#World_Health
Published 23 June 2024

▪️ အသီးအနှံအားလုံးက ကျန်းမာရေးအတွက် ကောင်းမွန်ပေမယ့် အချို့အသီးတွေက သကြားပါဝင်မှု နည်းပါးသလို အာဟာရတန်ဖိုးလည်း ကြွယ်ဝပါတယ်။

▪️ ဓာတ်တိုးဆန့်ကျင်ပစ္စည်းများ ပါဝင်ကာ နာတာရှည်ရောဂါများ ဖြစ်ခြင်းမှ ကာကွယ်ပေးပါတယ်။

▪️ ရေဓာတ်ပါဝင်ပြီး အမျှင်ဓာတ်ကြွယ်ဝတာကြောင့် ကိုယ်အလေးချိန် ထိန်းသိမ်းဖို့ အကူအညီဖြစ်စေပါတယ်။

▪️ ဒါကြောင့် သကြားပါဝင်မှု အနည်းဆုံး အသီးအနှံတွေကို ဖော်ပြလိုက်ပါတယ်။

 
▪️ (၁) ထောပတ်သီး - ကောင်းကျိုးပြု ကိုလက်စ်ထရောလ်များ ပါဝင်ပြီး ဗိုက်တာမင်-အေ၊ ဒီ၊ အီးတို့ကို စုပ်ယူပေးပါတယ်။

 
▪️ (၂) သံပယိုနှင့် သံပရာသီးမျိုး - ဗိုက်တာမင်-စီ ကြွယ်ဝစွာပါဝင်ပြီး မကောင်းတဲ့ ကိုလက်စ်ထရောလ်များကို လျှော့ချပေးကာ သံဓာတ်စုပ်ယူမှုကို အားပေးပါတယ်။

 
▪️ (၃) ရက်စ်ဘယ်ရီ - ဗိုက်တာမင်-စီနဲ့ ဓာတ်တိုးဆန့်ကျင်ပစ္စည်းများ ပါဝင်ကာ နာတာရှည်ရောဂါများ ကာကွယ်ပေးပါတယ်။

 
▪️ (၄) ဘလက်ခ်ဘယ်ရီ - ဓာတ်တိုးဆန့်ကျင်ပစ္စည်းများ ကြွယ်ဝပြီး ကင်ဆာဖြစ်ခြင်းမှ ကာကွယ်နိုင်ပါတယ်။

 
▪️ (၅) ဂရိတ်ဖရုသီး - ဗိုက်တာမင်-စီနဲ့ အေတို့ပါဝင်တာကြောင့် ကိုယ်ခံအားစနစ် ကောင်းမွန်စေပြီး မျက်လုံးကျန်းမာစေပါတယ်။

 
▪️ (၆) စတော်ဘယ်ရီ - နှလုံးဇီဝကျန်းမာရေးကို ကောင်းမွန်စေပြီး သွေးပေါင်ချိန်ကို ကျစေကာ နှလုံးကျန်းမာရေးကို ထောက်ပံ့ပေးပါတယ်။

 
▪️ (၇) သခွားမွှေးသီး - ၉၀ ရာခိုင်နှုန်းက ရေဓာတ်ဖြစ်ပြီး အရည်ပြည့်ဝစေတာကြောင့် အစာကြေစေကာ ဝမ်းမချုပ်အောင် ကာကွယ်ပေးပါတယ်။

 
▪️ (၈) မက်မွန်သီး - ကယ်ရိုတင်နွိုက် ဓာတ်တိုးဆန့်ကျင်ပစ္စည်းက ကိုယ်ခံအားစနစ်ကို မြှင့်တင်ပေးပြီး မျက်လုံးနဲ့ အူတို့ရှိ အမြှေးပါးများကို အကာအကွယ်ပေးပါတယ်။

 
▪️ (၉) လိမ္မော်သီး - ဗိုက်တာမင်-စီ အလွန်ပေါများတာကြောင့် ရောဂါဘယများကို ကာကွယ်ပေးပြီး ရောင်ရမ်းခြင်းကိုလည်း ဆန့်ကျင်ပေးပါတယ်။

 
▪️ (၁၀) ကီဝီသီး - အိပ်စက်မှုဟော်မုန်းကို ထုတ်လုပ်ပေးကာ အိပ်စက်ခြင်းကို အထောက်အကူပြုစေသလို ဝမ်းချုပ်ခြင်းမှလည်း ကာကွယ်ပေးပါတယ်။

#Soure: Telegraph

အာဖရိကတိုက်ရဲ့ လူဦးရေအများဆုံး နိုင်ဂျီးရီးယားမှာ မိုးရာသီပိုမိုပြင်းထန်လာပြီး ကာလဝမ်းရောဂါ ပျံ့ပွားမှုက ပြည်သူများကြား စိုးရိမ်စရာ ဖြစ်လာပါတယ်။
#World_Disease
Published 22 June 2024
#နိုင်ဂျီးရီးယား #ကာလဝမ်းရောဂါပျံ့ပွား
#YMG #Yangon_Times #Yangon_Media_Group

#Daily_News
Published_ 22 June 2024

၁။ ယူ-၁၂ လူငယ်ကစားသမားများ ထပ်မံရွေးချယ်ခေါ်ယူပြီး ဘောလုံးအကယ်ဒမီကျောင်းများတက်ခွင့်ပေးမည်

၂။ နွားမွေးမြူရေး ဈေးကွက်အလားလာကောင်းလာသဖြင့် မွေးမြူသူများလာ

၃။ ဥထွက်နှုန်းကျဆင်း၍ ဘဲဥအဝင်နည်းပြီး ဈေးနှုန်းမြင့်တက်

၄။ နိုင်ဂျီးရီးယားတွင် ကာလဝမ်းရောဂါပျံ့ပွားလျက်ရှိပြီး အသက်အန္တရာယ်စိုးရိမ်လာရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published_ 22 June 2024

▪️ မန္တလေးတိုင်း၊ ကျောက်ဆည်မြို့ ၊ဝေဘူချောင်ကျောင်းတိုက်ကြီး၏ ဦးစီးပဓာန၊နာယကဆရာတော်၊ ကျေးဇူးတော်ရှင် တတိယဝေဘူဆရာတော်ကြီးဘဒ္ဒန္တဉာဏိန္ဒော ဇွန်လ(၂၂)ရက်မနက်ပိုင်း၌ ဘဝနတ်ထံ ပျံလွန်တော်မူသွားကြောင်း သိရသည်။

▪️ ဘဝနတ်ထံစံမြန်းချိန်တွင် သက်‌တော်(၈၁)နှစ်ဝါတော်(၆၁)ရှိပြီဖြစ်ပြီး မနက်ဖြန်ဇွန်လ(၂၃)ရက်တွင် ဝေဘူချောင်ကျောင်းတိုက်၊ရေခဲဓမ္မာရုံ၌ ဈာပနပွဲ ကျင်းပနိုင်ရေးအတွက် အစည်းအဝေးပြုလုပ်မည်ဖြစ်သည်ဟုဆိုသည်။  

▪️ ဆရာတော်ဘုရားကြီး ဘဝနတ်ထံ ပျံလွန်တော်မူသွားသည့်အတွက်အနယ်နယ်အရပ်ရပ်မှ သံဃာတော်များ၊ တပည့်ဒါယကာ၊ ဒါယကာမ  အပေါင်းတို့မှ ဝမ်းနည်းကြေကွဲပြီး နှမြောတသဖြစ်ရကြောင်း ဖော်ပြထားသည်။

▪️ "နှစ်စဉ်ကထိန်ခင်းခွင့်ပြုခဲ့ပါသောလှူဒါန်းခွင့်ပေးခဲ့ပါသောကျေးဇူးရှင်ဝေဘူဆရာတော်ဘုရားကြီးအားရိုသေစွာကန်တော့အပ်ပါသည်"ဟု နေပြည်တော်ပျဉ်းမနား ဦးသာရဒေါ်စန်းရီ စိန်ရွှေရတနာရောင်းဝယ်ရေး မိသားစုမှလည်း ‌‌ရေးသား‌ဖော်ပြထားကြောင်း သိရသည်။

▪️ ပထမဝေဘူဆရာတော်ဘုရားကြီးသည် မေတ္တာစွမ်းအားကြီးမားခဲ့ပြီး ဆရာတော်ကြီး၏ ဝိပဿနာ တရားတော်များသည် နိုင်ငံကျော်သာမကကမ္ဘာအထိပါပျံ့နှံ့ကျော်ကြားခဲ့သောဆရာတော်ကြီး ဖြစ်ကြောင်းနှင့် ယခု ဘဝနတ်ထံ ပျံလွန်တော်မူသွားသည့်တတိယ ဝေဘူဆရာတော်ကြီးသည်လည်း သီလဂုဏ်သတင်းကျော်ကြားခဲ့သော သက်တော်ရှည် ဆရာတော်ဘုရားကြီးဖြစ်ကြောင်း သိရသည်။

#tthl #Yangon_Times

ဧရာဝတီတိုင်းဒေသကြီးမှာ  ပြီးခဲ့တဲ့နှစ်လအတွင်း ရာသီဥတုပူပြင်းခဲ့တာကြောင့် ဥထွက်နှုန်းကျဆင်းခဲ့ပြီး ရန်ကုန်ဈေးကွက်ထဲကို ဘဲဥအဝင်နည်းပြီး ဈေးနှုန်းတွေမြင့်တက်နေတယ်လို့ မြန်မာနိုင်ငံဘဲဥ၊ ကြက်ဥမွေးမြူရောင်းချသူများအသင်းက သိရပါတယ်။
#Local_News
Published_ 22 June 2024
#ဘဲဥအဝင်နည်းပြီး #ဥထွက်နှုန်းကျဆင်း
#YMG/NN #Yangon_Times

လယ်ယာစိုက်ပျိုးရေးအတွက် ခိုင်းနွားများ အသုံးပြုလာခြင်းနဲ့ အသားဈေးကွက် ယခင်ထက် ဈေးမြင့်လာတာကြောင့် နွားမွေးမြူရေးဈေးကွက်အလားလာ ကောင်းလာကာ မွေးမြူသူများလာတယ်လို့ နွားမွေးမြူရေးလုပ်ငန်းရှင်တွေထံက သိရပါတယ်။
#Local_News
Published_ 22 June 2024
#နွားမွေးမြူသူပိုများ #ဆိတ်မွေးမြူသူနည်းပါး
#YMG/LW #Yangon_Times

နိုင်ငံတကာလူငယ်ဖိတ်ခေါ်ပြိုင်ပွဲ‌တွေ၊ လူငယ်ဘောလုံးပွဲတော်တွေကို စေလွှတ်ယှဉ်ပြိုင်ဖို့ ပြင်ပမှ မြန်မာ့လက်ရွေးစင် ယူ-၁၂လူငယ်ကစား သမားတွေ ထပ်မံရွေးချယ်ခေါ်ယူဖို့ရှိတယ်လို့ သိရပါတယ်။
#Local_News
Published_ 22 June 2024
#ယူ-၁၂ လူငယ်ကစားသမား #ထပ်မံရွေးချယ်ခေါ်ယူ
#tthl #Yangon_‌Times

#Local_News
Published 22 June 2024

▪️ တာမွေမြို့နယ် မအူကုန်းရပ်ကွက်၌ ယ‌နေ့မနက်ပိုင်းက မီးလောင်မှုတစ်ခုဖြစ်ပွားခဲ့‌ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဖြစ်စဉ်မှာ ဇွန် ၂၂ရက်နေ့၊ မနက် ၇နာရီ ၄၆မိနစ်အချိန်ခန့်က ရန်ကုန်တိုင်းဒေသကြီး၊ တာမွေမြို့နယ်၊ မအူကုန်းရပ်ကွက်၊ ၁၃၈လမ်းတွင် မီးလောင်မှုဖြစ်ပွားခဲ့‌ကြောင်း သိရသည်။

▪️ အဆိုပါ မီးလောင်မှုသတင်းရရှိသဖြင့် တာမွေမြို့နယ် မီးသတ်စခန်းမှ မီးသတ်ယာဉ်များထွက်ခွာ၍ မီးငြှိမ်းသတ်ခဲ့ရာ နံနက် ၇နာရီ ၅၇ မိနစ်အချိန်၌ မီးထိန်းပြီး ၈ နာရီ ၉ မိနစ် အချိန်၌မီးငြှိမ်းခဲ့‌ကြောင်း သိရသည်။

#YMG/NN #Yangon_Times

#Local_News
Published 22 June 2024

▪️ ပြည်တွင်းတွင် တစ်လလျှင် စားအုံးဆီတန်ချိန် (၇၅,၀၀၀)ခန့် လိုအပ်‌‌နေသောကြောင့်  ပြည်ပမှ  (၅၀)ရာခိုင်နှုန်းခန့် တင်သွင်းနေပြီး ကျန်လိုအပ်ချက်များကို ပြည်တွင်းဆီထွက်သီးနှံ စိုက်ပျိုးထုတ်လုပ်မှုများမှ ဖြည့်ဆည်းဆောင်ရွက်လျက်ရှိကြောင်းစီးပွားရေးနှင့်ကူးသန်းရောင်းဝယ်ရေးဌာန၊ စားသုံးသူရေးရာဌာနမှ သိရသည်။

▪️ လတ်တလောတွင်ပြည်သူအများစားသုံးရန်  စားအုန်ဆီတင်သွင်းသည့်ကုမ္ပဏီ ၂၆ခုဖြင့် စားအုံးဆီတန်ချိန် သုံးသောင်းကျော်တင်သွင်းနေသည့်အပြင် စက်မှုကုန်ကြမ်းများ အနေဖြင့် တန်ချိန်တစ်သောင်းကျော်ကို တင်သွင်းနေကြောင်း သိရသည်။

▪️ ပြည်တွင်းမှ စားသုံးဆီထုတ်လုပ်သည့် ဆီစက်များကို အားပေးမြှင့်တင်ရန်၊ ထုတ်လုပ်နိုင်စွမ်းအား တိုးတက်လာစေရန်နှင့်  နိုင်ငံခြားငွေသုံးစွဲမှု လျှော့ချနိုင်ရေးအတွက်ရည်ရွယ်ပြီး ဆောင်ရွက်နေခြင်းဖြစ်ကြောင်း သိရသည်။

▪️ ထို့အပြင်  သတ်မှတ်ဈေးနှုန်းအတိုင်း ဖြန့်ဖြူးရောင်းချခြင်းရှိမရှိကို သက်ဆိုင်ရာ တိုင်းနှင့် ပြည်နယ်အလိုက် ဖွဲ့စည်းထားသည့်  ကုန်ဈေးနှုန်းကြီးကြပ်ရေးလုပ်ငန်းအဖွဲ့များမှ  ကြီးကြပ်ဆောင်ရွက်နေကြောင်း သိရသည်။

#YMG/NN #Yangon_Times

#World_News
Published 22 June 2024

▪️ ယခုလအတွင်း တောင်ကိုရီးယား၊ ဂျပန်တို့နဲ့ ပူးတွဲစစ်ရေးလေ့ကျင့်မှုများ ပြုလုပ်ရန်အတွက် နျူကလီးယားစွမ်းအင်သုံး အမေရိကန် လေယာဥ်တင်သင်္ဘောကြီး သီယိုဒေါရုစ်ဗဲ့လ်ဟာ တောင်ကိုရီးယား ဘူဆန်ဆိပ်ကမ်းမြို့သို့ စနေနေ့မှာ ရောက်ရှိလာကြောင်း တောင်ကိုရီးယားရေတပ်က ပြောကြားလိုက်ပါတယ်။

▪️ ထို ၃ နိုင်ငံခေါင်းဆောင်တွေဟာ နှစ်စဥ်စစ်ရေးလေ့ကျင့်မှုများ ပြုလုပ်ရန် ၂၀၂၃ ဩဂုတ်လတုန်းက ကျင်းပတဲ့ ကမ့်ဒေးဗစ်အစည်းအဝေးပွဲမှာ သဘောတူညီခဲ့ကြပြီး တောင်တရုတ်ပင်လယ်မှာ တရုတ်ပြုမူနေတဲ့ ရန်ဆောင်မှုလုပ်ရပ်တွေကို ရှုတ်ချခဲ့ကြပါတယ်။

▪️ ရုရှားသမ္မတ ဗလာဒီမာပူတင်က ၂၄ နှစ်အတွင်း ပထမဆုံးအကြိမ်အဖြစ် ယခုသီတင်းပတ်အတွင်း မြောက်ကိုရီးယားသို့ လာရောက်ခဲ့ပြီး ခေါင်းဆောင်ကင်မ်ဂျုံအန်းနဲ့ အပြန်အလှန် ကာကွယ်ရေးသဘောတူညီချက်မှာ လက်မှတ်ရေးထိုးခဲ့ပါတယ်။

▪️ ဒါဟာ ယခုနှစ်များအတွင်း အာရှမှာ ရုရှားတို့ အထင်ရှားဆုံးလှုပ်ရှားမှုတွေထဲက တစ်ခုဖြစ်ပြီး ကင်မ်ဂျုံအန်းက မဟာမိတ်အဖြစ်သို့ ရောက်ရှိလာပြီလို့ ဖော်ပြခဲ့ပါတယ်။

▪️ လွန်ခဲ့တဲ့ ၇ လကလည်း မြောက်ကိုရီးယား နျူကလီးယားနဲ့ ဒုံးကျည်အစီအစဥ်များကို ဟန့်တားတဲ့အနေဖြင့် အမေရိကန် လေယာဥ်တင်သင်္ဘောကားလ်ဗင်ဆန် တောင်ကိုရီးယားသို့ ရောက်ရှိခဲ့ပါသေးတယ်။

#Source: Reuters

#Local_News
Published_ 22 June 2024

▪️ ပြည်ပနိုင်ငံများမှ  တင်သွင်းလာသည့်  ကုန်ပစ္စည်းများကို ခွင့်ပြုချက်မရှိဘဲ ဆိပ်ကမ်း၊ လေဆိပ်များသို့ကို တင်သွင်းရောက်ရှိခြင်းမရှိရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ထပ်မံအသိပေးလာကြောင်း သိရသည်။

▪️ ခွင့်ပြုချက်မရဘဲ တင်သွင်းလာသည့်  ကုမ္ပဏီများကို အရေးယူမည်ဖြစ်ကြောင်း ထုတ်ပြန်ထားသော်လည်း  လိုက်နာခြင်းမရှိသည့်အတွက်  ထပ်မံနှိုးဆော် အသိပေးရခြင်းဖြစ်ကြောင်း ဆိုထားသည်။

▪️ ၂၀၂၄ ခုနှစ်၊ ဇူလိုင်လ ၁ ရက်မှစတင်၍ သွင်းကုန် လိုင်စင်/ပါမစ် ခွင့်ပြုချက်မရရှိသေးဘဲ ဆိပ်ကမ်း၊ လေဆိပ်များသို့ သွင်းကုန်များ ကြိုတင်ရောက်ရှိကြောင်း စိစစ်တွေ့ရှိရပါက ပို့ကုန်သွင်းကုန်ဥပဒေနှင့်အညီ အရေးယူသွားမည်ဖြစ်ကြောင်း ၂၀၂၄ ခုနှစ်၊ မေလ ၃၀ ရက်က စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေး ဦးစီးဌာန၏  ပို့ကုန်သွင်းကုန်နှင့်ပတ်သက်သော သတင်းလွှာ (၃/၂၀၂၄) နှင့် ထုတ်ပြန်ထားပြီးဖြစ်ကြောင်းသိရသည်။

▪️ အကောက်ခွန်ကုန်လှောင်ရုံအတွင်း ထည့်သွင်းခွင့်ပြုထားသည့်  ကုန်ပစ္စည်းများမှအပ ကျန်ပြည်ပမှ တင်သွင်းသည့်  ကုန်ပစ္စည်းများကို ခွင့်ပြုချက်မရရှိဘဲ ဆိပ်ကမ်း၊ လေဆိပ်များသို့ တင်သွင်းရောက်ရှိခြင်း မပြုလုပ်ရန်နှင့် ခွင့်ပြုချက် မရရှိဘဲရောက်ရှိပါက အဆိုပါတင်သွင်းသည့်ကုမ္ပဏီများကို ပို့ကုန်သွင်းကုန်ဥပဒေနှင့်အညီအရေးယူမည်ဖြစ်ကြောင်းကို ၂၀၂၀ ပြည့်နှစ်၊ ဇူလိုင်လ ၈ ရက်၌  အမိန့်ကြော်ငြာစာအမှတ်(၅၀/၂၀၂၀)နဲ့ ထုတ်ပြန်ထားသော်လည်း  သတ်မှတ် စည်းကမ်းများကို လိုက်နာဆောင်ရွက်မှုမရှိဘဲ ဆိပ်ကမ်း၊ လေဆိပ်များသို့ ခွင့်ပြုချက်မရရှိသေးသည့်  ကုန်ပစ္စည်းများကို ကြိုတင်တင်သွင်း ဆောင်ရွက်လျက်ရှိကြောင်းတွေ့ရှိရကြောင်း ဆိုသည်။

▪️ ပြည်တွင်းကုန်ထုတ်လုပ်မှုလုပ်ငန်းများနှင့် ကျန်းမာရေးကဏ္ဍတို့အတွက် လိုအပ်သည့် အရေးကြီးကုန်ပစ္စည်းများ ကို အကောက်ခွန်ဦးစီးဌာန၏  လုပ်ထုံးလုပ်နည်းများနှင့်အညီ အကောက်ခွန်ကုန်လှောင်ရုံများတွင်  ထည့်သွင်းခွင့်ပြု ထားပြီးဖြစ်ကြောင်း၊ထို့ကြောင့် ထုတ်ပြန်ပေးထားသည့်  ဥပဒေနှင့်စည်းကမ်းများကို အလေးအနက်ထား လိုက်နာစေရန်ရည်ရွယ်၍ သွင်းကုန်လိုင်စင်/ပါမစ်ခွင့်ပြုချက် တစ်စုံတစ်ရာမရရှိဘဲ ကုန်ပစ္စည်းများဆိပ်ကမ်းနှင့် လေဆိပ်များသို့ တင်သွင်း ရောက်ရှိမှုမရှိစေရေးအတွက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနက ထပ်မံ နှိုးဆော်အသိပေးကြေညာထားခြင်းဖြစ်ကြောင်း သိရသည်။

#YMG/ NN #Yangon_Times

#Local_News
Published_ 22 June 2024

▪️ တရုတ်နိုင်ငံတွင် နှစ်(၆၀)ပြည့် ဗုဒ္ဓစွယ်တော်တိုက်သစ်ဖွင့်ပွဲအခမ်းအနားကျင်းပခဲ့ပြီး မြန်မာနိုင်ငံမှ ဆရာတော်၊သံဃာတော်များတက်ရောက်ခဲ့ကြောင်း သိရသည်။

▪️ နှစ်(၆၀)ပြည့်လင်ကွမ်းဗုဒ္ဓစွယ်တော်တိုက်သစ်ဆောက်လုပ်ပြီးစီးသည့် ဖွင့်ပွဲအခမ်းအနားကို တရုတ်ဗုဒ္ဓဘာသာအသင်းကြီး၏ ဖိတ်ကြားချက်အရ မြန်မာ - တရုတ် ချစ်ကြည်ရေးအသင်းဥက္ကဋ္ဌနှင့် ရွှေတိဂုံစေတီတော်ဩဝါဒါစရိယဆရာတော်၊ ရန်ကုန်တိုင်းဒေသကြီး သံဃနာယကအဖွဲ့ဥက္ကဋ္ဌ ဒေါက်တာ အဂ္ဂသာမိနှင့် ဆရာတော်သုံးပါးတို့ပါဝင်သောအဖွဲ့တက်ရောက်ကြပြီး ဇွန် ၁၈ ရက်မှ ၂၂ ရက်အထိ တက်ရောက်ပူဇော်ခဲ့ကြသည်။

▪️ ဗုဒ္ဓမြတ်စွယ်တော် စံကျောင်းတော်သစ်ဖွင့်ပွဲအထိမ်းအမှတ် ဗုဒ္ဓဘာသာနှင့် ပတ်သက်သော နှီးနှောဖလှယ်ဆွေးနွေးပွဲကို ဆက်လက်ကျင်းပရာ နိုင်ငံအသီးသီးမှအဖွဲ့ ခေါင်းဆောင်များက ဗုဒ္ဓဘာသာအဓွန့်ရှည်စွာတည်တံ့ရေး၊ ချစ်ကြည်ရင်းနှီးစွာ ပူးပေါင်းဆောင်ရွက်ရေး၊ နိုင်ငံအလိုက်သာသနာရေးဆောင်ရွက်ချက်များကို ဆွေးနွေးခဲ့ကြသည်။

▪️ နိုင်ငံအသီးသီးမှအဖွဲ့ဝင်များအား ဇွန် ၂၁ ရက်တွင် လားမားဗုဒ္ဓကျောင်းတော်နှင့် ဒေသန္တရလှည့်လည်ကြည့်ရှုခြင်းများ စီစဉ်ပေးခဲ့ကြောင်း သိရှိရသည်။ မြန်မာနိုင်ငံသို့ ဗုဒ္ဓစွယ်တော် (၄) ကြိမ် ဒေသစာရီကြွချီခဲ့ပြီး နောက်ထပ်တစ်ကြိမ် (၅) ကြိမ်မြောက် ကြွရောက်နိုင်ရေးလည်း ညှိနှိုင်းဆွေးနွေးခဲ့ကြောင်း သိရသည်။

▪️ ဖွင့်ပွဲအခမ်းအနားသို့ ဗုဒ္ဓဘာသာဝင် ကမ္ဘောဒီးယား၊ ကိုရီးယား၊ လာအို၊ မြန်မာ၊ သီရိလင်္ကာ၊ ထိုင်းနှင့် ဗီယက်နမ်နိုင်ငံတို့မှ ဆရာတော်၊ သံဃာတော်များနှင့် အဖွဲ့ဝင်များအင်အား ၇၀ ခန့်နှင့် တရုတ်ပြည်မှ ဗုဒ္ဓဘာသာဝင်များ စုစုပေါင်း ၅၀၀ ခန့် တက်ရောက်ခဲ့ကြသည်။

▪️ အခမ်းအနားတွင် တရုတ်ဗုဒ္ဓဘာသာအသင်းဥက္ကဋ္ဌဆရာတော်ကြီး Most.Ven. YANJUE က နိုင်ငံအသီး သီးမှအဖွဲ့ဝင်များကို အဖွဲ့လိုက်သီးခြားတွေ့ ဆုံနှုတ်လဆက်ကာ ဓမ္မပဏ္ဏာများပေးအပ်ချီးမြှင့်၍ နိုင်ငံများအချင်းချင်း ဗုဒ္ဓဘာသာသာသနာတော်အား ဝိုင်းဝန်းထိန်းသိမ်းကြရန်၊ ပူးပေါင်းဆောင်ရွက်ကြရန် မိန့်ကြားသည်။

▪️ ဒုတိယဥက္ကဋ္ဌဆရာတော်၊ ဗုဒ္ဓစွယ်တော်တိုက် ပဓာနဆရာတော်မဟာသဒ္ဓမ္မဇောတိကဓဇ Most. Ven. Zhan Chan ဦးစီး၍ နှစ်(၆၀)ပြည့် ဗုဒ္ဓစွယ်တော်တိုက်သစ်ဖွင့်ပွဲအခမ်းအနားကို ဆက်လက်ကျင်းပရာ နိုင်ငံအသီးသီးမှ သံဃာတော်အဖွဲ့များက ဗုဒ္ဓစွယ်တော်အား ဘုရားအနေကဇာတင်ခြင်း၊ ကမ္ဘာကြီးငြိမ်းချမ်းရေး ဆုတောင်းမေတ္တာပို့သခြင်းများ ပြုလုပ်ခဲ့ကြသည်။ 

▪️ ဆက်လက်၍ ဗုဒ္ဓစွယ်တော်နှင့် စပ်လျဉ်း၍ နိုင်ငံအသီးသီးမှ ဘုရားစေတီပုံတော်များနှင့် ဗုဒ္ဓအဆိုအမိန့်များပါဝင်သော ချစ်ကြည် ရေးပြခန်းကို ဖဲကြိုးဖြတ်ဖွင့်လှစ်ကြကြောင်း သိရသည်။

#tthl #Yangon_Times