#World_Health
Published 04 May 2026

■ ကောင်းစွာ မအိပ်စက်ရတာဟာ နေ့စဉ်စားစရာတွေထဲ လိုအပ်ချက် ရှိနေလို့ဖြစ်ပါတယ်။

■ အဆိုပါ မရှိမဖြစ် အာဟာရဓာတ်က အစာခြေခြင်းကို ကူညီပေးသလို ကင်ဆာဆန့်ကျင်အာနိသင်များလည်း ရှိပြီး ဆီးချိုတို့ကိုလည်း ကာကွယ်နိုင်ပါတယ်။

■ ညဘက် ကောင်းစွာ အိပ်စက်နိုင်ဖို့ အမျှင်ဓာတ် လုံလောက်စွာ စားပေးဖို့လိုပြီး ဒါက အိပ်ချိန် ၇-၉ နာရီ ရရှိစေပါမယ်။

■ အမျှင်ဓာတ်ပါတဲ့ စားစရာအမျိုးမျိုး စားပေးမယ်ဆိုရင် နှစ်နှစ်ခြိုက်ခြိုက် အိပ်စေတဲ့အပြင် ခေါင်းချတာနဲ့ အလျင်အမြန် အိပ်ပျော်စေနိုင်ပါတယ်။

■ သုတေသီတွေက လူပေါင်း ၃,၅၀၀ ကျော်ကို ၂ ရက်ဆက်တိုက် ဆန်းစစ်ခဲ့ကာ သူတို့ရဲ့ ရင်ဘတ်၊ လက်ကောက်ဝတ်၊ လက်ချောင်းတို့မှာ အာရုံခံကိရိယာများ တပ်ဆင်ပြီး ဟောက်ခြင်း၊ သွေးတွင်းအောက်ဆီဂျင်ပမာဏ၊ အသက်ရှူနှုန်း၊ နှလုံးခုန်နှုန်းတို့ကို စောင့်ကြည့်ခဲ့ပါတယ်။

■ တစ်နေ့ကို အမျှင် ၂၁ ဂရမ်ကျော် စားသုံးသူတွေဟာ သာမန်အောက် စားသူတွေထက် အိပ်စက်မှုအပိုင်း ပိုမိုသာလွန်ခဲ့ပါတယ်။

■ အမျှင်ဓာတ်ကို သာမန်ထက်ပိုအောင် စားသူတွေဟာ နှစ်ခြိုက်စွာအိပ်စက်ချိန် ၃.၄ ရာခိုင်နှုန်း ပိုများခဲ့ပါတယ်။

■ အမျှင်ဓာတ်က အိပ်စက်မှုကို ဘာလို့သက်ရောက်လဲဆိုတာ သုတေသီတွေ သေချာမသိကြဘဲ ဖြစ်နိုင်တာကတော့ အူလမ်းကြောင်းပိုးမွှားတွေက အဆက်တိုဖက်တီးအက်ဆစ်များအဖြစ် အချဉ်ဖောက်သွားပြီး ရောင်ရမ်းမှုလျှော့ချပေးကာ နှစ်ခြိုက်စွာအိပ်ပျော်အောင် လှုံ့ဆော်ပေးတာ ဖြစ်နိုင်ပါတယ်။

■ အမျှင်များများစားတဲ့အခါ နှလုံးခုန်နှုန်း အတန်ငယ် နှေးသွားစေသဖြင့် ကောင်းစွာအိပ်စက်စေတာလည်း ဖြစ်နိုင်ပါတယ်။

Source: New York Post.

မိုးစပါးစိုက်ပျိုးဧက (၁၅) သန်းအတွက်လိုအပ်တဲ့ စက်သုံးဆီများကို တောင်သူများသို့ဖြန့်ဖြူးပေးနိုင်ရေး ပြင်ဆင်ထားပြီးဖြစ်တယ်လို့ လျှပ်စစ်နှင့်စွမ်းအင်ဝန်ကြီးဌာနမှ သိရပါတယ်။

#Local_News
Published 03 May 2026
#မိုးစပါးစိုက်ပျိုးဧက #စက်သုံးဆီ
#YMG/SW #Yangon_Times

#World_Health
Published 03 May 2026

■ အသက် ၄၂ နှစ်အရွယ် အမျိုးသားတစ်ဦးဟာ ဆိုရှယ်မီဒီယာတွေပေါ်မှာ နိုင်ယာဆင်လို့ခေါ်တဲ့ ဗိုက်တာမင်-ဘီ၃ ဖြည့်စွက်ဆေးတွေဟာ ကိုလက်စထရောထိန်းချုပ်စေနိုင်ပြီး သက်ရှည်ကျန်းမာစေတယ်လို့ တွေ့ရှိတဲ့အတွက် ကိုယ့်သဘောနဲ့ကိုယ် အများအပြား သုံးစွဲခဲ့ပါတယ်။

■ နှစ်ပတ်အကြာမှာ အလွန်အမင်း နီမြန်းယားယံခြင်း၊ မူးဝေခြင်း၊ ဝမ်းဗိုက်အောင့်ခြင်းတို့ ခံစားခဲ့ရပြီး ပင်ပန်းနွမ်းနယ်လွန်းတဲ့အတွက် ဆေးရုံရောက်လာပါတယ်။

■ စမ်းသပ်စစ်ဆေးခဲ့ရာမှာ အသည်းအင်ဇိုင်းများနဲ့ သွေးတွင်းဂလူးကို့စ် မြင့်တက်နေခဲ့ပါတယ်။
လတ်တလောမှာ ဗိုက်တာမင်-ဘီ၃ကို အိုမင်းဆန့်ကျင်နိုင်စွမ်းအပြင် သက်ရှည်ကျန်းမာစေဖို့အတွက်လည်း လူအများပြောနေကြပါတယ်။

■ နိုင်ယာဆင်က ရေပျော်ဝင်ဗိုက်တာမင်ဖြစ်ပြီး အစားအစာကို စွမ်းအင်ပြောင်းလဲပေးခြင်း၊ အရေပြား အာရုံကြော အစာခြေခြင်းတို့ကို ထိန်းသိမ်းပေးခြင်းတို့အပြင် ဖိစီးမှုတုံ့ပြန်ခြင်းတို့အတွက်လည်း အရေးကြီးပါတယ်။

■ အသက်အရွယ်အရ NAD+ ပမာဏကျဆင်းလာတဲ့အခါ သက်ကြီးရောဂါတွေ ဖြစ်လာစေပြီး နိုင်ယာဆင်က ဒါကိုပြန်လည်မြှင့်တင်ပေးကာ အိုမင်းရင့်ရော်ခြင်းကို ဆွဲဆန့်ပေးဖွယ်ရှိပါတယ်။

■ ဒါ့အပြင် အရေပြား ကာကွယ်လုပ်ဆောင်ချက် တိုးတက်စေကာ ရောင်ရမ်းမှု လျှော့ချပေးခြင်းမှာလည်း အသုံးများပါတယ်။

■ ဒါပေမဲ့ နိုင်ယာဆင်ကို အလွန်အကျွံ အသုံးပြုတဲ့အခါ အရေပြားနီမြန်ခြင်း၊ ယားယံခြင်း၊ အသည်းအဆိပ်သင့်ခြင်း၊ အစာအိမ်အူလမ်းကြောင်း ပြဿနာဖြစ်ခြင်း၊ သွေးတွင်းသကြားဓာတ် မြင့်တက်ခြင်း စတဲ့ဘေးထွက်ဆိုးကျိုးတွေ ရှိနိုင်ပါတယ်။

■ လူအများစုအနေနဲ့ နိုင်ယာဆင် ချို့တဲ့ခြင်းမရှိဘဲ ဖြည့်စွက်ဆေးအသုံးမပြုသင့်ဘဲ ပုံမှန်အတိုင်း ညီညွတ်မျှတစွာ စားသုံးပေးပါက အလွယ်တကူ ရရှိနိုင်ပါတယ်။

Source: Indian Express

#World_Health
Published 03 May 2026

■ နေ့စဉ် အိပ်စက်မှု၊ စားသောက်မှု၊ လေ့ကျင့်ခန်းပုံစံတို့မှာ အနည်းငယ်တိုးတက်မှု ပြုလုပ်ရင်တောင် နှလုံးပြဿနာဖြစ်နိုင်ခြေတွေ လျှော့ချနိုင်တယ်လို့ ဆစ်ဒနီတက္ကသိုလ်က သုတေသန ဖော်ပြထားပါတယ်။

■ ပျမ်းမျှအသက် ၆၃ နှစ်ရှိတဲ့ လူပေါင်း ၅၃,၂၄၂ ဦးကို လေ့လာခဲ့ရာမှာ ၁၁ မိနစ်ခန့် ပိုအိပ်ခြင်း၊ ကိုယ်လက်လှုပ်ရှားမှု ၄ မိနစ်ခွဲခန့် ပိုလုပ်ခြင်း၊ အသီးအရွက် အနည်းငယ် ပိုစားခြင်းတို့က နှလုံးသွေးကြော ပြဿနာတွေ ၁၀ ရာခိုင်နှုန်း လျှော့ချပေးနိုင်လိမ့်မယ်လို့ တွေ့ရှိထားပါတယ်။

■ ဒီကဏ္ဍတွေမှာ ပြောင်းလဲမှုတွေ ပေါင်းစပ်လိုက်ခြင်းဖြင့် နှလုံးသွေးကြောကျန်းမာရေးမှာ သက်ရောက်မှုများပြားစေတယ်လို့ အာဟာရသိပ္ပံပညာရှင် နီကိုလတ်စ်ကိုမယ်က ပြောပါတယ်။

■ အနည်းငယ်စီ ပြောင်းလဲခြင်းက တစ်ခုတည်းကို ကြီးကြီးမားမား ပြောင်းလဲတာထက်စာရင် ပိုပြီးသိသာထိရောက်စေမယ်လို့ ဆိုပါတယ်။

■ တစ်ညကို ၈-၉ နာရီအိပ်စက်ခြင်း၊ တစ်နေ့ကို အနည်းဆုံး ၄၂ မိနစ်ခန့် လှုပ်ရှားမှုပြုလုပ်ခြင်း၊ ကျန်းမာရေးညီညွတ်စွာ စားသုံးခြင်းတို့ဖြင့် နှလုံးသွေးကြောပြဿနာတွေ ၅၇ ရာခိုင်နှုန်း လျှော့ချပေးနိုင်မယ်လို့လည်း ယူဆရပါတယ်။

■ အစားအသောက်တွေအနေနဲ့ အသီးအနှံ၊ ဟင်းရွက်၊ ငါး၊ ဂျုံပြောင်းဆန်တို့ စားသုံးပေးပြီး အဆင့်ဆင့်ထုပ်ပိုးစားစရာများ လျှော့ချစားသုံးသင့်တယ်လို့ အကြံပြုထားပါတယ်။

■ နှလုံးသွေးကြောရောဂါဆိုတာက ကမ္ဘာပေါ်မှာ အသေအများဆုံး အကြောင်းအရင်းတွေထဲက ပါဝင်ပြီး နေ့စဉ်နေထိုင်စားသောက်မှုပုံစံတွေမှာ အနည်းငယ်မျှ ပြောင်းလဲရုံဖြင့် နှလုံးသွေးကြော အကျိုးကျေးဇူးများသာမက အနာဂတ်အတွက် ပြောင်းလဲမှုတွေမှာပါ အခွင့်အရေးရှိလာမယ်လို့ ပြောထားပါတယ်။

Source: NDTV

ရန်ကုန်၊ မေ ၂

လှိုင်သာယာမြို့နယ်၏ မြို့ပြစနစ်ကို စနစ်တကျဖြစ်စေရန်အတွက် Town Plan အား တိကျစွာ  တွက်ချက်ရေးဆွဲရန်နှင့် မြို့ပြအသစ်များ တည်ဆောက်ရာတွင် လယ်ယာမြေများ ဆုံးရှုံးမှုမရှိစေရေး အထူးဂရုပြုဆောင်ရွက်ရန် နိုင်ငံတော်သမ္မတ ဦးမင်းအောင်လှိုင်က သက်ဆိုင်ရာတာဝန်ရှိသူများသို့ ယနေ့တွင် တိုက်ရိုက်လမ်းညွှန်မှာကြားလိုက်သည်။

အဆိုပါ လမ်းညွှန်မှာကြားချက်ကို ယနေ့ မေလ ၂ ရက် နံနက်ပိုင်းက လှိုင်သာယာမြို့နယ်၊ ဘုရင့်နောင်  ပန်းခြံ ရှင်းလင်းဆောင်၌ ပြုလုပ်သည့် ရန်ကုန်မြို့ပြဖွံ့ဖြိုးတိုးတက်ရေးနှင့် သန့်ရှင်းသာယာလှပရေး   လုပ်ငန်းများ ဆောင်ရွက်ထားရှိမှုအခြေအနေများကို ကွင်းဆင်း ကြည့်ရှုစစ်ဆေးစဉ် ထည့်သွင်းပြောကြား  ခဲ့ခြင်းဖြစ်သည်။ ထိုသို့စစ်ဆေးရာတွင် နိုင်ငံတော်သမ္မတနှင့်အတူ တပ်မတော်ကာကွယ်ရေးဦးစီးချုပ် ဗိုလ်ချုပ်ကြီး ရဲဝင်းဦး၊ ပြည်ထောင်စုဝန်ကြီးများ၊ ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူနှင့် အဆင့်မြင့်တပ်မတော်အရာရှိကြီးများ လိုက်ပါခဲ့ကြသည်။

ရှင်းလင်းဆောင်ခန်းမတွင် ရန်ကုန်တိုင်းဒေသကြီးဝန်ကြီးချုပ်က လမ်းညွှန်ချက်များအပေါ် ဆောင်ရွက်  ပြီးစီးမှုများ၊ ဆက်သွယ်ရေးကြိုးများ စနစ်တကျဖြစ်စေရေး၊ လမ်းမကြီးများတစ်လျှောက် ဇလားပုံ  ရေမြောင်းများ ဖောက်လုပ်နေမှုနှင့် တံတားများ တိုးချဲ့တည်ဆောက်မှုအခြေအနေများကို တင်ပြခဲ့သည်။ ယင်းတင်ပြချက်များအပေါ် နိုင်ငံတော်သမ္မတက မြို့ပြဖွံ့ဖြိုးရေးအတွက် မြို့ပြအင်္ဂါရပ်နှင့်အညီ လမ်းများ တိုးချဲ့ရာတွင် လူသွားပလက်ဖောင်းများနှင့် ရေနုတ်မြောင်းများကို စနစ်တကျထည့်သွင်းရန်၊ မိုးရာသီ  မတိုင်မီ ရေစီးရေလာကောင်းမွန်စေရေးနှင့် အနံ့အသက်ဆိုးများ ကင်းစင်စေရေးအတွက် အမှိုက်   စွန့်ပစ်  မှုစနစ်များကို အဆက်မပြတ် ကြပ်မတ်ဆောင်ရွက်ရန် ထပ်လောင်းမှာကြားခဲ့သည်။

ထို့ပြင် ရန်ကုန်မြို့အတွင်း ယာဉ်စည်းကမ်း၊ လမ်းစည်းကမ်း လိုက်နာမှုရှိစေရေး အသိပညာပေး  လုပ်ငန်းများနှင့် ကြပ်မတ်မှုအပိုင်းများကို စနစ်တကျလုပ်ဆောင်ရန် လိုအပ်ကြောင်းနှင့် အများပြည်သူ အပန်းဖြေနိုင်မည့် ပန်းခြံများ၊ ဥယျာဉ်များနှင့် အားကစားကွင်းများ တည်ဆောက်ရာတွင် မြို့ပြနေ   လူဦးရေအပေါ် မူတည်တွက်ချက်၍ အကောင်အထည်ဖော်ရန် နိုင်ငံတော်သမ္မတက လမ်းညွှန်ခဲ့သည်။

တွေ့ဆုံပွဲအပြီးတွင် နိုင်ငံတော်သမ္မတနှင့် အဖွဲ့ဝင်များသည် လှိုင်သာယာ၊ ရွှေပြည်သာ၊ မင်္ဂလာဒုံနှင့် မြောက်ဥက္ကလာပမြို့နယ်များအတွင်း လမ်းနယ်နိမိတ် ကျူးကျော်မှုများ ဖယ်ရှားရှင်းလင်းထားမှု၊ လမ်းအင်္ဂါရပ်နှင့်အညီ လမ်းများအဆင့်မြှင့်တင် တိုးချဲ့ထားရှိမှုနှင့် လျှပ်စစ်ဓာတ်အားတိုင်များ ရွှေ့ပြောင်း  ထားရှိမှုများကို မော်တော်ယာဉ်များဖြင့် လှည့်လည်ကြည့်ရှုစစ်ဆေးခဲ့ကြောင်း သတင်းရရှိသည်။

တရုတ်ကတနင်္ဂနွေနေ့မှာ အရည်သဘာဝဓာတ်ငွေ့(‌LNG) တင်ဆောင်မယ့် အကြီးမားဆုံးသင်္ဘောကြီး ရေချလိုက်ပြီဖြစ်ကာ သန့်စင်စွမ်းအင်ပို့ဆောင်ရေးကဏ္ဍအတွက် သင်္ဘောကြီးများဆောက်လုပ်နိုင်စွမ်းမှာ သမိုင်းတွင်သွားပြီ ဖြစ်ပါတယ်။

#Asia_Industry
Published 02 May 2026
#တရုတ်ပြည် #LNG
#YMG #Yangon_Times #Yangon_Media_Group

ရန်ကုန်စတေ့ာ့အိတ်ချိန်း YSX ကို စာရင်းဝင်ကုမ္ပဏီ တစ်ခုထပ်မံဝင်ရောက်ဖို့ဆောင်ရွက်နေတယ်လို့ YSX ကနေသိရပါတယ်။

#Local_News
Published 02 May 2026
#YSX
#YMG/NN #Yangon_Times

မြန်မာ့ပေါ်ဆန်းဆန်အား အမေရိကန်နိုင်ငံသို့ တင်ပို့ရောင်းချနိုင်ရေးနှင့်စပ်လျဉ်းတဲ့ ညှိနှိုင်းအစည်းအဝေးတစ်ရပ်ကို ဧပြီလကုန်ပိုင်းကပြုလုပ်ခဲ့တယ်လို့ မြန်မာကုန်သွယ်မှုမြှင့်တင်ရေးအဖွဲ့မှ သိရပါတယ်။

#Local_News
Published 02 May 2026
#မြန်မာ့ပေါ်ဆန်းဆန်
#YMG/SW #Yangon_Times

မိုးလယ်နဲ့မိုးနှောင်းကာလများအတွင်း ဧရာဝတီအပါအဝင်မြစ်‌ရေများ စိုးရိမ်ရေမှတ်အထက်သို့ကျော်လွန်နိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ မိုးလယ်နဲ့မိုးနှောင်းကာလခန့်မှန်းချက်အရသိရပါတယ်။

#Local_News
Published 02 May 2026
#မိုးလယ်နှင့်မိုးနှောင်း
#YMG/NN #Yangon_Times

#Daily_News
Published 02 May 2026

၁။‌ YSX၌ စာရင်းဝင်ကုမ္ပဏီ တစ်ခုထပ်မံဝင်ရောက်ရန်ဆောင်ရွက်နေ

‌‎၂။ ‌‌‌‌မြန်မာ့ပေါ်ဆန်းဆန်အား အမေရိကန်နိုင်ငံသို့ တင်ပိံရောင်းချနိုင်ရေးဆောင်ရွက်နေ

‎၃။‌‌‎ မိုးလယ်နှင့်မိုးနှောင်းကာလများအတွင်း ဧရာဝတီအပါအဝင်မြစ်‌ ရေများ စိုးရိမ်ရေမှတ့်အထက်သို့ကျော်လွန်နိုင်

၄။‎ ‌‌‌‌‌‌‌‌‌တရုတ်ပြည်၏LNGသယ်ဆောင်ရေးအကြီးမားဆုံးသင်္ဘော စင်္ကာပူသိံစတင်ထွက်ခွာ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 02 April 2026

■ ဂျာမနီကနေ အမေရိကန်တပ်သား ၅ ထောင် တပ်ဆုတ်ဖို့ သမ္မတဒေါ်နယ်ထရမ့် ညွှန်ကြားလိုက်ပါတယ်။

■ လက်ရှိဖြစ်ပွားနေတဲ့ အီရန်စစ်ပွဲနဲ့ ပတ်သက်ပြီး ထောက်ပံ့ကူညီ သဘောထား ကွဲလွဲမှုများအပေါ် အမေရိကန်နဲ့ ဂျာမနီ၊ နေတိုး(NATO) မဟာမိတ်များကြား တင်းမာမှု မြင့်တက်နေချိန် ဖြစ်ပါတယ်။

■ အမေရိကန်က ဥရောပမှာ တပ်အင်အားတွေ ဖြည်းဖြည်းချင်း လျှော့ချသွားပြီး ဥရောပကတော့ ကိုယ်ပိုင်ကာကွယ်ရေးအတွက် ကိုယ်တိုင်၌သာ တာဝန်ယူစေဖို့ ဗျူဟာပြောင်းလဲနေတယ်လို့ ပင်တဂွန်က ပြောထားပါတယ်။

■ အီရန်ပဋိပက္ခအပေါ် ထရမ့်ကိုင်တွယ်ပုံကို ဂျာမနီနိုင်ငံ့အကြီးအကဲ ဖရိုင်းဒရစ်မာ့ဇ် ဝေဖန်ပြီးနောက် ခဏအကြာမှာပဲ ထရမ့်ကြေညာလိုက်တာ ဖြစ်ပါတယ်။

■ ဂျာမနီက လက်ရှိမှာ အမေရိကန်တပ်သား ၃၆,၀၀၀ ကျော် နေရာချထားပြီး ဥရောပမှာ အကြီးမားဆုံး အမေရိကန်အခြေစိုက်နေရာ ဖြစ်ပါတယ်။

■ ဒီတပ်တွေက အရှေ့အလယ်ပိုင်းသို့ အမေရိကန်အင်အား တိုးချဲ့ရေးအတွက် အရေးပါနေပါတယ်။

■ ဂျာမနီမှ တပ်ဆုတ်ခွာမှုက လာမယ့် ၆ လမှ ၁၂ လအတွင်း အပြီးသတ်ဖို့ရှိတယ်လို့ ပင်တဂွန် ပြောရေးဆိုခွင့်အကြီးအကဲ ရှောင်ပါနယ်က ပြောပါတယ်။

■ ရိုမေးနီးယားမှာ လျှော့ချပြီးဖြစ်သလို စပိန်၊ အီတလီတို့ကနေလည်း လျှော့ချသွားဖွယ် ရှိပါတယ်။

■ နိုင်ငံရေးတင်းမာမှုများ ဆက်ရှိနေပေမယ့် ဂျာမနီခေါင်းဆောင်တွေက အမေရိကန်နဲ့ ဆက်လက်ပူးပေါင်းသွားဖို့ ကြိုးပမ်းနေပါတယ်။

■ တပ်အင်အား ပြန်လည်ဖြန့်ကျက်ရေးဗျူဟာက ဥရောပသာ မဟုတ်ဘဲ ကမ္ဘာ့အနောက်ဘက်ခြမ်းနဲ့ အင်ဒိုပစိဖိတ်ဒေသတို့အတွက်လည်း ပါဝင်ပါတယ်။

Source: WION

#World_Health
Published 02 May 2026

■ ကမ္ဘာပေါ်က အဆိပ်ဆူးဆုံး သတ္တဝါတွေထဲမှာ နဂျီကောင်၊ နကျယ်ကောင်၊ ပင်လယ်ရေခူတို့ ထိပ်ဆုံးမှာ ပါဝင်ပါတယ်။

■ အရီဇိုးနားမှ အင်းဆက်ပညာရှင် ဂျက်စတင်ရှမစ်က အင်းဆက်မျိုးကွဲပေါင်း ၁၀၀ နီးပါး ကိုက်ခံပြီးတော့ သုံးသပ်စစ်ဆေးခဲ့ပါတယ်။

■ အဆိပ်ဆူးတွေကို နာကျင်မှုပမာဏ ၄ မျိုးခွဲခြားခဲ့ရာမှာ ပြင်းထန်တဲ့နာကျင်မှုဖြစ်တဲ့ ကျည်ဆံပုရွက်ဆိတ်၊ မျက်စိပြူးလောက်တဲ့ ပင့်ကူနကျယ်၊ နှိပ်စက်ခံစားရလောက်တဲ့ စစ်သည်နကျယ်ကောင်ဆိုပြီး ခွဲခြားခဲ့ပါတယ်။

■ ရှမစ်က ၂၀၂၃ မှာ ပါကင်ဆန်ရောဂါ နောက်ဆက်တွဲဝေဒနာတွေကြောင့် ဆုံးပါးသွားခဲ့ပေမယ့် ယူကျူ့နဲ့ တောရိုင်းပညာရှင် ကိုရုတ်ပီတာဆန်က သုတေသနတွေကို ဆက်လုပ်ခဲ့ပါတယ်။

■ ဒီထဲမှာမှ ဂျပန်ဧရာမနဂျီကောင်တွေဟာ ကိုက်ခံရတဲ့အခါ အဆိုးရွားဆုံးလို့ ပြောပြပါတယ်။

■ နာကျင်မှုက ၁၂ နာရီကြာအောင် ခံရပြီး အသားတွေ ပဲ့ထွက်လောက်တဲ့အထိ နာကျင်ရကာ အမာရွတ်ရှိနေဆဲလို့ ရှင်းပြခဲ့ပါတယ်။

■ ကမ္ဘာတဝှမ်းမှာ နှစ်စဉ် ပင်လယ်ရေခူ ကိုက်ခံရသူ သန်း ၁၅၀ ခန့်ရှိနေကာ အီရူကန်ဂျီပင်လယ်ရေခူဆိုရင် အရှောင်ရှားသင့်ဆုံး သတ္တဝါထဲ ပါဝင်ပါတယ်။

■ ဒီသတ္တဝါလေးတွေ ကိုက်တာက သိပ်ပြီးမနာကျင်ပေမယ့် အီရူကန်ဂျီရောဂါ ဖြစ်စေနိုင်ကာ အရေးပေါ်ကုသမှုလိုအပ်နိုင်ပြီး အချို့လူတွေမှာဆိုရင် အသက်အန္တရာယ် ဆုံးရှုံးစေနိုင်တယ်လို့ ဆိုပါတယ်။

■ စစချင်းမှာ ပင်ပန်းနွမ်းနယ်ပြီးနောက် ကျောက်ကပ်ကိုက်ခဲခြင်း၊ ချွေးထွက်များခြင်း၊ အော့အန်ခြင်းတို့ ခံစားရနိုင်ပါတယ်။

■ လူနာတွေဟာ နာကျင်လွန်းတဲ့အတွက် ဆရာဝန်တွေရှေ့မှာ သေလောက်အောင် ခံစားရကြောင်း ဖွင့်ဟခဲ့ကြတယ်လို့ ပင်လယ်ရေခူ သုတေသီ လီဆာအန်းဂျာရွှင်းက ပြောပါတယ်။

Source: AOL.