၂၈ ဩဂုတ် ၂၀၂၄

မွေးကင်းစကလေးငယ်များကို လူကုန်ကူးတဲ့ လူပေါင်း ၁၂ ဦးကျော်ပါတဲ့ ဂိုဏ်းတစ်ဂိုဏ်းကို ဗီယက်နမ်နိုင်ငံတွင် ဖမ်းဆီးမိတယ်လို့သိရပါတယ်။

သူတို့ဟာ ဗီယက်နမ်က မြို့ကြီးများနှင့် ပြည်နယ်တစ်လွှားမှာ မွေးကင်းစ ကလေးငယ် ၁၆ ဦးကို လူကုန်ကူးခဲ့ကြတာဖြစ်တယ်လို့ အေအက်ဖ်ပီသတင်းက ဗီယက်နမ်နိုင်ငံပိုင်မီဒီယာကို ကိုးကားပြီး ရေးသားပါတယ်။

အမျိုးသားနှင့် အမျိုးသမီး စုစုပေါင်း ၁၆ ဦးကို  အသက် သုံးရက်သားမှ သုံးလသားအကြား ကလေးငယ်တွေကို အရောင်းအဝယ်ပြုလုပ်မှုနှင့် ဖမ်းဆီးလိုက်တာဖြစ်ပါတယ်။  ကလေးတွေကို ဆက်ပြီးကျွေးမွေးရမှာ မတတ်နိုင်တော့တဲ့ မိခင်တွေကို အဆိုပါဂိုဏ်းက သီးသန့်အုပ်စုများမှတစ်ဆင့် ပစ်မှတ်ထား ဆက်သွယ်ကြတာဖြစ်ပါတယ်။ သူတို့ဟာ ကလေးတစ်ဦးကို ဒေါ်လာ ၄၀၀ မှ ဒေါ်လာ ၉၃၀ အကြား ပေးပြီးဝယ်ယူကြပါတယ်လို့သတင်းကရေးသားပါတယ်။ အဲဒီနောက် သူတို့ဟာ မွေးစားစာချုပ်အတုတွေပြုလုပ်ပြီး တစ်ဦးကို ဒေါ်လာ ၁၄၀၀ နှင့် ဒေါ်လာ ၃၀၀၀ အကြား ပြန်ရောင်းကြတယ်လို့သိရပါတယ်။

ယခုနှစ်စကတည်းက မြို့ကြီးများနှင့်ပြည်နယ် ၃၂ခုတို့မှာ သံသယဖြစ်စရာ မွေးကင်းစကလေးငယ် လူကုန်ကူးသံသယရှိသူ ၈၄ ဦးကို ဗီယက်နမ်ရဲတွေက စုံစမ်းစစ်ဆေးခဲ့ကြပါတယ်။

#Source- AFP

မွန်နဲ့ကရင်ပြည်နယ်အစပ်မှာရှိတဲ့ ဂျိုင်းဇာသပြင်တံတားကို ဂျပန်နိုင်ငံက ပညာရှင်တွေနဲ့ အသစ်တည်ဆောက်နေတယ်လို့ ပရဟိတအသင်းတွေနဲ့  ဒေသခံတွေဆီက သိရပါတယ်။
#Local_News
Published 28 August 2024
#ဂျိုင်းဇာသပြင်တံတား #ဂျပန်နိုင်ငံမှပညာရှင်တည်ဆောက်
#YMG/NN #Yangon_Times

တောင်ငူမြို့မှာ မိုးသည်းထန်ပြီး စစ်တောင်းမြစ်ရေဟာ စိုးရိမ်ရေအမှတ်အထက်ကျော်လွန်နေတဲ့အတွက် ရေဘေးသင့်ပြည်သူတွေကို ရေဘေးကယ်ဆယ်ပေးနေရတယ်လို့ တောင်ငူအခြေစိုက်ပရဟိတအသင်းတွေထံမှ သိရပါတယ်။
#Local_News
Published 28 August 2024
#စစ်တောင်းမြစ်ရေကြီးနေ #ရေဘေးသင့်သူများကိုကယ်ဆယ်
#YMG/tthl #Yangon_Times

#Local_News
Published 28 August 2024

▪️ ရန်ကုန်-မန္တလေးအမြန်လမ်း၌ ခြောက်ဘီးကုန်တင်ယာဉ်နှစ်စီးတိုက်မိ၍ တစ်ဦးသေဆုံး၍ တစ်ဦးဒဏ်ရာရရှိခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဩဂုတ် ၂၈ရက်နေ့၊ မနက်၅နာရီ  ၅၀ မိနစ်အချိန်ခန့်က  ရန်ကုန်-မန္တလေးအမြန်လမ်းမကြီး၊ မိုင်တိုင်အမှတ်(၉၂/၀)နှင့် (၉၂/၁)ကြားတွင် နေပြည်တော်ဘက်မှ ရန်ကုန်ဘက်သို့ မောင်းနှင်လာသော Hino Ranger အမျိုးအစား(၆)ဘီး ကုန်တင်ယာဉ်အား လားရာတူနောက်မှ မောင်းနှင်လာသော Nissan Condor အမျိုးအစား(၆)ဘီး ကုန်တင်ယာဉ်မှ ဝင်ရောက်တိုက်မိမှုဖြစ်ပွားခဲ့ခြင်းဖြစ်ကြောင်း သိရသည်။

▪️ အဆိုပါ သတင်းရရှိသဖြင့် မြိုချောင်းအမြန်လမ်းမီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ၊ သက်ဆိုင်ရာအဖွဲ့အစည်းများနှင့် ပူးပေါင်း၍ ရှာဖွေကယ်ဆယ်ရေးလုပ်ငန်းများ ထွက်ခွာဆောင်ရွက်ခဲ့ကြောင်း၊ ယင်းယာဉ်တိုက်မှုကြောင့် Nissan Condor ယာဉ်ပေါ်ပါ ယာဉ်မောင်းကျား(၁)ဦး (သေဆုံး)နှင့် ယာဉ်နောက်လိုက်ကျား(၁)ဦး ထိခိုက်ဒဏ်ရာရ(မစိုးရိမ်ရ)တို့အား ရဲတပ်ဖွဲ့ပိုင် သူနာတင်ယာဉ်ဖြင့် မြိုချောင်းတိုက်နယ်ဆေးရုံသို့ ပို့ဆောင်ပေးခဲ့ကြောင်း သိရသည်။

#YMG/NN #Yangon_Times

မိုးနှောင်းကာလ စက်တင်ဘာလနဲ့အောက်တိုဘာလမှာ ဧရာဝတီမြစ်၊ ချင်းတွင်းမြစ်နဲ့မြစ်အချို့ရဲ့ မြစ်ရေတွေစိုးရိမ်ရေအမှတ်အထက်ကျော်လွန်နိုင်တယ်လို့ သိရပါတယ်။
#Local_News
Published 28 August 2024
#မိုးနှောင်းကာလ #စိုးရိမ်ရေအမှတ်အထက်ကျော်လွန်
#YMG/tthl #Yangon_Times

ရန်ကုန်တိရစ္ဆာန်ဥယျာဉ်ကို လာရောက်ပတ်သူကကြားရက်များတွင် ပုံမှန်ရှိပေမယ့် ပိတ်ရက်တွေမှာတော့ တစ်ရက်ကိုလူဦးရေ သုံး​ထောင်ဝန်းကျင်လာ​ရောက်လည်ပတ်တယ်လို့ ရန်ကုန်တိရစ္ဆာန်ဥယျာဉ်အုပ်ချုပ်ရေးမှူးထံက သိရပါတယ်။
#Local_News
Published 28 August 2024
#ရန်ကုန်တိရစ္ဆာန်ဥယျာဉ် #လူဦးရေသုံး​ထောင်ဝန်းကျင်လာ​ရောက်
#YMG/NN #Yangon_Times

EPS စနစ်နဲ့  ပထမဆုံး မြန်မာအမျိုးသမီးအလုပ်သမားတွေခေါ်ယူဖို့ တောင်ကိုရီးယားအလုပ်
ရှင်တွေရဲ့ စိတ်ဝင်စားမှုတွေမြင့်တက်နေတယ်လို့ ကိုရီးယားနိုင်ငံ‌ရောက် မြန်မာလုပ်သားများအရေးဆောင်ရွက်နေသူတွေနဲ့ EPS-Korea သင်တန်းကျောင်းတွေက သိရပါတယ်။
#Local_News
Published 28 August 2024
#တောင်ကိုရီးယားအလုပ်ရှင် #EPSစနစ်
#YMG/NN #Yangon_Times

၂၈ ဩဂုတ် ၂၀၂၄

တရုတ်နိုင်ငံခြားရေးဝန်ကြီး မစ္စတာဝမ်ယိ၏ မြန်မာနိုင်ငံခရီးစဉ်အတွင်း  နစကနှင့် အရေးကြီး သဘောတူညီချက်တွေ ရရှိခဲ့တယ်လို့ ရန်ကုန်အခြေစိုက် တရုတ်ပြည်သူ့သမ္မတ နိုင်ငံ သံရုံးရဲ့ သတင်းထုတ်ပြန်ချက်အရသိရပါတယ်။

နစက  ဒုတိယဝန်ကြီးချုပ်နှင့် နိုင်ငံခြားရေးဝန်ကြီး ဦးသန်းဆွေကို တရုတ်သံအမတ်ကြီး မစ္စ မာကျား Ms. Ma Jia က ယမန်နေ့ ဩဂုတ် ၂၇ ရက်က နေပြည်တော်သို့ သွားရောက်တွေ့ဆုံစဉ်  မြန်မာနိုင်ငံခြားရေးဝန်ကြီးရဲ့ ပြောကြားချက်ကို ကိုးကားပြီး သတင်းထုတ်ပြန်ချက်ထဲမှာ ဖော်ပြထားတာဖြစ်ပါတယ်။

ဒါပေမယ့် မည်သည့်အရေးကြီးသဘောတူညီချက်တွေလည်းဆိုတာကိုတော့ အသေးစိတ်ထုတ်ပြန်ထားခြင်းမရှိပါဘူး။

နိုင်ငံခြားရေးဝန်ကြီး Mr. Wang Yi ၏ခရီးစဉ်အတွင်း မြန်မာနိုင်ငံနှင့် အရေးကြီးသဘောတူညီချက်များရရှိခဲကြောင်း၊ မြန်မာနိုင်ငံအနေဖြင့် တရုတ်နိုင်ငံနှင့်အတူ နီးကပ်စွာချိတ်ဆက်၍ နိုင်ငံခြားရေးဝန်ကြီး Mr. Wang Yi ၏မြန်မာနိုင်ငံ   ခရီးစဉ်ရလဒ်ကို အတူတကွဖော်ဆောင်သွားကာ မြန်မာ-တရုတ် ဆက်ဆံရေးတွင် တက်ကြွသောတိုးတက်မှုအသစ်များရရှိဖို့ တွန်းအားပေးဖော်ဆောင်သွားရန် မျှော်လင့်ပါကြောင်း မြန်မာနိုင်ငံခြားရေးဝန်ကြီးဦးသန်းဆွေက ပြောကြားခဲ့တယ်လို့ သတင်းထုတ်ပြန်ချက်က ဆိုပါတယ်။

တရုတ်သံအမတ်ကြီး Ms. Ma Jia ကလည်း မကြာသေးမီက နိုင်ငံခြားရေးဝန်ကြီး Mr. Wang Yi ၏ မြန်မာနိုင်ငံခရီးစဉ်သည် အောင်မြင်စွာပြီးဆုံးခဲ့ပြီး မြန်မာနိုင်ငံမှ တရုတ်-မြန်မာ ဆက်ဆံရေးတိုးတက်မှုအပေါ် များစွာအလေးအနက်ထားမှုကို အပြည့်အဝပေါ်လွင်စေခဲ့တယ်လို့ ပြောဆိုခဲ့ပါတယ်။

မြန်မာနိုင်ငံတည်ငြိမ်အေးချမ်းရေးကို ကာကွယ်ထိန်းသိမ်းခြင်း၊ မြန်မာနိုင်ငံစီးပွားရေးနှင့် ပြည်သူအကျိုးပြုဖွံ့ဖြိုးရေးကို    ထောက်ခံအားပေးခြင်း၊ မြန်မာနိုင်ငံရှိ တရုတ်စီမံကိန်းနှင့် ဝန်ထမ်းများ၏ ဘေးကင်းလုံခြုံမှုကိုကာကွယ်ခြင်း၊ ကုလသမဂ္ဂ       စသည့်နိုင်ငံတကာပလက်ဖောင်းများတွင်အပြန်အလှန်ထောက်ခံအားပေးမှုကိုမြှင့်တင်ခြင်း စသည့်ကိစ္စရပ်များနှင့်  စပ်လျဉ်း၍ အမြင်ချင်းဖလှယ်ခဲ့ကြတယ်လို့လည်း သတင်းထုတ်ပြန်ချက်မှာဖော်ပြထားပါတယ်။

@ymg/knl

#World_News
Published 28 August 2024

▪️ ယူကရိန်းကို အနောက်တိုင်းဒုံးကျည်များ အသုံးပြုစေပြီး ရုရှားဘက်ကို တိုက်ခိုက်ခွင့်ပေးလိုက်တဲ့ အမေရိကန်ဟာ မီးမွှေးနေတာဖြစ်ပြီး ပဋိပက္ခက ဥရောပမှာတင်မဟုတ်ဘဲ တတိယကမ္ဘာစစ်အထိ ဖြစ်လာနိုင်တယ်လို့ ရုရှားတို့က အင်္ဂါနေ့မှာ သတိပေးလိုက်ပါတယ်။

▪️ ဩဂုတ် ၆ ရက်နေ့က ယူကရိန်းဟာ ရုရှားအနောက်ပိုင်းရှိ ခါ့စ်ဒေသကို တိုက်ခိုက်ခဲ့ကာ ဒုတိယကမ္ဘာစစ်နောက်ပိုင်း တိုင်းတစ်ပါးကနေ ရုရှားကို အကြီးမားဆုံး တိုက်ခိုက်မှု ဖြစ်ခဲ့ပြီး နယ်မြေအပိုင်းလေးတစ်ခု ပေးလိုက်ရပါတယ်။

▪️ ဒီအတွက် ထိုက်တန်တဲ့တုန့်ပြန်မှု ပြုလုပ်ရလိမ့်မယ်လို့ သမ္မတဗလာဒီမာပူတင်က ဆိုလိုက်ပါတယ်။

▪️ ပူတင်အတွက် နိုင်ငံခြားရေးဝန်ကြီးအဖြစ် တာဝန်ထမ်းဆောင်လာတာ နှစ် ၂၀‌ ကျော်ကြာလာပြီဖြစ်တဲ့ ဆာဂျေးလက်ဗ်ရော့ဗ်က ပြောကြားရာမှာ အနောက်တိုင်းဟာ ယူကရိန်းစစ်ပွဲကို တင်းမာမှုမြင့်တက်လာအောင် ကြံရွယ်နေပြီး ယူကရိန်းကို နိုင်ငံခြားထောက်ပံ့ လက်နက်များ အသုံးပြုခွင့် တင်းကြပ်မှုများကို လျှော့ပေါ့ရန် ကြံစည်နေပါတယ်။

▪️ ၂၀၂၂ ခုနှစ် ယူကရိန်းကို ကျူးကျော်စဉ်ကတည်းက ပူတင်ဟာ ကမ္ဘာ့နျူကလီးယား လက်နက်ပိုင် အင်အားကြီးနိုင်ငံတွေ စစ်ပွဲမှာပါဝင်လာမှာကို အကြိမ်ကြိမ် သတိပေးခဲ့ကာ ရုရှားအနေဖြင့် အမေရိကန်ဦးဆောင်တဲ့ နေတိုး(NATO) မဟာမိတ်အဖွဲ့ကြီးနဲ့ ပဋိပက္ခမဖြစ်ချင်ဘူးလို့ ပြောခဲ့ပါတယ်။

▪️ နျူကလီးယားလက်နက် ပိုင်ဆိုင်တယ်ဆိုပြီး ယုံကြည်နေကြတဲ့ အနောက်တိုင်းနိုင်ငံတွေအနေနဲ့ ကိုယ့်ကိုယ်ကို အထင်ကြီးမနေသင့်ကြောင်း၊ တတိယကမ္ဘာစစ်ဖြစ်လာရင် ဥရောပဟာ အထိခိုက်ခံရဆုံး ဖြစ်လာမှာဖြစ်ကြောင်း လက်ဗ်ရော့ဗ်က ပြောပါတယ်။

▪️ အနောက်တိုင်းမဟာမိတ်တွေက ကန့်သတ်ချုပ်ခြယ်မှုတွေကြောင့် ရုရှားဘက်က စစ်ရေးပစ်မှတ်အချို့ကို မတိုက်ခိုက်နိုင်ဘူးလို့ ယူကရိန်းသမ္မတ ဇယ်လန်စကီက ပြောထားပြီး ယူကရိန်းကို ကူညီဖို့ရာ ထိုကန့်သတ်ချက်တွေကို ဖြေလျှော့ပေးဖို့ တိုက်တွန်းလိုက်ပါတယ်။

▪️ ရုရှားဘက်က ခါ့စ်ဒေသကို ယူကရိန်းတိုက်ခိုက်ရာမှာ အမေရိကန်က ယင်းတို့မပါဝင်ဘူးလို့ ဆိုထားပါတယ်။ အမေရိကန်နဲ့ ဗြိတိန်တို့က ခါ့စ်ဒေသရဲ့ ဂြိုဟ်တုပုံရိပ်နဲ့ အချက်အလက်များကို ယူကရိန်းထံ ပေးပို့ခဲ့တယ်လို့ The New York Times က ဖော်ပြခဲ့ပါတယ်။

#Source: Reuters

#World_Health
Published 28 August 2024

▪️ ကော်ဖီမှာ သကြား၊ နို့ဆီဘာမှ မထည့်တဲ့ ဘလက်ခ်ကော်ဖီဟာ လူကြိုက်များသလို ကယ်လိုရီနည်းပြီး ဓာတ်တိုးဆန့်ကျင်ပစ္စည်း ကြွယ်ဝတာကြောင့် ကျန်းမာရေးအတွက်လည်း ကောင်းပြီး နှလုံးရောဂါ၊ ဆီးချိုစတဲ့ နာတာရှည်ရောဂါများ ဖြစ်နိုင်ခြေ လျှော့ချပေးပါတယ်။

▪️ ဒါပေမဲ့ အလွန်အကျွံ သောက်သုံးရင်တော့ သွေးပေါင်ချိန် များနိုင်ကာ စိတ်လှုပ်ရှားခြင်း၊ အိပ်မပျော်ခြင်းတို့ ဖြစ်လာနိုင်ပါတယ်။
ဘလက်ကော်ဖီ နေ့စဉ်သောက်သုံးခြင်းဖြင့် ရနိုင်တဲ့ အကျိုးကျေးဇူးတွေကတော့..

(၁) ဓာတ်တိုးဆန့်ကျင်ပစ္စည်း ကြွယ်ဝခြင်း
▪️ ကလိုရိုဂျန်နစ်အက်ဆစ်လို ဓာတ်တိုးဆန့်ကျင်ပစ္စည်း ပါဝင်တာကြောင့် ကင်ဆာနဲ့ နှလုံးရောဂါတို့လို နာတာရှည်ရောဂါတွေ ဖြစ်နိုင်ခြေ လျော့ကျစေပါတယ်။

(၂) ဦးနှောက်အသိဉာဏ်လုပ်ဆောင်ချက် တိုးတက်ခြင်း
▪️ ကဖင်းဓာတ်က ဗဟိုအာရုံကြောစနစ်ကို လှုံ့ဆော်ပေးသဖြင့် အာရုံစူးစိုက်မှု၊ မှတ်ဉာဏ်ပိုင်း၊ နိုးကြားမှုတို့ မြှင့်တင်ပေးကာ အယ်လ်ဇိုင်းမားနဲ့ ပါကင်ဆန်ရောဂါတို့ ဖြစ်နိုင်ခြေ လျော့နည်းစေပါတယ်။

(၃) ကိုယ်အလေးချိန် လျော့ကျရန်ထောက်ကူခြင်း
▪️ ဘလက်ကော်ဖီက ကယ်လိုရီနည်းပြီး ဇီဝကမ္မဖြစ်စဉ် မြန်စေတာကြောင့် အဆီလောင်ကျွမ်းကာ ကိုယ်အလေးချိန် ထိန်းနိုင်ပါတယ်။

(၄) ဆီးချိုဖြစ်နိုင်ခြေ နည်းစေခြင်း
▪️ ပုံမှန်သောက်သုံးပါက အင်ဆူလင် အလုပ်လုပ်စေပြီး သွေးတွင်းသကြားဓာတ်ကို ထိန်းသိမ်းပေးပါတယ်။

(၅) အသည်းကျန်းမာရေး ကောင်းစေခြင်း
▪️ အသည်းအဆီဖုံးခြင်းမှ ကာကွယ်ပေးကာ အသည်းခြောက်ခြင်း၊ အသည်းကင်ဆာတို့ ဖြစ်နိုင်ခြေလည်း လျှော့ချပေးပါတယ်။

ဘလက်ကော်ဖီကို ကျန်းမာရေးနဲ့မညီစွာ သောက်သုံးမိပါက ဘေးအန္တရာယ်အနေနဲ့..
(၁) အစာအိမ်အက်ဆစ်လျှံတက်ခြင်း
▪️ အစာရေမျိုအောက်ပိုင်း ကြွက်သားလျော့စေကာ အက်ဆစ်လျှံတက်နိုင်ပြီး ရင်ပူခြင်း၊ အစာရေမျို လျှံတက်ခြင်းရောဂါတို့ ဖြစ်စေနိုင်ပါတယ်။

(၂) ကဖင်းဓာတ်စွဲလမ်းခြင်း
▪️ ကဖင်းဓာတ် ပုံမှန်သောက်ပါက စွဲလမ်းလာနိုင်ပြီး မသောက်ဖြစ်ပါက ခေါင်းကိုက်ခြင်း၊ နွမ်းနယ်ခြင်းတို့ ဖြစ်လာနိုင်ပါတယ်။

(၃) အိပ်စက်မှုပြဿနာ
▪️ ကဖင်းဓာတ်က အာနိသင်ပြချိန် ၆ နာရီခန့်ကြာမြင့်တာကြောင့် ညနေပိုင်းလောက် ကော်ဖီသောက်မယ်ဆိုရင် အိပ်စက်မှုကို ထိခိုက်စေနိုင်ပါတယ်။

(၄) အရိုးကျန်းမာရေးပြဿနာ
▪️ ကော်ဖီအသောက်များပါက ကယ်လ်စီယံ လျော့နည်းနိုင်ပြီး အရိုးပွရောဂါ၊ အရိုးပြဿနာများ ဖြစ်နိုင်ပါတယ်။

(၅) သွေးပေါင်ချိန်တိုးခြင်း
▪️ သွေးပေါင်ချိန် ခဏတာ မြင့်တက်နိုင်ပြီး နှလုံးရောဂါအခံ ရှိသူတွေမှာ ကျန်းမာရေးပြဿနာ ဖြစ်စေနိုင်ပါတယ်။

#Source: DoctorNDTV

#World_Health
Published 28 August 2024

▪️ သုတေသနအသစ်အရ အသက်ကြီးလာတာနဲ့အမျှ အယ်လ်ကိုဟော မသောက်ခြင်းဖြင့် ကျန်းမာရေးအကျိုးရှိစေတယ်လို့ သိရပါတယ်။

▪️ ဗြိတိန်ပြည်ထောင်စုမှာ ၁၂ နှစ်ကြာအောင် လေ့လာမှုပြုလုပ်ရာ အသက် ၆၀ နဲ့အထက် လူပေါင်း ၁၃၅၀၀၀ ကို စောင့်ကြည့်ခဲ့ကြပြီး အနည်းငယ်မျှ သောက်သုံးရင်တောင် ကင်ဆာကြောင့် သေဆုံးမှုနှုန်း မြင့်မားတာကို တွေ့ရှိရပါတယ်။

▪️ ယခင်လေ့လာချက်တွေမှာတော့ ဝိုင်နီ အနည်းငယ်သောက်သုံးရင် နှလုံးအတွက် ကောင်းမွန်တယ်လို့ ယူဆထားကြပါတယ်။

▪️ ယခုလေ့လာချက်မှာတော့ ကျန်းမာရေးနဲ့ လူမှုစီးပွားရေး ဘယ်လိုအနေအထားပဲဖြစ်ဖြစ် အနည်းငယ်မျှ သောက်သုံးသူနဲ့ အတော်အသင့် သောက်သုံးသူတွေမှာ နှလုံးရောဂါကြောင့် သေဆုံးနိုင်ခြေ လျော့ကျသွားခြင်း မရှိပါဘူး။

▪️ အယ်လ်ကိုဟောက ကျန်းမာရေးအတွက် ကောင်းဖို့နေနေသာသာ ကင်ဆာဖြစ်နိုင်ခြေကို မြင့်မားစေတယ်လို့ အော်တိုနိုမာဒီမက်ဒရစ်တက္ကသိုလ်မှ ပြည်သူ့ကျန်းမာရေး လက်ထောက်ပရော်ဖက်ဆာ ရိုဆယ်ရီယိုအော်တိုလာက ဆိုပါတယ်။

▪️ လေ့လာချက်အရ အမျိုးသားများ တစ်နေ့ကို ၄၀ ဂရမ်အထက်၊ အမျိုးသမီးများ ၂၀ ဂရမ်အထက် အများအပြား သောက်သူများဟာ သေဆုံးနိုင်ခြေ ပိုများပါတယ်။

▪️ နောက်ထပ် လေ့လာချက်တစ်ခုမှာ တစ်နေ့ကို အရက်ဘီယာတစ်ခွက် သောက်သုံးရုံမျှဖြင့် လူ့သက်တမ်းကို ၂ လခွဲတိုစေနိုင်တယ်လို့ ဆိုပါတယ်။

▪️ အရက်ရှောင်ရှားခြင်း၊ လျှော့သောက်ခြင်းဖြင့် ခံတွင်းနဲ့ လည်ချောင်းကင်ဆာ ဖြစ်နိုင်ခြေ အတော်လေး လျှော့ချနိုင်ပါတယ်။

▪️ ဝိုင်နဲ့ စားသောက်စရာများ တွဲဖက်သောက်စားခြင်းက အသက်အန္တရာယ် လျှော့ချနိုင်တယ်လို့ တွေ့ရှိထားပါတယ်။

▪️ WHO ဖော်ပြချက်အရ အယ်လ်ကိုဟောဟာ ကင်ဆာဖြစ်စေတဲ့ အရာဖြစ်ပြီး အယ်လ်ကိုဟော သောက်ခြင်းဖြင့် ကင်ဆာရောဂါ အများအပြား ဖြစ်နိုင်ခြေများစေတယ်လို့ ဖော်ပြထားပါတယ်။

#Source: New York Post

အရည်အသွေးမြင့် ရုပ်ပုံဒီဇိုင်းတွေနဲ့ စိတ်ဝင်စားဖွယ် ဇာတ်ကြောင်းပါဝင်တဲ့ တရုတ်ပြည်ထုတ် Black Myth အနက်ရောင် ဒဏ္ဏာရီ ဝူခုန်းဂိမ်းဟာ ကမ္ဘာတဝှမ်းမှာ အရောင်းရဆုံးဖြစ်နေပြီး အခုဆိုရင် အမေရိကန်ဈေးကွက်မှာလည်း ရေပန်းစားနေပါတယ်။
#World_Entertainment
Published 27 August 2024
#ဝူခုန်းဂိမ်းထွက် #အရောင်းရဆုံးဂိမ်း
#YMG #Yangon_Times #Yangon_Media_Group