လတ်တလောမှာ ကလေးလူနာတွေထက် လူကြီးလူနာ၊ လေဖြတ်နေသူတွေနဲ့ ခွဲစိတ်ကုသရန်လိုသူတွေအတွက်ငွေကြေးအကူအညီတောင်းခံမှုပိုများလာတယ်လို့ သိရပါတယ်။
#Local_News
Published 02 September 2024
#ငွေကြေးအကူအညီတောင်းခံ #ခွဲစိတ်ကုသရန်လိုသူ
#YMG/tthl #Yangon_Times

#World_News
Published 02 September 2024

▪️ အစ္စရေးလ် ခေါင်းဆောင်ပိုင်းက ပုဂ္ဂိုလ်တွေ ဂါဇာစစ်ပွဲ အပစ်အခတ်ရပ်စဲရေး သဘောတူညီချက် မရယူနိုင်တဲ့အပေါ် လူအများ စိတ်ပျက်နေကြချိန်မှာ ဂါဇာမှ အစ္စရေးလ်ဓားစာခံ ၆ ဦးသေဆုံးပြီးနောက် တနင်္ဂနွေနေ့မှာ အစ္စရေးလ်နိုင်ငံတလျှောက် ဆန္ဒပြပွဲများ အကြီးအကျယ် ဖြစ်ပွားခဲ့ပါတယ်။

 

▪️ အစ္စရေးလ်မီဒီယာများရဲ့ ဖော်ပြချက်အရ ဂျေရုဆလမ်၊ တဲလ်အေဗစ်နဲ့ အခြားမြို့တွေမှာ ဆန္ဒပြသူ ၅ သိန်းခန့်အထိ ရှိနိုင်တယ်လို့ ခန့်မှန်းရကာ ဝန်ကြီးချုပ် ဘင်ဂျမင်နေတန်ညာဟူ အနေနဲ့ ကျန်ရှိနေသေးတဲ့ ဓားစာခံ ၁၀၁ ဦးကို ပြန်ခေါ်နိုင်ဖို့ ဒီထက်ပိုမို အားထုတ်ရန် လိုလားနေကြပါတယ်။

 

▪️ ဂျေရုဆလမ်မြို့မှာ ဆန္ဒပြသူတွေက လမ်းတွေကို ပိတ်ဆို့ထားပြီး ဝန်ကြီးချုပ်နေအိမ် အပြင်ဘက်မှာ ဆန္ဒထုတ်ဖော်နေကြပါတယ်။

 

▪️ ဝေဟင်မှ ရိုက်ကူးမိတဲ့ ဗီဒီယိုထဲမှာ တဲလ်အေဗစ် အဓိကအဝေးပြေးလမ်းမကြီးမှာ ဆန္ဒပြသူတွေက အလံတွေနဲ့ အသတ်ခံရတဲ့ ဓားစာခံတွေရဲ့ ဓာတ်ပုံတွေကို ကိုင်ဆောင်ထားကြပါတယ်။

 

▪️ အစ္စရေးလ်ရုပ်သံရဲ့ ဗီဒီယိုထဲမှာတော့ ရဲတွေက လမ်းပိတ်ဆို့နေတဲ့ ဆန္ဒပြသူတွေဘက်ကို မီးသတ်ပိုက်တွေနဲ့ ချိန်ထားကာ ၂၉ ဦး ဖမ်းဆီးခံရတယ်လို့ သိရပါတယ်။

 

▪️ အလုပ်သမား ခေါင်းဆောင်တွေက တနင်္လာနေ့မှာ အထွေထွေသပိတ်ကြီး တစ်ရက်တာ ပြုလုပ်ဖို့ စည်းရုံးထားပါတယ်။

 

▪️ ဂါဇာတောင်ပိုင်း ရာဖာမြို့ရှိ လိုဏ်ခေါင်းတစ်ခုကနေ အလောင်းတွေကို ရယူခဲ့တယ်လို့ အစ္စရေးလ်စစ်တပ်က ကြေညာခဲ့ပါတယ်။

 

▪️ ဆေးမှုခင်းစစ်ဆေးချက်အရ ဟားမတ်စ်အကြမ်းဖက်တွေက လွန်ခဲ့တဲ့ ၄၈ နာရီမှ ၇၂ နာရီအတွင်း ဓားစာခံတွေကို အနီးကပ်ပစ်သတ်ခဲ့တာ ဖြစ်တယ်လို့ ယူဆထားကြောင်း အစ္စရေးလ် ကျန်းမာရေးဝန်ကြီးဌာနက ဆိုပါတယ်။

 

▪️ ဝန်ကြီးချုပ်နေတန်ညာဟူဟာ စစ်ပွဲအပစ်အခတ် ရပ်စဲရေး သဘောတူညီချက် ရရှိဖို့နဲ့ ဓားစာခံများ လွတ်မြောက်ဖို့ တောင်းဆိုခံနေရပေမယ့် အစ္စရေးလ်ဟာ ဒီကိစ္စဖြစ်လာအောင် ပြုလုပ်ခဲ့သူများကို မဖမ်းမိမချင်း ရပ်တန့်မှာ မဟုတ်ဘူးလို့ ဆိုပါတယ်။

 

▪️ ဟားမတ်စ်အကြီးတန်း အရာရှိတွေက အပစ်အခတ် ရပ်စဲရေး သဘောတူညီချက်မှာ လက်မှတ်ထိုးဖို့ ငြင်းဆန်သူတွေကိုသာ ဓားစာခံတွေ သေဆုံးရခြင်းအတွက် အပြစ်တင်သင့်တယ်လို့ ဆိုလိုက်ပါတယ်။

 

▪️ ဓားစာခံမိသားစုများ ဖိုရမ်မှာ နေတန်ညာဟူကို တာဝန်ခံခိုင်းနေပြီး သဘောတူညီချက် မရရှိနိုင်သေးတဲ့ အကြောင်းအရင်းကို ရှင်းပြခိုင်းနေပါတယ်။

 

#Source: Reuters

#World_Health
Published 2 Sept 2024

▪️ ဗြိတိန်ပြည်ထောင်စုမှာ လူ ၁၀ ဦးလျှင် ၃ ဦးနှုန်းက လိင်ကိစ္စ ပြုလုပ်ခြင်းမရှိဘဲ စစ်တမ်းတစ်ခုအရဆိုရင် စုံတွဲတွေထဲက ၄ ပုံ ၁ ပုံလောက်ဟာ ချစ်တင်းနှောခြင်း မရှိကြဘူးလို့ ခန့်မှန်းရပါတယ်။

 

▪️ လိင်ကိစ္စပြုလုပ်ခြင်း မရှိရတဲ့ အကြောင်းအရင်းတွေ အမျိုးမျိုးရှိနိုင်ပေမယ့် လုံးဝမပြုလုပ်တော့ဘူးဆိုရင် ခန္ဓာကိုယ်မှာ ဘာတွေဖြစ်စေသလဲဆိုတာ သတိပြုရပါမယ်။

 

▪️ ဒီလိုမျိုး ချစ်တင်းနှောခြင်း မပြုလုပ်တော့တဲ့အခါ ရုပ်ပိုင်းဆိုင်ရာရော စိတ်ပိုင်းဆိုင်ရာမှာပါ သက်ရောက်မှုတွေ ရှိလာနိုင်ပါတယ်။

 

▪️ ချစ်တင်းနှောတဲ့အခါ ထွက်လာတဲ့ ဟော်မုန်းတွေက ပျော်ရွှင်ကျေနပ်မှုကို ပေးစွမ်းပြီး ဖိစီးမှုကို လျော့ကျစေပါတယ်။

 

▪️ စိတ်ဓာတ်ကျခြင်းကို သက်သာစေပြီး နှလုံးပြဿနာ ဖြစ်နိုင်ခြေ လျော့နည်းစေပါတယ်။
ဒါ့အပြင် အမျိုးသားတွေမှာ မကြာခဏ သုတ်လွှတ်ခြင်းဖြင့် ဆီးကျိတ်ကျန်းမာရေးကို အကျိုးရှိစေပါတယ်။

 

▪️ ၂၀၁၆ လေ့လာချက်အရ အမျိုးသားတွေ တစ်လအတွင်း အနည်းဆုံး ၂၁ ကြိမ် သုတ်လွှတ်ခြင်းဖြင့် ဆီးကျိတ်ကင်ဆာ ဖြစ်နိုင်ခြေ လျော့နည်းစေကာ အမျိုးသမီးတွေအနေနဲ့လည်း ဆန္ဒပြီးမြောက်ခြင်းဖြင့် တင်ပါးကြွက်သားများ သန်မာစေတယ်လို့ တွေ့ရှိထားပါတယ်။

 

▪️ အမျိုးသားရော အမျိုးသမီးရော ပုံမှန်ချစ်တင်းနှောခြင်းဖြင့် ကိုယ်ခံအားစနစ်ကို ကောင်းမွန်စေတယ်လို့ သုံးသပ်ထားကြပါတယ်။

 

▪️ လိင်မှုကိစ္စ မပြုလုပ်တော့တဲ့ သူတွေကို အကြောင်းအရင်းနဲ့ ပတ်သက်ပြီး စစ်တမ်းကောက်ယူရာမှာ ၄၅ ရာခိုင်နှုန်းလောက်က ပင်ပန်းလွန်းတယ်လို့ ခံစားရတာကြောင့်ဖြစ်ပြီး ယင်းနောက်မှာတော့ ဘဝက ဖိစီးလွန်းတယ်လို့ ခံစားရခြင်းက ၂၉ ရာခိုင်နှုန်း ရှိနေပါတယ်။

 

▪️ အချို့ကတော့ နေ့စဉ်ဘဝ အလုပ်ရှုပ်လွန်းခြင်း၊ အခြားတာဝန်များနေခြင်း၊ လိင်မှုကိစ္စအတွက် အချိန်မပေးနိုင်ခြင်း၊ လိင်စိတ်ဆန္ဒ လျော့နည်းခြင်းတို့လည်း တွေ့ရပါတယ်။

 

▪️ အမျိုးသားတွေမှာ မျိုးမအောင်ခြင်း၊ လိင်စိတ်ဆန္ဒ လျော့နည်းလာခြင်းတို့က ရောဂါအခံတွေကြောင့် ဖြစ်တတ်ပါတယ်။

 

▪️ အမျိုးသမီးတွေမှာလည်း ဟော်မုန်းပြဿနာများကြောင့် လိင်စိတ်ဆန္ဒ ပျောက်ဆုံးလာတတ်ပါတယ်။

 

▪️ မေတ္တာရေးမှာ စိတ်ဓာတ်ကျခြင်း၊ စိုးရိမ်ပူပန်ခြင်း၊ ပြဿနာဖြစ်ခြင်းတို့က ချစ်တင်းနှောမှု လျော့ပါးရပ်တန့်လာရတဲ့ အကြောင်းအရင်းတွေ ဖြစ်ပါတယ်။

 

▪️ ပုံမှန်လေ့ကျင့်ခန်း ပြုလုပ်ခြင်း၊ အာဟာရမျှတစွာ စားသုံးခြင်း၊ စိတ်ဓာတ်တက်ကြွစွာ နေထိုင်ခြင်းတို့ဖြင့် လိင်စိတ်ဆန္ဒကို ပြန်လည်မြှင့်တင်စေနိုင်ပါတယ်။

 

▪️ လိင်စိတ်ဆန္ဒ လျော့နည်းတဲ့ လက်တွဲဖော်တွေကို ဒါနဲ့ပတ်သက်ပြီး ပွင့်လင်းစွာ ဖွင့်ပြောဆွေးနွေးခြင်းဖြင့်လည်း ချစ်တင်းနှောမှုကို မြှင့်တင်စေနိုင်ပါတယ်။

 

#Source: Telegraph

#World_Health
Published 2 Sept 2024

▪️ ဖြည့်စွက်အားဆေးတွေက အသားအရေ ဖွဲ့စည်းပုံ၊ ရေဓာတ်တို့ကို ထောက်ပံ့ပေးကာ ထိခိုက်မှုများမှ ကာကွယ်ပေးတဲ့ မရှိမဖြစ် အာဟာရဓာတ်များ ပေးစွမ်းကာ အရေပြားကျန်းမာရေးကို ထောက်ပံ့ပေးပါတယ်။

 

▪️ အသားအရေ တင်းရင်းမှုနဲ့ ကော်လာဂျင်ဖွဲ့စည်းမှုကို မြှင့်တင်ပေးကာ အရေးကြောင်းများ၊ ခြောက်သွေ့ခြင်းများ၊ ဝက်ခြံများဖြစ်ပေါ်ခြင်းတို့မှ ကာကွယ်ပေးပါတယ်။

 

▪️ ဒါကြောင့် အရေပြားကျန်းမာရေးကို မြှင့်တင်ပေးပြီး ကြည့်ကောင်းတဲ့ အသားအရေရရှိစေမယ့် ဖြည့်စွက်ဓာတ်များကို ဖော်ပြလိုက်ပါတယ်။

 

(၁) ဗိုက်တာမင်-စီ
▪️ စွမ်းအားမြင့် ဓာတ်တိုးဆန့်ကျင်ပစ္စည်းဖြစ်ပြီး ကော်လာဂျင် ဖွဲ့စည်းမှုမှာ ပါဝင်ကာ အရေပြားတင်းရင်းမှုကို ထိန်းသိမ်းပေးပါတယ်။

 

▪️ အရေးကြောင်းများ လျှော့ချပေးပြီး အသားအရေကို နုပျိုဝင်းလက်စေပါတယ်။

 

(၂) ဗိုက်တာမင်-အီး
▪️ အသားအရေ ပျက်စီးခြင်းမှ ကာကွယ်ပေးကာ စိုစွတ်မှုကို ထိန်းသိမ်းပေးပြီး ရောင်ရမ်းမှုကိုလည်း လျှော့ချပေးပါတယ်။

 

(၃) ကော်လာဂျင်
▪️ အသားအရေထဲက အပေါများဆုံး ပရိုတိန်းဖြစ်ပြီး အရေပြားဖွဲ့စည်းမှုကို အားပေးပါတယ်။

 

▪️ အသားအရေ တင်းရင်းစေပြီး ရေဓာတ်ထိန်းသိမ်းပေးကာ အသွင်အပြင် တိုးတက်စေပါတယ်။

 

(၄) အိုမီဂါ-၃ ဖက်တီးအက်ဆစ်များ
▪️ ငါးကြီးဆီမှာတွေ့ရတဲ့ EPA နဲ့ DHA တို့က အရေပြားကျန်းမာရေးကို ထိန်းသိမ်းရာမှာ ပါဝင်ပါတယ်။

 

▪️ ရောင်ရမ်းခြင်းကို လျှော့ချပေးပြီး အစိုဓာတ်ထိန်းပေးကာ ခြောက်သွေ့ခြင်းမှ ကာကွယ်ပေးပါတယ်။

 

(၅) ဇင့်
▪️ ဇင့်က အဆီဓာတ် ထိန်းညှိပေးကာ အရေပြားကျန်းမာရေးကို ထိန်းသိမ်းပေးပြီး ဝက်ခြံဖြစ်ခြင်းမှ ကာကွယ်ပေးပါတယ်။

 

▪️ ကိုယ်ခံအားစနစ်ကိုလည်း ထောက်ပံ့တာကြောင့် အရေပြားရောဂါ ကူးစက်မှုများမှ ကာကွယ်ပေးပါတယ်။

 

(၆) ဟိုင်ယာလူရွန်နစ်အက်ဆစ်
▪️ အရေပြားမှာ သဘာဝအတိုင်း တွေ့ရတဲ့ ဓာတ်ဖြစ်ပြီး စိုစွတ်မှုကို ထိန်းသိမ်းပေးကာ ကြည်လင်စေပါတယ်။

 

▪️ အသက်ကြီးလာတာနဲ့ ဟိုင်ယာလူရွန်နစ်အက်ဆစ် လျော့နည်းလာပြီး အရေပြား ခြောက်သွေ့လာပါတယ်။

 

(၇) ဘိုင်အိုတင်
▪️ အရေပြား၊ ဆံကေသာ၊ လက်သည်းကျန်းမာရေးတို့ကို ထိန်းသိမ်းပေး ဘီ-ဗိုက်တာမင်ဖြစ်ပြီး အရေပြားကြံ့ခိုင် သန်စွမ်းအောင် ထောက်ပံ့ပေးပါတယ်။

 

#Source: DoctorNDTV

၁ စက်တင်ဘာ ၂၀၂၄

ထိုင်းနိုင်ငံ ပရာချပ်ခီရီခန်ပြည်နယ် ဟွာရိုင်အရပ်မှာ ကိုယ်ဝန်အရင့်အမာရှိနေပြီဖြစ်တဲ့ မြန်ာအမျိုးသမီးတစ်ဦးနှင့် သူ့သမီး တို့ အသတ်ခံရတယ်လို့ ထိုင်းမီဒီယာများကရေးသားဖော်ပြကြပါတယ်။  သူတို့ဟာ သူတို့ငှားနေတဲ့အိမ်ထဲမှာ ရက်ရက်စက်စက်  အသတ်ခံခဲ့ကြရတာဖြစ်ပါတယ်။ သတ်သူတွေဟာ မြန်မာနိုင်ငံသားတွေပဲဖြစ်နိုင်ပြီး ဓားပြတိုက်သွားတဲ့သဘောလို့ ရဲတွေက ယူဆထားကြပါတယ်။ အဲဒီအပြင် သူ့ခင်ပွန်းသည်ကိုလည်း နောက်တစ်နေရာမှာ အသတ်ခံရပြီးသေဆုံးနေတာတွေ့ကြရတယ် လို့သတင်းများကဆိုပါတယ်။

ယမန်နေ့ ဩဂုတ် ၃၁ရက် ည ၁၀နာရီခွဲခန့်မှာ ဟွာရိုင်က အိမ်တစ်အိမ်မှာ အသက် ၃၈နှစ်အရွယ် ကိုယ်ဝန်သည် အမျိုးသမီးနှင့် အသက် (၇)နှစ်အရွယ် သူမရဲ့သမီးတို့ရဲ့ ရုပ်အလောင်းတွေတွေ့ရှိရတယ်လို့ ရဲတွေ သတင်းရရှိခဲ့ကြပါတယ်။ရဲတွေဟာ ဆေးပညာရှင်တွေနှင့် အမှုလိုက်ဌာနတွေနှင့်အတူ အခင်းဖြစ်ပွားရာကို သွားရောက်ခဲ့ကြပါတယ်။

အခင်းဖြစ်ပွားတဲ့ တစ်ထပ်အိမ်ထဲမှာ (၈)လကိုယ်ဝန်နှင့် အမျိုးသမီးဟာ ဦးခေါင်းနှင့်မျက်နှာပြင်မှာ ပြင်းထန်တဲ့ဒဏ်ရာတွေ ရရှိသေဆုံးနေပြီး သူမရဲ့သမီးငယ်ဟာလည်း ခေါင်းဒဏ်ရာနှင့်လဲကျသေဆုံးနေတာတွေ့ရပါတယ်။ ရဲတွေကတော့ အသတ်ခံ ရတာဟာ (၃)ရက်လောက်ရှိနိုင်တယ်လို့ ခန့်မှန်းထားကြပါတယ်။

သေဆုံးတဲ့အမျိုးသမီးရဲ့ ခင်ပွန်းဟာ အဲဒီအိမ်ကိုငှားထားတာဖြစ်ပြီး သူဟာ ဟွာရိုင်အရပ် ဘန်ဟွာခေါင်ကရာဘာစိုက်ခင်းတွေ မှာ ရာဘာအပင်တွေခုတ်ပေးရတဲ့အလုပ်လုပ်နေပါတယ်။

အဲဒီအချိန်တုန်းက ပျောက်ဆုံးနေတဲ့သူ့ခင်ပွန်းကို လိုက်လံစုံစမ်းကြည့်ပြီး အဲဒီနေ့ ညနေ သုံးနာရီခွဲခန့်မှာတော့ တောင်ပေါ်က ရာဘာစိုက်ခင်းထဲမှာ ခင်ပွန်းရဲ့အလောင်းကိုရဲတွေကရှာဖွေတွေ့ရှိခဲ့ကြပါတယ်။သူဟာ လည်ပင်းအလှီးခံရပြီး သူ့အလောင်းရဲ့ အနီးအနားမှာ ဆန်အိတ်တစ်အိတ်၊ ရေအေးစက်တစ်လုံး၊ လောင်စာဆီနှင့် အခြားသော တစ်ကိုယ်ရည်သုံးပစ္စည်းတွေ ပြန့်ကျဲ နေပါတယ်။သေဆုံးသူမှာ စောဝင်းဦးဆိုသူဖြစ်တယ်လို့ နောက်ပိုင်းမှာ စုံစမ်းသိရှိရပါတယ်။

အဲဒီလူသတ်မှုက မြန်မာနှစ်ဦးက ကျူးလွန်ခဲ့တာလို့ ရဲတွေက သံသယရှိနေပါတယ်။ အဲဒီနှစ်ဦးဟာ အသတ်ခံရတဲ့ယောကျ်ား ဖြစ်သူက သူနှင့်အတူအလုပ်လုပ်ဖို့ ခေါ်ထားတဲ့သူတွေဖြစ်ကြပါတယ်။ မိသားစုရရှိတဲ့ ရာဘာပင်ဖြတ်ခ ဘတ်ငါးသောင်းကို လုယူသွားကြပုံရတယ်လို့ ရဲတွေကပြောပါတယ်။

ကျူးလွန်သူတွေဟာ သေဆုံးသူ အမျိုးသားရဲ့မော်တော်ဆိုင်ကယ်ကို စီးပြီး သူတို့အိမ်ပြန်သွားကာ  ဇနီးနှင့်သမီးဖြစ်သူတွေကို ပါ မျက်မြင်သက်သေမရှိအောင် ကိစ္စတုံးခဲ့ကြပုံရတယ်လို့ မျက်မြင်သက်သေတစ်ဦးကပြောပါတယ်။ ဒီရွာမှာ ဒါမျိုးတစ်ခါမှ မဖြစ်ဖူးဘူးလို့လည်း သူကဆက်ပြောပါတယ်။

သေဆုံးသူအမျိုးသားရဲ့ အသက် ၃၂နှစ်အရွယ်ညီဖြစ်သူပြောပြတာကတော့ သူ့အစ်ကို၊သူ့မရီးနှင့်တူမတို့ဟာ တနင်္သာရီတိုင်း ဒေသကြီး မြိတ်က လာရောက်ကြတာဖြစ်ပီဲး ထိုင်းနိုင်ငံမှာ တရားဝင်အလုပ်လုပ်နေတာ ၁၀နှစ်ကျော်ရှိပြီလို့ဆိုပါတယ်။

@ymg/knl

#World_Science
Published 1Sept 2024

▪️ သက်ရှိတွေ ရှင်သန်နိုင်ဖို့ လိုအပ်တဲ့ ရေရှည်တည်မြဲ ရင်းမြစ်များတည်ရှိရာ လကမ္ဘာမှာ လူသားတွေ နေထိုင်လို့ရနိုင်မယ့် နည်းလမ်းတွေကို သိပ္ပံပညာရှင်များ ကြိုးစားရှာဖွေနေကြပါတယ်။

 

▪️ အခုအခါ တရုတ်သိပ္ပံပညာရှင်တွေက လကမ္ဘာမြေကြီးကို အသုံးပြုပြီး လပေါ်မှာ ရေထုတ်လုပ်နိုင်ဖို့ လမ်းစဉ်ကို ကြိုးပမ်းနေကြပါတယ်။

 

▪️ အသက်ရှင်နေထိုင်ဖို့အတွက်ရာ ရေက အရေးကြီးဆုံး အစိတ်အပိုင်းတစ်ခု ဖြစ်နေပါတယ်။

 

▪️ လပေါ်မှာ ရေရနိုင်တဲ့ အရိပ်အယောင်အချို့ တွေ့ရှိပြီးနောက် လူသားတွေ အသက်ရှင်ဖို့ အထောက်အကူပြုနိုင်မယ့် ရေကို ထုတ်လုပ်ရန် ကြိုးပမ်းလာပါတယ်။

 

▪️ ဒီလုပ်ငန်းစဉ်အတွက် နင်ဘိုနည်းပညာနဲ့ အင်ဂျင်နီယာ တရုတ်သိပ္ပံအကယ်ဒမီမှ ပရော်ဖက်ဆာ ဝမ်ကျွန်ချန်းဦးဆောင်တဲ့ သိပ္ပံပညာရှင်အဖွဲ့က နည်းလမ်းရှာဖွေနေကြပါတယ်။

 

▪️ သုတေသီအဖွဲ့က ဟိုက်ဒရိုဂျင်နဲ့ ရီဂိုလစ်လို့ခေါ်တဲ့ ဂြိုဟ်အုတ်မြစ် အစိုင်အခဲလွှာတို့ရဲ့ ထူးခြားဓာတုဓာတ်ပြုမှုကို အသုံးပြုပြီး ရေထုတ်လုပ်ဖို့ စီစဉ်နေတာ ဖြစ်ပါတယ်။

 

▪️ ဒီဓာတ်ပြုမှုဖြင့် သောက်သုံးရေ ထုတ်ယူနိုင်မှာ ဖြစ်ပါတယ်။

 

▪️ ချန်အီ-၅ လကမ္ဘာမစ်ရှင်ကနေ ရယူလာတဲ့ ရီဂိုလစ်နမူနာများကို အသုံးပြုကာ လကမ္ဘာပေါ်မှာ ရေထုတ်လုပ်နိုင်ဖို့ နည်းလမ်းရှာဖွေနေကြောင်း၊ စမ်းသပ်ချက် စိတ်ချမှုရှိဖို့ လကမ္ဘာမှ တရားဝင်ပစ္စည်းများ အသုံးပြုခြင်းက ဘယ်လောက်အရေးကြီးကြောင်း ပရော်ဖက်ဆာက ပြောသွားပါတယ်။

 

▪️ စမ်းသပ်ချက်ပြုလုပ်ရာမှာ အထူးဖန်တီးထားတဲ့ မှန်ခွက်များကို အသုံးပြုကာ ရီဂိုလစ်ကို ၁၂၀၀ ကယ်လ်ဗင်အထက် အပူပေးလိုက်ရင် အရည်ကျိုရီဂိုလစ် ၁ ဂရမ်ဖန်တီးနိုင်ကာ ရေ ၅၁ မှ ၇၆ မီလီဂရမ်ခန့် ထုတ်လုပ်နိုင်ပါတယ်။

 

▪️ ရီဂိုလစ် ၁ တန်ကနေ ရေ ၅၀ ကီလိုဂရမ်ကျော် ထုတ်လုပ်နိုင်ကာ ၅၀၀ မီလီလီတာ ရေသန့်ဗူးပေါင်း ၁၀၀ နဲ့ ညီမျှပါတယ်။

 

▪️ ဒီလောက်ရေသန့်ဗူးဆိုရင် လူ ၅၀ စာအတွက် တစ်နေ့တာ လုံလောက်နိုင်မှာ ဖြစ်ပါတယ်။
ဒါ့အပြင် လကမ္ဘာမှ အီလ်မင်နိုက်ဟာလည်း ရေထုတ်ယူဖို့အတွက် အရေးကြီးတဲ့ သတ္တုဓာတ် ဖြစ်ပါတယ်။

 

#Source: WION

(သတင်းနှင့်အမြင် ကဏ္ဍသစ်ကို ယနေ့မှစ၍ တင်ဆက်လိုက်ပါတယ်။ ကမ္ဘာ့သတင်း မြန်မာ့သတင်းများနှင့် ယင်းတို့အပေါ် အမြင်များကို ပေါင်းစပ်သည့်ပုံစံဖြင့် ယခုကဏ္ဍကို အခါအားလျော်စွာ ဖော်ပြပေးပါမည်။ အယ်ဒီတာ)

၁ စက်တင်ဘာ ၂၀၂၄

အစ္စရေးနိုင်ငံ ဟိုင်ဖာကမ်းလွန်မှာရှိတဲ့ လီဗီယက်သန် Leviathan သဘာဝဓာတ်ငွေ့တွင်းမှာ ပြီးခဲ့တဲ့ ဩဂုတ် ၂၉ ရက်က မီးလောင်မှုဖြစ်ပွားခဲ့တယ်လို့ ဒေသတွင်းသတင်းများက ဖော်ပြထားပါတယ်။  ကနဦးသတင်းများအရ အဲဒီ သဘာဝ ဓာတ်ငွေ့    တွင်း ပေါက်ကွဲမှုဖြစ်ရတာဟာ ချို့ယွင်းမှုတစ်ခုခုကြောင့်ဖြစ်တယ်လို့ အစ္စရေး သတင်းအရင်း အမြစ်တွေက ပြောပါတယ်။

ဒါပေမယ့် အခြား မီဒီယာတွေကတော့ လီဗီယက်သန်ဓာတ်ငွေ့တွင်းဟာ ဒရုန်းတိုက်ခိုက်မှုခံရတာလို့ပြောကြပါတယ်။ အဲဒီ   တိုက်ခိုက်မှုမှာ အီရတ်နှင့် ယီမင်ဟောက်သီ ဆန့်ကျင်ရေးအုပ်စုတွေ ပါဝင်ပတ်သက်ဖွယ်ရှိတယ်လို့ သံသယရှိနေကြပါတယ်။  ဒါပေမယ့် မည်သည့် တရားဝင် အတည်ပြုချက်မှာတော့ မရှိသေးပါဘူး။

လီဗီယက်သန် ဓာတ်ငွေ့တွင်းဟာ ဟိုင်ဖာ ကမ်းခြေမှ ၁၃၀ကီလိုမီတာအကွာခန့် အစ္စရေးနိုင်ငံရဲ့ သီးသန့် စီးပွားရေးဇုန် Exclusive Economic Zone (EEZ) မှာ တည်ရှိတာဖြစ်ပါတယ်။

ပင်လယ်ရေအောက်တွင်း  (၄)တွင်းကို မန်နီဖိုးလ် manifold (ဖြာဝင်ပေါက်)ကြီးတစ်ခုနှင့်ချိတ်ဆက်ထားပါတယ်။ အဲဒီကမှ ကမ်းလွန်ပလက်မောင်းသို့ ၁၂၀ ကီလိုမီတာရှည်လျားတဲ့ ပိုက်လိုင်းနှင့်ဆက်သွယ်ထားတာဖြစ်ပါတယ်။ အဲဒီပလက်ဖောင်းမှာ ဓာတ်ငွေ့တွေလုပ်ငန်းစဉ်လုပ်ဆောင်ပေးပါတယ်။

နိုင်ငံတွေရဲ့ စွမ်းအင်အခြေခံအဆောက်အအုံတွေဟာ အကြမ်းဖက်တိုက်ခိုက်မှုတွေရဲ့ ပစ်မှတ်တွေဖြစ်လာနေခဲ့ပါတယ်။ ကမ္ဘာအနှံ့မှာ စွမ်းအင် အရင်းအမြစ်တွေနှင့် အခြေခံအဆောက်အဦတွေကို အကြမ်းဖက်တိုက်ခိုက်ခဲ့ကြရာမှာ ၂၀၂၂ခုနှစ် စက်တင်ဘာ ၂၆ ရက်က  ရုရှားကနေ ဥရောပကို ဘောလ်တစ်ပင်လယ်မှတစ်ဆင့် ဆက်သွယ်ထားတဲ့  Nord Stream  ဓာတ်ငွေ့ပိုက်လိုင်း အကြမ်းဖက်ဖောက်ခွဲခံခဲ့ရတာဟာ အထင်ကရဖြစ်ရပ်တစ်ခုဖြစ်ပါတယ်။ ရုရှားနှင့် ယူကရိန်းရဲ့ ပဋိပက္ခ   များအတွင်း ဖြစ်ပွားခဲ့တဲ့ အဆိုပါ အကြမ်းဖက်မှုကို ဘယ်သူလဲဆိုတာကို ခန့်မှန်းနိုင်ကြပေမယ့် လုပ်ခဲ့တဲ့သူတွေက ဝန်မခံ  ကြပါဘူး။ ဘာဖြစ်လို့လဲ ဆိုတော့ ဒီအကြမ်းဖက်မှုဟာ မကောင်းဘူးဆိုတာ လုပ်တဲ့သူတွေကိုယ်တိုင်သိနေလို့ပဲဖြစ်ပါတယ်။

စီးပွားရေးတွေကူးလူးဆက်သွယ်နေတဲ့ ယနေ့ကမ္ဘာကြီးမှာ စွမ်းအင်အခြေခံအဆောက်အအုံတွေဟာ ပြည်တွင်းထဲမှာပဲ တည်  ဆောက်ထားတာတွေရှိသလို နိုင်ငံတွေဖြတ်ကျော်တည်ဆောက်တာတွေလည်းရှိပါတယ်။ အကြမ်းဖက်သူတွေရဲ့ ပစ်မှတ် တွေ  ဖြစ်လာနေတဲ့ စွမ်းအင်အခြေခံအဆောက်အအုံတွေအတွက် လုံခြုံရေးဆိုင်ရာ အစီအမံတွေ စနစ်တကျရှိလာဖို့လိုအပ်လာ  နေပါတယ်။ အဲဒီစွမ်းအင်အခြေခံအဆောက်အအုံတွေကိုလည်း အကြမ်းဖက်မှုအန္တရာယ်မှ ကာကွယ်နိုင်မယ့် နည်းပညာတွေ  နှင့် အခြားသော ဗျူဟာမြောက်တုန့်ပြန်မှုတွေကို သက်ဆိုင်ရာနိုင်ငံတွေက စီစဉ်ထားရှိဖို့လိုပါတယ်။

ဘာဖြစ်လို့လဲဆိုတော့ အကယ်၍ အတိုက်အခိုက်ခံရရင် အသက်အန္တရာယ်ထိခိုက်ဆုံးရှုံးမှု၊ စီးပွားရေးဆုံးရှုံးမှုနှင့် သဘာဝ    ပတ်ဝန်းကျင်ထိခိုက်စေနိုင်မှုစတဲ့ အန္တရာယ်တွေ ရှိနေလို့ဖြစ်ပါတယ်။

အဲဒါကြောင့် တိုက်ခိုက်ခံရခြင်းမဖြစ်အောင် ကြိုတင်ကာကွယ်ဖို့လိုအပ်လာပါတယ်။ အဲဒီအထဲမှာ အရေးအကြီးဆုံးကတော့ အတားအဆီးများထားရှိခြင်း၊ကြိုတင်ထောက်လှမ်းကိရိယာများတပ်ဆင်ခြင်း၊လုံခြုံရေးတင်းကြပ်ခြင်းစတဲ့ ရုပ်ပိုင်းဆိုင်ရာ လုံခြုံရေးအစီအမံတွေပဲဖြစ်ပါတယ်။

နောက်အရေးကြီးတာက ထောက်လှမ်းရေးအဖွဲ့များနှင့်ချိတ်ဆက်ပြီး သတင်းတွေလက်ဦးမှုရအောင်စုံစမ်းထောက်လှမ်းရပါ  မယ်။ အရေးပေါ်စီမံခန့်ခွဲခြင်းနှင့် အကျပ်အတည်းဖြေရှင်းခြင်းတွေကိုလည်း ကြိုတင်ဇာတ်တိုက်လေ့ကျင့်သင့်ပါတယ်။   နောက်တစ်ခုကတော့ လူမှုအသိုက်အဝန်းတွေကပါ သိရှိနားလည်အောင်လုပ်ပြီး ပြည်သူတွေကပါ အသိနှင့်ပါဝင် ကာကွယ် လာဖို့ဖြစ်ပါတယ်။

အချုပ်အားဖြင့်ဆိုရရင် အကြမ်းဖက်မှုတွေပြွမ်းတီးလာနေတဲ့ ကမ္ဘာကြီးမှာ ပစ်မှတ်တွေဖြစ်လာနိုင်တဲ့ စွမ်းအင်အခြေခံ အဆောက်အအုံတွေလုံခြုံရေးကို ဦးစားပေးလုံခြုံရေးအဆင့်ထားရှိခြင်း၊ လုံခြုံရေးအသိ အမြဲနိုးကြားနေခြင်းနှင့် ကြိုတင်     ကာကွယ်နိုင်မည့် လက်တွေ့ကျသော အစီအမံများ ထားရှိဆောင်ရွက်ခြင်းတို့ လုပ်ဆောင်သင့်ပါကြောင်း။

-ကောင်းမြတ်ကျော်

တရုတ်နိုင်ငံအနေနဲ့ မြန်မာနိုင်ငံအတွက် ဓာတ်မြေသြဇာစက်ရုံတည်ဆောက်ဖို့ဆွေးနွေးနေသလို စိုက်ပျိုးရေးအခြေခံပစ္စည်းတွေ ကူညီပေးဖို့လည်းရှိတယ်လို့ မြန်မာနိုင်ငံဆိုင်ရာတရုတ်သံမှူးကြီး ရဲ့ပြောကြားချက်အရ သိရပါတယ်။
#Local_News
Published 1 September 2024
#စိုက်ပျိုးရေးအခြေခံပစ္စည်း #ဓာတ်မြေသြဇာစက်ရုံ
#YMG/tthl #Yangon_Times

#World_Health
Published 1 Sep t 2024

▪️ တစ်နေ့ကို ကဖင်းဓာတ် ၄၀၀ မီလီဂရမ်ထက်များအောင် ကြာရှည်သောက်သုံးတဲ့ သူတွေဟာ နှလုံးရောဂါ ဖြစ်နိုင်ခြေ များတယ်လို့ သုတေသီများ တွေ့ရှိထားပါတယ်။

 

▪️ ကဖင်းဓာတ် ပုံမှန်သုံးစွဲနေပါက ပါရာဆင်ပက်သဲတစ်စနစ်ကို ထိခိုက်စေကာ သွေးပေါင်ချိန်တက်ပြီး နှလုံးခုန်နှုန်း မြန်စေတယ်လို့ အိန္ဒိယ ဇိုင်ဒက်စ်ဆေးပညာကောလိပ်မှ နန်စီကာဂါစရာက ပြောပါတယ်။

 

▪️ သုတေသီများက သွေးတိုးမရှိတဲ့ အသက် ၁၈ နှစ်မှ ၄၅ နှစ်ကြား လူ ၉၂ ဦးကို လေ့လာကြရာမှာ အချိန်တစ်နှစ်ကျော်ကာလအတွင်း တစ်ပတ်ကို ၅ ရက် ကော်ဖီသောက်တာဟာ ပုံမှန်ကဖင်းဓာတ် အသုံးပြုတယ်လို့ သတ်မှတ်ပါတယ်။

 

▪️ ကဖင်းဓာတ်ဟာ ကော်ဖီနဲ့ လက်ဖက်ရည်မှာ အဓိကပါဝင်သလို ကိုကာကိုလာ၊ ပက်စီ၊ ကျွဲရိုင်း၊ စတင်း၊ မွန်းစတားတို့လို အချိုရည်တွေမှာလည်း ပါဝင်ပါတယ်။

 

▪️ ကော်ဖီ ၄ ခွက်၊ ဆိုဒါ ၁၀ ဗူး၊ အားဖြည့်အချိုရည် ၂ ဗူးတို့ဟာ အကြမ်းအားဖြင့် ကဖင်းဓာတ် ၄၀၀ မီလီဂရမ် ပါဝင်ပါတယ်။

 

▪️ စမ်းသပ်ပါဝင်သူထဲက ၂၀ ရာခိုင်နှုန်းနီးပါးဟာ တစ်နေ့ကို ကဖင်းဓာတ် ၄၀၀ မီလီဂရမ်ကျော်အောင် သောက်သုံးကြပြီး အများအားဖြင့် အမျိုးသမီးများဖြစ်ကာ စီးပွားရေးနဲ့ စီမံခန့်ခွဲရေးပိုင်းမှာ အလုပ်လုပ်ကြသူတွေဖြစ်ပြီး မြို့ပြနေရာတွေမှာ နေထိုင်ကြပါတယ်။

 

▪️ ထိုအခါမှာ ကဖင်းဓာတ် ၄၀၀ မီလီဂရမ်သောက်တဲ့သူတွေဟာ အချိန်ကြာလာတာနဲ့အမျှ နှလုံးခုန်နှုန်းနဲ့ သွေးပေါင်ချိန် မြင့်တက်လာတယ်လို့ ဖော်ပြထားပါတယ်။

 

▪️ အထူးသဖြင့် လှုပ်ရှားလေ့ကျင့်ခန်း ပြုလုပ်ပြီးတဲ့အခါ သွေးပေါင်ချိန်နဲ့ နှလုံးခုန်နှုန်းက ခုန်တက်ပြီး ပြန်ကျဖို့ ကြာရှည်နေပါတယ်။

 

▪️ ဒါမျိုးအချိန်ကြာကြာ ဖြစ်ပွားလာပါက နှလုံးသွေးကြောရောဂါ ဖြစ်နိုင်ခြေများပါတယ်။

 

▪️ သွေးပေါင်ချိန် တက်စေတဲ့အထဲမှာ အရက်၊ ဆေးလိပ်၊ ဆားတို့ကြောင့် ဖြစ်နိုင်ပြီး အခုဆိုရင် ကဖင်းဓာတ်လည်း ပါဝင်လာပါတယ်။

 

▪️ ကဖင်းဓာတ်က ကျန်းမာရေးအကျိုးကျေးဇူးလည်း ပေးနိုင်တာကြောင့် သွေးပေါင်ချိန်တက်တာကို ထိန်းဖို့အတွက် ပုံမှန်လေ့ကျင့်ခန်းလုပ်ခြင်း၊ အာဟာရမျှတစွာ စားသုံးခြင်း၊ အရက်ဆေးလိပ် ဖြတ်ခြင်းတို့ ပြုလုပ်နိုင်ပါတယ်။

 

▪️ ဘယ်လိုပဲဖြစ်ဖြစ် အာဟာရဓာတ် မျှတအောင် စားသောက်ပြီး ကော်ဖီ လက်ဖက်ရည်တို့ကို သင့်တင့်စွာ သောက်သုံးခြင်းက ကဖင်းဓာတ် အကျိုးကျေးဇူးကို အကောင်းဆုံးရရှိနိုင်တဲ့ နည်းလမ်း ဖြစ်ပါတယ်။

 

#Source: Healthline

 

တရုတ်နှင့်အမေရိကန်ငြိမ်းချမ်းစွာပူးပေါင်းဆောင်ရွက်ရေး တည်မြဲရန်အရေးကြီးဟု ရှီကျင့်ဖင်နှင့်အမေရိကန်ပြည်ထောင်စုလုံခြုံရေးထိပ်သီးအရာရှိ တွေ့ဆုံဆွေးနွေး

တရုတ်နဲ့ အမေရိကန်တို့ဟာ အဓိကနိုင်ငံကြီး ၂ နိုင်ငံဖြစ်တာနဲ့အညီ သမိုင်းကြောင်းအတွက် ပြည်သူတွေအတွက် ကမ္ဘာကြီးအတွက် တာဝန်ယူသင့်ကြောင်း၊ တစ်ကမ္ဘာလုံး ငြိမ်းချမ်းရေးအတွက် တည်ငြိမ်မှုပြယုဂ် ဖြစ်သင့်ကာ ဘုံတိုးတက်ဖွံ့ဖြိုးရေးအတွက် တွန်းအားဖြစ်သင့်ကြောင်း တရုတ်သမ္မတ ရှီကျင့်ဖင်က ပေကျင်းမှာ ပြောကြားသွားပါတယ်။
#World_News
Published 31 August 2024
#ရှီကျင့်ဖင် #လုံခြုံရေးထိပ်သီးအရာ
#YMG #Yangon_Times #Yangon_Media_Group

 

ရန်ကုန်တိုင်းဒေသကြီး ရွှေလုပ်ငန်းရှင်များအသင်း YGEA ရဲ့ ရွှေသတ်မှတ်ရည်ညွှန်းဈေးဟာ ဒီရက်ပိုင်းမှာ အခေါက်ရွှေတစ်ကျပ်သားကိုကျပ်သိန်း ၅၀ အထိရှိ လာပေမယ့်လည်း ပြင်ပပေါက်ဈေးကတစ်ပတ်တာအတွင်း တစ်ကျပ်သားကို ကျပ်သုံးသိန်းခွဲကျော်အထိကျဆင်းလာ  သိရပါတယ်။
#Local_News
Published 31 August 2024
#ရွှေရည်ညွှန်းဈေး #ပြင်ပဈေးကျဆင်း
#YMG/NN #Yangon_Times

 

ဗဟိုဘဏ်က ဒေါ်လာတွေ ဆက်တိုက်ထုတ်ရောင်းခဲ့ပြီးနောက် ပြင်ပနိုင်ငံခြားငွေလဲနှုန်းဈေးကွက်မှာ ဒေါ်လာဈေးတွေ ကျဆင်းလာသော်လည်း ဆေးဝါးဈေးနှုန်းတွေကတော့ အတက်ဈေးမှာသာရှိနေတယ်လို့ ဈေးကွက်ထဲက သိရပါတယ်။
#Local_News
Published 31 August 2024
#ဒေါ်လာဈေးကျဆင်း #ဆေးဝါးဈေးနှုန်းတက်
#YMG/NN #Yangon_Times