#Local_News
Published_4 Sept 2024

▪️ MNDAA ၊TNLA နှင့် AA အဖွဲ့တို့ နှင့်ဆက်နွယ်နေသူများလည်း အကြမ်းဖက်အားပေးသူများဖြစ်ဟုနစက ဥက္ကဌက အရှေ့ပိုင်းတိုင်းစစ်ဌာနချုပ်အတွင်း နယ်မြေတည်ငြိမ်အေးချမ်းရေး ဆိုင်ရာဆောင်ရွက်ထားရှိမှုများကို သွားရောက်စစ်ဆေးသည့်ယနေ့ စက်တင်ဘာလ ၃ ရက်တွင် ပြောကြားခဲ့သည်။

▪️ စက်တင်ဘာလ ၂ ရက်တွင် MNDAA လက်နက်ကိုင်သောင်ကျန်းသူအဖွဲ့၊ TNLA လက်နက်ကိုင်သောင်းကျန်းသူအဖွဲ့နှင့် AA လက်နက်ကိုင်အဖွဲ့တို့ကိုနိုင်ငံတော်မှအကြမ်းဖက်အုပ်စုအဖြစ်ကြေညာခဲ့ပြီးဖြစ်သောကြောင့် ၎င်းတို့နှင့်ဆက်နွယ်နေသူများ အနေဖြင့်လည်း အကြမ်းဖက်မှုများကိုအားပေးနေကြသူများပင်ဖြစ်ကြောင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ကဆိုသည်။

▪️ နစက ဥက္ကဌက ပြည်သူများ၏ အသက်အိုးအိမ်စည်းစိမ်များလုံခြုံရေးအတွက် နယ်မြေတည်ငြိမ်အေးချမ်း ရေး လုပ်ငန်းများကို စနစ်တကျဆောင်ရွက်နေရန်၊နယ်မြေတည်ငြိမ်အေးချမ်းရေးနှင့်လုံခြုံရေးလုပ်ငန်းများကို ဆောင် ရွက်ရာတွင် လုံခြုံရေးနှင့်ပတ်သက်သည့်သတင်းများစဉ်ဆက်မပြတ်ရယူတည်ဆောက်ဆောင်ရွက်ရန် ၊အများ ပြည်သူသွားလာလျက်ရှိသည့်လမ်းတံတားများထိခိုက်ပျက်စီးမှုမရှိအောင် ဆောင်ရွက်နေရန်၊နယ်မြေဖွံ့ဖြိုးတိုး တက်ရေးဆောင်ရွက်ပေးရန်၊ပအိုဝ်းကိုယ်ပိုင်အုပ်ချုပ်ခွင့်ရဒေသအနေဖြင့် ယခင်ကတည်းကပင် ငြိမ်းချမ်းရေး ရယူခဲ့ပြီး ဒေသတည်ငြိမ်အေးချမ်းမှုများကို နိုင်ငံတော်၊တပ်မတော်နှင့်လက်တွဲဆောင်ရွက်နေခြင်းဖြစ်၍ ၎င်းတို့၏ ဒေသများအတွင်းအကြမ်း ဖက်သမားများ ဝင်ရောက်လှုပ်ရှားမှုများကြောင့် နယ်မြေမငြိမ်မသက်မှုများ မဖြစ်စေရေး ဆောင်ရွက်ရန်လည်း မှာကြားခဲ့ကြောင်း သိရသည်။

▪️ အရှေ့ပိုင်းတိုင်းစစ်ဌာနချုပ်၊တိုင်းမှူး ဗိုလ်ချုပ် ဇော်မင်းလတ် က အရှေ့ပိုင်းတိုင်းစစ် ဌာနချုပ် နယ်မြေအတွင်း တပ်မတော်သားများ၊ မြန်မာနိုင်ငံရဲတပ်ဖွဲ့ဝင်များနှင့် ပြည်သူ့စစ်(ဌာနေ)အဖွဲ့ဝင်များ ပူးပေါင်း၍ နယ်မြေ လုံခြုံ ရေးနှင့် လမ်းတံတားများ လုံခြုံရေးအတွက် ဆောင်ရွက်လျက်ရှိကြောင်း၊ KNPP ၊ KNDF အဖွဲ့နှင့် PDF အမည်ခံ အကြမ်းဖက်သမားများ၏တိုက်ခိုက်မှုကြောင့် ထိခိုက်ပျက်စီးမှု များ ဖြစ်ပေါ်ခဲ့ သည့် လွိုင်ကော်မြို့နှင့် အခြားမြို့ များကို ပြန်လည်ထူထောင်ရေး လုပ်ငန်းများ ဆောင်ရွက်ပေးနေမှု၊ နယ်မြေ လုံခြုံရေးလုပ်ငန်းများဆောင် ရွက် စဉ် PDF အမည်ခံအကြမ်းသမားများထံမှ လက်နက်ခဲယမ်းများသိမ်းဆည်းရမိမှုနှင့် PDF များ အမည်ခံအ ကြမ်းဖက်သမားများ အလင်းဝင်ရောက်လာမှု၊ တရားမဝင်သစ်များ ဖမ်းဆီး ရမိမှု အခြေအနေများ ကို နစက ဥက္ကဌအား ရှင်းပြခဲ့ကြောင်းလည်း သိရသည်။

#Yangon_Times/PP

#World_Health
Published 04 September 2024

▪️ လည်ပင်းတဝိုက်က ကြွက်သားတွေ တင်းကြပ်လာတဲ့အခါ လည်ပင်းတောင့်တင်းလာပြီး ဦးခေါင်းလှုပ်ရှားရာမှာ ခက်ခဲနာကျင်ရပါတယ်။

▪️ ဒါဟာ အနေအထား မမှန်ခြင်း၊ ဖိစီးမှု၊ အိပ်တဲ့အခါ ပုံစံမကျခြင်းတို့ကြောင့် အဖြစ်များပါတယ်။
ဒါပေမဲ့ များသောအားဖြင့် သူ့အလိုလို ပျောက်သွားတတ်သလို သက်သာစေမယ့် နည်းလမ်းတွေလည်း ရှိပါတယ်။

▪️ လည်ပင်းတောင့်တင်းခြင်း ဖြစ်စေတဲ့ အကြောင်းအရင်းတွေကတော့..

▪️ (၁) အနေအထားမမှန်ခြင်း - အလုပ်စားပွဲမှာ ကြာရှည်ထိုင်ခြင်း၊ ဖုန်းကြာရှည်အသုံးပြုခြင်းတို့ကြောင့် အနေအထား မမှန်တဲ့အခါ လည်ပင်း တောင့်တင်းနိုင်ပါတယ်။

▪️ (၂) အိပ်စက်ပုံစံ - အိပ်တဲ့အခါ ခေါင်းအုံးနိမ့်လွန်းခြင်း မြင့်လွန်းခြင်းတို့ကြောင့် လည်ပင်းအနေအထား မမှန်ဘဲ ကြွက်သားတောင့်တင်းနိုင်ပါတယ်။

▪️ (၃) ဖိစီးမှုနှင့်ဖိအားများခြင်း - ဖိစီးမှုကြောင့် လည်ပင်းနဲ့ ပခုံးတို့မှာ ကြွက်သားဖိအားများကာ တောင့်တင်းစေပါတယ်။

▪️ (၄) ရုတ်တရက်လှုပ်ရှားခြင်း - လည်ပင်ကို ရုတ်တရက် လှည့်တာမျိုးက ကြွက်သားဒဏ်ဖြစ်စေပါတယ်။

▪️ (၅) ထိခိုက်ဒဏ်ရာ - ကားမတော်တဆမှုလိုမျိုး ထိခိုက်ခြင်းကြောင့် လည်ပင်းကြွက်သားနဲ့ အရွတ်တွေ ထိခိုက်စေကာ တောင့်တင်းစေနိုင်ပါတယ်။

▪️ (၆) အရိုးနုပြားကျွံခြင်း - လည်ပင်းရိုးထဲက ထောက်ပံ့အဆစ် ကျွံလာပြီး အာရုံကြောတွေကို ဖိမိကာ လည်ပင်းတောင့်တင်း နာကျင်စေပါတယ်။

▪️ (၇) အဆစ်ရောင်ခြင်း - အဆင်ရောင်ခြင်းလို ရောဂါအနေအထားကြောင့် လည်ပင်းအဆစ်များ ရောင်ရမ်းတောင့်တင်းစေပါတယ်။

▪️ (၈) ကြွက်သားဒဏ်ဖြစ်ခြင်း - အလေးအပင် မ'ခြင်းလိုမျိုး လည်ပင်းကြွက်သားတွေ အလုပ်ဝန်ပိတဲ့အခါ လည်ပင်းတောင့်တင်းစေပါတယ်။

▪️ (၉) လည်ပင်းအဆစ်ဆုတ်ယုတ်လာခြင်း - အသက်အရွယ်ကြောင့် လည်ပင်အဆစ်တွေ အရိုးနုတွေ ယုတ်လျော့ထိပါးလာကာ လည်ပင်းတောင့်တင်းနိုင်ပါတယ်။

▪️ (၁၀) ရောဂါဝင်ရောက်ခြင်း - ဦးနှောက်အမြှေးရောင်ခြင်းလိုမျိုး ရောဂါတွေမှာ လည်ပင်းကြွက်သားများ ရောင်ရမ်းလာပြီး တောင့်တင်းတတ်ပါတယ်။

▪️ လည်ပင်းတောင့်တင်းခြင်းကို သက်သာစေမယ့် နည်းလမ်းတွေအနေနဲ့ လည်ပင်းအနားပေးခြင်း၊ ရေနွေးဖြင့်ရေချိုးခြင်း၊ ရေနွေးအိတ်ကပ်ခြင်း၊ ရေခဲကပ်ခြင်း၊ ကွန်ပျူတာဖြင့် အလုပ်လုပ်တဲ့အခါ ဖန်သားပြင်ကို မျက်လုံးနဲ့ တတန်းတည်းထားခြင်း၊ အိပ်တဲ့အခါ လည်ပင်းနဲ့ ကျောရိုးမ အလိုက်သင့်ဖြစ်အောင်နေခြင်း၊ ငြင်သာစွာ နှိပ်နယ်ခြင်း၊ ရေများများသောက်ခြင်းဖြင့် အရိုးနုအဆစ်များ ကောင်းမွန်စေခြင်း၊ ယောဂ တရားကျင့်ခြင်းတို့ ပြုလုပ်နိုင်ပါတယ်။

#Source: DoctorNDTV

Published_3 Sept 2024
တပ်မတော်အနေဖြင့် နိုင်ငံတော်၏အချုပ်အခြာအာဏာကိုမဖြစ်မနေကာကွယ်စောင့်ရှောက်သွားမည်ဖြစ်ပြီး အ ဆိုပါလက်နက်ကိုင်အကြမ်းဖက်သောင်းကျန်းသူများ၏သတင်းရရှိမှုနှင့် အခြေအနေအရပ်ရပ်အပေါ်မူတည်၍ လိုအပ်သလိုတုန့်ပြန်ဆောင်ရွက်သွားမည်ဖြစ်သဖြင့် ၎င်းတို့အဓမ္မဝင်ရောက်နေထိုင်လျက်ရှိသည့် မြို့၊ ရွာများရှိ ပြည်သူများအနေဖြင့် ၎င်းတို့၏အသုံးချမှုမခံရစေရေးနှင့် ဘေး ကင်းလုံခြုံမှုရှိစေရေးတို့အတွက် သတိပြုကြရန် လိုအပ်ကြောင်း နစက ဥက္ကဌက ပြောသည်။
ယနေ့ စက်တင်ဘာလ ၃ ရက်နံနက်ပိုင်းတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် က ရှမ်းပြည်နယ်အစိုးရအဖွဲ့ဝင်များ၊ ပြည်နယ် နှင့်ခရိုင်အဆင့်ဌာနဆိုင်ရာတာ ဝန်ရှိသူများအား တောင်ကြီးမြို့၊မြို့တော်ခန်းမ၌တွေ့ဆုံ အမှာစကား ပြောကြားစဉ်အထက်ပါအတိုင်း ပြောကြား ခဲ့ခြင်းဖြစ်သည်။
အချို့တိုင်းရင်းသားလက်နက်ကိုင်အဖွဲ့များအနေဖြင့် နိုင်ငံတော်တွင် နိုင်ငံရေးအရအကြပ်အတည်း များဖြစ် ပေါ်နေမှုကိုအခွင့်ကောင်းရယူ၍ နယ်မြေချဲ့ထွင်ရန် ကြိုးပမ်းဆောင်ရွက်မှုများကို ကြုံတွေ့လာခဲ့ရကြောင်း၊ ၎င်းတို့ အကြမ်းဖက်လုပ်ရပ်များကြောင့် ဒေသခံပြည်သူများအနေဖြင့် နေရပ်ဒေသများနှင့် နေအိမ် စည်းစိမ် များကို စွန့်ခွာပြီး အခြားဘေးလွတ်ရာဒေသများတွင် ယာယီသွားရောက်ခိုလှုံ နေကြရကြောင်းလည်း ယင်းကဆို သည်။
လက်ရှိအချိန်တွင် အဆိုပါ လက်နက်ကိုင်အကြမ်းဖက်သောင်းကျန်းသူများ အဓမ္မဝင်ရောက်နေထိုင်နေသည့် မြို့၊ရွာများ၌တပ်မတော်၏ တန်ပြန်ထိုးစစ်ဆင်မှုများကို ကာကွယ်ရန်အတွက် ပြည်သူတို့၏ နေအိမ်အဆောက် အဦများ၊အရပ်ဘက်အုပ်ချုပ်မှုဆိုင်ရာအဆောက်အဦများကိုအသုံးပြုခြင်း၊အပြစ်မဲ့ပြည်သူလူထုတို့ကိုလူသားတံ တိုင်းအဖြစ်အသုံးပြုနိုင်ရေး ယာယီနေရပ်စွန့်ခွာနေရသူများကိုပြန်လည်နေထိုင်ရန် ဆွဲဆောင်စည်းရုံးခြင်း၊ အတင်း အဓမ္မလူသစ်စုဆောင်းခြင်းများ ကိုလုပ်ဆောင်လျက်ရှိကြောင်းလည်း သိရသည်။
ယင်းအပြင်လုံခြုံရေးနှင့်ပတ်သက်၍ ဒေသအတွက်ကောင်းရာကောင်းကျိုးဆောင်ရွက်မည့် သူများ၊ ရဲတပ်ဖွဲ့ ဝင် များ၊ အုပ်ချုပ်ရေးအဖွဲ့များပူးပေါင်း၍ ပြည်သူ့လုံခြုံရေးစနစ် ကိုဆောင်ရွက်သွားရမည်ဖြစ်ကြောင်း၊ အဆင့် ဆင့် သတင်းပေးသည့်စနစ်ကို ဖော်ဆောင် ခြင်းအားဖြင့် ရပ်ကွက်အလိုက်၊ ကျေးရွာအလိုက် တည်ငြိမ်အေး ချမ်းမှု ကို တည်ဆောက် နိုင်မည်ဖြစ်ကြောင်း၊ ပြည်သူများတစ်ဦးချင်းနှင့် သက်ဆိုင်ရာလုံခြုံရေးတာဝန်ရှိသူများ လုံခြုံ ရေးအသိတရားဖြင့် ပူးပေါင်းဆောင်ရွက်သွားမည်ဆိုပါက လုံခြုံရေးအတွက် များစွာအထောက် အကူပြု မည်ဖြစ် ကြောင်းလည်း ၎င်းက ပြောကြားခဲ့ကြောင်း သိရသည်။

Yangon_Times/PP

တရုတ်မီဒီယာဂရု (CMG)မှ ထုတ်လွှင့်တဲ့ မှတ်တမ်းအစီအစဉ်တစ်ခုမှာ တရုတ်ပြည် ရှန်ပင်ကျောင်မှ သန္တာကျောက်တန်းများ ပျက်စီးရတဲ့ နောက်ကွယ်က အကြောင်းအရင်းကို တရုတ်သိပ္ပံပညာရှင်များ ထုတ်ဖော်ခဲ့ကြပုံကို ဖော်ပြထားပါတယ်။
#World_Nature
Published 03 September 2024
#ရှန်ပင်ကျောင်သာ #မှတ်တမ်းရုပ်ရှင်ရိုက်ကူး
#YMG #Yangon_Times #Yangon_Media_Group

#Daily_News
Published 03 September 2024

၁။ မြန်မာမီးသတ်တပ်ဖွဲ့ 'အပြည်ပြည်‌ဆိုင်ရာ မော်တော်ယာဉ်မတော်တဆမှု ကယ်ဆယ်ရေးပြိုင်ပွဲ'၌ ပါဝင်ယှဉ်ပြိုင်မည်

၂။ ကမ္ဘာ့ရွှေဈေးတစ်ရက်တည်း(၁၆)ဒေါ်လာပြန်ကျ၍ မြန်မာ့ရွှေဈေးလည်း(၂)သောင်းကျော်ပြန်ကျ

၃။ ၈ လ အတွင်း YBS ယာဉ်မတော်တဆမှုကြောင့်‌ေ-သဆုံးသူ ၃၀အထိရှိလာ

၄။ ရှန်ပင်ကျောင်သာစကားပြောတတ်လျှင် အကြောင်းမှတ်တမ်းရုပ်ရှင် ရိုက်ကူးထုတ်လွှင့်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မြန်မာ့ပြောင်းကို အဓိကတင်ပို့နေတဲ့ ထိုင်းနိုင်ငံကို တင်ပို့တာ ယာယီရပ်နားလိုက်ပေမယ့် ဗီယက်နမ်နဲ့ အိန္ဒိယအပြင် ပြည်တွင်းအစာစပ်စက်ရုံတွေ ဝယ်ယူ‌နေတာကြောင့် ပြောင်းဈေးဆက်ကောင်းနေတယ်လို့ မြန်မာနိုင်ငံပြောင်းလုပ်ငန်းအသင်းက သိရပါတယ်။
#Local_News
Published 03 September 2024
#အရည်အသွေးကောင်းပြောင်း #ပြောင်းဈေးဆက်ကောင်း
#YMG/NN #Yangon_Times

#Local_News
Published 3 September 2024

▪️ ဂျပန်ဘာသာအရည်အချင်းစစ်(Nat-Test) စာမေးပွဲ၏ Certificate Level အလိုက်နှင့် အမှတ်စာရင်းများကို ထုတ်ယူနိုင်ပြီ ဖြစ်ကြောင်း  Nat-Test Center Yangon မှ အသိပေးကြေညာထားကြောင်း သိရသည်။

▪️ ၂၀၂၄ ခုနှစ်၊ ဩဂုတ်လ ၁၁ ရက်က ဖြေဆိုခဲ့သည့် အဆိုပါ Nat-Test စာမေးပွဲ၏ Certificate များနှင့် အမှတ်စာရင်းများကိုထုတ်ပေးနေခြင်းဖြစ်ပြီး N2 Level နှင့် N4 Level ကို ဩဂုတ်လ ၃၁ ရက်မှ စက်တင်ဘာလ ၁ ရက်၊ N3 Level ကို စက်တင်ဘာလ ၂ ရက်နှင့် ၃ ရက်၊ N5 Level အတွက် စက်တင်ဘာလ ၄ ရက်နှင့် ၅ ရက်အထိ နံနက် ၁၀ နာရီမှ ညနေ ၄ နာရီခွဲအထိ လာရောက်ထုတ်ယူနိုင်ပြီဖြစ်ကြောင်း သိရသည်။

▪️ ထို့အပြင် Level အလိုက် Certificate ထုတ်ယူရန် သတ်မှတ်ထားသောရက်ပြီးပါက စက်တင်ဘာလ ၆ ရက်မှစတင်၍  Level အားလုံး၏ Certificate များကို ခြောက်လအတွင်း လာရောက်ထုတ်ယူနိုင်ကြောင်း ၊ ထုတ်ယူလိုသူများအနေဖြင့် ကိုယ်တိုင်လာရောက်ထုတ်ယူပါက  မှတ်ပုံတင် မိတ္တူ တစ်စောင် (သို့မဟုတ်) မူရင်းယူဆောင်လာရမည်ဖြစ်သည်။

▪️ ၎င်းအပြင် ကိုယ်စားလာရောက်ထုတ်ယူ သူများအနေဖြင့်မှတ်ပုံတင် မိတ္တူ တစ်စောင် ယူဆောင်လာရမည်ဖြစ်ပြီး ခုံနံပါတ်မှန်ကန်စွာသိရှိရန်လိုအပ်ကြောင်းနှင့် လူ‌ဦးရေ နှစ်ယောက်ထက်ပို၍ ကိုယ်စားထုတ်ပေး၍ မရကြောင်း သိရသည်။

▪️ သင်တန်းကျောင်းများအနေဖြင့် မိမိတို့၏ ကျောင်းသားလူဦးရေ List ကို letter head ဖြင့် ခုံနံပါတ်များ အတိအကျဖြင့်တစ်ရက်ကြိုတင်ပေးပို့ရန်လိုအပ်ကြောင်း သိရသည်။

▪️ ယင်းအပြင် ထုတ်ယူလိုသူများအနေဖြင့် လိုအပ်သည့်အချက်အလက်များပြည့်စုံပါက အမှတ်-B-11မြေညီထပ်၊ အနော်ရထာအိမ်ရာ၊ လှည်းတန်း၊ ကမာရွတ်မြို့နယ်၊ ရန်ကုန်မြို့တွင်ထုတ်ယူနိုင်ပြီး လိုအပ်သည့်အချက်အလက်များမပြည့်စုံပါက အောင်လက်မှတ်နှင့်အမှတ်စာရင်းများကိုမည်သည့်အကြောင်းကြောင့်မျှ ထုတ်ပေးမည်မဟုတ်ကြောင်း သိရသည်။

#YMG/NN #Yangon_Times

ရန်ကုန်ဆိပ်ကမ်းတွေကိုအခု စက်တင်ဘာလအတွင်း ကုန်သေတ္တာတင်ယာဉ် ၅၅ စင်း ဝင်ရောက်ဆိုက်ကပ်မှာဖြစ်တယ်လို့ မြန်မာ့ဆိပ်ကမ်းအာဏာပိုင်က  သိရပါတယ်။
#Local_News
Published 03 September 2024
#ရန်ကုန်ဆိပ်ကမ်း #ကုန်သေတ္တာတင်ယာဉ်ဆိုက်ကပ်
#YMG/NN #Yangon_Times

ရန်ကုန်တိုင်းဒေသကြီးအတွင်း ပြေးဆွဲနေတဲ့ ခရီးသည်တင် YBS ယာဉ် မတော်တဆမှုကြောင့်‌ေ-သဆုံးသူ ဦးရေဟာ အခုနှစ်ရှစ်လတာအတွင်းမှာ ၃၀ အထိရှိလာတယ်လို့ ရန်ကုန်တိုင်းဒေသကြီး ပုဂ္ဂလိက သယ်ယူပို့ဆောင်ရေး ကြီးကြပ်မှုကော်မတီ YRTC က သိရပါတယ်။
#Local_News
Published 03 September 2024
#YBSယာဉ်မတော်တဆမှု #YRTC
#YMG/NN #Yangon_Times

ကမ္ဘာ့ရွှေဈေးဟာ ဒီကနေ့ စက်တင်လာလ(၃)ရက်မှာတစ်ရက်တည်း(၁၆)ဒေါ်လာပြန်ကျသွားပြီး မြန်မာ့ရွှေဈေးလည်းနှစ်သောင်းကျော်ကျသွားတယ်လို့ သိရပါတယ်။
#Local_News
Published 03 September 2024
#ကမ္ဘာ့ရွှေပြန်ကျ # မြန်မာ့ရွှေဈေးကျ
#YMG/tthl #Yangon_Times

မလေးရှားနိုင်ငံမှာ လာမယ့် အောက်တိုဘာလမှာကျင်းပမယ့်'အပြည်ပြည်ဆိုင်ရာမော်တော်ယာဉ်မတော်တဆမှုဖြစ်စဉ် ကယ်ဆယ်ရေးပြိုင်ပွဲ'ကို မြန်မာမီးသတ်အဖွဲ့ ပါဝင်ယှဉ်ပြိုင်မှာဖြစ်တယ်လို့ မြန်မာနိုင်ငံမီးသတ်တပ်ဖွဲ့ထံမှ သိရပါတယ်။
#Local_News
Published 03 September 2024
#မြန်မာမီးသတ်အဖွဲ့ #မလေးရှား
#YMG/tthl #Yangon_Times

#World_News
Published 03 September 2024

▪️ အမေရိကန်တို့က ဗင်နီဇွဲလားသမ္မတ နီကိုလတ်စ်မက်ဒူရိုရဲ့ လေယာဉ်ကို ဒိုမီနီကန်ပြည်သူ့သမ္မတနိုင်ငံထဲမှာ သိမ်းယူလိုက်ပြီး ဖလော်ရီဒါသို့ ပျံသန်းသွားခဲ့ပါတယ်။

▪️ ဒါဟာ ဓားပြတိုက်တာပဲလို့ ဗင်နီဇွဲလားသမ္မတက ရှုတ်ချလိုက်ပေမယ့် အမေရိကန်ကတော့ ထိုလေယာဉ်ဟာ ဒဏ်ခတ်ပိတ်ဆို့မှု ချိုးဖောက်တဲ့အတွက် လုပ်ရတာ ဖြစ်တယ်လို့ ပြောပါတယ်။

▪️ အမေရိကန်အရာရှိများ သွားရောက်သိမ်းဆည်းခဲ့တဲ့ လေယာဉ်ဟာ Dassault Falcon 900EX ကိုယ်ပိုင်လေယာဉ်ဖြစ်ပြီး မက်ဒူရိုနဲ့ အစိုးရအဖွဲ့ဝင်များ အသုံးပြုကြကြောင်း၊ ဒီလေယာဉ်ဟာ တရားမဝင် ဝယ်ယူထားတာ ဖြစ်ကြောင်း အမေရိကန် တရားရေးဌာနက ပြောပါတယ်။

▪️ "တရားရေးဌာနက သိမ်းဆည်းလိုက်တဲ့ လေယာဉ်ဟာ အကာပစ္စည်းကုမ္ပဏီတစ်ခုကနေ ဒေါ်လာ ၁၃ သန်းဖြင့် တရားမဝင် ဝယ်ယူပြီး အမေရိကန်ကနေ ခိုးထုတ်သွားခဲ့ကာ နီကိုလတ်စ်မက်ဒူရိုနဲ့ ခရိုနီတွေ အသုံးပြုနေတာ ဖြစ်တယ်" လို့ အစိုးရှေ့နေ မာရစ်ခ်ဂါးလန်းက ထုတ်ပြန်သွားပါတယ်။

▪️ ဗင်နီဇွဲလား နိုင်ငံခြားရေးဝန်ကြီးဌာနက လေယာဉ်သိမ်းဆည်းခြင်းကို ရှုတ်ချကြောင်း တနင်္လာနေ့မှာ ထုတ်ပြန်လိုက်ပါတယ်။

▪️ အမေရိကန် ပြည်ထောင်စုမှ အာဏာပိုင်များက ဓားပြမှုလို့ဆိုရမယ့် လုပ်ရပ်မျိုး ထပ်မံပြုလုပ်ပြန်ပြီလို့ ဖော်ပြထားပါတယ်။

▪️ လေယာဉ်ခြေရာခံ ဝက်ဘ်ဆိုက် Flightradar24 ရဲ့ဖော်ပြချက်အရ ထိုလေယာဉ်ဟာ ဆန်တိုဒိုမင်ဂိုမှ ဖို့လော်ဒါဒေးလ်သို့ တနင်္လာနံနက်ပိုင်းမှာ ပျံသန်းသွားတာ ဖြစ်ပါတယ်။

▪️ ဒိုမီနီကန်နိုင်ငံကတော့ အမေရိကန်တွေ လေယာဉ်အကြောင်း စုံစမ်းရာမှာ ပတ်သက်ခြင်းမရှိဘူးလို့ ဆိုပါတယ်။

▪️ "ဒိုမီနီကန် အစိုးရရော အစိုးရရုံးကရော အမေရိကန်တွေ စစ်ဆေးရာမှာ ပါဝင်ခြင်းမရှိပါဘူး။ လေယာဉ်ဟာ ပြုပြင်ထိန်းသိမ်းဖို့အတွက် ဒိုမီနီကန်နယ်မြေထဲမှာ ရောက်ရှိနေတာ ဖြစ်တယ်" လို့ ဒိုမီနီကန် နိုင်ငံခြားရေးဝန်ကြီး ရော်ဘတ်တိုအယ်ဗာရက်ဇ်က သတင်းထောက်တွေကို ပြောပြပါတယ်။

▪️ ၂၀၂၂ နဲ့ ၂၀၂၃ တို့မှာ မက်ဒူရိုနဲ့ ပတ်သက်သူတွေက လေယာဉ်ကို တရားမဝင်ဝယ်ယူရာမှာ ယင်းတို့ပါဝင်မှုကို ဖုံးကွယ်ဖို့အတွက် ကာရစ်ဘီယန်အခြေစိုက် အကာပစ္စည်းကုမ္ပဏီတစ်ခုကို အသုံးပြုခဲ့တယ်လို့ အမေရိကန်က ပြောပါတယ်။

▪️ ဒီနောက် ၂၀၂၃ ဧပြီလမှာ အမေရိကန်မှ ဗင်နီဇွဲလားသို့ ကာရစ်ဘီယန်မှတဆင့် တရားမဝင်တင်ပို့လိုက်ပါတယ်။

▪️ ၂၀၂၃ မေလနောက်ပိုင်း ဗင်နီဇွဲလားရှိ စစ်အခြေစိုက်စခန်းတစ်ခုကနေပဲ လေယာဉ်က အသွားအပြန် ပြုလုပ်နေခဲ့ပါတယ်။

▪️ နီကိုလတ်စ်မက်ဒူရို ခရီးစဉ်သွားတဲ့အခါ အများဆုံးအသုံးပြုဖြစ်တယ်လို့ မိုင်ယာမီလုံခြုံရေးရုံးမှ တာဝန်ရှိသူအထူးအေးဂျင့် အန်သိုနီဆာလစ်ဘူရီက ပြောပါတယ်။

▪️ ဇူလိုင် ၂၈ ရွေးကောက်ပွဲမှာ မက်ဒူရိုက အနိုင်ရသူအဖြစ် အငြင်းပွားဖွယ် ကြေညာပြီးနောက် ဗင်နီဇွဲလားမှာ ဆန္ဒပြပွဲများ ဖြစ်ပွားခဲ့ပြီး လူဒါဇင်ခန့်သေဆုံးခဲ့ကာ ၂၄၀၀ ကျော် ဖမ်းဆီးခံခဲ့ရပါတယ်။

▪️ အတိုက်အခံပါတီက တဖက်သတ် အနိုင်ရခဲ့တာကို မဲမှတ်တမ်းများဖြင့် သက်သေပြနိုင်တယ်လို့ ဆိုထားပါတယ်။

▪️ မက်ဒူရိုနဲ့ ကိုယ်စားလှယ်လောင်းတွေက ရွေးကောက်ပွဲရလဒ်ကို ကျေနပ်မှုမရှိဘဲ အင်အားအသုံးပြုကာ ဆက်လက်ဖိနှိပ်ခဲ့တယ်လို့ အမေရိကန် လုံခြုံရေးကောင်စီမှ ပြောရေးဆိုခွင့်ရှိသူက ဆိုပါတယ်။

▪️ လေယာဉ်ကို သိမ်းဆည်းတာဟာ ဗင်နီဇွဲလားမှ လွဲမှားတဲ့ အစိုးရလုပ်ရပ်တွေရဲ့ နောက်ဆက်တွဲ အကျိုးဆက်တွေကို မက်ဒူရိုဆက်လက်ခံစားရစေဖို့ ဖြစ်တယ်လို့ ဆိုပါတယ်။

#Source: Barrons