နေပြည်တော်၊ ရန်ကုန်နဲ့မန္တလေးရှိ ဆန်ဆိုင် (၂၈၆ )ဆိုင်မှာ အထူးဧည့်မထ၊ပေါ်ဆန်းတွေကို (10 Kg)အိတ်တွေနဲ့
ရောင်းချပေးနေပြီး လူမှုရေး/ ဘာသာရေး အသင်းအဖွဲ့တွေ  ဌာနဆိုင်ရာအဖွဲ့အစည်းတွေ  စက်ရုံအလုပ်ရုံတွေ  ထမင်းဆိုင်တွေက လုပ်ငန်းသုံး/ အများသုံးဝယ်ယူတာတွေအတွက်အရေအတွက် အကန့်အသတ်မထားဘဲသင့်တင့်မျှတသော ပမာဏ/ အိတ်ရေကို ရည်ညွှန်းဈေးဖြင့် ဝယ်ယူနိုင်ရေး စီမံဆောင်ရွက်ပေးနေတယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။ ဇွန် ၂၇ ရက်နေ့မှာတော့  ဈေးအရောင်းစင်တာ‌၊ Super Market ၊ Mini Mart  ‌တွေမှာ လည်း ရွှေဘိုပေါ်ဆန်း  ၊ ဧရာဝတီပေါ်ဆန်း ၊ ဧည့်မထဆန် တွေကို  Consumer Pack  တွေနဲ့  ရည်ညွှန်းဈေးနှုန်းများအတိုင်း ပြန်လည်ရောင်းချပေးနေတယ်လို့ သိရပါတယ်။
#Local_News
Published_ 28 June 2024
#လက်လီဆိုင် #ရည်ညွှန်းဈေးဖြင့်ရောင်းချ
#NN#Yangon_Times

#Local_News
Published_ 28 June 2024

▪️ ကမ္ဘာ့ကုလသမဂ္ဂ လူ့အခွင့်အရေးကောင်စီ၏အစီရင်ခံစာ၌ပါသော မြန်မာဘဏ်များနှင့်ပတ်သက်သည့် ဖော်ပြချက်များကို မြန်မာနိုင်ငံတော်ဗဟိုဘဏ်၊ မြန်မာနိုင်ငံဘဏ်များအသင်း၊ နိုင်ငံပိုင်ဘဏ်များ၊ ပုဂ္ဂလိကဘဏ်များမှ ပြင်းထန်စွာကန့်ကွက်ကြောင်း  အသိပေးထုတ်ပြန်လိုက်သည်။

▪️ အဆိုပါ ကမ္ဘာ့ကုလသမဂ္ဂလူ့အခွင့်အရေးကောင်စီက ၂၆-၆-၂၀၂၄ ရက်နေ့တွင် ထုတ်ပြန်ခဲ့သည့် အစီရင်ခံစာတွင် မြန်မာနိုင်ငံ၏ လူ့အခွင့်အရေးချိုးဖောက်မှုများ၌ အပြည်ပြည်ဆိုင်ရာဘဏ်များ၊ ပြည်တွင်း နိုင်ငံပိုင်ဘဏ်နှင့် ပုဂ္ဂလိကဘဏ်အချို့မှ ပါဝင်ဆောင်ရွက်လျက်ရှိကြောင်းနှင့် အရေးယူပေးရန် တောင်းဆိုမှုများ ဖော်ပြထားသည်ဟုဆိုသည်။

▪️ ထုတ်ပြန်ချက်တွင် နိုင်ငံပိုင်ဘဏ်များအပါအဝင် ပြည်တွင်းဘဏ်များအားလုံးအနေဖြင့် မြန်မာနိုင်ငံတော်ဗဟိုဘဏ်မှ ချမှတ်ထားသည့် ဘဏ်နှင့်ဆက်သွယ်ဆောင်ရွက်သူများ၏ အချက်အလက်များအား သေချာစွာစိစစ် ရယူခြင်းဆိုင်ရာ Due Diligence Procedure များကို တိကျစွာလိုက်နာဆောင်ရွက်လျက်ရှိကြောင်း၊

▪️ နိုင်ငံပိုင်ဘဏ်များအပါအဝင် ပြည်တွင်းဘဏ်များအားလုံး၏ အပြည်ပြည်ဆိုင်ရာ အဆက်အသွယ်ဘဏ် များအနေဖြင့်လည်း မြန်မာနိုင်ငံ၏ ပြည် တွင်းပြည်ပငွေကြေးလွှဲပြောင်းမှုများကို ဆောင် ရွက်ပေးရာတွင် လိုအပ်သည့် အထောက် အထားများအားရယူ၍ အလေးထားစိစစ်ခြင်းကို တိုးမြှင့်ဆောင်ရွက်ခြင်း (Enhanced Due Diligence - EDD) အား ကောင်းစွာဆောင်ရွက်လျက်ရှိကြောင်း၊

▪️ ငွေကြေးဆိုင်ရာအရေးယူဆောင်ရွက်ရေးအဖွဲ့ (FATF) ၏ စံသတ်မှတ်ချက်များနှင့်အညီ မြန်မာနိုင်ငံ၏ အကောင်အထည်ဖော်ဆောင်ရွက်မှုဆိုင်ရာ တိုးတက်မှုအစီရင်ခံစာများကို အာရှ-ပစိဖိတ်ပူးတွဲ အဖွဲ့ (APJG) သို့ တင်ပြချက်များနှင့် မျက်နှာချင်းဆိုင်အစည်းအဝေးတွင် ဆွေးနွေးပြောဆိုချက်များအ FATF နှင့် APJG တို့က အသိအမှတ်ပြုပြီး နှစ်စဉ်စံနှုန်းသတ်မှတ်ချက်အဆင့်များ တိုးမြှင့်ပေးခဲ့ခြင်းတို့ကို မြန်မာနိုင်ငံတော်ဗဟိုဘဏ်က ၉-၆-၂၀၂၄ ရက်နေ့တွင် သတင်းထုတ်ပြန်ခဲ့ပြီးဖြစ်ကြောင်း ဖော်ပြထားသည်။

▪️ ယင်းအပြင် မြန်မာနိုင်ငံ၏ ပြည်တွင်းပြည်ပငွေကြေးလွှဲပြောင်းမှုများမှာလည်း မြန်မာနိုင်ငံသားများအတွက် အဓိက မရှိမဖြစ်လိုအပ်သော အခြေခံကုန်စည်များဖြစ်သည့် ဆေးနှင့်ဆေးအထောက် အကူပြုပစ္စည်းများ၊ စိုက်ပျိုးရေးနှင့်မွေးမြူရေးလုပ်ငန်းသုံးပစ္စည်းများ၊ ဓာတ်မြေဩဇာ၊ စက်သုံးဆီ၊ စားသုံးဆီများတင်သွင်းမှုများအတွက်ဆောင်ရွက်ခြင်းဖြစ်ကြောင်း

▪️ ဘဏ်များအနေဖြင့်ယင်းကုန်စည်များတင်သွင်းခြင်းအတွက် ငွေပေးချေမှုများပြုလုပ်ရာတွင် ကုန်သွယ်မှုဆိုင်ရာ သက်သေခံစာရွက်စာတမ်းအထောက်အထားများရယူ၍ စိစစ်ဆောင်ရွက်ပေးလျက်ရှိကြောင်း၊

▪️ သို့ပါ၍ ကမ္ဘာ့ကုလသမဂ္ဂလူ့အခွင့်အရေးကောင်စီ၏ အစီရင်ခံစာပါ မြန်မာနိုင်ငံ၏ လူ့အခွင့်အရေး ချိုးဖောက်မှုများ၌ အပြည်ပြည်ဆိုင်ရာဘဏ်များ၊ ပြည်တွင်းနိုင်ငံပိုင်ဘဏ်နှင့် ပုဂ္ဂလိကဘဏ်အချို့မှ ပါဝင်ဆောင်ရွက်လျက်ရှိကြောင်းနှင့် အရေးယူပေးရန် တောင်းဆိုမှုများ ရေးသားဖော်ပြချက်များမှာ မြန်မာပြည်သူများ၏ အကျိုးစီးပွားကို ထိခိုက်စေသည့် အပြင် မြန်မာနိုင်ငံနှင့် ပြည်ပနိုင်ငံများအကြား ဆက်ဆံရေးကိုလည်း ထိခိုက်စေသဖြင့် အဆိုပါရေးသားချက်အပေါ် ပြင်းထန်စွာကန့်ကွက်ပါကြောင်း အများပြည်သူသိရှိစေရန် အသိပေးထုတ်ပြန်အပ် ကြောင်း ထုတ်ပြန်ချက်၌ ဖော်ပြပါရှိသည်။

#tthl #Yangon_Times

#Local_Sport
Published_ 28 June 2024
▪️ ရန်ကုန်ယူနိုက်တက်အသင်းသည် မြန်မာနေရှင်နယ်လိဂ်ပြိုင်ပွဲပြင်ဆင်မှုအဖြစ် ရန်ကုန်အသင်း ကစားသမားဟောင်း ရခိုင်ယူနိုက်တက်ကွင်းလယ်ကြည်လင်းကို ၂၀၂၄-၂၀၂၅ ဘောလုံးရာသီအတွက် အားဖြည့်ခေါ်ယူလိုက်ပြီဖြစ်ကြောင်း သိရပါတယ်။

▪️ သူရဲ့ကစားဟန်ကြောင့် ရန်ကုန်ပရိသတ်များ၏ အားပေးမှုများရရှိခဲ့သလို ကွင်းထဲတွင် အကောင်းဆုံးခြေစွမ်းပြကစားနိုင်ခဲ့သည့် ကြည်လင်းသည် Goal.com Reader's Choice of the Years 2012 အာဆီယံအကောင်းဆုံး ၁၁ ယောက် စာရင်းဝင်ခဲ့သည့်သူတစ်ဦးလည်းဖြစ်ပါတယ်။

▪️ သက်တမ်းအလိုက်လူငယ်လက်ရွေးစင်နှင့် မြန်မာ့လက်ရွေးစင်အသင်းတွင်လည်း ပါဝင်ခဲ့သည့် ကြည်လင်း က "ကျွန်တော်ဒီအသင်းအတွက် ပေးဆပ်ကစားချင်သေးလို့ ပြန်လာခဲ့တာပါ။ ဒီအသင်းက ကျွန်တော့်ရဲ့ မွေးရပ်မြေလည်းဟုတ်သလို မိသားစုလည်းဟုတ်ပါတယ်။ ဒီအသင်းကို ပြန်လာခွင့်ရတာ အရမ်းဝမ်းသာမိပါတယ်" ဟု ပြောကြားခဲ့ပါတယ်။

▪️ ရန်ကုန်ယူနိုက်တက်အသင်း စတင်တည်ထောင်သည့်နှစ်မှစ၍ အသင်းနှင့်အတူ မြန်မာနေရှင်နယ်လိဂ်နှင့် အခြားရှုံးထွက်ဖလားများစွာရရှိအောင်မြင်ခဲ့တဲ့ ကြည်လင်းအသင်းနှင့် ပြန်လည်ခြေစွမ်းပြရန် ရောက်ရှိလာခဲ့ခြင်းဖြစ်တယ်လို့ ရန်ကုန်ယူနိုက်တက်က သတင်းထုတ်ပြန်ထားပါတယ်။

#Ymg_mnn #Yangon_Media_Group

#Local_News
Published_ 28 June 2024

▪️ မြန်မာနိုင်ငံရှိဘဏ်များသည်SDN List အပါအဝင် နိုင်ငံတကာအရေးယူဆောင်ရွက်မှုစာရင်းများတွင် ပါရှိနေသော လူပုဂ္ဂိုလ်များ၊ ကုမ္ပဏီလုပ်ငန်းများအတွက် ပြည်တွင်း၊ ပြည်ပငွေကြေးလွှဲပြောင်းမှုများကို လုံးဝဆောင်ရွက်ပေးခြင်းမရှိကြောင်း မြန်မာနိုင်ငံဘဏ်များအသင်းမှ ထုတ်ပြန်လိုက် ကြောင်းသိရသည်။

ထုတ်ပြန်ချက်တွင်
▪️ မြန်မာနိုင်ငံဘဏ်များသည် မြန်မာနိုင်ငံတော်ဗဟိုဘဏ်မှ ထုတ်ပြန်ထားရှိသည့် လမ်းညွှန်မှုများနှင့်အညီ စည်းမျဉ်းများကို လေးစားလိုက်နာဆောင်ရွက်လျက်ရှိကြောင်း၊

▪️ ငွေကြေးခဝါချမှုနှင့်အကြမ်းဖက်မှုကို ငွေကြေးထောက်ပံ့မှု တိုက်ဖျက်ရေးဆိုင်ရာလုပ်ငန်းများနှင့် လူအများအပြား သေကျေစေသည့် လက်နက်များပြန့်ပွားရေးကို ငွေကြေးထောက်ပံ့မှု တိုက်ဖျက်ရေးလုပ်ငန်းများနှင့်ပတ်သက်၍လည်း ဘဏ်များသည် Regulatory Authority ဖြစ်သည့် ဗဟိုဘဏ်မှချမှတ်ထားသည့် ညွှန်ကြားချက်များနှင့် လမ်းညွှန်ချက်များအတိုင်း လိုက်နာဆောင်ရွက်လျက်ရှိကြောင်း၊

▪️ ဘဏ်များသည် SDN List အပါအဝင် နိုင်ငံတကာ အရေးယူဆောင်ရွက်မှုစာရင်းများတွင် ပါရှိနေသော လူပုဂ္ဂိုလ်များ၊ ကုမ္ပဏီလုပ်ငန်းများအတွက် ပြည်တွင်း၊ ပြည်ပငွေကြေးလွှဲပြောင်းမှုများကို လုံးဝဆောင်ရွက်ပေးခြင်းမရှိဘဲ ဆက်သွယ်ဆောင်ရွက်သူများ၏ ရယူရမည့်အချက်အလက်များအား သေချာစွာစိစစ်ရယူခြင်းနှင့် ပြည်တွင်း၊ ပြည်ပငွေကြေးလွှဲပြောင်းမှုများအပေါ် အလေးထားစိစစ်ခြင်းကို တိုးမြှင့်ဆောင်ရွက်ခြင်း (Enhanced Due Diligence-EDD) ကို စဉ်ဆက်မပြတ် လုပ်ဆောင်လျက်ရှိသည်ဟုဆိုသည်။

▪️ ယင်းအပြင် မြန်မာနိုင်ငံဘဏ်များနှင့်ဆက်သွယ်ဆောင်ရွက်နေသည့် နိုင်ငံခြားဘဏ်များသည်လည်း ၎င်းတို့၏ သက်ဆိုင်ရာအာဏာပိုင်များ၏ တင်းကျပ်သော စည်းမျဉ်းများအရ မြန်မာနိုင်ငံဘဏ်များ၏ ကုန်သွယ်မှုအတွက် ငွေပေးချေမှုများကို ဆောင်ရွက်ပေးလျက်ရှိရာတွင် ငွေကြေးလွှဲပြောင်းဆောင်ရွက်မှုများအား အလေးထားစိစစ်ခြင်းအား တိုးမြှင့်ဆောင်ရွက်ခြင်း (EDD)လုပ်ငန်း စဉ်များ ပြီးစီးမှသာ ဆောင်ရွက်ပေးလျက်ရှိကြောင်း၊

▪️ မြန်မာနိုင်ငံဘဏ်များသည် ငွေကြေးဆိုင်ရာအရေးယူဆောင်ရွက်ရေးအဖွဲ့ (Financial Action Task Force-FATF)က သတ်မှတ်ထားသည့် အလေးထားစိစစ်မှုများ တိုးမြှင့်ဆောင်ရွက်ရန် တောင်းဆိုခြင်းခံရသည့် နိုင်ငံနှင့် ဒေသများစာရင်းမှ ပယ်ဖျက်နိုင်ရေးအတွက်လည်း FATF မှ သတ်မှတ်ပေးထားသည့် အကောင်အထည်ဖော်ဆောင်ရွက်ရေး အစီအမံများကို သက်ဆိုင်ရာအစိုးရဌာနအဖွဲ့အစည်းများနှင့် ပုဂ္ဂလိကကဏ္ဍတို့ပူးပေါင်း၍ အကောင်အထည်ဖော်ဆောင်ရွက်လျက်ရှိပြီး 

▪️ ဘဏ်များအနေဖြင့် ငွေကြေးခဝါချမှုနှင့်အကြမ်းဖက်မှုကို ငွေကြေးထောက်ပံ့မှု တိုက်ဖျက်ရေးဆိုင်ရာလုပ်ငန်းများနှင့် လူအများအပြားသေကျေစေသည့် လက်နက်များ ပြန့်ပွားရေးကို ငွေကြေးထောက်ပံ့မှု တိုက်ဖျက်ရေးလုပ်ငန်းများအား အင်တိုက်အားတိုက် ပူးပေါင်းပါဝင်ဆောင်ရွက်လျက်ရှိပြီး လိုအပ်သည့်လုပ်ငန်းစဉ်များအတွက်လည်း မြန်မာနိုင်ငံတော်ဗဟိုဘဏ်၏ လမ်းညွှန်မှုများအရ ဆောင်ရွက်လျက်ရှိကြောင်း မြန်မာနိုင်ငံဘဏ်များအသင်းမှ ထုတ်ပြန်ဖော်ပြခဲ့ကြောင်း သိရသည်။

#tthl #Yangon_Times

#World_News
Published 28 June 2024

▪️ အမေရိကန် အိုကလာဟိုမာပြည်နယ်မှ ပညာရေးဌာနက ပြည်နယ်ရှိ ဆရာဆရာမအားလုံးအနေဖြင့် စာသင်ခန်းတိုင်းမှာ ခရစ်ယာန်သမ္မာကျမ်းစာ ထားရှိရန်နဲ့ ထိုကျမ်းစာထဲကနေ သင်ကြားပေးရန် ညွှန်ကြားလိုက်ကြောင်း ကြာသပတေးနေ့က ကြေညာလိုက်ပါတယ်။

▪️ ဒါဟာ ဘာသာရေးကမကထပြုလုပ်ခြင်းက အခြေခံဥပဒေနဲ့ မညီဘူးလို့ သတ်မှတ်ထားတဲ့ အမေရိကန် တရားရုံးချုပ်စည်းမျဥ်းများကို စိန်ခေါ်ရာကျနေပါတယ်။

▪️ အိုကလာဟိုမာ အများပြည်သူဆိုင်ရာ ညွှန်ကြားရေးရုံးမှ ကြီးကြပ်ရေးမှူး ရိုင်ယန်ဝေါလ်တာက ပညာရေးဌာန ဘုတ်အဖွဲ့အစည်းအဝေးမှာ ထိုအမိန့်ကို ချက်ချင်းဆောင်ရွက်ဖို့ ကြေညာခဲ့ပြီး ခရစ်ယာန်ပညတ်တော် ဆယ်ပါးကို အထူးဂရုပြုသင်ကြားရမယ်လို့ ဆိုခဲ့ပါတယ်။

▪️ အိုကလာဟိုမာပြည်နယ်မှ ကျောင်းသားအားလုံး သမိုင်းကြောင်းကို နားလည်စေရန်အတွက် စာသင်ခန်းတိုင်းမှာ သမ္မာကျမ်းစာရှိရမှာဖြစ်ပြီး ဆရာတိုင်းက သင်ကြားရမှာဖြစ်တယ်လို့ ပြောကြားသွားပါတယ်။

▪️ ဂျူးဘာသာနဲ့ ခရစ်ယာန်ဘာသာတို့ရဲ့ အထွတ်အမြတ် သမ္မာကျမ်းစာတွေဟာ  အနောက်တိုင်းယဥ်ကျေးမှုရဲ့ အခြေခံအုတ်မြစ် မှတ်တမ်းမှတ်ရာတွေ ဖြစ်တယ်လို့ ဆိုပါတယ်။

▪️ အမေရိကန် အခြေခံဥပဒေ ပထမပြင်ဆင်ချက်မှာ ပြည်နယ်တစ်ခုအနေဖြင့် ဘာသာရေးတစ်မျိုးမျိုးကို အထောက်အပံ့ပေးခြင်းမှ တားမြစ်ထားပါတယ်။

▪️ ဝေါလ်တာရဲ့ အမိန့်ပေးချက်ဟာ အခြေခံဥပဒေနဲ့ မကိုက်ညီဘဲ ကျောင်းတွေဟာ ယင်းတို့စာသင်ခန်းတွေထဲမှာ ဘယ်စာအုပ်တွေ ထားရမလဲဆိုတာကို ဆုံးဖြတ်ပိုင်ခွင့်ရှိတယ်လို့ အိုကလာဟိုမာ ဆရာများသမဂ္ဂအဖွဲ့က ပြောပါတယ်။

▪️ ဘာသာရေးထဲမှာပါတဲ့ သမိုင်းဝင်အကြောင်းအရာတွေကို သင်ကြားတာက လက်သင့်ခံစရာဖြစ်ပေမယ့် ဘာသာရေးဩဝါဒအကြောင်း သင်တာကတော့ လက်ခံစရာမရှိဘူးလို့ ထိုအဖွဲ့အစည်းက ပြောပါတယ်။

#Source: Reuters

#Local_News
Published_ 28 June 2024

▪️ ၂၀၂၄ မြန်မာနေရှင်နယ်လိဂ်-၂ ပြိုင်ပွဲကို ဇူလိုင်လနှောင်းပိုင်းမှစတင်၍ လေးလကြာကျင်းပသွားမည်ဖြစ်ကြောင်း မြန်မာနေရှင်နယ်လိဂ်ကော်မတီမှ သိရသည်။

▪️ အဆိုပါပြိုင်ပွဲအားလာမည့် ဇူလိုင်(၂၃)ရက်မှ စတင်၍ နိုဝင်ဘာ(၂၇)ရက်အထိ (၄)လကျော်ကြာ ကျင်းပသွားမည်ဖြစ် ကြောင်း ၊ယင်း ပြိုင်ပွဲအတွက် ပြိုင်ပွဲဝင် (၈) သင်းပါဝင်မည့် ၂၀၂၄ မြန်မာနေရှင်နယ်လိဂ်-၂ ပြိုင်ပွဲအတွက် ပွဲစဉ်ဇယားကိုဇွန်(၂၇)ရက်တွင် အသိပေးထုတ်ပြန်လိုထား‌ကြောင်း သိရသည်။

▪️ ပြိုင်ပွဲဝင်အသင်းရှစ်သင်းမှာ  ကချင်ယူနိုက်တက်၊ ဂျီအက်ဖ်အေ၊ ယူနီဗာစတီ၊ Glory Goal၊ ရွှေပြည်သာယူနိုက်တက်၊ ငွေကြယ်ပွင့်လေးများအသင်း၊ ရာမည ယူနိုက်တက်(ရိန်းဘိုးအက်ဖ်စီ)နှင့် ဧရာဝတီရိန်းဂျား(ရိန်းဂျားအက်ဖ်စီ) အသင်းတို့ ပါဝင်ယှဉ်ပြိုင်သွားကြမည်ဖြစ်ကြောင်း သိရသည်။

#YMG/NN #Yangon_Times

#World_Health
Published 28 June 2024

▪️ ဗိုက်တာမင် အားဖြည့်ဆေးတွေ သုံးစွဲခြင်းဖြင့် ပျမ်းမျှနေထိုင်သက်တမ်း မြင့်မားလာစေမှာ မဟုတ်ဘူးလို့ လေ့လာချက်တွေမှာ တွေ့ရှိထားကြပါတယ်။

▪️ ဗိုက်တာမင်အားဆေးများ ပုံမှန်သောက်သုံးနေသူတွေဟာ မသောက်တဲ့သူတွေနဲ့ ယှဥ်ရင် အသက်သေဆုံးနိုင်ခြေ ဘာမှမထူးခြားဘူးလို့ ဖော်ပြထားကြပါတယ်။

▪️ ဗိုက်တာမင်မျိုးစုံ ဖြည့်စွက်ဆေးတွေမှာ မရှိမဖြစ်လိုအပ်တဲ့ ဗိုက်တာမင်ဓာတ်များနဲ့ သတ္တုဓာတ်များ ပါဝင်ပြီး ဗိုက်တာမင်-အေ၊ စီ၊ ဒီ၊ အီး၊ ကေ၊ ဘီအမျိုးမျိုး၊ ကယ်လ်စီယမ်၊ မဂ္ဂနီဆီယမ်၊ သံဓာတ်၊ ဇင့်၊ မန်းဂနိစ်တို့ ပါဝင်လေ့ရှိပါတယ်။

▪️ ဗိုက်တာမင်အားဆေးများ အသုံးပြုဖြစ်တဲ့ အကြောင်းအရင်းတွေထဲမှာ ကျန်းမာရေး တိုးတက်စေခြင်း၊ နာတာရှည်ရောဂါ ကာကွယ်ပေးနိုင်ခြင်း၊ အထူးသဖြင့် အသက်အန္တရာယ် လျော့ပါးခြင်း စတာတွေကို ယုံကြည်ကြလို့ ဖြစ်ပါတယ်။

▪️ သုတေသီတွေက ကျန်းမာပြီး ကင်ဆာမဖြစ်ဖူးတဲ့ အမေရိကန်လူမျိုး ၄ သိန်းကို နှစ် ၂၀ လောက်လေ့လာခဲ့ရာမှာ ဗိုက်တာမင် ဖြည့်စွက်ဆေးများ အသုံးပြုခြင်းနဲ့ အသက်အန္တရာယ် သေဆုံးမှုနှုန်း နည်းပါးခြင်းတို့ကြား ဆက်စပ်မှုမရှိတာကို တွေ့ရှိခဲ့ကြပါတယ်။

▪️ ဒါပေမဲ့ အသက်အရွယ်ကြီးတဲ့သူတွေက ဗိုက်တာမင်ဓာတ်တွေ လိုအပ်လာသဖြင့် ဖြည့်စွက်ဆေး စတင်သုံးစွဲဖို့ လိုအပ်လာနိုင်ပါတယ်။

#Source: WION

#World_Health
Published 28 June 2024

▪️ ကမ္ဘာအနှံ့ အမျိုးသားများကြား လိင်တံကင်ဆာ ဖြစ်ပွားမှုနှုန်း မြင့်တက်လာပြီး လာမယ့် ၂၆ နှစ်အတွင်း ၇၇ ရာခိုင်နှုန်း မြင့်တက်လာဦးမယ်လို့ ခန့်မှန်းနေကြပါတယ်။ 

▪️ ဖွံ့ဖြိုးဆဲနိုင်ငံတွေမှာ လိင်တံကင်ဆာ ဖြစ်ပွားမှုနှုန်းနဲ့ အသက်သေဆုံးမှုနှုန်း မြင့်မားသလို ဥရောပနိုင်ငံအများစုမှာ အဖြစ်များကြောင်း တရုတ်ပြည် စွန်းယက်ဆင်တက္ကသိုလ်မှ သုတေသီများက ထုတ်ပြန်ထားပါတယ်။

▪️ ဘရာဇီးလ်က ကမ္ဘာပေါ်မှာ လိင်တံကင်ဆာ အဖြစ်အများဆုံး ဖြစ်နေပြီး သူ့နောက်မှာတော့ ယူဂန်ဒါနိုင်ငံ ရှိနေပါတယ်။

▪️ ၂၀၁၂ မှ ၂၀၂၂ အတွင်း ဘရာဇီးလ်မှာ လိင်တံကင်ဆာ ဖြစ်ပွားသူပေါင်း ၂၁၀၀၀ ဦးခန့်ရှိခဲ့ပြီး အယောက် ၄၀၀၀ ခန့်သေဆုံးခဲ့ကာ ၆၅၀၀ လောက်က လိင်တံဖြတ်တောက်ခဲ့ရပါတယ်။

▪️ HPV ကာကွယ်ဆေး ထိုးနှံမှုနှုန်း နည်းပါးခြင်းက ဒီလိုမျိုးကင်ဆာ အဖြစ်များစေတာ ဖြစ်တယ်လို့ ဘရာဇီးလ်ဆရာဝန်များ ယုံကြည်နေကြပါတယ်။

▪️ ရောဂါဖြစ်စေတဲ့ အကြောင်းအရင်းတွေထဲမှာ အကာအကွယ်မပါဘဲ လိင်ဆက်ဆံခြင်း၊ ကွန်ဒုံးသေချာ အသုံးမပြုခြင်း၊ တစ်ကိုယ်ရည်သန့်ရှင်းမှု အားနည်းခြင်းတို့ ပါဝင်တယ်လို့ ဆီးလမ်းကြောင်းဆိုင်ရာ ဆရာဝန် နေးလ်ဘာဘားက ပြောပြပါတယ်။

▪️ လိင်တံထိပ် အရေပြားမဖြတ်ထားတဲ့လူတွေမှာ အဓိကဖြစ်ပွားတာကိုလည်း တွေ့ရပါတယ်။

▪️ အသက်အရွယ်နဲ့လည်းဆိုင်ပြီး အသက် ၆၀ ဝန်းကျင် အမျိုးသားတွေမှာ အဖြစ်အများဆုံး ဖြစ်နေပါတယ်။

အမျိုးသားများအနေဖြင့် လိင်တံမှ အရည်ထွက်ခြင်း၊ အရောင်အသွေး ပြောင်းလဲခြင်း၊ လိင်စိတ်ဆန္ဒ ပြောင်းလဲခြင်းတို့ ခံစားရပါက ဆရာဝန်နှင့် ပြသသင့်ပြီး စောစီးစွာ ရောဂါတွေ့ရှိမှ အဖြတ်မခံရမှာ ဖြစ်ပါတယ်။

#Source: New York Post

မိုးရေကြီးခြင်းကြောင့်ကင်ညာစာသင်ကျောင်းများပျက်စီးကာ ကလေးများကျောင်းမတက်နိုင်ဖြစ်နေ

ကင်ညာနိုင်ငံမှာ ဧပြီလနဲ့ မေလအတွင်း မိုးသည်းထန်စွာ ရွာသွန်းခဲ့ရာ ရပ်စဲသွားပြီဖြစ်ပေမယ့် ရေကြီးခဲ့စဉ်က စာသင်ကျောင်း အဆောက်အအုံတွေ ပျက်စီးပြီး စီးပွားရေးဆုံးရှုးမှုများ ဖြစ်ခဲ့တာကြောင့် ကျောင်းသားတွေ အတန်းပြန်မတက်နိုင်သေးပါဘူး။
#World_Crisis
Published_ 27 June 2024
#စာသင်ကျောင်းများပျက်စီး #ကလေးများကျောင်းမတက်နိုင်
#YMG #Yangon_Times #Yangon_Media_Group

#Daily_News
Published_ 27 June 2024

၁။ Online Trading Platform မှတစ်ဆင့် ထိုင်းဘတ်သန်း (၄၀) ဗဟိုဘဏ်ထပ်မံရောင်းချ၊ ငါးလအတွင်း ဘတ်သန်းပေါင်း၂၃၆သန်းအထိရောင်းချပေးပြီးဖြစ်

၂။ မြန်မာကျောင်းသားများ EU ၏ ထောက်ပံ့မှုဖြင့် အာဆီယံတက္ကသိုလ်‌များ၌စရိတ်ငြိမ်းပညာသင်ယူနိုင်

၃။ ကုန်အဝင်နည်းနေပြီး ဝယ်လိုအားရှိနေတဲ့အတွက် အာလူးဈေးမြင့်နေ

၄။ မိုးရေကြီးခြင်းကြောင့် ကင်ညာစာသင်ကျောင်းများပျက်စီးကာ ကလေးများကျောင်းမတက်နိုင်ဖြစ်နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ဆောင်းခိုငှက်တွေကို လာရောက်လေ့လာကြည့်ရှုနိုင်တဲ့ ပဲခူးတိုင်းဒေသကြီး ပဲခူးမြိုနယ်နှင့်ဝေါမြို့နယ်အတွင်းမှာရှိတဲ့ မိုးယွန်းကြီးအင်းဘေးမဲ့တောမှာ မိုးတွင်းကာလ ရောက်ရှိလာတဲ့အတွက် ဧည့်ဝင်ရောက်မှုနည်းနေတယ်လို့ moeyungyi wetland resort မှ တာဝန်ရှိသူတွေထံက သိရပါတယ်။
#Local_News
Published_ 27 June 2024
#မိုးယွန်းကြီးအင်းဘေးမဲ့တော #ဧည့်ဝင်ရောက်မှု၁၀၀ကျော်ရှိ
#YMG/LW #Yangon_Times

ကျေးဇူးတော်ရှင် ဝင်းနိမ္မိတာရုံဆရာတော်ဘုရားကြီးရဲ့ အန္တိမစျာပနအခမ်းအနားကို အစီအစဉ်(၄)ပိုင်းနဲ့ ကျင်းပပြီး ဇွန်(၂၈)ရက်မှာ ကရဝိတ်ဖောင်တော်နဲ့ သိမ်ဇရပ်စစ်တောင်းမြစ်အတွင်းသို့ အရိုးပြာတွေမျှောပြီး ပူဇော်သွားဖို့ရှိတယ်လို့ သိရပါတယ်။
#Local_News
Published_ 27 June 2024
#tthl #Yangon_Times