#Local_News
Published 06 June 2026

■ မကွေးတိုင်းဒေသကြီး၊ နတ်မောက်မြို့နယ်၊တံခွန်တိုင်ကျေးရွာချောင်းအတွင်း ရေစီးနှင့် မျောပါသွားသည့်ကား ထဲမှ ရုပ်အ‌ေ-လာင်းအားယ‌နေ့မနက်ပိုင်းတွင်ရှာဖွေတွေ့ရှိခဲ့ရကြောင်း သိရသည်။

■ ဇွန်လ၅ ရက်နေ့၊ ည ၈နာရီ ၁၄ မိနစ်အချိန်ခန့်က မကွေးတိုင်းဒေသကြီး၊ နတ်မောက်မြို့နယ်၊ တံခွန်တိုင်ကျေးရွာအုပ်စု၊ တံခွန်တိုင်ကျေးရွာချောင်းအတွင်း ဖြတ်ကူးစဉ် ရေစီးနှင့်အတူ ယာဉ်(၁)စီးမျောပါပြီး ကျား(၁)ဦးပျောက်ဆုံးနေကြောင်းသိရသည်။

■ အဆိုပါ သတင်းရရှိသဖြင့် ဇွန်၆ ရက်နေ့၊ မနက်၇ နာရီခွဲ အချိန်တွင် နတ်မောက်မြို့နယ်မီးသတ်စခန်းမှ အုပ်ချုပ်မှုယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ ကျေးရွာသူ/သားများဖြင့် ချောင်းအတွင်းရှိ ယာဉ်အား ဆယ်ယူခြင်းနှင့် ပျောက်ဆုံးနေသူအား ဆက်လက်ရှာဖွေလျက်ရှိရာ၈ နာရီ၄၀ မိနစ်အချိန်တွင် ပျောက်ဆုံးနေသော ကျား(၁)ဦး၏ ရုပ်အလေ-ာင်းကို တွေ့ရှိ ခဲ့ကြောင်း သိရသည်။

■ အလားတူ ဇွန်၅ ရက်နေ့၊ ည ၇နာရီ ၄၄ မိနစ်အချိန်ခန့်ကလည်း မကွေးတိုင်းဒေသကြီး၊ နတ်မောက်မြို့နယ်၊ အင်းကုန်းကျေးရွာတွင် ဇဗ္ဗူထွန်းဆီဆိုင်အနီးရှိ ချောင်းရိုးထဲတွင် ကား(၁)စီးမျောနေကြောင်း သတင်းရရှိသဖြင့် နတ်မောက်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များဖြင့် သွားရောက်၍ ကူညီဆောင်ရွက်ခဲ့ရာ
အဆိုပါဖြစ်စဉ်ကြောင့် လူထိခိုက်ဒဏ်ရာရရှိမှု မရှိကြောင်းသိရသည်။

#YMG/NN #Yangon_Times

#World_Science
Published 06 June 2026

■ ခြင်တွေကြောင့် နှစ်စဉ်လူပေါင်း ၇၆၀,၀၀၀ ခန့် သေဆုံးကြရကြောင်း Our World in Data သုတေသနမှာ ဖော်ပြထားပါတယ်။

■ ကူးစက်ရောဂါအားလုံးရဲ့ ၁၇ ရာခိုင်နှုန်းလောက်က ခြင်တွေကြောင့် ဖြစ်ပါတယ်။

■ ကမ္ဘာကြီးပူနွေးလာခြင်းကြောင့် ခြင်တွေက ပိုမိုဖြန့်ကျက်လာကြကာ ကျန်းမာရေးပြဿနာတွေ စိုးရိမ်စရာ ဖြစ်လာပါတယ်။

■ ဒါပေမဲ့ ခြင်အားလုံးကို သတ်ပစ်စရာမလိုပါဘူး။

■ ခြင်မျိုးစိတ်ပေါင်း ၃,၅၀၀ ခန့်ရှိတဲ့ထဲကမှ ၁၀၀ လောက်ကပဲ လူတွေကို ကိုက်ကြပါတယ်။

■ ဒီထဲကမှ လူသားတွေ ရောဂါကူးစက်မှုရဲ့ ၉၅ ရာခိုင်နှုန်းခန့်က မျိုးစိတ် ၅ ခုပဲ ရှိပါတယ်။

■ ခြင်မျိုးတုံးအောင်ရှင်းလင်းခြင်းရဲ့ နောက်ဆက်တွဲ အကျိုးဆက်များနဲ့ ပတ်သက်ပြီး အငြင်းပွားနေကြကာ ခြင်တွေက အာဟာရဓာတ် ကူးပြောင်းပေးခြင်း၊ ဝတ်မှုန်ကူးပေးခြင်း၊ အခြားမျိုးစိတ်များအတွက် အစာဖြစ်စေခြင်း စတဲ့အခန်းကဏ္ဍတွေမှာပါဝင်နေကြောင်း ပညာရှင်တွေ ထောက်ပြကြပါတယ်။

■ ဒါပေမဲ့ ဂေဟစနစ်အချို့က အခြေအနေပေါ် လိုက်လျောညီထွေဖြစ်အောင် ပြောင်းလဲနိုင်တယ်လို့ ယုံကြည်နေကြပါတယ်။

■ မျိုးဗီဇနည်းပညာနဲ့ ဘက်တီးရီးယား ကူးစက်နည်းလမ်းများက အန္တရာယ်ရှိတဲ့ခြင်တွေ ထိန်းချုပ်ရန် ဒါမှမဟုတ် မျိုးတုံးပျောက်ကွယ်ရန် ဖြစ်နိုင်ခြေရှိတဲ့ နည်းလမ်းတွေဖြစ်ပါတယ်။

■ ခြင်တွေကို မျိုးတုံးအောင် ရှင်းလင်းမယ့်အစား ဘေးအန္တရာယ်မရှိအောင် ပြုလုပ်ခြင်းက အောင်မြင်မှုများ ရနိုင်ပြီး ဥပမာအားဖြင့် ဘရာဇီးလ်မှာ ဘက်တီးရီးယား ကူးစက်ထားတဲ့ခြင်တွေကို အသုံးပြုပြီး သွေးလွန်တုပ်ကွေးဖြစ်ပွားမှုကို ၈၉ ရာခိုင်နှုန်းအထိ လျှော့ချနိုင်ခဲ့ပါတယ်။

■ ခြင်မှတဆင့် ကူးစက်ရောဂါများ တိုက်ဖျက်ရန် နည်းလမ်းများနဲ့အတူ ကုသခွင့်များ၊ နေထိုင်မှုစနစ်နဲ့ ကာကွယ်ဆေးတို့ အပါအဝင် ဘက်စုံပါဝင်တဲ့ ဖြေရှင်းနည်းများလိုအပ်ပါတယ်။

Source: Phys

#World_Health
Published 06 June 2026

■ နေ့စဉ် အသီးအနှံစားသုံးပြီး ကော်ဖီတစ်ခွက် သောက်သုံးပါက ဆဲလ်များ ကျန်းမာရေးမညီညွတ်စွာ အိုမင်းရင့်ရော်နိုင်ခြေကို တဝက်ခန့်လျှော့ချနိုင်တယ်လို့ သုတေသနတစ်ခုမှာ ယူဆထားပါတယ်။

■ ဘယ်ရီသီး၊ ပန်းသီး၊ ကော်ဖီ၊ ကိုကိုး၊ လက်ဖက်တို့လို စားစရာတွေမှာ ပိုလီဖီနောကြွယ်ဝပြီး ဓာတ်တိုးဆန့်ကျင်နဲ့ ရောင်ရမ်းဆန့်ကျင်အာနိသင်တို့ ရှိပါတယ်။

■ DNA ထိပ်ပိုင်းဖြစ်တဲ့ တယ်လိုမီယာတွေ တိုတောင်းတဲ့အခါ ဆဲလ်သေခြင်းနဲ့ ကျန်းမာရေးမညီညွတ်စွာ အိုမင်းရင့်ရော်ခြင်းတို့ ဖြစ်နိုင်ခြေများစေကာ ဒီလိုစားစရာတွေကတော့ တယ်လိုမီယာတိုတောင်းနိုင်ခြေ လျှော့ချပေးနိုင်ပါတယ်။

■ စပိန်နိုင်ငံ နာဗာရာတက္ကသိုလ်မှ သုတေသီများက လူပေါင်း ၁,၇၀၀ ကျော်ရဲ့ တယ်လိုမီယာ အတိုင်းအတာကို နှိုင်းယှဉ်ကြည့်ခဲ့ရာ ပိုလီဖီနောအနည်းဆုံး စားသုံးသူတွေက တယ်လိုမီယာ တိုတောင်းနိုင်ခြေ ၅၂ ရာခိုင်နှုန်းဖြင့် အများဆုံးဖြစ်ခဲ့ပြီး ကော်ဖီတစ်ခွက် နေ့စဉ်သောက်သုံးသူတွေကတော့ တယ်လိုမီယာ တိုတောင်းနိုင်ခြေ ၂၆ ရာခိုင်နှုန်း လျော့နည်းကာ အသီးစားသုံးသူတွေက ၂၉ ရာခိုင်နှုန်း လျော့နည်းတာ တွေ့ရပါတယ်။

■ တယ်လိုမီယာတိုတောင်းတဲ့အခါ နှလုံးသွေးကြောရောဂါ၊ ဆီးချို၊ ကင်ဆာအချို့အပါအဝင် အသက်အရွယ်နဲ့ဆိုင်တဲ့ ရောဂါများ ဖြစ်နိုင်ခြေတွေနဲ့ ဆက်စပ်ပါတယ်။

■ အိုမင်းဆန့်ကျင်ပေးနိုင်တဲ့ စားစရာတစ်ခုတည်းအပေါ် မှီခိုမယ့်အစား ပိုလီဖီနောကြွယ်ဝတဲ့ စားစရာတွေစားပြီး ဆဲလ်ကျန်းမာရေးကို ဂရုစိုက်ပေးဖို့ သုတေသီတွေ အလေးပေးပြောနေကြပါတယ်။

■ အပင်အခြေပြု စားစရာတွေမှာ ပိုလီဖီနောကြွယ်ဝတယ်ဆိုပေမယ့် ပိုလီဖီနောကြောင့်လား ကျန်းမာရေးညီညွတ်စွာ စားခြင်းကြောင့်လားဆိုတာ ခွဲခြားဖို့ ခက်ခဲနေပါတယ်။

Source: The Guardian

၂၀၂၆ ဖီဖာကမ္ဘာ့ဖလားပြိုင်ပွဲမတိုင်မီ ပီရူးမှာ ရိုးရာဓလေ့တစ်ခုဖြစ်တဲ့ စတစ်ကာများ စုဆောင်းခြင်းနဲ့ လဲလှယ်ခြင်းတို့ကို ပန်းခြံတွေလမ်းမတွေမှာ အစုလိုက်အပြုံလိုက် ပြုလုပ်နေကြပါတယ်။

#World_Event
Published 05 June 2026
#ကမ္ဘာ့ဖလား #ပီရူး
#YMG #Yangon_Times #Yangon_Media_Group

အခုတစ်ပတ်အတွက် စက်သုံးဆီရည်ညွှန်းဈေးတွေမှာတစ်လီတာကို ၂၀၀ ကျော်ကနေ ၄၀၀ ကျပ်ကျော်ဝန်းကျင်အထိ ဈေးနှုန်းတွေကျဆင်းလာတယ် လို စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေး
ကော်မတီရဲ့ဒီကနေ့ထုတ်ပြန်တဲ့ စာရင်းတွေအရသိရပါတယ်။

#Local_News
Published 05 June 2026
#စက်သုံးဆီ
#YMG/NN #Yangon_Times

မြန်မာနိုင်ငံဘောလုံးအဖွဲ့ချုပ်က ကြီးမှူးကျင်းပမယ့် MFF Royal-D U15 League (Yangon) Zone ပြိုင်ပွဲအတွက်အသင်းတွေရဲ့ ကစားသမားတွေကို ဇွန်လ ၄ ရက်နဲ့ ၅ ရက်မှာ သုဝဏ္ဏဘောလုံးကွင်းအတွင်း အသက်စစ်ဆေးမှုတွေ ပြုလုပ်ရာမှာ Biometric registration system စနစ်ကိုလည်း ပထမဆုံး စတင်ကျင့်သုံးနေတယ်လို့ မြန်မာနိုင်ငံဘောလုံးအဖွဲ့ချုပ်ကအသိပေးထားပါတယ်။

#Local_News
Published 05 June 2026
#မြန်မာနိုင်ငံဘောလုံးအဖွဲ့ချုပ် #Biometric_Registration _System
#YMG/SW #Yangon_Times

#Daily_News
Published 05 June 2026

၁။‌ ဒေါ်လာ(၄၂)သန်းတန်ဖိုးရှိဆန်နှင့်ဆန်ကွဲ တန်ချိန် တစ်သိန်းသုံးသောင်းကျော်တင်ပို့ထား

‌‎၂။ ‌‌‌‌MFF Royal-D U15 League (Yangon) Zone ပြိုင်ပွဲအတွက် Biometric registration system စနစ်ကိုပထမဆုံးစတင်ကျင့်သုံး

‎၃။‌‌‎ စက်သုံးဆီ ဈေးအားလုံးကျဆင်း

၄။‎ ‌‌‌‌‌‌‌‌‌(၂၀၂၆)ကမ္ဘာ့ဖလားအကြို ပီရူးတို၏ဘောလုံးစတစ်ကာများစုဆောင်းလဲလှယ်ခြင်းဓလေ့... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ယခုတစ်ပတ်အတွက်ထုတ်ပြန်တဲ့ ရန်ကုန်အထိုင်စားအုန်းဆီရည်ညွှန်းဈေးထပ်မံကျဆင်းလာတာကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီက ယနေ့ထုတ်ပြန်လိုက်တဲ့ဈေးနှုန်းတွေအရသိရပါတယ်။

#Local_News
Published 05 June 2026
#စားအုန်းဆီ
#YMG/SW #Yangon_Times

၂၀၂၆-၂၀၂၇ဘဏ္ဍာနှစ်စဖြစ်တဲ့  မေလတစ်လတာအတွင်း ပြည်ပနိုင်ငံ တွေကို အမေရိကန်ဒေါ်လာ ၄၂သန်းတန်ဖိုးရှိ ဆန်နဲ့ဆန်ကွဲတန်ချိန် တစ်သိန်း သုံးသောင်းကျော်တင်ပို့ထားတယ်လို့ မြန်မာနိုင်ငံဆန်စပါးအသင်းချုပ် က သိရပါတယ်။

#Local_News
Published 05 June 2026
#ဆန် #ဆန်ကွဲ
#YMG/NN #Yangon_Times

#Local_News
Published 05 June 2026

■ ဒီဇယ်ဆီ HSD (500 ppm)အပေါ် ကောက်ခံသည့် အထူး ကုန်စည်ခွန်နှင့် ကုန်သွယ်လုပ်ငန်းခွန်တို့ကို ကင်းလွတ်ခွင့်ပြုနိုင်ရေးအတွက် ဘဏ္ဍာရေးနှင့် အခွန်ဝန်ကြီးဌာန ဒုတိယဝန်ကြီး ဦးဟန်ဝင်းအောင်က ပြည်ထောင်စုလွှတ်တော်၌ အဆိုတင်သွင်းခဲ့ကြောင်းသိရသည်။

■ ယမာန်နေ့က နေပြည်တော်ရှိ လွှတ်တော်အဆောက်အအုံ ပြည်ထောင်စုလွှတ်တော် အစည်းအဝေးခန်းမ၌ ကျင်းပသည့်တတိယအကြိမ်ပြည်ထောင်စုလွှတ်တော် ဒုတိယပုံမှန်အစည်းအဝေး ပထမနေ့ ၌ ဘဏ္ဍာရေးနှင့် အခွန်ဝန်ကြီးဌာန ဒုတိယဝန်ကြီး ဦးဟန်ဝင်းအောင်ကအထက်ပါအတိုင်းအဆိုတင်သွင်းခဲ့ခြင်းဖြစ်သည်။

■ နိုင်ငံတော်သမ္မတထံမှ ပေးပို့ထားသော ဒီဇယ်ဆီ HSD (500 ppm) အပေါ်ကျသင့်သည့် အထူးကုန်စည်ခွန်နှင့် ကုန်သွယ်လုပ်ငန်းခွန် ကင်းလွတ်ခွင့်ပြုနိုင်ရေးကိစ္စနှင့် စပ်လျဉ်း၍ ဘဏ္ဍာရေးနှင့် အခွန်ဝန်ကြီးဌာန ဒုတိယဝန်ကြီး ဦးဟန်ဝင်းအောင်က ယခုကာလတွင် အရှေ့အလယ်ပိုင်းဒေသ ပဋိပက္ခများကြောင့် အခြားဒေသတွင်း နိုင်ငံများနည်းတူ နိုင်ငံတော်အစိုးရအနေဖြင့် အခြေခံစားသောက်ကုန်၊ ကုန်စည်ဈေးနှုန်းများ တည်ငြိမ်မှုရှိစေရေး ထိန်းညှိဆောင်ရွက်ပေးရန် လိုအပ်ပါကြောင်း၊ ထို့ကြောင့် ကုန်စည်သယ်ယူပို့ဆောင်ရေး မော်တော်ယာဉ်များ၊ စိုက်ပျိုးရေးလုပ်ငန်းသုံးစက်၊ ယန္တရားများနှင့် ကုန်ထုတ်လုပ်ငန်းများ ဆောင်ရွက်ရာတွင် အများဆုံးအသုံးပြုသည့် ဒီဇယ်ဆီ HSD (500 ppm)အပေါ် ကောက်ခံသည့် အထူး ကုန်စည်ခွန်နှင့် ကုန်သွယ်လုပ်ငန်းခွန်တို့ကို ကင်းလွတ်ခွင့်ပြုနိုင်ရေးဆောင်ရွက်ပေးမည် ဖြစ်ပါကြောင်း၊

■ ဒီဇယ်ဆီသည် နိုင်ငံတော်အတွင်း ကုန်စည်သယ်ယူပို့ဆောင်ရေးနှင့် ကုန်ထုတ်လုပ်ငန်းများ ဆောင်ရွက်ရာတွင် အဓိကကျသည့် စွမ်းအင်အရင်းအမြစ် တစ်ခုဖြစ်သည့်အတွက် ဒီဇယ်ဆီ HSD (500 ppm)အပေါ် အခွန်ကင်းလွတ်ခွင့် ပြုခြင်းအားဖြင့် ပြည်သူလူထုအတွက် အခြေခံစားသောက်ကုန်နှင့် ကုန်စည်ဈေးနှုန်းများ တည်ငြိမ်မှုရှိစေသည့် အကျိုးကျေးဇူးများ ရရှိစေမည်ဖြစ်ပါကြောင်း၊ တစ်ဖက်တွင်လည်း နိုင်ငံတော်အနေဖြင့် ဒီဇယ်ဆီ HSD(500 ppm) အပေါ် အထူးကုန်စည်ခွန်နှင့် ကုန်သွယ်လုပ်ငန်းခွန် ကင်းလွတ်ခွင့်ပြုခြင်းကြောင့် လျော့နည်းသွားမည့် အခွန်ငွေများကိုလည်း ပြန်လည်ဖြည့်ဆည်းပေးနိုင်ရေးအတွက် အခွန်နှုန်းထားများ တိုးမြှင့်ခြင်းမပြုဘဲ အခွန်အခြေချဲ့ထွင်ခြင်းဖြင့် ရသင့်ရထိုက်သည့် အခွန်များကို ပိုမိုကောက်ခံရရှိအောင် ဆောင်ရွက်သွားမည် ဖြစ်ပါကြောင်း၊

■ ဒီဇယ်ဆီ HSD (500ppm)အပေါ် ကောက်ခံသည့် အထူးကုန်စည်ခွန်နှင့် ကုန်သွယ်လုပ်ငန်းခွန် ကင်းလွတ်ခွင့်ပြုနိုင်ရေးအတွက် ပြည်ထောင်စုသမ္မတ မြန်မာနိုင်ငံတော် ပြည်ထောင်စုအစိုးရ အဖွဲ့အစည်းအဝေးအမှတ်စဉ်(၃/၂၀၂၆)၏ သဘောတူခွင့်ပြုချက်အရ ပြည်ထောင်စုလွှတ်တော်၏ အတည်ပြုချက်ရယူရန် တင်ပြရခြင်းဖြစ်ပါကြောင်း အဆိုတင်သွင်းသည်။
 
■ ဆက်လက်၍ ပြည်ထောင်စုလွှတ်တော် နာယကက ဒီဇယ်ဆီ HSD (500 ppm) အပေါ် ကျသင့်သည့် အထူးကုန်စည်ခွန်နှင့် ကုန်သွယ်လုပ်ငန်းခွန် ကင်းလွတ်ခွင့် ပြုနိုင်ရေးကိစ္စနှင့်စပ်လျဉ်း၍ ဆွေးနွေးလိုသည့် လွှတ်တော်ကိုယ်စားလှယ်များရှိပါက ပြည်ထောင်စုလွှတ်တော်ရုံး ညွှန်ကြားရေးမှူးချုပ်ရုံးထံအမည်စာရင်း တင်သွင်းနိုင်ကြောင်း ကြေညာသည်။
 
■ ထို့နောက် တတိယအကြိမ် ပြည်ထောင်စုလွှတ်တော် ဒုတိယပုံမှန်အစည်းအဝေးပထမနေ့ကို ရပ်နားလိုက်ပြီး အစည်းအဝေးဒုတိယနေ့ကို ဇွန် ၉ ရက်တွင် ဆက်လက်ကျင်းပသွားမည်ဖြစ်ကြောင်းသိရသည်။

#YMG/NN #Yangon_Times

#World_Health
Published 05 June 2026

■ နှလုံးခုန်နှုန်းဆိုတာက အနည်းနဲ့အများ အပြောင်းအလဲ ရှိနိုင်ပြီး အလွန်အမင်း ပုံမှန်မဟုတ်ရင်တော့ နှလုံးခုန်မမှန်ခြင်းလက္ခဏာ ဖြစ်ကာ လေဖြတ်ခြင်း၊ နှလုံးဖောက်ခြင်း စတာတွေ ဖြစ်လာနိုင်ပါတယ်။

■ နှလုံးခုန်နှုန်းအပြောင်းအလဲ(HRV)ဟာ နှလုံးခုန်နှုန်း တစ်ခုနဲ့တစ်ခုကြား ကြာမြင့်ချိန်ရဲ့ အသေးစိတ် အတက်အကျများကို တိုင်းတာခြင်းဖြစ်ပြီး နှလုံးနဲ့ သွေးကြောကျန်းမာရေး၊ စိတ်ဖိစီးမှု အခြေအနေများ၊ လေ့ကျင့်ခန်းလုပ်ပြီးနောက် ခန္ဓာကိုယ်ပြန်လည်ကုစားမှု၊ အသက်အရွယ် အိုမင်းရင့်ရော်မှုတို့အပေါ်မှာပါ အကဲဖြတ်သုံးသပ်နိုင်စွမ်း ရှိပါတယ်။

■ HRV မြင့်မားခြင်းက ယေဘုယျအားဖြင့် ပိုမိုကျန်းမာတယ်လို့ သတ်မှတ်နိုင်ပြီး စိတ်ဖိစီးမှုနဲ့ စိတ်အပန်းဖြေမှု အခြေအနေနှစ်ခုကြား ထိရောက်စွာ ကူးပြောင်းပေးနိုင်တဲ့ လိုက်လျောညီထွေ အာရုံကြောစနစ်ကို ပြသနေတာ ဖြစ်ပါတယ်။

■ HRV နိမ့်တဲ့အခြေအနေကတော့ ရေရှည်စိတ်ဖိစီးမှု၊ သောကရောက်ခြင်း၊ စိတ်ဓာတ်ကျခြင်း၊ အခြားသော စိတ်ကျန်းမာရေး အခြေအနေများနဲ့ ဆက်စပ်လေ့ရှိပြီး ခန္ဓာကိုယ်ရောင်ရမ်းခြင်းနဲ့ အသက်အရွယ် အိုမင်းမှုဆိုင်ရာ ရောဂါများကဲ့သို့ ဖြစ်လာနိုင်တဲ့ ရုပ်ပိုင်းဆိုင်ရာ ကျန်းမာရေးအန္တရာယ်များနဲ့လည်း ဆက်စပ်နေပါတယ်။

■ ပုံမှန်အိပ်စက်ခြင်း၊ လေ့ကျင့်ခန်းလုပ်ခြင်း၊ အသက်ရှူလေ့ကျင့်ခန်းလုပ်ခြင်းလိုမျိုး ကျန်းမာရေးနဲ့ ညီညွတ်တဲ့ အလေ့အထများ ပြုလုပ်ခြင်းဖြင့် HRV မြှင့်တင်နိုင်ပြီး စိတ်ကျန်းမာရေး လက္ခဏာများ သက်သာစေရန်နဲ့ တကိုယ်ရည်ကျန်းမာချမ်းသာမှု မြှင့်တင်ရန်အတွက်လည်း အထောက်အကူ ပြုနိုင်ပါတယ်။

■ HRV တိုင်းတာစောင့်ကြည့်ခြင်းဟ ကျန်းမာရေးအသိရှိသူများအတွက် အဖိုးတန်အချက်အလက်များ ပေးစွမ်းနိုင်ပေမယ့် ယေဘုယျကျန်းမာရေး စောင့်ကြည့်စစ်ဆေးမှုအတွက်တော့ နှလုံးခုန်နှုန်း၊ သွေးဖိအား၊ ကိုလက်စထရောပမာဏကဲ့သို့ ပိုမိုလွယ်ကူစွာ တိုင်းတာနိုင်တဲ့ ညွှန်းကိန်းများကိုသာ အဓိကထားဖို့ ကျွမ်းကျင်သူတွေ အကြံပြုထားပါတယ်။

Source: BBC

#World_Health
Published 05 June 2026

■ အချို့လူတွေ ခြင်ကိုက်မခံရဘဲနေကြပေမယ့် အချို့ကတော့ အတော်လေးခြင်ကိုက်ခံရတတ်ပါတယ်။

■ ရှူထုတ်လိုက်တဲ့ ကာဗွန်ဒိုင်အောက်ဆိုဒ်၊ ထုတ်လွှတ်တိုက်တဲ့ အပူတွေကြောင့် ခြင်တွေရဲ့ ပစ်မှတ်ဖြစ်လာတယ်လို့ ယူဆခဲ့ကြပါတယ်။

■ ဒါပေမဲ့ လေ့လာချက်အသစ်တွေအရတော့ အရေပြားအခြေအနေနဲ့လည်း သက်ဆိုင်နေပါတယ်။

■ အရေပြားဘက်တီးရီးယားတွေက သဘာဝအဆီတွေကို အနံ့တွေအဖြစ်သို့ ပြောင်းလဲပေးခြင်းက အချက်တစ်ချက် ဖြစ်နေပါတယ်။

■ ခန္ဓာကိုယ်မှ ထွက်ရှိတဲ့ အနံ့လက္ခဏာတွေဟာ မျိုးရိုးဗီဇ၊ အရေပြားပေါ်ရှိ အခြေခံအဆီဓာတ်များနဲ့ အဏုဇီဝပိုးမွှားများ စုဖွဲ့တည်ရှိမှုတို့အပေါ် တိုက်ရိုက်သက်ရောက်ပြီး အစားအသောက်၊ စိတ်ဖိစီးမှု၊ တစ်ကိုယ်ရည်သန့်ရှင်းမှု အလေ့အထများကြောင့် အနည်းငယ် သက်ရောက်မှုရှိပါတယ်။

■ သွေးအမျိုးအစားက ခြင်ကို ဆွဲဆောင်နိုင်မှုအပေါ် သက်ရောက်မှုရှိပေမယ့် အရေပြားဓာတုတွေနဲ့ နှိုင်းယှဉ်ရင်တော့ သက်ရောက်မှု ပိုမိုနည်းပါးပါတယ်။

■ အသိအမှတ်ပြုထားတဲ့ ခြင်ပြေးဆေးများ အသုံးပြုခြင်း၊ ပြင်းထန်တဲ့ ဆပ်ပြာများ သုံးစွဲခြင်းမှ ရှောင်ကြဉ်ခြင်း၊ အရေပြား ခြောက်သွေ့အောင်ထားရှိခြင်း၊ ရေဝပ်တဲ့နေရာများကဲ့သို့ ခြင်ပေါက်ဖွားနိုင်တဲ့ ပတ်ဝန်းကျင်တွေ လျှော့ချခြင်းတို့ဖြင့် ကာကွယ်နိုင်ပါတယ်။

■ အနာဂတ်ဆန်းသစ်တီထွင်မှုများအနေဖြင့် အဏုဇီဝပိုးမွှားများ အခြေခံတဲ့ ခြင်ပြေးဆေးများ ဒါမှမဟုတ် အရေပြားဓာတုကို ပြောင်းလဲပေးကာ ခြင်မလာချင်အောင် ပြုလုပ်ပေးနိုင်မယ့် နည်းလမ်းများ ပါဝင်လာနိုင်ပါတယ်။

Source: Iowa Park Leader