မြန်မာနိုင်ငံရဲ့ သမ္မတသစ် ဦးမင်းအောင်လှိုင်ဟာ တရုတ်ကွန်မြူနစ်ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်နဲ့ တရုတ်နိုင်ငံခြားရေးဝန်ကြီးဖြစ်တဲ့ ဝမ်ယိနဲ့ မြန်မာနိုင်ငံရဲ့ မြို့တော်နေပြည်တော်မှာ စနေနေ့က တွေ့ဆုံခဲ့ပါတယ်။

#Local_News
Published 28 April 2026
#သမ္မတသစ်ဦးမင်းအောင်လှိုင် #တရုတ်နိုင်ငံခြားရေးဝန်ကြီးဝမ်ယိ
#YMG/KNL #Yangon_Times

#Local_News
Published 28 April 2026

■ MSME လုပ်ငန်းရှင်များအနေဖြင့် လုပ်ငန်းများ စတင်ဆောင်ရွက်ချိန်တွင် တရားဝင်ဖြစ်စေရေးမှတ်ပုံတင်ထားရှိရန်လိုအပ်ကြောင်း စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းကပြောကြားသည်။

■ ယမာန်နေ့က နေပြည်တော် အသေးစား၊ အငယ်စားနှင့် အလတ်စားစီးပွားရေးလုပ်ငန်းရှင်များအသင်းဥက္ကဋ္ဌနှင့် တာဝန်ရှိသူများအား လက်ခံတွေ့ဆုံစဉ် စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်းက ပြောကြားခြင်းဖြစ်သည်။

■ ထိုသို့ တွေ့ဆုံစဉ် နိုင်ငံတော်သမ္မတ၏ လမ်းညွှန်ချက်ဖြစ်သည့် ဝါမှ ဝါဂွမ်း၊ ချည်၊ ပိတ်၊ အထည်ထုတ်လုပ်သည့် ထုတ်လုပ်မှုကွင်းဆက်တစ်လျှောက် ဖွံ့ဖြိုးတိုးတက်ရေးအတွက် ကူညီဖြည့်ဆည်းဆောင်ရွက်ပေးမည့် အခြေအနေ၊ ဝါးမှ ပျော့ဖတ်များ တစ်ပိုင်တစ်နိုင်ထုတ်လုပ်ရန်နှင့် လူသုံးကုန်ပစ္စည်းများ ထုတ်လုပ်နိုင်ရန် နည်းပညာပံ့ပိုးပေးနိုင်ရေး၊ MSME များအတွက် ချေးငွေစီးဆင်းမှုမြန်ဆန်ရေး ဆောင်ရွက်ရမည့် အစီအစဉ်များ၊ ဒီဂျစ်တယ်စနစ်တွင်ကျယ်စွာ အသုံးပြုနိုင်ရန် အသိပညာပေးဆွေးနွေးပွဲများ ကျင်းပရေး၊ နိုင်ငံတော်မှ ပေးအပ်သည့် အခွင့်အရေးများရရှိစေရန် မှတ်ပုံတင်ပြုလုပ်ရေး၊ တန်ဖိုးမြှင့် ထုတ်ကုန်များ ထုတ်လုပ်ရောင်းချနိုင်ရေး၊ စွန့်ဦးတီထွင်လုပ်ငန်းရှင်များ ပေါ်ထွန်းလာစေရေး၊ MSME အစုအဖွဲ့များ ပိုမိုအားကောင်းလာစေရေးနှင့် Agro-Base Industries ဖွံ့ဖြိုးတိုးတက်ရေးအတွက် ဆောင်ရွက်မည့် အခြေအနေတို့ကို ဆွေးနွေးကြသည်။

■ ထို့ပြင် ပြည်ထောင်စုဝန်ကြီးက MSME လုပ်ငန်းရှင်များအနေဖြင့် လုပ်ငန်းများ စတင်ဆောင်ရွက်ချိန်တွင် တရားဝင်ဖြစ်စေရေးမှတ်ပုံတင်ထားရှိရန်၊ ကုန်ကြမ်းအဖြစ် ရောင်းချခြင်းထက်တန်ဖိုးမြှင့်ထုတ်ကုန်များ ထုတ်လုပ်ရောင်းချရန်၊ သတ်မှတ်စံချိန်စံညွှန်းနှင့်အညီ အရည်အသွေးမီကုန်ပစ္စည်းများ ထုတ်လုပ်မှုတိုးမြှင့်ရန်နှင့် စွန့်ဦးတီထွင်သူများ ဖြစ်ပေါ်လာစေရေး စည်းရုံးဆောင်ရွက်ရန်၊ တစ်ဦးတစ်ယောက်ချင်းနှင့် MSME အစုအဖွဲ့များ အားကောင်းလာစေရေးအားပေးဆောင်ရွက်ရန်နှင့် နိုင်ငံ၏ စီးပွားရေးဖွံ့ဖြိုးတိုးတက်ရေးအတွက် ကျရာကဏ္ဍမှ ပူးပေါင်းဆောင်ရွက်ကြရန် ဆွေးနွေးပြောကြားသည်။

■ တွေ့ဆုံပွဲသို့ စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ဒုတိယဝန်ကြီး၊ ညွှန်ကြားရေးမှူးချုပ်များနှင့် တာဝန်ရှိသူများ တက်ရောက်ခဲ့ကြကြောင်း သိရသည်။

#YMG/NN #Yangon_Times

#Local_News
Published 28 April 2026

■ ဆော်ဒီအာရေဗျနိုင်ငံမှ မြန်မာနိုင်ငံ သို့ပြန်ရန်အခက်အခဲဖြစ်နေသည့် မြန်မာနိုင်ငံသူ(၈)ဦးကို ပြန်လည်ပို့ဆောင်ပေးခဲ့ကြောင်းသိရသည်။

■ မြန်မာသံရုံး၊ ရီရတ်ဒ်မြို့မှ ဆော်ဒီအာရေဗျနိုင်ငံတွင်ရောက်ရှိနေပြီး မြန်မာနိုင်ငံပြန်ရန် အခက်အခဲကြုံတွေ့ နေရသည့် မြန်မာနိုင်ငံသူ(၈)ဦးကို ဧပြီ ၂၅ ရက်က မြန်မာနိုင်ငံသို့ပြန်လည်ပို့ဆောင်ပေးခဲ့ခြင်းဖြစ်သည်။

■ အဆိုပါ မြန်မာနိုင်ငံသူ(၈)ဦးကိုမြန်မာသံရုံး၊ ရီရတ်ဒ်မြို့က ဆော်ဒီအာရေဗျနိုင်ငံ၊ လူဝင်မှုကြီးကြပ်ရေးဌာနနှင့်ညှိနှိုင်း၍ ရီရတ်ဒ်-ဒိုဟာ-ဗန်ကောက်-ရန်ကုန်လေကြောင်းခရီးစဉ်ဖြင့်ပြန်လည်ပို့ဆောင်ပေးခဲ့ခြင်းဖြစ်ကြောင်း သိရသည်။

#YMG/NN #Yangon_Times

#World_News
Published 28 April 2026

■ ပဋိပက္ခပြေလျော့ရေးကို ရည်ရွယ်ကာ အီရန်က သံတမန်ရေးရာ အဆိုပြုချက်အသစ်တစ်ခု အမေရိကန်ကို တင်ပြထားတယ်လို့ သိရပါတယ်။

■ ဒီအစီအစဉ်ထဲမှာ ဟော်မုဇ်ရေလက်ကြား ပြန်ဖွင့်ရေး၊ အီရန်အပေါ် အမေရိကန်ရဲ့ ရေကြောင်းပိတ်ဆို့မှု ပယ်ဖျက်ရေး၊ နောက်ပိုင်း နျူကလီးယားညှိနှိုင်းမှု ဖြေရှင်းရေးတို့ ပါဝင်ပါတယ်။

■ အီရန်နိုင်ငံခြားရေးဝန်ကြီး အက်ဘက်စ်အာရက်ချီက ဖြည့်စွက်ပြုပြင်ထားတဲ့ အဆိုပြုချက်ကို ဧပြီ ၂၆ ရက်နေ့မှာ ပါကစ္စတန်သို့ ပေးပို့ခဲ့ပါတယ်။

■ အီရန်ရဲ့ နောက်ဆုံးတင်ပြချက်ကို ပြန်လည်သုံးသပ်မယ့် အစည်းအဝေးပြုလုပ်ဖို့ ထရမ့်က မျှော်လင့်ထားပါတယ်။

■ အီရန်နိုင်ငံခြားရေးဝန်ကြီးက ရုရှားသမ္မတ ဗလာဒီမာပူတင်၊ နိုင်ငံခြားရေးဝန်ကြီး ဆာဂေးလက်ဗ်ရော့ဗ်တို့နဲ့ ဆွေးနွေးဖို့ ရုရှားသို့ ရောက်နေပါတယ်။

■ အမေရိကန် အိမ်ဖြူတော်ကတော့ အမေရိကန်ကသာ အသာစီးရထားပြီး ပြည်သူတွေဦးစားပေးရေးသာ ရရှိမယ့် သဘောတူညီချက်မျိုး ရယူမှာဖြစ်ကြောင်း၊ အီရန်ကို နျူကလီးယားလက်နက် ဘယ်တော့မှ ပိုင်ဆိုင်ခွင့်ပေးမှာ မဟုတ်ကြောင်း ပြောထားပါတယ်။

■ အီရန်က နျူကလီးယား အစီအစဉ်နဲ့ ပတ်သက်ပြီး ညှိနှိုင်းမှုတွေကို ပြင်ဆင်ဖော်ပြလာတာ ဖြစ်ပါတယ်။

■ ဒီမတိုင်ခင်အထိတော့ ထရမ့်က အီရန်ရဲ့နျူကလီးယား ညှိနှိုင်းတင်ပြချက်တွေကို ငြင်းပယ်နေခဲ့ပါတယ်။

■ ယခုနောက်ဆုံး အီရန်အဆိုပြချက်ဗျူဟာမှာတော့ ပင်လယ်ရေကြောင်းနဲ့ စီးပွားရေးပြဿနာများ ဦးစားပေးဖြေရှင်းဖို့ ကြိုးပမ်းလာပါတယ်။

■ ဒီထဲမှာ ဟော်မုဇ်ရေလက်ကြားထဲ သင်္ဘောများဖြတ်သန်းကြေး ကောက်ခံသွားဖို့ ပါဝင်ပါတယ်။

Source: Reuters

#World_Health
Published 28 April 2026

■ ၅-၃၅ ရာခိုင်နှုန်းသော လူတွေဟာ တုပ်ကွေးဗိုင်းရပ်စ်နဲ့ ထိတွေ့ဖူးပေမယ့် တုပ်ကွေးမခံစားရဘူးလို့ သိပ္ပံပညာရှင်တွေ ခန့်မှန်းထားပါတယ်။

■ လူနာတွေနဲ့ အမြဲတမ်း ထိတွေ့နေပေမယ့် ဘယ်တော့မှ တုပ်ကွေးလက္ခဏာ မဖြစ်ကြတဲ့ ကျန်းမာရေးလုပ်သား ၁၉ ဦးထံမှ နမူနာများကို ကြည့်ရှုခဲ့ကြပါတယ်။

■ ဒီဗိုင်းရပ်စ်ကို ခံနိုင်ရည်ရှိသူတွေရဲ့ တံတွေးနဲ့ နှာခေါင်းလမ်းကြောင်းတို့ထဲမှာ ဒါမီဆိုင်ဒင်လို့ခေါ်တဲ့ ပရိုတိန်းတစ်မျိုး တွေ့ရပါတယ်။

■ ဒါ့အပြင် ချွေးထဲမှာလည်း တွေ့ရပြီး ရောဂါပိုးဆန့်ကျင်နိုင်တဲ့ အစွမ်းသတ္တိရှိတာကို တွေ့ရပါတယ်။

■ ယခုပရိုတိန်းတွေ့ရှိခြင်းကနေ နှာခေါင်းဖျန်းဆေး၊ မျက်စဉ်းဆေးတို့လို ကာကွယ်ရေးနည်းလမ်းတွေ ဖြစ်လာနိုင်ပါတယ်။

■ ဒါမီဆိုင်ဒင်က တုပ်ကွေးဗိုင်းရပ်စ် ပိတ်ဆို့ရုံမက ဝက်သက်၊ အချို့သော အအေးမိဗိုင်းရပ်စ်တွေ၊ ဆေးယဉ်ပါးတုပ်ကွေးမျိုးနွယ်တို့ကိုလည်း ကာကွယ်နိုင်ပါတယ်။

■ တစ်ပတ်ကို ပြင်းထန်တဲ့လေ့ကျင့်ခန်း ၁၅-၂၀ မိနစ်ခန့် ပြုလုပ်ခြင်းဖြင့် နှလုံးရောဂါ၊ ကျောက်ကပ်ရောဂါ၊ ဆီးချို၊ ဒီမန်ရှာတို့ ဖြစ်နိုင်ခြေ လျော့နည်းစေတာကို လေ့လာတွေ့ရှိထားပါတယ်။

■ ပြင်းထန်တဲ့ လှုပ်ရှားမှုဆိုတာဟာ အမြန်ဆုံးနှလုံးခုန်နှုန်းရဲ့ ၇၀-၈၅ ရာခိုင်နှုန်းအထိ ရောက်တာကို ဆိုလိုပြီး လှေကားမြန်မြန်တက်ခြင်း၊ အလေးအပင်သယ်ခြင်းတို့ ပါဝင်ပါတယ်။

■ သာမန်လှုပ်ရှားမှုမျိုး ကြာကြာလုပ်တာထက်စာရင် ပြင်းထန်တဲ့လှုပ်ရှားမှု တစ်ခဏပြုလုပ်ခြင်းက ပိုပြီး အကျိုးရှိစေနိုင်တယ်လို့ ယူဆရပြီး ကိုယ်ခံအားစနစ် ကောင်းမွန်စေကာ တုပ်ကွေးလက္ခဏာလိုမျိုး ရောဂါတွေကို ကာကွယ်နိုင်မှာ ဖြစ်ပါတယ်။

Source: NPR

#World_Health
Published 27 April 2026

■ ရာသီဥတုအပူချိန် မြင့်တက်လာတဲ့အချိန်မှာ နှာခေါင်းသွေးလျှံခြင်းပြဿနာ ဖြစ်လာတတ်ကြပါတယ်။

■ အပူချိန်၊ ခြောက်သွေ့သောလေ၊ ရေဓာတ်ခန်းခြောက်ခြင်းတို့ ပေါင်းစပ်သွားတဲ့အခါ နှာခေါင်းအတွင်းက နူးညံ့တဲ့ သွေးကြောလေးတွေ ပေါက်လွယ်နိုင်ပါတယ်။

■ မကြာခဏဆိုသလို သွေးအများအပြား လျှံတတ်တယ်ဆိုရင်တော့ နောက်ကွယ်မှာ ကျန်းမာရေးပြဿနာတွေ ရှိနိုင်တဲ့သဘောပါ။

■ နှာခေါင်းအတွင်းနံရံတွေ ခြောက်သွေ့တဲ့အခါ သွေးကြောတွေ ထိခိုက်ပေါက်လွယ်တတ်တယ်လို့ CK ဘာလာဆေးရုံမှ နှားနှာခေါင်းလည်ချောင်းဆရာဝန် ဒေါက်တာ ဒိတီဆင်ဟာက ပြောပါတယ်။

■ ခြောက်သွေ့သောလေနဲ့ အပူထိတွေ့မှု၊ ရေဓာတ်ခန်းခြောက်ခြင်း၊ ဓာတ်မတည့်ခြင်းနဲ့ နှာခေါင်းတွင်း ရောဂါပိုးဝင်ခြင်း၊ မကြာခဏ နှာခေါင်းနှိုက်ခြင်း၊ ပြင်းပြင်းရှူသွင်းရှူထုတ်လုပ်ခြင်းတို့ကြောင့် ဖြစ်နိုင်ပါတယ်။

■ ယခုလို နွေရာသီမှာ ကလေးတွေမှာလည်း နှာခေါင်းသွေးယိုရတဲ့ အကြောင်းအရင်းတွေက နှာခေါင်းတွင်းနံရံများ အထိမခံခြင်း၊ နှာခေါင်းနှိုက်တတ်ခြင်း၊ ရေဓာတ်ခန်းခြောက်လွယ်ခြင်း၊ အမှုန်အမွှား အပူတို့နဲ့ ထိတွေ့ခြင်းတို့ ဖြစ်နိုင်ပါတယ်။

■ မကြာခဏ အများအပြား သွေးလျှံတာမျိုးအပြင် ပင်ပန်းနွမ်းနယ်ခြင်း၊ ကိုယ်အလေးချိန်ကျခြင်းတို့ပါ ဖြစ်လာရင်တော့ ဆေးကုသတိုင်ပင်မှု ခံယူသင့်ပါတယ်။

■ ရေဓာတ်ပြည့်ဝအောင်နေခြင်း၊ နှာခေါင်းဆေးဖျန်းခြင်း၊ နှာခေါင်းအတွင်း ပက်ထရိုလီယံဂျယ်လီ အသုံးပြုခြင်း၊ နှာခေါင်းမနှိုက်အောင်နေခြင်း၊ အိမ်တွင်း စိုစွတ်မှုပေးခြင်းတို့ဖြင့် ကာကွယ်နိုင်ပါတယ်။

■ ချက်ချင်းအရေးပေါ်ကုသလိုရင်တော့ မတ်မတ်ထိုင်ပြီး ၁၀ မိနစ်ခန့် နှာခေါင်းပိတ်ထားခြင်း၊ ခေါင်းကိုအနောက်သို့ စောင်းထားခြင်းတို့ ပြုလုပ်နိုင်ပါတယ်။

Source: India Today

အီရန်တော်လှန်ရေးရင်ပြင်မှာ အင်္ဂါနေ့ညနေက ခိုရမ်ရှာ-၄ တာဝေးပစ်ဒုံးကျည်ကို ထုတ်ဖော်ပြသခဲ့တယ်လို ပြည်တွင်းမီဒီယာမှာ ဖော်ပြထားပါတယ်။

#World_Military
Published 27 April 2026
#အီရန် #အမေရိကန်
#YMG #Yangon_Times #Yangon_Media_Group

တနင်္သာရီတိုင်းဒေသကြီးအတွင်းရှိ ထားဝယ်လေဆိပ်နဲ့ မြိတ်လေဆိပ် Terminal တိုကို ၁ နှစ်လျှင် ခရီးသည် ၁ သန်းခွဲအထိ ဝင်ထွက်အသုံးပြုနိုင်တဲ့ လေဆိပ် ၂ ထပ်အဆောက်အအုံလုပ်ငန်းအပြင် လေယာဉ်ရပ်နားရန် နေရာတိုးချဲ့ခြင်းလုပ်ငန်းများကို ဆက်လက်ဆောင်ရွက်သွားမယ်လို့ တိုင်းဒေသကြီးဝန်ကြီးချုပ် ဦးဇော်နိုင်ဦးကပြောကြားပါတယ်။

#Local_News
Published 27 April 2026
#ထားဝယ် #မြိတ်လေဆိပ်
#YMG/NN #Yangon_Times

နိုင်ငံတော်သမ္မတရဲ့လမ်းညွှန်ချက်အရ ရက် ၁၀၀ အတွင်း ဆောင်ရွက်ရမယ့် Smart School နဲ့ Football For School Programကို တိုင်းဒေသကြီးနဲ့ပြည်နယ်ငါးခုမှာအကောင်အထည်ဖော်ဆောင်ရွက်သွားမယ်လို့ အားကစားရေးရာဝန်ကြီးဌာနမှ သိရပါတယ်။

#Local_News
Published 27 April 2026
#Smart_School #Football_For_School_Program
#YMG/SW #Yangon_Times

မီးလေ-ာင်မှုဖြစ်ပွားခဲ့တဲ့ ဧရာဝတီတိုင်းဒေသကြီး မအူပင်ခရိုင်၊ ဓနုဖြူမြို့ရှိ
ဓနုဖြူမြို့မဈေးနေရာမှာ ဈေးသစ်တည်ဆောက်ပေးသွားမယ်လို့ တိုင်းဒေသကြီးအစိုးရအဖွဲ့က သိရပါတယ်။

#Local_News
Published 27 April 2026
#ဓနုဖြူမြို့မဈေး
#YMG/NN #Yangon_Times

#Daily_News
Published 27 April 2026

၁။‌ ထားဝယ်နှင့် မြိတ်လေဆိပ်များကို အဆင့်မြှင့်တင်တိုးချဲ့ခြင်းလုပ်ငန်းများဆောင်ရွက်သွားမည်

‌‎၂။ ‌‌‌‌Smart School နှင့် Football For School Programကိုတိုင်းဒေသကြီးနှင့်ပြည်နယ်ငါးခု၌အကောင်အထည်ဖော်မည်

‎၃။‌‌‎ ဓနုဖြူမြို့မဈေးကို ဈေးသစ်တည်ဆောက်ပေးသွားမည်

၄။‎ ‌‌‌‌‌‌‌‌‌အမေရိကန်နှင့်ညှိနှိင်းဆွေးနွေးမှုမသေချာချိန်၌ အီရန်က တာဝေးပစ်ဒုံးကျည်အသစ်ကိုထုတ်ပြ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ဆဋ္ဌသင်္ဂါယနာတင်အောင်ပွဲ နှစ် (၇၀) ပြည့် အထိမ်းအမှတ်အဖြစ် သာသနာရေးဝန်ကြီးဌာနမှ အတည်ပြုထားတဲ့ ၂၀၀ ကျပ်တန် အထူးထုတ် စာပို့တံဆိပ်ခေါင်းသစ် (၇) မျိုးကိုထုတ်ဝေမယ်လို့မြန်မာ့စာတိုက်လုပ်ငန်းမှ သိရပါတယ်။

#Local_News
Published 27 April 2026
#ဆဋ္ဌသင်္ဂါယနာတင်အောင်ပွဲ #စာပို့တံဆိပ်ခေါင်းသစ်
#YMG/SW #Yangon_Times