၂၉ ဇွန် ၂၀၂၄

တရုတ်ပြည်သူ့သမ္မတနိုင်ငံတွင်ရောက်ရှိနေတဲ့ မြန်မာနိုင်ငံတော်သမ္မတ(ငြိမ်း)ဦးသိန်းစိန်သည် တရုတ်ကွန်မြူနစ်  ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး မစ္စတာဝမ်ယီနှင့် ယနေ့ ဇွန်လ ၂၉ရက်နေ့က ဘေဂျင်းမြို့တော်တွင် တွေ့ဆုံခဲ့ပါတယ်။

တွေ့ဆုံစဉ် တရုတ်နိုင်ငံသည် မြန်မာနိုင်ငံနှင့်အတူ ငြိမ်းချမ်းစွာ အတူယှဉ်တွဲနေထိုင်ရေး မူကြီး (၅) ရပ် ဖော်ဆောင်ရေးနှင့် တရုတ်-မြန်မာ အေးအတူပူအမျှ အသိုက်အဝန်း တည်ဆောက်မှုမြှင့်တင်ရန်အတွက် ကြိုးပမ်းမှု  အသစ်များ လုပ်ဆောင်သွားမယ်လို့  မစ္စတာဝမ်ယီကပြောကြားခဲ့တယ်လို့  တရုတ်ပြည်သူ့သမ္မတနိုင်ငံသံရုံးရဲ့   သတင်း ထုတ်ပြန်ချက်မှာဖော်ပြထားပါတယ်။

မစ္စတာဝမ်ယီက သမ္မတ(ငြိမ်း)ဦးသိန်းစိန်ကိုဆက်လက်ပြောကြားရာမှာ အဆွေတော်သည် တရုတ်ပြည်သူများ၏ မိတ်ဆွေဟောင်းဖြစ်ကြောင်း၊ လွန်ခဲ့သည့် နှစ်ပေါင်း (၇၀) က တရုတ်နိုင်ငံခေါင်းဆောင်မှ အဆိုပြုသည့် ငြိမ်းချမ်း      စွာ အတူယှဉ်တွဲနေထိုင်ရေး မူကြီး (၅) ရပ်သည် မြန်မာနိုင်ငံ၏ ထောက်ခံမှုကို ရှေးဦးစွာရရှိခဲ့တာဖြစ်တယ်လို့  ထည့်သွင်းပြောဆိုခဲ့ပါတယ်။

အဲဒီနောက် အာရှတိုက်၌ မိတ်ဆက်ခဲ့ပြီး အာရှနိုင်ငံများအကြား ဆက်ဆံရေးဖွံ့ဖြိုးတိုးတက်မှုကို အင်တိုက်အား  တိုက်မြှင့်တင်ပေးခဲ့ကြောင်း၊ ထိုမှတစ်ဆင့် နိုင်ငံတကာဆက်ဆံရေး အခြေခံစံသတ်မှတ်ချက်နှင့် နိုင်ငံတကာ   ဥပဒေ အခြေခံမူအဖြစ် တိုးတက်လာပြီး ဒုတိယကမ္ဘာစစ်အလွန်ကာလ နိုင်ငံတကာအစီအစဉ် တည်ဆောက်မှ   ုအတွက် အရေးပါအကျိုးထမ်းဆောင်မှု ပေး ကာ အရေးကြီး public goods များ ထောက်ပံ့ပေးနိုင်ခဲ့တယ်လို့လည် တရုတ်နိုင်ငံခြားရေးဝန်ကြီးက ဆက်လက်ပြောဆိုပါတယ်။

ဦးသိန်းစိန်ကလည်း မြန်မာနိုင်ငံသည်  တရုတ်နိုင်ငံနှင့်ဆက်ဆံရေးတိုးတက်မှုကို အလွန်အလေးထားပြီး သမ္မတ  ရှီကျင့်ဖျင်က အဆိုပြုသည့် အေးအတူပူအမျှအသိုက်အဝန်းတည်ဆောက်ရေး အယူအဆကို အလွန်ချီးကျူးကာ ထောက်ခံအားပေးကြောင်းနှင့် တရုတ်နိုင်ငံနှင့်အတူ ငြိမ်းချမ်းစွာ အတူယှဉ်တွဲနေထိုင်ရေး မူကြီး (၅) ရပ်ကို ဆက်လက် လက်ဆင့်ကမ်း၍ ပြန့်ပွားအောင်လုပ်ဆောင်ပြီး ကဏ္ဍပေါင်းစုံပူးပေါင်းဆောင်ရွက်မှုကို နက်ရှိုင်းစေကာ မြန်မာ-တရုတ် အေးအတူပူအမျှ အသိုက်အဝန်းကို အတူတကွကောင်းမွန်စွာတည်ဆောက်သွားလိုတယ်လို့ ပြန်လည်ပြောကြားခဲ့ပါတယ်။

လွန်ခဲ့သည့် ဆယ်နှစ်တုန်းက မိမိသည် သမ္မတအနေဖြင့် ငြိမ်းချမ်းစွာ အတူယှဉ်တွဲနေထိုင်ရေးမူကြီး (၅) ရပ် ချမှတ်သည့် နှစ် (၆၀) ပြည့်အထိမ်းအမှတ်အခမ်းအနားသို့ တက်ရောက်ခဲ့ကြောင်း၊ ယခုအကြိမ်သည် တရုတ်နိုင်ငံ၏မိတ်ဆွေဟောင်းအနေဖြင့် ဒုတိယအကြိမ် တက်ရောက်ရခြင်းဖြစ်ပြီး အလွန်ဝမ်းမြောက်  ဂုဏ်ယူ    မိတယ်လို့လည်း ဦးသိန်းစိန်ကဆက်လက်ပြောကြားခဲ့ပါတယ်။

တရုတ်-မြန်မာနှစ်နိုင်ငံသည် ကာလကြာရှည်စွာ ငြိမ်းချမ်းစွာအတူယှဉ်တွဲနေထိုင်ခဲ့သည့် ချစ်ကြည်ရင်းနှီးသော အိမ်နီးချင်းနိုင်ငံများဖြစ်ပြီး နှစ်နိုင်ငံအကြား နက်ရှိုင်းသည့် ဆွေမျိုးပေါက်ဖော်ချစ်ကြည်ရေး သံယောဇဉ်ကို ယခင်မျိုးဆက်ခေါင်းဆောင်များက ကိုယ်တိုင်ဖန်တီးတည်ဆောက်ခဲ့ခြင်းဖြစ်ကြောင်း၊ သမ္မတရှီကျင့်ဖျင်၏ ၂၀၂၀ ပြည့်နှစ် မြန်မာနိုင်ငံခရီးစဉ်တွင် နှစ်နိုင်ငံက မြန်မာ-တရုတ် အေးအတူပူအမျှအသိုက်အဝန်းတည်ဆောက်ရန် အရေးပါသဘောတူညီချက်များ ရရှိခဲ့တာဖြစ်တယ်လို့ ဦးသိန်းစိန်ကပြောဆိုခဲ့ကြောင်း တရုတ်သံရုံးရဲ့ သတင်းထုတ်ပြန်ချက်မှာဖော်ပြထားပါတယ်။

@ymg/knl

အမေရိကန်လေယာဥ်မှချသွားသည့် ရေငုပ်သင်္ဘောရှာဖွေရေးကိရိယာများကို တရုတ်ကြားဖြတ်ဆယ်ယူ

တောင်တရုတ်ပင်လယ်ထဲက လင်းပိုင်များကျက်စားရာနေရာ အနီးနားရေပြင်မှာ အမေရိကန်လေယာဥ်မှ ကျဲချသွားတဲ့ ရေငုပ်သင်္ဘော ရှာဖွေရေးကိရိယာတွေကို တရုတ်က ကြားဖြတ်နှောင့်ယှက်ခဲ့ပါတယ်။
#World_News
Published 29 June 2024
#အမေရိကန်လေယာဥ် #ရေငုပ်သင်္ဘောရှာဖွေရေးကိရိယာ
#YMG #Yangon_Times #Yangon_Media_Group

#Daily_News
Published_ 29 June 2024

၁။ မူးယစ်ဆေးစွဲသွားသူများအတွက် ဥပဒေအရပြစ်ဒဏ်မရှိတော့၍ ဆေးဖြတ်ရန်အမြန်ဆုံးကြိုးစားသင့်ဟုဆို

၂။ ဂျပန်ဗီဇာလျှောက်ထားခြင်းများ ဇူလိုင်လအတွင်းအွန်လိုင်းဘိုကင်စနစ်ကျင့်သုံးမည်

၃။ ရန်ကုန်တွင်အခုရက်ပိုင်း လျှပ်စစ်ဓာတ်အား ယာယီပြတ်‌တောက်ရန်ရှိ

၄။ အမေရိကန်လေယာဥ်မှချသွားသည့် ရေငုပ်သင်္ဘောရှာဖွေရေးကိရိယာများကို တရုတ်ကြားဖြတ်ဆယ်ယူ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 29 June 2024

▪️ အမေရိကန်သမ္မတ ဂျိုးဘိုင်ဒင်က နိုဝင်ဘာလ သမ္မတရွေးကောက်ပွဲမှာ ရီပတ်ဘလစ်ကန် ပြိုင်ဘက် ဒေါ်နယ်ထရမ့်ကို အနိုင်ရဖို့ ရည်မှန်းထားကာ ယှဥ်ပြိုင်မှုကနေ အလျှော့ပေးဖို့ စိတ်ကူးမရှိဘူးလို့ သောကြာနေ့က ပြောကြားလိုက်ပါတယ်။

▪️ ဒီမတိုင်ခင် စကားစစ်ထိုးပွဲမှာ ဘိုင်ဒင်ရဲ့အသံက အားလျော့လာပုံ ပေါက်တာကြောင့် နောက်လိုက်ဒီမိုကရက်တွေအတွက် စိတ်ပျက်စရာ ဖြစ်ခဲ့ပါရတယ်။

▪️ အရင်ကလို လမ်းလျှောက်ဖို့ မလွယ်ကူတော့ကြောင်း၊ အရင်ကလို စကားကို ချောချောမွေ့မွေ့ မပြောနိုင်တော့ကြောင်း၊ အရင်ကလို စကားရည်မလုနိုင်တော့ကြောင်း၊ ဒီအလုပ်ကို မလုပ်နိုင်တော့ဘူးထင်ရင်  ထပ်ပြိုင်မှာမဟုတ်ကြောင်း ပြောသွားပါတယ်။

▪️ စကားရည်လုပွဲမှာ ဘိုင်ဒင်ရဲ့ ပြောဆိုပုံအမှားတွေ၊ တောင်ရောက်မြောက်ရောက် ပြောဆိုပုံတွေက မဲပေးမယ့်သူတွေအတွက် စိုးရိမ်စရာဖြစ်လာကာ ဒီမိုကရက်တွေအနေနဲ့လည်း ကိုယ်စားလှယ်လောင်း နောက်တစ်ဦးနဲ့ အစားထိုးဖို့ ဖြစ်လာနိုင်ပါတယ်။

▪️ ဘိုင်ဒင်ရဲ့ အသက်အရွယ်နဲ့ ပတ်သက်ပြီး နောက်ထပ်သမ္မတရာထူး ထပ်မံတာဝန်ယူခိုင်းဖို့ကို သံသယဖြစ်လာသူတွေ ရှိလာပါတယ်။

▪️ ဒါပေမဲ့ သမ္မတဟောင်း ဘီလ်ကလင်တန်၊ ဘာရက်အိုဘားမား အပါအဝင် ဒီမိုကရက်ပါတီမှ ဝါရင့်ပုဂ္ဂိုလ်အများစုကတော့ ဘိုင်ဒင်ဘက်ကနေ ရပ်တည်နေကြပါသေးတယ်။

▪️ စကားစစ်ထိုးပွဲမှာ အခြေအနေဆိုးခဲ့တာ မှန်ပေမယ့် ဒီရွေးကောက်ပွဲဟာ ဘဝတလျှောက်လုံး သာမန်ပြည်သူတွေအတွက် အလုပ်လုပ်ပေးခဲ့သူနဲ့ ကိုယ့်အတွက်သာ ကြည့်တတ်တဲ့သူတို့ကြား ရွေးချယ်ရမှာဖြစ်တယ်လို့ သမ္မတဟောင်း ဘာရက်အိုဘားမားက X ဆိုရှယ်မီဒီယာမှာ ဖော်ပြခဲ့ပါတယ်။

▪️ နယူးယော့ခ်တိုင်းမ် အက်ဒီတာအဖွဲ့ကတော့ ဘိုင်ဒင်အနေနဲ့ အခုအချိန်မှာ ပြည်သူတွေအတွက် သယ်ပိုးချင်တယ်ဆိုရင် ရွေးကောက်ပွဲ ထပ်မံမယှဥ်ပြိုင်ဖို့ ကြေညာရမှာဖြစ်တယ်လို့ ဖော်ပြထားပါတယ်။

▪️ အမေရိကန်သမိုင်းမှာ ဘိုင်ဒင်က အသက်အကြီးဆုံးသမ္မတအဖြစ် မှတ်တမ်းဝင်နေပြီဖြစ်ပေမယ့် ဒီမိုကရက်တစ် ကိုယ်စားလှယ်လောင်းအဖြစ် ထောက်ခံမှုတွေ အလုံအလောက် ရရှိထားပါတယ်။

▪️ ဘိုင်ဒင်မယှဥ်ပြိုင်ဖြစ်တော့ရင် နောက်ထပ် ကိုယ်စားလှယ်လောင်းတစ်ဦးကို ရွေးချယ်ဖို့ အချိန် ၂ လတောင် မကျန်တော့ပါဘူး။

#Source: Reuters

ရန်ကုန်ရှိမြို့နယ်အချို့မှာ အခုရက်ပိုင်းတွေမှာ ‌လျှပ်စစ်ဓာတ်အား ယာယီပြတ်တောက်တာတွေရှိနိုင်တယ်လို့သိရပါတယ်။ (၁)230kVမန်စံ - ရွှေစာရံလိုင်းအမြဲတမ်းအပြစ်ဖြစ်လို့နဲ့ (၂)အရှေ့ဒဂုံဓာတ်အားခွဲရုံလုပ်ငန်းများတိုးချဲ့ဆောင်ရွက်ဖို့ ဓာတ်အားပိတ်ဆောင်ရွက်ဖို့ရှိတယ်လို့ ဆိုပါတယ်။
#Local_News
Published 29 June 2024
#လျှပ်စစ်ဓာတ်အား #ယာယီပြတ်‌တောက်
#tthl #Yangon_Times

ဂျပန်နိုင်ငံကို သွားရောက်ကြမယ့် ဗီဇာလျှောက်ထားတာတွေကို ဇူလိုင်လအတွင်းမှာ အွန်လိုင်းဘိုကင်စနစ် ကျင့်သုံးသွားမယ်လို့ ရန်ကုန်မြို့ရှိ မြန်မာနိုင်ငံဆိုင်ရာဂျပန်သံရုံးက ဇွန်လ ၂၈ ရက်မှာ အသိပေးထုတ်ပြန်ထားပါတယ်။
ဇူလိုင် ၁ ရက်က စတင်ပြီး တစ်ဦးချင်းစီအလိုက် ဗီဇာလျှောက်ထားတာကို  အွန်လိုင်းဘိုကင်စနစ် ကျင့်သုံးသွားမှာဖြစ်ပြီး  အဖွဲ့လိုက်လျှောက်ထားတာနဲ့ ပတ်သက်လို့လည်း ဇူလိုင်လ အလယ်ပိုင်းမှာ  အွန်လိုင်းဘိုကင်  စတင်လက်ခံမယ့် ရက်အတည်ပြုပြီးပါကလည်း ထပ်မံအသိပေးကြေညာပေးသွားမယ်လို့ သိရပါတယ်။
#Local_News
Published_ 29 June 2024
#ဂျပန်ဗီဇာ #အွန်လိုင်းဘိုကင်စနစ် ကျင့်သုံး
#NN #YMG #Yangon_Times #Yangon_Media_Group

အသစ်ပြဌာန်းမယ့်ဥပ‌ဒေမှာ မူးယစ်ဆေးစွဲသမားတွေအတွက်ပုဒ်မ(၁၅)ရှိပေမယ့် ပြစ်ဒဏ်မရှိတော့ဘဲ ပြန်လည်ထူထောင်ရေးအနေနဲ့ ဆေးဖြတ်ရမှာဖြစ်တယ်လို့ မူးယစ်ဆေးစွဲသူများ ပြန်လည်ထူထောင်ရေးအသင်း(မြန်မာ)မှ သိရပါတယ်။
#Local_News
Published_ 29 June 2024
#မူးယစ်ဆေးစွဲလူနာ  #ဆေးဖြတ်ရန်အမြန်ဆုံးကြိုးစားသင့်           
#tthl #Yangon_Times

၂၉ ဇွန် ၂၀၂၄

တရုတ်ပြည်သူ့သမ္မတနိုင်ငံ ဘေဂျင်းမြို့မှာကျင်းပတဲ့ ငြိမ်းချမ်းစွာအတူယှဉ်တွဲနေထိုင်ရေး မူကြီး (၅)ချက်ထုတ်ပြန်ခြင်း နှစ်(၇၀)ပြည့်အခမ်းအနားသို့  နိုင်ငံတော်သမ္မတ(ငြိမ်း)ဦးသိန်းစိန်ဟာ မြန်မာ ကိုယ်စားလှယ်အဖွဲ့နှင့်အတူတက်ရောက်ခဲ့ပါတယ်။

တရုတ်ပြည်သူ့သမ္မတနိုင်ငံသမ္မတ ရှီကျင့်ဖျင် ဟာ အခမ်းအနားမစတင်ခင်မှာ အခမ်းအနားသို့ တက်ရောက်လာတဲ့ မြန်မာနိုင်ငံ သမ္မတ(ငြိမ်း)ဦးသိန်းစိန်အပါအဝင် အခြားသော နိုင်ငံ့အကြီးအကဲဟောင်း   များနှင့် ခေါင်းဆောင်တွေကို တစ်ဦးချင်းနှုတ်ဆက်ခဲ့ပါတယ်။

Source CCTV+

#Local_News
Published_ 29 June 2024
 ▪️ ရှန်ဟိုင်းပူးပေါင်းဆောင်ရွက်မှုဆိုင်ရာအဖွဲ့၏ တိုင်းရင်းဆေးပညာရပ်ဆိုင်ရာ ညီလာခံဖွင့်ပွဲသို့ မြန်မာနိုင်ငံမှ ကျန်းမာရေးဝန်ကြီး ဒေါက်တာသက်ခိုင်ဝင်းနှင့်အဖွဲ့ဝင်များတက်ရောက်ခဲ့ကြောင်း သိရသည်။

▪️ ညီလာခံတွင် ပြည်ထောင်စုဝန်ကြီး ဒေါက်တာသက်ခိုင်ဝင်းက "ယနေ့ညီလာခံတွင် ရှန်ဟိုင်းပူးပေါင်းဆောင်ရွက်မှုဆိုင်ရာအဖွဲ့၏ အဖွဲ့ဝင်နိုင်ငံများ၊ လေ့လာသူနိုင်ငံများနှင့် ဆွေးနွေးဖက်နိုင်ငံများ၏ တိုင်းရင်းဆေးနယ်ပယ်မှ တိုင်းရင်းဆေးပညာရှင်များ၊ ဆေးဝါးကွပ်ကဲရေးအဖွဲ့များမှ ပညာရှင်များနှင့် စီးပွားရေးလုပ်ငန်းရှင်များအကြား တိုင်းရင်းဆေးနှင့်ပတ်သက်၍ ဘက်စုံကဏ္ဍစုံမှ စဉ်းစားသုံးသပ်မှုများလုပ်ဆောင်ပြီး ဖွံ့ဖြိုးတိုးတက်ရေးဆောင်ရွက်နိုင်မည်ဟု ယုံကြည်ကြောင်း၊

▪️ အထူးသဖြင့်သိပ္ပံနည်းကျသုတေသနတွင် ရင်းနှီးမြှုပ်နှံပြီး ခေတ်မီနည်းပညာများ အသုံးပြုခြင်းဖြင့် တိုင်းရင်းဆေးဝါးများ၏ အရည်အသွေး၊ ထိရောက်မှု၊ ဘေးကင်းလုံခြုံစိတ်ချရမှုနှင့် သုံးစွဲနိုင်မှုတိုကို မြှင့်တင်နိုင်မည်ဖြစ်ကြောင်း၊

▪️ တိုင်းရင်းဆေးပညာ၏ မူပိုင်ခွင့်ဆိုင်ရာ စံသတ်မှတ်ခြင်းလုပ်ငန်းဆောင်ရွက်ခြင်းသည် အရေးကြီးကြောင်း၊ ယနေ့ကျင်းပပြုလုပ်သော ညီလာခံသည် ရှန်ဟိုင်း ပူးပေါင်းဆောင်ရွက်မှုဆိုင်ရာအဖွဲ့၏ အဖွဲ့ဝင်နိုင်ငံများ၊ လေ့လာသူနိုင်ငံများနှင့် ဆွေးနွေးဖက်နိုင်ငံများအကြား တိုင်းရင်းဆေးကဏ္ဍ ဘက်စုံဖွံ့ဖြိုးတိုးတက်ရေးအတွက် အပြန်အလှန် နားလည်ယုံကြည်မှု၊ တီထွင်ဆန်းသစ်မှုများဖြင့် ပိုမိုပူးပေါင်းဆောင်ရွက်သွားနိုင်မည်ဟု ယုံကြည်ကြောင်း" ပြောကြားခဲ့သည်။

▪️ ညီလာခံဖွင့်ပွဲအခမ်းအနားတွင် တရုတ်ပြည်သူ့သမ္မတနိုင်ငံ ကျန်းရှီးပြည်နယ်အုပ်ချုပ်ရေးမှူးနှင့် ကျန်းရှီးပြည်နယ် ပြည်သူ့ကွန်ဂရက်အမြဲတမ်းကော်မတီ ဒုတိယအတွင်းရေးမှူး Ye Jian-chun တို့က ညီလာခံကိုဖွင့်လှစ်ပေးကြပြီး ကျန်းရှီးပြည်နယ် ပြည်သူ့ကွန်ဂရက် အမြဲတမ်းကော်မတီဥက္ကဋ္ဌနှင့် ကျန်းရှီးပြည်နယ်ကော်မတီအတွင်းရေးမှူး Yin Hong က ကြိုဆိုနှုတ်ခွန်းဆက်စကား ပြောကြားသည်။

▪️ ထို့အတူ မြန်မာနိုင်ငံ၊ တရုတ်ပြည်သူ့သမ္မတနိုင်ငံ၊ ရုရှားဖက်ဒရေးရှင်းနိုင်ငံ၊ ဘယ်လာရုစ်နိုင်ငံ၊ ဘရူနိုင်းနိုင်ငံ၊ ပါကစ္စတန်နိုင်ငံ၊ မောလ်ဒိုက်နိုင်ငံ၊ မွန်ဂိုလီးယားနိုင်ငံနှင့် အီဂျစ်နိုင်ငံတို့မှ ဒုတိယဝန်ကြီးချုပ်၊ ကျန်းမာရေးဝန်ကြီးများ၊ ဒုတိယဝန်ကြီးများ၊ အတွင်းဝန်များ၊ အဆင့်မြင့်ကိုယ်စားလှယ်များနှင့် ရှန်ဟိုင်းပူးပေါင်းဆောင်ရွက်မှုဆိုင်ရာအဖွဲ့၏ ဒုတိယအတွင်းရေးမှူးချုပ်တို့ကလည်း အမှာစကားပြောကြားခဲ့ကြသည်။

▪️ ညီလာခံသို့ ရှန်ဟိုင်းပူးပေါင်းဆောင်ရွက်မှုဆိုင်ရာ အဖွဲ့၏အဖွဲ့ဝင်နိုင်ငံ၊ လေ့လာသူနိုင်ငံနှင့် မိတ်ဖက်နိုင်ငံများမှ ကိုယ်စားလှယ်အဖွဲ့ဝင်များ၊ တိုင်းရင်းဆေး ပညာရှင်များ၊ ဆေးဝါးကွပ်ကဲရေးအဖွဲ့များမှ ပညာရှင်များနှင့် စီးပွားရေးလုပ်ငန်းရှင်များ တက်ရောက်ခဲ့ကြကြောင်း သိရသည်။

#tthl #Yangon_Times

#Local_News
Published_ 29 June 2024

▪️ ပင်လယ်ရေအောက် ကေဘယ်လ်ဆက်ကြောင်း ချို့ယွင်းမှု ပြင်ဆင်ပြီးစီး၍  MPT မိုဘိုင်းလ်အင်တာနက်များ မူလအတိုင်း အသုံးပြုနိုင်ပြီဖြစ်ကြောင်း မြန်မာ့ဆက်သွယ်‌ရေးလုပ်ငန်း (MPT)မှ ဇွန်၂၈ ရက်က အသိပေးကြေညာထားသည်။

▪️ SEA-ME-WE5 ပင်လယ်ရေအောက် ကေဘယ်လ်ဆက်ကြောင်း ချို့ယွင်းမှု ပြန်လည်ပြင်ဆင်ပြီးစီးခြင်းဖြစ်ပြီး ယင်း ပင်လယ်ရေအောက် ကေဘယ်လ်ဆက်ကြောင်း ချို့ယွင်းခဲ့မှုကြောင့် ယခုဇွန်လအတွင်း MPT မိုဘိုင်းလ်အင်တာနက် သုံးစွဲသူများ အင်တာနက်လိုင်းများ ကျဆင်းခဲ့မှုများ ကြုံတွေ့ခဲ့ရခြင်းကြောင့် အဆင်မပြေမှုများအတွက် MPT က တောင်းပန်ထားဖြစ်ကြောင်း သိရသည်။

▪️ ထို့အပြင်  အဆင်မပြေဖြစ်ခဲ့သည့် သုံးစွဲသူများအတွက် ဒေတာလက်ဆောင် 500MB အား ဇွန်လ ၂၉ ရက်မှ ဇူလိုင်လ ၇ ရက်အတွင်း *2006*5# ကို ခေါ်ဆို၍ လက်ဆောင်ရယူနိုင်ကြောင်း သိရသည်။

#YMG/NN #Yangon_Times

#Local_News
Published_29 Jun 2024

▪️ ပြည်သူ့စစ်မှုထမ်းသင်တန်းအမှတ်စဉ်(၁)သင်တန်း ဆင်းပွဲများကို တိုင်းစစ်ဌာနချုပ်များအလိုက် နယ်မြေခံသင်တန်း ကျောင်းများအသီးသီးတွင် ယနေ့ ဇွန်လ ၂၈ ရက်က ကျင်းပပြုလုပ်ခဲ့ကြောင်း နစက သတင်းထုတ် ပြန်ရေး အဖွဲ့၏ ထုတ်ပြန်ချက်အရ သိရသည်။

▪️ အဆိုပါ ပြည်သူ့စစ်မှုထမ်းသင်တန်းအမှတ်စဉ်(၁) သင်တန်းဆင်းပွဲ အခမ်းအနားများသို့ နေပြည်တော်ကောင်စီ ဥက္ကဋ္ဌ၊ သက်ဆိုင်ရာ တိုင်းဒေသကြီးနှင့် ပြည်နယ်ဝန်ကြီးချုပ်များ၊ တိုင်းမှူးများနှင့် တာဝန်ရှိသူများတက်ရောက် ကြပြီး သင်တန်းဆင်းပွဲတွင် သင်တန်းဆင်းစစ်ရေးပြ အစီအစဉ်အတိုင်းဆောင်ရွက်ခဲ့ကြကာ ကတိသစ္စာခံယူခြင်းကို ဆောင်ရွက်ကြကြောင်း သိရသည်။

▪️ ထို့နောက် သက်ဆိုင်ရာ သင်တန်းကျောင်းအလိုက် ကျောင်းအုပ်ကြီးများက သင်တန်းဆင်းထူးချွန်ဆု များဖြစ် သည့် စံပြတပ်သားဆု၊ စစ်ရေးပြထူးချွန်ဆု၊ လက်ဖြောင့်တပ်သားဆု၊ စစ်သည်တော်ကျင့်ဝတ်ဆု၊ မိုင်းကျွမ်း ကျင်ဆု၊ တပ်စိတ်တိုက်နည်း ပထမဆု၊ ချေမှုန်းရေးပထမဆု၊ အိပ်ဆောင်အကောင်းဆုံးဆု ရရှိသူများအားဆုများ အသီးသီးပေးအပ်ချီးမြှင့်ခဲ့ကြောင်းလည်း သိရသည်။

▪️ အဆိုပါ ပြည်သူ့စစ်မှုထမ်းသင်တန်းအမှတ်စဉ်(၁)ကို ၂၀၂၄ ခုနှစ်၊ ဧပြီလ ၈ ရက်တွင် စတင်ဖွင့်လှစ်ခဲ့ခြင်းဖြစ်ပြီး သင်တန်းကာလအတွင်း ကြံ့ခိုင်ရေးဘာသာရပ်၊စစ်ရေးပြ ဘာသာရပ်၊ ခြေလျင်လက်နက်ငယ်ဘာသာရပ်များကို လည်းကောင်း၊ စစ်နည်းဗျူဟာဘာသာရပ်တွင်ပါဝင်သည့် ကိုယ်စီစစ်မြေပြင်ကျွမ်းကျင်မှု၊ အဖွဲ့အလိုက်၊ တပ် စိတ် အလိုက်လေ့ကျင့်ခြင်း၊ ချီတက်မှုလေ့ကျင့်ခြင်း၊ အထူးစစ်နည်းဗျူဟာ၊ စစ်ဘက်ရေးရာလုံခြုံရေး၊ ချေမှုန်းရေး လေ့ကျင့်ခန်း စသည့်သင်ခန်းစာများကို လည်း ကောင်း စာတွေ့၊ လက်တွေ့ စနစ်တကျသင်ကြားလေ့ ကျင့်ခဲ့ကြ ပြီး စစ်မြေပြင်အင်ဂျင် နီယာဘာသာရပ်၊ စစ်မြေပြင်အုပ်ချုပ်ရေး ဘာသာရပ်နှင့် အထွေထွေဘာ သာရပ် များကိုလည်း ရက်သတ္တပတ်အလိုက် အဆင့်ဆင့်လေ့ကျင့်သင်ကြားပေးခဲ့ကြောင်း သိရသည်။

▪️ ယင်းတို့အနေဖြင့်အဖွဲ့အစည်းစိတ်ဓာတ်များ(Team Sprit)၊ အဖွဲ့အစည်းဖြင့် စည်းစနစ်ကျနစွာလုပ်ကိုင် ဆောင် ရွက်တတ်သည့် အလေ့အကျင့်များ(TeamWork)၊ ရဲဘော်ရဲဖက်စိတ်(esprit de corps)နှင့် နိုင်ငံ ကောင်း အောင် ဆောင်ရွက်လိုသည့်စိတ်ဓာတ်များရရှိခဲ့ကြပြီး တာဝန် ကျရာ တပ်ရင်း၊ တပ်ဖွဲ့ အသီးသီးသို့ သွားရောက်၍ နိုင်ငံတော်ကာကွယ်ရေးနှင့် လုံခြုံရေးတာဝန်များကို ထမ်းဆောင်ကြတော့မည်ဖြစ်ကြောင်း သိရသည်။

#Yangon_Times/PP

#World_Health
Published 29 June 2024

▪️ ဒိန်ခဲဟာ အာဟာရပြည့်ဝတဲ့ နို့ထွက်ပစ္စည်းတစ်မျိုး ဖြစ်ပြီး အချဥ်ဖောက်ခြင်းနဲ့ ကစော်ဖောက်ခြင်းတို့ကနေ ရရှိကာ ဘက်တီးရီးယားတွေ အင်မ်ဇိုင်းတွေ ပါဝင်လေ့ရှိပါတယ်။

▪️ အသင့်အတင့်စားပေးပါက ကျန်းမာရေးအတွက် သင့်လျော်တာကြောင့် ဒိန်ခဲစားသုံးခြင်းရဲ့ ကျန်းမာရေး အကျိုးကျေးဇူးတွေကို ဖော်ပြလိုက်ပါတယ်။

 
▪️ (၁) ကယ်လ်စီယမ် ကြွယ်ဝတာကြောင့် သွားနဲ့အရိုး ကျန်းမာစေပြီး အရိုးပွရောဂါဖြစ်ခြင်းမှ ကာကွယ်ပေးပါတယ်။

 
▪️ (၂) ပရိုတိန်းဓာတ် အများအပြား ပါဝင်တာကြောင့် တစ်ရှူးများကို ပြုပြင်တည်ဆောက်ပေးကာ ကြွက်သားများကို ထိန်းသိမ်းပေးပါတယ်။

 
▪️ (၃) ဗိုက်တာမင်-ဘီ၁၂ က အာရုံကြော လုပ်ဆောင်ချက်များနဲ့ သွေးနီဥဆဲလ်များ ထုတ်လုပ်မှုအတွက် အရေးပါပါတယ်။

 
▪️ (၄) ကျန်းမာရေးနဲ့ ညီညွတ်တဲ့ အဆီများ ပါဝင်တာကြောင့် စွမ်းအင်ပေးနိုင်ပြီး ဗိုက်တာမင်စုပ်ယူမှုကို ကူညီပေးပါတယ်။
 

▪️ (၅) အူလမ်းကြောင်းရှိ ဘက်တီးရီးယားစနစ်ကို ကောင်းမွန်စေပြီး အစာကြေစေပါတယ်။

 
▪️ (၆) ဖော့စ်ဖရပ်စ် ကြွယ်ဝစွာ ပါဝင်တာကြောင့် အရိုးနဲ့သွားများကို ထိန်းသိမ်းပေးပါတယ်။

 
▪️ (၇) ဇင့်ပါဝင်ခြင်းကြောင့် ကိုယ်ခံအားစနစ်၊ ဒီအင်န်အေ ဖွဲ့စည်းမှု၊ ဆဲလ်ကွဲခြင်းတို့ကို ကူညီပေးပါတယ်။

 
▪️ (၈) ဗိုက်တာမင်-အေက အမြင်အာရုံ၊ ကိုယ်ခံအားစနစ်၊ အရေပြား ကျန်းမာရေးတို့ကို ထောက်ကူပေးပါတယ်။

 
▪️ (၉) ရိုင်ဘိုဖလေဗင် ဗိုက်တာမင်-ဘီ၁၂က အစားအစာတွေကို စွမ်းအင်အဖြစ် ပြောင်းလဲပေးကာ ဓာတ်တိုးဆန့်ကျင်ပစ္စည်းအဖြစ် လုပ်ဆောင်ပါတယ်။

 
▪️ (၁၀) ဒိန်ခဲမှာပါတဲ့ ပရိုတိန်းနဲ့ အဆီဓာတ်တို့က ဗိုက်ပြည့်ဝစေတာကြောင့် ကိုယ်အလေးချိန် ထိန်းသိမ်းပေးပါတယ်။

#Source: DoctorNDTV