#World_Health
Published 19 August 2024

▪️ ပဲစေ့နက်စားသုံးခြင်းဖြင့် သွေးပေါင်ချိန် ကျဆင်းစေခြင်း၊ အိပ်ပျော်စေခြင်း၊ ကိုယ်အလေးချိန်ကျခြင်း၊ ကင်ဆာဖြစ်နိုင်ခြေ လျော့နည်းခြင်းတို့ ပေးစွမ်းနိုင်ကြောင်း သုတေသန တွေ့ရှိထားပါတယ်။

▪️ ပဲစေ့နက်မှာ ဖိုင်တိုဓာတုပစ္စည်းများ ပါဝင်ပြီး သွေးကြောလုပ်ဆောင်ချက်တွေကို တိုးတက်စေပါတယ်။

▪️ ၂၀၂၀ ခုနှစ်က ဓာတ်ခွဲခန်းထဲမှာ ကြွက်တွေကို ပဲစေ့ဖြူနဲ့ ပဲစေ့နက်တို့ စားသုံးစေခဲ့ရာ ပဲစေ့နက်စားသုံးတဲ့ ကြွက်တွေက သွေးဖိအားများခြင်းကို လျှော့ချနိုင်ပြီး သွေးကြောကျုံ့နိုင်ဆန့်နိုင်စွမ်း ပိုများကြောင်း တွေ့ရှိခဲ့ပါတယ်။

▪️ ၅၀ ရာခိုင်နှုန်းသော အမေရိကန်လူမျိုးတွေ သွေးပေါင်ချိန်မြင့်တက်နေကြရာ ပဲစေ့နက်ကို ထည့်သွင်းစားသုံးခြင်းဖြင့် အကျိုးရှိစေမယ်လို့ သုံးသပ်နေကြပါတယ်။

▪️ ပဲစေ့နက်မှာ ထရစ်တိုဖန် အမိုင်နိုအက်ဆစ် ပါဝင်ကာ ခန္ဓာကိုယ်သဘာဝ လည်ပတ်မှုစက်ဝန်းကို ထိန်းညှိပေးတဲ့ မယ်လာတိုနင်နဲ့ ဆယ်ရိုတိုနင်တို့ကို ထုတ်လုပ်ပေးတာကြောင့် အိပ်စက်မှုကို ထောက်ကူပေးပါတယ်။

▪️ ပရိုတိန်း ကြွယ်ဝတဲ့အပြင် အမျှင် ၁၅ ဂရမ်ခန့် ပါဝင်တာကြောင့် ကျန်းမာရေးနဲ့ ညီညွတ်စေပါတယ်။

▪️ အမျှင်ဓာတ် ပုံမှန်စားသုံးပါက အူလမ်းကြောင်း ပိုးမွှားများကို အကျိုးပြုကာ ဝမ်းပုံမှန်သွားစေပြီး ကိုယ်အလေးချိန် ထိန်းသိမ်းပေးပါတယ်။

▪️ ကင်ဆာဖြစ်နိုင်ခြေ လျော့နည်းဖို့အတွက် သဘာဝထွက် ကောက်ပဲသီးနှံများကို စားသောက်ပေးဖို့ နယူးဂျာစီ ဟက်ကင်ဆက်မယ်ရီဒီယန် ကင်ဆာဌာနမှ ဒေါက်တာ အန်ဒရီဂွိုင်းက ပြောပြပါတယ်။

▪️ ဒါ့အပြင် ပဲစေ့နက်က ဆာလောင်ချင်စိတ်ကိုလည်း ထိန်းသိမ်းပေးတယ်လို့ ဆိုထားပါတယ်။

#Source: New York Post

#Local_News
Published 19 August 2024

▪️ မန္တလေးတိုင်းဒေသကြီး၊ ညောင်ဦးမြို့နယ်၊ ညောင်ဦး-ကျောက်ပန်းတောင်းကားလမ်းမ ၌ ယာဉ်မတော်တဆမှုဖြစ်ပွားပြီး ကျားတစ်ဦးထိခိုက်ဒဏ်ရာရရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဩဂုတ် ၁၈ ရက်နေ့၊ ညနေ ၆နာရီ ၅၃မိနစ် အချိန်ခန့်က  မန္တလေးတိုင်းဒေသကြီး၊ ညောင်ဦးမြို့နယ်၊ ညောင်ပင်ကန်အုပ်၊ ညောင်ပင်ကန်ကျေးရွာအနီး၊ ညောင်ဦး-ကျောက်ပန်းတောင်းကားလမ်းမကြီး၊ မိုင်တိုင်အမှတ် (၁၉/၄)နှင့်(၁၉/၅)ကြားတွင် ယာဉ်မတော်တဆမှုဖြစ်ပွားခဲ့ခြင်းဖြစ်သည်။အဆိုပါ သတင်းရရှိသဖြင့် ညောင်ဦးခရိုင် မီးသတ်စခန်းမှ ရှာဖွေကယ်ဆယ်ရေးယာဉ်(၁)စီး၊ ညောင်ဦးမြို့နယ် မီးသတ်စခန်းမှ အထောက်အကူပြုယာဉ်(၁)စီး၊ အမှတ်(၅) အရန်မီးသတ်တပ်ဖွဲ့မှ လူမှုကူညီရေးယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ ည ၇နာရီ  ၁၆ မိနစ်အချိန်တွင် ပြီးစီးခဲ့ကြောင်း သိရသည်။

▪️ အဆိုပါဖြစ်စဉ်ကြောင့် ယာဉ်ပေါ်ပါ ကျား(၁)ဦး၊ ထိခိုက်ဒဏ်ရာ (မစိုးရိမ်ရ)အား အမှတ်(၅)အရန်မီးသတ်ပိုင် သူနာတင်ယာဉ်ဖြင့် ညောင်ဦးခရိုင် ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။

#YMG/NN #Yangon_Times

#Local_News
Published 19 August 2024

▪️ သရုပ်ဆောင်ထပ်ဆင့်အကယ်ဒမီရန်အောင်၏ မိခင်သည် ယနေ့ဩဂုတ်လ(၁၉)ရက်တွင် ကွယ်လွန်သွားကြောင်း မြန်မာနိုင်ငံရုပ်ရှင်အစည်းအရုံးမှ သိရသည်။

▪️ အကယ်ဒမီရန်အောင်က သူ၏လူမှုကွန်ရက်စာမျက်နှာတွင်"မာတာမိခင်ကြီး အေးချမ်းစွာချုပ်ငြိမ်းသွားလေပြီ.... ၁၂:၄၃ မိနစ်၁၉ရက် တနင်္လာနေ့ နံနက်"လို့ ရေးသားဖော်ပြထားသည်။

▪️ ရန်အောင်၏မိခင်ကြီးကွယ်လွန်အနိစ္စရောက်သွား၍ မိသားစုနှင့်အတူထပ်တူဝမ်းနည်းကြေကွဲဖြစ်ရသည့်အကြောင်းကိုလည်း မြန်မာနိုင်ငံရုပ်ရှင်အစည်းအရုံးဒုဥက္ကဌ ဦးအေးကြူလေးကလည်း ရေးသားထုတ်ပြန်ထားသည်။

▪️ အကယ်ဒမီရန်အောင်၏ မိခင်ကြီးသည်အသက် (၉၂) နှစ်ကျော်ရှိပြီဖြစ်ပြီး နာမကျန်းဖြစ်၍ဆေးရုံ တင်ထားရာမှ ဆုံးပါးသွားခြင်းဖြစ်ကြောင်း သိရသည်။

#YMG/tthl #Yangon_Times

#World_Health
Published 19 August 2024

▪️ ၂၀၅၀ အရောက်မှာ အမျိုးသားတွေ ကင်ဆာဖြစ်ပွားမှုနဲ့ သေဆုံးမှုတို့ သိသိသာသာ မြင့်တက်လာနိုင်တယ်လို့ လေ့လာတွေ့ရှိထားပြီး အထူးသဖြင့် အသက် ၆၅ နှစ်နဲ့အထက် အမျိုးသားတွေမှာ ဖြစ်နိုင်တယ်လို့ သုတေသီများ ဖော်ပြထားပါတယ်။

▪️ တစ်ကမ္ဘာလုံးမှာ နှလုံးရောဂါပြီးရင် ကင်ဆာရောဂါက ဒုတိယအသေအများဆုံး အကြောင်းအရင်း ဖြစ်နေပါတယ်။

▪️ ဒါပေမဲ့ ယခုရာစုနှစ်အကုန်မှာတော့ ကင်ဆာက အဓိကသေဆုံးရတဲ့ အကြောင်းအရင်း ဖြစ်လာနိုင်တယ်လို့ တွေ့ရှိလာပါတယ်။

▪️ ကင်ဆာရောဂါတွေကြောင့် စိတ်အနှောင့်အယှက် ဖြစ်ရရုံမက ၂၀၂၀ နဲ့ ၂၀၅၀ အတွင်း ကုန်ကျစရိတ် ဒေါ်လာ ၂၅.၂ ထရီလီယံအထိ ရှိနိုင်တယ်လို့ ခန့်မှန်းရပါတယ်။

▪️ ဩစတြေးလျသုတေသီတွေက ၂၀၂၂ မှာ အချက်အလက်များ ဆန်းစစ်ခဲ့ကြပြီး နိုင်ငံနဲ့ဒေသပေါင်း ၁၈၅ ခုမှ ကင်ဆာအမျိုးအစား ၃၀ ကို လေ့လာခဲ့ကြကာ နောင်အချိန်မှာ ဖြစ်ပေါ်လာနိုင်ခြေကို ခန့်မှန်းခဲ့ကြပါတယ်။

▪️ လေ့လာချက်အရ ၂၀၅၀ အရောက်မှာ အမျိုးသားတွေမှာ ကင်ဆာဖြစ်နိုင်ခြေက ၁၀.၃ သန်းကနေ ၁၉ သန်းအထိ မြင့်တက်လာနိုင်တယ်လို့ ခန့်မှန်းရပါတယ်။

▪️ အသက် ၆၅ နှစ်နဲ့အထက် အမျိုးသားတွေမှာ ၁၁၇ ရာခိုင်နှုန်းအထိ ကင်ဆာကြောင့် သေဆုံးနိုင်ခြေ များလာနိုင်ပါတယ်။

▪️ ဝင်ငွေနည်းပါးပြီး ပျမ်းမျှနေထိုင်သက်တမ်းတိုတဲ့ နိုင်ငံတွေမှာ ပိုပြီးအဖြစ်များနိုင်တယ်လို့ ဆိုပါတယ်။

▪️ အမျိုးသားတွေက ဆေးလိပ်၊ အရက် သောက်သုံးခြင်းတို့ ပိုမိုပြုလုပ်ပြီး ကင်ဆာဖြစ်နိုင်စေတဲ့ အရာတွေနဲ့ ပိုမိုထိတွေ့ရတာကြောင့် အမျိုးသမီးတွေထက် ကင်ဆာဖြစ်နိုင်ခြေ ပိုများပါတယ်။

▪️ အမျိုးသားများ အဖြစ်များလာနိုင်တဲ့ ကင်ဆာတွေထဲမှာ အဆုတ်၊ အစာအိမ်၊ နှလုံးအင်္ဂါတို့ရှိ တစ်ရှူးများ အကျိတ်ဖြစ်ခြင်း၊ ဆီးကျိတ်ကင်ဆာတို့ ဖြစ်ပါတယ်။

▪️ ဒီအတွက် ကျန်းမာရေးစောင့်ရှောက်မှုစနစ်တွေ ပိုမိုတိုးတက်အားကောင်းဖို့ လိုအပ်တယ်လို့ ထောက်ပြနေကြပါတယ်။

#Source: India Today

၁၈ ဩဂုတ် ၂၀၂၄

ပြင်သစ်နိုင်ငံရဲ့ အကျော်ဇေယျ ရုပ်ရှင်မင်းသားကြီး အယ်လိန်ဒီလွန်ဟာ  တနင်္ဂနွေနေ့ ဩဂုတ် ၁၈ ရက်က နာတာရှည် ကျန်းမာရေးချို့ယွင်းနေရာကနေ သေဆုံးသွားပြီဖြစ်တယ်လို့ သားသမီး (၃)ဦးက အေအက်ဖ်ပီကို ကြေညာချက် ထုတ်ပြောကြားပါတယ်။ မင်းသားကြီးဟာ ကွယ်လွန်ချိန်မှာ အသက် ၈၈ နှစ်ရှိပြီဖြစ်ပါတယ်။

“ အယ်လိန်ဖာဘီယမ်၊ အန်နောချ်ကာ၊အန်တိုနီနှင့် လောင်ဘို(သူ၏အချစ်တော်ခွေး) တို့ဟာ သူတို့ဖခင်ကြီးကွယ်လွန်သွားတဲ့ အတွက်စိတ်ထိခိုက်ကြေကွဲဝမ်းနည်းနေကြပါတယ်။ သူဟာ သားသမီး (၃)ဦးနှင့်မိသားစုဝင်တွေခြံရံလျက်နှင့်ပဲ သူရဲ့ ဒေါက်ချီ က နေအိမ်မှာ ငြိမ်းချမ်းစွာ ကွယ်လွန်သွားခဲ့ပြီဖြစ်ပါတယ်” လို့ သတင်းထုတ်ပြန်ချက်မှာဖော်ပြပါတယ်။

 သူ့ရဲ့ နာမည်ကျော် ဂန္တဝင်ရုပ်ရှင်ကားကြီးတွေဖြစ်တဲ့ Purple Noon (၁၉၆၀)၊ "Le Samurai" (1967)တို့နှင့်နာမည်ရခဲ့တဲ့  မင်းသားကြီးဟာ ညသန်းခေါင် ခပ်စောစောပိုင်းမှာကွယ်လွန်ခဲ့ပါပြီ” လို့ သတင်းထုတ်ပြန်ပါတယ်။

၁၉၉၀ ပြည့်လွန်နှစ်များကတည်းက ရုပ်ရှင်ပိတ်ကားပေါ်မှာ သိပ်မတွေ့ရတော့တဲ့ ဒီလွန်ဟာ သူ့ကလေးတွေက သူ့ကို စောင့် ရှောက်တဲ့ ဟီရိုမီရိုလင်းက ဖခင်အပေါ် ထိပါးနှောက်ယှက်တာတွေလုပ်တယ်ဆိုပြီး အမှုဖွင့်လို့ သတင်းခေါင်းစီးတွေဖြစ်ခဲ့ ဖူးပါတယ်။

သူဟာ ၂၀၁၉ခုနှစ်မှာ ကိန်းရုပ်ရှင်ပွဲတော် တက်ရောက်ခဲ့တာဟာ ပရိဿတ်ရှေ့ နောက်ဆုံးထွက်ပြခဲ့ခြင်းပဲဖြစ်ပါတယ်။

Source AFP

၁၈ ဩဂုတ် ၂၀၂၄

ထိုင်းနိုင်ငံ ဖူးကက်မြို့တွင် မြန်မာ အမျိုးသမီးငယ်တစ်ဦး သေနတ်ဖြင့် ပစ်ခတ်ခံရတဲ့အတွက် သေဆုံးသွားတယ်လို့ ထိုင်း ပြည်တွင်းသတင်းမီဒီယာတွေကဖော်ပြကြပါတယ်။

သေဆုံးသူအမျိုးသမီးမှာ  အသက် ၁၅ နှစ်အရွယ် နမ် ဖူးအင် ဆိုသူဖြစ်တယ်လို့သိရပြီး    ပက်တုန်မှ ဖူးကက်မြို့သို့  အဖွဲ့လိုက်ကားဖြင့် ဩဂုတ် ၁၇ ရက်ကခရီးသွားနေစဉ်မော်တော်ဆိုင်ကယ်သမားနှစ်ဦးက ကားနား ချည်းကပ်လာကာ  တစ်ဦးက သေနတ်ဖြင့်ပစ်ခတ်သွားတာ ဖြစ်ပါတယ်။

သူတို့ဟာ ဖူးကက်လိုင်စင်ပြားတပ် တိုယိုတာ ပစ်ကတ်ကားအဖြူဖြင့် ခရီးသွားနေတာဖြစ်ပြီး အသက် ၂၇ နှစ်အရွယ် ကစ်တီပေါင်ဂျန်တဝန်က ယာဉ်ကို မောင်းနှင်လာကာ  ရှေ့ခန်းမှာ အသက် ၂၁နှစ်အရွယ် နာတာဝတ်က ယာဉ်မောင်းဘေးမှာ လိုက်ပါခဲ့တာပါ။ သေဆုံးသွားတဲ့ မြန်မာအမျိုးသမီးငယ် နမ် ဖူအင်က နာတာဝတ်ပေါင်ပေါ်ထိုင်လိုက်ပါလာတာလို့ ထိုင်း   မီဒီယာတွေက ရေးသားပါတယ်။

မော်တော်ဆိုင်ကယ်စီးလာတဲ့ သံသယတရားခံနှစ်ဦးက အသက် ၁၇နှစ်အရွယ် ဘစ်နှင့် ၁၉နှစ်အရွယ် ဆန်တို့ဖြစ်ကြတယ်လို့ သိရပြီး သူတို့အထဲက တစ်ယောက်က ယာဉ်ရဲ့ ဝဲဘက်အခြမ်းက နာတာဝတ်နှင့် နမ် ဖူအင်တို့ နေရာကို  ဆီကာ လမ်းဆုံအနီး မီတာ၅၀ ခန့်ကွာဝေးတဲ့ ဖရာဖူးကက်ကီယောလမ်းပေါ်မှာ သေနတ်ဖြင့်ပစ်ခတ်ခဲ့တာဖြစ်ပါတယ်။

ကားပြတင်းက အကုန်နီးပါးဖွင့်ထားတဲ့အတွက် ကျည်ဆံဟာ နမ်ဖူအင်ရဲ့ ဦးခေါင်းကို ထိမှတ်ခဲ့ပြီး ဆေးရုံပို့ဖို့စီစဉ်ဆဲမှာ သူမ သေဆုံးခဲ့ရပါတယ်။

“ပစ်ကပ်ကားက မီးနီမိနေတုန်း မော်တော်ဆိုင်ကယ်က အနီးရောက်လာပါတယ်။ဆိုင်ကယ်ပေါ်ကတစ်ယောက်က ဆင်းလာပြီး ထရပ်ကား ကိုသေနတ်နှင့်ပစ်လိုက်တယ်။ပစ်ပြီးတာနှင့် ဆိုင်ကယ်ပေါ်ပြန်တက်ပြီး ပါတောင်းဖက်ကို အမြန် မောင်းထွက်သွားတယ်” လို့ မျက်မြင်သက်သေတစ်ဦးဖြစ်တဲ့ စားသောက်ဆိုင်ပိုင်ရှင် “လို” ကပြောပြပါတယ်။

ရဲတပ်ဖွဲ့က စီစီတီဗီကင်မရာကနေ စစ်ဆေးကြည့်ရှုပြီး တရားခံတွေဖမ်းမိရေးဆောင်ရွက်နေကြောင်းသိရပါတယ်။
@ymg/knl

 မိုးရေချိန်များတဲ့ဒေသ(၉)ခုရှိခဲ့ပြီး ရန်ကုန်အပါ အဝင်ဒေသ(၉)ခုမှာ မိုးတိမ်တောင်‌တွေဖြစ်ထွန်းဖို့ရှိတယ်လို့ သိရပါတယ်။
#Local_News
Published 18 August 2024
#ရန်ကုန်အပါအဝင်ဒေသ(၉)ခု #မိုးတိမ်တောင်များဖြစ်ထွန်း
#YMG/tthl #Yangon_Times

၁၈ ဩဂုတ် ၂၀၂၄

ထိုင်းဘုရင်မင်းမြတ်က  ပါလီမန်က ရွေးကောက်လိုက်တဲ့ ပါအေတုံတန်ရှင်နာဝတ်တရာကို  ထိုင်းဝန်ကြီးချုပ်အဖြစ် ဩဂုတ် ၁၈ ရက် တနင်္ဂနွေနေ့က အတည်ပြု ပေးလိုက်ပါတယ်။ အဲဒါကြောင့် သူမဟာ လာမယ့်ရက်သတ္တပတ်တွေမှာ ဝန်ကြီးအဖွဲ့ကို ပြန်လည်ဖွဲ့စည်းဖို့ လမ်းပွင့်သွားပြီဖြစ်တယ်လို့ရိုက်တာကရေးပါတယ်။

ထိုင်းနိုင်ငံရဲ့ အသက်အငယ်ဆုံးဝန်ကြီးချုပ်ဖြစ်လာတဲ့ အသက် ၃၇နှစ်အရွယ် ပါအေတုံတန်ဟာ  ယခင်ဝန်ကြီးချုပ်ဟောင်း သက်ဆင်ရှင်နာဝတ်တရာရဲ့ သမီးထွေးနှင့် ဝန်ကြီးချုပ်ဟောင်း ယင်လတ်ရှင်တာဝတ်တရာရဲ့ တူမလည်းဖြစ်ပါတယ်။

ယနေ့ ဘန်ကောက်မှာပြုလုပ်တဲ့ အခမ်းအနားမှာ ပါအေတုံတန်ဟာ တရားဝင် အခမ်းအနား ဝတ်စုံကို ဆင်မြန်းထားပါတယ်။ သူမဟာ ဘရင်မင်းမြတ်ရဲ့ ရုပ်ပုံရှေ့မှာ ဒူးထောက်ပြီး အလေးအမြတ်ပြုပါတယ်။ အောက်လွှတ်တော်အတွင်းရေးမှူး အာပက် ဆူခန်နန်က ဘုရင်မင်းမြတ်ရဲ့ အတည်ပြုစာလွှာကို ဖတ်ကြားပါတယ်။

“ အုပ်ချုပ်ရေးမဏ္ဏိုင်ရဲ့ အကြီးအကဲတစ်ဦးအနေနှင့် ကျွန်မဟာ ကျွန်မရဲ့တာဝန်တွေကို အမတ်တွေနှင့်အတူ ပွင့်လင်းတဲ့ နှလုံးသားနှင့် အတူတကွဆောင်ရွက်ပါမယ်” လို့ ဝန်ကြီးချုပ်သစ် ပါအေတုံတန်ကမိန့်ခွန်းထဲမှာ ထည့်ပြောသွားပါတယ်။ ကျွန်မတို့နိုင်ငံကို တည်တည်ငြိမ်ငြိမ်နှင့် ရှေ့ဆက်သွားနိုင်အောင် ထင်မြင်ယူဆချက်တွေအားလုံးကို ကျွန်မနားထောင်ပါမယ် လို့လည်း သူမကဆက်ပြောပါတယ်။

အစိုးရအလုပ်မလုပ်ဖူးတဲ့ ပါအေတုံတန်အနေနှင့် မျက်နှာစာအစုံရဲ့ စိန်ခေါ်မှုတွေကို ရင်ဆိုင်ရပါလိမ့်မယ်။ စီးပွားရေးတွေ အယောင်ယောင်အမှားမှားဖြစ်နေတာတွေ ၊ ဖွေထိုင်းပါတီအပေါ်လူကြိုက်များမှုကျဆင်းလာနေတာတွေနှင့် ပါတီရဲ့ အထင် ကရလုပ်ငန်းတစ်ခုဖြစ်တဲ့  ဘတ်ဘီလျံ ၅၀၀ တန် ဒစ်ဂျစ်တယ်ပိုက်ဆံအိတ်အစီအစဉ် မစတင်နိုင်တာတွေစသဖြင့် အများကြီး ဖြစ်ပါတယ်။

ဘုရင်မင်းမြတ်ရဲ့ အတည်ပြုခန့်အပ်မှုခံယူပြီးတဲ့နောက် ပါအေတုံတန်ဟာ ဖခင်ဖြစ်သူ သက်ဆင်နှင့် မိသားစုကို ပွေ့ဖက် လိုက်ပါတယ်။ သူမအနေနှင့် ယခင်ဝန်ကြီးချုပ် ဆာရက်သာရဲ့ မူဝါဒအားလုံးကို ဆက်လုပ်မယ်လို့လည်းပြောပါတယ်။  အစိုးရအနေနှင့် ဒစ်ဂျစ်တယ်ပိုက်ဆံအိတ်အစီအစဉ်ကို လက်မလွှတ်သေးကြောင်းနှင့် နောက်ထပ်‌ရွေးချယ်လုပ်ဆောင်စရာ တွေကို လေ့လာနားထောင်ဦးမယ်လို့လည်း ဆိုပါတယ်။ သူမအနေနှင့် ဖခင်သက်ဆင်ကို ဘယ်အစိုးရ ရာထူးနေရာမှ ပေးမှာ မဟုတ်ကြောင်း ဒါပေမယ့် ဖခင်ရဲ့အကြံဉာဏ်ကိုတော့ ယူမှာဖြစ်ကြောင်း ပါအေတုံတန်ကဆက်ပြောပါတယ်။

လာမယ့်လမှာ သူ့အစိုးရရဲ့ အသေးစိတ်မူဝါဒကို ထုတ်ပြန်ကြေညာပေးမယ်လို့လည်း သူမကပြောပါတယ်။

Ref: Reuters

#World_Discovery
Published 18 August 2024

▪️ လွန်ခဲ့တဲ့ နှစ်သန်းပေါင်းများစွာထဲက သမုဒ္ဒရာထဲမှာ ထူးဆန်းစွာ နစ်မြုပ်ပျောက်ဆုံးနေတဲ့ ကျွန်းတွေကို စပိန်မှ သုတေသီများ ပြန်လည်တွေ့ရှိခဲ့ပြီး ထူးဆန်းတာက အချို့ကျွန်းတွေမှာ ကမ်းခြေတွေက အကောင်းပကတိအတိုင်း ရှိနေပါသေးတယ်။

▪️ ဒါဟာ ဒဏ္ဍာရီလာ အတ္တလန္တိတ်ကျွန်းကြီး အစပြုခဲ့ရာနေရာ ဖြစ်နိုင်တယ်လို့ ပရောဂျက်ခေါင်းဆောင် လူးဝစ်ဆိုမိုဇာက ပြောပြပါတယ်။

▪️ ရေအောက်တောင်မှာရှိတဲ့ ကျွန်းတွေမှာ မီးတောင်သေ ၃ ခုရှိပြီး အချင်း ၃၁ မိုင်ခန့် ရှိကြတယ်လို့ တွေ့ရှိခဲ့ပါတယ်။

▪️ အဆိုပါ ရေအောက်တောင်ကို သိပ္ပံပညာရှင်တွေက လော့စ်အတ္တလန်တက်စ်လို့ အမည်ပေးလိုက်ကြပါတယ်။

▪️ အရင်က ကျွန်းတွေဖြစ်ခဲ့ပြီး နစ်မြုပ်ခဲ့ကာ အခုထက်ထိ နစ်မြုပ်နေဆဲဖြစ်တယ်လို့ စပိန်ဘူမိဗေဒနဲ့ တူးဖော်ရေးအဖွဲ့အစည်းမှ ဆိုမိုဇာက ဖော်ပြထားပါတယ်။

▪️ သုတေသီအဖွဲ့က ကနေရီကျွန်း အရှေ့ဘက်ခြမ်း လန်ဇရုတ် အရှေ့ဘက်ကမ်းရိုးတန်းအနီး ပင်လယ်ရေအနက် ၃၃၀ ပေနဲ့ ၈၂၀၀ ပေကြား ပင်လယ်ကြမ်းပြင်မှာ အဝေးထိန်းယာဉ်တစ်ခုဖြင့် စူးစမ်းလေ့လာနေစဉ် လော့စ်အတ္တလန်တက်စ်တောင်ကို တွေ့ရှိခဲ့ကြတာ ဖြစ်ပါတယ်။

▪️ ဒီလေ့လာမှုက ထိုဒေသရှိ ရေအောက်အပူချိန်နဲ့ မီးတောင်အပူချိန် လှုပ်ရှားမှုတို့ကို သိရှိရန် ရည်ရွယ်ကာ IGME-CSIC အတ္တလန္တိတ်စီမံကိန်းရဲ့ အစိတ်အပိုင်းတစ်ခု ဖြစ်ပါတယ်။

▪️ ဒီတောင်ဟာ လွန်ခဲ့တဲ့ နှစ် ၅၆ သန်းမှ ၃၄ သန်းခန့်က တည်ရှိခဲ့တဲ့ ကျွန်းတွေထဲက တစ်ခုဖြစ်နိုင်ပါတယ်။

▪️ မီးတောင်ကျောက်ကို ဖုံးအုပ်နေတဲ့ သဲတွေက ကျွန်းတွေနစ်မြုပ်ခဲ့စဉ်မှာ အနည်ထိုင်တာ ဖြစ်နိုင်ပါတယ်။

▪️ ကမ်းခြေအနည်းစုဟာ သမုဒ္ဒရာ မျက်နှာပြင်အောက် ပေ ၂၀၀ လောက်မှာရှိနေပြီး နောက်ဆုံးရေခဲခေတ်တုန်းက ပင်လယ်ရေမျက်နှာပြင် အလွန်နိမ့်ကျစဉ်က မီးတောင်သေတွေဟာ ကျွန်းတွေပြန်ဖြစ်လာဟန် ရှိပါတယ်။

▪️ ထိုကျွန်းတွေဟာ တစ်ချိန်တုန်းက တောရိုင်းသတ္တဝါတွေ ကျက်စားရာနေရာ ဖြစ်နိုင်ပြီး ရေခဲခေတ်အကုန် ပင်လယ်ရေမျက်နှာပြင် မြင့်တက်လာစဉ် မီးတောင်သေတွေ နစ်မြုပ်သွားတာဖြစ်တယ်လို့ ဆိုမိုဇာက ဆိုပါတယ်။

#Source: WION

(၃)ရက်အတွင်း ကမ္ဘာ့ရွှေဈေး(၁၅) ဒေါ်လာပြန်ကျလာပြီး မြန်မာ့ရွှေဈေးပါ သောင်းဂဏန်းပြန်ကျလာတယ်လို့ သိရပါတယ်။
#Local_News
Published 18 August 2024
#ကမ္ဘာ့ရွှေဈေး(၁၅)ဒေါ်လာပြန်ကျ #ရွှေဈေးသောင်းဂဏန်းပြန်ကျ
#YMG/tthl #Yangon_Times

#World_Health
Published 18 August 2024

▪️ မာဒရက်စ်ဆီးချိုသုတေသန ဖောင်ဒေးရှင်း(MDRF)က သကြားအစားထိုးပစ္စည်း ဆူခရယ်လို့စ်ဟာ ဆီးချိုရောဂါ ဒုတိယအမျိုးအစား ရှိသူတွေမှာ နှလုံးနဲ့ ဇီဝကျန်းမာရေးအပေါ် ဘယ်လိုသက်ရောက်လဲဆိုတာကို လေ့လာဖော်ပြခဲ့ပါတယ်။

▪️ ဆီးချိုဝေဒနာရှင်များ ကော်ဖီ လက်ဖက်ရည်သောက်တဲ့အခါ သကြားအစား ဆူခရယ်လို့စ်ဖြင့် အစားထိုးအသုံးပြုတဲ့အခါ ဘာဖြစ်လာလဲဆိုတာကို သုတေသီများ သိချင်ခဲ့ကြပါတယ်။

▪️ အိန္ဒိယမှ ဆီးချိုရောဂါသည် ၁၇၉ ဦးကို ၁၂ ပတ်ကြာအောင် လေ့လာခဲ့ပြီး သကြားမသုံးဘဲ သကြားအစားထိုးပစ္စည်းများဖြင့် စမ်းသပ်ခဲ့ပါတယ်။

▪️ ကော်ဖီ လက်ဖက်ရည်တို့ သောက်ရာမှာ ဆူခရယ်လို့စ် အနည်းငယ်ထည့်သောက်ပါက သွေးတွင်းသကြားဓာတ်ကို မဆိုးရွားစေဘူးလို့ တွေ့ရှိလာပါတယ်။

▪️ အိန္ဒိယမှာ ဆီးချိုရှိသူအများစုက သကြားထည့်သောက်နေကြပြီး ကာဗိုဟိုက်ဒရိတ် စားစရာတွေလည်း အစားများတာကြောင့် ဆီးချိုအဖြစ်များကြပါတယ်။

▪️ သကြားအစားထိုးပစ္စည်းထဲမှာမှ ဆူခရယ်လို့စ်လို ပစ္စည်းက ကယ်လိုရီမပါတာကြောင့် သကြားနေရာမှာ အစားထိုးသုံးနိုင်ပါတယ်။

▪️ သကြားတုပစ္စည်းတွေကို အချိုရည်တွေ၊ မုန့်တွေမှာလည်း အများအပြား သုံးလာကြပြီး သကြားထက်စာရင် ထည့်ရတဲ့ပမာဏကလည်း နည်းပါးပါတယ်။

▪️ လေ့လာမှုပြုဖို့အတွက် အဖွဲ့တစ်ဖွဲ့ကို သကြားထည့်သွင်း အသုံးပြုစေကာ နောက်တစ်ဖွဲ့ကိုတော့ ဆူခရယ်လို့စ် အသုံးပြုစေပါတယ်။

▪️ ထိုအခါမှာ ဆူခရယ်လို့စ်လိုမျိုး သကြားအစားထိုးပစ္စည်း အသုံးပြုသူတွေက ကိုယ်အလေးချိန်၊ BMI ၊ ခါးအရွယ်အစား ကျဆင်းသွားတာကို တွေ့ရပါတယ်။

▪️ ဒါကြောင့် သကြားတုပစ္စည်း အနည်းငယ်မျှ အသုံးပြုခြင်းက ဆိုးရွားမှုမဖြစ်စေဘူးလို့ ဆိုရမှာ ဖြစ်ပါတယ်။

#Source: India Today

ဒုတိယကမ္ဘာစစ်အတွင်း ဂျပန်တပ်များအတင်းအဓမ္မလိင်ကျွန်ပြုခြင်းခံခဲ့ရသည့် ဖိလစ်ပိုင်အမျိုးသမီးများ၏မိသားစုဝင်များ ငိုကြွေးဆန္ဒပြ

ဂျပန်ခေတ်တုန်းက ဖိလစ်ပိုင်မှ လိင်ကျွန်ပြုခံအမျိုးသမီးတွေရဲ့ မိသားစုဝင်တွေဟာ မနီလာမြို့ ရော့ဆက်စ်ဘူလ်ဗက်ဒ်မှာ ဗုဒ္ဓဟူးနေ့က ဆန္ဒပြပွဲ ပြုလုပ်ခဲ့ပြီး စစ်ပွဲအတွင်း ရက်စက်ခံခဲ့ရတဲ့ နှိပ်စက်ခံမိသားစုဝင်တွေကို ဂျပန်အစိုးရမှ တောင်းပန်မှုပြုရန် အလိုရှိနေကြပါတယ်။
#World_Crime
Published 17 August 2024
#အဓမ္မလိင်ကျွန်ပြုခြင်းခံခဲ့ရ #ငိုကြွေးဆန္ဒပြ
#YMG #Yangon_Times #Yangon_Media_Group