#World_News
Published 02 August 2024

▪️ အမေရိကန်က ဗင်နီဇွဲလား သမ္မတရွေးကောက်ပွဲမှာ အတိုက်အခံ ရွေးကောက်ခံကိုယ်စားလှယ် အက်ဒ်မွန်ဒိုဂွန်ဇာလက်ဇ်ကို အနိုင်ရသူအဖြစ် အသိအမှတ်ပြုလိုက်ပြီးနောက် ဗင်နီဇွဲလား ရွေးကောက်ပွဲအာဏာပိုင်များအနေနဲ့ သမ္မတ နီကိုလက်စ်မက်ဒူရိုကို သမ္မတရွေးကောက်ပွဲမှာ အနိုင်ရတယ်လို့ ကြေညာချက် ထုတ်ခဲ့တဲ့အပေါ် သက်သေအထောက်အထားပြဖို့ ဖိအားများလာပါတယ်။

▪️ မက်ဒူရိုရဲ့ နီးစပ်တဲ့မိတ်ဖက်များ အပါအဝင် အစိုးရအဖွဲ့တွေက ဗင်နီဇွဲလား နိုင်ငံလုံးဆိုင်ရာ ရွေးကောက်ပွဲကောင်စီကို မဲအရေအတွက်များ အတိအကျ ထုတ်ပြန်ပေးရန် တောင်းဆိုလိုက်ပြီးနောက် အမေရိကန်ကလည်း အခုလို ထုတ်ပြန်လာတာ ဖြစ်ပါတယ်။

▪️ ရွေးကောက်ပွဲကော်မတီက တနင်္လာနေ့မှာ မက်ဒူရိုကို အနိုင်ရသူအဖြစ် ကြေညာခဲ့ပေမယ့် အတိုက်အခံ ညွန့်ပေါင်းအဖွဲ့က မဲစာရင်း ၃ ပုံ ၂ ပုံကျော်မှာတော့ မဲဆန္ဒတွေက ဆန့်ကျင်ဘက်ဖြစ်နေတဲ့ အထောက်အထား ရှိထားတယ်လို့ နာရီပိုင်းအကြာမှာ ထုတ်ပြန်ခဲ့ပါတယ်။

▪️ အထောက်အထား အများအပြားအရ အက်ဒ်မွန်ဒိုဂွန်ဇာလက်ဇ်အာရူရှာဟာ ဇူလိုင် ၂၈ ရက်နေ့ ဗင်နီဇွဲလား သမ္မတရွေးကောက်ပွဲမှာ မဲအများဆုံးရခဲ့တယ်ဆိုတာ အမေရိကန်ရော ဗင်နီဇွဲလားပြည်သူတွေရော သိနေကြတယ်လို့ အမေရိကန် နိုင်ငံခြားရေးဝန်ကြီး အန်တိုနီဘလင်ကန်က ပြောကြားသွားပါတယ်။

▪️ ရွေးကောက်ပွဲမှ မဲရေတွက်မှုတွေကို ထုတ်ပြန်ရန် မက်ဒူရိုကို သံတမန်ရေးအရ ဖိအားပေးလာကြပြီး မဲရလဒ်များကို ပြင်ပမှ သုံးသပ်ပေးရန် တောင်းဆိုလာကြရာ အမေရိကန်အစိုးရက ယခုလို ပါဝင်လာပါတယ်။

▪️ ဘရာဇီးလ်၊ ကိုလံဘီယာ၊ မက္ကဆီကိုအစိုးရတို့က ဗင်နီဇွဲလားအနေနဲ့ ရွေးကောက်ပွဲ မဲပေးမှုအချက်အလက်များကို ချပြရန် ဗင်နီဇွဲလားအစိုးရအဖွဲ့ကို တောင်းဆိုကြောင်း ပူးတွဲထုတ်ပြန်လိုက်ပါတယ်။

▪️ တနင်္လာနေ့မှာ ရွေးကောက်ပွဲကောင်စီက မက်ဒူရိုကို ရွေးကောက်ပွဲ အနိုင်ရသူအဖြစ် ကြေညာပြီးနောက် အတိုက်အခံလိုလားသူများက လမ်းပေါ်ထွက်ပြီး ဆန္ဒပြခဲ့ကြပါတယ်။

▪️ ဆန္ဒပြသူ ရာနဲ့ချီအဖမ်းခံခဲ့ရပြီး ၁၁ ဦးသေဆုံးခဲ့တယ်လို့ ဗင်နီဇွဲလားအခြေစိုက် လူ့အခွင့်အရေးအဖွဲ့အစည်း ဖိုရိုပီနယ်က ပြောပါတယ်။

▪️ ရွေးကောက်ပွဲအာဏာပိုင်များက မဲအရေအတွက်များကို ဘာကြောင့်မထုတ်ပြန်လဲလို့ မေးမြန်းရာ ရွေးကောက်ပွဲကောင်စီဟာ ဆိုက်ဘာတိုက်ခိုက်မှုတွေ အပါအဝင် ခြိမ်းခြောက်ခံနေရတယ်လို့ ဆိုလိုက်ပါတယ်။

#Source: AP News

#Local_News
Published 2 August 2024

ဗဟန်းမြို့နယ်၊ ငါးထပ်ကြီးဘုရားအနီးရှိကျိုက်ထီးရိုးကျောင်းတိုက်တွင် သစ်ပင်လဲကျ၍ ဘုန်းကြီးကျောင်းစောင်းတန်းနှင့် ဆွမ်းစားဆောင်ပေါ်သို့ ပိမိမှုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

ဩဂုတ်၂ ရက်နေ့၊ မနက်၇ နာရီ အချိန်ခန့်က ရန်ကုန်တိုင်းဒေသကြီး၊ ဗဟန်းမြို့နယ် ငါးထပ်ကြီးမြောက်ရပ်ကွက်၊ ငါးထပ်ကြီးဘုရားလမ်း၊ ကျိုက်ထီးရိုးကျောင်းတိုက်တွင် သစ်ပင်လဲကျ၍ ဘုန်းကြီးကျောင်းစောင်းတန်းနှင့် ဆွမ်းစားဆောင်ပေါ်သို့ ပိနေကြောင်း သတင်းရရှိသဖြင့် အနောက်ပိုင်းခရိုင်မီးသတ်စခန်းမှ  သန္ဓေမီးသတ်တပ်ဖွဲ့ဝင်များ ၊ အရန်မီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရှင်းလင်းရေးလုပ်ငန်းများ ဆောင်ရွက်ခဲ့ကြောင်းသိရသည်။

#YMG/NN #Yangon_Times

#World_Health
Published 02 August 2024

▪️ ဝါရှင်တန်မှ ကင်ဆာအာဟာရပညာရှင် နီကိုးလ်အန်ဒရူးက သစ်တော်သီးဟာ အမျှင်ဓာတ်၊ ဓာတ်တိုးဆန့်ကျင်ပစ္စည်းများ၊ အာဟာရဓာတ်များ ကြွယ်ဝပြီး သွေးတွင်းသကြားဓာတ်ကို ထိန်းသိမ်းကူညီပေးနိုင်ကြောင်း တစ်တော့ကနေ အကြံပြုသွားပါတယ်။

▪️ ဘယ်လိုသစ်တော်သီးပဲဖြစ်ဖြစ် အရသာဆင်တူနီးပါးဖြစ်ပြီး စားသုံးရန် သင့်လျော်တယ်လို့ ဆိုပါတယ်။

▪️ သစ်တော်သီးအနေတော်တစ်လုံးမှာ အမျှင်ဓာတ် ၆ ဂရမ်ပါဝင်ပြီး နေ့စဉ်လိုအပ်ချက်ရဲ့ ၂၁ ရာခိုင်နှုန်း ဖြစ်ပါတယ်။

▪️ အမျှင်ဓာတ်ဟာ အစာခြေခြင်းကို ကောင်းမွန်စေပြီး အူမကြီးကင်ဆာ ဖြစ်နိုင်ခြေကို လျော့ကျစေပါတယ်။

▪️ ကာဗိုဟိုက်ဒရိတ်နဲ့ သကြားဓာတ်စုပ်ယူမှုကို လျှော့ချသဖြင့် သွေးတွင်းသကြားဓာတ်ကို ထိန်းညှိပေးပါတယ်။

▪️ သစ်တော်သီးရဲ့ အခွံမှာ အမျှင်အများစုပါဝင်ပြီး အရသာ၊ သွင်ပြင်၊ အာဟာရဓာတ်များကို ထိန်းသိမ်းထားပါတယ်။

▪️ ဗိုက်တာမင်-စီ ၈ မီလီဂရမ်ခန့် ပါဝင်ပြီး ရင်သားနဲ့ အဆုတ်ကင်ဆာတို့ကို ကာကွယ်ပေးပါတယ်။
ပိုတက်ဆီယံ၊ နှလုံးရောဂါကို ကာကွယ်ပေးတဲ့ အန်သိုဆိုင်ယာနင်၊ ရောင်ရမ်းခြင်းကို ဆန့်ကျင်ပေးတဲ့ ဖလေဗိုနွိုက်လည်း ကြွယ်ဝပါတယ်။

▪️ ဗိုက်တာမင်-ကေ ကလည်း သွေးခဲခြင်းကို ထောက်ပံ့ပေးကာ အရိုးများ သန်စွမ်းစေပြီး ဆဲလ်တွေထိခိုက်ခြင်းမှ ကာကွယ်ပေးပါတယ်။

▪️ အသီးတွေကို သဘာဝအတိုင်း စားသုံးတာက အကောင်းဆုံးဖြစ်ပါတယ်။

#Source: New York Post

#World_Health
Published 02 August 2024

▪️ သံဓာတ်ဆိုတာက ခန္ဓာကိုယ်မှာ အရေးပါတဲ့ သတ္တုဓာတ်ဖြစ်ပြီး သွေးနီဥ ထုတ်လုပ်ခြင်းမှာ ပါဝင်ပါတယ်။

▪️ အင်ဇိုင်းဖြစ်စဉ် အမျိုးမျိုးမှာလည်း ပတ်သက်နေပြီး ဆဲလ်လုပ်ဆောင်ချက်တွေနဲ့ စွမ်းအင်ထုတ်လုပ်ခြင်းတို့မှာလည်း ပါဝင်နေပါတယ်။

▪️ သံဓာတ်အားနည်းတဲ့သူတွေမှာ သံဓာတ်ဖြည့်စွက်ဆေးများ အသုံးပြုပြီး လက္ခဏာများ သက်သာစေပါတယ်။

▪️ ဒါကြောင့် သံဓာတ်ချို့တဲ့တဲ့ လက္ခဏာများကို ဖော်ပြလိုက်ပါတယ်။

(၁) ပင်ပန်းနွမ်းနယ်အားနည်းခြင်း
▪️ သံဓာတ်အားနည်းပါက သွေးနီဥနည်းသွားပြီး တစ်ရှူးတွေသို့ အောက်ဆီဂျင် ရောက်ရှိမှုနည်းပါးသွားကာ စွမ်းအင်ယုတ်လျော့ပြီး အားနည်းနွမ်းနယ်စေပါတယ်။

(၂) အရေပြားဖျော့တော့ခြင်း
▪️ သွေးနီဥကြောင့် သွေးက နီတာဖြစ်ပြီး နည်းပါးပါက အရေပြားဖြူဖတ်စေပါတယ်။

(၃) အသက်ရှူခက်ခဲခြင်း
▪️ ကြွက်သားတွေနဲ့ တစ်ရှူးတွေဆီ အောက်ဆီဂျင် အရောက်နည်းသဖြင့် လှုပ်ရှားမှုပြုလုပ်စဉ် အသက်ရှူမဝဘဲ ဖြစ်တတ်ပါတယ်။

(၄) မူးဝေခေါင်းကိုက်ခြင်း
▪️ ဦးနှောက်သို့ အောက်ဆီဂျင်ရောက်ရှိမှု နည်းပါးတာကြောင့် မူးဝေခေါင်းကိုက်ခြင်း ခံစားရကာ မတော်တဆများ ဖြစ်နိုင်ပါတယ်။

(၅) ခြေဖျားလက်ဖျားအေးခြင်း
▪️ အောက်ဆီဂျင်လည်ပတ်မှု မကောင်းသဖြင့် ခြေဖျားလက်ဖျားများ အေးစက်စေပါတယ်။

(၆) လက်သည်းကြွပ်ဆတ်ခြင်းနှင့်ဆံပင်ကျွတ်ခြင်း
▪️ အောက်ဆီဂျင် အရောက်နည်းသဖြင့် ဆံပင်မွေးညင်းပေါက်တွေနဲ့ လက်သည်းခြေသည်းတို့ကို အားနည်းစေပါတယ်။

(၇) ရင်ဘတ်အောင့်ခြင်း
▪️ သွေးနီဥနည်းသဖြင့် နှလုံးသို့ အောက်ဆီဂျင်ရောက်အောင် တွန်းအားပိုပေးရကာ ရင်ဘတ်အောင့်တတ်ပါတယ်။

(၈) ခေါင်းကိုက်ခဲခြင်း
▪️ ဦးနှောက်သို့ အောက်ဆီဂျင်ရောက်ရှိမှု မလုံလောက်သဖြင့် ခေါင်းကိုက်ခြင်းနဲ့ သွေးအားနည်းခြင်းတို့ ဖြစ်ပေါ်တတ်ပါတယ်။

(၉) ခြေထောက်မငြိမ်ခြင်း
▪️ သံဓာတ်နည်းပါးပါက ခြေထောက်မှာ မနေမထိုင်နိုင်ဖြစ်ကာ လှုပ်ရှားချင်နေပြီး အိပ်စက်မှုကို ထိခိုက်စေပါတယ်။

(၁၀) စားစရာမဟုတ်သည်ကို စားလိုခြင်း
▪️ သံဓာတ်ချို့တဲ့ပါက ဖုန်မှုန့်၊ ရေခဲ၊ ရွှံ့စေးတို့ကို ထူးထူးခြားခြား စားချင်လိုပြီး အန္တရာယ်ဖြစ်စေနိုင်ပါတယ်။

▪️ သံဓာတ်အားဆေးများ သုံးစွဲခြင်းဖြင့် ခန္ဓာကိုယ်သံဓာတ်ပမာဏကို မြှင့်တင်ပေးပြီး သံဓာတ်အားနည်းခြင်း လက္ခဏာများကို သက်သာစေမှာ ဖြစ်ပါတယ်။

#Source: DoctorNDTV

ကျူးဘားနိုင်ငံဆိပ်ကမ်းသို့ ရုရှားရေတပ်တပ်ဖွဲ့တစ်ဖွဲ့တစ်လအတွင်း ဒုတိယမြောက် ချစ်ကြည်ရေးခရီးရောက်

စနေနေ့ကစပြီး ရုရှားရေတပ်တစ်ဖွဲ့ဟာ ကျူးဘားသို့ ချစ်ကြည်ရေးခရီး ရောက်ရှိနေပြီး တစ်လအတွင်း ဒုတိယအကြိမ်မြောက်ဖြစ်ခဲ့ကာ ဖွင့်ပွဲသို့လာရောက်ကြတဲ့ ဒေသခံများက နွေးထွေးစွာ ကြိုဆိုခဲ့ကြပါတယ်။
#World_News
Published 1 August 2024
#ကျူးဘားနိုင်ငံဆိပ်ကမ်း #ချစ်ကြည်ရေးခရီးရောက်
#YMG #Yangon_Times #Yangon_Media_Group

#Daily_News
Published 1 August 2024

၁။ ဩဂုတ်လအတွက် ရည်ညွှန်းဆန်ဈေးနှုန်းများတွင် ဆန်ကြမ်းဈေးများလျော့ချသတ်မှတ်လာ

၂။ ရန်ကုန်အိမ်ခြံမြေဈေးကွက်တွင် ရင်းနှီးမြုပ်နှံသူထက် အငှားသာပိုများနေ

၃။ အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်)မှ မဟာဝိဇ္ဇာဘွဲ့သင်တန်းများ ဖွင့်လှစ်မည်

၄။ ကျူးဘားနိုင်ငံဆိပ်ကမ်းသို့ ရုရှားရေတပ်တပ်ဖွဲ့တစ်ဖွဲ့တစ်လအတွင်း ဒုတိယမြောက် ချစ်ကြည်ရေးခရီးရောက် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 1 August 2024

▪️ ရက်ပိုင်းအတွင်း စက်သုံးဆီများ ပြန်လည်ချောမွေ့စွာ ဖြန့်ဖြူးပေးနိုင်‌တော့မည်ဖြစ်ကြောင်း မြန်မာနိုင်ငံစက်သုံးဆီတင်သွင်း ရောင်းချဖြန့်ဖြူးရေးအသင်းမှ ဩဂုတ် (၁)ရက်၌ ကြေညာချက် ထုတ်ပြန်လိုက်ကြောင်း သိရသည်။

▪️ မိုးကြီးသည့်ကာလဖြစ်သဖြင့် ဆီတင်ကား ဘေးအန္တရာယ် ကင်းရှင်းရန်အတွက် သတိထားမောင်းနှင်ကြသဖြင့် ပုံမှန်အချိန်ထက် ပိုကြန့်ကြာခဲ့ပေမည့် ယခုရက်ပိုင်းအတွင်း စက်သုံးဆီများ ပြန်လည်ချောမွေ့စွာ ဖြန့်ဖြူးပေးနိုင်‌တော့မည်ဖြစ်သည်ဟုဆိုသည်။

▪️ ထုတ်ပြန်ချက်တွင် 
(၁) စက်သုံးဆီများကို အများပြည်သူ အဆင်ပြေအောင်အချိန်နှင့် တစ်ပြေးညီ ဖြန့်ဖြူးပေးနေသည့်အပြင် စက်သုံးဆီများလည်း စဉ်ဆက်မပြတ် ဆီသင်္ဘောများ ရောက်ရှိနေကြပါသည်။

▪️ (၂) သို့သော် အခု လောလောဆယ်အချိန်ကာလတွင် ကောလဟာလသတင်းများနှင့် မီဒီယာ တစ်ချို့၏ သတင်းမှားများဖြင့် ဝါဒဖြန့်ချိမှုကြောင့် ရန်ကုန်မြို့အပါအဝင် မြို့ကြီးအချို့ရှိ စက်သုံးဆီအရောင်းဆိုင်များတွင် သာမာန်မဟုတ်ဘဲ ၀ယ်လိုအား အထူးမြင့်တက်ခဲ့ပါသည်။

▪️ ထို့အပြင် မိုးကြီးသည့်ကာလဖြစ်သဖြင့် ဆီတင်ကား ဘေးအန္တရာယ် ကင်းရှင်းရန်အတွက်  သတိထားမောင်းနှင်ကြသဖြင့် ပုံမှန်အချိန်ထက် ပိုကြန့်ကြာခဲ့ပါသည်။

▪️ (၃) ထိုအတွက်ကြောင့် စက်သုံးဆီအရောင်းဆိုင်များတွင် ယာယီ စက်သုံးဆီပြတ်လပ်မှုများကြုံတွေ့ခဲ့ရပါသည်။

(၄) ထိုသို့ယာယီ စက်သုံးဆီပြတ်လပ်ခြင်းကြောင့် လူထုစိုးရိမ်မှုက အနည်းငယ် ပိုမိုမြင့်တက်လာခြင်းတို့ကြောင့် ယနေ့ ဖြစ်ပျက်နေသည့် အခြေအနေဖြစ်ပေါ်လာခြင်း ဖြစ်ပါသည်။

▪️ (၅) ထို့အပြင် မတည်ငြိမ်သည့်ဒေသများမှ ပြောင်းရွှေ့လာသူအများစုသည် မြို့ကြီးများ‌သို့ရောက်ရှိလာသည့်အတွက်   စက်သုံးဆီလိုအပ်ချက်ကလည်း မြို့ကြီးများတွင် ပိုမိုခဲ့ပါသည်။

▪️ (၆) သီလဝါရှိ စက်သုံးဆီ သိုလှောင်ကန်များတွင်လည်း စက်သုံးဆီလုံလောက်စွာရှိသည့်အပြင် နိုင်ငံခြားမှ စက်သုံးဆီတင်သွင်းလာသည့် သင်္ဘောများလည်း စဥ်ဆက်မပြတ်ဝင်ရောက်လျှက်ရှိပါသည်။

▪️ (၇) ထိုကြောင့် မြန်မာနိုင်ငံစက်သုံးဆီတင်သွင်းရောင်းချဖြန့်ဖြူးရေးအသင်း အနေဖြင့် စက်သုံးဆီပိုမို လျင်မြန်စွာ ဖြန့်ဖြူးပေးနိုင်ရန် လိုအပ်ချက်များကို ပူးပေါင်းညှိနှိုင်းဆောင်ရွက်နေကြသဖြင့် ရက်ပိုင်းအတွင်း စက်သုံးဆီများ ပြန်လည်ချောမွေ့စွာ ဖြန့်ဖြူးပေးနိုင်မည်ဖြစ်ပါကြောင်း သတင်းပေးကြေငြာအပ်ကြောင်း ဖော်ပြထားသည်။

#YMG/tthl #Yangon_Times

ဩဂုတ်လထဲမှာ လေဖိအားနည်းရပ်ဝန်း (၂)ကြိမ်နဲ့မုန်တိုင်းငယ်တစ်ကြိမ်‌ဖြစ်နိုင်ပြီး စစ်ကိုင်း၊ကချင်မှာ မိုးပိုများနိုင်တယ်လို့ သိရပါတယ်။
#Local_News
Published 1 August 2024
#မုန်တိုင်းငယ်တစ်ကြိမ်‌ဖြစ်နိုင် #လေဖိအားနည်းရပ်ဝန်း(၂)ကြိမ်
#YMG/tthl #Yangon_Times

သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ အသေးစားစက်မှုလက်မှုလုပ်ငန်းဦးစီးဌာန ကြီးကြပ်မှုအောက်ရှိ ယွန်းပညာကောလိပ်(ပုဂံ)မှာ ယွန်းအတတ်ပညာဒီပလိုမာနှစ်နှစ်သင်တန်းအတွက် ဝင်ခွင့်လျှောက်လွှာတွေ စတင်လက်ခံနေပြီလို့ သိရပါတယ်။
#Local_News
Published 1 August 2024
#ယွန်းပညာကောလိပ် #အသေးစားစက်မှုလက်မှုလုပ်ငန်း
#YMG/NN #Yangon_Times

အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်) တွင် ၂၀၂၄-၂၀၂၅ ပညာသင်နှစ်အတွက် မဟာဝိဇ္ဇာဘွဲ့သင်တန်း ငါးခုကို အခုနှစ်အတွင်းဖွင့်လှစ်သွားမယ်လို့ သိရပါတယ်။
#Local_News
Published 1 August 2024
#အမျိုးသားယဉ်ကျေးမှု #အနုပညာတက္ကသိုလ်(ရန်ကုန်)
#YMG/NN #Yangon_Times

 ရန်ကုန်အိမ်ခြေမြံဈေးကွက်ထဲရင်းနှီးမြုပ်နှံချင်ကြပေမယ့်လည်း ပိုင်ဆိုင်မှုဆိုင်ရာ လွှဲပြောင်းရေးအခက်အခဲအချို့ကြောင့် ရင်းနှီးမြုပ်နှံသူ ထင်သလောက်မရှိသေးဘူးလို့ အိမ်ခြံမြေ အကျိုးတော်ဆောင်တွေထံမှ သိရပါတယ်။
#Local_News
Published 1 August 2024
#ရန်ကုန်အိမ်ခြံမြေဈေးကွက် #အငှားသာပိုများနေ
#YMG/tthl #Yangon_Times

ဩဂုတ်လအတွက် ရည်ညွှန်းဆန်ဈေးနှုန်းတွေမှာ ဆန်ကြမ်းဈေး‌တွေ  ဈေးနှုန်းလျော့ချသတ်မှတ်လာတယ်လို့ စားသုံးသူရေးရာဦးစီးဌာနရဲ့ ထုတ်ပြန်ချက်အရ သိရပါတယ်။
#Local_News
Published 1 August 2024
#ရည်ညွှန်းဆန်ဈေးနှုန်း #ဆန်ကြမ်းဈေးလျော့ချသတ်မှတ်
#YMG/NN #Yangon_Times