#Daily_News
Published 25 April 2026

၁။‌ လမ်းပန်းဆက်သွယ်မှုခက်ခဲသည့် မြို့များသို့မြန်မာအမျိုးသားလေကြောင်းမှ လေယာဉ်ခရီးစဉ်များ စတင်ပျံသန်းပြေးဆွဲ

‌‎၂။ ‌‌‌‌စားအုန်းဆီလက်ကားရည်ညွန်း‌ဈေးကျပ် ငါး‌ရာ‌ကျော်မြင့်တက်လာ

‎၃။‌‌‎ ရန်ကုန်စတော့အိတ်ချိန်း၌ စာရင်းဝင်ကုမ္ပဏီ တစ်ခုထပ်မံဝင်ရောက်ရန်ပြင်ဆင်နေ

၄။‎ ‌‌‌‌‌‌‌‌‌တရုတ်ပြည်မှ ဟွာလုံ-၁ ပထမဆုံးနျူကလီးယားဓာတ်အားပေးစက်ရုံစတင်လည်ပတ်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 25 April 2026

■ တိုင်းနှင့်ပြည်နယ်အချို့မှာအချိန်အခါမဟုတ်မိုးရွာနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၏ ယနေ့ထုတ်ပြန်ချက်အရသိရသည်။

■ ယနေ့ညနေအထိခန့်မှန်းချက်အရ နေပြည်တော်၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ တနင်္သာရီ တိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်နှင့် ရှမ်း ပြည်နယ်တို့တွင် နေရာကွက်ကျား မိုးထစ်ချုန်းရွာနိုင်ပြီး ကျန်တိုင်းဒေသကြီးနှင့် ပြည်နယ်တို့တွင် တိမ်အသင့်အတင့် ဖြစ်ထွန်းမည်ဖြစ်ကြောင်းသိရသည်။

■ နောက် ၂ ရက်အတွက်ခန့်မှန်းချက်မှာ နေပြည်တော်၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင် ပြည်နယ်၊ ချင်းပြည်နယ်နှင့် ရှမ်းပြည်နယ်တို့တွင် နေရာကွက်ကျားမှ နေရာကျဲကျဲ မိုးထစ်ချုန်းရွာနိုင်နည်ဖြစ်သည်။

■ ယနေ့ညနေအထိခန့်မှန်းချက်မှာ နေပြည်တော်နှင့်အနီးတစ်ဝိုက်၊မန္တလေးမြို့နှင့်အနီးတစ်ဝိုက်တို့တွင်နေရာကွက်ကျား မိုးအနည်းငယ် ထစ်ချုန်း ရွာနိုင်ပြီးရန်ကုန်မြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။

■ တိမ်အသင့်အတင့် ဖြစ်ထွန်းမည်ဖြစ်ကြောင်းသိရသည်။

#YMG/NN #Yangon_Times

#World_News
Published 25 April 2026

■ အမေရိကန်နဲ့ ငြိမ်းချမ်းရေးဆွေးနွေးမှုများ ပြန်လည်စတင်ရန် အဆိုပြုချက်များအတွက် အီရန်နိုင်ငံခြားရေးဝန်ကြီး အက်ဘက်စ်အာရက်ချီဟာ သောကြာနေ့မှာ ပါကစ္စတန်မြို့တော် အစ္စလာမာဘက်သို့ ရောက်ရှိလာပါတယ်။

■ ၈ ပတ်ကြာမြင့်နေပြီဖြစ်တဲ့ စစ်ပွဲကြီး အဆုံးသတ်ရေး မျှော်လင့်ချက်အချို့ မြင်လာရပြီ ဖြစ်ပါတယ်။

■ အီရန်က အမေရိကန် လိုချင်တဲ့အချက်တွေကို ဖြည့်ဆည်းပေးမယ့် ကမ်းလှမ်းချက် ပြင်ဆင်ထားတယ်လို့ အမေရိကန်သမ္မတ ဒေါ်နယ်ထရမ့် ပြောပါတယ်။

■ ဒါပေမဲ့ အီရန်အရာရှိတွေကတော့ အမေရိကန်ကိုယ်စားလှယ်တွေနဲ့ တွေ့ဆုံသွားဖို့ မရှိဘူးလို့ အီရန်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ ဖော်ပြထားပါတယ်။

■ အမေရိကန် တိုက်ခိုက်မှုတွေနဲ့ ဟော်မုဇ်ရေလက်ကြားကို အီရန်ပိတ်ဆို့အပြီးမှာ အီရန် ရေနံတင်ပို့မှုတွေ ပိတ်ဆို့သွားသလို အမေရိကန်လောင်စာဆီ ဈေးနှုန်းတွေလည်း အမြင့်ဆုံးရောက်ရှိသွားပါတယ်။

■ အိမ်ဖြူတော်စာနယ်ဇင်းဝန်ကြီး ကယ်ရိုလင်းလီဗစ်က အမေရိကန်အထူးသံတမန်တွေဖြစ်တဲ့ စတိဗ်ဝစ်ကော့ဗ်နဲ့ ဂျရတ်ကုရှ်နာတို့ ပါကစ္စတန်သို့ ထွက်ခွာမယ်လို့ ပြောထားပါတယ်။

■ ဆွေးနွေးမှုတွေ ပြုလုပ်ရန်အတွက် အမေရိကန်ပို့ဆောင်ရေးနဲ့ လုံခြုံရေးအဖွဲ့ အစ္စလာမာဘက်သို့ ရောက်ရှိနေပြီးဖြစ်တယ်လို့ ပါကစ္စတန်သတင်းရင်းမြစ်တွေ ပြောနေပါတယ်။

■ ကာတာနိုင်ငံကတော့ ကြားဝင်စေ့စပ်ပေးနေတဲ့ ပါကစ္စတန်ရဲ့ အားထုတ်မှုတွေကို ထောက်ပံ့ကူညီနေပါတယ်။

■ ဟော်မုဇ်ရေလက်ကြား ပိတ်ဆို့ခံရခြင်းကြောင်း သင်္ဘောအသွားအလာ အနည်းဆုံးဖြစ်နေပြီး ရေနံဈေးတွေ မြင့်တက်နေဆဲဖြစ်ပါတယ်။

Source: Reuters

#World_Health
Published 25 April 2026

■ အာဟာရဓာတ်တွေ ပြည့်ဝနေတဲ့ သစ်ကြားသီးဟာ နှလုံးကျန်းမာရေးနဲ့ ကင်ဆာတိုက်ဖျက်အာနိသင်တွေ မြှင့်တင်ပေးနိုင်တဲ့အပြင် ကျန်းမာနုပျိုစွာ အိုမင်းလာခြင်းကိုလည်း ထောက်ကူပေးနိုင်တယ်လို့ သုတေသန တွေ့ရှိထားပါတယ်။

■ ALA အိုမီဂါ-၃ ဖက်တီးအက်ဆစ်များ ကြွယ်ဝတဲ့အပြင် အမျှင်ဓာတ်၊ အသီးအရွက်ပရိုတိန်း၊ ဓာတ်တိုးဆန့်ကျင်ပစ္စည်းများနဲ့ အဓိကမိုက်ခရိုအာဟာရဓာတ်များလည်း ပါဝင်ပါတယ်။

■ ဒီလိုအာဟာရဓာတ်တွေကြောင့်ပဲ သစ်ကြားသီးမှာ အိုမင်းဆန့်ကျင်ရင်းမြစ်တွေ ရှိနေတာဖြစ်ပါတယ်။

■ သစ်ကြားသီးစားသုံးခြင်းဖြင့် နှလုံးသွေးကြောရောဂါ၊ စိတ်ဓာတ်ကျခြင်း၊ ဆီးချိုအပါအဝင် အချို့သောရောဂါများ ဖြစ်နိုင်ခြေ လျော့ကျစေတဲ့အပြင် အသက်အရွယ်ကြောင့် ဦးနှောက်အသိဉာဏ် ကျဆင်းလာခြင်းကိုလည်း ကာကွယ်နိုင်ပါတယ်။

■ သစ်ကြားသီးက နှလုံးနဲ့ အူလမ်းကြောင်းကျန်းမာရေးကို ကူညီပေးကာ ရောင်ရမ်းမှု လျှော့ချပေးပြီး ကျန်းမာရေးနဲ့ သက်ရှည်ကျန်းမာခြင်းကို မြှင့်တင်ပေးပါတယ်။

■ လေ့လာချက်အရ တစ်ပတ်ကို သစ်ကြားသီး နှစ်ကြိမ်ခန့်စားပေးတဲ့ အမျိုးသမီးတွေဟာ ကျန်းမာစွာ အိုမင်းနိုင်ခြေ ၂၀ ရာခိုင်နှုန်း ပိုများတာကို တွေ့ရပါတယ်။

■ ကျန်းမာစွာ အိုမင်းခြင်းဆိုတာက စိတ်ကျန်းမာရေး၊ နာတာရှည်ရောဂါကြီးများ၊ မှတ်ဉာဏ်ပြဿနာများ၊ ရုပ်ပိုင်းချို့ယွင်းခြင်းများ မရှိဘဲ အသက်ကြီးလာတာကို ဆိုလိုပါတယ်။

■ သစ်ကြားသီးကို နေ့စဉ် ၁၀ ဂရမ် စားပေးခြင်းဖြင့် နှလုံးသွေးကြောရောဂါ ဖြစ်နိုင်ခြေ နည်းစေပြီး မကောင်းတဲ့ LDL ကိုလက်စထရောတွေ လျော့ကျစေကာ နှလုံးကျန်းမာရေး တိုးတက်စေနိုင်ပါတယ်။

■ စားသင့်တဲ့ ပမာဏကတော့ တစ်ပတ်ကို ဆားမပါတဲ့ သစ်ကြားသီး ၄-၆ ကြိမ်ခန့် အသင့်အတင့် စားပေးဖို့ အကြံပြုထားပါတယ်။

Source: AOL

#World_Health
Published 25 April 2026

■ အသက် ၅၅ နှစ်အရွယ် အက်ဝပ်ဝေါလ်ဒါဟာ ဦးနှောက်ကင်ဆာတစ်မျိုး ဖြစ်ပေါ်ထားပါတယ်။

■ ဒီလိုကင်ဆာမျိုးကို ပုံမှန်အားဖြင့် အကျိတ်ခွဲစိတ်ဖယ်ရှားပြီး ဓာတ်ရောင်ခြည်၊ ဓာတုကုထုံးတို့ဖြင့် ကုသစေပါတယ်။

■ ဒီနောက်မှာတော့ ရောဂါဟာ အမြဲတမ်းနီးပါး ပြန်လည်ဖြစ်ပေါ်ပါတယ်။

■ ကယ်ဂေရီတက္ကသိုလ်မှ သုတေသီတွေက နိုင်ယာဆင်လို့ခေါ်တဲ့ ဗိုက်တာမင်-ဘီ၃ ပမာဏများများက အဆိုပါကုသနည်းထဲ ထည့်သွင်းခြင်းက ရလဒ်တိုးတက်စေမလားဆိုတာကို လေ့လာနေကြပါတယ်။

■ ဒီလေ့လာချက်ကို ဦးနှောက်ကင်ဆာအထူးကု ဒေါက်တာ ဂလိုရီယာရိုဒန်အာဂိုတီနဲ့ အာရုံကြောသိပ္ပံပညာရှင် ဒေါက်တာ ဝီယောင်တို့ဦးဆောင်ကာ နိုင်ယာဆင်က အားနည်းနေတဲ့ ခုခံအားဆဲလ်တွေရဲ့ လုပ်ဆောင်ချက်ကို ပြန်လည်နိုးဆွကာ အကျိတ်ဆဲလ်တွေကို တိုက်ခိုက်စေနိုင်မလားဆိုတာ လေ့လာဖို့ ဖြစ်ပါတယ်။

■ ကြွက်တွေနဲ့ စမ်းသပ်ရာမှာ နိုင်ယာဆင်က ခုခံအားဆဲလ်တွေကို ပြန်လည်ရှင်သန်စေပြီး ကင်ဆာဆဲလ်တွေကို တိုက်ခိုက်တဲ့အလုပ် လုပ်စေတာတွေ့ရတယ်လို့ ဝီယောင်က ပြောပါတယ်။

■ လူနာ ၂၄ ဦးရဲ့ အစောပိုင်းရလဒ်များအရ ၈၂ ရာခိုင်နှုန်းဟာ ၆ လအတွင်း ရောဂါဆိုးရွားလာခြင်း မရှိခဲ့ပါဘူး။

■ ရလဒ်ကောင်းတွေ တွေ့ရပေမယ့် ဦးနှောက်ကင်ဆာရဲ့ ဆိုးရွားလာနိုင်တဲ့ သဘာဝနဲ့ နိုင်ယာဆင် ပမာဏများပြားခြင်းရဲ့ အန္တရာယ်တွေကို သုတေသီတွေ သတိပေးထားပါတယ်။

■ ပါဝင်စမ်းသပ်ခံသူ ၄၈ ဦးဖြင့် နောက်ဆုံးဆန်းစစ်မှုကို ၂၀၂၆ နှောင်းပိုင်း ဒါမှမဟုတ် ၂၀၂၇ အစောပိုင်း ပြုလုပ်သွားဖွယ် ရှိပါတယ်။

Source: SciTechDaily

အရှေ့အလယ်ပိုင်းစစ်ပွဲ မရေမရာဖြစ်နေတဲ့ကြား ပါကစ္စတန်မှာ လောင်စာဆီဈေးနှုန်း မြင့်တက်ခြင်းနဲ့ လျှပ်စစ်မီးပြတ်တောက်ခြင်းတို ခံစားနေရပါတယ်။

#World_Crisis
Published 24 April 2026
#ပါကစ္စတန် #လျှပ်စစ်မီးပြတ်တောက်
#YMG #Yangon_Times #Yangon_Media_Group

မြန်မာအပြည်ပြည်ဆိုင်ရာလေကြောင်း(MAI) နဲ့ အင်ဒိုနီးရှား Perkasa Flight School တို့ ပူးပေါင်းကာ Cadet Pilot Program ကို ဖွင့်လှစ်သွားမယ်လို့သိရပါတယ်။

#Local_News
Published 24 April 2026
#MAI #Cadet_Pilot_Program
#YMG/SW #Yangon_Times

တစ်နှစ်တာအတွင်းရန်ကုန်တိုင်းဒေသကြီးအတွင်းရှိ အာမခံအလုပ်သမား ၁၁သိန်းကျော်ကို ကျန်းမာရေးစောင့်ရှောက်မှုတွေ ဆောင်ရွက်ပေးပြီးဖြစ်တယ်လို့ အလုပ်သမားဝန်ကြီးဌာနက သိရပါတယ်။

#Local_News
Published 24 April 2026
#အာမခံအလုပ်သမား
#YMG/NN #Yangon_Times

ဒေသခံတောင်သူများရဲ့ လူမှုစီးပွားဘဝဖွံဖြိုးတိုးတက်ပြီး စိုက်ပျိုးသီးနှံများ ပန်းတိုင်အထွက်နှုန်းရရှိစေရန်ရည်ရွယ်ကာ ရှမ်းပြည်နယ်အစိုးရအဖွဲ့နှင့် လျှပ်စစ်နှင့်စွမ်းအင်ဝန်ကြီးဌာနပူးပေါင်းကာ ပအိုဝ်းကိုယ်ပိုင်အုပ်ချုပ်ခွင့်ရဒေသအတွင်းရှိ စိုက်ပျိုးတောင်သူများလက်ဝယ်အရောက် စက်သုံးဆီနှင့်ဓာတ်မြေဩဇာ ဖြန့်ဖြူးရောင်းချခြင်းအခမ်းအနားကို ယမန်နေ့နံနက်ပိုင်းက ပအိုဝ်းကိုယ်ပိုင်အုပ်ချုပ်ခွင့်ရဒေသ ဆီဆိုင်မြို့နယ်၊ ပုံးအင်းကျေးရွာအုပ်စု၊ ဝမ်ပုံကျေးရွာမှာ ကျင်းပခဲ့တယ်လို့သိရပါတယ်။

#Local_News
Published 24 April 2026
#ပအိုဝ်းကိုယ်ပိုင်အုပ်ချုပ်ခွင့်ရဒေသ #စက်သုံးဆီ
#YMG/SW #Yangon_Times

အခုတစ်ပတ်အတွက် စက်သုံးဆီရည်ညွှန်းဈေးတွေ မှာ စက်သုံးဆီဈေးအားလုံး ကျဆင်းလာပြီးဒီဇယ်တစ်လီတာကိုကျပ်(၇၀၀)ကျော်အထိကျဆင်းလာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီရဲ့ ဒီကနေ့ထုတ်ပြန်တဲ့စာရင်းတွေအရ သိရပါတယ်။

#Local_News
Published 24 April 2026
#စက်သုံးဆီ
#YMG/NN #Yangon_Times

#Daily_News
Published 24 April 2026

၁။‌ MAI နှင့် အင်ဒိုနီးရှား Perkasa Flight School တို ပူးပေါင်း၍ Cadet Pilot Program ကို ဖွင့်လှစ်မည်

‌‎၂။ ‌‌‌‌အာမခံအလုပ်သမား ( ၁၁ )သိန်းကျော်ကိုကျန်းမာရေးစောင့်ရှောက်မှုပေး

‎၃။‌‌‎ ပအိုဝ်းကိုယ်ပိုင်အုပ်ချုပ်ခွင့်ရဒေသအတွင်းရှိ တောင်သူများလက်ဝယ်အရောက် စက်သုံးဆီနှင့်ဓာတ်မြေဩဇာဖြန့်ဖြူးရောင်းချ

၄။‎ ‌‌‌‌‌‌‌‌‌ပါကစ္စတန်၌လောင်စာဆီဈေးနှုန်းမြင့်တက်ခြင်းနှင့်လျှပ်စစ်မီးပြတ်တောက်ခြင်းပြဿနာများကြုံတွေ့... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 24 April 2026

■ ဧရာဝတီတိုင်းဒေသကြီးချောင်းသာနှင့်ငွေဆောင်ကမ်းခြေများ၌ ၂၀၂၆ ခုနှစ်၊ လူရည်ချွန်စခန်းဖွင့်လှစ်သွားမည်ဖြစ်ကြောင်းသိရသည်။

■ အဆိုပါချောင်းသာနှင့်ငွေဆောင်ကမ်းခြေတို့တွင် ၂၀၂၆ ခုနှစ်၊ လူရည်ချွန်စခန်းဖွင့်လှစ်နိုင်ရေး လုပ်ငန်းညှိနှိုင်းအစည်းအဝေးကို ဧပြီ ၂၃ ရက်၊ မနက်ပိုင်းက တိုင်းဒေသကြီးအစိုးရအဖွဲ့ရုံး အစည်းအဝေးခန်းမ(၁)၌ပြုလုပ်ခဲ့ရာ တိုင်းဒေသကြီး ဝန်ကြီးချုပ် ဦးအေးကျော်၊ လူမှုရေးရာဝန်ကြီး၊ သက်ဆိုင်ရာဌာနများမှ တာဝန်ရှိသူများ တက်ရောက်ခဲ့ကြောင်း သိရသည်။

■ ယင်းအစည်းအဝေးတွင်တိုင်းဒေသကြီးဝန်ကြီးချုပ်က တိုင်းဒေသကြီးအတွင်းရှိ ချောင်းသာကမ်းခြေနှင့် ငွေဆောင်ကမ်းခြေတွင် လူရည်ချွန်စခန်းများကို နှစ်စဉ်ဖွင့်လှစ်ခဲ့ပြီး လူရည်ချွန်များအနေဖြင့် အပန်းဖြေခြင်းအပြင် ဒေသအတွင်း၌ရှိသည့် သိသင့်သိထိုက်သည့် လုပ်ငန်းများ၊ ဒေသထွက်ကုန်များအပြင် ဗဟုသုတများရရှိစေမည့်နေရာ၊ ဒေသများသို့ လေ့လာ၊ လည်ပတ်ခြင်းများကို ဆောင်ရွက်သွားမည်ဖြစ်ကြောင်း နှင့် ယခုအချိန်သည် ရာသီဥတုပူပြင်းသည့်အတွက် လူရည်ချွန်များ သက်သောင့်သက်သာဖြင့် သွားလာလည်ပတ်နိုင်ရေး ဆောင်ရွက်ပေးရန် လိုအပ်မည်ဖြစ်ကြောင်းပြောကြားသည်။

■ ထိုသို့လေ့လာလည်ပတ်သည့် အစီအစဉ်တွင် စနစ်တကျဖြစ်စေရေး ကြိုတင်စီမံဆောင်ရွက်ရန်လိုပါကြောင်း၊ လူရည်ချွန်များ၏ လုံခြုံရေး၊ ယာဉ်စည်းကမ်း၊ လမ်းစည်းကမ်း အန္တရာယ်ကင်းရှင်းရေးနှင့် ကျန်းမာရေးစောင့်ရှောက်မှုများကိုလည်း စနစ်တကျဖြစ်အောင် ဆောင်ရွက်ရမည်ဖြစ်ကြောင်း၊ လူရည်ချွန်မောင်မယ်များအတွက် အစားအသောက်များသည် သန့်ရှင်းလက်ဆတ်သော ဒေသ အစားအစာများဖြစ်စေရေး ကိုလည်း ဆောင်ရွက်ထားရှိရန်လိုအပ်မည်ဖြစ်ကြောင်း၊ လူရည်ချွန်မောင်မယ်များသည် အနယ်နယ်အရပ်ရပ်မှ လာရောက်သူများဖြစ်သဖြင့် မလိုလားအပ်သည့် အန္တရာယ်များမဖြစ်ပေါ်စေရန် သက်ဆိုင်ရာတာဝန်ရှိသူများက အလေးထားကြီးကြပ် ဆောင်ရွက်ရမည်ဖြစ်ကြောင်း၊ သက်ဆိုင်ရာဌာနများအနေဖြင့်လည်း ယခင်နှစ်များ၏ အားနည်းချက်များကို ကြိုတင်ပြင်ဆင်၍ တာဝန်ရှိသူများအားလုံး ပူးပေါင်းဆောင်ရွက်ကြရမည်ဖြစ်ကြောင်း ၎င်းကဆက်လက်ပြောကြားသည်။

■ ထို့နောက် ပုသိမ်တက္ကသိုလ်ပါမောက္ခချုပ်၊ တိုင်းဒေသကြီးပညာရေးမှူးနှင့် တာဝန်ရှိသူများက လူရည်ချွန်စခန်းဖွင့်လှစ်နိုင်ရေး ကြိုတင်ပြင်ဆင်ဆောင်ရွက်ထားရှိမှုများနှင့် အထွေထွေဆွေးနွေးတင်ပြချက်များ အပေါ် တိုင်းဒေသကြီးဝန်ကြီးချုပ်က လိုအပ်သည်များကို ဖြည့်စွက်ဆွေးနွေးခဲ့ပြီး ကော်မတီများအလိုက် ပူးပေါင်းဆောင်ရွက်ရမည့် ကိစ္စရပ်များအား ညှိနှိုင်းဆောင်ရွက်ပေးခဲ့ကြောင်းသိရသည်။

#YMG/NN #Yangon_Times