#World_Science
Published 07 March 2026

■ အိန္ဒိယသိပ္ပံပညာရှင်တွေက လပေါ်မှာ ရတနာတူးလို့ရမယ့် နေရာကောင်းတစ်ခုရှာဖွေနေရာ လတောင်ဝင်ရိုးစွန်းအနီး Mons Mouton နေရာမှ MM-4 လို့ခေါ်တဲ့ နေရာတစ်ခုကို တွေ့ရှိခဲ့ပါတယ်။

■ အိန္ဒိယရဲ့ နောက်ထပ်အာကာသခရီးစဉ်ကြီး Chandrayaan-4 က ၂၀၂၈ ဝန်းကျင်မှာ ပြုလုပ်နိုင်ဖွယ်ရှိပါတယ်။

■ Mons Mouton ဟာ တောင်တန်းလို မြေမြင့်နေရာတစ်ခုဖြစ်ပြီး ရေခဲနဲ့ ဘေးကင်းစိတ်ချရတဲ့ မြေပြင်ရှိနိုင်တာကြောင့် အနာဂတ်မှာ အာကာသလုပ်ငန်းများအတွက် အရေးပါပါတယ်။

■ အခြားခရီးစဉ်တွေနဲ့မတူတာက Chandrayaan-4 ဟာ လမြေဆီနဲ့ ကျောက်တုံးအပိုင်းအစတွေကို အမှန်တကယ် ကောက်ယူပြီး ကမ္ဘာပေါ်သို့ သယ်ဆောင်လာမှာ ဖြစ်ပါတယ်။

■ ဒီနမူနာတွေကို အိန္ဒိယသိပ္ပံပညာရှင်တွေက အဏုကြည့်မှန်ပြောင်းအောက်မှာ တန်ဖိုးကြီး ကျောက်မျက်တွေကို စစ်ဆေးသလိုမျိုး လေ့လာသွားမှာ ဖြစ်ပါတယ်။

■ ထိုနေရာတွေဟာ မှောင်မည်းအေးချမ်းတာကြောင့် ရေခဲတွေကို နှစ်ပေါင်းဘီလီယံကြာအောင် ထိန်းသိမ်းထားဖွယ် ရှိပါတယ်။

■ ဒီရေခဲတွေကနေ လူသားတွေအတွက် သောက်သုံးဖို့ရေ၊ အသက်ရှူဖို့ အောက်ဆီဂျင်၊ ဒုံးပျံလောင်စာတို့ကိုပင် ပြုလုပ်နိုင်ပါတယ်။

■ ထိုနေရာရဲ့ မြေတိမ်းစောင်းပုံ၊ အန္တရာယ်အနည်းဆုံး အခြေအနေနဲ့ ဘေးကင်းစိတ်ချရတဲ့ ဆင်းသက်နေရာတွေကြောင့် MM-4 ကို ရွေးချယ်ရတာ ဖြစ်ပါတယ်။

■ Chandrayaan-4 အောင်မြင်မှုရပါက အိန္ဒိယရဲ့ အာကာသစူးစမ်းလေ့လာရေးနဲ့ အနာဂတ်ရှာဖွေတွေ့ရှိမှုတို့ကို မြှင့်တင်နိုင်မှာ ဖြစ်ပါတယ်။

Source: WION.

#World_Health
Published 07 March 2026

■ နှလုံးသက်ရှည်ကျန်းမာဖို့အတွက် နေ့စဉ် ဖြည်းဖြည်းချင်း ကျင့်ကြံဆောင်ရွက်သွားနိုင်တယ်လို့ နှလုံးအထူးကုတွေ ပြောပါတယ်။

■ တက်ကြွလှုပ်ရှားစွာ နေထိုင်ခြင်း၊ နှလုံးကျန်းမာရေးညီညွတ်စွာ စားသောက်ခြင်း၊ အရက်ဆေးလိပ် ရှောင်ရှားခြင်းတို့က နှလုံးကျန်းမာရေး ကာကွယ်ရာမှာ အရေးအကြီးဆုံး ၃ ချက်ဖြစ်ကြောင်း ကလိဗ်လန်းဆေးရုံမှ နှလုံးအထူးကု ဂရန့်ရိဒ်က ပြောပါတယ်။

■ လေ့ကျင့်ခန်း ပုံမှန်ပြုလုပ်ခြင်းက နှလုံးကြံ့ခိုင်သန်မာစေပြီး သွေးပေါင်ချိန်နဲ့ ကိုလက်စထရောတို့ ထိန်းသိမ်းနိုင်စေမှာပါ။

■ တစ်ပတ်ကို အနည်းဆုံး အလယ်အလတ်လေ့ကျင့်ခန်း မိနစ် ၁၅၀ ပြုလုပ်ဖို့ တိုက်တွန်းနေကြပါတယ်။

■ အသီးအနှံ၊ ဟင်းရွက်၊ ပရိုတိန်း၊ ကောင်းကျိုးပြုအဆီတို့ပါဝင်တဲ့ အစားအသောက်တွေကို ဦးစားပေး စားသုံးသင့်ပါတယ်။

■ ဆေးလိပ်သောက်ခြင်းက သွေးကြောတွေ ထိခိုက်ပျက်စီးစေပြီး အရက်ကတော့ သွေးပေါင်ချိန်တိုးစေနိုင်ပါတယ်။

■ ဒါတွေအပြင် မိသားစုကျန်းမာရေးမျိုးရိုးကလည်း အရေးပါနေပါတယ်။

■ နှလုံးဖောက်ခြင်း၊ လေဖြတ်ခြင်းအပါအဝင် နှလုံးသွေးကြောကိစ္စတွေမှာ မိသားစုသမိုင်းက ကြီးမားတဲ့သက်ရောက်မှုတစ်ခု ဖြစ်တာကြောင့် အနီးစပ်ဆုံး သားစဉ်ဘိုးဘေးတွေရဲ့ နှလုံးကျန်းမာရေးအကြောင်းကို သိရှိထားဖို့ အရေးကြီးတယ်လို့ ရိဒ်ကပြောပါတယ်။

■ ဒီသမိုင်းကြောင်းတွေကို ဆရာဝန်နဲ့တိုင်ပင်ပြီး အန္တရာယ်ရှိနိုင်ခြေတွေ လိုအပ်တဲ့ကာကွယ်မှုတွေ သုံးသပ်နိုင်မှာ ဖြစ်ပါတယ်။

Source: Wave3.

အမေရိကန်နဲ့ အစ္စရေးလ်တို့ အီရန်ကို တိုက်ခိုက်ခြင်းနဲ့ အီရန်ရဲ့ တုံပြန်တိုက်ခိုက်မှုတွေကြောင့် ဒူဘိုင်း၊ အဘူဒါဘီ၊ ဒိုဟာတိုရှိ ကူးပြောင်းသွားလာရေးနေရာများ ပိတ်ထားရကာ ခရီးသွားသူသိန်းနဲ့ချီသောင်တင်နေရပါတယ်။

#World_News
Published 06 March 2025
#အမေရိကန်_အစ္စရေးလ် #အီရန်
#YMG #Yangon_Times #Yangon_Media_Group

#Daily_News
Published 06 March 2025

၁။‌ ‎EVနှင့်ဆီကားများအားအရစ်ကျဝယ်ယူနိုင်မည့် Auto Fair by CarsDB ကားအရောင်းပြပွဲကြီးကျင်းပနေ

‌‎၂။ ‌‌‌‌‌‌‌‌‌‌‌‎ဖေဖော်ဝါရီလအတွင်းပြည်ပသို့ ဆန်/ဆန်ကွဲတန်ချိန် တစ်သိန်းရှစ် သောင်းခန့်အထိတင်ပို့ထား

‎၃။‌‌‎ ‌‌‌‌‌‌‌‌‌‎တက္ကသိုလ်ဝင်စာမေးပွဲကာလအတွင်း ဆေးရုံစာဖြေဌာနများ ဖွင့်လှစ်ဆောင်ရွက်ပေးမည်

‎၄။‎ ‌‌‌‌‌‌‌‌‌စစ်ပွဲပဋိပက္ခများကြောင့် အရှေ့အလယ်ပိုင်းလေကြောင်းခရီးသွားလာမှုများရပ်ဆိုင်း... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အခုလာမယ့် ၂၀၂၆ခုနှစ်၊ မတ်လ(၁၁)ရက်ကနေ (၁၇)ရက်နေ့အထိ ကျင်းပပြုလုပ်မယ့် တက္ကသိုလ်ဝင်စာမေးပွဲကာလအတွင်း ဆေးရုံစာဖြေဌာနများကို ဖွင့်လှစ်ဆောင်ရွက်ပေးသွားမယ်လို့ မြန်မာနိုင်ငံစာစစ်ဦးစီးဌာနရဲ့ အသိပေးထုတ်ပြန်ထား ချက်အရသိရပါတယ်။

#Local_News
Published 06 March 2025
#တက္ကသိုလ်ဝင်စာမေးပွဲ #ဆေးရုံစာဖြေဌာန
#YMG/NN #Yangon_Times

ပြည်ပနိုင်ငံတွေကို ပြီးခဲ့တဲ့ဖေဖော်ဝါရီလအတွင်းက မြန်မာ့ဆန်နဲ့ဆန်ကွဲတန်ချိန် တစ်သိန်းရှစ်သောင်းခန့်အထိ တင်ပို့နိုင်ခဲ့တယ်လို့ မြန်မာနိုင်ငံ
ဆန်စပါးအသင်းချုပ် MRF ကသိရပါတယ်။

#Local_News
Published 06 March 2025
#ဆန်_ဆန်ကွဲ
#YMG/NN #Yangon_Times

EVနဲ့ဆီကားများကိုအရစ်ကျဝယ်ယူနိုင်မယ့် Auto Fair by CarsDB ကားအရောင်းပြပွဲကြီးကို ရန်ကုန်မြို့၊လှိုင်မြို့နယ်ရှိ BMF( Pannita Auto Park ) မှာ ဒီကနေ့ မတ်လ ၆ရက်နေ့ ကစတင်ပြီး သုံးရက်ကြာကျင်းပနေပြီလို့ သိရပါတယ်။

#Local_News
Published 06 March 2025
#EV_ဆီကား #Auto_Fair_by_CarsDB
#YMG/NN #Yangon_Times

#World_Health
Published 06 March 2026

■ အသက်အရွယ် ကြီးရင့်လာတယ်ဆိုတာဟာ ဖြည်းဖြည်းချင်းဖြစ်ပျက်တာလို့ ထင်ရပေမယ့် ကိုယ့်ကိုယ်ကို မှန်ထဲကြည့်လိုက်လို့ အမြန်အဆန် အိုမင်းလာတာလို့ ထင်မိနိုင်ပါတယ်။

■ ၂၀၂၄ မော်လီကျူးအပြောင်းအလဲကြောင်း လေ့လာမှုပြုခဲ့ရာမှာ ပျမ်းမျှအသက် ၄၄ နှစ်နဲ့ ၆၀ ဝန်းကျင်ခန့်မှာ သိသိသာသာ အိုမင်းလာတာကို ကြုံတွေ့ရနိုင်ပါတယ်။

■ စတန်းဖို့ဒ်တက္ကသိုလ်မှ မျိုးဗီဇပညာရှင် မိုက်ကယ်ဆနိုက်ဒါနဲ့အဖွဲ့က အိုမင်းခြင်းရဲ့ ဇီဝဖြစ်ပျက်မှုအကြောင်း လေ့လာခဲ့ကြပါတယ်။

■ လူပေါင်း ၁၀၈ ယောက်အဖွဲ့ကို စောင့်ကြည့်ခဲ့ကြကာ အယ်ဇိုင်းမားနဲ့ နှလုံးသွေးကြောရောဂါ အခြေအနေတွေဟာ အချိန်နဲ့အမျှ မြင့်တက်လာတာ မဟုတ်ဘဲ အချို့သောအသက်အရွယ်မှာ သိသိသာသာ မြင့်တက်တာကို သတိပြုမိခဲ့ကြပါတယ်။

■ အသက်အရွယ် အိုမင်းလာတဲ့အခါ အယ်ဇိုင်းမား၊ နှလုံးသွေးကြောရောဂါတို့လို ရောဂါတွေ ဖြစ်နိုင်ခြေ များလာပါတယ်။

■ အသက် ၄၀ ဝန်းကျင်မှာဆိုရင် အဆီ၊ ကဖင်း၊ အယ်ကိုဟောဖြစ်စဉ်၊ နှလုံးသွေးကြောပြဿနာများနဲ့ ပတ်သက်လို့ မော်လီကျူးပြောင်းလဲပြီး အသက် ၆၀ အစောပိုင်းဝန်းကျင်မှာဆိုရင် ကာဗိုဟိုက်ဒရိတ်ဖြစ်စဉ်၊ ကိုယ်ခံအားထိန်းညှိခြင်း၊ ကျောက်ကပ်လုပ်ဆောင်ချက် စတာတွေ ပြောင်းလဲလာပါတယ်။

■ အမျိုးသားရော အမျိုးသမီးပါ ဒီလိုပြောင်းလဲမှုတွေ ကြုံတွေ့ရတာဖြစ်ပြီး ကျယ်ပြန့်တဲ့ ဇီဝဆိုင်ရာ အချက်အလက်တွေကြောင့် ဖြစ်နိုင်ပါတယ်။

■ အိုမင်းခြင်းပုံစံများအကြောင်း အပြည့်အဝနားလည်ဖို့အတွက် ယခုထက် ပိုမိုကြီးမားကျယ်ပြန့်တဲ့ လေ့လာချက်တွေ လိုအပ်နေသေးတယ်လို့ သုတေသီတွေ အသိပေးထားပါတယ်။

Source: Science Alert

#World_Health
Published 06 March 2026

■ စာဖတ်ခြင်း၊ စာရေးခြင်း၊ ဘာသာစကား သင်ယူခြင်းတို့ဖြင့် ဒီမန်ရှာရောဂါ ဖြစ်နိုင်ခြေ ၄၀ ရာခိုင်နှုန်းနီးပါး လျော့ကျစေနိုင်တယ်လို့ တွေ့ရှိထားပါတယ်။

■ ဒီမန်ရှာရောဂါက ၂၀၅၀ ခုနှစ်အရောက်မှာ တစ်ကမ္ဘာလုံး ဖြစ်ပွားသူသန်း ၁၅၀ ကျော်လာနိုင်တယ်လို့ ခန့်မှန်းထားပြီး အနာဂတ်ကျန်းမာရေး ခြိမ်းခြောက်လာနိုင်တယ်လို့ ကျွမ်းကျင်သူများ ဆိုပါတယ်။

■ ဦးနှောက်လှုံ့ဆော်ရတဲ့ လုပ်ငန်းစဉ်တွေဖြစ်တဲ့ စာဖတ်ခြင်း၊ စာရေးခြင်း၊ ဘာသာစကားအသစ် လေ့လာခြင်းတို့က အယ်ဇိုင်းမားရောဂါနဲ့ ဦးနှောက်အသိဉာဏ်ကျဆင်းခြင်းတို့ကို လျော့ကျစေတယ်လို့ အမေရိကန်သုတေသီများ တွေ့ရှိထားပါတယ်။

■ စာကြည့်တိုက်တွေထားခြင်း၊ ပညာပေးအစီအစဉ်များ စီစဉ်ပေးခြင်းတို့က ဒီမန်ရှာဖြစ်ပွားမှုကို လျှော့ချနိုင်ဖွယ်ရှိတယ်လို့ ချီကာဂို ရက်ရှ်တက္ကသိုလ်ဆေးဘက်ဆိုင်ရာမှ သုတေသနပြုစုသူ အန်ဒရီယာဇမ်မစ်က ပြောပါတယ်။

■ သုတေသီတွေက ပျမ်းမျှအသက် ၈၀ ခန့်ရှိတဲ့ လူပေါင်း ၁၉၃၉ ဦးကို ၈ နှစ်ကြာအောင် စောင့်ကြည့်ခဲ့ပါတယ်။

■ အယ်ဇိုင်းမားရောဂါဖြစ်ပွားသူ ၅၅၁ ဦးရှိခဲ့ပြီး ဦးနှောက်အသိဉာဏ်ချို့ယွင်းသူ ၇၁၉ ဦးရှိခဲ့ကာ ဦးနှောက်အသိဉာဏ်အမြင့်ဆုံး ၁၀ ရာခိုင်နှုန်းနဲ့ အနိမ့်ဆုံး ၁၀ ရာခိုင်နှုန်းတို့ကို နှိုင်းယှဉ်ခဲ့ကြပါတယ်။

■ အသက်အရွယ်၊ ကျား/မ၊ ပညာရေး စတဲ့အချက်အလက်တွေကို ထည့်သွင်းစဉ်းစားရာမှာ စာပေအထိအတွေ့ကြွယ်ဝဆုံးသူတွေက ပျမ်းမျှအသက် ၉၄ နှစ်မှာ အယ်ဇိုင်းမားဖြစ်ပွားပြီး အနိမ့်ဆုံးသူတွေကတော့ ၈၈ နှစ်ဖြင့် ဖြစ်ပွားခဲ့ကြပါတယ်။

■ ဒီလေ့လာချက်တွေက ကိုယ်တိုင်တင်ပြရတဲ့ အချက်အလက်များဖြစ်ပြီး ဂရုတစိုက်တင်ပြတာလားဆိုတာ အထောက်အထားသေချာ မသိရပါဘူး။

■ ဘယ်လိုပဲဖြစ်ဖြစ် ဘဝတလျှောက် စိတ်ပိုင်းဆိုင်ရာ တက်ကြွနေအောင် နေထိုင်ခြင်းက ဦးနှောက်အသိဉာဏ်ကို ထောက်ပံ့ပေးပြီး ဒီမန်ရှာဖြစ်နိုင်ခြေကိုလျှော့ချနိုင်မှာ ဖြစ်ပါတယ်။

Source: The Guardian.

#World_Health
Published 05 March 2026

■ အမျိုးသားတွေဟာ အသက်ကြီးလာတဲ့အခါ ဆဲလ်တွေထဲက Y ခရိုမိုဆုန်းတွေ ဆုံးရှုံးလာပါတယ်။

■ Y က ယောက်ျားအချင်းအရာ ဆုံးဖြတ်ပေးရာမှာ အခြားအရာတွေလောက် မျိုးဗီဇပစ္စည်း နည်းနေတာကြောင့် ဒီဆုံးရှုံးမှုဟာ ကျန်းမာရေးအပေါ် မသက်ရောက်နိုင်ပါဘူး။

■ ဒါပေမဲ့ အခုနောက်ပိုင်းမှာတော့ Y ခရိုမိုဆုန်း ဆုံးရှုံးတဲ့အခါ ခန္ဓာကိုယ်မှာ ရောဂါဆိုးဆိုးရွားရွား ဖြစ်နိုင်ကာ အသက်တိုစေနိုင်တယ်လို့ အထောက်အထားတွေ ရှိလာပါတယ်။

■ အသက် ၆၀ အရွယ် အမျိုးသားတွေရဲ့ ၄၀ ရာခိုင်နှုန်းက Y ဆုံးရှုံးကြပြီး အသက် ၉၀ အရွယ်တွေမှာတော့ ၅၇ ရာခိုင်နှုန်းရှိကာ ဆေးလိပ်သောက်ခြင်း၊ ကင်ဆာဖြစ်စေနိုင်တဲ့အရာတွေ ထိတွေ့ခြင်းတို့ကလည်း သက်ဆိုင်နေပါတယ်။

■ အချို့သောဆဲလ်တွေမှာ Y နည်းပါးတဲ့ဆဲလ်တွေနဲ့ သာမန်ဆဲလ်တွေ ဖြစ်ပေါ်ပြီး Y ဆုံးရှုံးခြင်း ဖြစ်ပေါ်ပါတယ်။

■ Y ခရိုမိုဆုန်းက ကျား/မခွဲခြားနဲ့ သုတ်ပိုးလုပ်ဆောင်ချက်တွေမှာ အရေးပါတဲ့ကဏ္ဍက ပါဝင်ကာ တခြားများများစားစားတော့ မသက်ဆိုင်ပါဘူး။

■ ဆေးလိပ်သောက်ခြင်း၊ မျိုးရိုးလိုက်ခြင်းစတဲ့ ပတ်ဝန်းကျင်ကိစ္စတွေက Y ခရိုမိုဆုန်းဆုံးရှုံးခြင်းအပေါ် သက်ရောက်စေပါတယ်။

■ Y ခရိုမိုဆုန်းပေါ်က ဘယ်လိုမျိုးဗီဇပစ္စည်းတွေက ကျန်းမာရေးနဲ့ ရောဂါဖြစ်စေတဲ့အပေါ် လွှမ်းမိုးလဲဆိုတာကို နားလည်ဖို့ သုတေသနတွေ ပြုလုပ်နေပါတယ်။

■ Y ခရိုမိုဆုန်းဆုံးရှုံးခြင်းရဲ့ သက်ရောက်မှုတွေက Y တွေဟာ ခန္ဓာကိုယ်ဆဲလ်တွေမှာ အရေးကြီးတဲ့လုပ်ဆောင်ချက်တွေ ပတ်သက်တယ်ဆိုတာကို ယူဆနိုင်ပါတယ်။

Source: Indian Express

မတ်၄၊၂၀၂၆ (နေပြည်တော်)-

မြန်မာနိုင်ငံတွင် စက်သုံးဆီများ ရက်၄၀ခန့်စာ တင်သွင်း သိုလှောင်ထားရှိပြီး ပြည်ပမှ စက်သုံးဆီ  သင်္ဘောများ စဉ်ဆက်မပြတ် ရောက်ရှိစေရေး သက်ဆိုင်ရာ အဖွဲ့အစည်းများဖြင့် ညှိနှိုင်းဆောင်ရွက်   ထားရှိပြီးဖြစ်တယ်လို့ စွမ်းအင်ဝန်ကြီးဌာနက ယနေ့မတ် ၄ရက် ရက်စွဲဖြင့် သတင်းထုတ်ပြန်ခဲ့ပါတယ်။

သတင်းထုတ်ပြန်ချက်အပြည့်အစုံမှာအောက်ပါအတိုင်းဖြစ်ပါတယ်။

နိုင်ငံအတွင်း စက်သုံးဆီပြတ်လပ်မှု မဖြစ်ပေါ်နိုင်ကြောင်းနှင့် စိုးရိမ်ကြောင့်ကြမှု မဖြစ်ပေါ်စေရေး အသိပေးထုတ်ပြန်ချက်

၂၀၂၆ ခုနှစ်၊ မတ်လ ၄ ရက်

အရှေ့အလယ်ပိုင်းဒေသအတွင်း၌ ဖြစ်ပေါ်လျက်ရှိသော စစ်ရေးပဋိပက္ခအခြေအနေများကြောင့် စက်သုံးဆီတင်သွင်းမှုလမ်းကြောင်းတွင် အကျပ်အတည်းဖြစ်ပေါ်မှုများသည် ကမ္ဘာ့နိုင်ငံအသီးသီးကို ရိုက်ခတ်လျက်ရှိပြီး  အထူးသဖြင့် ယင်းဒေသမှ ရေနံစိမ်းနှင့် ရေနံထွက်ပစ္စည်းများကို အားပြု တင်သွင်းနေရသည့်  အရှေ့တောင်အာရှနိုင်ငံများအတွက် ထိခိုက်မှုများ ဖြစ်ပေါ်လာမည်ဖြစ်ရာ ယင်းအခက်အခဲ အကျပ်အတည်းများကို ကျော်လွှားနိုင်ရေးအတွက် ကမ္ဘာတစ်ဝှမ်းရှိ နိုင်ငံများအနေဖြင့် နည်းလမ်းများရှာဖွေ၍ ပူးပေါင်းဖြေရှင်း ဆောင်ရွက်လျက်ရှိပါသည်။

မြန်မာနိုင်ငံမှ တင်သွင်းနေသော စက်သုံးဆီများသည် ထိုင်းနိုင်ငံမှ တင်သွင်းနေခြင်း မဟုတ်ကြောင်းနှင့် စင်္ကာပူ၊ မလေးရှားနိုင်ငံတို့မှ ပင်လယ်ရေကြောင်းဖြင့် အဓိကတင်သွင်းနေပြီး စက်သုံးဆီဖြည့်ဆည်း မှုကွင်းဆက် Supply Chain တစ်လျှောက်တွင် အခက်အခဲများ မဖြစ်ပေါ် စေရေးအတွက် စီမံဆောင်ရွက်ထားရှိပြီး ဖြစ်ပါသည်။ မြန်မာနိုင်ငံတွင် စွမ်းအင်ဝန်ကြီးဌာနမှ စက်သုံးဆီ ဖူလုံမှုရှိစေရေး အစီအမံဖြင့် ဆောင်ရွက်ထားရှိသည့်အတွက် ရက်(၄၀)ခန့်စာ တင်သွင်းသိုလှောင်ထားရှိပြီး စက်သုံးဆီ များကို သီလဝါမှ နိုင်ငံတစ်ဝှမ်းသို့ ဆီတင်ယာဉ်များဖြင့် ဖြည့်တင်းဖြန့်ဖြူးပေးလျက်ရှိပါသည်။

ဆက်လက်၍ ကြိုတင်စီမံထားသည့်အစီအစဉ်အတိုင်း သီလဝါဆိပ်ကမ်းတွင် သင်္ဘော ၂ စီး၊ လမ်းခရီးတွင် သင်္ဘော ၆ စီး၊ ဆီတင်ရန် စောင့်ဆိုင်းနေသည့် သင်္ဘော ၈ စီးဖြင့် ထပ်မံဖြည့်တင်းသွားမည် ဖြစ်ပါသည်။ ပြည်ပမှ စက်သုံးဆီသင်္ဘောများ စဉ်ဆက်မပြတ် ရောက်ရှိစေရေး သက်ဆိုင်ရာ အဖွဲ့အစည်းများဖြင့် ညှိနှိုင်းဆောင်ရွက်ထားရှိပြီး ဖြစ်သည့်အပြင် အရေးပေါ်အခြေအနေ ဖြစ်ပေါ်လာပါက ဖြေရှင်း ဆောင်ရွက်နိုင်ရန်အတွက် နည်းလမ်းများ ရှာဖွေချိတ်ဆက် ဆောင်ရွက်ထားရှိပြီး ဖြစ်ပါသည်။ စွမ်းအင် ဝန်ကြီးဌာနအနေဖြင့်လည်း ဖြစ်ပေါ်လာနိုင်သည့် ရေနံနှင့်သဘာဝဓာတ်ငွေ့အခြေအနေများကို အနီးကပ် စောင့်ကြည့်လျက်ရှိပါသည်။

သို့ဖြစ်ပါ၍ ပြည်သူများအနေဖြင့် စက်သုံးဆီပြတ်လပ်မည်ကို စိုးရိမ်ကြောင့်ကြမှု မဖြစ်ကြရန်နှင့် သက်ဆိုင်ရာဌာနမှ တရားဝင်ထုတ်ပြန်ပေးလျက်ရှိသည့် သတင်းများကိုသာ ယုံကြည်ကြရန် လိုအပ်ပါကြောင်း၊ တရားမဝင် ကောလာဟလသတင်းများကို မယုံကြည်ကြရန်နှင့် စိုးရိမ်စိတ်လွန်ကဲ၍ စက်သုံးဆီကို မလိုအပ်ဘဲ ဝယ်ယူသိုလှောင်ခြင်းများကို လုံးဝ (လုံးဝ) မပြုလုပ်ကြပါရန် စွမ်းအင်ဝန်ကြီးဌာနမှ မိဘပြည်သူများသို့ မေတ္တာရပ်ခံအပ်ပါကြောင်း အသိပေးထုတ်ပြန်အပ်ပါသည်။

စွမ်းအင်ဝန်ကြီးဌာန

သီလဝါရှိ Terminal များတွင် စက်သုံးဆီတင်သင်္ဘောများ ဝင်ရောက်လျက်ရှိနေသည်ကိုတွေ့ရစဉ်။ (ဓါတ်ပုံ-စွမ်းအင်ဝန်ကြီးဌာန)

မြန်မာ့ပြောင်းအား ဖိလစ်ပိုင်နိုင်ငံသို့ ပိုမိုတိုးမြှင့်တင်ပိုနိုင်ရေးအတွက် နှစ်နိုင်ငံကုန်သွယ်မှုဆိုင်ရာ သဘောတူညီမှုစာချုပ်လက်မှတ်ရေးထိုးထားတယ်လို မြန်မာကုန်သွယ်မှုမြှင့်တင်ရေးအဖွဲ့မှ သိရပါတယ်။

#Local_News
Published 04 March 2025
#မြန်မာ့ပြောင်း # ဖိလစ်ပိုင်
#YMG/SW #Yangon_Times