#Daily_News
Published 12 May 2026

၁။‌ နှစ်စဉ်ယူနစ်(၁၀၄)သန်း ပိုမိုထွက်ရှိရန်ရေပိုလွှဲတွင်HEDတပ်ဆင်သွားမည်

၂။ ‌နွေစပါး ဧက(၁၀၀)ကျော်၌ Rice Export Zoneဖော်ဆောင်နေ

‎၃။‌‌‎ နိုင်ငံ(၈)ခု၏ ယဉ်ကျေးမှုနှင့်အစားအစာများကို တစ်နေရာတည်းတွင် လေ့လာနိုင်မည့်ပွဲတော် ကျင်းပမည်

၄။‎ ‌‌‌‌‌‌‌‌‌ဒရုန်းပြပွဲများဖြင့် ချုံချင့်မြို့ညစည်ကားနေ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

နှစ်စဉ် လျှပ်စစ်ဓာတ်အားယူနစ် ၁၀၄ သန်း ပိုမိုထွက်ရှိနိုင်ရေး ရေလှောင်တမံအတွင်း ရေပိုမိုသိုလှောင်နိုင်ရေးအတွက် ရေပိုလွှဲမှာ Hydraulic Elevated Dam (HED) တပ်ဆင်သွားမယ်လို့ လျှပ်စစ်နှင့်စွမ်းအင်ဝန်ကြီးဌာနမှ သိရပါတယ်။

#Local_News
Published 12 May 2026
#HED #လျှပ်စစ်နှင့်စွမ်းအင်ဝန်ကြီးဌာန
#YMG/SW #Yangon_Times

ပြည်ပကိုဆန်တင်ပို့နိုင်ဖို့ နွေစပါး ဧက ၁၀၀ကျော်မှာ Rice Export Zoneဖော်ဆောင်နေတယ်လို့ ရန်ကုန်တိုင်းဒေသကြီး စိုက်ပျိုးရေးဦးစီးဌာနကနေ သိရပါတယ်။

#Local_News
Published 12 May 2026
#နွေစပါး #Rice_Export_Zone
#YMG/NN #Yangon_Times

နိုင်ငံကြီး (၈) နိုင်ငံရဲ့ယဉ်ကျေးမှုနဲ့ အစားအစာများကို တစ်နေရာတည်းမှာ လေ့လာနိုင်မယ့် Cultural Connections 2026 ကိုရန်ကုန်မြို့မှာကျင်းပသွားမယ်လို့သိရပါတယ်။

#Local_News
Published 12 May 2026
#Cultural_Connections_2026
#YMG/SW #Yangon_Times

၂၀၂၆-၂၇ဘဏ္ဍာနှစ်စဖြစ်တဲ့ ဧပြီလတစ်လတာကာလအတွင်းပြည်ပသို့ အမေရိကန် ဒေါ်လာတစ်သန်းကျော်တန်ဖိုးရှိ ပုစွန်တန်သုံးရာကျော်တင်ပို့ထားတယ်လို့ ငါးလုပ်ငန်းဦးစီးဌာနကသိရပါတယ်။

#Local_News
Published 12 May 2026
#ပုစွန်
#YMG/NN #Yangon_Times

#Local_News
Published 12 May 2026

■ မေလ (ဒုတိယ ဆယ်ရက်ပတ်)အတွင်း ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် လေဖိအားနည်းရပ်ဝန်း နှစ်ကြိမ်ဖြစ်ပေါ်နိုင်ပြီးတစ်ကြိမ်တွင် ပိုမို အားကောင်းလာကာ မုန်တိုင်းငယ်အဖြစ်သို့ ရောက်ရှိနိုင် ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၏
မေလ (ဒုတိယ ဆယ်ရက်ပတ်)အတွက် စိုက်ပျိုးရေးမိုးလေဝသခန့်မှန်းချက်အရသိရသည်။

■ အနောက်တောင်မုတ်သုံလေသည် မေ ၁၃ ရက်မှ ၁၇ ရက်အတွင်း မြန်မာနိုင်ငံတောင်ပိုင်းဒေသများသို့ လည်းကောင်း၊ မေ ၁၈ ရက်မှ ၂၂ ရက်အတွင်း မြစ်ဝကျွန်းပေါ်ဒေသများသို့လည်းကောင်း ဝင်ရောက်နိုင်ပြီး ယင်းကာလအတွင်း အနောက်တောင်မုတ်သုံလေသည် အားအသင့်အတင့်ရှိနိုင်ကြောင်း သိရသည်။

■ မိုးရွာသွန်းနိုင်မှုအခြေအနေများမှာနေပြည်တော်၊ ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ ဧရာဝတီတိုင်းဒေသကြီးတို့တွင် ရွာသွန်းမြဲထက်ပိုနိုင်ပြီး မကွေးတိုင်း၊ စစ်ကိုင်းတိုင်း၊ တနင်္သာရီတိုင်း ၊ ကချင်၊ ကယား၊ ကရင်၊ ချင်း၊ မွန်၊ ရခိုင်နှင့် ရှမ်းပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်ကြောင်းသိရသည်။
 
■ အမြင့်ဆုံးအပူချိန်အခြေအနေများမှာ ချင်းနှင့် ရှမ်းပြည်နယ်တောင်ပိုင်းတို့တွင် ၇၁ ဒီဂရီ ဖာရင်ဟိုက်မှ ၈၁ ဒီဂရီဖာရင်ဟိုက်အတွင်း၊ စစ်ကိုင်းတိုင်းအထက်ပိုင်း၊ ကချင်၊ ကယား၊ ရခိုင်နှင့် ရှမ်းပြည်နယ်(အရှေ့ပိုင်းနှင့်မြောက်ပိုင်း)တို့တွင် ၈၂ ဒီဂရီဖာရင်ဟိုက်မှ ၉၃ ဒီဂရီဖာရင်ဟိုက်အတွင်းနှင့် နေပြည်တော်၊ ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်းအောက်ပိုင်း၊ ဧရာဝတီတိုင်း၊ တနင်္သာရီ တိုင်း၊ ကရင်နှင့် မွန်ပြည်နယ်တို့တွင် ၉၄ ဒီဂရီ ဖာရင်ဟိုက်မှ ၁၀၃ ဒီဂရီဖာရင်ဟိုက်အတွင်း ရှိနိုင်ကအနိမ့်ဆုံးအပူချိန်အခြေအနေများမှာ ချင်းပြည်နယ်တွင် ၅၃ ဒီဂရီဖာရင်ဟိုက်ခန့်၊ စစ်ကိုင်းတိုင်းဒေသကြီး အထက်ပိုင်း၊ ကချင်ပြည်နယ်၊ ကယားပြည်နယ်နှင့် ရှမ်းပြည်နယ်တို့တွင် ၆၂ ဒီဂရီဖာရင်ဟိုက်မှ ၇၁ ဒီဂရီဖာရင်ဟိုက်အတွင်းနှင့် နေပြည်တော်၊ ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်းအောက်ပိုင်း၊ ဧရာဝတီ တိုင်း၊ တနင်္သာရီတိုင်း၊ ကရင်၊ မွန်နှင့် ရခိုင်ပြည်နယ်တို့တွင် ၇၂ ဒီဂရီဖာရင်ဟိုက်မှ ၈၁ ဒီဂရီဖာရင်ဟိုက်အတွင်းရှိနိုင်ကြောင်းသိရသည်။
 
■ လေထုစိုထိုင်းဆအခြေအနေများမှာ နေပြည်တော်၊ ရန်ကုန်တိုင်း မန္တလေးတိုင်း၊ ပဲခူးတိုင်း(တောင်ပိုင်း)၊ မကွေးတိုင်း၊ စစ်ကိုင်းတိုင်းအောက်ပိုင်း၊ မွန်နှင့် ရှမ်း(တောင်ပိုင်း)တို့တွင် ၆၁ ရာခိုင်နှုန်းမှ ၇၀ ရာခိုင်နှုန်းအတွင်း၊ ပဲခူးတိုင်း (အရှေ့ပိုင်းနှင့် အနောက်ပိုင်း)၊ စစ်ကိုင်းတိုင်းအထက်ပိုင်း၊ ဧရာဝတီတိုင်း၊ တနင်္သာရီတိုင်း၊ ကချင် ၊ ကယား၊ ကရင်နှင့် ရှမ်းပြည်နယ်(အရှေ့ပိုင်း)တို့တွင် ၇၁ ရာခိုင်နှုန်းမှ ၈၀ ရာခိုင်နှုန်းအတွင်းနှင့် ချင်း၊ ရခိုင်နှင့် ရှမ်းပြည်နယ်(မြောက်ပိုင်း)တို့တွင် ၈၁ ရာခိုင်နှုန်းမှ ၉၀ ရာခိုင်နှုန်းအတွင်းရှိနိုင်ကြောင်းသိရသည်။
 
■ ပင်ငွေ့ရေငွေ့ပြန်နှုန်းအခြေအနေများမှာ ချင်း၊ ရခိုင်နှင့် ရှမ်းပြည်နယ်(မြောက်ပိုင်း)တို့တွင် ၂၈ မီလီမီတာမှ ၃၇ မီလီမီတာအတွင်း၊ စစ်ကိုင်းတိုင်း အထက်ပိုင်း၊ ကချင်နှင့် ရှမ်းပြည်နယ်(အရှေ့ပိုင်းနှင့် တောင်ပိုင်း)တို့တွင် ၃၈ မီလီမီတာမှ ၄၇ မီလီမီတာအတွင်း၊ မန္တလေး တိုင်း၊ ပဲခူးတိုင်း(အနောက်ပိုင်း)၊ ဧရာဝတီတိုင်း နှင့် ကယားပြည်နယ်တို့တွင် ၄၈ မီလီမီတာမှ ၅၇ မီလီ မီတာအတွင်းနှင့် နေပြည်တော်၊ ရန်ကုန်တိုင်း၊ ပဲခူးတိုင်း(အရှေ့ပိုင်းနှင့်တောင်ပိုင်း)၊ မကွေးတိုင်း၊ စစ်ကိုင်းတိုင်းအောက်ပိုင်း၊ တနင်္သာရီတိုင်း၊ ကရင်နှင့် မွန်ပြည်နယ်တို့တွင် ၅၈ မီလီမီတာမှ ၆၈ မီလီမီတာအတွင်းရှိနိုင်ကာ မြေဆီလွှာအောင်းရေအခြေအနေများမှာ ကချင်၊ ရခိုင်နှင့် ရှမ်းပြည်နယ်(မြောက်ပိုင်းနှင့် တောင်ပိုင်း)တို့တွင် (စိုစွတ်)အခြေအနေနှင့် နေပြည်တော်၊ ရန်ကုန်တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်း၊ ဧရာဝတီတိုင်း၊ တနင်္သာရီ တိုင်း၊ ကယား၊ ကရင်၊ ချင်း၊ မွန်နှင့် ရှမ်းပြည်နယ်(အရှေ့ပိုင်း)တို့တွင် (ခြောက်သွေ့)အခြေအနေရှိနိုင်‌ကြောင်းသိရသည်။

#YMG/NN #Yangon_Times

#Local_News
Published 12 May 2026
 
■ ယခုနှစ်အတွင်း ပုဂံဒေသရှိ ဘုရားစေတီနှစ်ဆူနှင့် ရှေးဟောင်းအဆောက်အအုံ
တစ်ခု၏ အုတ်မြစ်တည်ဆောက်မှုစနစ်ကို တူးဖော် သုတေသနပြုသွားမည်ဖြစ်ကြောင်း
ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာန ရှေးဟောင်းသုတေသနနှင့် အမျိုးသားပြတိုက်ဦးစီးဌာန(ပုဂံဌာနခွဲ) သုတေသနဌာနစုမှ သိရသည်။

■ ပုဂံဒေသရှိ ခေတ်အဆက်ဆက် တည်ဆောက်ခဲ့သော ရှေးဟောင်းစေတီပုထိုး အဆောက်အအုံများ၏ မြေပြင်အောက်တွင် တည်ဆောက်ခဲ့သည့် အုတ်မြစ်တည်ဆောက်မှုစနစ်အား သိရှိနိုင်ရန် ဟိုတယ်၊ ခရီးသွားလာရေးနှင့် ယဉ်ကျေးမှုဝန်ကြီးဌာန ရှေးဟောင်းသုတေသနနှင့် အမျိုးသားပြတိုက်ဦးစီးဌာန(ပုဂံဌာနခွဲ) သုတေသနဌာနစုက တူးဖော်သုတေသနပြု လေ့လာလျက်ရှိခြင်းဖြစ်သည်။
 
■ ထိုသို့ ဆောင်ရွက်ရာတွင် ၂၀၂၃ ခုနှစ်မှစ၍ ခေတ်ကာလ မတူညီသော ရှေးဟောင်းစေတီ ပုထိုးအဆောက်အအုံ ၁၂ ခု၏ အုတ်မြစ်တည်ဆောက်မှုစနစ်ကို တူးဖော်သုတေသနပြုလေ့လာခဲ့ ပြီး ယခု ၂၀၂၆ ခုနှစ်တွင် သဗ္ဗညု ဂူဘုရားအနောက်ဘက် မီးမလောင်ကျောင်းအနီးရှိ ငကျွဲနားဋောင်းစေတီ (ရှေးဟောင်း အဆောက်အအုံအမှတ်-၁၆၀၃)၊ ပုဂံ ရှေးဟောင်းသုတေသန ပြတိုက်ရှေ့ရှိ ပေါက်ပင်ရာ စေတီ (ရှေးဟောင်းအဆောက်အအုံ အမှတ်-၁၆၁၄)၊ ညောင်ဦး- ပုဂံ မြို့ဟောင်းကားလမ်းဘေး မင်းအိုချမ်းသာဘုရား အရှေ့ဘက်ရှိ ရှေးဟောင်းအဆောက်အအုံ အမှတ်-၁၉၀၅ တို့၏ အုတ်မြစ်တည်ဆောက်မှုစနစ်ကို တူးဖော်သုတေသနပြုသွားမည်ဖြစ်ကြောင်း သိရသည်။
 
■ အဆိုပါ တူးဖော်သုတေသနပြုနေမှုများနှင့်ပတ်သက်၍ လေ့လာလိုသည့် သုတေသီများ၊ ကျောင်းသား ကျောင်းသူများ၊ ရှေးဟောင်း သုတေသနဆိုင်ရာ တူးဖော်သုတေ သနပြုမှုများကို ‌စိတ်ပါဝင်စားသည့် မည်သူမဆို လာရောက်လေ့လာနိုင်ကြောင်း  သိရသည်။
 

#YMG/NN #Yangon_Times

#World_Health
Published 11 May 2026

■ နာဆာ(NASA)ကတော့ နျူကလီးယားစွမ်းအင်သုံး အာကာသယာဉ် Space Reactor-1 Freedom (SR-1 Freedom) ထုတ်လုပ်လိုက်ပါပြီ။

■ မားစ်ဂြိုဟ်လေထုနဲ့ မြေပြင်တို့ကို စူးစမ်းမယ့် ရဟတ်ယာဉ်ငယ်အုပ်ကြီး စေလွှတ်ဖို့ရည်ရွယ်ထားတဲ့ Skyfall မစ်ရှင်အတွက် ဒီအာကာသယာဉ်က ပင်မကျောရိုး ဖြစ်လာမှာဖြစ်ပြီး ၂၀၂၈ ခုနှစ်မှာ လွှတ်တင်ဖို့ ပစ်မှတ်ထားပါတယ်။

■ သူ့ရဲ့အဓိကအရာက နျူကလီးယားအီလက်ထရစ်တွန်းကန်အား (NEP)လို့ခေါ်တဲ့ နောက်ဆုံးပေါ် တွန်းကန်အားစနစ် ဖြစ်ပြီး လျှပ်စီးထုတ်လုပ်နိုင်ဖို့ နျူကလီးယားဓာတ်ပေါင်းဖိုတစ်ခု အသုံးပြုရပါတယ်။

■ ဒီလျှပ်စစ်ဓာတ်အားက ထိရောက်စွာ ပင့်တင်ပေးပြီး အချိန်ကြာမြင့်တဲ့ အာကာသခရီးစဉ်တွေ သွားနိုင်စေမှာ ဖြစ်ပါတယ်။

■ အာကာသယာဉ်တစ်ခုအတွက် ဒီလိုစနစ်ကို အဓိကပင့်တင်နည်းလမ်းအဖြစ် ပထမဆုံးအသုံးပြုတာ ဖြစ်တယ်လို့ နာဆာတာဝန်ရှိသူတွေ ပြောပါတယ်။

■ NEP စနစ်ဖြင့် အာကာသထဲ အတွင်းကျကျထဲ သွားရောက်နိုင်ဖို့ မျှော်လင့်ရပါတယ်။

■ ဒီစနစ်ဟာ နေရောင်ခြည်ကို မမှီခိုရဘဲ နေစကြဝဠာနဲ့ ဝေးလံတဲ့နေရာမှာတောင် လုပ်ဆောင်နိုင်မှာ ဖြစ်ပါတယ်။

■ SR-1 Freedom အာကာသယာဉ်ဟာ ရဟတ်ယာဉ်အများအပြားကို သယ်ဆောင်မှာ ဖြစ်ပါတယ်။

■ ဒီရဟတ်ယာည်တွေနဲ့ မြေပြင်အနေအထား၊ လေထုအခြေအနေ၊ တည်နေရာများကို ရှာဖွေနိုင်မှာ ဖြစ်ပါတယ်။

■ သွားလာချိန် လျော့နည်းစေပြီး အာကာသခရီးစဉ် တာဝန်များ လိုသလိုဆောင်ရွက်နိုင်ခြင်းဖြင့် မားစ်ဂြိုဟ်ခရီးစဉ်မှာ အရေးပါတဲ့ကဏ္ဍက ပါဝင်လာမှာ ဖြစ်ပါတယ်။

Source: India Today

#World_Health
Published 11 May 2026

■ ကျောက်ကပ်တွေက နေ့စဉ် သွေး ၅၀ ဂါလံ စစ်ထုတ်နေပေမယ့် ရေဓာတ်ခန်းခြောက်တဲ့အခါ ကျောက်တည်ခြင်းနဲ့ ဆီးလမ်းကြောင်းရောဂါတွေ ဖြစ်လာနိုင်ပါတယ်။

■ ရေများလွန်းတဲ့အခါမှာတော့ သွေးထဲမှာ ဆိုဒီယံနည်းသွားနိုင်ပါတယ်။

■ ဒါကြောင့် ကျောက်ကပ်ကျန်းမာရေးအတွက် ရေဓာတ်မျှတအောင် ထိန်းသိမ်းဖို့က အရေးကြီးကြောင်း ဒေါက်တာ မာနိုအာရိုရာက ပြောပါတယ်။

■ ကျောက်ကပ်တွေက သွေးထဲက အီလက်ထရိုလိုက်တွေ မျှတအောင် ထိန်းသိမ်းခြင်းအပြင် ဆီးလမ်းကြောင်းရောဂါများ၊ ကျောက်တည်ခြင်းတို့ကိုလည်း ကာကွယ်ပေးတဲ့နေရာမှာ အရေးကြီးပါတယ်။

■ ရေသောက်များလွန်းတဲ့အခါ သွေးထဲ ဆိုဒီယံနည်းခြင်းဖြစ်နိုင်ပြီး ခေါင်းကိုက်ခြင်း၊ မူးဝေခြင်းတို့ ဖြစ်နိုင်ပါတယ်။

■ ကျောက်ကပ်တွေက ရေအများအပြားကို ၂၄ နာရီအတွင်း ခန္ဓာကိုယ်ထဲကနေ ဖယ်ရှားနိုင်ပေမယ့် အကန့်အသတ်တော့ ရှိပါတယ်။

■ အဆက်မပြတ် ရေဆာခြင်း၊ ဆီးဝါခြင်း၊ ဆီးထွက်နည်းခြင်း၊ အာခြောက်ခြင်း၊ နွမ်းနယ်ခြင်းတို့က ရေဓာတ်မလုံလောက်တဲ့ လက္ခဏာ ဖြစ်နိုင်ပါတယ်။

■ ကော်ဖီ လက်ဖက်ရည်တို့ သောက်လေ့ရှိသူတွေမှာ အရည်ဝင်ရောက်မှုပမာဏထဲ ထည့်သွင်းလို့ရပြီး အချိုရည် သောက်သုံးသူတွေမှာတော့ အချိုဓာတ်များခြင်းက ရေရှည်မှာ ကျောက်ကပ်ကျန်းမာရေး ထိခိုက်စေနိုင်ပါတယ်။

■ ရေရှည် ရေဓာတ်မလုံလောက်ခြင်းက ကျောက်ကပ်တွေကို ထိခိုက်နိုင်တာကြောင့် ရေဓာတ်ဖြည့်ပေးခြင်းက ရေရှည်ကျောက်ကပ်ပြဿနာများကို ကြိုတင်ကာကွယ်နိုင်မှာ ဖြစ်ပါတယ်။

Source: Times of India

မြန်မာနိုင်ငံအထည်ချုပ်လုပ်ငန်း လူ့စွမ်းအားအရင်းအမြစ်ဖွံ့ဖြိုးတိုးတက်ရေးသင်တန်းကျောင်း (MGHRDC) ၌ Inspection and Quality Control Training ကို မေလ ၂၅ ရက်မှ ၂၉ ရက်ထိ ဖွင့်လှစ်သွားမယ်လို့ သိရပါတယ်။

#Local_News
Published 10 May 2026
#အထည်ချုပ် #Inspection_and_Quality_Control_Training
#YMG/SW #Yangon_Times

#World_Health
Published 10 May 2026

■ လူငယ်တွေ နားကြပ်အသုံးများလာခြင်းကြောင့် အကြားအာရုံချို့ယွင်းခြင်း အဖြစ်များလာပါတယ်။

■ ကမ္ဘာပေါ်မှာ လူပေါင်း ၁ ဘီလီယံခွဲလောက်ဟာ အကြားအာရုံချို့ယွင်းမှု တစ်မျိုးမျိုး ဖြစ်နေတယ်လို့ WHO က ထုတ်ပြန်ထားပါတယ်။

■ ၂၀၂၃ ဖော်ပြချက်တစ်ခုမှာ ဆယ်ကျော်သက်နဲ့ လူငယ် ၁ ဘီလီယံကျော်လောက်ဟာ နားကြပ်တွေ အသုံးပြုခြင်းကြောင့် အကြားအာရုံယိုယွင်းမှု ဖြစ်နိုင်ခြေများနေပါတယ်။

■ ဘေးကင်းစိတ်ချစွာ နားထောင်ဖို့အတွက် ၈၀ ဒက်ဆီဘယ်အောက် အသံထားရှိဖို့ WHO အကြံပြုထားပြီး နားကြပ်အသုံးပြုသူတွေမှာတော့ ဒီကန့်သတ်ချက်ကို ကျော်လွန်သွားနိုင်ကာ ဆူလောင်တဲ့အသံတွေကို နားထောင်တဲ့ကြာချိန်၊ အရေအတွက်တို့ကလည်း သက်ရောက်နေပါတယ်။

■ ကျယ်လောင်တဲ့ ဆူညံသံတွေကြောင့် နားရဲ့အကြားအာရုံဖွဲ့စည်းပုံကို ထိခိုက်စေကာ ဆူညံကြောင့် အကြားအာရုံဆုံးရှုံးခြင်း(NIHL) ခံစားရနိုင်ပါတယ်။

■ ဒီလိုအသံတွေကို အဆက်မပြတ် ထိတွေ့ရာကနေ နားအတွင်းပိုင်းထဲက အမွှေးဆဲလ်တွေ ထိခိုက်လာစေနိုင်ပါတယ်။

■ နားအတွင်းထဲထည့်ရတဲ့ နားကြပ်တွေ အသုံးများလာခြင်းက ပိုဆိုးစေပြီး အတွင်းလမ်းကြောင်းနဲ့ နားစည်တို့ အသံလှိုင်းတွေ လက်ခံမှုကို ထိခိုက်လာစေပါတယ်။

■ ဆူညံသံလျှော့ချပေးတဲ့ နားကြပ်တွေကတော့ သေချာလေးအသုံးပြုရင် ဘေးအန္တရာယ် လျှော့ချနိုင်ပါတယ်။

■ ကြိုတင်ကာကွယ်တဲ့ နည်းလမ်းတွေအနေနဲ့ အသံနှုန်း ၆၀ ရာခိုင်နှုန်းအောက် မိနစ် ၆၀ ထက်မပိုဘဲ နားထောင်သင့်ပြီး ပုံမှန်အကြားအာရုံကို စစ်ဆေးနေသင့်ပါတယ်။

Source: India Today.

#World_Health
Published 10 May 2026

■ GLP-1 ကုသဆေးတွေဖြစ်တဲ့ ဆယ်မာဂလူတိုက်နဲ့ တီယာဇီပတိုက်တို့ဟာ ဆာလောင်စိတ်ကို လျှော့ချပြီး အစာအိမ်ရှင်းလင်းရေးကို နှေးစေကာ အဝလွန်ခြင်းနဲ့ ဆီးချိုတို့ကို ထိရောက်စွာ ထိန်းချုပ်ပေးပါတယ်။

■ ဒီလိုမျိုး အစားလျှော့စားရာကနေ အာဟာရဓာတ် ချို့တဲ့မှုတွေ ဖြစ်လာနိုင်ပါတယ်။

■ အသက် ၄၂ နှစ်အရွယ် လူနာတစ်ဦးဆိုရင် ဘီ၁၂၊ ဗိုက်တာမင်-ဒီ၊ သံဓာတ်တို့ လျော့နည်းသွားပြီး ပင်ပန်းနွမ်းနယ်ခြင်း၊ ဆံပင်ကျွတ်ခြင်းတို့ ဖြစ်လာပါတယ်။

■ ဒီလိုလူနာတွေအတွက် ဘေးကင်းစိတ်ချရဖို့ ပညာရှင်နဲ့ တိုင်ပင်ကာ ပရိုတိန်းကြွယ်ဝတဲ့ အစားအစာများ စားသုံးပြီး ဖြည့်စွက်အားဆေးတွေ အသုံးပြုသင့်ပါတယ်။

■ GLP-1 ကုသနည်းတွေက သံဓာတ်၊ ကယ်စီယံ၊ ဖောလိတ်၊ ဗိုက်တာမင်-ဘီ၁၂၊ ဗိုက်တာမင်-ဒီတို့ ချို့တဲ့ခြင်းကို ပိုဆိုးစေနိုင်ပါတယ်။

■ အသားဓာတ်ပရိုတိန်း လျှော့စားခြင်းနဲ့ စားသောက်ပုံစံ မမှန်ခြင်းတို့ကလည်း ပိုဆိုးစေနိုင်ပါတယ်။

■ ဒီဆေးတွေ သုံးနေစဉ်မှာ အဆီတစ်ရှူးတွေထဲ ပြောင်းလဲသွားပြီး အဆီပျော်ဝင်ဗိုက်တာမင်တွေ စုပ်ယူမှုကို ယုတ်လျော့စေနိုင်ပါတယ်။

■ ဒီအချက်တွေဖြင့် ကုသမှုခံယူနေစဉ်အတွင်း အာဟာရဓာတ်အခြေအနေကို သေချာစောင့်ကြည့်ဖို့ လိုအပ်ပါတယ်။

■ GLP-1 အသုံးပြုနေသူတွေဟာ ပရိုတိန်းမကြွယ်ဝတဲ့ စားစရောတွေကိုပဲ စားချင်နေကြပါတယ်။

■ ဒါကြောင့် ပရိုတိန်းနဲ့ အာဟာရဓာတ် ကြွယ်ဝတဲ့ စားစရာတွေကို နည်းနည်းချင်း မျှတစွာ စားပေးဖို့ လိုအပ်ပါတယ်။

■ ဗိုက်တာမင်-ဘီ၁၂၊ ဗိုက်တာမင်-ဒီတို့ ဖြည့်စွက်ဆေးတွေပါ အသုံးပြုပြီး ကျန်းမာရေးပညာရှင်တွေနဲ့အတူ ထိန်းချုပ်ကုသနိုင်ပါတယ်။

Source: Indian Express.