#World_News
Published 10 September 2026
■ အမေရိကန်သမ္မတ ဒေါ်နယ်ထရမ့်ရဲ့ အကြီးတန်း အိမ်ဖြူတော် အကြံပေးများက အီရန်နဲ့ဖြစ်ပွားနေတဲ့ ပဋိပက္ခဟာ ၂၀၂၉ ခုနှစ် ဇန်နဝါရီလအထိ ကြန့်ကြာသွားနိုင်ကြောင်း ထရမ့်ကို အထူးသတိပေးခဲ့ပါတယ်။
■ ယခုသုံးသပ်ချက်ဟာ ကြားဖြတ်ရွေးကောက်ပွဲအပြီး စစ်ပွဲချက်ချင်းပြီးဆုံးမယ်လို့ ထရမ့် လူသိရှင်ကြား ပြောဆိုထားချက်နဲ့ ဆန့်ကျင်ဘက် ဖြစ်နေပါတယ်။
■ အီရန်အစိုးရက အမေရိကန်ရဲ့ ဖိအားပေးမှုများကို ထင်မှတ်ထားတာထက် ပိုမိုကြာရှည်စွာ တုံ့ပြန်နိုင်စွမ်းရှိကြောင်း အကြံပေးများက အစည်းအဝေးများအတွင်း ထရမ့်ကို ပြောကြားခဲ့ပါတယ်။
■ ကာကွယ်ရေးဝန်ကြီး ပီ့တ်ဟက်ဂ်ဆက်သ်က ရေရှည် ပဋိပက္ခဖြစ်ပွားမှုအတွက် ပြင်ဆင်တဲ့အနေဖြင့် အရှေ့အလယ်ပိုင်းဒေသရှိ စစ်အင်အား တပ်ဖြန့်ထားမှုကို ၂၀၂၇ ခုနှစ်အထိ သက်တမ်းတိုးလိုက်ပြီ ဖြစ်ပါတယ်။
■ အမေရိကန် အစိုးရက ကုန်းကြောင်းစစ်ပွဲ ဆင်နွှဲမယ့်အစား ရေကြောင်းပိတ်ဆို့မှုနဲ့ စီးပွားရေးဒဏ်ခတ်ပိတ်ဆို့မှုများကို အဓိကအားကိုး အသုံးပြုနေပါတယ်။
■ ဟော်မုဇ်ရေလက်ကြား ပတ်ဝန်းကျင်မှာ တိုက်ပွဲများ ဆက်လက်ပြင်းထန်နေပြီး လတ်တလော တိုက်ခိုက်မှုများကြောင့် ရေနံတင်သင်္ဘောများ ပျက်စီးခြင်း၊ စစ်ဘက်ဆိုင်ရာ စခန်းများ ထိမှန်ခြင်းနဲ့ အဓိက ရေကြောင်းကုန်သွယ်ရေး လမ်းကြောင်းများ အနှောင့်အယှက်ဖြစ်ရခြင်းတို့ ကြုံတွေ့နေရပါတယ်။
■ ဟော်မုဇ်ရေလက်ကြားမှတဆင့် ရေနံစီးဆင်းမှုများ အလွန်အမင်း ထိခိုက်ကျဆင်းသွားခဲ့ပြီး ရေနံစိမ်းစျေးနှုန်းများမှာ တစ်စည်ကို ဒေါ်လာ ၁၀၀ အထက်သို့ ထပ်မံမြင့်တက်သွားခဲ့ပါတယ်။
■ ယခုကဲ့သို့ ရေကြောင်းပိတ်ဆို့တဲ့ မဟာဗျူဟာက ပဋိပက္ခကို မြန်မြန်ဆန်ဆန် ပြတ်ပြတ်သားသား ပြီးဆုံးသွားစေရန် မစွမ်းဆောင်နိုင်ကြောင်း ကျွမ်းကျင်သူများနဲ့ အစိုးရတာဝန်ရှိသူများက သတိပေးထားကြပါတယ်။
Source: Reuters
