#World_Health
Published 23 August 2026

■ အိန္ဒိယဆေးဝါးသုတေသနကောင်စီ(ICMR)က HPV ဗိုင်းရပ်စ်တိုက်ဖျက်နိုင်ဖွယ်ရှိတဲ့ SHetA2 ကို ဆက်လက်ထုတ်လုပ်သွားဖို့ Emcure Pharmaceuticals ထံ လိုင်စင်လွှဲပြောင်းပေးခဲ့ပါတယ်။

■ ဒီဆေးဟာ သားအိမ်ခေါင်းကင်ဆာ အကြိုအဆင့်ကို ကုသပေးပြီး HPV ဗိုင်းရပ်စ်မှ သားအိမ်ခေါင်းကင်ဆာအဖြစ်သို့ ကူးပြောင်းသွားခြင်းကို တားဆီးပေးပါတယ်။

■ ဒီဆေးကို ICMR ရဲ့ NICPR နဲ့ အုတ်ကလာဟိုမာ စတီဖင်ဆန်ကင်ဆာဌာနတက္ကသိုလ်တို့ ပူးပေါင်းဖန်တီးခဲ့ကြခြင်း ဖြစ်ပါတယ်။

■ ထိုဆေးက HPV E6\E7 အွန်ကိုပရိုတိန်းများကို ဟန့်တားပေးပြီး ပုံမှန်ဆဲလ်များ ထိခိုက်မှုမရှိဘဲ ရောဂါပိုးကူးစက်ခံထားရတဲ့ ဆဲလ်များကိုသာ သီးသန့်ဖျက်ဆီးပေးပါတယ်။

■ အောင်မြင်ပါက ကိုယ်ဝန်ဆောင်ချိန် နောက်ဆက်တွဲပြဿနာများ ဖြစ်ပွားနိုင်ခြေရှိတဲ့ ကုသမှုများအစား ခွဲစိတ်ရန်မလိုတဲ့ နည်းလမ်းတစ်ခု ဖြစ်လာမှာပါ။

■ သုတေသီများက ပစ်မှတ်ထားကုသမှု ဖော်ဆောင်ဖို့အတွက် သောက်ဆေးနဲ့ မိန်းမကိုယ်ထည့်ဆေးပုံစံများကို သုတေသန ပြုလုပ်နေကြပါတယ်။

■ ဒီဆေးဟာ စမ်းသပ်ဆဲအဆင့်မှာသာ ရှိသေးပြီး ဆေးကုသမှုဆိုင်ရာ စမ်းသပ်မှုများ ပြုလုပ်နေဆဲဖြစ်တာကြောင့် တရားဝင်အတည်ပြုချက် မရရှိသေးပါဘူး။

■ HPV ကာကွယ်ဆေးများ ထိုးနှံခြင်းနဲ့ ပုံမှန်စစ်ဆေးမှုပြုလုပ်ခြင်းတို့က သားအိမ်ခေါင်းကင်ဆာ ကာကွယ်ရေးအတွက် အဓိကကျဆဲဖြစ်ကြောင်း ကျွမ်းကျင်သူများ အလေးပေးပြောထားပါတယ်။

Source: NDTV