#World_News
Published 24 April 2026

■ ဝါရှင်တန် - အလုပ်သမားများကို ခရစ်ပတို ငွေကြေးရင်းနှီးမြှုပ်နှံမှု လိမ်လည်သည့် လုပ်ငန်းများတွင် အတင်းအကျပ် ပါဝင်စေခဲ့သည်ဟု အာဏာပိုင်များက ဆိုသည့် မြန်မာနိုင်ငံရှိ ကြီးမားကျယ်ပြန့်သော စခန်းတစ်ခုကို စီမံခန့်ခွဲခဲ့မှုဖြင့် တရုတ်နိုင်ငံသား နှစ်ဦးသည် အမေရိကန်တွင် တရားစွဲဆိုခံနေရကြောင်း ရိုက်တာသတင်းအရသိရသည်။

■ ဖက်ဒရယ်တရားရုံးတွင် တင်သွင်းထားသော တိုင်ကြားချက်အရ သံသယရှိသူများဖြစ်သည့် ဟွမ်ရှင်းရှန် (Huang Xing Shan) နှင့် ကျန်ဝမ်ကျဲ (Jiang Wen Jie) တို့ကို အင်တာနက်/ ဆက်သွယ်ရေး ကွန်ရက်မှတစ်ဆင့် လိမ်လည်မှုကျူးလွန်ရန် ပူးပေါင်းကြံစည်မှုဖြင့် တရားစွဲဆိုထားသည်။

■ သူတို့သည် ၂၀၂၅ ခုနှစ် နိုဝင်ဘာလတွင် မြန်မာနိုင်ငံရှိ လက်နက်ကိုင်တပ်ဖွဲ့များက မသိမ်းပိုက်မီ မင်းလက်ပံရွာရှိ စက်မှုလုပ်ငန်းအရွယ်အစားရှိသော Shunda Park (ရွှန်းဒါ စက်မှုဇုန်) စခန်းကို စီမံခန့်ခွဲခဲ့သည်ဟု စွပ်စွဲခံထားရသည်။

■ ဝါရှင်တန်တွင် တရားစွဲဆိုခံထားရသော သံသယရှိသူ နှစ်ဦးစလုံးသည် ထိုင်းနိုင်ငံသို့ တရားမဝင် ဝင်ရောက်မှုဖြင့် ထိုင်းအစိုးရ၏ ထိန်းသိမ်းမှုအောက်တွင် ရှိနေကြောင်း တရားရုံးမှတ်တမ်းများတွင် ဖော်ပြထားသည်။

■ သူတို့သည် ကမ္ဘောဒီးယားရှိ အခြား ငွေလိမ်စခန်းတစ်ခုသို့ ပြောင်းရွှေ့ခဲ့သော်လည်း ယခုနှစ်အစောပိုင်းတွင် လူဝင်မှုကြီးကြပ်ရေးဆိုင်ရာ စွဲချက်များဖြင့် ထိုင်းအာဏာပိုင်များ၏ ဖမ်းဆီးခြင်းကို ခံခဲ့ရသည်ဟု အဆိုပါမှတ်တမ်းက ဖော်ပြထားသည်။ သူတို့ကို အမေရိကန်သို့ မည်သည့်အချိန်တွင် ခေါ်ဆောင်လာကာ တရားစွဲဆိုမည်မှာ မသေချာသေးပေ။

■ FBI အေးဂျင့်များသည် ရွှန်းဒါ (Shunda) စခန်းတွင် တွေ့ရှိခဲ့သည့် အီလက်ထရောနစ် စက်ပစ္စည်း ထောင်ပေါင်းများစွာကို စစ်ဆေးခဲ့ပြီး ယခင် အလုပ်လုပ်ခဲ့သူအချို့ကိုလည်း တွေ့ဆုံမေးမြန်းခဲ့သည်။ လိမ်လည်သူများသည် တရားဥပဒေစိုးမိုးရေး အရာရှိများ သို့မဟုတ် ဘဏ်အရာရှိများအဖြစ် ဟန်ဆောင်ကာ၊ တရားဝင် ရင်းနှီးမြှုပ်နှံမှု ပလက်ဖောင်းများအသွင် ဖန်တီးထားသော လိမ်လည်သည့် ဝက်ဘ်ဆိုက်များကို အသုံးပြု၍ ခရစ်ပတိုငွေကြေးများ ပေးပို့လာစေရန် လှည့်စားခြင်းဖြင့် ကမ္ဘာတစ်ဝန်းရှိ သားကောင်များကို လိမ်လည်ခဲ့ကြကြောင်း FBI အေးဂျင့်တစ်ဦး၏ ကျမ်းကျိန်လွှာအရ သိရသည်။

■ ဝါရှင်တန်တွင် ပြုလုပ်သော သတင်းစာရှင်းလင်းပွဲတစ်ခု၌ စွဲချက်များကို ကြေညာခဲ့သည့် အမေရိကန် ရှေ့နေ ဂျန်နင်းပီရို (Jeanine Pirro) က ရွှန်းဒါစခန်းတွင် ကျူးလွန်ခဲ့သော လိမ်လည်မှုအမျိုးအစားသည် အလျင်မြန်ဆုံး ကြီးထွားလာနေပြီး ဘဏ္ဍာရေးအရ အပျက်အစီး အများဆုံးဖြစ်စေသည့် ဆိုက်ဘာ ရာဇဝတ်မှုပုံစံများထဲတွင် ပါဝင်ကာ အမေရိကန်နိုင်ငံသားများအတွက် ဒေါ်လာဘီလီယံပေါင်းများစွာ ဆုံးရှုံးစေခဲ့ကြောင်း ပြောကြားခဲ့သည်။

■ "ဒါက စိတ်ကူးယဉ်အကြောင်းအရာ မဟုတ်ပါဘူး။ ဒါဟာ ခင်ဗျားတို့ရဲ့အိမ်နီးချင်းတွေ၊သူငယ်ချင်းတွေနဲ့ မိဘတွေရဲ့ အငြိမ်းစားယူဖို့ စုဆောင်းထားတဲ့ ငွေစာရင်းတွေကို ထိခိုက်နေတာပါ" ဟု ပီရိုက ပြောကြားခဲ့သည်။ "ဒီလိုခံရတဲ့ သူအချို့ဟာ အရမ်းကို စိတ်သောကရောက်သွားပြီး သူတို့ကိုယ်သူတို့ အဆုံးစီရင်သွားကြတဲ့အထိပါပဲ။ ဒါဟာ စီးပွားရေးအရ လူသတ်မှုပါပဲ။"

■ စခန်းရှိ အလုပ်သမားများက သူတို့ကို ဆန္ဒမပါဘဲ ဖမ်းဆီးထိန်းသိမ်းထားကြောင်းနှင့် အကြမ်းဖက်မည်ဟု ခြိမ်းခြောက်ကာ လိမ်လည်မှုများတွင် အတင်းအကျပ် ပါဝင်စေခဲ့ကြောင်း FBI သို့ ပြောကြားခဲ့သည်။

■ "ဒီစခန်းတွေရဲ့ နောက်ကွယ်က ရာဇဝတ်ဂိုဏ်းတွေဟာ မသင်္ကာမှုမရှိတဲ့ သူတွေကို လစာကောင်းတဲ့ နည်းပညာအလုပ်တွေ ပေးမယ်ဆိုပြီး အနီးအနားက ထိုင်းနိုင်ငံကို သွားဖို့ မကြာခဏ သွေးဆောင် လေ့ရှိပါတယ်။ ဒါပေမယ့် ဒီလူတွေထဲက အများစုဟာ သူတို့ရဲ့ သက်သေခံစာရွက်စာတမ်းတွေ သိမ်းဆည်းခံရပြီး ဒီငွေလိမ်စခန်းတွေမှာ အလုပ်လုပ်ဖို့ (မြန်မာနိုင်ငံသို့) လူကုန်ကူးခံရတာ ဖြစ်ပါတယ်" ဟု FBI ၏ ကျမ်းကျိန်လွှာတွင် ဖော်ပြထားသည်။

#World_News
Published 24 April 2026

■ အိမ်ဖြူတော်မှာ ထိပ်သီးအစည်းအဝေး ပြုလုပ်ပြီးနောက် လက်ဘနွန်နဲ့ အစ္စရေးလ်တို့ အပစ်အခတ်ရပ်စဲရေး နောက်ထပ်သုံးပတ် တိုးချဲ့လိုက်ပြီ ဖြစ်ကြောင်း အမေရိကန်သမ္မတ ဒေါ်နယ်ထရမ့် ကြာသပတေးနေ့က ပြောသွားပါတယ်။

■ ထရမ့်က အမေရိကန်ဆိုင်ရာ အစ္စရေးလ်သံအမတ် ယက်ချီရယ်လစ်နာနဲ့ လက်ဘနွန်သံအမတ် နာဒါမိုအာဝက်တို့ကို ငြိမ်းချမ်းရေးဆွေးနွေးမှု ဒုတိယအကျော့အဖြစ် ဘဲဥပုံရုံးခန်းမှာ လက်ခံတွေ့ဆုံခဲ့ပါတယ်။

■ ဟစ်ဇ်ဘိုလာရန်ကနေ လက်ဘနွန်ကာကွယ်နိုင်ဖို့ အတူတကွ လုပ်‌ဆောင်နေကြောင်း ထရမ့်က Truth Social မှာ ဖော်ပြထားပါတယ်။

■ သိပ်မကြာခင်မှာလည်း အစ္စရေးလ်ဝန်ကြီးချုပ် ဘင်ဂျမင်နေတန်ယာဟူနဲ့ လက်ဘနွန်သမ္မတ ဂျိုဆပ်အွန်တို့ကို လက်ခံတွေ့ဆုံဖို့လည်း ထရမ့်မျှော်လင့်နေပါတယ်။

■ သုံးပတ်တာ အပစ်အခတ် ရပ်စဲရေးချိန်အတွင်း ခေါင်းဆောင်များ တွေ့ဆုံဆွေးနွေးကြဖို့ မျှော်လင့်ကြောင်း သတင်းထောက်တွေကို ပြောပါတယ်။

■ ဒုသမ္မတ ဂျေဒီဗန့်စ်၊ နိုင်ငံခြားရေးဝန်ကြီး မာကိုရူဘီယို၊ အစ္စရေးလ်ဆိုင်ရာ အမေရိကန်သံအမတ် မိုက်ခ်ဟက်ကာဘီ၊ လက်ဘနွန်ဆိုင်ရာ အမေရိကန်သံအမတ် မီရှဲလ်အစ္စာတို့လည်း အစည်းအဝေး တက်ရောက်ခဲ့ကြပါတယ်။

■ ယခင် သဘောတူညီချက်က တနင်္ဂနွေနေ့မှာ သက်တမ်းကုန်ဆုံးမှာ ဖြစ်ပြီး အကြမ်းဖက် တိုက်ခိုက်မှုတွေ သိသိသာသာ လျော့ကျပေမယ့် လက်ဘနွန်တောင်ပိုင်းမှာ တိုက်ခိုက်မှုတွေ ဆက်လက်ဖြစ်ပွားနေပါတယ်။

Source: Reuters

#Local_News
Published 24 April 2026

■ ရန်ကုန်နှင့်မန္တလေး၌ မနက်အစောပိုင်းတွင် လူနေအိမ်နှင့်ဆိုင်ခန်း မီးလောင်မှုဖြစ်ပွားခဲ့ကြောင်းသိရသည်။

■ ဧပြီလ၂၄ ရက်နေ့၊ မနက် ၁ နာရီ၂၇မိနစ် အချိန်ခန့်က မန္တလေးတိုင်းဒေသကြီး၊ ပုသိမ်ကြီးမြို့နယ်၊ မြို့မရပ်ကွက်၊ အောင်မင်္ဂလာ(၁)ရပ်ကွက်တွင် နေအိမ်မီးလောင်မှုဖြစ်ပွားကြောင်းသတင်းရရှိသဖြင့် ပုသိမ်ကြီးမြို့နယ်မီးသတ်စခန်းမှ မီးသတ်ယာဉ်အုပ်စုဖြင့် ထွက်ခွာငြှိမ်းသတ်ခဲ့ရာ ၁နာရီ ၅၀မိနစ်အချိန်၌မီးငြိမ်းနိုင်ခဲ့ကြောင်း သိရသည်။

■ အလားတူ ဧပြီလ၂၄ ရက်နေ့၊ မနက် ၃ နာရီ၁၈မိနစ် အချိန်ခန့်က ရန်ကုန်တိုင်းဒေသကြီး၊ လှိုင်သာယာ(အရှေိ့ပိုင်း)မြို့နယ်၊ အမှတ်(၁၅)ရပ်ကွက်၊ ကျန်စစ်သားလမ်းမပေါ်တွင် မီးလောင်မှုဖြစ်ပွားကြောင်းသတင်းရရှိသဖြင့် လှိုင်သာယာ(အရှေိ့ပိုင်း)မြို့နယ်မီးသတ်စခန်းမှ မီးသတ်ယာဉ်အုပ်စုများ ထွက်ခွာငြှိမ်းသတ်ခဲ့ကြောင်း သိရသည်။

■ အဆိုပါမီးလောင်မှုဖြစ်စဉ်နှင့်ပျက်စီးဆုံးရှုံးမှုတန်ဖိုးများအား စုံစမ်းလျှက်ရှိကြောင်းသိရသည်။

#YMG/NN #Yangon_Times

#World_Science
Published 24 April 2026

■ ကမ္ဘာကြီးဟာ ပြီးခဲ့တဲ့ ဆယ်စုနှစ်အတွင်း ပျမ်းမျှ ၀.၃၅ ဒီဂရီဆဲလ်စီးယပ်စ်နှုန်းဖြင့် ပူနွေးလာခဲ့ပြီး ပြီးခဲ့တဲ့ နှစ် ၅၀ အတွင်း ၀.၂ ဒီဂရီထက် များစွာပိုများနေခဲ့ကြောင်း သိပ္ပံပညာရှင်တွေ တွေ့ရှိခဲ့ပါတယ်။

■ ယခုဆယ်စုနှစ်အကုန်မှာ ၁.၅ ဒီဂရီ ပူနွေးမှုရေမှတ်ကို အပြီးတိုင် ဖြတ်ကျော်မယ်လို့ ယူဆခဲ့ကြတာဟာ မှားယွင်းနေနိုင်တယ်လို့ ဆိုပါတယ်။

■ NASA ၊ NOAA တို့လို အဖွဲ့အစည်းကြီး ၅ ခုဆီကနေ အချက်အလက်များယူပြီး ကမ္ဘာကြီး ပူနွေးလာနှုန်းကို တိုင်းတာခဲ့ကြပါတယ်။

■ ဒီထဲမှာ အယ်နီညိုဖြစ်စဉ်များ၊ မီးတောင်ပေါက်ကွဲမှုများ၊ ဆိုလာအပူတို့လို သဘာဝဖြစ်စဉ်များလည်း ပါဝင်ပါတယ်။

■ ၂၀၁၅ ခုနှစ်တည်းက ကမ္ဘာကြီးပူနွေးလာမှုနှုန်းဟာ ၉၈ ရာခိုင်နှုန်းကျော် ပြသထားပါတယ်။

■ သိပ္ပံပညာရှင်တွေ မှတ်ယူထားတဲ့ ရာသီဥတုရေမှတ်တွေဟာ ထင်ထားတာထက် များစွာပိုမြန်အောင် ရောက်လာပါလိမ့်မယ်။

■ ယခင်လေ့လာချက်တွေမှာလည်း ကမ္ဘာကြီးဟာ ၀.၂၇ ဒီဂရီဆဲလ်စီးယပ်စ်နှုန်းဖြင့် ပူနွေးနေကြောင်း တွေ့ရှိထားပါတယ်။

■ ကမ္ဘာကြီး ဘယ်လောက်မြန်မြန် ပူနွေးလာလဲဆိုတာက ရုပ်ကြွင်းလောင်စာများမှ ကာဗွန်ဒိုင်အောက်ဆိုဒ် ထုတ်လွှတ်မှု ပပျောက်အောင် ဘယ်လောက်မြန်မြန် ဆောင်ရွက်နိုင်လဲဆိုတဲ့အပေါ် မူတည်နေပါတယ်။

■ ရုပ်ကြွင်းလောင်စာတွေအစား သန့်စင်စွမ်းအင်ကဏ္ဍကို ထဲထဲဝင်ဝင် ဆောင်ရွက်သင့်နေပြီ ဖြစ်ပါတယ်။

■ ရေခဲတောင်တွေ ရေခဲပြင်တွေ အရည်ပျော်နှုန်းမြန်ဆန်လာကာ ပင်လယ်ရေမျက်နှာပြင် မြင့်တက်နေပြီး ကမ်းရိုးတန်းဒေသတွေ စိုးရိမ်စရာ ဖြစ်လာပါတယ်။

Source: WION.

#World_Health
Published 24 April 2026

■ ပရိုတိန်းလိုအပ်ချက်က အားလုံးအတွက် တသမတ်တည်း မဟုတ်ဘဲ လှုပ်ရှားမှုအတိုင်းအတာ၊ အသက်အရွယ်၊ ကိုယ်အလေးချိန်အပါအဝင် အချက်အလက်များစွာအပေါ် မူတည်နေပါတယ်။

■ ခန္ဓာကိုယ်ဟာ ကြွက်သားများ တည်ဆောက်ပြုပြင်ခြင်းကစလို့ အစာခြေခြင်းအတွက် အင်ဇိုင်းထုတ်လုပ်ခြင်း၊ ပဋိဇီဝပစ္စည်းများ ထုတ်လုပ်ခြင်းတို့အထိ ပရိုတိန်းကို မှီခိုအားထားရပါတယ်။

■ အစာအိမ်အူလမ်းကြောင်းထဲမှာ ပြိုကွဲသွားပြီးနောက် စုပ်ယူသွားကာ တစ်ရှူးအသီးသီးအဖြစ်သို့ ပြင်ဆင်ပေးကြောင်း စတန်းဖို့ဒ်တက္ကသိုလ်မှ သိပ္ပံပညာရှင် ရေချယ်ပိုဂျက်နစ်က ပြောပါတယ်။

■ ပရိုတိန်းညွှန်ကြားချက်အသစ်ထဲမှာ တစ်နေ့ကို ကိုယ်အလေးချိန် တစ်ကီလိုဂရမ်လျှင် ပရိုတိန်း ၁.၂ မှ ၁.၆ ဂရမ် လိုအပ်ပါတယ်။

■ ၈၂ ဂရမ်မှ ၁၀၉ ဂရမ်လောက်အထိ လိုအပ်နိုင်ပါတယ်။

■ လေ့ကျင့်ခန်းလုပ်တဲ့အခါ ကြွက်သားအလုပ်လုပ်ရပြီး ပြုပြင်ရတာကြောင့် ပရိုတိန်းလိုအပ်ချက် ပိုများလာပါတယ်။

■ အသက်ကြီးသူတွေမှာ ကြွက်သားဆုံးရှုံးလာသဖြင့် ပရိုတိန်းစားသုံးခြင်း၊ သန်မာအောင် လေ့ကျင့်ခန်းလုပ်ခြင်းတို့ဖြင့် ချည့်နဲ့မသွားအောင် ကာကွယ်နိုင်ပါတယ်။

■ အသားရော အပင်အခြေပြုစားစရာတွေပါ ပရိုတိန်းလိုအပ်ချက်ကို ဖြည့်ပေးနိုင်ပေမယ့် အမိုင်နိုအက်ဆစ် ပြီးပြည့်စုံဖို့အတွက်ကတော့ အသီးအရွက်ရင်းမြစ် အမျိုးမျိုး လိုအပ်ပါတယ်။

■ ပရိုတိန်းအလွန်အကျွံ စားသုံးခြင်းကိုတော့ သတိပြုသင့်ပြီး အထူးသဖြင့် နာတာရှည် ကျောက်ကပ်ရောဂါရှိသူတွေမှာ သတိထားရပါမယ်။

Source: NPR

ကမ္ဘာပေါ်က လူငယ်လူဦးရေအများဆုံး တည်ရှိရာတစ်ခုဖြစ်တဲ့ အိန္ဒိယမှာ တရုတ်ပြည်သိုသွားကြတဲ့ ကျောင်းသားအရေအတွက် တိုးများနေပြီး အရည်အသွေးမြင့် ပညာရေးနဲ့ခိုင်မာတဲ့ အသက်မွေးဝမ်းကြောင်း ရှာဖွေလိုကြတာကြောင့် ဖြစ်ပါတယ်။

#Asia_Education
Published 23 April 2026
#အိန္ဒိယ #တရုတ်ပြည်
#YMG #Yangon_Times #Yangon_Media_Group

၂၃ဧပြီ၊၂၀၂၆-- မြန်မာသမ္မတသစ် ဦးမင်းအောင်လှိုင်က ဖမ်းဆီးထိန်းးသိမ်းခံထားရသော ဒေါ်အောင်  ဆန်းစုကြည်အတွက် "ကောင်းမွန်သောအရာများ" ကို စဉ်းစားပေးနေကြောင်း ထိုင်းနိုင်ငံခြားရေးဝန်ကြီး က ဗုဒ္ဓဟူးနေ့တွင် ပြောကြားခဲ့ကြောင်း ရိုက်တာသတင်းဌာနက သတင်းရေးသားသည်။

ဒေါ်အောင်ဆန်းစုကြည်၏ အခြေအနေနှင့်ပတ်သက်၍  မြန်မာခေါင်းဆောင် ဦးမင်းအောင်လှိုင်နှင့် ထိုင်း  ထိပ်တန်းသံတမန် နိုင်ငံခြားရေးဝန်ကြီး ဆီဟာဆတ် ဖောင်ကက်ကီယိုတို့ တွေ့ဆုံစဉ် ဗုဒ္ဓဟူးနေ့က နေပြည်တော်တွင် တွေ့ဆုံဆွေးနွေးခဲ့ကြခြင်းဖြစ်ကြောင်းသိရသည်။

အရှေ့တောင်အာရှနိုင်ငံများအဖွဲ့ (အာဆီယံ)အနေဖြင့် ဒေါ်အောင်ဆန်းစုကြည်၏ အခြေအနေနှင့် ပတ်သက်၍ စိုးရိမ်ပူပန်မှုနေကြောင်း ဆီဟာဆတ်က ဆက်လက်ပြောကြားပြီးနောက် အသက် ၈၀ အရွယ်ရှိ ဒေါ်အောင်ဆန်းစုကြည်အား "ကောင်းစွာ စောင့်ရှောက်ထားကြောင်း" သမ္မတဦးမင်းအောင်  လှိုင်က သူ့အား အသိပေးခဲ့သည်ဟု ဆီဟာဆတ်က ပြောသည်။

"အာဆီယံနိုင်ငံအများအပြားက ဒေါ်အောင်ဆန်းစုကြည်နဲ့ သူမရဲ့ ကျန်းမာရေးအတွက် စိုးရိမ်နေကြပါ   တယ်။ သူတို့အနေနဲ့ ကောင်းမွန်တဲ့အရာတွေကို စဉ်းစားနေတယ်လို့ သူကပြောတဲ့အတွက် ဒါဟာ ကောင်းတဲ့ကိစ္စတစ်ခု ဖြစ်နိုင်ပါတယ်" ဟု ဆီဟာဆတ်က ပြောကြားခဲ့သည်၊ သို့သော် ဦးမင်းအောင်လှိုင် က အသေးစိတ် မပြောခဲ့ကြောင်း သူကဖြည့်စွက်ပြောကြားခဲ့သည်။

ထိုင်းနိုင်ငံအနေဖြင့် မြန်မာနိုင်ငံ၏ ပြင်းထန်သော ပြည်တွင်းစစ်ကို အဆုံးသတ်ရန်နှင့် အာဆီယံနှင့် ဆက်ဆံရေးပြေလျော့ရန် ကြိုးပမ်းမှုများကို ကူညီပံ့ပိုးပေးရန် အသင့်ရှိကြောင်း ဆီဟာဆတ်က ပြော   ကြားခဲ့သည်။

"သူတို့က ပိုကောင်းတဲ့ ဦးတည်ချက်ဆီကို ရွေ့လျားနေတယ်ဆိုတာကို ပြသဖို့ ကြိုးစားနေပါတယ်" ဟု ထိုင်းအစိုးရက မီဒီယာများထံ မျှဝေထားသော ဗီဒီယိုတစ်ခုတွင် သူက မှတ်ချက်ပေး ပြောကြားခဲ့သည်။

"ဒီအရာတွေက မရှိမဖြစ် အရေးကြီးပါတယ်။ ဘာဖြစ်လို့လဲဆိုတော့ သူတို့ကို အာဆီယံကို ပြန်လာစေ  ချင်လို့ပါ။ ကျွန်တော်တို့က သူတို့ကို ကူညီချင်ပေမယ့် သူတို့ကိုယ်သူတို့ မကူညီနိုင်ဘူးဆိုရင်တော့ ကျွန်တော်တို့လည်း ကူညီနိုင်မှာ မဟုတ်ပါဘူး။" ဟုသူကဆက်ပြောသည်။

Source Reuters

#Local_News
Published 23 April 2026

■ မန္တလေးတိုင်း ၊ပုသိမ်ကြီးမြို့နယ်ရှိကျေးရွာအချို့၌ ယမာန်နေ့ညပိုင်းကမိုးသက်လေပြင်းများတိုက်ခတ်၍သစ်ပင်များပြိုလဲသောကြောင့်ရှင်းလင်းရေးများပြုလုပ်ခဲ့ရကြောင်းသိရသည်။

■ ဧပြီ၂၂ ရက်နေ့၊ ည၁၁နာရီ အချိန်က မန္တလေးတိုင်းဒေသကြီး၊ ပုသိမ်ကြီးမြို့နယ်အတွင်း မိုးရွာသွန်းပြီး လေပြင်းတိုက်ခတ်သဖြင့် ရွာရှည်ကျေးရွာ၊ ဆည်မြောင်းဘောင်လမ်းတွင် သစ်ပင်လဲကျမှုဖြစ်ပွားခဲ့ကြောင်း သိရသည်။

■ အလားတူ ဧပြီ၂၂ ရက်နေ့၊ ည၁၁နာရီ အချိန်ကမန္တလေးတိုင်းဒေသကြီး၊ ပုသိမ်ကြီးမြို့နယ်အတွင်း မိုးရွာသွန်းပြီး လေပြင်းတိုက်ခတ်သဖြင့် ကျောက်မီးကျေးရွာတွင် သစ်ပင်လဲကျ၍ နေအိမ်ပေါ်သို့ပိမိခဲ့ကြောင်း သိရသည်။

■ ဧပြီ၂၂ ရက်နေ့၊ ည၁၁နာရီ အချိန်က မန္တလေးတိုင်းဒေသကြီး၊ ပုသိမ်ကြီးမြို့နယ်အတွင်း မိုးရွာသွန်းပြီး လေပြင်းတိုက်ခတ်သဖြင့် သမ္မတောကျေးရွာနှင့် ကျောက်မီးကျေးရွာကြားရှိ မန္တလေး-ပြင်ဦးလွင်ကားလမ်း လမ်းလယ်ကျွန်းနှင့် လမ်းဘေးဝဲယာရှိ သစ်ပင်များလဲကျပြီး လမ်းပိတ်ခဲ့ကြောင်းသိရသည်။

■ အဆိုပါဖြစ်စဉ်များ ဖြစ်ပွားရာနေရာများသို့ပုသိမ်ကြီးမြို့နယ်မီးသတ်စခန်မှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ရှင်းလင်းရေးလုပ်ငန်းများ ထွက်ခွာဆောင်ရွက်ခဲ့ကြောင်းသိရသည်။

#YMG/NN #Yangon_Times

#Local_News
Published 23 April 2026

■ မြစ်ကြီးနားတက္ကသိုလ်မှ ကျောင်းသား ၊ကျောင်းသူ ၁၉ ဦး တရုတ်နိုင်ငံ GXETVI တွင် ပညာသင်ဆုဖြင့် တက်ရောက်မည်ဖြစ်ကြောင်း သိရသည်။

■ မြစ်ကြီးနားတက္ကသိုလ်သည်ပညာရေးဝန်ကြီးဌာန ပြည်ထောင်စုဝန်ကြီး၏ ကြီးကြပ်မှုဖြင့် နိုင်ငံတကာနှင့် ပူးပေါင်းဆောင်ရွက်မှုများကို တိုးမြှင့်ဆောင်ရွက်လျက်ရှိခြင်းဖြစ်သည်။

■ အဆိုပါ မြစ်ကြီးနားတက္ကသိုလ်မှ ကျောင်းသား ကျောင်းသူ ၁၉ ဦးသည် တရုတ်ပြည်သူ့သမ္မတနိုင်ငံ နန်နင်းမြို့ရှိ Guangxi Economic and Trade Vocational Institute (GXETVI) ၌ "Fashion and Apparel Design" ဘာသာရပ်ဖြင့် သုံးနှစ်တာဒီပလိုမာသင်တန်း (Diploma in Fashion and Apparel Design) ကို အပြည့်ပညာသင်ဆု (Full Scholarship)ဖြင့် တက်ရောက်ရန်အတွက် ယမာန်နေ့က ရန်ကုန်အပြည်ပြည်ဆိုင်ရာလေဆိပ်မှ ထွက်ခွာသွားသည်။

■ ယခုကဲ့သို့ သွားရောက်ပညာသင်ကြားခြင်းဖြင့် ပြည်တွင်းရှိ အသေးစား၊ အလတ်စား စီးပွားရေး လုပ်ငန်းများ (MSMEs) အတွက် အဓိကကျသော အထည်အလိပ်နှင့် ဒီဇိုင်းကဏ္ဍ၌ ခေတ်မီနည်းပညာရှင်များ ပေါ်ထွက်လာစေရန်နှင့် ကုန်ကြမ်းတင်ပို့မှုထက် နိုင်ငံတကာအဆင့်မီ တန်ဖိုးမြှင့်ကုန်ချောများကို ကိုယ်တိုင်ဒီဇိုင်းရေးဆွဲထုတ်လုပ်နိုင်သည့် လူ့စွမ်းအားအရင်းအမြစ်များ ပျိုးထောင်ပေးနိုင်ရန် ရည်ရွယ်ခြင်းဖြစ်ကြောင်း၊ ထို့ပြင် တရုတ်နိုင်ငံ၏ ခေတ်မီနည်းပညာများကို သင်ယူခွင့်ရရှိခြင်းကြောင့် ပြည်တွင်းရှိ သက်မွေးပညာကဏ္ဍ (TVET) ဖွံ့ဖြိုးမှုကို အထောက်အကူပြုစေမည့် နည်းပညာကူးပြောင်းမှု (Technology Transfer) များ ရရှိစေရန်လည်း မျှော်မှန်းထားကြောင်း သိရသည်။

■ အဆိုပါ ကျောင်းသား ကျောင်းသူများက ဧပြီ ၂၇ ရက်မှစတင်၍ သင်တန်းများကို တက်ရောက်ကြမည်ဖြစ်ပြီး ယခုပူးပေါင်းဆောင်ရွက်မှုသည် မြစ်ကြီးနားတက္ကသိုလ်၏ နိုင်ငံတကာပညာရေးကဏ္ဍ မြှင့်တင်မှုအတွက် ကြီးမားသော ခြေလှမ်းတစ်ရပ်ဖြစ်ကာ ဤကဲ့သို့ နိုင်ငံတော်အတွက် ဘဏ္ဍာငွေကုန်ကျမှုမရှိဘဲ ပြည့်စုံသောပညာသင်ဆုအစီအစဉ်ဖြင့် အရည်အသွေးမြင့်ပညာရပ်များကို သင်ယူခွင့်ရရှိခြင်းသည် နိုင်ငံတော်နှင့်တက္ကသိုလ်အတွက် အကျိုးကျေးဇူးများစွာရရှိစေမည်ဖြစ်ကြောင်း သိရသည်။

#YMG/NN #Yangon_Times

#Daily_News
Published 23 April 2026

၁။‌ မြန်မာအမျိုးသားလေကြောင်းလိုင်းက မာန်အောင်နှင့်ကျောက်ဖြူမြို့များသို့ တစ်ပတ်(၃)ရက် ပြေးဆွဲပေးမည်

‌‎၂။ ‌‌‌‌‌‌‌‌‌‌‌ရန်ကုန်နှင့်ဒေသအစုံ၌လျှပ်စစ်ဓာတ်အားများတိုးမြှင့်ဖြန့်ဖြူးပေးသွားမည်

‎၃။‌‌‎ ‌‌‌‌‌‌‌‌‌𝐂𝐨𝐧𝐬𝐭𝐫𝐮𝐜𝐭𝐢𝐨𝐧 𝐌𝐚𝐧𝐚𝐠𝐞𝐦𝐞𝐧𝐭 & 𝐭𝐫𝐚𝐢𝐧𝐢𝐧𝐠 𝐒𝐨𝐟𝐭𝐰𝐚𝐫𝐞 နည်းပညာသင်တန်းဖွင့်လှစ်မည်

၄။‎ ‌‌‌‌‌‌‌‌‌အိန္ဒိယမှတရုတ်ပြည်သို့တက္ကသိုလ်တက်ရောက်သူအရေအတွက်တိုးများ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပို့ဆောင်ရေးဝန်ကြီးဌာန၊ မြန်မာအမျိုးသားလေကြောင်းလိုင်းအနေနဲ့ လမ်းပန်းဆက်သွယ်မှု ခက်ခဲတဲ့မြို့များသို့ လေယာဉ်ခရီးစဉ်များ တိုးချဲ့ပျံသန်းပြေးဆွဲမှာဖြစ်ရာမာန်အောင်နဲ့ကျောက်ဖြူမြို့များသို့ တစ်ပတ်၃ရက် ပြေးဆွဲပေးမယ်လို့သိရပါတယ်။

#Local_News
Published 23 April 2026
#မြန်မာအမျိုးသားလေကြောင်းလိုင်း #မာန်အောင်_ကျောက်ဖြူမြို့
#YMG/SW #Yangon_Times

ရန်ကုန်တိုင်းအပါအဝင်တိုင်းနဲ့ပြည်နယ် တွေမှာ လျှပ်စစ်ဓာတ်အားများတိုးမြှင့်ဖြန့်ဖြူးပေးသွားမယ်လိုလျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီးကပြောပါတယ်။

#Local_News
Published 23 April 2026
#လျှပ်စစ်ဓာတ်အား #ရန်ကုန်တိုင်း
#YMG/NN #Yangon_Times