#Local_News
Published 12 September 2024

▪️ ငါးလတာကာလအတွင်း ကန်ဒေါ်လာ(၁ဒသမ၁၁၉)သန်း တန်ဖိုးရှိ ပျားရည်တန်ချိန် ၇၄၅တန် ကျော်တင်ပို့ထားကြောင်းမွေးမြူရေးနှင့် ကုသရေးဦးစီးဌာနပျားလုပ်ငန်းဌာန ပျားမွေးမြူမှု့ဖွံ့ဖြိုးရေးဌာနခွဲမှ ဒုတိယညွှန်ကြားရေးမှုး ဦးမျိုးတင့်ထံမှ သိရသည်။

▪️ ၂၀၂၄-၂၅ဘဏ္ဍာနှစ် ဧပြီလမှ သြဂုတ်လငါးလတာကာလအတွင်း ပုဂ္ဂလိကကဏ္ဍမှပြည်ပသို့ပျားရည်တင်ပို့မှု့မှရာတွင် မက်ထရစ်တန်(၇၄၅ဒသမ၉၂)တန်တင်ပို့ခဲ့ပြီး အမေရိကန်ဒေါ်လာ(၁ဒသမ၁၁၉) သန်းရရှိထားခြင်းဖြစ်ကြောင်း ၎င်းက ဆိုသည်။

▪️ ထိုသို့တင်ပို့ရာတွင် ပုံမှန်ကုန်သွယ်ရေးမှ ပျားရည်မက်ထရစ်တန် (၆၉၈ဒသမ၁၂)တန်တင်ပို့ပြီးနယ်စပ်ကုန်သွယ်ရေးမှ(၄၇ဒသမ၈၀)တန် တင်ပို့ခဲ့ရာ စုစုပေါင်း ပြည်ပသို့ပျားရည်တင်ပို့မှု့ (၇၄၅ဒသမ၉၂)တန်တင်ပို့ပြီး အမေရိကန်ဒေါ်လာ(၁ဒသမ၁၁၉)သန်းရရှိသည်ဟု သိရသည်။

▪️ နိုင်ငံအလိုက်တင်ပို့ရာ၌ ဂျပန်နိုင်ငံသို့ ပျားရည်မက်ထရစ်တန်(၅၁၆ဒသမ၁၂)တန်ဖြင့် အများဆုံးတင်ပို့ပြီး အမေရိကန်ဒေါ်လာ(၇၇၄၁၈၀)ရရှိခဲ့ပြီး ကိုရီးယားနိုင်ငံသို့ ပျားရည်မက်ထရစ်တန်(ဝဒသမ၅၀)တန်တင်ပို့ခဲ့ပြီး အမေရိကနိဒေါ်လာ(၇၅၀)ရရှိခဲ့ကြောင်း ထိုင်းနိုင်ငံသို့ ပျားရည် မက်ထရစ်တန်(မက်ထရစ်တန်(၁၈၁ဒသမ၅၀)တန်တင်ပို့ပြီး အမေရိကန်ဒေါ်လာ
(၂၇၂၂၅၀)ရရှိခဲ့ပြီး တရုတ်နိုင်ငံသို့ ပျားရည်မက်ထရစ်တန်(၄၅ဒသမ၇၉၇)တန်တင်ပို့ပြီး အမေရိကန်ဒေါ်လာ( ၆၈၆၉၆)ရရှိခဲ့ကြောင်း ထိုင်ဝမ်သို့ပျားရည်မက်ထရစ်တန်(၂ဒသမ၀၁၂)တန်တင်ပို့ပြီး အမေရိကန်ဒေါ်လာ(၃၀၀၃)ရရှိခဲ့ကြောင်း သိရသည်။

#YMG/NN #Yangon_Times

#Local_News
Published 12 September 2024

▪️ ဒဂုံမြို့သစ်(တောင်ပိုင်း)မြို့နယ်၌ ကားမီးလောင်မှုတစစ်ခုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဖြစ်စဉ်မှာ စက်တင်ဘာ ၁၁ ရက်နေ့၊ ည ၉နာရီခွဲ အချိန်ခန့်က ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)မြို့နယ်၊ အမှတ်(၂)လမ်းတွင် ကားတစ်စီးမီးလောင်ခဲ့ကြောင်း သိရသည်။

▪️ အဆိုပါ သတင်းရရှိသဖြင့် ဒဂုံမြို့သစ်(တောင်ပိုင်း)မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ ဒဂုံမြို့သစ်(အရှေ့ပိုင်း)မြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီးတို့ဖြင့် ထွက်ခွာငြှိမ်းသတ်ခဲ့ရာ ည ၉နာရီ  ၃၈ မိနစ်အချိန်၌  မီးငြိမ်းခဲ့ကြောင်း သိရသည်။

#YMG/NN #Yangon_Times

#Local_News
Published 12 September 2024

▪️ မိုးသည်းထန်၍ ရမည်းသင်း၌ ရေနှင့်မျောပါပြီး လူ(၁၀)ဦး‌‌ေ-သဆုံးခဲ့ကြောင်း မြန်မာနိုင်ငံမီးသတ် တပ်ဖွဲ့မှသိရသည်။

▪️ မန္တလေးတိုင်းဒေသကြီး၊ ရမည်သင်းမြို့နယ်အတွင်း မိုးသည်းထန်စွာရွာသွန်းမှုကြောင့် ရပ်ကွက်/ကျေးရွာအုပ်စုများမှ အိမ်ထောင်စု(၁၅၁၁၃)စု၊ ကျား(၂၃၉၉၅)ဦး၊ မ(၂၉၉၇၇)ဦး၊ စုစုပေါင်း (၅၃၉၇၂)ဦး ရေဘေးသင့်ခဲ့သည်ဟုဆိုသည်။

▪️ ရေဘေးကြောင့် ဆည်ကြီးကျေးရွာအုပ်စုအတွင်း ဆည်ကြီး ကျေးရွာမှ ကျား(၁)ဦး၊ ညောင်အိုင်ကျေးရွာမှ မ(၁)ဦး၊ မြင်းနားကျေးရွာအုပ်စုအတွင်း ကံသာအေးကျေးရွာမှ ကျား(၂)ဦး၊ မ(၄)ဦး၊ ရွှေနန်းပေါ်ကျေးရွာမှ မ(၁)ဦး၊ ဝါးဖြူတောင်ကျေးရွာအုပ်စုအတွင်း ချောင်းဖျားကျေးရွာမှ မ(၁)ဦး၊ စုစုပေါင်း (၁၀)ဦး (သေဆုံး)ခဲ့သည်ဟု ဖော်ပြထားသည်။

▪️ အဆိုပါ ရေဘေးသင့်ပြည်သူများအား ရမည်းသင်းမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များမှ သက်ဆိုင်ရာအဖွဲ့အစည်းများနှင့် ပူးပေါင်း၍ သီလဝခန်းမ၊ သာသနာ့ဗိမာန်၊ ဘုန်းကြီးကျောင်း၊ ရွာတန်းခန်းမ၊ ကိုးခန်းကြီးဓမ္မာရုံ၊ ရန်ကြီးအောင်ကျောင်း စသည့်ရေဘေးရှောင်နေရာများနှင့် နီးစပ်ရာဆွေမျိုးထံသို့ ကူညီရွှေ့ပြောင်းပေးခြင်းလုပ်ငန်းများဆောင်ရွက်ပေးခဲ့ကြောင်း သိရသည်။

#YMG/tthl #Yangon_Times

#World_News
Published 12 September 2024

▪️ အမေရိကန်နဲ့ ဗြိတိန်တို့မှ နိုင်ငံခြားရေးဝန်ကြီးများ ဗုဒ္ဓဟူးနေ့က ယူကရိန်းသမ္မတ ဗိုလိုဒီမီယာဇယ်လန်စကီထံ သွားရောက်ခဲ့ကာ အထောက်အပံ့သစ်များအကြောင်း ပြောခဲ့ကြပေမယ့် ရုရှားကိုပစ်ခတ်ရန် ယူကရိန်းတို့ အသည်းအသန် အလိုရှိနေတဲ့ တာဝေးပစ်လက်နက်များတော့ မပါဝင်ခဲ့ပါဘူး။

▪️ ရုရှားနဲ့ တိုက်ခိုက်ရာမှာ ရုန်းကန်နေရတဲ့ ယူကရိန်းအတွက် အလွန်အရေးကြီးတဲ့ အချိန်မှာ အမေရိကန် နိုင်ငံခြားရေးဝန်ကြီး အန်တိုနီဘလင်ကန်နဲ့ ဗြိတိန်နိုင်ငံခြားရေးဝန်ကြီး ဒေးဗစ်လမ်မီတို့ ရောက်ရှိလာတာ ဖြစ်ပြီး ယူကရိန်းစစ်ပွဲ ရည်မှန်းချက်များနဲ့ ဘာတွေကူညီနိုင်မလဲဆိုတဲ့ အကြောင်းတွေ ဆွေးနွေးခဲ့ကြပါတယ်။

▪️ ဒီထဲမှာမှ တာဝေးပစ်လက်နက်များအကြောင်းလည်း ပါဝင်ခဲ့ပြီး အမေရိကန်ရောက်တဲ့အခါ သမ္မတကို ပြန်လည်တင်ပြသွားမယ်လို့ ဘလင်ကန်က သတင်းထောက်တွေကို ပြောကြားခဲ့ပါတယ်။

▪️ ဇယ်လန်စကီက အမေရိကန်မှ ATACMS နဲ့ ဗြိတိန်မှ Storm Shadows တာဝေးပစ်လက်နက်များ အပါအဝင် အနောက်တိုင်းလက်နက်များဖြင့် ရုရှားနိုင်ငံအတွင်းထဲသို့ ပစ်ခတ်ခွင့်ပြုရန် မဟာမိတ်တွေကို တောင်းဆိုနေတာ ကြာပါပြီ။

▪️ သေချာနားထောင်ခဲ့ကြပြီး ယူကရိန်း အနိုင်ရဖို့ လိုအပ်တဲ့ စစ်ရေးပစ္စည်းများ အပါအဝင် အကြောင်းအရာပေါင်းစုံကို ဆွေးနွေးခဲ့ကြကြောင်း လမ်မီက ပြောသွားပါတယ်။

▪️ ဒီဆွေးနွေးမှုတွေဟာ နောက်ထပ် ရက်သတ္တပတ်များအထိ ကြာမြင့်နိုင်တယ်လို့ ဗြိတိန်နိုင်ငံခြားရေးဝန်ကြီးက ဆိုခဲ့ရာ မြန်မြန်ဆန်ဆန် ဆောင်ရွက်ချင်နေတဲ့ ယူကရိန်းအတွက်တော့ စိတ်ပျက်ရဖွယ်ရှိပါတယ်။

▪️ အနည်းဆုံးတော့ ခိုင်မာတဲ့ဆုံးဖြတ်ချက်တွေ မျှော်လင့်နိုင်ကြောင်း၊ ယူကရိန်းအတွက် အလွန်အရေးကြီးကြောင်း၊ ဆွေးနွေးမှုက ကြာမြင့်ပြီး အဓိပ္ပာယ်ပြည့်ဝကြောင်း ဇယ်လန်စကီက သတင်းထောက်တွေကို ပြောကြားခဲ့ပါတယ်။

▪️ တာဝေးပစ်လက်နက်များ ထိန်းချုပ်ခြင်းကို ဖယ်ရှားလိုက်ခြင်းက ရုရှားနဲ့ အနောက်တိုင်းတို့ တိုက်ရိုက်တွေ့ဆုံလာမှာကို အမေရိကန်နဲ့ ဥရောပနိုင်ငံအချို့ စိုးရိမ်နေကြသလို တစ်ဖက်မှာလည်း ယူကရိန်းအနေနဲ့ စစ်ပွဲအရေးသာဖို့ အကူအညီလိုအပ်နေပါတယ်။

▪️ ဘလင်ကန်နဲ့ လမ်မီတို့ ယူကရိန်းသို့ လာရောက်စဉ် လေကြောင်းကျူးကျော်သတိပေးချက် နှစ်ကြိမ်တိုင် ထွက်ပေါ်ခဲ့ပါသေးတယ်။

#Source: Reuters

#World_Health
Published 12 September 2024

▪️ အိပ်စက်ခြင်းက အလုံးစုံကျန်းမာရေးအတွက် အရေးကြီးသလို အထူးသဖြင့် ကိုယ်ဝန်ဆောင်တွေမှာ အရေးကြီးပါတယ်။

▪️ မိခင်အတွက်ရော သန္ဓေသားအတွက်ပါ လုံလောက်စွာ အနားယူဖို့ လိုအပ်ပါတယ်။

▪️ ကိုယ်ဝန်ကြောင့် အိပ်စက်မှုပုံစံနဲ့ လိုအပ်ချက်တွေ သိသိသာသာ ပြောင်းလဲလာနိုင်ပါတယ်။

▪️ ကိုယ်ဝန်ဆောင်စဉ် လုံလောက်စွာ အိပ်စက်ခြင်းဖြင့် အကျိုးကျေးဇူး အမျိုးမျိုး ရရှိစေပါတယ်။

▪️ (၁) ရုပ်ပိုင်းဆိုင်ရာ ကျန်းမာရေး - အိပ်စက်ခြင်းဖြင့် ခန္ဓာကိုယ်မှာ ပြုပြင်ထိန်းသိမ်းပေးပြီး အရေးကြီးတဲ့ အရေးကြီး လုပ်ဆောင်ချက်များနဲ့ ခုခံအားတို့ကို ထောက်ပံ့ပေးပါတယ်။

▪️ (၂) သန္ဓေသားဖွံ့ဖြိုးမှု - နှစ်ခြိုက်စွာ အိပ်စက်ခြင်းက သန္ဓေသား ကြီးထွားဖွံ့ဖြိုးမှုနဲ့ သက်ဆိုင်နေပြီး ကြီးထွားမှုဟော်မုန်း ထုတ်လုပ်ပေးပါတယ်။

▪️ (၃) ကိုယ်ဝန်ဆောင်ပြဿနာများ လျှော့ချခြင်း - ကိုယ်ဝန်ဆိပ်တက်ခြင်း၊ ကိုယ်ဝန်ချိန် ဆီးချိုဖြစ်ခြင်းတို့မှ ကာကွယ်ပေးပါတယ်။

▪️ (၄) စိတ်ခံစားမှုကောင်းစေခြင်း - စိတ်အပြောင်းအလဲ ဖြစ်ခြင်းကို ထိန်းချုပ်ပေးကာ စိတ်ဓာတ်ကျခြင်းကို လျော့နည်းစေပါတယ်။

▪️ (၅) အစားစားချင်စိတ်နဲ့ ကိုယ်အလေးချိန် ထိန်းညှိခြင်း - အစာစားချင်စိတ်ကို ထိန်းချုပ်ပေးသဖြင့် ဆာလောင်မှု လျော့နည်းစေပြီး ကိုယ်အလေးချိန် ထိန်းသိမ်းပေးပါတယ်။

▪️ ဒါ့အပြင် အိပ်စက်ရာမှာ စနစ်ကျစွာဖြင့် စိတ်ချရတဲ့ အိပ်စက်မှုရရှိဖို့ကလည်း အရေးကြီးပါတယ်။

▪️ သတိပြုစရာ အလေ့အထများ ကျင့်သုံးခြင်းဖြင့် အိပ်စက်မှု အခြေအနေကို တိုးတက်စေမှာ ဖြစ်ပါတယ်။

▪️ (၁) အိပ်ရာဝင်ချိန်နဲ့ ထချိန်ကို ပုံမှန်သတ်မှတ် အိပ်စက်ခြင်းဖြင့် ကောင်းစွာ အိပ်ပျော်နိုင်စေမှာ ဖြစ်ပါတယ်။

▪️ (၂) အိပ်တဲ့အခန်းနေရာဟာ တိတ်ဆိတ်ပြီး အလင်းမတောက်တဲ့ အနေအထားဖြစ်သင့်တဲ့ အပြင် ခေါင်းအုံးများ သက်တောင့်သက်သာရှိဖို့ လိုအပ်ပါတယ်။

▪️ (၃) အိပ်ချိန်နီးချိန်မှာ ကဖင်းဓာတ်နဲ့ အစားများများစားခြင်းတို့မှ ရှောင်ကျဉ်သင့်ပါတယ်။

▪️ (၄) ယောဂကျင့်ခြင်း၊ တရားထိုင်ခြင်း၊ စာဖတ်ခြင်းတို့က စိတ်ကိုငြိမ်သက်စေပြီး ကောင်းစွာ အနားယူနိုင်စေမှာ ဖြစ်ပါတယ်။

▪️ ဒါကြောင့် ကောင်းစွာအိပ်စက်ခြင်းက မိခင်အတွက်ရော ကလေးအတွက်ပါ ကျန်းမာရေးအတွက် အရေးကြီးတာကို သိရှိထားဖို့ လိုပါတယ်။

#Source: DoctorNDTV

#World_Health
Published 12 September 2024

▪️ လူသားတွေဟာ မိခင်ဗိုက်ထဲမှ ထွက်တဲ့အချိန်ကနေစလို့ အသက်ကြီးသည်အထိ အိပ်စက်ချိန် လိုအပ်မှု မတူညီကြပါဘူး။

▪️ အသက်အရွယ် အပိုင်းအခြား ကွာခြားတာနဲ့အမျှ အိပ်စက်ချိန် လိုအပ်ချက် ပြောင်းလဲနေကြပါတယ်။

▪️ မွေးကင်းစကလေးတွေဟာ အိပ်နေစဉ်မှာ ကြီးထွားမှုဟော်မုန်း ထွက်ရှိပြီး ၃ လသားအရွယ်အထိ တစ်နေ့ကို ၁၄ နာရီကနေ ၁၇ နာရီလောက်အထိ အိပ်စက်ကြပါတယ်။

▪️ ၁ နှစ်အရွယ်လောက်အထိ အိပ်ချိန်အနည်းငယ် လျော့နည်းလာကာ နေ့ညလည်ပတ်မှုပုံစံ စတင်လာပါတယ်။

▪️ လမ်းလျှောက်တတ်ခါစ အရွယ်ရောက်တဲ့အခါ အိပ်ချိန် ၁၁ နာရီမှ ၁၄ နာရီအထိ လျော့နည်းလာပြီး အသက် ၅ နှစ်အရွယ်ရောက်တဲ့အခါ ၁၀ နာရီမှ ၁၃ နာရီသာ လိုအပ်ပါတော့တယ်။

▪️ ဆယ်ကျော်သက်အရွယ်မှာ နေ့ခင်းပိုင်း တရေးအိပ်တာမျိုး လျော့ကျလာပြီး တစ်ညကို ၉ နာရီမှ ၁၂ နာရီအထိ အိပ်ဖို့လိုအပ်လာပါတယ်။

▪️ အရွယ်ရောက်လာခြင်းက အပြောင်းအလဲတွေ စိန်ခေါ်မှုတွေ စတင်ကြုံတွေ့လာရချိန် ဖြစ်နေပါတယ်။

▪️ ဒါပေမဲ့ အများစုက ညအိပ်ချိန်မမှန်ဘဲ အိပ်ချိန်ထချိန် နောက်ကျလာတတ်ပါတယ်။
ညဘက်အိပ်ရေးမဝတဲ့အခါ နေ့ဘက်မှာ မိနစ် ၃၀ - ၆၀ လောက်အထိ အိပ်စက်ခြင်းက အာရုံစူးစိုက်မှု၊ မှတ်ဉာဏ်ပိုင်းတို့ကို တိုးတက်စေတယ်လို့ တွေ့ရှိထားပါတယ်။

▪️ ရင့်ကျက်တဲ့အရွယ် ရောက်လာတဲ့အခါတော့ တစ်နေ့ကို အိပ်ချိန် ၇ နာရီ ၈ နာရီလောက် လိုအပ်ပါတယ်။

▪️ နေ့ခင်းပိုင်း ခဏတဖြုတ် အိပ်စက်ခြင်းဖြင့် စိတ်ပိုင်းဆိုင်ရာ ပြဿနာများ လျှော့ချနိုင်တယ်လို့ မကြာသေးမီက တွေ့ရှိထားပါတယ်။

▪️ ကောင်းစွာအိပ်စက်မှု ရရှိဖို့အတွက် ညနေပိုင်း လေ့ကျင့်ခန်းလုပ်ခြင်းနဲ့ အသီးအရွက် များများစားခြင်းတို့ ပြုလုပ်သင့်ပါတယ်။

▪️ အသက် ၆၅ နှစ်အထက် အသက်ကြီးပိုင်းတွေကတော့ အိပ်စက်မှုကို အားပေးတဲ့ ဟော်မုန်းတွေ လျော့ကျလာကာ အအိပ်နည်းလာကြသလို မကြာခဏ ဆီးသွားခြင်းက အိပ်စက်မှုကို နှောင့်ယှက်စေပါတယ်။

▪️ ညဘက်စောစောအိပ် စောစောထတဲ့အကျင့် ဖြစ်လာပေမယ့် တစ်နေ့ကို ၇ နာရီ ၈ နာရီလောက်အထိ အိပ်ဖို့ လိုအပ်ပါသေးတယ်။

#Source: New York Post

 https://www.facebook.com/share/v/ojevXb3gdTDQhde9/?mibextid=oFDknk

အခုရက်ပိုင်းအတွင်း နိုင်ငံအနှံ့အပြားမှာ မိုးသည်းထန်စွာရွာသွန်းမှုကြောင့် ရေကြီးရေလျှံမှု‌ တွေ ဖြစ်ပေါ်နေပြီးအခုလအတွင်းမှာလည်း ဘင်္ဂလားပင်လယ်အော်မှာ မုန်တိုင်းငယ်တစ်ခုဖြစ်ပေါ်နိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန၊ မြန်မာနိုင်ငံမီးသတ်တပ်ဖွဲ့နဲ့ ဒေသခံတွေ ဆီက သိရပါတယ်။
#Local_News
Published 11 September 2024
#ဘင်္ဂလားပင်လယ်အော် #မုန်တိုင်းငယ်တစ်ခုဖြစ်ပေါ်နိုင်
#YMG/NN #Yangon_Times

#Local_News
Published 11 September 2024

▪️ ရှမ်းပြည်နယ်(အရှေ့ပိုင်း) မြန်မာ - ထိုင်းနယ်စပ်ဒေသ တာချီလိတ်မြို့၌ မယ်ဆိုင်ချောင်း ရေကြီး ၊မှုကြောင့် ချစ်ကြည်ရေးတံတား(၁)  ဖြတ်သန်းခွင့် ယာယီပိတ်ထားကြောင်း ဒေသခံများထံမှသိရသည်။

▪️ ယမန်နေ့ (စက်တင်ဘာ ၁၀ ရက်)က ရေကြီးမှုများကြောင့် တာချီလိတ်ဘက်မှ မြန်မာ - ထိုင်း ချစ်ကြည်ရေးအမှတ် (၁) တံတားမှ ဖြတ်သန်းခွင့် ယာယီပိတ်ထားခြင်းဖြစ်ပြီး တာချီလိတ်ဘက်မှ မယ်ဆိုင်ဘက်သို့သွားမည့် ကားနှင့်ဆိုင်ကယ်များကို တံတားပေါ်မှ ဖြတ်သန်းခွင့် ယာယီပိတ်ထားခဲ့ကြောင်း သိရသည်။

▪️ "မယ်ဆိုင်ချောင်းရေကတော်တော်ကို ရေစီးသန်‌နေတာ ချစ်ကြည်ရေးအမှတ် (၁) တံတားပေါ်တောင် ရေကျော်နေတယ် ၊  ရေကြီးရေလျှံနေလို့ တံတားကို ယာယီ ပိတ်လိုက်တာပါ၊ တံတားပေါ်က ရေပြန်ကျသွားရင်တော့ ပုံမှန်အတိုင်း သွားလို့ရပါမယ်၊ နှစ်(၃၀)ကျော် (၄၀)အတွင်း ရေတခါမှ မကြီးဘူးတဲ့ နေရာတွေ အကုန်ရေအပြည့်ဝင်နေတယ်"ဟုဒေသခံတစ်ဦးက ပြောသည်။

▪️ လတ်တလောတွင် တာချီလိတ်မြို့တွင် ရေကြီးရေလျှံမှုများကြောင့် လျှပ်စစ်မီးပါဖြတ်တောက်ထားပြီး ရေကြီးမှုဖြစ်ပေါ်နေသည့်နေရာများ၌  ကယ်ဆယ်ရေးလုပ်ငန်းများလုပ်ဆောင်နေကြောင်း သိရသည်။

▪️ တာချီလိတ်မြို့သည် ထိုင်းနိုင်ငံနှင့်ထိစပ်နေသည့် နယ်စပ်မြို့ဖြစ်ပြီး ချစ်ကြည်ရေးအမှတ် (၁) တံတားနှင့် ချစ်ကြည်ရေးအမှတ် (၂)တံတားများဖြင့် မယ်ဆိုင်မြို့နှင့်ဆက်သွယ်ထားခြင်းဖြစ်သည်။

▪️ လက်ရှိ ယာယီပိတ်ထားသည့် ချစ်ကြည်ရေးအမှတ် (၁) တံတားမှ လူများအဓိကဖြတ်သန်းလေ့ရှိပြီး ချစ်ကြည်ရေးအမှတ် (၂)တံတားမှမူ ကုန်များဖြတ်သန်းလေ့ရှိကြောင်း သိရသည်။

#YMG/NN #Yangon_Times

https://www.facebook.com/share/v/2PZ3fVC4YQUMjpk1/?mibextid=oFDknk

ပုပ္ပါးတောင်ဒေသကို ယူနက်စကိုအသိအမှတ်ပြုတဲ့ကမ္ဘာ့အဆင့် ကမ္ဘာလုံးဆိုင်ရာဘူမိဥယျာဉ်ဖြစ်အောင် ဘူမိနယ်မြေ(၁၅)ခုတိုးချဲ့ဆောင်ရွက်သွားဖို့ရှိတယ်လို့ သိရပါတယ်။
#Local_News
Published 11 September 2024
#ပုပ္ပါးတောင်ဒေသ #ယူနက်စကိုအသိအမှတ်ပြု
#YMG/tthl #Yangon_Times

 https://www.facebook.com/share/v/wsjjqsogzunNhiyW/?mibextid=oFDknk

ပဲခူးမြို့နယ်၊ ဘုရားကြီးမြို့အနီးမှာ တည်ရှိတဲ့ ဝင်္ဂဘော် ECBT ဆင်စခန်းမှာ ဆင်အမွှာလေး နှစ်ကောင်အားကြည့်ရှုရန် အပါဝင်သဘာဝအလှများခံစားရန် ပိတ်ရက်မရှိဖွင့်လှစ်ပေးနေတယ်လို့ ယင်းဆင်စခန်းက သိရပါတယ်။
#Local_News
Published 11 September 2024
#ဝင်္ဂဘော်ဆင်စခန်း #ပိတ်ရက်မရှိဖွင့်လှစ်
#YMG/NN #Yangon_Times

 https://www.facebook.com/share/v/wCFKcVTJtfXHcAgz/?mibextid=oFDknk

လာမယ့်အောက်တိုဘာ(၁၃)ရက်မှာ  ရုပ်ရှင်သက်ကြီးပူဇော်ပွဲကျင်းပသွားမှာဖြစ်ပြီး ဒီနှစ်က တော့ ရုပ်ရှင်သက်ကြီးပညာရှင် (၁၄၀၀)ကျော် (၁၅၀၀)လောက်ကို ပူဇော်သွားဖို့ ရှိတယ်လို့ဆိုပါတယ်။
#Local_News
Published 11 September 2024
#ရုပ်ရှင်သက်ကြီးပူဇော်ပွဲ #ရုပ်ရှင်သက်ကြီးပညာရှင်
#YMG/tthl #Yangon_Times

#World_News
Published 11 September 2024

▪️ တောင်ကိုရီးယားမှ မိခင်ပေါင်းများစွာဟာ သူတို့ရဲ့ကလေးတွေကို နိုင်ငံရပ်ခြားမှာ မွေးစားခံရဖို့ အတင်းအဓမ္မ စွန့်လွှတ်ခိုင်းခံခဲ့ကြရတယ်လို့ တောင်ကိုရီးယားအစိုးရမှ ဖွဲ့စည်းတဲ့ ကော်မရှင်တစ်ခုက ထုတ်ဖော်လိုက်ပါတယ်။

▪️ ၁၉၅၀ ခုနှစ်တည်းက အစိုးရထောက်ပံ့ လူမှုဖူလုံရေးဌာနတွေမှာ နွမ်းပါးတဲ့ မိဘတွေ အထူးသဖြင့် တစ်ခုလပ်မိခင်တွေမှ မွေးဖွားတဲ့ ကလေးပေါင်း ၂ သိန်းခန့်ဟာ ဩစတြေးလျ၊ ဒိန်းမတ်၊ အမေရိကန်တို့လို နိုင်ငံတွေမှာ မွေးစားခံခဲ့ရပါတယ်။

▪️ ဖြစ်ရပ်အများစုမှာ ဆေးရုံများ၊ သားဖွားခန်းများ၊ မွေးစားရေးအေဂျင်စီများက ကလေးအမေများဟာ စိတ်မနှံ့သူတွေ ဒါမှမဟုတ် ကလေးကို ပြုစုပျိုးထောင်ဖို့ မသင့်လျော်သူတွေလို့ တဖက်သတ် ကြေညာကြပါတယ်။

▪️ အမှန်တရားနှင့် ပြန်လည်သင့်မြတ်ရေး ကော်မရှင်ရဲ့ တင်ပြချက်အရ မိဘတွေဟာ နိုင်ငံခြား မွေးစားရေးစနစ်နဲ့ ပတ်သက်ပြီး လွဲမှားတတ်ကြကာ သူတို့ရဲ့ကလေးတွေ ပြန်လာလိမ့်မယ်လို့ အတင်းအဓမ္မ ယုံကြည်နေကြပါတယ်။

▪️ ကလေးတွေရဲ့ ဘဝတွေက တောင်ကိုရီးယားမှာထက်စာရင် တိုးတက်တဲ့ အနောက်နိုင်ငံကြီးတွေမှာ ပိုမိုကောင်းမွန်လိမ့်မယ်လို့ သိမ်းသွင်းခံခဲ့ရပါတယ်။

▪️ ဒီအတွက် အစိုးရအနေနဲ့ နစ်နာသူတွေကို တရားဝင်တောင်းပန်မှု ပြုလုပ်ရန်နဲ့ နစ်နာကြေးပေးမယ့် အစီအစဉ်တစ်ခုချရန် ကော်မရှင်က တိုက်တွန်းလိုက်ပါတယ်။

▪️ ၁၉၇၀၊ ၁၉၈၀ ဝန်းကျင်တွေတုန်းက တောင်ကိုရီးယားရှိ စစ်အာဏာရှင် လက်ထက်မှာ လူမှုသန့်စင်ရေးမူဝါဒ ချမှတ်ခဲ့ပြီး လူပေါင်းထောင်ချီဟာ အစိုးရထောက်ပံ့ လူမှုဖူလုံရေးဌာနများသို့ အတင်းအကြပ် ခေါ်ခံခဲ့ရပါတယ်။

▪️ ထိုဌာနတွေမှာ အကျဉ်းသားများ ဆင်းရဲစွာ ဒုက္ခခံစားရပုံတွေကိုလည်း ကော်မရှင်က ဖော်ပြထားပါတယ်။

▪️ လူ့အခွင့်အရေး ချိုးဖောက်မှုများ ဖြစ်ခဲ့ကာ ဆောက်လုပ်ရေးတွေမှာ လုပ်အားခမပေးဘဲ အဓမ္မခိုင်းစေခြင်း၊ အခြားထိန်းသိမ်းရေးစခန်းများသို့ ပြောင်းခိုင်းခြင်း၊ ရိုက်နှက်ခြင်းတို့ ပါဝင်ခဲ့ပါတယ်။
သေဆုံးသွားသူတွေကို မြေတူးမြှုပ်နှံကာ မိသားစုဝင်တွေကို အသိမပေးခဲ့ပါဘူး။

▪️ အမျိုးသမီးတွေ ကလေးမွေးတဲ့အခါ တစ်နေ့နေ့မှာ ကလေးတွေကို နိုင်ငံရပ်ခြားမှာ မွေးစားမယ်ဆိုပြီး ခေါ်ယူသွားကြပါတယ်။

#Source: WION