#Local_News
Published 21 March 2026

▪️ PDF အပါအဝင် အဖွဲ့အစည်းအမျိုးမျိုးအမည်ခံ အမျိုးသား ၂၀ ဦးနှင့် အမျိုးသမီး ၁ ဦး၊ AA အဖွဲ့ဝင် အမျိုးသား ၁ဦး၊ ပေါင်း ၂၂ ဦးတို့သည် လက်နက်၊ ခဲယမ်းများနှင့်အတူ ဥပဒေဘောင်အတွင်းသို့ ဝင်ရောက်လာကြပြီး တာဝန်ရှိသူများက ကြိုဆိုလက်ခံ၍ မိဘအုပ်ထိန်းသူများထံ ပြန်လည်လွှဲပြောင်း အပ်နှံပွဲကို ယနေ့ နံနက်ပိုင်းတွင် တောင်ပိုင်းတိုင်းစစ်ဌာနချုပ် အေးချမ်းဖြိုးခန်းမ၌ ကျင်းပပြုလုပ်ခဲ့ကြောင်း သိရသည်။

▪️ ယင်းတို့မှာ ပဲခူးတိုင်းဒေသကြီး၊ ညောင်လေးပင်မြို့မှ အမျိုးသား ၅ ဦး၊ အမျိုးသမီး ၁ဦး၊ ရွှေကျင်မြို့မှ အမျိုးသား ၁ဦး၊ ရွှေတောင်မြို့မှ အမျိုးသား ၁ဦး၊ ရေတာရှည်မြို့မှ အမျိုးသား ၃ဦး၊ ပန်တောင်းမြို့မှ အမျိုးသား ၆ဦး၊ အုတ်ဖိုမြို့မှ အမျိုးသား ၂ဦး၊ မင်းလှမြို့မှ အမျိုးသား ၁ဦး၊ ဖြူးမြို့မှ အမျိုးသား ၁ဦး၊ ပေါက်ခေါင်းမြို့မှ အမျိုးသား ၁ဦး၊ စုစုပေါင်း အမျိုးသား (၂၁)ဦးနှင့် အမျိုးသမီး(၁)ဦးတို့ဖြစ်ကြောင်း သိရသည်။

▪️ ၎င်းတို့အား တာဝန်ရှိသူများက ကြိုဆိုလက်ခံ၍ မိဘအုပ်ထိန်းသူများထံ ပြန်လည်လွှဲပြောင်းအပ်နှံပွဲကို ယနေ့နံနက်ပိုင်းတွင် တောင်ပိုင်းတိုင်းစစ်ဌာနချုပ်ရှိအေးချမ်းဖြိုးခန်းမ၌ပြုလုပ်ရာ တောင်ပိုင်းတိုင်းစစ်ဌာနချုပ် တိုင်းမှူး ဗိုလ်မှူးချုပ် သူရဇော်လွင်စိုးနှင့် အစိုးရအဖွဲ့ဝင် ဝန်ကြီးများ၊ ဌာနဆိုင်ရာတာဝန်ရှိသူများ၊ ဥပဒေဘောင်အတွင်းသို့ ဝင်ရောက်လာကြသူများနှင့် ၎င်းတို့၏ မိဘအုပ်ထိန်းသူများ၊ ဖိတ်ကြားထားသောဧည့်သည်တော်များ တက်ရောက်ကြကြောင်း သိရသည်။

▪️ ၎င်းတို့နှင့်အတူ ပါရှိလာသည့် M4သေနတ် ၂ လက်၊ MA1သေနတ် ၃ လက်၊ MA3 ၂လက်၊ MA4သေနတ် ၁ လက်၊ AK47သေနတ် ၁ လက်၊ T-81 သေနတ် ၁လက်၊ ပစ္စတို ၂လက်၊ လေသေနတ် ၁ လက်၊ ကျည်မျိုးစုံ ၅၆၉ တောင့်၊ ကျည်အိမ် ၁၆ ခု၊ လက်ပစ်ဗုံး ၄လုံး၊ ၄၀မမဗုံးသီး ၇ လုံး၊ ခဲဖူး ၈၈ခုတို့အား လွှဲပြောင်းအပ်နှံရာ တိုင်းမှူးနှင့် တာဝန်ရှိသူများက လက်ခံရယူကြသည်။ ယင်းနောက် တိုင်းမှူးနှင့် တာဝန်ရှိသူများက လက်နက်၊ ခဲယမ်းများနှင့်အတူ ဥပဒေဘောင်အတွင်း ဝင်ရောက်လာသူများအား မောင်းပြန်ရိုင်ဖယ်သေနတ်တစ်လက်အတွက် ဆုကြေးငွေသိန်း ၅၀နှုန်း ဖြင့် ၁၀ လက်အတွက် ငွေကျပ် သိန်း ၅၀၀ ၊ ပစ္စတို ၁ လက်အတွက် ဆုကြေးငွေ ကျပ်သိန်း ၃၀ နှုန်းဖြင့် ၂လက်အတွက် ဆုကြေးငွေကျပ်သိန်း ၆၀၊ လေသေနတ် တစ်လက်အတွက် ဆုကြေးငွေကျပ် ၅ သိန်း၊ လက်ပစ်ဗုံး တစ်လုံးစီ အတွက်ဆုကြေးငွေ ကျပ် ၃ သိန်း နှုန်းဖြင့် လက်ပစ်ဗုံး ၄ လုံး အတွက် ငွေကျပ် ၁၂ သိန်းနှင့် ထောက်ပံ့ပစ္စည်းများကို ထပ်မံထောက်ပံ့ပေးအပ်ခဲ့ကြောင်း သိရသည်။

▪️ ထို့နောက် ခံဝန်ကတိလက်မှတ်ရေးထိုးစေပြီး မိဘအုပ်ထိန်းသူ များထံ ပြန်လည် လွှဲပြောင်းအပ်နှံ ပေးအပ် ခဲ့ပြီး တက်ရောက်လာသူများအား ရင်းရင်းနှီးနှီး လိုက်လံနှုတ်ဆက်ခဲ့ပြီး စားသောက် ဖွယ်ရာများဖြင့် တည်ခင်းဧည့်ခံခဲ့ကြောင်း သိရသည်။

#YMG/PP #Yangon_Times

#World_Health
Published 21 March 2026

■ သွေးပေါင်ချိန်ကျဖို့ လက်တွေ့ကျကျ ပြုလုပ်နိုင်မယ့် နည်းလမ်းတွေဆိုတာ နံနက်ခင်း အကျင့်ကောင်းတွေနဲ့ စတင်သွားရမှာဖြစ်ပါတယ်။

■ (၁) စိတ်နှင့်ခန္ဓာကိုယ်လေ့ကျင့်ခြင်း - နံနက်ခင်းမှာ တရားထိုင်ခြင်း၊ ဖြည်းညင်းစွာ အသက်ရှူခြင်းတို့ဖြင့် စိတ်နဲ့ ခန္ဓာကိုယ်ကို တည်ငြိမ်စေကာ သွေးပေါင်ချိန် ထိန်းသိမ်းပေးနိုင်မှာပါ။

■ (၂) ဆိုဒီယံနည်းနည်းနဲ့ ပိုတက်ဆီံယံများများစားခြင်း - ဆိုဒီယံက သွေးပေါင်ချိန်ကို တက်စေကာ ပိုတက်ဆီယံကတော့ သွေးပေါင်ချိန် ကျစေတာကြောင့် အသီးအနှံတွေ၊ ဟင်းရွက်တွေ၊ ပဲတွေ၊ နို့ထွက်ပစ္စည်းတွေ၊ အသားတွေ၊ ဂျုံပြောင်းဆန် စတာတွေ စားသင့်ပါတယ်။

■ (၃) ယောဂကျင့်ခြင်း - ယောဂကျင့်ခြင်းက အာရုံကြောစနစ် တည်ငြိမ်စေပြီး ဖိစီးမှုတွေ ဖြေလျှော့ပေးတာကြောင့် သွေးပေါင်ချိန်ကျဖို့ အကူအညီဖြစ်စေပါတယ်။

■ (၄) နေရာမရွေ့လေ့ကျင့်ခန်း - နံနက်ပိုင်းမှာ ကိုယ်ထည်မလှုပ်ရှားရဘဲ ကြွက်သားတွေကို ခိုင်းတဲ့ လေ့ကျင့်ခန်းများ မိနစ်အနည်းငယ်ပြုလုပ်ခြင်းဖြင့် သွေးပေါင်ချိန် ကျစေနိုင်ပါတယ်။

■ (၅) လမ်းလျှောက်ခြင်း - မနက်ပိုင်းမှာ ခပ်သွက်သွက် လမ်းလျှောက်ခြင်း၊ ကိုယ်လက်လေ့ကျင့်ခြင်း၊ ပြင်းထန်တဲ့ လေ့ကျင့်ခန်း ပြုလုပ်ခြင်းတို့ဖြင့် သွေးပေါင်ချိန် ကျစေနိုင်ပါတယ်။

■ (၆) အပြင်သွားခြင်း - စိမ်းလန်းတဲ့နေရာများ၊ ပန်းခြံ သစ်တော သဘာဝပတ်ဝန်းကျင်များသို့ ပုံမှန်သွားတဲ့လူတွေဟာ နှလုံးရောဂါဖြစ်နိုင်ခြေ နည်းပါးပြီး သွေးပေါင်ချိန်လည်း ကျစေနိုင်ပါတယ်။

■ (၇) နံနက်စာကို အမျှင်ဓာတ်ပါအောင်စားခြင်း - အမျှင်ဓာတ်ကြွယ်ဝတဲ့ စားစရာတွေက သွေးပေါင်ချိန်ကျစေတာကြောင့် ထောပတ်သီး၊ ဘာလီ၊ ပဲကြီး၊ ပဲနီလေး၊ ဘယ်ရီသီးများ၊ သစ်တော်သီး၊ ပန်းသီး၊ ပေါင်မုန့်ကြမ်း၊ ချီယာစေ့၊ လျှော်စေ့တို့ ပါဝင်အောင် စားသင့်ပါတယ်။

■ (၈) ကဖင်းဓာတ်ကန့်သတ်သောက်သုံးခြင်း - ကော်ဖီ သောက်နေကျမဟုတ်သူတွေမှာ ကဖင်းဓာတ်က သွေးပေါင်ချိန် တက်စေပြီး သွေးကြောတွေကို ယာယီတင်းကြပ်စေပါတယ်။

Source: Health

#World_Science
Published 21 March 2026

■ ပင်မစတမ်ဆဲလ်ကုသနည်းက ကလေးမွေးဖွားချို့ယွင်းမှု ကုသရာမှာ နည်းလမ်းသစ် ဖြစ်လာနိုင်ပြီး အကြိုသုတေသနအရ သားအိမ်ထဲမှာ ပင်မစတမ်ဆဲလ်တွေ လက်ခံရရှိခြင်းဖြင့် ကျောရိုးပွင့်ပြီး မွေးလာတဲ့ ကလေးတွေကို ကူညီနိုင်တယ်လို့ ဖော်ပြလာပါတယ်။

■ ကယ်လီဖိုးနီးယားတက္ကသိုလ်မှ သိပ္ပံပညာရှင်တွေက ကျောရိုးပွင့်အခြေအနေအတွက် သားအိမ်ထဲ ပင်မစတမ်ဆဲလ်ကုသနည်းကို ကမ္ဘာ့ပထမဆုံး ပြုလုပ်ခဲ့ကြပါတယ်။

■ မွေးလာတဲ့ ကလေးတွေမှာ ဘာဆိုးကျိုးမှ မတွေ့ရဘဲ ပင်မစတမ်ဆဲလ်တွေက ခွဲစိတ်ကုသမှုကို ပိုမိုထိရောက်စေကာ ကလေးတွေရဲ့ ဘဝအခြေအနေကို တိုးတက်စေတယ်လို့ တွေ့ရှိခဲ့ပါတယ်။

■ ကျောရိုးပွင့်ရောဂါဆိုတာက ကျောရိုးအာရုံကြောပြွန် ချို့ယွင်းတဲ့အခြေအနေဖြစ်ပြီး တသက်တာလုံးမှာ ဦးနှောက်အသိဉာဏ်၊ ဆီးအိမ်၊ လှုပ်ရှားနိုင်စွမ်း ပြဿနာများ ဖြစ်စေပါတယ်။

■ ကလေးမမွေးလာခင်တည်း ကုသမှုတွေ ပြုလုပ်နိုင်ပေမယ့် နောက်ဆက်တွဲဆိုးကျိုးတွေ မရှိတာတော့ မဟုတ်ပါဘူး။

■ CuRe စမ်းသပ်ချက်ထဲမှာ ကိုယ်ဝန်ဆောင် ၆ ဦးပါဝင်ပြီး လှူဒါန်းထားတဲ့ အချင်းတွေထဲက ပင်မစတမ်ဆဲလ်တွေ အသုံးပြုကာ ကျောရိုးမပြုပြင်ခွဲစိတ်ခဲ့ရာ ဘာဆိုးကျိုးသက်ရောက်မှုမှ မတွေ့ရပါဘူး။

■ MRI ဓာတ်မှန်စစ်ဆေးချက်တွေထဲမှာ ခွဲစိတ်မှုရလဒ်များ ကောင်းမွန်ခဲ့ပြီး ဦးနှောက်ချို့ယွင်းမှု ပြဿနာတွေ ပြန်လည်ကောင်းမွန်ခဲ့ပါတယ်။

■ သုတေသီတွေက ကျောရိုးပွင့်ခြင်းနဲ့ အခြားသော သန္ဓေသားရောဂါတွေအတွက် ပင်မစတမ်ဆဲလ် ကုသနည်းရဲ့ အလားအလာနဲ့ ပတ်သက်ပြီး မျှော်လင့်နေကြကာ စမ်းသပ်မှုကြီးတွေ ပြုလုပ်ဖို့ စီစဉ်နေပါတယ်။

Source: Gizmodo

အမေရိကန်နဲ့ အစ္စရေးလ်တို့ တိုက်ခိုက်မှုကြောင့် နိုင်ငံအတွင်းကျောင်းတွေ၊ နေအိမ်တွေ၊ ကျန်းမာရေးဆေးပေးခန်းတွေအပါအဝင် အခြေခံအဆောက်အအုံ အများအပြားထိခိုက်ထားတယ်လို့ အီရန်ကြက်ခြေနီအဖွဲ့အစည်းက ပြောပါတယ်။

#World_Conflict
Published 20 March 2026
#အမေရိကန် #အစ္စရေးလ်
#YMG #Yangon_Times #Yangon_Media_Group

#Local_News
Published 20 March 2026

▪️ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီကထုတ်ပြန်သည့် ယခုတစ်ပတ်အတွက်စားအုန်းဆီ အခြေခံလက်ကားရည်ညွှန်းဈေးထပ်မံတက်လာကြောင်း သိရသည်။

▪️ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီအ‌ေနဖြင့် စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ်ကင်းရှင်းပြီး သင့်တင့်သော ဈေးနှုန်းဖြင့် ဝယ်ယူစားသုံးနိုင်စေရန်နှင့် ပြည်တွင်းလိုအပ်ချက်များကို ဖြည့်ဆည်းပေးနိုင်ရန် ဆောင်ရွက်ပေးလျက်ရှိပြီးပြည်ပမှ စားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ မတ်လ ၂၀ ရက်မှ ၂၆ ရက်အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာလျှင် ငွေကျပ် ၆၆၀၀ ဖြစ်ကြောင်းသိရသည်။

▪️ ယခင်တစ်ပတ်ကထုတ်ပြန်ရာတွင် ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ တစ်ပိဿာလျှင် ငွေကျပ်(၆၅၇၅)ဖြစ်သောကြောင့် ယခုတစ်ပတ်တွင် ထပ်မံတက်လာခြင်းဖြစ်ကြောင်း သိရသည်။

▪️ စားအုန်းဆီကို ပြည်ပမှဝယ်ယူတင်သွင်းရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက် အကျပေါ်မူတည်၍ ပြည်တွင်း၌ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိပြီး စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ် သောကြာနေ့တိုင်း ထုတ်ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊ Facebook Page နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏ Facebook Page တို့တွင်ဝင်ရောက်ကြည့်ရှုလေ့လာနိုင်ကြောင်း သိရသည်။

#YMG/SW #Yangon_Times

ကချင်ပြည်နယ်၊ ပူတာအိုမြို့ကို 7th ASEAN ESC Award နဲ့ 6th Certificate of Recongnition ဆုများအတွက် ထည့်သွင်းယှဉ်ပြိုင်နိုင်ရေး ကြိုတင်ပြင်ဆင်မှုများဆောင်ရွက်နေတယ်လို့ ကချင်ပြည်နယ်အစိုးရအဖွဲ့ကနေ သိရပါတယ်။

#Local_News
Published 20 March 2026
#ပူတာအိုမြို့
#YMG/NN #Yangon_Times

တနင်္သာရီတိုင်းဒေသကြီး၊မြိတ်မြိုနယ်၊ စန္ဒဝတ်ကျေးရွာအုပ်စုမှာ ဆိုလာနည်းပညာနဲ့ လျှပ်စစ်ဓာတ်အားထုတ်လုပ်သွားမယ်လို့ တနင်္သာရီတိုင်းဒေသကြီးအစိုးရအဖွဲ့မှ သိရပါတယ်။

#Local_News
Published 20 March 2026
#မြိတ် #ဆိုလာ
#YMG/SW #Yangon_Times

ယမန်နေ့က ကျင်းပခဲ့တဲ့ရန်ကုန်တိုင်းဒေသကြီး ဒေသဆိုင်ရာခရီးသွားလုပ်ငန်းကော်မတီ (၁/၂၀၂၆) ကြိမ်မြောက် အစည်းအဝေးမှ တဆင့်ခရီးသွားကဏ္ဍမှာသန်း၃၀၀၀၀ခန့်ပမာဏရှိတဲ့ရင်းနှီးမြုပ်နှံမှုလုပ်ငန်းသစ်‌ တွေကိုလုပ်ကိုင်ခွင့်ပြုပေးခဲ့တယ်လို့သိရပါတယ်။

#Local_News
Published 20 March 2026
#ခရီးသွားကဏ္ဍ
#YMG/SW #Yangon_Times

လာမယ့် မိုးပြောင်းရာသီချိန်မှာအစေ့ထုတ်ပြောင်း စိုက်ပျိုးမယ့် ဧရိယာများအတွင်း တောင်ယာခုတ်ထွင်မီးရှိခြင်းမပြုလုပ်ကြဖို့မီးခိုးမြူကင်းစင်ကြောင်း ထောက်ခံချက်ထုတ်ပေးရေးလုပ်ငန်းမှတ်ပုံတင်ခြင်းဆိုင်ရာ အစိုးရ-ပုဂ္ဂလိကလုပ်ငန်းအဖွဲ့ကအသိပေးထုတ်ပြန်ထားပါတယ်။

#Local_News
Published 20 March 2026
#ပြောင်း # မိုးပြောင်း
#YMG/NN #Yangon_Times

#Local_News
Published 20 March 2026

▪️ အရှေ့တောင်အာရှဒေသကို တစ်ခုတည်းသော ခရီးသွားဒေသအနေဖြင့် မြှင့်တင်နိုင််ရန်ကုမ္မဏီများအနေနှင့် အာဆီယံ ခရီးသွားလုပ်ငန်းစျေးကွက်ရှာဖွေရေးအေဂျင်စီ (ASEAN Tourism Marketing Agency)အဖြစ် လျှောက်ထားနိုင်ပြီဖြစ်ရာစိတ်ပါဝင်စားသူများအနေဖြင့် အဆိုပြုလွှာများတင်သွင်းနိုင်ကြောင်း ဟိုတယ်နှင့်ခရီးသွားလာရေးဝန်ကြီးဌာနမှ သိရသည်။

▪️ ထိုသို့ လျှောက်ထားသည့် အေဂျင်စီများအနေဖြင့် ဒစ်ဂျစ်တယ်စျေးကွက်ရှာဖွေရေးနှင့်ကမ်ပိန်းများကို ၂၀၂၆ ခုနှစ်၊ ဇွန်လကနေ ၂၀၂၇ ခုနှစ်၊ မေလအထိ (၁)နှစ်သက်တမ်း တာဝန်ယူရမည်ဖြစ်ပြီး (၃)နှစ်အထိ သက်တမ်းတိုးနိုင်မည်ဖြစ်သည်။

▪️ ထို့အပြင် အပြည်ပြည်ဆိုင်ရာ စျေးကွက်မြှင့်တင်ရေးလုပ်ငန်းများတွင် အတွေ့အကြုံ အနည်းဆုံး (၅)နှစ်ရှိရမည် ဖြစ်ပြီး စျေးနှုန်းအဆိုပြုလွှာတင်ပြရာ၌ ဒစ်ဂျစ်တယ်စျေးကွက်အတွက် အမေရိကန်ဒေါ်လာ ၁၀၀,၀၀၀ ကနေ ၁၂၀,၀၀၀ အတွင်းနှင့် ကမ်ပိန်းများအတွက် အမေရိကန်ဒေါ်လာ ၃၀,၀၀၀ မှ ၅၀,၀၀၀ အတွင်း ခွဲခြားဖော်ပြရမည်ဖြစ်ကြောင်း၊
စိတ်ပါဝင်စားသူများအနေဖြင့် အဆိုပြုလွှာများကို This email address is being protected from spambots. You need JavaScript enabled to view it. သို့ ၂၀၂၆ ခုနှစ်၊ မတ်လ ၂၇ ရက်နေ့ နောက်ဆုံးထား၍ အီးမေးလ်ဖြင့် ပေးပို့လျှောက်ထားနိုင်ကြောင်းသိရသည်။

#YMG/NN #Yangon_Times

#World_Health
Published 20 March 2026

■ ဂလိုင်စင်းဖြည့်စွက်ဆေးဟာ ဦးနှောက်နဲ့ အိပ်စက်မှုအတွက် အသုံးများပြီး အမျိုးသားပေါင်းသန်းနဲ့ချီဟာ သက်ရှည်ကျန်းမာရေးအတွက် အသုံးပြုနေကြပါတယ်။

■ လေ့လာချက်ကြီးတစ်ခုမှာတော့ ဂလိုင်စင်းပမာဏမြင့်မားတဲ့အခါ အမျိုးသားတွေမှာ အသက်တိုခြင်းနဲ့ ဆက်စပ်နေတယ်လို့ တွေ့ရှိထားပါတယ်။

■ အိုမင်းဆန့်ကျင်အာနိသင်နဲ့ ကော်လာဂျင်၊ ပရိုတိန်းတို့ ပါဝင်တာကြောင့် ဘေးကင်းစိတ်ချရတဲ့ ဖြည့်စွက်ဆေးအဖြစ် ဈေးကွက်ထဲမှာ ရှိနေပါတယ်။

■ ဒါပေမဲ့ သွေးထဲမှာ ပမာဏများသွားရင် ဇီဝကမ္မလုပ်ဆောင်ချက်တွေ ပိုဆိုးလာနိုင်ဖွယ် ရှိတယ်လို့ သုတေသီတွေ ပြောပါတယ်။

■ ၂၀၂၅ အတွင်း လူပေါင်း ၂ သောင်းကျော်ရဲ့ အချက်အလက်တွေကို ဆန်းစစ်ရာမှာ သွေးထဲ ဂလိုင်စင်းပမာဏ မြင့်မားတဲ့ အမျိုးသားတွေဟာ သိသိသာသာ အသက်တိုတာကို တွေ့ခဲ့ရပြီး အမျိုးသမီးတွေမှာတော့ ဒီလိုဆက်စပ်မှုမျိုး မတွေ့ရပါဘူး။

■ ဒါဟာ ဟော်မုန်းအမျိုးအစားတွေ လွှမ်းမိုးနေတဲ့ အမိုင်နိုအက်ဆစ်ဇီဝဖြစ်စဉ်တွေ ကွဲပြားတာကြောင့် ဖြစ်နိုင်ပါတယ်။

■ ဒါကြောင့် ကျန်းမာရေးကောင်းမွန်ဖို့အတွက် ဖြည့်စွက်ဆေးတွေပဲ မှီခိုနေမယ့်အစား သွေးစစ်ဆေးချက်များဖြင့် စောင့်ကြည့်ဖို့ သုတေသီတွေ အကြံပြုထားပါတယ်။

■ ဂလိုင်စင်းကို ပရိုတိန်းကြွယ်ဝတဲ့ အစားအစာတွေမှာ သဘာဝအတိုင်း တွေ့ရပြီး ခန္ဓာကိုယ်ထဲမှာ အရေးပါတဲ့ကဏ္ဍက ပါဝင်ပါတယ်။

■ ဒါပေမဲ့ ဖြည့်စွက်ဆေးတွေကိုတော့ သတိထားပြီးမှ သုံးစွဲဖို့ အကြံပြုထားပါတယ်။

Source: Direct Message News

#World_Health
Published 20 March 2026

■ ဒီန်းမတ်နဲ့ ဩစတြေးလျရှိ တက္ကသိုလ်များမှ သုတေသီတွေက အူလမ်းကြောင်း ဘက်တီးရီးယားတွေအကြောင်းနဲ့ အူမကြီးကင်ဆာဖြစ်စေတဲ့ ဗိုင်းရပ်စ်အသစ်အကြောင်း နားလည်သိရှိဖို့ အတော်လေး နီးစပ်လာပါတယ်။

■ အူမကြီးကင်ဆာနဲ့ Bacteroides fragilis လို့ခေါ်တဲ့ ဘက်တီးရီးယားတို့ကြား ဆက်စပ်မှုအကြောင်း လေ့လာခဲ့ကြတာ ဖြစ်ပါတယ်။

■ ဒီဘက်တီးရီးယားဟာ ကျန်းမာသူတွေမှာလည်း တွေ့ရတတ်တာကြောင့် ကင်ဆာဖြစ်ပွားသူတွေမှာ သိသာတဲ့ကွဲပြားမှုကို သိချင်ခဲ့ကြပါတယ်။

■ ကင်ဆာလူနာတွေထဲက အူလမ်းကြောင်း ဘက်တီးရီးယားတွေကို ဆန်းစစ်ခဲ့ကြရာ B. fragilis က ဘက်တီရီယိုဖေ့ဂျ်တစ်ခု ချိတ်ပါလာပြီး အဲဒါက ဘက်တီးရီးယားအတွင်း ရှင်သန်ကာ ဆဲလ်တွေ ပျံ့ပွားအောင် လုပ်ယူပစ်ပါတယ်။

■ အူမကြီးကင်ဆာ ရှိသူတွေဟာ အူလမ်းကြောင်း ဘက်တီးရီးယားတွေထဲမှာ ဘက်တီရီယိုဖေ့ဂျ်ပမာဏ နှစ်ဆလောက်ပိုများတယ်လို့ အချက်အလက်တွေမှာ တွေ့ရပါတယ်။

■ လေ့လာချက်ကို အထောက်အထား သေချာမပြနိုင်သေးပေမယ့် ဗိုင်းရပ်စ်နဲ့ ဘက်တီးရီးယားကြား တုံ့ပြန်လုပ်ဆောင်ပုံတွေအရ ကင်ဆာဖြစ်နိုင်ခြေ အကြောင်းအရင်း ဖြစ်နိုင်ပါတယ်။

■ အူမကြီးကင်ဆာ ဖြစ်နိုင်ခြေ ၈၀ ရာခိုင်နှုန်းလောက်က အူလမ်းကြောင်း ပိုးမွှားစနစ်ဖွဲ့စည်းပုံအပါအဝင် ပတ်ဝန်းကျင်အကြောင်းအရာများနဲ့ သက်ဆိုင်နေပြီး နောက်ထပ်သုတေသနတွေ ပြုလုပ်ဖို့ အရေးကြီးနေပါတယ်။

■ နောက်ထပ်လေ့လာမှုတွေထဲမှာ ဗိုင်းရပ်စ်က B. fragilis ကို ဘယ်လိုသက်ရောက်နေလဲ၊ ကင်ဆာဖြစ်ပွားမှုမှာ ဘယ်လိုပါဝင်လဲဆိုတာ သိရဖို့နဲ့ ကုသနည်းတွေ စစ်ဆေးနည်းတွေ ရရှိလာနိုင်ဖို့ လိုအပ်ပါတယ်။

Source: Science Alert