ကျင့်သုံးမှာ ဖြစ်ပါတယ်။

▪️ အမေရိကန်နဲ့ ရုရှားတို့ဟာ နျူကလီးယား လက်နက်များကို ခေတ်မီတိုးမြှင့်အောင် ပြုလုပ်နေသလို တရုတ်ကလည်း အလျင်အမြန် တိုးမြှင့်လာပါတယ်။

▪️ ယူကရိန်းကို အနိုင်ပိုင်းဖို့အတွက် နျူကလီးယားအသုံးပြုဖို့ မလိုဘူးလို့ ပူတင်ပြောခဲ့တာဟာ နျူကလီးယားစစ်ပွဲ ဖြစ်မလာဘူးဆိုတဲ့ သဘောမြင်နေရပါတယ်။

▪️ ဒါပေမဲ့လည်း ရုရှားရဲ့ နျူကလီးယား မူဝါဒလမ်းစဥ်ကို ပြောင်းလဲနိုင်ဖွယ်ရှိတယ်လို့လည်း ပြောကြားလာပါတယ်။

#Soure: Reuters

#Local_News
Published_ 24 June 2024

▪️ မကာအိုရှိ အဆောက်အအုံတည်ဆောက်မှုဆိုင်ရာနည်းပညာများကိုမြန်မာနိုင်ငံမှသွားရောက် လေ့လာခဲ့သလို မကာအို-မြန်မာနှစ်နိုင်ငံရင်းနှီးမြုပ်နှံမှုဆိုင်ရာအခွင့်အလမ်းများကိုလည်းဆွေးနွေးခဲ့ကြောင်း ဆောက်လုပ်ရေး ဝန်ကြီးဌာနမှသိရသည်။

▪️ မကာအိုတွင်ကျင်းပသည့် (၁၅) ကြိမ်မြောက် အပြည်ပြည်ဆိုင်ရာ အခြေခံအဆောက်အအုံ၊ ရင်းနှီးမြှုပ်နှံမှုနှင့် တည်ဆောက်ရေးဖိုရမ် (The 15th International Infrastructure Investment and Construction Forum – IIICF) သို့မြန်မာနိုင်ငံမှ ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးမျိုးသန့် ဦးဆောင်သော မြန်မာကိုယ်စားလှယ်အဖွဲ့တက်ရောက်ခဲ့ကြောင်းသိရသည်။

▪️ အဆိုပါဖိုရမ်ကို တရုတ်အပြည်ပြည်ဆိုင်ရာ ကန်ထရိုက်တာများအသင်းနှင့် မကာအိုကုန်သွယ်ရေးနှင့် ရင်းနှီးမြှုပ်နှံမှုမြှင့်တင်ရေးအဖွဲ့အစည်းတို့မှ Green Innovation and Digital Connectivity (စိမ်းလန်းသော တီထွင်ဆန်းသစ်မှုနှင့် ဒစ်ဂျစ်တယ်ကူးလူးဆက်သွယ်မှု) ဆောင်ပုဒ်ဖြင့် ကျင်းပနေခြင်းဖြစ်သည်။

▪️ ပြည်ထောင်စုဝန်ကြီးနှင့်အဖွဲ့သည် မကာအိုခရီးစဉ်၌ပတ်ဝန်းကျင်သဘာဝကိုမထိခိုက်စေဘဲ ကာဗွန်ဒိုင်အောက် ဆိုက်ကို လျှော့ချ၍ စိမ်းလန်းသော တိုးတက်ဖွံ့ဖြိုးမှုအစီအစဉ်ဖြင့် မကာအိုမြို့အတွင်း ဆောင်ရွက်နေသော စွန့်ပစ်ပစ္စည်းများမှ လျှပ်စစ်စွမ်းအင်ထုတ်လုပ်ရန် တည်ဆောက်နေသော အဆောက်အအုံကိုလည်းကောင်း၊

▪️ လူမှုပတ်ဝန်းကျင်ကို အနှောင့်အယှက်မဖြစ်စေဘဲ လူမှုစီးပွားတိုးတက်အောင် ဖော်ဆောင်မှုအစီအစဉ်ဖြင့် ဆောင်ရွက်နေသော မကာအိုမြို့တွင်း လမ်းချဲ့ခြင်းလုပ်ငန်းခွင်သို့ သွားရောက်၍ ဆူညံသံနှင့် ဖုန်မှုန့်များ မပျံ့လွင့်စေရန် ထိန်းချုပ်ဆောင်ရွက်သည့်အခြေအနေနှင့် ကျောက်တောင်များကို ပတ်ဝန်းကျင် အနှောင့် အယှက်မရှိအောင် ဖယ်ရှားရှင်းလင်းဆောင်ရွက်သည့်အခြေအနေများကိုလည်းကောင်း လေ့လာ၍ သိရှိ လိုသည်များကို မေးမြန်းဆွေးနွေးခဲ့ကြောင်း သိရသည်။

▪️ ပြည်ထောင်စုဝန်ကြီးသည် အဆိုပါခရီးစဉ်အတွင်း မြန်မာနိုင်ငံ၌ အခြေခံအဆောက်အအုံဆိုင်ရာ တည်ဆောက် ရေးလုပ်ငန်းများ ဆောင်ရွက်လျက်ရှိသော တရုတ်ပြည်သူ့သမ္မတနိုင်ငံ၏ State Home Company များကို သီးခြားစီတွေ့ဆုံ၍ ဒေသအတွင်း နှစ်နိုင်ငံပူးပေါင်းဆောင်ရွက်မှုဖြင့် အခြေခံအဆောက်အအုံဆိုင်ရာ လုပ်ငန်းများတွင် Green Innovation and Digital Connectivity များ ဖော်ဆောင်နိုင်မည့်အခြေအနေများကို အမြင်ချင်းဖလှယ်ဆွေးနွေးခဲ့သည်။

▪️ ဆွေးနွေးပွဲသို့ State Home Company များဘက်မှ အကြီးအကဲများနှင့် တာဝန်ရှိသူများ တက်ရောက်ကြပြီး မြန်မာနိုင်ငံအတွက် အခြေခံအဆောက်အအုံဆိုင်ရာ နည်းပညာနှင့် ဖွံ့ဖြိုးတိုးတက်မှု မြန်ဆန်ကောင်း မွန်လာစေရေးအတွက် တည်ဆောက်ရေးလုပ်ငန်းများ၏ Feasibility Study(FS) လေ့လာဆန်းစစ်ခြင်းကို စဉ်ဆက်မပြတ် ဆောင်ရွက်လျက်ရှိကြောင်း၊

▪️ အခြေခံအဆောက်အအုံများ ဖွံ့ဖြိုးတိုးတက်လာစေရေးကဏ္ဍများအတွက် ထိရောက်သော ပူးပေါင်း ဆောင်ရွက်မှုများ၊  နည်းပညာမျှဝေပေးခြင်းဖြင့် လူ့စွမ်းအားအရင်းအမြစ် (Human Resources) မြှင့်တင်ခြင်းဆိုင်ရာ ဆောင်ရွက်မှုများနှင့် အခြေခံအဆောက်အအုံဖွံ့ဖြိုးတိုးတက်ရေးဆိုင်ရာ ဆောင်ရွက် မှုကိစ္စရပ်များ၊ အခြေခံအဆောက်အအုံဆိုင်ရာ ပူးပေါင်းဆောင်ရွက်နိုင်မည့်နည်းလမ်းနှင့် ရင်းနှီးမြှုပ်နှံမှုဆိုင်ရာ အခွင့်အလမ်းများကို ဆွေးနွေးခဲ့ကြောင်း သိရသည်။

#tthl #Yangon_Times

#Local_News
Published 24 June 2024

▪️ တနင်္သာရီတိုင်းဒေသကြီးမြိတ်မြို့၊ မြိတ်တောင်ရပ်ကွက်တွင် ထမင်းပေါင်းအိုးတည်ထားရာမှ အပူလွန်ကဲပြီး မီးလောင်မှုဖြစ်ပွားခဲ့ကြောင်း တနင်္သာရီတိုင်းဒေသကြီး မီးသတ်ဦးစီးဌာန၏ သတင်းထုတ်ပြန်ချက်အရ သိရသည်။

▪️ ဇွန်လ ၂၄ရက် မနက်၆နာရီခန့်ကမြို့သစ်(၇)ရပ်၊ ဦးမြတ်လေးလမ်းရှိ နေအိမ်၌ မီးဖိုခန်းတွင် ထမင်းပေါင်းအိုးတည်ထားရာမှ အပူလွန်ကဲပြီး မီးလောင်မှုစတင်ဖြစ်ပွားကြောင်း သိရသည်။

▪️ မီးလောင်မှုကြောင့် အလျား(၁၅)ပေ၊ အနံ(၄၀)ပေ၊ သွပ်မိုး၊ ပျဉ်ကာ၊ ပျဉ်ခင်း(၂)ထပ် လူနေအိမ်၏ အပေါ်ထပ်နှင့် အဝတ်အထည်များ၊ အသုံးအဆောင် ပစ္စည်းများ မီးလောင်ကျွမ်းပျက်စီးခဲ့ကြောင်း သိရသည်။

▪️ အဆိုပါ မီးလောင်မှုကို မနက် ၆ နာရီ ၃ မိနစ်အချိန်တွင် အရန်မီးသတ်တပ်ဖွဲ့ဝင်တစ်ဦးမှ စကားပြောစက်ဖြင့် သတင်းပေးပို့သဖြင့် ၆ နာရီ ၄ မိနစ် အချိန်တွင် ခရိုင်မီးသတ်ဦးစီးမှူး ဦးစန်းဦး ဦးဆောင်၍ သန္ဓေတပ်ဖွဲ့ဝင် (၂၁)ဦး၊ အရန်မီးသတ်တပ်ဖွဲ့ဝင်(၆၀)ဦး၊ ခရိုင်မီးသတ်စခန်းမှ မီးငြှိမ်းသတ်ယာဉ်(၁)စီး၊ ရေသယ် ယာဉ်(၂)စီး၊ အုပ်ချုပ်မှုယာဉ်(၁)စီး၊ မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ရေသယ်ယာဉ် (၂)စီး၊ အရန်မီးသတ်စခန်းများမှမီးငြှိမ်းသတ်ယာဉ်(၅)စီး၊ ရေသယ်ယာဉ်(၃)စီး၊ လူမှုရေးအသင်းများမှ လူနာတင်ယာဉ်(၅)စီး၊ ကြက်ခြေနီတပ်ဖွဲ့ဝင်(၁ဝ)ဦး၊ ရဲတပ်ဖွဲ့ဝင်(၁၃)ဦးတို့ဖြင့် သွားရောက်၍ ပြည်သူများနှင့်အတူ ဝိုင်းဝန်းငြှိမ်းသတ်မှုကြောင့် ၆ နာရီ၁၀ မိနစ် အချိန်တွင် မီးထိန်းနိုင်ခဲ့ပြီး ၆ နာရီ ၁၅ မိနစ် အချိန် တွင် မီးငြှိမ်းသတ်နိုင်ခဲ့ကြောင်း သိရသည်။

#YMG/LW #Yangon_Times

#Local_News
Published_ 24 June 2024

▪️ ရုပ်ရှင်အစည်းအရုံးဝင်မိသားစုများ၏ ကလေးငယ်(၁၇၈)ဦးအတွက် ပညာသင်စရိတ်နှင့်ကျောင်းသုံးပစ္စည်း(၁၀)မျိုးထောက်ပံ့ခဲ့ကြောင်း မြန်မာနိုင်ငံရုပ်ရှင်အစည်းအရုံး(ဗဟို)မှ သိရသည်။

▪️ မြန်မာနိုင်ငံရုပ်ရှင်အစည်းအရုံး ပညာရည်ချွန်ဆုပေးပွဲနှင့် ပညာသင်စရိတ်ထောက်ပံ့ကြေးပေးအပ်ပွဲအခမ်းအနား၌ ပေးအပ်ခဲ့ခြင်းဖြစ်သည်။

▪️ ပညာသင်စရိတ်လျှောက်ထားသူ(၁၇၈)ဦးကို တစ်ဦးလျှင်အစည်းအရုံးက(၂)သောင်းဦးဇော်မင်းမင်္ဂလာက ၁သောင်းနှင့်အတူ ကျောင်းသုံးပစ္စည်းများထောက်ပံ့ပေးအပ်ကြောင်းနှင့်

▪️ ဂုဏ်ထူး ၆ ဆုရသူတစ်ဦးအား အစည်းအရုံးမှတစ်ဘာသာလျှင်၁ သိန်းနှင့်၆သိန်း၊ ဒေါက်တာအောင်မိုးနှင့်အဖွဲ့က ၁သိန်းထပ်ဆင့်ချီးမြှင့်ပြီး မမဆောင်းမှတစ်ဦးလျှင်၁သောင်း၊ ဒေါက်တာအောင်ကျော်မိုးမှ တစ်ဦးလျှင်၅ထောင်စီထပ်ဆင့်ပံ့ပိုးခဲ့ကြောင်း မြန်မာနိုင်ငံရုပ်ရှင်အစည်းအရုံးဒုဥက္ကဌ ၏‌ဖော်ပြချက်အရ သိရသည်။

▪️ မြန်မာနိုင်ငံရုပ်ရှင်အစည်းအရုံး ပညာရည်ထူးချွန်ဆုချီးမြှင့်ပွဲနှင့် ၂ဝ၂၄-၂ဝ၂၅ ပညာသင်ကြားရေး ပံ့ပိုးကူညီထောက်ပံ့ပွဲကို ဇွန်လ(၂၂)ရက်မနက်ပိုင်းက ရန်ကုန်တိုင်းဒေသကြီး ဗဟန်းမြို့နယ် ဝင်္ကဘာလမ်းရှိ မြန်မာနိုင်ငံရုပ်ရှင်အစည်းအရုံး၌ကျင်းပခဲ့ကြောင်း သိရသည်။

#tthl  #Yangon_Times

#Local_News
Published_ 24 June 2024

▪️ ယခုတစ်ပတ်တွင် စားအုန်းဆီရည်ညွှန်းဈေးတစ်ပိဿာကျပ် ၅၄၀၀ဖြင့်‌ ရောင်းချရန်သတ်မှတ်ထားကြောင်း သိရသည်။

▪️ ပြီးခဲ့သည့်အပတ်က ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ၅၃၇၀ကျပ်သတ်မှတ်ခဲ့ပြီး ယခု ၂၀၂၄ ခုနှစ်၊ ဇွန်လ ၂၄ ရက်နေ့မှ ၃၀ရက်နေ့အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီ တစ်ပိဿာလျှင် ၅၄၀၀ ကျပ်ဖြစ်ကြောင်း ထုတ်ပြန်ကြေညာထားသည်ဟုဆိုသည်။

▪️ ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ  စားအုန်းဆီဈေးနှုန်းများကို အပတ်စဉ်သတ်မှတ်ပေးခြင်းဖြစ်ပြီး ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားကြောင်း သိရသည်။

▪️ လက်လီရောင်းချသူများအနေဖြင့် ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီ တစ်ပိဿာ လျှင် ၅၄၀၀ ကျပ်ကို သယ်ယူပို့ဆောင်စရိတ်နှင့်အမြတ်(၂)ရာခိုင်နှုန်းတင်ပြီး ရောင်းချရန်  သတ်မှတ်ထားကြောင်း သိရသည်။

#tthl #Yangon_Times

#World_Health
Published 24 June 2024
▪️ ဂျပန်မှာဖြစ်ပွားနေတဲ့ အသားစားပိုးကူးစက်မှုမျိုးကို အမေရိကန် ကွန်နက်တီကတ်မှ အမျိုးသမီးတစ်ဦးမှာလည်း တွေ့ရှိထားကာ ကုသနေရပါတယ်။

▪️ ထိုလူနာဟာ အော့အန်ခြင်း၊ ဝမ်းလျှောခြင်း၊ အသက်ရှူကြပ်ခြင်း၊ နှလုံးခုန်နှုန်းမြင့်ခြင်း၊ သွေးပေါင်ချိန်ကျခြင်းတို့ ခံစားရပြီးနောက် ဆေးရုံတစ်ခုသို့ တက်ခဲ့ရပါတယ်။

▪️ ဓာတ်မှန်ရိုက်ရာမှာ လူနာရဲ့အဆုတ်မှာ အရည်တွေစုပြုံနေပြီး ကျောက်ကပ်လည်း ပျက်စီးနေပါတယ်။

▪️ ထိုအမျိုးသမီးရဲ့ရောဂါဟာ ဂျပန်မှာ လူ ၇၇ ဦးသေဆုံးစေခဲ့တဲ့ စထရပ်တိုကော့ကယ် အဆိပ်သင့်ရောဂါ (STSS) ဘက်တီးရီးယား ကူးစက်မှုဖြစ်တယ်လို့ ဆရာဝန်တွေက ဆိုပါတယ်။

▪️ အထူးကြပ်မတ်ဆောင်မှာ ၃ ရက်နေပြီးနောက် ဆီးမသွားတော့ဘဲ ခြေမတစ်ချောင်း ညိုမည်းပုပ်ဆွေးလာပါတယ်။

▪️ ဒီရောဂါမျိုးက လည်ပင်းမှ မျိုချင်း စထရပ်တိုကော့ကပ်စ်-အေ ဘက်တီးရီးယား ဝင်ရောက်တာ ဖြစ်ပါတယ်။

▪️ လည်ချောင်းမှာဖြစ်ရင် သာမန်သာဖြစ်တတ်ပေမယ့် သွေးထဲ တစ်ရှူးတွေထဲ ရောက်ရင်တော့ STSS ရောဂါဖြစ်နိုင်ကာ ၃၀ ရာခိုင်နှုန်းလောက် သေဆုံးနိုင်ချေရှိပါတယ်။

▪️ ပြင်ပဒဏ်ရာတစ်ခုကနေ ဘက်တီးရီးယား ဝင်ရောက်လာနိုင်ပြီး တစ်ရှူးအတွင်းသို့ ရောက်ရှိလာနိုင်ပါတယ်။

▪️ ရောဂါဆိုးရွားလာတဲ့အခါ သွေးပေါင်ချိန်နဲ့ နှလုံးခုန်နှုန်းကျဆင်းခြင်းတို့ ဖြစ်လာကာ အတွင်းအင်္ဂါများ ပျက်စီးလာပါတယ်။

▪️ ပဋိဇီဝဆေးများ ပေးထားပေမယ့် ခြေမဖြတ်ပစ်ဖို့ လိုအပ်လိမ့်မယ်လို့ ဆရာဝန်များ ယူဆနေကြပါတယ်။

▪️STSS ရောဂါက ဂျပန်မှာ အဖြစ်များနေပြီး ယခုနှစ်မှာပင် အယောက် ၁၀၀၀ ခန့်ကူးစက်ထားကာ ၇၇ ဦးသေဆုံးထားပါတယ်။

▪️ ဘက်တီးရီးယားနဲ့ အဆက်မပြတ်ထိတွေ့နေရင် ရောဂါခုခံနိုင်မှာဖြစ်ပေမယ့် ကိုရိုနာဗိုင်းရပ်စ်ကာလအတွင်း ထိုသို့ မထိတွေ့တာကြောင့် အဖြစ်များလာရပါတယ်။

#Source: New York Post

#World_Health
Published 24June 2024

▪️ အင်တာနက် အလွန်အကျွံ သုံးစွဲခြင်းကြောင့် အင်တာနက်စွဲလမ်းခြင်းလို့ ခေါ်တဲ့ အပြုအမူပိုင်းမူမမှန်ခြင်းလက္ခဏာ ပေါ်ပေါက်လာကာ နေ့စဥ်ဘဝကို ထိခိုက်လာပါတယ်။

▪️ အင်တာနက်စွဲလမ်းနေတာကို ကိုယ့်ကိုယ်ကို သိရှိပြီး ဖြေရှင်းခြင်းက စိတ်ရောကိုယ်ပါ ကျန်းမာစေမှာ ဖြစ်ပါတယ်။

▪️ လူတစ်ယောက် အင်တာနက်စွဲလမ်းနေတာကို ညွှန်ပြနေတဲ့ လက္ခဏာရပ်များကို ဖော်ပြလိုက်ပါတယ်။
 
▪️ (၁) အင်တာနက်ပေါ်မှာ နစ်မြောနေခြင်း
အွန်လိုင်းပေါ်မှာ ဘာလုပ်ပြီးရင် ဘာလုပ်ရမယ်ဆိုတာကိုပဲ စွဲလမ်းနေပြီး မသုံးတဲ့အချိန်မှာတောင် ဒါကိုပဲ တွေးတောနေတတ်ပါတယ်။

 
▪️ (၂) ကန့်သတ်သုံးစွဲဖို့ရာ မထိန်းချုပ်နိုင်ခြင်း
အင်တာနက်ကို ကန့်သတ်သုံးစွဲဖို့ ခက်ခဲနေခြင်း၊ မှန်းထားတာထက် အချိန်ပိုသုံးမိနေခြင်း၊ ဖြတ်ပစ်ရန် ကြိုးပမ်းရာမှာ အကြိမ်ကြိမ်ကျဆုံးနေခြင်းတို့က စွဲလမ်းနေတဲ့ လက္ခဏာဖြစ်ပါတယ်။

 
▪️ (၃) ကိုယ်ရေးကိစ္စများ ပျက်ကွက်ခြင်း
အင်တာနက် အသုံးများခြင်းကြောင့် အိမ်ကိစ္စ၊ အလုပ်ကိစ္စ၊ ကျောင်းကိစ္စများ ပျက်ကွက်လာတာဟာလည်း စွဲလမ်းတဲ့ လက္ခဏာတစ်ခု ဖြစ်ပါတယ်။

 
▪️ (၄) အင်တာနက်မသုံးရင်လက္ခဏာပြခြင်း
အင်တာနက် မသုံးတဲ့အချိန်မှာ ကဏာမငြိမ်ဖြစ်ခြင်း၊ စိတ်ဓာတ်ကျခြင်းတို့ ခံစားရတတ်ပါတယ်။

 
▪️ (၅) စိတ်ညစ်စရာဖျောက်ရန် အင်တာနက်သုံးခြင်း
ပြဿနာများ ဖိစီးမှုများကို မေ့ပျောက်ဖို့အတွက် အင်တာနက်အသုံးပြုတာဟာ စွဲလမ်းတဲ့လက္ခဏာ ဖြစ်ပါတယ်။

 
▪️ (၆) ဘယ်လောက်သုံးစွဲသည်ကို အခြားသူများအားလိမ်လည်ခြင်း
အင်တာနက် ဘယ်လောက်ကြာကြာသုံးလဲ၊ အင်တာနက်မှာ ဘာတွေလုပ်လဲဆိုတာကို အခြားသူများအပေါ် လိမ်လည်ပြောဆိုတာဟာလည်း လက္ခဏာတစ်ခုပါ။

 
▪️ (၇) မေတ္တာရေးတွင်ထိခိုက်လာခြင်း
အင်တာနက်အသုံးပြုခြင်းကြောင့် ချစ်ရသူတွေနဲ့ ပြဿနာဖြစ်ရတယ်ဆိုရင် အင်တာနက်စွဲလမ်းတဲ့ ပြဿနာပါပဲ။
 
▪️ (၈) ရုပ်ပိုင်းဆိုင်ရာ ထိခိုက်လာခြင်း
မျက်လုံးကိုက်ခြင်း၊ ကျောအောင့်ခြင်း၊ အိပ်ရေးပျက်ခြင်းတို့က အင်တာနက်အလွန်အကျွံ စွဲလမ်းတဲ့ လက္ခဏာပါ။
 
▪️ (၉) ပြင်ပကိစ္စရပ်များ စိတ်ဝင်စားမှုလျော့နည်းလာခြင်း
ပြင်ပလှုပ်ရှားမှုတွေ ဝါသနာတွေကို စိတ်မဝင်စားတော့တာဟာ စွဲလမ်းခြင်းလက္ခဏာပဲ ဖြစ်ပါတယ်။
 
▪️(၁၀) အင်တာနက်သုံးရမှ စိတ်ကျေနပ်ခြင်း
အင်တာနက်ပေါ်မှာရှိမှ စိတ်ကျေနပ်မှုရတာဟာ စွဲလမ်းမှုပဲ ဖြစ်ပါတယ်။

#Soure: DoctorNDTV

၂၃ ဇွန် ၂၀၂၄

ဂျပန်ပြည်သူတွေရဲ့ ၁၀.၄ ရာခိုင်နှုန်းကသာ ဂျပန်ဝန်ကြီးချုပ် ဖူမီယိုကီရှီဒါကို လာမယ့် စက်တင်ဘာမှာကျင်းပမယ့် ဘစ်ဘရယ်ဒီမိုကရက်တစ်ပါတီ ခေါင်းဆောင်ရွေးကောက်ပွဲမှာ အနိုင်ရပြီး ဝန်ကြီးချုပ်ဆက်လုပ်စေချင်တော့တယ်လို့ ကျိုဒိုသတင်းဌာနရဲ့ နောက်ဆုံး လူထုသဘောထားစစ်တမ်းအရသိရကြောင်း ဇွန် ၂၃ ရက် တနင်္ဂနွေနေ့က သတင်းဖော်ပြ ပါတယ်။

စနေနေ့မှ စတင်ပြီး နိုင်ငံအနှံ့ဖုန်းဖြင့် နှစ်ရက်တာ စစ်တမ်းကောက်ယူရာမှာ ကီရှီဒါဝန်ကြီးအဖွဲ့အပေါ် အတည်ပြုပေးတဲ့နှုန်း ကလည်း မေလက ၂၄.၂ရာခိုင်နှုန်းရှိခဲ့ရာမှ (၂)ရာခိုင်နှုန်းကျဆင်းကာ ၂၂.၂ ရာခိုင်နှုန်းသာရှိပါတော့တယ်။ဒါဟာ သူ့ရဲ့ မူဝါဒ စီမံခန့်ခွဲနေမှုတွေအပေါ် ဂျပန်ပြည်သူတွေက မကျေနပ်မှုကိုဆက်လက်ပြသနေတာပဲဖြစ်ပါတယ်။

တစ်ဖက်မှာလည်း ကီရှီဒါအစိုးရအဖွဲ့အပေါ် အတည်မပြုတော့တဲ့ရာခိုင်နှုန်းက ယခင်အတိုင်းပဲ ၆၂.၄ ရာခိုင်နှုန်းဆက်ရှိနေ ပါတယ်။

ကီရှီဒါကို လူကြိုက်မများနေမှုတွေကြားထဲမှာ  ၃၆.၆ ရာခိုင်နှုန်းက သူတို့အနေနှင့် ကီရှီဒါကို ဝန်ကြီးချုပ်ရာထူးကနေ မြန်နိုင် သမျှခပ်မြန်မြန်ဆင်းပေးစေချင်နေကြပါတယ်။

၇၈.၉ ရာခိုင်နှုန်းသော စစ်တမ်းထဲကပြည်သူတွေက ပြီးခဲ့တဲ့အပတ်တုန်းက ဂျပန်ပါလီမန်က အတည်ပြုခဲ့တဲ့ နိုင်ငံရေး ပြုပြင်ပြောင်းလဲမှုရန်ပုံငွေစည်းမျည်းတွေဟာ  နိုင်ငံရေးထဲ ပါနေတဲ့ ပိုက်ဆံပြဿနာတွေကို ရှင်းနိုင်မှာမဟုတ်ပါဘူးလို့ပြောနေ ကြပါတယ်။

ကီရှီဒါဦးဆောင်တဲ့ လစ်ဘရယ်ဒီမိုကရက်တစ်ပါတီအပေါ် ထောက်ခံမှုကလည်း ၂၆.၅ ရာခိုင်နှုန်းသာရှိပါတယ်။ ဒါပေမယ့် ယခင်စစ်တမ်းထက်တော့ ၁.၈မှတ်တက်လာပါတယ်။

အခြားပါတီတွေလည်း ထောက်ခံမှုကျဆင်းနေပြီး ဘယ်နိုင်ငံရေးပါတီမှမကြိုက်သူတွေကတော့ ၃၄.၈ ရာခိုင်နှုန်းသို့ တက်လာပါတယ်။

စစ်တမ်းကို မဲပေးခွင့်ရှိကြတဲ့ အိမ်ထောင်စု ၅၁၂ခုရဲ့ မိုဘိုင်းလ်ဖုန်းနံပါတ် ၂၆၂၄ ခုသို့ ခေါ်ဆိုခဲ့ပြီး မေးမြန်းခဲ့တာဖြစ်ပါတယ်။  အဲဒီအထဲက အိမ်ထောင်စု ၄၃၁ခုမှ မိုဘိုင်းလ်ဖုန်း ၆၂၅ခုက ပြန်လည်တုန့်ပြန်ပေးခဲ့ပါတယ်။

Source Kyodo News

၂၃ ဇွန် ၂၀၂၄

တရုတ်နည်းပညာကုမ္ပဏီကြီး ဟွာဝေးက  တရုတ်နိုင်ငံ တောင်ပိုင်း ဒေါင်ဂွမ်မြို့မှာကျင်းပတဲ့ ယင်းရဲ့ နှစ်ပတ်လည် developer ဒက်ဗလိုပါ ကွန်ဖရင့်မှာ နယ်ပယ်စုံသုံးလို့ရမယ့် ဉာဏ်ရည်တုနည်းပညာ အသုံးချမှု အသစ်တွေကို စတင်မိတ်ဆက်လိုက်ပါတယ်။

Source CCTV+

လမ်းပန်းဆက်သွယ်ရေး အခက်အခဲနဲ့ သယ်ယူစရိတ်များတာကြောင့် ပြည်ပကို ဂျင်းတင်ပို့မှုရပ်ထားပေမယ့် ပြည်တွင်းက လက်ဖက်နဲအကြော်စုံလုပ်ငန်းတွေက ဂျင်းဝယ်ယူမှုများနေတယ်လို့ အောင်ပန်းရှိ ပွဲရုံတွေထံက သိရပါတယ်။
#Local_News
Published_ 23 June 2024
#ဂျင်းဝယ်ယူမှုများနေ #ချင်း(ဂျင်း)ပြည်ပတင်ပို့မှုမရှိ
#YMG/LW #Yangon_Times

#World_Health
Published 23 June 2024

▪️ အစ္စရေးလ်နိုင်ငံဟာ ခြေထောက်ဖြတ်ပစ်မှုနှုန်း အများဆုံးနိုင်ငံတွေထဲမှာ ပါဝင်ပါတယ်။

▪️ ဒါဟာ သွေးကြောပိတ်ဆို့မှုတွေကို တဝက်တပျက်ပဲ ကုသခြင်း ဒါမှမဟုတ် မကုသဘဲ ပစ်ထားခြင်းတို့ကြောင့် အဓိကဖြစ်ပွားနေပါတယ်။

▪️ ခြေထောက်သွေးကြောထဲမှာ ပူစီဖောင်းထည့်ခြင်း၊ သတ္တုချောင်းထည့်ခြင်းတို့ဖြင့် ကုသလို့ရပေမယ့် ဒီနည်းလမ်းက အားလုံးကို မကုသနိုင်သလို လက်ရှိနည်းပညာများက အလွန်ပိတ်ဆို့နေခြင်းကို ထိရောက်မှုမရှိပါဘူး။

▪️ နေတန်ညာ လာနီယာဒိုဆေးကုသဌာနမှ ဒေါက်တာ အာချီဟုဒ်ဘန့်ဒ်က လေဆာကိရိယာကို အသုံးပြုပြီး လူနာခြေထောက်သွေးကြောထဲက ပိတ်ဆို့မှုတွေကို ပထမဦးဆုံးအနေဖြင့် ဖွင့်ပေးနိုင်ခဲ့ပါတယ်။

▪️ အစ္စရေးလ်မှ Eximo Medical ကုမ္ပဏီက လေဆာလှိုင်းအသုံးပြုပြီး သွေးကြောနံရံတွေထဲက ပိတ်ဆို့မှုတွေကို ဖြိုခွဲနိုင်မယ့် ပစ္စည်းကိရိယာကို တီထွင်ခဲ့ပါတယ်။

▪️ ထိုကုသနည်းဟာ အမေရိကန်မှာ လုပ်ဆောင်နေကျဖြစ်ပြီး ယခုအချိန်အထိ ခြေထောက်သွေးကြော ကုသမှုပေါင်း  သိန်းခန့် ပြုလုပ်ထားပြီး ဖြစ်ပါတယ်။

▪️ အစ္စရေးလ်မှာလည်း ပထမဆုံးကုသမှုပြုလုပ်ဖို့ သွေးကြောရောဂါ အပြင်းအထန်ဖြစ်နေတဲ့ လူနာတစ်ဦးကို ရှာဖွေခဲ့ကြပါတယ်။

▪️ လေဆာနည်းပညာက သွေးကြောများ ကျဥ်းမြောင်းပိတ်ဆို့ခြင်းနဲ့ ယခင်က မကုသနိုင်ခဲ့တဲ့ နေရာတွေကိုပါ ကုသလာနိုင်ကြောင်း၊ ခြေထောက်ဖြတ်တောက်ခြင်းမှ ကာကွယ်လာနိုင်ပြီး လူနာတွေရဲ့ ဘဝကိုမြှင့်တင်နိုင်ပြီဖြစ်ကြောင်း ဒေါက်တာဘန့်ဒ်က ပြောပြသွားပါတယ်။

#Soure: The Jerusalem Post

လုပ်ငန်းရှင်တွေရဲ့အကောင့်‌တွေအပြင် ဘုန်းကြီးတွေ၊ ရှေ့နေတွေရဲ့ Page‌တွေ၊ အကောင့်‌ တွေကို hack ပြီး အယောင်ဆောင်ကာ Kpayကနေ ငွေလွှဲခိုင်းပြီး လိမ်လည်တာ‌တွေများလာလို့ သတိထားဖို့လိုအပ်တယ်လို့ သိရပါတယ်။
#Local_News
Published_ 23 June 2024
#Kpay ကနေငွေလိမ်လည်မှု #အကောင့်‌တွေကိုhack
#tthl #Yangon_Times