#Local_News
Published 19 September 2024

▪️ ပဲခူးတိုင်းဒေသကြီး၊ တောင်ငူခရိုင်၊ အုတ်တွင်းမြို့နယ်ရှိ ရေဘေးရှောင်ကယ်ဆယ်စခန်းတွင် အစာအဆိပ်သင့်ပြီး ဆေးရုံတက်ခဲ့သည့် အတွင်းလူနာ ၄၁ဦး ဆေးရုံမှဆင်းခွင့်ရရှိ ပြီဖြစ်ကြောင်း နစက သတင်းထုတ်ပြန်ရေးအဖွဲ့၏ထုတ်ပြန်ချက်အရ သိရသည်။

▪️ အုတ်တွင်းမြို့နယ်၊ ဝက်ဖြူကုန်းကျေးရွာ၊ ရွှေဖြူရတနာစာသင်တိုက်တွင် ရေဘေးရှောင်နေကြသော ရေဘေးသင့်သူများ စက်တင်ဘာလ ၁၈ ရက် မနက်ပိုင်းက အလှူရှင်များလာရောက်လှူဒါန်းသည့် ကြာဇံကြော်၊အချဉ်နှင့်ထမင်း၊ ကြက်ဥ၊ မကျည်းမှည့်ချက်များအား ကျေးရွာနေပြည်သူများမှ စားသုံးပြီးနောက် ဗိုက်နာခြင်း၊အော့အန်ခြင်းနှင့်ဝမ်း လျှောခြင်းစသည့် အစာအဆိပ်သင့် ရောဂါလက္ခဏာများဖြစ်ပွား၍ ပြည်သူ့ဆေးရုံကြီး ၊တောင်ငူမြို့သို့ ပြင်ပလူနာအဖြစ် ၆၈ဦး၊အတွင်းလူနာအဖြစ် ၆၅ဦး လာရောက်ကုသမှုခံယူခဲ့ကြောင်း သိရသည်။

▪️ ပြည်သူ့ဆေးရုံကြီး၊တောင်ငူမှ အထူးကုဆရာဝန်ကြီးများမှ အနီးကပ်ကြည့်ရှုကုသပေးခဲ့ရာလူနာများအခြေအနေမှာသက်သာကောင်းမွန်နေကြောင်း သိရသည်။

▪️ အဆိုပါ သတင်းရရှိလျှင်ရရှိခြင်း စက်တင်ဘာ၁၈ရက် ညနေပိုင်းတွင် ရောဂါဖြစ်ပွားရာ ဝက်ဖြူကုန်းကျေးရွာ၊ ရွှေဖြူရတနာစာသင်တိုက်သို့ ပဲခူးတိုင်းဒေသကြီးပြည်သူ့ကျန်းမာရေးဦးစီးမှူး၊ဒုတိယညွှန်ကြားရေးမှုးချုပ်၊ အုတ်တွင်းမြို့နယ်ပြည်သူ့ကျန်းမာရေးဦးစီးမှူးနှင့် ပြည်သူ့ကျန်းမာရေးဝန်ထမ်းများ ပါဝင်သောကွင်းဆင်းအဖွဲ့နှင့် ညောင်လေးပင်မြို့နယ်မှ ဆရာဝန်ဦးဆောင်သောဆေးအဖွဲ့တို့က ကွင်းဆင်း၍ ရောဂါကာကွယ်ထိန်းချုပ်ခြင်းလုပ်ငန်းများကို ဆောင်ရွက်လျှက်ရှိကြောင်း သိရသည်။

▪️ ဆေးရုံတက်လူနာများအနက် အတွင်းလူနာ၄၁ဦးသည် ရောဂါသက်သာကောင်းမွန်သဖြင့် စက်တင်ဘာ၁၉ရက်ယနေ့မနက်ပိုင်း၌ ဆေးရုံမှဆင်းခွင့်ပြုပြီး ဖြစ်ကြောင်းသိရသည်။

▪️ စက်တင်ဘာလ ၁၇ရက်နေ့ကလည်း ပြည်ထောင်စုနယ်မြေ နေပြည်တော်၊ တပ်ကုန်းမြို့နယ်၊ ကြက်သွန်ခင်းကျေးရွာအုပ်စု၊ ချောင်းခြားကျေးရွာတွင်လူဦးရေ ၁၀၀ကျော် အစာအဆိပ်
သင့်မှု  ဖြစ်ပွားခဲ့ကြောင်း သိရသည်။

▪️ သဘာဝဘေးဒဏ်ခံစားရသော ပြည်သူများအား အစားအသောက်များ လှူဒါန်းရာတွင် အလှူရှင်များအနေဖြင့် ပူပူနွေးနွေး ပြင်ဆင်ထားသည့် သန့်ရှင်းသော အစားသောက်များအား ပြင်ဆင်ပေးပို့လှူဒါန်းကြရန်နှင့် ကြီးကြပ်ရေးအဖွဲ့၊ စီမံခန့်ခွဲမှုအဖွဲ့များနှင့် ဆက်သွယ်၍ ဆောင်ရွက်ရန်၊ ယာယီကယ်ဆယ်ရေးစခန်းများတွင် တာဝန်ယူဆောင်ရွက်နေကြသော စီမံခန့်ခွဲမှုအဖွဲ့နှင့် ကျန်းမာရေးဝန်ထမ်းများမှ စခန်းများတွင် လှူဒါန်းကြသော အစားအသောက်များအား ကျန်းမာရေးနှင့် ညီညွတ်စေရန်နှင့် သန့်ရှင်းမှုရှိစေရန် ကြီးကြပ်ဆောင်ရွက်ခြင်းတို့ကို ဆောင်ရွက်ပေးကြပါရန် ကျန်းမာရေးဌာနမှ တိုက်တွန်းနှိုးဆော်ထားကြောင်း သိရသည်။

#YMG/NN #Yangon_Times

#World_News
Published 19 September 2024

▪️ အာဖရိကတောင်ပိုင်း နိုင်ငံတွေမှာ မိုးခေါင်ရေရှားမှုဒဏ် အကြီးအကျယ်ခံနေရပြီး ငတ်မွတ်နေကြရတဲ့ ပြည်သူတွေကို ကျွေးမွေးရန်အတွက် တောရိုင်းဆင် ရာပေါင်းများစွာကို သတ်ဖြတ်သွားမယ့် အစီအစဉ်တွေကို ဇင်ဘာဘွေနဲ့ နမ်မီဘီယာတို့ ကြေညာသွားပါတယ်။

▪️ ဇင်ဘာဘွေက ဆင်ပေါင်း ၂၀၀ ကိုသတ်ပြီး စားစရာလိုအပ်တဲ့ နေရာတွေမှာ ဖြန့်ဖြူးသွားဖို့ ခွင့်ပြုသွားမယ်လို့ တနင်္လာနေ့က ဆိုလိုက်ကာ နမ်မီဘီယာကတော့ ဆင် ၈၃ ကောင်အပါအဝင် တောရိုင်းတိရိစ္ဆာန် ၇၀၀ ကျော်ကို သတ်ဖြတ်သွားမယ်လို့ လွန်ခဲ့တဲ့ ၃ ပတ်က အစီအစဉ် ကြေညာထားပါတယ်။

▪️ လိုအပ်တဲ့နေရာတွေမှာ ဆင်တွေကို အမဲလိုက်ဖို့ ခွင့်ပြုချက်များ ထုတ်ပြန်မှာဖြစ်ပြီး စုစုပေါင်း ခွဲတမ်းသတ်မှတ်ထားတဲ့ တိရိစ္ဆာန် ၂၀၀ ကိုလည်း သတ်ဖြတ်သွားမယ်လို့ ဇင်ဘာဘွေ အမျိုးသားဥယျာဉ်များနဲ့ တောရိုင်းစီမံခန့်ခွဲရေး အာဏာပိုင်မှ ပြောရေးဆိုခွင့်ရှိသူ တီနာရှာဖာရာဝိုက ပြောပါတယ်။

▪️ ခွင့်ပြုချက်များ အပြီးသတ်ထုတ်ပြန်ပြီးတာနဲ့ စတင်သုတ်သင်သွားမယ်လို့ ဖာရာဝိုက ပြောပါတယ်။

▪️ လူဦးရေနဲ့ သတ္တဝါဦးရေ ရေရှည်မမျှတဖြစ်လာတဲ့ နေရာမှ ဆင်တွေကို သုတ်သင်သွားမှာ ဖြစ်ပါတယ်။

▪️ အပူချိန်မြင့်တက်လာတာကြောင့် သယံဇာတရင်းမြစ်များ ပိုမိုရှားပါးလာပြီး လူသားတွေနဲ့ တောရိုင်းတွေကြား အစားအစာနဲ့ ရေ ပြိုင်ဆိုင်လာရတဲ့ နိုင်ငံအနောက်ဘက်ရှိ ဟွမ်အမျိုးသားဥယျာဉ်လိုမျိုး နေရာတွေမှာ အမဲလိုက်မှာ ဖြစ်ပါတယ်။

▪️ ဟွမ်ဥယျာဉ်မှာ ဆင်ကောင်ရေ ၄၅၀၀၀ ကျော်ရှိပေမယ့် အခုတော့ ၁၅၀၀၀ ကိုသာ ထိန်းသိမ်းနိုင်တော့မယ်လို့ ဆိုပါတယ်။

▪️ အယ်နီညိုရာသီဥတုဖြစ်စဉ်က အခြေအနေကို ပိုမိုဆိုးရွားစေပြီး မိုးခေါင်မှုကြောင့် ဆင် ၁၀၀ ကျော် သေဆုံးခဲ့တယ်လို့ ဥယျာဉ်များအေဂျင်စီက ဒီဇင်ဘာမှာ ကြေညာခဲ့ပါတယ်။

▪️ လာမယ့်ရက်သတ္တပတ်တွေမှာ အပူဆုံးအချိန် ဖြစ်လာမှာဖြစ်သဖြင့် ဒီထက်ပိုပြီး တိရိစ္ဆာန်တွေ ငတ်မွတ်သေဆုံးနိုင်တယ်လို့ ဖာရာဝိုက ပြောပါတယ်။

▪️ ဇင်ဘာဘွေ သဘာဝပတ်ဝန်းကျင် ထိန်းသိမ်းရေးဝန်ကြီး ဆစ်ထမ်ဘီဆိုညိုနီက ဇင်ဘာဘွေမှာ ဆင်တွေက လိုအပ်တာထက် ပိုများနေကြောင်း၊ သုတ်သင်ရေး အစီအစဉ်ကို စလုပ်ခိုင်းထားပြီ ဖြစ်ကြောင်း ပါလီမန်မှာ ပြောသွားပါတယ်။

▪️ ဆင်တွေကို သုတ်သင်ပြီးတော့ အခြောက်လှမ်း ထုပ်ပိုးကာ ပရိုတိန်းလိုအပ်တဲ့ သူတွေကို ပေးသွားဖို့ ပြင်ဆင်နေပါတယ်။

▪️ နမ်မီဘီယာအစိုးရက ပြီးခဲ့တဲ့လက ဆင် ၈၃ ကောင်၊ ရေမြင်းအကောင် ၃၀၊ ကျွဲရိုင်း ၆၀ ၊ တောဆိတ်အကောင် ၅၀၊ မြင်းကျားအကောင် ၃၀၊ အာဖရိကဆိတ်နွား ၁၀၀ အပါအဝင် တိရိစ္ဆာန်ပေါင်း ၇၂၃ ကောင်ကို သုတ်သင်ဖို့ အသိအမှတ်ပြုခဲ့ပါတယ်။

▪️ လူသားတွေနဲ့ တောရိုင်းတွေကြား ပြိုင်ဆိုင်လာရနိုင်ပြီး ဆင်ကောင်ရေ လျှော့ချဖို့ ရည်ရွယ်ထားတဲ့ နမ်မီဘီယာ အမျိုးသားဥယျာဉ်တွေထဲက ၅ ခုကနေ သုတ်သင်သွားမှာ ဖြစ်ပါတယ်။

▪️ ဇင်ဘာဘွေနဲ့ နမ်မီဘီယာ အစိုးရလုပ်ဆောင်ချက်တွေက မိုးခေါင်ရေရှားမှုနဲ့ တိရိစ္ဆာန်ကောင်ရေ တို့ကြောင့် နားလည်ပေးနိုင်ကြောင်း ကင်ညာအခြေစိုက် ပတ်ဝန်းကျင်စောင့်ကြည့်ရေး အဖွဲ့အစည်းမှ စားနပ်ရိက္ခာနဲ့ စိုက်ပျိုးရေးပညာရှင် ဂူယိုရိုဘာက ပြောပါတယ်။

▪️ ဒါဟာ အငြင်းပွားဖြစ်နိုင်ပေမယ့် အစိုးရအနေနဲ့ ပတ်ဝန်းကျင် ထိန်းသိမ်းရေးနဲ့ ပြည်သူထောက်ပံ့ခြင်းတို့ကြား ဆုံးဖြတ်ရတာဖြစ်တယ်လို့ ရိုဘာက ဆိုပါတယ်။

#Source: AP News

#World_Health
Published 19 September 2024

▪️ မိုဘိုင်းဖုန်း အသုံးပြုခြင်းနဲ့ ဦးနှောက်ကင်ဆာ ဖြစ်နိုင်ခြေများခြင်းတို့ ဆက်စပ်မှုမရှိဘူးလို့ WHO ကော်မရှင်ပြု သုံးသပ်ချက်တစ်ခုမှာ ဖော်ပြထားပါတယ်။

▪️ ကြိုးမဲ့နည်းပညာပစ္စည်းတွေ အသုံးပြုတာ များလာကြပေမယ့် ဦးနှောက်ကင်ဆာ ပိုပြီအဖြစ်များလာတာမျိုး မရှိဘူးလို့ ဆိုပါတယ်။

▪️ အချိန်ကြာမြင့်စွာ ဖုန်းပြောဆိုသူတွေ ဖုန်းအသုံးပြုသူတွေမှာပင် မတွေ့ရပါဘူး။

▪️ နိုင်ငံ ၁၀ နိုင်ငံကနေ ၁၉၉၄ မှ ၂၀၂၂ အတွင်း လေ့လာချက် ၆၃ ခုကို သုံးသပ်ခဲ့ကြတာ ဖြစ်ပါတယ်။

▪️ မိုဘိုင်းဖုန်းများ၊ တီဗီများ၊ ကလေးစောင့်ကြည့်ရေးစက်များ၊ ရေဒါများမှာ အသုံးပြုတဲ့ ရေဒီယိုကြိမ်နှုန်း သက်ရောက်မှုများကို သုံးသပ်ခဲ့ကြတယ်လို့ နယူးဇီလန် အော့ကလန်တက္ကသိုလ်မှ ကင်ဆာရောဂါ ပရော်ဖက်ဆာ မာ့ခ်အယ်ဝုဒ်က ပြောပါတယ်။

▪️ လူကြီးတွေ ကလေးတွေရဲ့ ဦးနှောက်ကင်ဆာများအပြင် ဖုန်းအသုံးပြုခြင်း၊ ရေဒီယိုလှိုင်း ထိတွေ့ခြင်းတို့နဲ့ ဆက်စပ်နေတဲ့ အခြားကင်ဆာများကိုလည်း ကြည့်ရှုခဲ့ကြပါတယ်။

▪️ အခြားလေ့လာချက်တွေမှာလည်း မိုဘိုင်းဖုန်း အသုံးပြုခြင်းကြောင့် ထွက်လာတဲ့ ဓာတ်ရောင်ခြည်ကနေ ကျန်းမာရေး ဆိုးကျိုးဖြစ်စေတဲ့ အထောက်အထားမျိုး မတွေ့ရပေမယ့် နောက်ထပ် သုတေသနပြုလုပ်ကြဖို့ တောင်းဆိုနေကြပါတယ်။

▪️ ၂၀၁၁ ခုနှစ် နောက်ဆုံးဆန်းစစ်ပြီးနောက်ပိုင်း အချက်အလက်အသစ်များ ပြန်လည်သုံးသပ်ကြဖို့ နိုင်ငံတကာ ကင်ဆာသုတေသနအေဂျင်စီက တောင်းဆိုထားပါတယ်။

▪️ WHO သုံးသပ်ချက်က လာမယ့်နှစ် ပထမ ၃ လအတွင်းထုတ်ပြန်မှာ ဖြစ်ပါတယ်။

#Source: The Jerusalem Post

#World_Health
Published 19 September 2024

▪️ ဗြိတိန်ပြည်ထောင်စုမှ သုတေသီများက နှာခေါင်းအစက်ချဆေးဟာ ကလေးတွေ အအေးမိခြင်းမှ ခံစားရမှုကို ၂ ရက်လောက် လျှော့ချနိုင်သလို မိသားစုဝင်တွေ ဖျားနာခြင်းကိုလည်း လျှော့ချပေးနိုင်တယ်လို့ ဆိုပါတယ်။

▪️ ကလေးတွေဟာ အသက်ရှူလမ်းကြောင်း အထက်ပိုင်းရောဂါ ဖြစ်ပွားမှု ၁၂ မျိုးလောက်အထိ ဖြစ်နိုင်ကာ မိသားစုဝင်တွေကိုပါ သက်ရောက်နိုင်ပြီး အအေးမိဖျားနာလက္ခဏာ သက်သာစေမယ့် ဆေးတွေရှိပေမယ့် မြန်မြန်ဆန်ဆန် သက်သာဖို့နည်းလမ်းတော့ မရှိဘူးလို့ အီဒင်ဘာဂ်တက္ကသိုလ်မှ ပရော်ဖက်ဆာ စတိဗ်ကန်နင်ဂမ်က ပြောပါတယ်။

▪️ စမ်းသပ်မှုမှာ သုတေသီတွေက ကလေးနှာခေါင်းအစက်ချဆားရည်ကို ဘယ်လိုပြုလုပ်ပြီး အသုံးပြုရမလဲဆိုတာကို မိဘတွေထံ သင်ကြားပေးပါတယ်။

▪️ ကလေးငယ်ပေါင်း ၁၅၀ မှာ တစ်နေ့အနည်းဆုံး လေးကြိမ်ဖြင့် နှာခေါင်းတစ်ပေါက်ကို သုံးစက်စီ အသုံးပြုခိုင်းပါတယ်။

▪️ နောက်ထပ် ၁၅၁ ယောက်ကိုတော့ ပုံမှန်အအေးမိ ကုသနည်းအတိုင်း ပြုလုပ်ခဲ့ပါတယ်။

▪️ ထိုအခါမှာ ဆားရည်နှာခေါင်းအစက်ချဆေးပေးတဲ့ ကလေးတွေက အအေးမိလက္ခဏာတွေ ပျမ်းမျှ ၆ ရက်လောက် ခံစားရပြီး သာမန်ကုသနည်းပေးတဲ့ ကလေးတွေကတော့ ၈ ရက်လောက် ခံစားရတာကို တွေ့ခဲ့ရကာ ဆားရည်နှာခေါင်းအစက်ချဆေး အသုံးပြုတဲ့ကလေးတွေက ဆေးဝါးလိုအပ်ချက်လည်း ပိုမိုနည်းပါးခဲ့ပါတယ်။

▪️ ဒါ့အပြင် နှာခေါင်းအစက်ချဆေးသုံးတဲ့ ကလေးတွေရဲ့ အိမ်သူအိမ်သားထံ လက္ခဏာကူးစက်ခြင်းက ၄၆ ရာခိုင်နှုန်းသာရှိကာ သာမန်ကုသတဲ့ ကလေးတွေရဲ့ မိသားစုဝင်တွေမှာတော့ ၆၁ ရာခိုင်နှုန်း ရှိပါတယ်။

▪️ ဒီသုတေသနကို ဩစတြီးယား ဗီယင်နာရှိ ဥရောပ အသက်ရှူလမ်းကြောင်း အဖွဲ့အစည်းကွန်ဂရက်မှာ မကြာမီ တင်ပြသွားမှာ ဖြစ်ပါတယ်။

▪️ အသက်ရှူလမ်းကြောင်းရှိ ဆဲလ်တွေက ဆားရည်မှ ကလိုရိုက်ဒ်ကိုသုံးပြီး ဟိုက်ပိုကလိုရပ်စ်အက်ဆစ် ထုတ်လုပ်ကာ ဗိုင်းရပ်စ်ရန်မှ ကာကွယ်ပေးတယ်လို့ ကန်နင်ဂမ်က ပြောပါတယ်။

▪️ ဒီနည်းလမ်းက အလွန်သက်သာ ရိုးရှင်းသလို ကလေးတွေနဲ့ မိသားစုဝင်တွေမှာ အအေးမိလက္ခဏာကို ထိရောက်စွာ လျှော့ချပေးနိုင်မယ်လို့ စမ်းသပ်မှုမှာ မပါဝင်တဲ့ မိုလာက ပြောသွားပါတယ်။

▪️ ဒါ့အပြင် နှာခေါင်းအစက်ချဆေးသုံးတဲ့ ကလေးတွေမှာ အအေးမိစဉ်အတွင်း နှာချေခြင်းလည်း လျော့နည်းသွားတယ်လို့ မှတ်ချက်ပြုထားပါတယ်။

#Source: New York Post

၁၈ စက်တင်ဘာ ၂၀၂၄

လက်ဘနွန်နိုင်ငံမှာ ပေဂျာ pager လို့ခေါ်တဲ့ အချက်ပြဆက်သွယ်ရေးကိရိယာတွေ ပေါက်ကွဲမှုဖြစ်ပြီး လူ ၁၂ ဦးသေဆုံးကာ ဟက်ဇ်ဘိုလာလုပ်သား ထောင်ပေါင်းများစွာ ဒဏ်ရာရရှိခဲ့ပါတယ်။

အဆိုပါတိုက်ခိုက်မှုကြောင့် အီရန်ကျောထောက်နောက်ခံပြု ဟက်ဇ်ဘိုလာအဖွဲ့နှင့် အဓိကရန်သူတော် အစ္စရေးတို့အကြား အပြည့်အဝစစ်ပွဲတစ်ခုဖြစ်လာမယ့် အလားအလာတွေရှိလာပါတယ်။

အဲဒီပေဂျာစက်တွေကို ထိုင်ဝမ်ပေဂျာကုမ္ပဏီ Gold Apollo ကထုတ်လုပ်တယ်ဆိုတာနှင့်ပတ်သက်ပြီး ကုမ္ပဏီက ငြင်းဆို လိုက်ပါတယ်။ အဲဒီပေဂျာတွေဟာ သူတို့ရဲ့ လိုင်စင်အောက်မှာ ဟန်ဂေရီမြို့တော် ဘူဒါပက်စ်အခြေစိုက် BAC က ထုတ်လုပ်တာသာဖြစ်တယ်လို့ပြောဆိုလိုက်ပါတယ်။

နိုင်ငံခြားမြေပေါ်မှာ ခေတ်မီဆန်းပြားတဲ့ တိုက်ခိုက်မှုမျိုးစုံနှင့် တိုက်ခိုက်ရာမှာ ရာဇဝင်ရှိခဲ့တဲ့ အစ္စရေး စပိုင်အဖွဲ့ မောဆက်က ပေဂျာတွေရဲ့အတွင်းမှာ ပေါက်ကွဲပစ္စည်းတွေထည့်သွင်းခဲ့တာဖြစ်တယ်လို့ လက်ဘနွန်လုံခြုံရေးအရင်းအမြစ်တွေနှင့် အခြား အရင်းအမြစ်တွေက ရိုက်တာသတင်းဌာနကိုပြောပါတယ်။ အဆိုပါပေဂျာတွေဟာ လများစွာကတည်းက ဟက်ဇ်ဘိုလာအဖွဲ့က တင်သွင်းထားတာဖြစ်ပါတယ်။

သေဆုံးသူ ၁၂ဦးထဲမှာ ကလေးငယ်နှစ်ဦး ပါဝင်တယ်လို့ လက်ဘနွန်ကျန်းမာရေးဝန်ကြီး ဖီရပ်စ်အာဘီယတ်က ပြောပါတယ်။ အဲဒီတိုက်ခိုက်မှုကြောင့် ဟက်ဇ်ဘိုလာတိုက်ခိုက်ရေးသမား အများအပြားနှင့် လက်ဘနွန်ဆိုင်ရာ အီရန်သံအမတ်ကြီးအပါအဝင် လူပေါင်း ၃၀၀၀ ခန့်နီးပါး ဒဏ်ရာရရှိသွားပါတယ်။  အီရန်ကျောထောက်နောက်ခံပြုထားတဲ့ ဟက်ဇ်ဘိုလာအဖွဲ့က အစ္စရေးကို လက်တုန့်ပြန်မယ်လို့ ကတိပြုလိုက်ပါတယ်။ ဒါပေမယ့် အစ္စရေးစစ်တပ်ကတော့ ပေါက်ကွဲ မှုအပေါ် မှတ်ချက်ပေးဖို့ ရိုက်တာသတင်းဌာနကိုငြင်းဆန်ပါတယ်။

ဂျော်ဒန်နိုင်ငံခြားရေးဝန်ကြီးအာမန်ဆာဖာဒီက အစ္စရေးနိုင်ငံသည် မျက်နှာစာများစွာတွင် အန္တရာယ်များလှသော အရှိန်မြှင့် လုပ်ဆောင်မှုများလုပ်ဆောင်ခြင်းဖြင့် အရှေ့အလယ်ပိုင်းတွင် ဒေသဆိုင်ရာ စစ်ပွဲတစ်ခုဖြစ်လုနီးပါး အခြေအနေတစ်ခုကို တွန်းပို့နေတယ်လို့ ဝေဖန်ပြောကြားပါတယ်။

ယခုလို ကြံစည်မှုဟာ လပေါင်းများစွာကတည်းက ကြိုတင်ဆောင်ရွက်ခဲ့ပုံရတယ်လို့ သတင်းအရင်းအမြစ်များစွာက ရိုက်တာကို ပြောပါတယ်။

သူတို့ဟာ Gold Apollo  ကနေ ပေဂျာ ၅၀၀၀ ခု မှာယူခဲ့တယ်လို့ လက်ဘနွန်လုံခြုံရေး အကြီးတန်းအရင်းအမြစ်တစ်ခုက ပြောပြပါတယ်။  ယခုနှစ်စောစောပိုင်းမှာ အဲဒီပေဂျာတွေ လက်ဘနွန်ကို ရောက်ရှိလာတာဖြစ်ပါတယ်။

ဒီပစ္စည်းတွေက ကျွန်တော်တို့ထုတ်တာမဟုတ်ဘူး။ ကျွန်တော်တို့တံဆိပ်တပ်ထားတာ လို့ အဲဒီကုမ္ပဏီက ပြောပါတယ်။

အဲဒီပေဂျာဟာ AR-924 အမျိုးအစားဖြစ်ပြီး ဟက်ဇ်ဘိုလာတိုက်ခိုက်ရေးသမားတွေဟာ အစ္စရေးခြေရာခံလိုက်လို့မရအောင် အတွက် ပေဂျာတွေသုံးခဲ့တာဖြစ်ပါတယ်။

ဒါပေမယ့် အဲဒီပေဂျာတွေကို အစ္စရေးထောက်လှမ်းရေးက ထုတ်လုပ်နေတဲ့အဆင့်မှာတင် ပြုပြင်ပြောင်းလဲခဲ့တာလို့ အကြီးတန်း လက်ဘနွန်အရင်းအမြစ်ကပြောပါတယ်။

“ မောဆက်ဟာ  ကိရိယာအတွင်းကို ဘုတ်ပြားတစ်ခုစိုက်ခဲ့တယ်။ အဲဒါက ကုတ်ဒ်သင်္ကေတတစ်ခုဝင်လာရင် ပေါက်ကွဲအောင် လုပ်ပေးထားတာဖြစ်တယ်” လို့ သူကဆက်ပြောပါတယ်။

ပေဂျာထဲမှာ ပေါက်ကွဲပစ္စည်း (၃)ဂရမ်အထိသာ ထည့်ထားလို့ လပေါင်းများစွာအထိ ဟက်ဇ်ဘိုလာတွေ မသိရှိခဲ့တာပါ။

အစ္စရေးရဲ့ မောဆက်ဟာ အဲဒီလိုရှုပ်ရှုပ်ထွေးထွေးစစ်ဆင်ရေးတွေမှာ နာမည်ကျော်ပါတယ်။ ၁၉၆၀ပြည့်နှစ်တုန်းက သူဟာ နာဇီထိပ်တန်းအရာရှိ အက်ဒေါ့အိုက်မန်းကို အဓ္ဓမခေါ်ယူခဲ့တာမျိုးရှိခဲ့ပါတယ်။ ၂၀၂၀ပြည့်နှစ်တုန်းကလည်း ဆိုက်ဘာတိုက်ခိုက်မှုနှင့် အီရန်ရဲ့ထိပ်တန်းသိပ္ပံပညာရှင်တစ်ဦးကို အဝေးထိန်းစက်သေနတ်ဖြင့် သတ်ဖြတ်မှုမှာ မောဆက်ကို အပြစ်တင်ခဲ့ကြပါတယ်။

Source Reuters

အငြိမ်းစားများကို အလုပ်ပြန်လည်ခန့်ထားရေး အသက်တိုးမြှင့်ခြင်းအစီအစဉ် စင်္ကာပူနိုင်ငံသားအများစုထောက်ခံ

စင်္ကာပူနိုင်ငံသားအများစုက အလုပ်ပြန်လည်ခန့်ထားရေး အသက်အရွယ် တိုးမြှင့်ခြင်းအပေါ် ထောက်ခံနေကြကာ ပင်စင်ယူရမယ့် အရွယ်မှာ အလုပ်လုပ်ကိုင် လှုပ်ရှားချင်နေကြပြီး လုပ်ငန်းခွင်မှာ လုပ်သားအင်အား နည်းပါးတဲ့ပြဿနာကို ကူညီဖြေရှင်းလိုကြပါတယ်။
#World_News
Published 18 September 2024
#အသက်တိုးမြှင့်ခြင်း #စင်္ကာပူနိုင်ငံသားများထောက်ခံ
#YMG #Yangon_Times #Yangon_Media_Group

#Daily_News
Published 18 September 2024

၁။ အိန္ဒိယနိုင်ငံမှ ကယ်ဆယ်ရေးပစ္စည်းတန်ချိန်(၃၂) တန်နှင့် အိန္ဒိယတပ်မ‌တော်မှ ကယ်ဆယ်ရေးပစ္စည်း(၂၁)တန် မြန်မာနိုင်ငံသို့လှူဒါန်း 

၂။ ဟိုပုန်းနှင့်လွိုင်လင်မြို့နယ်များရှိ ရေဘေးသင့်ကျေးရွာများမှ လူဦးရေ ၅၀ခန့်ပျောက်ဆုံး၊ အကူအညီများလိုအပ်နေ

၃။ ရေဘေးသင့်ပြည်သူများအတွက်  မြန်မာ့ဘောလုံးမိသားစုမှ ဆက်လက်လှူဒါန်းမည်

၄။ အငြိမ်းစားများကို အလုပ်ပြန်လည်ခန့်ထားရေး အသက်တိုးမြှင့်ခြင်းအစီအစဉ် စင်္ကာပူနိုင်ငံသားအများစုထောက်ခံ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အခုရက်ပိုင်းမှာ ရန်ကုန်၊ မွန်၊ ကရင်၊ တနင်္သာရီ၊ ပဲခူးနှင့်‌‌ဒေသအချို့မှာ မိုးပြန်များပြီး မိုးသက်လေပြင်းတွေတိုက်ခတ်နိုင်တယ်လို့ သိရပါတယ်။
#Local_News
Published 18 September 2024
#လေပြင်းများတိုက်ခတ် #ပဲခူးနှင့်‌‌ဒေသအချို့
#YMG/tthl #Yangon_Times

သွင်းကုန်လုပ်ငန်းရှင်‌တွေအတွက် FX Trading Platform မှ တစ်ဆင့်ထိုင်းဘတ် ၁၀ သန်း‌ကိုဒီက‌ နေ့မှာ ထုတ်ရောင်းသွားမယ်လို့ မြန်မာနိုင်ငံဗဟိုဘဏ်က ထုတ်ပြန်ထားပါတယ်။
#Local_News
Published 18 September 2024
#သွင်းကုန်လုပ်ငန်းရှင်များ #ဗဟိုဘဏ်ထုတ်ရောင်း
#YMG/NN #Yangon_Times

ရေဘေးသင့်ပြည်သူများအတွက်  မြန်မာ့ဘောလုံးမိသားစုအဖွဲ့မှ မိသားစုတစ်စုကို ဆန်၊ ဆီ ၊ ဆား၊ ငါးသေတ္တာ၊ ဓါတ်ဆားနဲ့ဆေးဝါး၊ မြန်မာအသင်း ဂျာစီ(၁)၊ ဆေးဝါးနဲ့ ရိက္ခာခြောက်တွေ ပါဝင်တဲ့အိတ်တွေကို မိသားစု (၁၂၀၀) အတွက်သွားရောက်ပံ့ပိုးလှူဒါန်းခဲ့တယ်လို့ သိရပါတယ်။
#Local_News
Published 18 September 2024
#မြန်မာ့ဘောလုံးမိသားစု #ရေဘေးသင့်ပြည်သူများ
#YMG/tthl #Yangon_Times

ရှမ်းပြည်နယ်၊ တောင်ပိုင်းဟိုပုန်းနဲ့ လွိုင်လင်မြို့နယ်များရှိ ရေဘေးသင့်ကျေးရွာတွေမှာ လက်ရှိအချိန်အထိ လူဦးရေ ၅၀ကျော်ပျောက်ဆုံးနေပြီး လမ်းတံတားပြင်ဆင်တာအပါအဝင် အကူအညီတွေလိုအပ်နေတယ်လို့ ပအိုဝ်းဒေသ သဘာဝဘေးနှင့် လူမှုကူညီရေးအသင်း(ဗဟို)က သိရပါတယ်။
#Local_News
Published 18 September 2024
#လူဦးရေ၅၀ကျော်ပျောက်ဆုံး #ဟိုပုန်းနှင့်လွိုင်လင်
#YMG/NN #Yangon_Times

အိန္ဒိယနိုင်ငံမှ သဘာဝဘေးအန္တရာယ် ကယ်ဆယ်ရေးပစ္စည်းတန်ချိန်(၃၂) တန်နဲ့အိန္ဒိယတပ်မ‌တော်မှ ကယ်ဆယ်ရေးပစ္စည်း (၂၁)တန် လှူဒါန်းခဲ့ပြီး ကယ်ဆယ်ရေးပစ္စည်း‌တွေကိုမြန်မာနိုင်ငံအလယ်ပိုင်းနဲ့ မြောက်ပိုင်းဒေသ‌တွေအပါအဝင် ရေကြီးရေလျှံမှုဒဏ်ခံခဲ့ရတဲ့ဒေသတွေကို  ဖြန့်ဖြူးဖို့ရှိတယ်လို့ သိရပါတယ်။
#Local_News
Published 18 September 2024
#ကယ်ဆယ်ရေးပစ္စည်း #မြန်မာနိုင်ငံသို့လှူဒါန်း
#YMG/tthl #Yangon_Times