#Local_News
Published 20 September 2024

▪️ မင်္ဂလာတောင်ညွန့်မြို့နယ်၊ ယုဇနပလာဇာ နောက်ဘက်ရှိ စံပါယ်လမ်း၌  ယနေ့မနက်အစောပိုင်း၌ မီးလောင်မှုတစ်ခုဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ စက်တင်ဘာ၂၀ ရက်နေ့၊ ၁ နာရီ ၁၂ မိနစ်အချိန်ခန့်က  ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ သာယာကုန်းရပ်ကွက်၊ စံပယ်လမ်းတွင် မီးလောင်မှုဖြစ်ပွားခဲ့ ကြောင်း သိရသည်။

▪️ "ပလာဇာရဲ့နောက်ဘက်ကလမ်းမှာမီး‌ လောင်မှုဖြစ်ပွားတာပါ၊ မီးပျက်ပြီးပြန်လာတဲ့အချိန်မှာလောင်တာ၊ သိပ်မကြာဘူးငြိမ်းသွားပါတယ်"ဟု နှင်းဆီလမ်းတွင်နေထိုင်သူတစ်ဦးက ပြောသည်။

▪️ အဆိုပါ  သတင်းရရှိသဖြင့် မင်္ဂလာတောင်ညွန့်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ တာမွေမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီးဖြင့် ထွက်ခွာငြှိမ်းသတ်ခဲ့ရာ ၁ နာရီ ၃၀မိနစ်အချိန်တွင် မီးငြိမ်းခဲ့ကြောင်း သိရသည်။

▪️ ယင်းမီးလောင်မှု‌ ကြောင့်ဆုံးရှုံးမှုတန်ဖိုးအပါအဝင် မီးလောင်မှု ဖြစ်စဥ်များနှင့်ပတ်သက်၍ သက်ဆိုင်ရာမှ အသေးစိတ်စုံစမ်းလျှက်ရှိကြောင်း သိရသည်။

#YMG/NN #Yangon_Times

#World_Health
Published 20 September 2024

▪️ ကိုဗစ်-၁၉ ရောဂါဖြစ်စေတဲ့ ကိုရိုနာဗိုင်းရပ်စ် မျိုးဗီဇကွဲအားလုံးကို တိုက်ဖျက်နိုင်မယ့် SC27 ပဋိပစ္စည်းတစ်မျိုးကို သုတေသီများ တွေ့ရှိခဲ့ကြပါတယ်။

▪️ ပဋိပစ္စည်းဆိုတာက အန္တရာယ်ပြု ဗိုင်းရပ်စ်တွေ ဘက်တီးရီးယားတွေကို ကူညီတိုက်ထုတ်ပေးဖို့ ကိုယ်ခံအားစနစ်မှ ထုတ်လုပ်လိုက်တဲ့ ပရိုတိန်းတစ်မျိုး ဖြစ်ပါတယ်။

▪️ ခန္ဓာကိုယ်ထဲ ကူးစက်ဝင်ရောက်လာသူတွေကို မှတ်သားထားပြီး ထိုပိုးမွှားများကို တွယ်ဆက်ကာ ချေဖျက်ပေးပြီးတော့ လူကိုဖျားနာခြင်းမှ ကာကွယ်ပေးပါတယ်။

▪️ ကိုရိုနာဗိုင်းရပ်စ်ဖြစ်တဲ့ SARS-CoV-2 က စပိုက်ခ်ပရိုတိန်းကို အသုံးပြုပြီး လူ့ခန္ဓာကိုယ်ဆဲလ်တွေကို ကူးစက်တာဖြစ်ပါတယ်။

▪️ ထိုအခါမှာ ပဋိပစ္စည်းတွေက စပိုက်ခ်ပရိုတိန်းကို ချိတ်ဆက်ပြီး ဗိုင်းရပ်စ်ပျံ့နှံ့ခြင်းမှ ကာကွယ်ပေးပါတယ်။

▪️ သုတေသနအဖွဲ့က ကာကွယ်ဆေးထိုးပြီးနောက် ရောဂါကူးစက်ခဲ့တဲ့ လူနာ ၄ ဦးရဲ့ သွေးရည်ကြည်ထဲမှ SC27 ကို ခွဲထုတ်လိုက်ကြပါတယ်။

▪️ ဒီနောက် SC27 က ကိုဗစ်-၁၉ မျိုးဗီဇကွဲအားလုံးရဲ့ စပိုက်ခ်ပရိုတိန်းကို သိရှိတိုက်ဖျက်တဲ့အတွက် ဗိုင်းရပ်စ် ဆင့်ကဲပြောင်းလဲမှုများကို တိုက်ထုတ်နိုင်မယ့် အရာဖြစ်လာကြောင်း တက္ကဆပ်တက္ကသိုလ်မှ သုတေသီများ ဖော်ပြခဲ့ပါတယ်။

▪️ ဒီတွေ့ရှိမှုကနေ ပိုမိုအားကောင်းတဲ့ ကိုဗစ်-၁၉ ကာကွယ်ဆေးတွေနဲ့ ကုသနည်းတွေ ထွက်ပေါ်လာဖို့ မျှော်လင့်ရပါတယ်။

▪️ SARS-CoV-2 လိုမျိုး လျင်မြန်စွာသန္ဓေပြောင်းတဲ့ ဗိုင်းရပ်စ်တွေထံမှ ကာကွယ်နိုင်မယ့် စွယ်စုံရကာကွယ်ဆေး ထုတ်လုပ်ဖို့ ရည်မှန်းချက်အကြောင်းကို ဦးဆောင်သုတေသီ ဝီလီယံဗော့စ်က အလေးပေးပြောသွားပါတယ်။

▪️ ဒါ့အပြင် ကာကွယ်ဆေးထိုးခြင်းရော ရောဂါကူးစက်ခြင်းရောကနေ ရတဲ့ ပေါင်းစပ်ကာကွယ်နိုင်စွမ်းက တစ်မျိုးထဲထက် ပိုမိုကာကွယ်နိုင်စွမ်း ရှိတယ်လို့လည်း ဖော်ပြသွားပါတယ်။

#Source: India Today

#Local_News
Published 20 September2024

▪️ အိန္ဒိယနိုင်ငံရောက် မြန်မာနိုင်ငံသားများ၏ နိုင်ငံကူးလက်မှတ် သက်တမ်းတိုးခ တိုးမြှင့်ကောက်ခံမည်ဖြစ်ကြောင်း မြန်မာသံရုံး၊ နယူးဒေလီ၏  ထုတ်ပြန်ထားချက်အရ သိရသည်။

▪️ မြန်မာနိုင်ငံသားများအနေဖြင့် ယခင်ကနိုင်ငံကူးလက်မှတ်သက်တမ်းတိုးခြင်းအတွက် အိန္ဒိယရူပီး၂၉၄၀ ပေးဆောင်နေရခြင်းဖြစ်သည်။

▪️ ထို့အပြင် ပျောက်ဆုံးဒဏ်ကြေးအနေဖြင့် အမေရိကန်ဒေါ်လာ ၁၀၅ ဒေါ်လာ၊ သက်တမ်းလွန် ဒဏ်ကြေးအနေဖြင့် အမေရိကန်ဒေါ်လာ ၁၅ ဒေါ်လာစသည်ဖြင့်နှုန်းထားများသတ်မှတ်ကောက်ခံ၍ ဆောင်ရွက်ပေးလျက်ရှိခြင်းဖြစ်ကြောင်း သိရသည်။

▪️ ယခုအခါ စက်တင်ဘာလ ၁ ရက်မှစတင်ပြီးမြန်မာနိုင်ငံကူးလက်မှတ် သက်တမ်းတိုးခြင်းနှင့် စပ်လျဉ်းပြီး စာအုပ်တစ်အုပ်လျှင် အိန္ဒိယရူပီး ၃၆၀၀ ကို ပြောင်းလဲတိုးမြှင့်ကောက်ခံသွားမည်ဖြစ်ပြီး ပျောက်ဆုံး ဒဏ်ကြေးနှင့် သက်တမ်းလွန်ဒဏ်ကြေးမှာမူ ပြောင်းလဲခြင်းမရှိကြောင်း သိရသည်။

#YMG/NN #Yangon_Times

#World_Science
Published 20 September 2024
▪️ အံ့ဩဖွယ်ရာ တွေ့ရှိမှုအနေဖြင့် နက္ခတ္တပညာရှင်များဟာ မျက်နှာပြင်မှာ ဓာတ်ငွေ့ပူဖောင်းများ အမြှုပ်ပျံနေတဲ့ ဂြိုဟ်တစ်ခုကို တွေ့ရှိခဲ့ကြပါတယ်။

▪️ R Doradus လို့အမည်ပေးထားတဲ့ ဧရာမဂြိုဟ်နီကြီးဟာ နေထက် အချင်း ၃၅၀ ဆနီးပါးကြီးမားပါတယ်။

▪️ ဆူပွက်နေတဲ့ ဧရာမဂြိုဟ်ကြီးဟာ ကမ္ဘာဂြိုဟ်ကနေဆိုရင် အလင်းနှစ် ၁၈၀ ခန့်ကွာဝေးပြီး ဒိုရေဒို တောင်ပိုင်းနက္ခတ်တာရာမှာ တည်ရှိပါတယ်။

▪️ တကယ့်ဂြိုဟ်တစ်ခုရဲ့ မျက်နှာပြင်မှာ ပူဖောင်းထနေတာကို ပထမဆုံးအကြိမ် မြင်ဖူးတာဖြစ်တယ်လို့ ဦးဆောင်သုတေသီ ဝေါက်တာဗလမ်းမင်းစ်က ဖော်ပြထားပါတယ်။

▪️ ဒီပူဖောင်းတွေကို ALMA မှန်ပြောင်းဖြင့် ဖမ်းယူတွေ့ရှိခဲ့တာ ဖြစ်ပါတယ်။

▪️ ယခင်ကလည်း ဂြိုဟ်တွေပေါ်မှာ ပူဖောင်းထနေတာကို တွေ့ရှိဖူးပေမယ့် ALMA ဖြင့်ကြည့်ရှုရာမှာ လှုပ်ရှားပုံများကို တိတိကျကျ မြင်တွေ့ရပါတယ်။

▪️ နေအရွယ်အစားထက် ၇၅ ဆလောက် ပိုမြင်ရတဲ့အပြင် ဘယ်လောက်မြန်မြန် ရွေ့လျားလဲဆိုတာကိုပါ ပထမဆုံးအနေဖြင့် တွေ့ရှိရတယ်လို့ ဆိုပါတယ်။

▪️ ဖမ်းယူရရှိတဲ့ ပုံရိပ်များအရ ဆူပွက်နေတဲ့ ဓာတ်ငွေ့ပူဖောင်းတွေ ပေါ်လာပြီး မျက်နှာပြင်အောက်သို့ လျင်မြန်စွာ ပျောက်ကွယ်သွားကြပါတယ်။

▪️ ထိုပူဖောင်းတွေဟာ တစ်လတစ်ကြိမ်စက်ဝန်းအတိုင်း ရွေ့လျားနေတာဖြစ်ပြီး နေပေါ်မှာရွေ့လျားတာထက် ပိုမိုမြန်ဆန်နေပါတယ်။

▪️ ဒီလောက်ကွာဝေးတဲ့ ဂြိုဟ်မျက်နှာပြင်ပေါ်က ဖြစ်နေတဲ့အရာတွေကို တိတိကျကျ တွေ့ရှိနိုင်တာဟာ အံ့ဩဖွယ်ရာကောင်းလှတယ်လို့ ဘွဲ့ရသုတေသီ ဘက်ဇက်ဘော့ဂျ်နိုဒီအာဘက်က ပြောသွားပါတယ်။

#Source: WION

အီရတ်၌အမေရိကန်တပ်များ စစ်ရာဇဝတ်မှုများစွာ ကျူးလွန်ခဲ့သည့်အထောက်အထားများထွက်ပေါ်လာ

အမေရိကန် စစ်ရာဇဝတ်မှု အထောက်အထားသစ်များကြောင့် အီရတ်နိုင်ငံ အသိုင်းအဝိုင်းကြား ဒေါသထွက်စရာဖြစ်လာပြီး စစ်ဘေးသင့်နိုင်ငံမှာ နိုင်ငံရပ်ခြားမှ စစ်တပ်များချထားခြင်း အဆုံးသတ်ရန် အပြင်းအထန် တောင်းဆိုလာကြပါတယ်။
#World_Crime
Published 19 September 2024
#အီရတ်၌အမေရိကန်တပ် #စစ်ရာဇဝတ်မှု
#YMG #Yangon_Times #Yangon_Media_Group

#Daily_News
Published 19 September 2024

၁။ အစားအစာ‌များ အစာအဆိပ်မသင့်အောင်ချက်ပြုတ်ပြီး‌(၄)နာရီအတွင်း စားသုံးနိုင်အောင် လှူဒါန်းသင့်

၂။ အင်းလေးဒေသရှိ ဟိုတယ်အားလုံးနှင့် နေအိမ်များရေဆက်မြုပ်၊ ဖောင်တော်ဦးအနောက်ဘက်ကျေးရွာအချို့ အကူအညီမရောက်သေး

၃။ ရွှေကျင်မြစ်နှင့်‌ စစ်တောင်းမြစ်ရေကြီးမည်ဖြစ်၍ မြေနိမ့်ပိုင်း‌နေဒေသခံများသတိပြုနေထိုင်ရန် သတိပေး

၄။ အီရတ်၌အမေရိကန်တပ်များ စစ်ရာဇဝတ်မှုများစွာကျူးလွန်ခဲ့သည့် အထောက်အထားများထွက်ပေါ်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မုန်တိုင်းဆိုးလစ်ခ်၏လေပွေလှိုင်းများ မြန်မာနိုင်ငံအရှေ့ပိုင်းဒေသများ စတင်ဖြတ်ကျော်တော့မည်
#Local_News
Published 19 September 2024
#မုန်တိုင်းဆိုးလစ်ခ် #လေပွေလှိုင်း
#YMG/tthl #Yangon_Times

ရေဘေးသင့် ဒေသတွေကို လက်ရှိကာလပေါက်ဈေးထက်၄၀ ရာခိုင်နှုန်းလျော့ချပြီး အိမ်မိုးသွပ်တွေရောင်းချပေးသွားမယ်လို့ မြန်မာနိုင်ငံဆောက်လုပ်ရေးဆိုင်ရာလုပ်ငန်းရှင်များအသင်းချုပ်(MCEF)က သိရပါတယ်။
#Local_News
Published 19 September 2024
#သွပ်အမိုးများရောင်းချ #ဈေး၄၀ရာခိုင်နှုန်းလျော့ချ
#YMG/NN #Yangon_Times

ရွှေကျင်မြစ်ရေဟာ နောက်တစ်ရက်အတွင်း စိုးရိမ်ရေအမှတ်ကို ရောက်ရှိတော့မှာဖြစ်လို့ ရွှေကျင်မြို့နယ်ရှိ  မြေနိမ့်ပိုင်းနေထိုင်ကြသူတွေအနေနဲ့  အထူးသတိပြုနေထိုင်ဖို့နဲ့ ရွေ့ပြောင်းဖို့ လိုအပ်သူတွေအနေနဲ့ ရွေ့ပြောင်းနေထိုင်ကြဖို့ သတိပေးထားပါတယ်။
#Local_News
Published 19 September 2024
#စစ်တောင်းမြစ်ရေကြီး #စိုးရိမ်ရေအမှတ်ကိုရောက်ရှိ
#YMG/tthl #Yangon_Times

ရှမ်းပြည်နယ်တောင်ပိုင်း၊ အင်းလေးဒေသရှိ ကျေးရွာတွေနဲ့ ဟိုတယ်အားလုံးအပြင် ညောင်ရွှေ အနောက်ဘက်က ဟိုတယ်တွေလည်း ရေဆက်လက်နစ်မြုပ်နေပြီး လက်ရှိအချိန်အထိ ဖောင်တော်ဦးအနောက်ဘက် ကျေးရွာအချို့ အကူအညီတွေမရောက်သေးဘူးလို့ ဒေသခံတွေဆီက သိရပါတယ်။
#Local_News
Published 19 September 2024
#ကျေးရွာအချို့အကူအညီမရောက်သေး #အင်းလေးဒေသ
#YMG/NN #Yangon_Times

အစားအစာ‌တွေ အစာအဆိပ်မသင့်အောင် ချက်ပြုတ်ပြီး‌(၄)နာရီအတွင်း စားသုံးနိုင်‌အောင် လှူဒါန်းသင့်တယ်လို့ ကျန်းမာရေးဝန်ကြီးဌာနမှ သိရပါတယ်။
#Local_News
Published 19 September 2024
#အစာအဆိပ်မသင့် #(၄)နာရီအတွင်းစားသုံးနိုင်
#YMG/tthl #Yangon_Times

#Local_News
Published 19 September 2024

▪️ ရေကြီး၊ ရေလျှံမှုများကြောင့် စာသင်ကျောင်းများတွင် တင်ရှိနေသည့် နှုန်းများရှင်းလင်းရေးများဆောင်ရွက် လျှက်ရှိကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ထိုသို့လုပ်ဆောင်ရာတွင်  ယနေ့ စက်တင်ဘာ ၁၉ရက်နေ့တွင် မန္တလေးတိုင်းဒေသကြီး၊ တံတားဦးမြို့နယ်၊ အမှတ်(၂)ရပ်ကွက်၊ ဆုံကုန်းရပ်ရှိ အ.မ.က စာသင်ကျောင်း၊ နေပြည်တော်၊ ပုဗ္ဗသီရိမြို့နယ်၊ ရွာသစ်အ.ထ.က စာသင်ကျောင်းနှင့် ဆင်တဲကြီးကျေးရွာ၊ အ.မ.က(ဆင်တဲကြီး) စာသင်ကျောင်း၊ ပဲခူးတိုင်းဒေသကြီး၊ တောင်ငူမြို့နယ်၊ မြို့မအလက(ခွဲ)ကျောင်း၊ မန္တလေးတိုင်းဒေသကြီး၊ သာစည်မြို့နယ်၊ မောင်းမဆည်ကျေးရွာရှိ စာသင်ကျောင်း၊ ပုဗ္ဗသီရိမြို့နယ်၊ အေးမြင့်သာယာကျေးရွာ၊ ကျေးလက်ကျန်းမာရေးဌာန၊ တပ်ကုန်းမြို့နယ်၊ အလကခွဲဘုရင့်နောင်‌နှင့် ပျဉ်းမနားမြို့နယ်၊ (အ.ထ.က)သကြားစက်တွင် ရေဝင်ရောက်မှုကြောင့် တင်ကျန်ခဲ့သောနုန်းများ၊ ရွှံ့နွံများအား ရှင်းလင်းဆောင်ရွက်ခဲ့ကြောင်း သိရသည်။

▪️ အဆိုပါ ကဲ့သို့ဆောင်ရွက်ရာတွင် သက်ဆိုင်ရာမြို့နယ်မီးသတ်စခန်းများမှ  သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရှင်းလင်းရေးလုပ်ငန်းများ ဆောင်ရွက်ခဲ့ခြင်းဖြစ်ကြောင်း သိရသည်။

▪️ အဆိုပါ သဘာဝဘေး အန္တရာယ်ကြောင့် ပိတ်ထားရသည့် ကျောင်းများကို ယခုလကုန်တွင် ပြန်ဖွင့်နိုင်ရန် ကြိုးစားနေပြီး  ပိတ်ထားရသည့် စာသင်ကျောင်းများဖွင့်လှစ်ရာတွင် စနေ၊ တနင်္ဂနွေများ၌ အစားထိုးပြန်တက်ခြင်း၊ ပိတ်ရက်များတွင် အစားထိုးပြန်တက်ခြင်းများ ပြုလုပ်ခြင်းများအပြင် စာမေးပွဲဖြေရမည့်အချိန်၌ ၎င်းတို့သင်ကြားပြီးစီးသည်အထိသာ စာမေးပွဲစစ်ပေးမည်ဖြစ်ကြောင်း နစက ဥက္ကဋ္ဌကပြောကြားထားသည်။

#YMG/NN #Yangon_Times