မြန်မာနိုင်ငံတော် ဗဟိုဘဏ်က ယမန်နေ့က ဒေါ်လာ၃၁သန်းထပ်မံထုတ်ရောင်းလာပြီး အခုရက်ပိုင်း အတွင်းသန်း‌ပေါင်း ၁၃၀ကျော်အထိ ရောင်းချပြီးဖြစ်တယ်လို့ ဗဟိုဘဏ်ထုတ်ပြန်ချက်တွေအရ သိရပါတယ်။
#Local_News
Published 23 August 2024
#ဗဟိုဘဏ် #ဒေါ်လာ၃၁သန်းထပ်မံထုတ်ရောင်း
#YMG/NN #Yangon_Times

ရန်ကုန်စက်သုံးဆီဈေးနှုန်းတွေဖြစ်တဲ့ ဓာတ်ဆီနဲ့ ဒီဇယ်ဈေးတွေ ယမန်နေ့ကထက်အနည်းငယ်ပြန်ကျလာပြီး တစ်ပတ်တာအတွင်းနှိုင်းယှဉ်ရင်တော့ ဈေးဆက်တက်နေဆဲဖြစ်တယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ထုတ်ပြန်တဲ့ စာရင်းတွေအရသိရပါတယ်။
#Local_News
Published 23 August 2024
#ဓာတ်ဆီနှင့်ဒီဇယ်ဈေး #အနည်းငယ်ပြန်ကျ
#YMG/NN #Yangon_Times

၂၀၂၅ ခုနှစ်၊ တက္ကသိုလ်ဝင်စာမေးပွဲဖြေဆိုခွင့် လျှောက်လွှာတွေကို  စက်တင်ဘာလ(၁) ရက်နေ့ကနေစတင်ပြီး  လျှောက်ထားနိုင်ပြီလို့ မြန်မာနိုင်ငံ စာစစ်ဦးစီးဌာနမှ သိရပါတယ်။
#Local_News
Published 23 August 2024
#တက္ကသိုလ်ဝင်စာမေးပွဲဖြေဆိုခွင့် #စတင်လျှောက်ထားနိုင်
#YMG/tthl #Yangon_Times

မျောက်ကျောက်ရောဂါနဲ့ပတ်သက်လို့ ရန်ကုန်၊ မန္တလေးလေဆိပ်တွေနဲ့ နယ်စပ်ဝင်ထွက်ပေါက် (၅)နေရာမှာရောဂါစောင့်ကြပ်စစ်ဆေးရေးတွေဆောင်ရွက်နေတယ်လို့ ကျန်းမာ‌ရေးဝန်ကြီးဌာနမှသိရပါတယ်။
#Local_News
Published 23 August 2024
#မျောက်ကျောက်ရောဂါ #ရောဂါစောင့်ကြပ်စစ်ဆေးရေး
#YMG/tthl #Yangon_Times

၂၃ ဩဂုတ် ၂၀၂၄

ယမန်နေ့ကပျက်ကျခဲ့တဲ့ ထိုင်းစင်းလုံးငှားလေယာဉ်တွင်လိုက်ပါသွားသူ အားလုံး သေဆုံးကုန်ပြီလို့ မှတ်ယူရလိမ့်မယ်လို့ ကယ်  ဆယ်ရေး သမားတွေကပြောပါတယ်။

Cessna Caravan C208B အမျိုးအစား စင်းလုံးငှားလေယာဉ်ဟာ ယမန်နေ့ကြာသပတေးနေ့မွန်းလွဲပိုင်းက သုဝဏ္ဏဘူမိ လေဆိပ်မှ ပျံတက်ခဲ့ပြီး ၁၁မိနစ်အကြာမှာ အဆက်အသွယ်ပြတ်တောက်ခဲ့တာဖြစ်ပါတယ်။

လေယာဉ်ပေါ်မှာ လူ (၉)ဦးလိုက်ပါသွားပြီး ထိုသူတို့မှာ တရုတ်နိုင်ငံမှ ခရီးသွား (၅)ဦးနှင့် လေယာဉ်မှူးများအပါအဝင် ထိုင်းနိုင်ငံသား (၄) ဦးတို့ဖြစ်ကြပါတယ်။

လေယာဉ်ဟာ ဘန်ကောက်မြို့ အရှေ့တောင်ဖက် ၆၂မိုင်ခန့်အကွာမှာ ထိုးစိုက်ပျက်ကျသွားခဲ့တာပါ။

“ ရုပ်အလောင်းတွေအများကြီးတွေ့ရတယ်” လို့ ချချိုအင်ဆောင်ပြယ်နယ်အုပ်ချုပ်ရေးမှူး ချွန်လက်တီယွန်တရောင်းက ပြောပါတယ်။  လေယာဉ်ဟာ ဒေါင်လောက်စောက်ထိုးဆင်းသွားတာဖြစ်လို့ မြေကြီးကို ၃၃ပေလောက်တူးဖော်ရမယ် လို့လည်း သူကပြောပါတယ်။

Thai Flying Service ကုမ္ပဏီမှာ မှတ်ပုံတင်ထားတဲ့ အဆိုပါ လေယာဉ်ဟာ ဘန်ကောက်မှ အရှေ့ပိုင်း တရက်ပြည်နယ်ကို ဦးတည် ပျံသန်းရင်းပျက်ကျခဲ့တာဖြစ်ပါတယ်။

Source: Reuters

၂၃ ဩဂုတ် ၂၀၂၄

နယ်စပ်ဖြတ်ကျော် အွန်လိုင်းလိမ်လည်မှုကျူးလွန်ခဲ့တဲ့ တရုတ်နိုင်ငံသား ၃၀၇ ဦးကို မြန်မာအာဏာပိုင်တွေက တရုတ်နိုင်ငံသို့ ဩဂုတ် ၂၁ရက်က လွှဲပြောင်းပေးခဲ့ပါတယ်။

အဆိုပါ တရုတ်နိုင်ငံသား ၃၀၇ ဦးကို မကြာသေးမီက မြန်မာနိုင်ငံအတွင်း အွန်လိုင်းလိမ်လည်မှုတွေနှိမ်နှင်းရာမှာ ဖမ်းဆီးရမိခဲ့တာဖြစ်ပါတယ်။

Source CCTV

#World_News
Published 23 August 2024

▪️ ၂၄၉၂ ကာရက်ရှိတဲ့ ကမ္ဘာ့ဒုတိယအကြီးဆုံးစိန်တုံးကို ဘော့စ်ဝါနာမှာ တွေ့ရှိခဲ့ကြောင်း ကနေဒါ‌ကျောက်တူးဖော်ရေး ကုမ္ပဏီက ကြာသပတေးနေ့မှာ ကြေညာလိုက်ပါတယ်။

▪️ ဘော့စ်ဝါနာအရှေ့မြောက်ပိုင်းရှိ ခရိုဝီစိန်သတ္တုမိုင်းနေရာမှာ အိတ်စ်ရေးရှာဖွေရေး နည်းပညာကို အသုံးပြုပြီး ထိုစိန်ကို ရှာတွေ့ခဲ့တာ ဖြစ်တယ်လို့ လူကာရာစိန်ကော်ပိုရေးရှင်းက ထုတ်ပြန်လိုက်ပါတယ်။

▪️ စိန်ရဲ့တန်ဖိုးကို ဘယ်လောက်ရှိနိုင်မလဲဆိုတာကို လူကာရာက မဖော်ပြထားပါဘူး။

▪️ ကာရက်နဲ့ တိုင်းတာမယ်ဆိုရင် ၁၉၀၅ ခုနှစ် တောင်အာဖရိကမှာ တွေ့ခဲ့တဲ့ ၃၀၁၆ ကာရက်ရှိ ကာလီနန်စိန်ပြီးရင် ဒုတိယအကြီးဆုံးစိန် ဖြစ်လာပါတယ်။

▪️ ဒီလိုမျိုး ဧရာမစိန်တုံးကြီးကို တွေ့ရှိတဲ့အတွက် အလွန်ဝမ်းသာကျေနပ်နေကြတယ်လို့ လူကာရာဥက္ကဌ ဝီလျံလမ့်ဘ်က ပြောထားပါတယ်။

▪️ ဒီတွေ့ရှိမှုက ကမ္ဘာပေါ်က တူးဖော်ရရှိခဲ့တဲ့ အကြီးဆုံးစိန်ရိုင်းတွေထဲက တစ်ခုဖြစ်ပြီး အရည်အသွေးမြင့် စိန်တုံးများ ရှာဖွေရန် ၂၀၁၇ ခုနှစ်က စတင်အသုံးပြုခဲ့တဲ့ မဂ္ဂါဒိုင်းမွန်းရီကာဗာရီ အိတ်စ်ရေးနည်းပညာကို အသုံးပြုကာ တွေ့ရှိခဲ့တာ ဖြစ်တယ်လို့ ဆိုပါတယ်။

▪️ လူကာရာဘော့စ်ဝါနာရဲ့ ကြီးကြပ်ညွှန်ကြားရေးမှူး နာဆင်းမ်လာရီက ဥက္ကဌ မော့ဂ်ဝီဆီမာဆီဆီကို လက်ဖဝါးအရွယ်လောက်ရှိတဲ့ စိန်တုံးပြသခဲ့ကာ တွေ့ရှိခဲ့တဲ့ကုမ္ပဏီအတွက် ဂုဏ်ယူတယ်လို့ ပြောပါတယ်။

▪️ ဘော့စ်ဝါနာဟာ ကမ္ဘာပေါ်မှာ စိန်အများဆုံးထွက်ရှိရာ နေရာတွေထဲက တစ်ခုဖြစ်ပြီး စိန်တွေက ယင်းရဲ့အဓိက ဝင်ငွေရပေါက်ဖြစ်နေကာ ဂျီဒီပီ ၃၀ ရာခိုင်နှုန်းနဲ့ တင်ပို့မှု ၈၀ ရာခိုင်နှုန်းအထိ ပတ်သက်နေပါတယ်။

▪️ ခရိုဝီမှထွက်ရှိရောင်းချတဲ့ စိန်ရိုင်း စိန်ချောတွေရဲ့ အမြတ်ငွေ ၁၀ ရာခိုင်နှုန်းကို အစိုးရသို့ ပေးအပ်တယ်လို့ လူကာရာက ဆိုပါတယ်။

▪️ နည်းပညာသစ်ဖြင့် တွေ့ရှိနိုင်ခဲ့တာဖြစ်ပြီး စိန်တုံးကြီးတွေကို မကျိုးမပဲ့ဘဲ ထုတ်ယူနိုင်ခဲ့တာ ဖြစ်တယ်လို့ 77 Diamonds မှ တိုဘီယက်စ်ကော်မိုင်းက ဆိုပါတယ်။

▪️ ဒီမတိုင်ခင်က ဘော့စ်ဝါနာမှာ တွေ့ရှိထားတဲ့ အကြီးဆုံးစိန်က ၁၇၅၈ ကာရက်ရှိကာ ၂၀၁၉ ခုနှစ် လူကာရာကနေ ခရိုဝီသတ္တုမိုင်းမှာ တွေ့ခဲ့တာ ဖြစ်ပါတယ်။

▪️ ဓာတ်ခွဲခန်းထုတ် စိန်တွေကြောင့် စိန်တူးဖော်ရေးလုပ်ငန်းတွေ ထိပါးလာကာ ဝယ်ယူမှု လျော့ကျလာကြောင်း၊ တူးဖော်ရရှိသမျှ စိန်တိုင်းက တန်ဖိုးရှိပြီး အကောင်းဆုံး အရည်အသွေးဖြင့် အသင့်လျော်ဆုံးဈေးရအောင် ပြုလုပ်ကြောင်း လူကာရာဘော့စ်ဝါနာဥက္ကဌ မော့ဂ်ဝီဆီမာဆီဆီက ဆိုပါတယ်။

▪️ လူကာရာနဲ့ နီးစပ်သူတွေရဲ့ ပြောကြားချက်အရ ထိုစိန်ဟာ ဒေါ်လာသန်း ၄၀ ခန့်အထိ တန်ကြေးရှိနိုင်တယ်လို့ သိရပါတယ်။

#Source: AFP

#World_Science
Published 23 August 2024

▪️ ကမ္ဘာပေါ်က သက်ရှိအားလုံးရဲ့ ဘုံတူညီတဲ့ မူလမျိုးရိုး(LUCA)သက်တမ်းနဲ့ ပတ်သက်ပြီး သိပ္ပံပညာရှင်များ ထပ်မံလေ့လာပြုစုခဲ့ကြပါတယ်။

 ▪️ LUCA ဟာ လွန်ခဲ့တဲ့ နှစ်ပေါင်း ၄.၂ ဘီလီယံခန့်မှာ ရှင်သန်နေခဲ့ကာ ယခင်ထင်ထားတဲ့ ကမ္ဘာမြေမူလအစအချိန်ကနဲ့ ပိုမိုနီးကပ်နေတယ်လို့ ဖော်ပြခဲ့ကြပါတယ်။

 ▪️ သက်ရှိအားလုံးရဲ့ မူလမျိုးရိုး LUCA ဟာ သက်ရှိသတ္တဝါပုံစံ ဟုတ်မဟုတ်ဆိုတာကို ရာစုနှစ်တွေကြာအောင် သိပ္ပံပညာရှင်တွေ အငြင်းပွားနေခဲ့ကြပါတယ်။

 ▪️ LUCA က ကမ္ဘာမြေကြီးရဲ့ သက်တမ်းနဲ့ တူတူနီးပါးလောက်ရှိတယ်လို့ လေ့လာချက်မှာ ခန့်မှန်းရပါတယ်။

 ▪️ ကမ္ဘာဂြိုဟ်ဖြစ်ပေါ်ပြီးတာနဲ့ ဇီဝဖြစ်စဉ်တွေရဲ့ အရေးကြီးအစိတ်အပိုင်းတွေ ဖြစ်တဲ့ မျိုးဗီဇအချက်အလက်နဲ့ ဒီအင်န်အေပွားခြင်းတို့ ဖြစ်ပေါ်လာဖွယ် ရှိပါတယ်။

 ▪️ ဘက်တီးရီးယား၊ ပိုးမွှား၊ မှိုနဲ့ LUCA တို့ရဲ့ မျိုးဗီဇပစ္စည်း ၇၀၀ လောက်ကို ဆန်းစစ်ခဲ့ကြပါတယ်။

 ▪️ ထိုထဲက မျိုးဗီဇပစ္စည်း ၅၇ မျိုးက ထိုသတ္တဝါများ ဆင့်ကဲပြောင်းလဲရာမှာ ပါဝင်ခဲ့တာကို တွေ့ခဲ့ကြပါတယ်။

 ▪️ တွေ့ရှိချက်များအရ LUCA ဟာ အလွန်ရှုပ်ထွေးတဲ့ ဘက်တီးရီးယားမျိုးဖြစ်ကာ အလင်းဖြင့် အစာချက်လုပ်နိုင်စွမ်း မရှိပါဘူး။

 ▪️ ဒီလေ့လာချက်ကနေ LUCA ရဲ့ သက်တမ်းကို တွက်ချက်ဖြေရှင်းနိုင်ဖွယ် ရှိပါတယ်။

 ▪️ LUCA ရဲ့ ပြန်လည်တည်ဆောက်ပုံကို လေ့လာခြင်းဖြင့် ကမ္ဘာပေါ်က သက်ရှိတွေ ဆင့်ကဲပြောင်းလဲလာပုံကို ပိုမိုသိရှိလာနိုင်ပါတယ်။

 ▪️ ဒီသုတေသနက နောက်ဆုံးမဟုတ်သလို သတ္တဝါအသစ်တွေ ပိုမိုတွေ့ရှိလာပြီး နည်းပညာတွေ ထွန်းကားလာတာနဲ့အမျှ LUCA ပြောင်းလဲလာပုံကို ပိုမိုသိရှိလာနိုင်ပြီး သက်ရှိများရဲ့ သဘာဝအစကို ပိုမိုနားလည်လာနိုင်မှာ ဖြစ်ပါတယ်။

#Source: NDTV

#World_Science
Published 23 August 2024

▪️ သိပ္ပံပညာရှင်တွေ ကမ္ဘာဂြိုဟ်ပြင်ပသို့ အချက်ပြလွှတ်နေပြီး ဂြိုဟ်သားသက်ရှိတွေနဲ့ ဆက်သွယ်ဖို့ ကြိုးပမ်းနေတာတွေကို နက္ခတ်ပညာရှင် အဒမ်ဖရန့်ခ်က သတိပေးလိုက်ပြီး အာကာသထဲမှာ သက်ရှိတွေ ရှိနေနိုင်တာကို လူတွေမသိနိုင်တာကြောင့် သတိထားသင့်တယ်လို့ ဆိုလိုက်ပါတယ်။

▪️ ထိုပညာရှင်က ကမ္ဘာဂြိုဟ်ပြင်ပမှာ ဂြိုဟ်သားတွေဟာ ပိုးမွှားပုံစံအနေဖြင့် အနည်းဆုံး ရှိနိုင်ဖွယ်ရှိတယ်လို့ ယုံကြည်ထားကာ လူသားတွေအနေနဲ့ သိုသိုသိပ်သိပ် နေထိုင်သင့်ပြီး ဂြိုဟ်သားတွေနဲ့ မဆက်သွယ်သင့်ကြောင်း၊ ဒီလိုလုပ်နေတာဟာ လူသားတွေက အရသာရှိတယ်လို့ ဖိတ်ခေါ်နေတာနဲ့တူကြောင်း ပြောပါတယ်။

▪️ အနည်းဆုံးတော့ စကြဝဠာထဲမှာ ပိုးမွှားပုံစံအနေနဲ့ ကျက်စားနေထိုင်နိုင်ဖွယ် ရှိတယ်လို့ ယူဆနေပါတယ်။

▪️ ဖရန့်ခ်က ပြင်ပဂြိုဟ်ဆက်သွယ်ရေးအကြောင်းကို အားမပေးဘဲ အပြင်မှာ ဘာတွေရှိနေနိုင်လဲ မသိတာကြောင့် သိုသိပ်စွာ နေထိုင်ဖို့က အကောင်းဆုံးဖြစ်တယ်လို့ 5 Live Science Podcast မှာ ပြောသွားပါတယ်။

▪️ ဂြိုဟ်ပြင်ပသို့ အချက်ပြစနစ်တွေ ထုတ်လွှင့်နေတာဟာ ရေဒီယိုထုတ်လွှင့်မှုတွေမှာ ဘယ်လောက်တောင် ကြားနိုင်မလဲ မသိနိုင်ဘူးလို့လည်း ဆိုပါတယ်။

▪️ ပြင်ပဂြိုဟ်တွေကနေ မကြားနိုင်ပေမယ့် ရေဒီယိုထုတ်လွှင့်မှုတွေ ရှိနေနိုင်တယ်လို့ ဆိုပါတယ်။

▪️ ပိုးမွှားပုံစံတွေကနေ ဆင့်ကဲပြောင်းလဲမလာဘူးလို့ ခန့်မှန်းမရကြောင်း၊ ကမ္ဘာပေါ်မှာ သတ္တဝါတွေကနေ အခုဆိုရင် အလိုအလျောက်စနစ်တွေ ပြောင်းလဲလာကြောင်း၊ ဒါတွေဆိုရင် ဆင့်ကဲပြောင်းလဲဖို့ ခက်ပေမယ့် စကြဝဠာမှာလည်း ဒီလိုဖြစ်နိုင်ခြေရှိကြောင်း ပြောသွားပါတယ်။

#Source: WION

တရုတ်ပြည် ယူနန်ဒေသရှိ ယုရှီမြို့မှာ မြန်နှုန်းမြင့်အားသွင်းစခန်းတစ်ခုကို ဇူလိုင်လက စတင်ဖွင့်လှစ်လိုက်ပြီး ယူနန်ပို့ဆောင်ရေးထရပ်ကားတွေအတွက် စွမ်းအားမြင့် အားသွင်းတိုင်များ ထောက်ပံ့နေပြီ ဖြစ်ပါတယ်။
#Asia_Development
#Local_News
#မြန်နှုန်းမြင့်အားသွင်းစခန်း #လျှပ်စစ်ကုန်တင်ကား
#YMG #Yangon_Times #Yangon_Media_Group

၂၂ ဩဂုတ် ၂၀၂၄

မြန်မာကိစ္စဖြေရှင်းရာတွင် ကုလသမဂ္ဂ၏ အပြုသဘောဆောင်အခန်းကဏ္ဍကို  တရုတ်ကထောက်ခံ ကြောင်း တရုတ်နိုင်ငံခြားရေးဝန်ကြီးဌာနပြောရေးဆိုခွင့်ရသူ မစ္စမော်နင်းကပြောကြားလိုက်ပါတယ်။

ဩဂုတ်၂၂ရက်က တရုတ်နိုင်ငံခြားရေးဝန်ကြီးဌာနမှာကျင်းပတဲ့ ပုံမှန်သတင်းစာရှင်းလင်းပွဲမှာ မစ္စ မော်နင်းက ပြောကြားခဲ့တာဖြစ်ပါတယ်။

Source CCTV+

#Daily_News
Published 22 August 2024

၁။ တာချီလိတ်တွင် မိုးပြန်သည်းလာပြီး မယ်ဆိုင်ချောင်းရေလျှံကာရပ်ကွက်အချို့ရေနစ်မြုပ်

၂။ ပြည်ပသို့ လယ်ယာထွက်ကုန်တင်ပို့မှုမှ အမေရိကန်ဒေါ်လာသန်းပေါင်း ၁,၇၀၀ ကျော်ရရှိထား

၃။ ရန်ကုန်ကလေးဆေးရုံကြီး(ဟယ်ပင်)တွင် ဖျားနာဆောင်နှင့် အတွင်းလူနာဆောင်များတိုးချဲ့ထားရှိရန်စီစဉ်နေ

၄။ ယူနန်တွင်လျှပ်စစ်ကုန်တင်ကားများအတွက် မြန်နှုန်းမြင့်အားသွင်းစခန်းများအသုံးပြုနေပြီ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group