တပ်မတော် ၂၀၂၄ နိုင်ငံတကာ စစ်ရေးနဲ့နည်းပညာဖိုရမ်ကို ရုရှားနိုင်ငံမော်စကိုရှိ ပက်ထရီယက်ပြပွဲစင်တာမှာ တနင်္လာနေ့က ဖွင့်လှစ်ခဲ့ပါတယ်။
#World_Military
Published 15 August 2024
#နည်းပညာဖိုရမ် #ရုရှား၌ဖွင့်လှစ်
#YMG #Yangon_Times #Yangon_Media_Group
#Daily_News
Published 15 August 2024
၁။ ညောင်တုန်းရှိရေဘေးသင့်ပြည်သူများကို ပြည်တွင်းပြည်ပအလှူရှင်များသွားရောက်လှူဒါန်းခဲ့
၂။ စက်သုံးဆီလုပ်ငန်းရှင်များကို ဒေါ်လာ သန်း ၁၀၀ ပံ့ပိုးမည်ဟု ဗဟိုဘဏ်ပြော
၃။ လမ်းပန်းဆက်သွယ်ရေးအခက်အခဲကြောင့် ငရုတ်ခြောက်ဈေးနှုန်းကျဆင်း
၄။ ၂၀၂၄ စစ်ရေးနှင့်နည်းပညာဖိုရမ် ရုရှား၌ဖွင့်လှစ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#YMG #Yangon_Times #Yangon_Media_Group
#Local_News
Published 15 August 2024
▪️ မန္တလေးတိုင်းဒေသကြီး၊ ပျော်ဘွယ်မြို့နယ်ရှိ မွေးမြူရေးသုတေသနစခန်း၌ မျိုးကောင်းမျိုးသန့်များ ထုတ်လုပ်မှုဆိုင်ရာ များအပါအဝင်သုတေသနလုပ်ငန်းများဆောင်ရွက်နေကြောင်း စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာနမှ သိရသည်။
▪️ အဆိုပါ မွေးမြူရေးသုတေသနစခန်း၌ တိရစ္ဆာန်မျိုးရိုးဗီဇနှင့် သဘာဝအရင်းအမြစ်များ ထိန်းသိမ်းရန်အတွက် မျိုးရင်းမျိုးစစ်များထိန်းသိမ်းခြင်း၊ မျိုးပွားခြင်းနှင့် မျိုးကောင်းမျိုးသန့်များ ထုတ်လုပ်မှုဆိုင်ရာ သုတေသနလုပ်ငန်းများဆောင်ရွက်လျက်ရှိကြောင်း သိရသည်။
▪️ ထို့အပြင် ၂၀၂၄-၂ဝ၂၅ ဘဏ္ဍာနှစ်အတွင်း ယူရီးယား(Urea Molasses Multi- nutrient Block,UMMB)ကို စိုက်ပျိုးရေးဘေးထွက်ပစ္စည်းများအသုံးပြု၍ ဖော်မြူလာအမျိုးမျိုးဖြင့် ဖော်စပ်ကျွေးမွေးခြင်းနှင့် သန်ချဆေး(Fenbendazole) ရောနှောကျွေးမွေးခြင်းတို့၏ စားမြုံ့ပြန်သတ္တဝါများတွင် သန်ကောင်ရောဂါနှိမ်နင်းနိုင်စွမ်းနှင့် ကြီးထွားနှုန်းတို့အပေါ် အကျိုးသက်ရောက်မှုများကို သုတေသနပြုဆောင်ရွက်လျက်ရှိပြီး နေပီယာ၊ ရိုဇီ၊ မွန်ဘားဆား၊ မူလာတိမြက်မျိုးများ မူလမျိုးရင်းနှင့် စပ်မျိုးပင်ပွားမျိုးတို့၏ အထွက်နှုန်းနှင့် အာဟာရတန်ဖိုးများ၊ မြန်မာနိုင်ငံ၏ ဒေသနွားများဖြစ်ကြသည့် နွားရွှေနီနှင့် နွားပြာစိမ်းတို့၏ မျိုးဗီဇလက္ခဏာ (genotypic)များကို နှိုင်းယှဉ်လေ့လာခြင်းတို့ကိုလည်း သုတေသနပြုဆောင်ရွက်လျက်ရှိကြောင်း သိရသည်။
#YMG/NN #Yangon_Times
Published 15 August 2024
မွန်ပြည်နယ်၊ ရေးမြို့နယ်၌ ယနေ့မနက်ပိုင်းတွင် ရော်ဘာမှိုင်းခံရုံ မီးလောင်မှုဖြစ်ပွားခဲ့ရာ တစ်နာရီကျော်ကြာငြှိမ်းသတ်ခဲ့ရကြောင်း မြန်မာနိုင်ငံမီးသတ်တပ်ဖွဲ့မှ သိရသည်။
ဩဂုတ် ၁၅ ရက်နေ့၊ မနက် ၈ နာရီ အချိန်ခန့်က မွန်ပြည်နယ် ၊ မော်လမြိုင်ခရိုင်၊ ရေးမြို့နယ်၊ တူးမြောင်းကျေးရွာအုပ်စု၊ ရွှေပြည်သာကျေးရွာတွင် ရော်ဘာမှိုင်းခံရုံ မီးလောင်မှုဖြစ်ပွားခဲ့ကြောင်း သိရသည်။
အဆိုပါ သတင်းရရှိသဖြင့် ရေးမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၃)စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ မနက် ၉ နာရီ၁၅ မိနစ်အချိန်တွင် မီးငြှိမ်းခဲ့ကြောင်း သိရသည်။
Published_15 August 2024
ဒေါ်အောင်ဆန်းစုကြည်နေထိုင်ခဲ့သည့် ရန်ကုန်တိုင်းဒေသကြီး၊ဗဟန်းမြို့နယ် တက္ကသိုလ်ရိပ်သာလမ်းရှိ ခြံအမှတ် (၅၄) ဒုတိယအကြိမ် လေလံကို ယနေ့ သြဂုတ်လ ၁၅ ရက် နံနက်က ပြုလုပ်ရာ မအောင်မြင်ခဲ့ ကြောင်း သိရသည်။
မတ်လ ၂၀ ရက်က အဆိုပါခြံရှေ့တွင် လေလံ ပြုလုပ် ခဲ့ရာ လေလံဆွဲမည့်သူမရှိကြောင်း၊အလားတူ ယနေ့ပြုလုပ်သော လေလံပွဲတွင်လည်း ဝယ်ယူသူမရှိသော ကြောင့် မအောင်မြင်ခဲ့ကြောင်း သိရသည်။
ယခင်က လေလံတင်ရောင်းချရာတွင် ခြံအမှတ်(၅၄)၏ ကြမ်းခင်းဈေးမှာ ကျပ်သိန်းပေါင်း ၃,၁၅၀,၀၀၀ (ကျပ် ၃၁၅ ဘီလျံ) ဖြစ်ပြီးယခုအခါ လေလံကြမ်းခင်းဈေးကို ကျပ်ဘီလျံ ၃၀၀ သတ်မှတ်၍ သတ်မှတ်လေလံတင် ခဲ့ခြင်း ဖြစ်ကြောင်း သိရသည်။
ခြံအမှတ် ၅၄ ၏ ဧရိယာအကျယ်အဝန်းမှာ ၁ ဒသမ ၉၂၃ ဧကကျယ်ဝန်းပြီး စတုရန်း ပေ ၈၃၇၆၅ ဒသမ ၈၈ ပေရှိကြောင်း၊အမည်ပေါက်မှာ ဒေါ်ခင်ကြည် ဖြစ်ပြီး ၂၀၁၆ ခုနှစ်က ဒေါ်အောင်ဆန်းစုကြည်၏ အစ်ကိုဖြစ်သူ ဦး အောင်ဆန်းဦးက အမွေခွဲဝေရန် လျှောက်ထားမှုအပေါ် ရန်ကုန်အနောက်ပိုင်းခရိုင်တရားရုံးက နှစ်ထပ်တိုက်နှင့် မြေတစ်ဝက်ကို ဒေါ်အောင်ဆန်းစုကြည်နှင့် တစ်ထပ်တိုက်နှင့် ခြံတစ်ဝက်ကို ဦးအောင်ဆန်းဦးဟူ၍ ခွဲဝေရန် အမိန့်ချမှတ်ထားခဲ့ခြင်း ဖြစ်သည်။
သို့သော်လည်း ခြံဝင်းတစ်ခုလုံးကို လေလံပစ်ကာရရှိသည့်တန်ဖိုးကို တစ်ယောက်တစ်ဝက်ခွဲဝေယူရန် ၂၀၁၈ ခုနှစ်အောက်တိုဘာ ၁၇ ရက်တွင် ဦးအောင်ဆန်းဦးက အယူခံတက်ခဲ့ရာ ပါယ်ချမှုများ ရှိခဲ့သော်လည်း ၂၀၁၉ ခုနှစ် ဇန်နဝါရီလ ၁၁ ရက်တွင် ပြည်ထောင်စု တရားလွှတ်တော်ချုပ်သို့တင်ပြ၍အထူးအယူခံ လျှောက်ထားခဲ့ရာ ၂၀၂၂ ခုနှစ် သြဂုတ်လ ၂၂ ရက်တွင် ပြည်ထောင်စုတရားလွှတ်တော်ချုပ် ခွင့်ပြုကြောင်း အမိန့်ပြန် လည်ချမှတ်ခဲ့ခြင်းဖြစ်ကြောင်း၊ ယင်းနောက် လေလံပွဲကို ပြုလုပ်ခြင်းဖြစ်ကြောင်း သိရသည်။
ငရုတ်ဝယ်လိုအားနဲ့ ဖြုန်းအားများတဲ့ ဒေသတွေကိုတင်ပို့ဖို့ အခက်အခဲတွေကြောင့် ရှမ်းပြည်နယ်ကထွက်ရှိတဲ့ ငရုတ်ခြောက်ဈေးနှုန်းတွေကျဆင်းနေတယ်လို့ ပွဲရုံတွေက သိရပါတယ်။
#Local_News
Published 15 August 2024
#ငရုတ်ခြောက်ဈေးကျဆင်း #လမ်းပန်းဆက်သွယ်ရေးအခက်အခဲ
#YMG/NN #Yangon_Times
မြန်မာနိုင်ငံတော်ဗဟိုဘဏ်အနေနဲ့ စက်သုံးဆီလုပ်ငန်းရှင်တွေကို အမေရိကန်ဒေါ်လာသန်း ၁၀၀ ပံ့ပိုးပေးဖို့ စီစဉ်သွားမယ်လို့ ဩဂုတ် ၁၄ ရက်၊ ညပိုင်းကထုတ်ပြန်လိုက်ပါတယ်။
#Local_News
Published 15 August 2024
#စက်သုံးဆီလုပ်ငန်းရှင်များ #ဒေါ်လာသန်း၁၀၀ပံ့ပိုး
#YMG/NN #Yangon_Times
ညောင်တုန်းက ရေဘေးသင့်ပြည်သူတွေအတွက်နဲ့ ပြည်တွင်းပြည်ပအလှူရှင်တွေကိုယ်စားရှင်သန်ရေးလူမှုကူညီကယ်ဆယ်ရေးအဖွဲ့က ဦးဆောင်ပြီးတန်ဖိုးငွေကျပ်သိန်းလေးဆယ်ဖိုးရှိ စားသောက်စရာများကို သွားရောက်လှူဒါန်းခဲ့တယ်လို့ ရှင်သန်ရေးကူညီမှုအသင်းမှ သိရပါတယ်။
#Local_News
Published 15 August 2024
#ရေဘေးသင့်ပြည်သူ #ဆန်များပေးအပ်လှူဒါန်း
#YMG/tthl #Yangon_Times
#World_News
Published 15 August 2024
▪️ ၁၀ လကြာမြင့်နေပြီဖြစ်တဲ့ ဂါဇာစစ်ပွဲအဆုံးသတ်ရေး ဖိအားများနေတဲ့အချိန်မှာ ယခုသီတင်းပတ်အတွင်း ဆွေးနွေးမှုအသစ် မပြုလုပ်ခင် အပစ်အခတ်ရပ်စဲရေး ညှိနှိုင်းရန် ကြိုးပမ်းနေတဲ့ အမေရိကန်အပေါ် ယုံကြည်ချက်လျော့ပါးလာပြီလို့ ပါလက်စ်တိုင်း စစ်သွေးကြွအဖွဲ့ ဟားမတ်စ်မှ ထိပ်သီးအရာရှိတစ်ဦးက ပြောလိုက်ပါတယ်။
▪️ ဆွေးနွေးမှုတွေက မေလက အမေရိကန်သမ္မတ ဂျိုးဘိုင်ဒင် အသေးစိတ်ဖော်ပြထားပြီး နိုင်ငံတကာက ထောက်ခံထားတဲ့ အဆိုပြုချက်အတိုင်း ကျင့်သုံးဖို့အတွက်သာ အလေးပေးဆွေးနွေးပါမှ ဟားမတ်စ်တို့ ပါဝင်မယ်လို့ အိုဆာမာဟမ်ဒန်က အင်္ဂါနေ့ အင်တာဗျူးမှာ ပြောသွားပါတယ်။
▪️ အမေရိကန်က ထိုအဆိုပြုချက်ဟာ အစ္စရေးလ်တင်ပြတာလို့ ဆိုထားပြီး ဟားမတ်စ်က အခြေခံအားဖြင့် သဘောတူထားပါတယ်။
▪️ ဒါပေမဲ့ ဘိုင်ဒင်ရဲ့ပြောကြားချက်က အဆိုပြုချက်နဲ့ သိပ်ပြီးမညီညွတ်ဘူးလို့ အစ္စရေးလ်က ပြောပါတယ်။
▪️ ဒီနောက်မှာတော့ နှစ်ဖက်စလုံးက ပြောင်းလဲမှုများပြုလုပ်ဖို့ အဆိုပြုကာ သဘောတူညီချက်ကို နှောင့်ယှက်နေတယ်လို့ အပြန်အလှန် စွပ်စွဲနေကြပါတယ်။
▪️ အပစ်အခတ် ရပ်စဲပြီးသည့်တိုင် ဂါဇာရှိ ဗျူဟာမြောက်နေရာ ၂ ခုမှာ စစ်တပ်နေရာချသွားဖို့ အစ္စရေးလ်က အလိုရှိနေတာကို ဟားမတ်စ်တို့က အထူးတလည် ငြင်းဆန်နေတာဖြစ်ပါတယ်။
▪️ ဆွေးနွေးမှုတွေက လုပ်ငန်းစဉ်များ ကျင့်သုံးရေးနဲ့ နောက်ဆုံးအချိန် သတ်မှတ်ခြင်းတို့ကိုသာ အခြေခံပြောဆိုသင့်ပြီး အကြောင်းအရာအသစ်ကို မညှိနှိုင်းသင့်ကြောင်း ဟားမတ်စ်အစိုးရနိုင်ငံရေး အဖွဲ့ဝင်ဟမ်ဒန်က ပြောပါတယ်။
▪️ ကြာသပတေးနေ့မှာစမယ့် ဆွေးနွေးပွဲမှာ ဟားမတ်စ်တို့ တက်ရောက်မလားဆိုတာ ဗုဒ္ဓဟူးညနေအထိ မသိရသေးပါဘူး။
▪️ အစ္စရေးလ်က ယုံကြည်ဖွယ်မရှိအောင် ပြုလုပ်နေတယ်လို့ ဟမ်ဒန်က စွပ်စွဲလိုက်ကာ အမေရိကန်အနေနဲ့လည်း အစ္စရေးလ်သဘောတူညီလာအောင် ဖိအားပေးနိုင်မယ်လို့ မယုံကြည်တော့ကြောင်း ပြောလာပါတယ်။
▪️ အစ္စရေးလ်ဝန်ကြီးချုပ်ကတော့ ဟားမတ်စ်တို့က ဓားစာခံတွေ လွှတ်ပေးရေး ဖြစ်မလာအောင် ပြုလုပ်နေတယ်လို့ ဆိုပါတယ်။
▪️ ဂါဇာစစ်ပွဲကနေ ဒေသတွင်းပဋိပက္ခကြီး ဖြစ်လာမှာစိုးတဲ့အတွက် စေ့စပ်ညှိနှိုင်းကြဖို့ အရေးတကြီး လိုအပ်လာပါတယ်။
▪️ အစ္စရေးလ်က ဟားမတ်စ်ခေါင်းဆောင်တွေကို တိုက်ခိုက်ခဲ့တယ်လို့လည်း ဟမ်ဒန်က စွပ်စွဲလိုက်ပါတယ်။
#Source: AP News
#World_Health
Published 15 August 2024
▪️ မာဒရက်စ်ဆီးချိုသုတေသန ဖောင်ဒေးရှင်း(MDRF)က ဆီးချိုရောဂါ ဒုတိယအမျိုးအစား လူနာတွေမှာ သကြားတု ဆူခရယ်လို့စ်က နှလုံးနဲ့ ဇီဝဖြစ်စဉ် ကျန်းမာရေးအပေါ် ဘယ်လိုသက်ရောက်လဲ ဆိုတာကို လေ့လာဖော်ပြခဲ့ပါတယ်။
▪️ အချိန် ၁၂ ပတ်ကြာအောင် ဆီးချိုရောဂါသည် အိန္ဒိယလူမျိုး ၁၇၉ ယောက်ကို သုတေသနပြုလုပ်ပြီး သကြားနေရာမှာ သကြားတုပစ္စည်းဖြင့် အစားထိုးစမ်းသပ်ခဲ့ပါတယ်။
▪️ ထိုအခါမှာ သကြားတုကို ကော်ဖီ လက်ဖက်ရည်တို့မှာ အနည်းငယ်ထည့်သောက်ခြင်းဖြင့် သွေးတွင်းသကြားဓာတ်ကို ဆိုးဆိုးရွားရွား မထိခိုက်စေခဲ့ပါဘူး။
▪️ ခန္ဓာကိုယ်အလေးချိန်၊ ခါးအရွယ်အစား၊ BMI တို့ကတော့ အနည်းငယ်မြင့်တက်ခဲ့ပါတယ်။
▪️ အိန္ဒိယမှ ဆီးချိုရှိသူအများစုဟာ ကော်ဖီ လက်ဖက်ရည်သောက်တဲ့အခါ သကြားအသုံးပြုကြပြီး ကာဗိုဟိုက်ဒရိတ်တွေလည်း အစားများတာကြောင့် ဆီးချိုဖြစ်နိုင်ခြေ များစေပါတယ်။
▪️ သကြားတုတွေထဲမှာ အမျိုးအစား ၂ မျိုးရှိပြီး ကယ်လိုရီပါတဲ့ ဖရပ်တို့စ်လိုမျိုး အမျိုးအစားနဲ့ ကယ်လိုရီမပါတဲ့ အမျိုးအစားဆိုပြီး ဖြစ်ပါတယ်။
▪️ စမ်းသပ်ရာမှာ သကြားဆက်လက် အသုံးပြုစေတဲ့အဖွဲ့နဲ့ သကြားအစား ဆူခရယ်လို့စ် အစားထိုးတဲ့ အဖွဲ့ဆိုပြီး ခွဲခြားခဲ့ပါတယ်။
▪️ ထိုအခါမှာ သကြားတုသုံးစွဲတဲ့အဖွဲ့က ကိုယ်အလေးချိန်၊ BMI ၊ ခါးအရွယ်အစား ကျဆင်းသွားတာကို တွေ့ရှိခဲ့ကြပါတယ်။
▪️ ဒါကြောင့် သကြားတုတွေကို အနည်းငယ်မျှ သုံးစွဲခြင်းက အကျိုးရှိနိုင်တယ်လို့ ယူဆလာကြပါတယ်။
▪️ ဒီလေ့လာချက်ကို Zydus Wellness မှ ထောက်ပံ့ပေးပြီး သကြားတုကို အရည်၊ အမှုန့်ပုံစံတွေနဲ့ သုတေသနပြု ထုတ်လုပ်နေပါတယ်။
#Source: India Today
#World_Health
Published 15 August 2024
▪️ အစာအိမ်မအီမသာ ဖြစ်ပြီး လေပွတတ်သူတွေအတွက် ဝမ်းတွင်းဖိအား လျော့ကျစေနိုင်မယ့် အသီးတွေ ရှိပါတယ်။
▪️ ဖလော်ရီဒါမှ အစာအိမ်နဲ့ အူလမ်းကြောင်းဆရာဝန် ဂျိုဆပ်ဆယ်ဟပ်က ဘလူးဘယ်ရီ၊ စွံပလွန်၊ နဂါးမောက်သီး၊ ကီဝီသီး၊ မာလကာသီး၊ သင်္ဘောသီး၊ နာနတ်သီးတို့ကို အကြံပြုထားပါတယ်။
▪️ ဆယ်ဟပ်က ၂၀၂၂ လေ့လာချက်ပြုလုပ်စဉ် ဗိုက်တာမင်-စီက ဘီဖိုင်ဒိုဘက်တီးရီးယား ပမာဏမြင့်မားစေကြောင်း ဖော်ပြခဲ့ပါတယ်။
▪️ အူလမ်းကြောင်းထဲရှိ ထိုဘက်တီးရီးယားဟာ အမျှင်ဓာတ်ကို ချေဖျက်ပေးပြီး အာဟာရဓာတ်များ စုပ်ယူကာ ကိုယ်ခံအား မြှင့်တင်ပေးပါတယ်။
▪️ အူလမ်းကြောင်းကျန်းမာရေး မြှင့်တင်နိုင်မယ့် နည်းလမ်းတစ်ခုက အမျှင်ဓာတ်များပြီး ဗိုက်တာမင်-စီပါတဲ့ အစားအစာ စားဖို့ဖြစ်တယ်လို့ ရှင်းပြပြီး အူလမ်းကြောင်း ဘက်တီးရီးယား များပြားစေတယ်လို့ တွေ့ရှိထားပါတယ်။
▪️ ဗိုက်မအီမသာ လက္ခဏာ ခံစားရသူတေမှာ အစားအစာ ၇ မျိုးစားသုံးစေပြီး ခံနိုင်ရည်ကို တဖြည်းဖြည်း စမ်းသပ်ခဲ့ကြပါတယ်။
▪️ အစာအိမ် မအီမသာဖြစ်သူတွေ၊ ဝမ်းချုပ်သူတွေ၊ အူနံရံထိခိုက်သူတွေမှာ လေပွခြင်း မကြာခဏ ပြင်းပြင်းထန်ထန် ခံစားရတတ်ပါတယ်။
▪️ ၁၈ ရာခိုင်နှုန်းသော လူတွေဟာ တစ်ပတ်ကို အနည်းဆုံးတစ်ကြိမ် လေပွခြင်း ခံစားကြရပါတယ်။
▪️ အမေရိကန်အများစုဟာ အမျှင်ဓာတ် မလုံလောက်ဘဲ အစာခြေကျန်းမာရေးစနစ် ထိခိုက်လေ့ရှိပါတယ်။
▪️ ဝမ်းပုံမှန်သွားစေဖို့ တစ်နေ့ကို အမျှင်ဓာတ် ၁၅ ဂရမ်စားသုံးပေးဖို့ အမေရိကန် နှလုံးအဖွဲ့အစည်းက အကြံပြုလိုက်ပြီး သွေးတွင်းသကြားဓာတ်နဲ့ နှလုံးရောဂါ လေဖြတ်နိုင်ခြေတို့ကို ထိန်းချုပ်ပေးပါတယ်။
▪️ တစ်နေ့ကို ကီဝီသီး ၂ လုံးစားပေးပါက ဝမ်းချုပ်ခြင်းကို သက်သာစေတယ်လို့ လော့စ်အိန်ဂျလိစ်မှ ဆာရှာဟက်ဒက်က အကြံပြုသွားပါတယ်။
#Source: New York Post
Page 98 of 1465
