#Local_News
Published 01 June 2026

■ နေရောင်ခြည်စွမ်းအင်အသုံးပြု၍ လျှပ်စစ်ဓာတ်အား ထုတ်ယူအသုံးပြုခြင်းနှင့် စပ်လျဉ်းသည့် အလုပ်ရုံဆွေးနွေးပွဲကိုဇူလိုင်လပထမအပတ်အတွင်း ကျင်းပသွားမည်ဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာနမှသိရသည်။

■ အဆိုပါ အလုပ်ရုံဆွေးနွေးပွဲတစ်ရပ်ကို နိုင်ငံတော်၏ လျှပ်စစ်ဓာတ်အားသုံးစွဲနိုင်မှုတွင် ဆိုလာဓာတ်အားစနစ် သိသာစွာတိုးမြှင့်ပါဝင်လာစေရန် ရည်ရွယ်၍ လျှပ်စစ်နှင့် စွမ်းအင်ဝန်ကြီးဌာနမှ ကြီးမှူးကာ ၂၀၂၆ ခုနှစ်၊ ဇူလိုင်လပထမအပတ်အတွင်း ကျယ်ပြန့်စွာကျင်းပနိုင်ရေးစီစဉ်ဆောင်ရွက်နေကြောင်းသိရသည်။

■ မြန်မာနိုင်ငံသည် နေရောင်ခြည်ကို ပေါကြွယ်ဝစွာရရှိနေသော်လည်း နေရောင်ခြည်စွမ်းအင်အရင်းအမြစ်မှ လျှပ်စစ်ဓာတ်အားထုတ်ယူသုံးစွဲနိုင်မှုပမာဏသည် နည်းပါးလျက်ရှိနေကြောင်း သိရသည်။

■ လျှပ်စစ်နှင့် စွမ်းအင်ဝန်ကြီးဌာနအနေဖြင့် နေရောင်ခြည်စွမ်းအင်မှ လျှပ်စစ်ဓာတ်အားတိုးမြှင့်ထုတ်ယူနိုင်ရေး တွန်းအားပေးဆောင်ရွက်လျက်ရှိရာတွင် နိုင်ငံတော်၏ မဟာဓာတ်အားလိုင်းများအတွင်းသို့ သင့်တင့်သည့် အချိုးအစားဖြင့် ဆိုလာစနစ်အား ထည့်သွင်းနိုင်ရေးနှင့် တစ်ဦးချင်းဖြစ်စေ၊ အစုအဖွဲ့အလိုက်ဖြစ်စေ ဆိုလာစနစ်အား တပ်ဆင်အသုံးပြုနိုင်ရေးဟူ၍ နည်းလမ်း ၂ ခုဖြင့် အားပေးဆောင်ရွက်လျက်ရှိကြောင်း ဆိုထားသည်။

■ ယင်းသို့ဆောင်ရွက်ရာ၌ တွေ့ကြုံနေရသည့် နည်းပညာဆိုင်ရာ ကန့်သတ်ချက်များ၊ စီမံခန့်ခွဲမှုဆိုင်ရာ အခက်အခဲများကို ပူးပေါင်းဖြေရှင်းဆောင်ရွက်နိုင်ခြင်းဖြင့် အကျိုးရှိထိရောက်သည့် အစီအမံများ၊ စီမံကိန်းများသည် လျင်မြန်စွာ အကောင်အထည်ပေါ်လာမည်ဖြစ်သည်။

■ အဆိုပါ အလုပ်ရုံဆွေးနွေးပွဲတွင် ဆိုလာနည်းပညာ၊ ဘက်ထရီနည်းပညာ၊ ဆိုလာဓာတ်အားပေးစနစ်တို့နှင့်ပတ်သက်သည့် ပညာရှင်များ၊ လုပ်ငန်းရှင်များ၊ သက်ဆိုင်ရာအဖွဲ့အစည်းအသီးသီးမှ တာဝန်ရှိပုဂ္ဂိုလ်များ၊ ကျောင်းသား ကျောင်းသူများ၊ စိတ်ပါဝင်စားသူများ တက်ရောက်ဆွေးနွေးအကြံပြုကြပါရန်နှင့် ဆွေးနွေးလိုသည့်ခေါင်းစဉ်များကို ဆက်သွယ်ပေးပို့ကြပါရန် အသိပေးဖိတ်ခေါ်ထားကြောင်းသိရသည်။

#YMG/NN #Yangon_Times

#World_Health
Published 01 June 2026

■ သွေးထိန်းဆေးတစ်မျိုးက အဖြစ်အများဆုံး ကုသရအခက်ဆုံး ဘက်တီးရီးယားကူးစက်မှု တစ်ခုကို တိုက်ဖျက်နိုင်စွမ်းရှိတယ်လို့ တွေ့ရှိထားပါတယ်။

■ Candesartan cilexetil လို့ခေါ်တဲ့ဆေးက ပဋိဇီဝဆေးယဉ်ပါးတဲ့ Staphylococcus aureus (ခေါ်) MRSA ဘက်တီးရီးယားကို တားဆီးနိုင်တယ်လို့ တက္ကဆပ် ဟူစတန်မက်သဒစ်သုတေသနမှ သိပ္ပံပညာရှင်များ တွေ့ရှိခဲ့ပါတယ်။

■ ဒီရောဂါပိုးက လူအများကျန်းမာရေးအတွက် ခြိမ်းခြောက်မှုကြီးဖြစ်နေပြီး နှစ်စဉ် ရောဂါဆိုးဆိုးရွားရွား ကူးစက်နေကြကာ ထောင်ပေါင်းများစွာ သေဆုံးနေကြပါတယ်။

■ ပဋိဇီဝဆေး ထုတ်လုပ်ခြင်းက အခက်အခဲတွေရှိပြီး ဘဏ္ဍာရေးပြဿနာက ပဋိဇီဝဆေးယဉ်ပါး ဘက်တီးရီးယားတွေ တိုက်ဖျက်ရာမှာ အဟန့်အတား ဖြစ်စေပါတယ်။

■ သုတေသီတွေက ဒြပ်ပေါင်း ၈ သောင်းကို စစ်ဆေးခဲ့ရာ CC လို့ခေါ်တဲ့ဆေးက MRSA ကို တိုက်ဖျက်နိုင်စွမ်းရှိမယ်လို့ ဖော်ထုတ်ခဲ့ကြပါတယ်။

■ CC က MRSA ရဲ့ အမြှေးပါးကို ဖောက်ထွင်းပြီး အပျက်အစီးတွေ ဘက်တီးရီးယား သေဆုံးမှုတွေ ဖြစ်စေပါတယ်။

■ လက်ရှိ ပဋိဇီဝဆေးကို CC နဲ့ ပေါင်းစပ်မယ်ဆိုရင် ဆေးပမာဏနည်းနည်းဖြင့် ထိရောက်မှုမြှင့်တင်ပေးနိုင်မှာ ဖြစ်ပါတယ်။

■ ကြွက်တွေနဲ့ စမ်းသပ်ရာမှာ CC က ဘက်တီးရီးယား သိသိသာသာ လျှော့ချပေးနိုင်ပြီး လူသားတွေမှာ အသုံးပြုနိုင်ဖွယ် ရှိပါတယ်။

■ သုတေသီတွေက လူသားစမ်းသပ်မှုတွေအတွက် ဆေးဝါးကုမ္ပဏီတွေနဲ့ လက်တွဲဖို့ ရည်မှန်းထားပြီး CC တွေရဲ့ သက်ရောက်နိုင်စွမ်းကို မြှင့်တင်မှာဖြစ်ပါတယ်။

Source: Science Alert

#World_Health
Published 01 June 2026

■ ယနေ့ခေတ် ရုံးကိုရောက်တဲ့အချိန်ကစပြီး ရုံးဆင်းချိန်အထိ တစ်ချိန်လုံး ကွန်ပျူတာအသုံးပြုနေရခြင်းဟာ ဦးနှောက်ကျန်းမာရေးကို ခြိမ်းခြောက်နေတဲ့ အကြီးမားဆုံး အန္တရာယ်တွေထဲကတစ်ခု ဖြစ်လာပါတယ်။

■ တောင်ကိုရီးယားရဲ့ ဒီမန်ရှာရောဂါ ခံစားရသူဦးရေဟာ ၂၀၂၆ မှာ ၁ သန်းအထိ ရှိလာပြီး ၂၀၄၄ မှာ ၂ သန်းရှိလာမယ်လို့ ခန့်မှန်းရပါတယ်။

■ ဦးနှောက်အသိဉာဏ် ယိုယွင်းမှုခံစားရသူဦးရေက ၂၀၃၃ မှာ ၄ သန်းကျော်လာနိုင်ပြီး အသက် ၆၅ နှစ်အထက် လူကြီးတွေရဲ့ ၂၈ ရာခိုင်နှုန်းကျော်မှာ လက်ရှိသက်ရောက်နေပါတယ်။

■ နေ့စဉ် ၈ နာရီကျော် အထိုင်များခြင်းကြောင့် ဒီမန်ရှာရောဂါ ဖြစ်နိုင်ခြေကို ၂၇ ရာခိုင်နှုန်း မြင့်မားစေကြောင်း ကနေဒါ ယော့ခ်တက္ကသိုလ်မှ လေ့လာတွေ့ရှိထားပါတယ်။

■ အထိုင်များခြင်းကြောင့်ဖြစ်တဲ့ ကျန်းမာရေးအန္တရာယ်တွေကို လေ့ကျင့်ခန်းတွေလုပ်ပြီး ဖုံးကွယ်လို့ မရဘူးလို့ သုတေသီတွေ ဆိုပါတယ်။

■ လေ့ကျင့်ခန်း ပုံမှန်လုပ်သူတွေတောင်မှ နေ့စဉ် ၆ နာရီကျော်အောင် အထိုင်များခြင်းက စောစီးစွာဆုံးပါးခြင်းအတွက် အကြောင်းအရင်းတစ်ခု ဖြစ်လာနိုင်ပါတယ်။

■ အချိန်ကြာမြင့်စွာ ထိုင်ခြင်းက ဇီဝကမ္မဖြစ်စဉ် နှေးစေပြီး ထရိုင်ဂလစ်ဆရိုက်တွေ များလာစေကာ ကိုယ်လက်လှုပ်ရှားမှုရဲ့ အကျိုးကျေးဇူးတွေကို ထိခိုက်စေနိုင်ပါတယ်။

■ ဇီဝကမ္မဖြစ်စဉ်အပြင် ဆီးချို၊ ဒီမန်ရှာ၊ နှလုံးရောဂါတို့လည်း ဖြစ်နိုင်ခြေ များစေပါတယ်။

■ ရေရှည်ကျန်းမာရေး ရှေးရှုတဲ့အနေနဲ့ အဆက်မပြတ်ထိုင်ခြင်း မပြုလုပ်ဘဲ မိနစ် ၃၀ ကြာပြီးတိုင်း ၂ မိနစ်ခန့် လမ်းလျှောက်ခြင်းဖြင့် သွေးတွင်းသကြားဓာတ် ထိန်းညှိစေမှာဖြစ်ပါတယ်။

■ အကောင်းဆုံး အလေ့အကျင့်ကတော့ နာရီဝက်ကြာတိုင်း ခဏတဖြုတ် လှုပ်ရှားပေးသင့်ပါတယ်။

Source: Seoul Economic Daily

စစ်ကိုင်းမြို့နဲ့ မန္တလေးမြို့များရှိ ငလျင်ဒဏ်သင့် အသေးစား၊ အငယ်စားနှင့် အလတ်စား စီးပွားရေးလုပ်ငန်းများMSME လုပ်ငန်းများအတွက်ပြန်လည်ထူထောင်ရေး ရန်ပုံငွေထောက်ပံ့ပေးအပ်သွားမှာဖြစ်တယ်လို့သိရပါတယ်။

#Local_News
Published 31 May 2026
#စစ်ကိုင်း #မန္တလေး #MSME
#YMG/SW #Yangon_Times

#World_Health
Published 31 May 2026

■ ကြက်ဥပုံမှန် စားသုံးခြင်းက သက်ကြီးရွယ်အိုတွေမှာ အယ်ဇိုင်းမားရောဂါ ဖြစ်နိုင်ခြေ လျော့နည်းစေနိုင်တယ်လို့ လေ့လာချက်တစ်ခုမှာ အကြံပြုထားပါတယ်။

■ လူပေါင်း ၄ သောင်းနီးပါးကို ၁၅ နှစ်ကျော် စောင့်ကြည့်ခဲ့ကြပြီး အချက်အလက်များ ဆန်းစစ်ခဲ့ကြပါတယ်။

■ လေ့လာချက်ကာလအတွင်း ၂,၈၀၀ ခန့်ဟာ အယ်ဇိုင်းမားရောဂါ ဖြစ်ခဲ့ပါတယ်။

■ ကြက်ဥစားသုံးတဲ့သူတွေက မစားတဲ့သူတွေထက်စာရင် အယ်ဇိုင်းမားရောဂါ ဖြစ်နိုင်ခြေ ပိုနည်းတာ တွေ့ခဲ့ကြပါတယ်။

■ အသက်အရွယ်၊ နေထိုင်စားသောက်မှုပုံစံ၊ အခြားအလေ့အကျင့်များကို ထည့်သွင်းစဉ်းစားပြီးနောက် တစ်ပတ်ကို ကြက်ဥ ၂ ကြိမ်ကနေ ၄ ကြိမ်စားသုံးသူတွေဟာ ဖြစ်နိုင်ခြေ ၂၀ ရာခိုင်နှုန်း ပိုနည်းပြီး ၅ ကြိမ်နဲ့အထက် စားသုံးသူတွေကတော့ ၂၇ ရာခိုင်နှုန်း ပိုနည်းတာ တွေ့ရပါတယ်။

■ ကြက်ဥမစားတဲ့သူတွေကတော့ ဖြစ်နိုင်ခြေ ပိုမြင့်မားကြောင်းလည်း တွေ့ရပါတယ်။

■ ကိုလင်း၊ အိုမီဂါ-၃ ဖက်တီးအက်ဆစ်၊ ဗိုက်တာမင်-ဘီ၁၂ အပါအဝင် ကြက်ဥမှာပါဝင်တဲ့ အာဟာရဓာတ် အများအပြားဟာ ဦးနှောက်ကျန်းမာရေးနဲ့ ဆက်စပ်နေပြီး မှတ်ဉာဏ် အသိဉာဏ်လုပ်ဆောင်ချက်တို့ကို အထောက်အကူ ပြုနိုင်ပါတယ်။

■ ဒါပေမဲ့ ကြက်ဥစားခြင်းဟာ အယ်ဇိုင်းမားရောဂါကို ကာကွယ်နိုင်တယ်လို့တော့ သက်သေမပြထားပါဘူး။

■ အယ်ဇိုင်းမားနဲ့ ပတ်သက်လာရင် နေထိုင်စားသောက်မှုပုံစံတွေရဲ့ လွှမ်းမိုးမှုတွေကို ရှာဖွေဖို့ကလည်း အရေးကြီးပါတယ်။

■ ရေရှည်ဦးနှောက်ကျန်းမာရေးအပေါ် သက်ရောက်ပုံတွေကို လေ့လာဖို့ကတော့ နောက်ထပ်သုတေသနတွေ ပြုလုပ်ဖို့ လိုအပ်ပါတယ်။

Source: Fox17

#World_Science
Published 31 May 2026

■ ပန်ကရိယကင်ဆာ ရှိနေကြောင်း ဆရာဝန်တွေ တွေ့ရှိတဲ့အခါ ကုသဖို့ နောက်ကျနေပြီဖြစ်ပါတယ်။

■ လေ့လာချက်အသစ်မှာတော့ ကင်ဆာအကျိတ်တွေ မပေါ်ခင်မှာ AI နည်းပညာဖြင့် ရောဂါလက္ခဏာတွေ တွေ့ရှိနိုင်ဖွယ် ရှိတယ်လို့ ယူဆထားပါတယ်။

■ မင်းန်ဆိုတာရှိ Mayo Clinic မှထုတ်လုပ်တဲ့ AI စနစ်တစ်ခုဟာ လူနာတွေ ပန်ကရိယကင်ဆာ ရှာမတွေ့ခင် ၃ နှစ်လောက်အလိုမှာ ပုံမှန်မဟုတ်တာတွေကို ရှာတွေ့ခဲ့ပါတယ်။

■ ပန်ကရိယကင်ဆာဟာ ရောဂါလက္ခဏာ မပြသလို စောစီးစွာတွေ့ရှိစေမယ့် ရောဂါစစ်ဆေးနည်းလမ်းလည်း မရှိတာကြောင့် နောက်ကျသွားမှ သိရှိတတ်ကြပါတယ်။

■ ကင်ဆာကို ခုခံအားစနစ်မတွေ့နိုင်အောင် ကာကွယ်ထားပြီး ရှာဖွေရန်ခက်ခဲစေတဲ့ ပန်ကရိယထဲမှ အကျိတ်ဆဲလ်များကို AI စနစ်က ရှာဖွေဖော်ထုတ်မှာ ဖြစ်ပါတယ်။

■ မိသားစုမျိုးရိုးလိုက်သူတွေ ဆီးချိုရှိသူတွေလိုမျိုး ကင်ဆာဖြစ်နိုင်ခြေ မြင့်မားသူတွေအတွက် အကျိုးရှိစေမှာဖြစ်ပြီး ရောဂါလက္ခဏာတွေ မပေါ်ခင် စမ်းသပ်စစ်ဆေးခြင်းဖြင့် တွေ့နိုင်မှာ ဖြစ်ပါတယ်။

■ ပန်ကရိယကင်ဆာသုတေသနကဏ္ဍ တိုးတက်လာတဲ့အထဲမှာ mRNA ကာကွယ်ဆေးများ၊ daraxonrasib တို့လို စမ်းသပ်ဆေးဝါးများ၊ အဆင့်မြင့် သွေးစစ်ဆေးချက်များ ပါဝင်ပါတယ်။

■ AI က ရောဂါရှာဖွေရေးနည်းလမ်းတွေထဲမှာ အရေးပါလာကြောင်း မြင်တွေ့လာရပြီး ဆေးဘက်ဆိုင်ရာ အခြေအနေအရပ်ရပ်မှာ လူသားဆရာဝန်တွေနဲ့ ယှဉ်ပြိုင်လာနိုင်တာ တွေ့ရပါတယ်။

■ Mayo Clinic မှ AI စနစ်ဟာ အပြင်မှာ လက်တွေ့မရနိုင်ခင် စမ်းသပ်မှုပြီးမြောက်ဖို့ အချိန် ၃-၅ နှစ်ခန့် ကြာမြင့်နိုင်ပါတယ်။

Source: NBC News.

မေ၃၀၊၂၀၂၆(နယူးဒေလီ)-

အိန္ဒိယနိုင်ငံ ဝန်ကြီးချုပ် ရှရီ နရင်ဒရာမိုဒီ၏ ဖိတ်ကြားချက်အရ အိန္ဒိယနိုင်ငံသို့ တရားဝင်ခရီးစဉ် သွားရောက်ရန် နိုင်ငံတော်သမ္မတ ဦးမင်းအောင်လှိုင် ဦးဆောင်သော မြန်မာအဆင့်မြင့် ကိုယ်စားလှယ်   အဖွဲ့သည် မေလ ၃၀ ရက်နေ့ နံနက်ပိုင်းတွင် နေပြည်တော်မှ အထူးလေယာဉ်ဖြင့် ထွက်ခွာသွားခဲ့ရာ အိန္ဒိယနိုင်ငံ၊ ဗုဒ္ဓဂယာသို့ ရှေးဦးစွာ ရောက်ရှိခဲ့သည်။ အဆိုပါခရီးစဉ်တွင် သမ္မတနှင့်အတူ ပြည်ထောင်စု  ဝန်ကြီးများ၊ တပ်မတော်အရာရှိကြီးများနှင့် တာဝန်ရှိသူများ လိုက်ပါသွားကြသည်။

သမ္မတနှင့် ကိုယ်စားလှယ်အဖွဲ့သည် ဗုဒ္ဓဂယာရှိ မဟာဗောဓိစေတီတော်မြတ်ကြီးထံသို့ သွားရောက်  ဖူးမြော်ကြည်ညိုခဲ့ပြီး ရွှေသင်္ကန်း၊ ပန်း၊ ရေချမ်း၊ ဆီမီးများ ဆက်ကပ်လှူဒါန်းခဲ့သည်။ ထို့နောက် မုစလိန္ဒအိုင်ရှိ ငါးများအား အစာကျွေးခြင်း၊ သုဇာတာစေတီတော်သို့ သွားရောက်ဖူးမြော်ခြင်းနှင့် ဗုဒ္ဓဂယာ ရှိ မြန်မာဘုန်းတော်ကြီးကျောင်းသို့ သွားရောက်၍ ဆရာတော်သံဃာတော်များအား လှူဖွယ်ဝတ္ထု  ပစ္စည်း  များနှင့် အလှူငွေများ ဆက်ကပ်လှူဒါန်းခြင်းများကို ဆောင်ရွက်ခဲ့ကြသည်။

ယင်းနောက် နိုင်ငံတော်သမ္မတ ဦးမင်းအောင်လှိုင်နှင့် ကိုယ်စားလှယ်အဖွဲ့သည် ဂါယာလေဆိပ်မှ နယူး ဒေလီမြို့သို့ ဆက်လက်ထွက်ခွာခဲ့ရာ ညနေပိုင်းတွင် နယူးဒေလီမြို့ရှိ Palam လေတပ်စခန်းသို့ ရောက်ရှိ ခဲ့ကြသည်။ ကိုယ်စားလှယ်အဖွဲ့အား အိန္ဒိယနိုင်ငံ နိုင်ငံခြားရေးဝန်ကြီးဌာန Minister of State for External Affairs Shri Kirti Vardhan Singh၊ အိန္ဒိယနိုင်ငံဆိုင်ရာ မြန်မာ  သံအမတ်ကြီးနှင့် တာဝန်ရှိ  သူများက ဂုဏ်ပြုတပ်ဖွဲ့ဖြင့် ခမ်းနားစွာ ကြိုဆိုနှုတ်ဆက်ခဲ့ကြသည်။

အိန္ဒိယနိုင်ငံ၊ နယူးဒေလီမြို့သို့ ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်အား အိန္ဒိယ ပြည်ပရေးရာဝန်ကြီး ဒေါက်တာ အက်စ်. ဂျိုင်ရှန်ကာ (Dr. S. Jaishankar) က မေလ ၃၀ ရက်နေ့ ညနေ ပိုင်းတွင် သွားရောက်တွေ့ဆုံနှုတ်ဆက်ခဲ့သည်။ ယင်းတွေ့ဆုံမှုနှင့်ပတ်သက်၍ "ကာလရှည်ကြာ နှစ်နိုင်ငံ  ပူးပေါင်းဆောင်ရွက်မှု ပိုမိုခိုင်မာနက်ရှိုင်းစေရေးအပေါ် သမ္မတဦးမင်းအောင်လှိုင်၏ အပြုသဘော  ဆောင်သော သဘောထားကို ကျေးဇူးတင်ရှိပါကြောင်း" အိန္ဒိယပြည်ပရေးရာဝန်ကြီးက ၎င်း၏ လူမှုကွန်ရက် ‘X’ (ယခင် Twitter) တွင် ရေးသားဖော်ပြခဲ့သည်။

ထို့အပြင် ငြိမ်းချမ်းရေး၊ တိုးတက်ရေးနှင့် ကြီးပွားချမ်းသာရေးတို့အတွက် နှစ်နိုင်ငံမိတ်ဖက်ဆက်ဆံရေးကို ပိုမိုမြှင့်တင်ရန် အိန္ဒိယဝန်ကြီးချုပ် နရင်ဒရာမိုဒီနှင့် သမ္မတဦးမင်းအောင်လှိုင်တို့၏ တွေ့ဆုံမှုကို မျှော်လင့်စောင့်စားလျက်ရှိကြောင်းလည်း ဒေါက်တာ ဂျိုင်ရှန်ကာက ဆက်လက်ရေးသားခဲ့သည်။ ယခုခရီးစဉ်အတွင်း နိုင်ငံတော်သမ္မတသည် အိန္ဒိယနိုင်ငံသမ္မတ၊ ဝန်ကြီးချုပ်တို့အပါအဝင် အစိုးရ အဖွဲ့ဝင်များနှင့် တွေ့ဆုံ၍ နှစ်နိုင်ငံပူးပေါင်းဆောင်ရွက်ရေး၊ နယ်စပ်ဒေသတည်ငြိမ်အေးချမ်းရေး၊ ကုန်သွယ်ရေး၊ ရင်းနှီးမြှုပ်နှံမှုနှင့် ယဉ်ကျေးမှုဆိုင်ရာကိစ္စရပ်များကို ကျယ်ကျယ်ပြန့်ပြန့် ဆွေးနွေး   သွားမည်ဖြစ်ကြောင်း သိရသည်။

တရုတ်တိုရဲ့ ဒုတိယမြောက်ပြည်တွင်းဖြစ် အပျော်စီးသင်္ဘောကြီး Adora Flora City ဟာ ၁၂ ရက်ကြာ ပင်လယ်ပြင်စမ်းသပ်မောင်းနှင်မှု အောင်မြင်စွာပြုလုပ်ပြီးနောက် ဗုဒ္ဓဟူးနေ့မှာ ရှန်ဟိုင်းဆိပ်ကမ်းသို့ ပြန်လည်ဆိုက်ကပ်ခဲ့ပြီး ဒါဟာအပျော်စီးသင်္ဘော အမြောက်အများထုတ်လုပ်မယ့် တရုတ်ကြိုးပမ်းအားထုတ်မှုတွေမှာ နောက်ထပ်မှတ်ကျောက်တစ်ခု ဖြစ်လာပါတယ်။

#Asia_Business
Published 30 May 2026
#တရုတ်ပြည် #အပျော်စီးသင်္ဘောကြီး
#YMG #Yangon_Times #Yangon_Media_Group

အလုပ်အကိုင်အခွင့်အလမ်းပေါင်း ၂၃၀၀ ကျော်ကို ဖန်တီးပေးနိုင်မယ့် အမေဒေါ်လာ၄၇သန်းကျော်နဲ့ ကျပ်သန်း‌‌ပေါင်းသုံးသိန်းနီးပါးတန်ဖိုးရှိ ရင်းနှီးမြှုပ်နှံမှုလုပ်ငန်းအသစ် ၁၂ ခုကို ခွင့်ပြုခဲ့တယ်လို့ မြန်မာနိုင်ငံရင်းနှီးမြှုပ်နှံမှုကော်မရှင်ကသိရပါတယ်။

#Local_News
Published 30 May 2026
#ရင်းနှီးမြှုပ်နှံမှုလုပ်ငန်း
#YMG/NN #Yangon_Times

ယခုတစ်ပတ်အတွက် မေလ ၂၉ ရက်နေ့မှ ဇွန်လ ၄ရက်နေ့အထိ ရန်ကုန်အထိုင်ဈေးအခြေခံလက်ကား ရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ် ၇,၃၈၇ ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက အသိပေးထုတ်ပြန်ကြေညာထားပါတယ်။

#Local_News
Published 30 May 2026
#စားအုန်းဆီ
#YMG/SW #Yangon_Times

အခုတစ်ပတ်အတွက် စက်သုံးဆီရည်ညွှန်းဈေးတွေမှာ ဒီဇယ်ဈေးပြန်တက်ပြီး ဓာတ်ဆီဈေးပြန်လည်ကျဆင်းလာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီရဲ့ အခုတစ်ပတ်အတွက် ထုတ်ပြန်တဲ့စာရင်းတွေအရ သိရပါတယ်။

#Local_News
Published 30 May 2026
#ဒီဇယ်ဈေး #ဓာတ်ဆီဈေး
#YMG/NN #Yangon_Times

#Daily_News
Published 30 May 2026

၁။‌ ဒေါ်လာ(၄၇)သန်းကျော်နှင့်ကျပ်သန်း‌‌ပေါင်း သုံးသိန်းနီးပါး တန်ဖိုးရှိရင်းနှီးမြှုပ်နှံမှုလုပ်ငန်းအသစ်(၁၂)ခုခွင့်ပြု

‌‎၂။ ‌‌‌‌ယခုတစ်ပတ်အတွက် စားအုန်းဆီရည်ညွန်း‌ဈေးတစ်ပိဿာ ငွေကျပ် ၇,၃၈၇ အဖြစ်သတ်မှတ်

‎၃။‌‌‎ ဒီဇယ်ဈေးပြန်တက်ပြီးဓာတ်ဆီဈေးပြန်လည်ကျဆင်း

၄။‎ ‌‌‌‌‌‌‌‌‌တရုတ်ပြည်၏ဒုတိယမြောက်အပျော်စီးသင်္ဘောကြီး ပင်လယ်ပြင်စမ်းသပ်မောင်းနှင်မှုအောင်မြင်ပြီးစီး... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group