#Daily_News
Published 25 March 2026

၁။‌ ‎ယဉ်ကျေးလိမ္မာစာမေးပွဲ ဆု‌ပေးပွဲအခမ်းအနားမေလ၌ကျင်းပမည်

‌‎၂။ ‌‌‌‌‌‌‌‌‌‌‌ပြည်တွင်းလေကြောင်းခရီးစဉ်များအားလုံး ယနေ့ပြန်လည်ပြေးဆွဲ

‎၃။‌‌‎ ‌‌‌‌‌‌‌‌‌မော်တော်ယာဉ်သုံးသောင်းကျော်ခန့်အားနေ့စဉ် သဘာဝဓာတ်‌ငွေ့ရောင်းချပေးနေ

၄။‎ ပေကျင်းရှိလူသားပုံသဏ္ဍာန်စက်ရုပ်အချက်အလက်လေ့ကျင့်ရေးစင်တာ၌ ထိတွေ့မှုအာရုံခံလေ့ကျင့်ရေးတ
တိယအဆင့်စတင်တော့မည်... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 25 March 2026

■ ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ မြန်မာနိုင်ငံအတွင်းသို့ နယ်စပ်လမ်းကြောင်းများမှ တရားမဝင် ဝင်ရောက်လာပြီး ကရင်ပြည်နယ်၊ မြဝတီ-ရွှေကုက္ကိုလ် နယ်မြေတွင် တရားမဝင် အွန်လိုင်းလောင်းကစားမှုများ၊ အွန်လိုင်းလိမ်လည်မှုများ၊ ဒုစရိုက်မှုများ ကျူးလွန်ခဲ့သည့် တောင်ကိုးရီးယားနိုင်ငံသား တစ်ဦးအား မြန်မာ-ထိုင်း အမှတ်(၂)ချစ်ကြည်ရေး တံတားမှတစ်ဆင့် သက်ဆိုင်ရာနိုင်ငံသို့ လူသားချင်းစာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတို့ကိုရှေးရှု၍ ဥပဒေလုပ်ထုံးလုပ်နည်းများနှင့်အညီ ထပ်မံလွှဲပြောင်းပေးခဲ့ကြောင်း သိရသည်။

■ အဆိုပါ ပြည်နှင်လွှဲပြောင်းပေးမှုလုပ်ငန်းများ စနစ်တကျရှိစေရေးနှင့် အဆင်ပြေချောမွေ့ စေရေးအတွက် မြဝတီခရိုင် စီမံခန့်ခွဲရေးနှင့်အုပ်ချုပ်ရေးကော်မတီအဖွဲ့ဝင် ဒုတိယဗိုလ်မှူးကြီး စံရွှေနှင့် တာဝန်ရှိသူများက ဌာနဆိုင်ရာများနှင့်တွေ့ဆုံကာ စာရင်းဇယား၊ အချက်အလက်များ ကိုက်ညီမှုရှိရေးနှင့် ပြည့်စုံမှန်ကန်မှုရှိရေးတို့ကို လိုက်လံကြည့်ရှုစစ်ဆေးပြီး လိုအပ်သည်များ ပေါင်းစပ်ညှိနှိုင်း ဆောင်ရွက်ပေးခဲ့ကြောင်းသိရသည်။

■ ထိုသို့ ပြည်နှင်လွှဲပြောင်းပေးအပ်ရာတွင် လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန၊ ခရိုင်ဦးစီးမှူး ဒုတိယညွှန်ကြားရေးမှူး ဦးကျော်ကျော်သန်းနှင့် တာဝန်ရှိသူများ၊ ထိုင်းနိုင်ငံဆိုင်ရာ တောင်ကိုးရီးယား သမ္မတနိုင်ငံသံရုံးမှ Counsellor Mr. Wuchan Rhee နှင့် တာဝန်ရှိသူများ၊ ထိုင်းနိုင်ငံ တာ့ခ်ခရိုင် လူဝင်မှုကြီးကြပ်ရေးဦးစီးဌာနမှ တာဝန်ရှိသူများတက်ရောက်ခဲ့ကြပြီး မြန်မာနိုင်ငံမှ တာဝန်ရှိသူတို့က သက်ဆိုင်ရာနိုင်ငံမှ တာဝန်ရှိသူထံသို့ ပြည်နှင်လွှဲပြောင်း လက်ခံရေးဆိုင်ရာ အထောက်အထာ စာရွက်စာတမ်းများကို စနစ်တကျလွှဲပြောင်းပေးအပ်ခဲ့ကြောင်း သိရသည်။

■ ၂၀၂၅ ခုနှစ်၊ ဇန်နဝါရီလ ၃၀ ရက်မှ ၂၀၂၆ ခုနှစ်၊ မတ်လ ၂၄ ရက်အထိ မြဝတီမြို့နယ် အတွင်းသို့ တရားမဝင် ဝင်ရောက်လာသည့် ပြည်ပနိုင်ငံသား စုစုပေါင်း ၁၄၆၁၆ ဦး ထိန်းသိမ်းနိုင်ခဲ့ ကြောင်းနှင့် ယင်းနိုင်ငံသားအားလုံးကို စစ်ဆေးပြီးစီးခဲ့ပြီး ၎င်းတို့အနက်မှ ၁၃၃၃၆ ဦးကိုထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့်အညီ စနစ်တကျ ပြည်နှင်လွှဲပြောင်းပေးခဲ့ပြီး ကျန်ရှိသည့် ပြည်ပနိုင်ငံသား ၁၂၈၀ ဦးကို သက်ဆိုင်ရာနိုင်ငံများသို့ လွှဲပြောင်းပေးရန် အသင့်ဖြစ်နေပြီဖြစ်ကြောင်းနှင့် ၎င်းတို့ကိုကောင်းမွန်စွာထိန်းသိမ်းစောင့်ရှောက် ထားရှိကြောင်းသိရသည်။

#YMG/PP #Yangon_Times

#Local_News
Published 25 March 2026

■ DPLA ၊ KNDF ၊ PNLO နှင့် PDF အမည်ခံအဖွဲ့မှ အဖွဲ့ဝင် အမျိုးသား ၂၆ ဦးနှင့် အမျိုးသမီး ၁ ဦး၊ စုစုပေါင်း ၂၇ ဦးတို့ လက်နက်ခဲယမ်းများနှင့်အတူ ဥပဒေဘောင်အတွင်းသို့ ထပ်မံဝင်ရောက်လာကြကြောင်း သိရသည်။

■ ယင်း DPLA အဖွဲ့ဝင် အမျိုးသား ၆ ဦးနှင့် အမျိုးသမီး ၁ ဦး၊ KNDF အဖွဲ့ဝင် အမျိုးသား ၅ ဦး၊ PNLO အဖွဲ့ဝင် အမျိုးသား ၁၄ ဦးနှင့် သထုံ PDF အမည်ခံအဖွဲ့ဝင် အမျိုးသား ၁ ဦး၊ စုစုပေါင်း အမျိုးသား ၂၆ ဦးနှင့် အမျိုးသမီး ၁ ဦးတို့ကို တာဝန်ရှိသူများက ကြိုဆိုလက်ခံ၍ မိဘအုပ်ထိန်းသူများထံ ပြန်လည်လွှဲပြောင်းအပ်နှံပွဲကို ယမန်နေ့တွင်အရှေ့ပိုင်းတိုင်းစစ် ဌာနချုပ်၊ သံလွင်ခန်းမ၌ ပြုလုပ်ခဲ့ကြောင်း သိရသည်။

■ ဥပဒေဘောင်အတွင်း ပြန်လည်ဝင်ရောက်ခဲ့ကြသူများက ၎င်းတို့နှင့်အတူပါရှိလာသည့် M-16 ၁ လက်၊ M-22 ၂ လက်၊ စနိုက်ပါ ၁ လက်၊ AK -47 ၁ လက်၊ Type-81 ၃ လက်၊ ပစ္စတို ၂ လက်၊ ခဲယမ်းနှင့်ဆက်စပ်ပစ္စည်းများကို လွှဲပြောင်းအပ်နှံရာ တိုင်းမှူးနှင့်တာဝန်ရှိသူများက လက်ခံရယူကြကြောင်း သိရသည်။

■ ယင်းနောက် လက်နက်ခဲယမ်းများနှင့်အတူ ဥပဒေဘောင်အတွင်း ဝင်ရောက်လာသူများအား ပစ္စတို ၂ လက်အတွက် ဆုကြေးငွေ ကျပ်သိန်း ၄၀ ၊ မောင်းပြန်ရိုင်ဖယ် ၈ လက်အတွက် ငွေကျပ် သိန်း ၄၀၀၊ အလင်းဝင်ရောက်လာသူများအတွက် ငွေကျပ် ၄၉ သိန်း၊ စုစုပေါင်းငွေကျပ် ၄၈၉ သိန်းကို တိုင်းမှူးနှင့်တာဝန်ရှိသူများက ပေးအပ်ပြီး ဝန်ခံကတိလက်မှတ်ရေးထိုးစေကာ မိဘအုပ်ထိန်းသူများထံ ပြန်လည်လွှဲပြောင်းအပ်နှံပေးကြကြောင်း သိရသည်။

#YMG/PP #Yangon_Times

#Local_News
Published_25 March 2026

■ အရှေ့အလယ်ပိုင်းဒေသတွင် အချိန်ကာလ ဖြစ်ပွားနေသည့်ပဋိပက္ခသည် အားဖြင့်မည်မျှကြာမြင့်မည်ကို မသိရှိနိုင်သောကြောင့် စက်သုံးဆီသုံးစွဲမှုများလျှော့ချနိုင်ရေးနှင့် အများပြည်သူများ ခရီးသွားလာမှုအဆင်ပြေစေရေးအတွက် မီးရထားများတိုးချဲ့ပြေးဆွဲခြင်းနှင့်အများပြည်သူသုံး ဘတ်စ်ကားလိုင်းများ ပုံမှန်အတိုင်းပြေးဆွဲနိုင်ရေးအတွက် စဉ်းစားဆောင်ရွက်သွားကြရန်လိုကြောင်း ပြည်ထောင်စုသမ္မတ မြန်မာနိုင်ငံတော်ယာယီသမ္မတ နိုင်ငံတော်လုံခြုံရေးနှင့်အေးချမ်းသာယာရေးကော်မရှင် ဥက္ကဌ ဗိုလ်ချုပ်မှူးကြီးမင်းအောင်လှိုင် ကပြောသည်။

■ ယမန်နေ့ မတ်လ ၂၄ ရက် တွင် ပြုလုပ်သော စက်သုံးဆီများဖူလုံစွာရရှိရေးနှင့်သုံးစွဲမှုများစနစ်တကျဖြစ်စေရေး အစည်းအဝေးအတွင်း ယင်းကအထက်ပါအတိုင်း ပြောကြားခဲ့ခြင်း ဖြစ်သည်။

■ ထို့အပြင် အများ ပြည်သူသုံး သယ်ယူပို့ဆောင်ရေးလုပ်ငန်းများနှင့် ခရီးသွားလာမှုများ အဆင်ပြေချောမွေ့စေရေး တတ်နိုင်သမျှဖြေရှင်းဆောင်ရွက်နိုင်ရန်အတွက် ဆွေးနွေးဆောင်ရွက် သွားကြစေလို ကြောင်းယာယီသမ္မတ က ဆိုသည်။

■ လက်ရှိအချိန်တွင် ဖြစ်ပွားလျက်ရှိသည့် အရှေ့အလယ်ပိုင်းဒေသ ပဋိပက္ခများကြောင့် စက်သုံးဆီများရှား ပါးမှုကို နိုင်ငံတိုင်းတွင်ကြုံတွေ့နေရပြီး မိမိတို့နိုင်ငံအနေဖြင့်လည်း အဆိုပါအခက်အခဲကို ကျော်လွှားဖြေရှင်းနိုင်ရေးကြိုးပမ်းဆောင်ရွက်လျက်ရှိကြောင်း၊ မကြာမီ ကာလ အတွင်း မြန်မာ့ရိုးရာအတာသင်္ကြန်ပွဲတော်ကျင်းပချိန်သို့ရောက်ရှိတော့မည်ဖြစ်ကြောင်း၊ ယခင်နှစ်ကလည်း မန္တလေးငလျင်ကြီးဖြစ်ပေါ်ခဲ့မှုကြောင့် သင်္ကြန်ပွဲတော်ကိုအကန့်အသတ်ဖြင့်သာကျင်းပရန် မေတ္တာရပ်ခံခဲ့ရကြောင်း၊ ယခုနှစ်တွင်လည်း စက်သုံးဆီကန့်သတ်ချက်များကြောင့် အတာသင်္ကြန်ပွဲတော်ကျင်းပမှုကို အကြပ်အတည်းမဖြစ်စေလိုကြောင်း ယင်းကပြောသည်။

■ ပြည်တွင်းစက်သုံးဆီသုံးစွဲမှုကို လျှော့ချနိုင်ရန်အတွက် မကြာမီကာလက မော်တော်ယာဉ်များ၊ မော်တော်ဆိုင်ကယ်များ သုံးစွဲမှုနှင့်ဆီဖြည့်သွင်းမှုကို စုံ/မ အလှည့်ကျစနစ်ဖြင့် ဆောင်ရွက်ခြင်း၊ QR Code များအသုံးပြု၍ ဆီဖြည့်ခြင်းစနစ်များ ကို ဆောင်ရွက်ခဲ့ကြောင်း၊ အလားတူ စက်သုံးဆီသုံးစွဲမှုကို လျှော့ချနိုင်ရေးအတွက် အပတ်စဉ်ဗုဒ္ဓဟူးနေ့တိုင်း အစိုးရရုံးဌာနများ၏ ရုံးလုပ်ငန်းများကို နေအိမ်မှသာဆောင်ရွက်ကြရန် ထုတ်ပြန်ကြေညာထားပြီးဖြစ်ကြောင်းလည်း ယာယီသမ္မတက ပြောသည်။

■ အလားတူ ပြည်တွင်းစက်သုံးဆီသုံးစွဲမှုကို အကောင်းဆုံး စီမံခန့်ခွဲနိုင်ရန်လိုပြီး အရန်စက်သုံးဆီများကို သိုလှောင်နိုင်ထားရှိနိုင်ရန်နှင့် ချွေတာသုံးစွဲနိုင်ရေးဆောင်ရွက်သွားကြရန် ၊စက်သုံးဆီများကို အမှန်တကယ် အသုံးပြုသည့် ပြည်သူများလက်ဝယ်သို့ ရောက်ရှိစေရေးနှင့် မှောင်ခိုရောင်းဝယ်မှုများမရှိစေရေး မသမာမှုပြုလုပ်ရောင်းဝယ်နေမှုများကို ထိထိရောက်ရောက် ဖော်ထုတ် အရေးယူဆောင်ရွက်သွားရန် ၊ မိမိတို့နိုင်ငံနှင့်မိတ်ဖက်နိုင်ငံများမှ စက်သုံးဆီများဝယ်ယူရရှိနိုင်ရေး ချိတ်ဆက်ကြိုးပမ်းဆောင်ရွက်သွားရန်လည်းပြောကြားခဲ့ကြောင်းသိရသည်။

■ ထို့နောက် မီးရထားခရီးစဉ်များ၊ အဝေးပြေးဘတ်စ်ကားခရီးစဉ်များ အစရှိသည့် အများ ပြည်သူသုံး သယ်ယူပို့ဆောင်ရေး လုပ်ငန်းများအတွက် လိုအပ်သည့်စက်သုံးဆီများကို မဖြစ်မနေ ဖြည့်တင်း ဆောင်ရွက်ပေးသွားရမည်ဖြစ် ကြောင်း၊ မီးရထားခရီးစဉ်များကိုနယ်မြေဒေသအခြေအနေများအလိုက် တိုးချဲ့ပြေးဆွဲပေးခြင်းဖြင့် အများပြည်သူများ၏ ခရီးသွားလာမှုနှင့် ကုန်စည်ပို့ဆောင်မှုများကို အစဉ်ပြေချောမွေ့အောင် စီမံဆောင်ရွက်ပေးနိုင်မည်ဖြစ်ကြောင်း၊ ပူတာအို၊ ခန္တီး၊ မြစ်ကြီးနား၊ ဟုမ္မလင်း၊ တာချီလိတ်၊ ကလေး၊ စစ်တွေ၊ ကျောက်ဖြူ၊ မာန်အောင်၊ မြိတ်၊ ကော့သောင်း စသည့်မော်တော်ယာဉ်ဖြင့် သွားလာရန်ခက်ခဲသည့် မြို့များသို့ လေကြောင်းခရီးစဉ်များကို ဦးစားပေးအနေဖြင့် မဖြစ်မနေပြေးဆွဲပေးသွားရမည်ဖြစ်ကြောင်း၊ အလားတူ အခြားသွားလာရန် ခက်ခဲသည့်ဒေသများသို့လည်း ဒုတိယဦးစားပေးအနေဖြင့် ပြေးဆွဲပေးသွားရန်လိုကြောင်း၊ မြန်မာနှစ်သစ်ကူးအတာသင်္ကြန်ကာလအတွင်း စက်သုံးဆီသုံးစွဲမှု များပြားမှုမရှိစေရေး တိုင်းဒေသကြီးနှင့် ပြည်နယ်များရှိ မြို့ကြီးများနှင့် မြို့နယ်များအလိုက် လမ်းလျှောက် သင်္ကြန်အဖြစ် နေရာများသတ်မှတ်၍ ကျင်းပပြုလုပ်သွားမည်ဆိုပါက ပိုမိုသင့်လျော် မည်ဖြစ်ကြောင်း၊ အများပြည်သူမဖြစ်မနေ အသုံးပြုလျက်ရှိသည့် အရေးပေါ်လူနာသယ်ပို့သည့်ယာဉ်များ၊ လူမှုကူညီရေးယာဉ်များအတွက် စက်သုံးဆီဝယ်ယူခွင့်အား ဖြေလျှော့ပေးရန်လို ကြောင်းဖြင့် ဖြည့်စွက်မှာကြားခဲ့ကြောင်း သိရသည်။

■ စက်သုံးဆီရှားပါးမှု ကြောင့် သွားလာမှုများခက်ခဲပြီး ကုန်ဈေးနှုန်းများကြီးမြင့်လာနိုင်ကြောင်း၊ မြန်မာ့ရိုးရာ နှစ်သစ်ကူးအတာသင်္ကြန်ပွဲတော်သည် ပြည်သူများမျှော်လင့်ထားသည့် မြန်မာ့ရိုးရာ ပွဲတော်တစ်ခုဖြစ်ခြင်း ကြောင့် အများပြည်သူများပျော်ရွှင်စွာဖြင့် ရေသဘင်ဆင်နွဲနိုင် ရေးတာဝန်ရှိသူများအနေဖြင့် စနစ်တကျဖြင့် စီမံဆောင်ရွက်ပေးသွားကြရန်လိုကြောင်း၊ နိုင်ငံတော်အနေဖြင့် ပြည်တွင်းစက်သုံးဆီဖူလုံစွာရရှိစေရေးဆောင်ရွက်ပေးရန်နှင့် ပြည်သူများအနေဖြင့် အကုန်အကျအသက်သာဆုံးဖြင့် သုံးစွဲနိုင်ရေးဆောင်ရွက်ပေးသွားကြရန်လိုကြောင်း၊ စက်သုံးဆီဈေးနှုန်းကြောင့် သွားလာမှုစရိတ်များ မြင့်မားလာမှုမရှိစေရေး ဆောင်ရွက်ပေးရန်လိုကြောင်း၊ တပ်မတော်အနေဖြင့်လည်း ပြည်သူများသွားလာမှု အဆင်ပြေစေရေးအတွက် ဝိုင်းဝန်းကူညီဆောင်ရွက်ပေးသွားရန် လိုကြောင်း၊ ပြည်တွင်းစက်သုံးဆီဖူလုံမှုရှိစေရေးအတွက် နည်းလမ်းမျိုးစုံအသုံးပြု၍ ဖြည့်ဆည်းဆောင်ရွက်သွားကြရန်လိုကြောင်းဖြင့်မှာကြားခဲ့ကြောင်း သိရသည်။

Yangon_Times/PP

#World_Health
Published 25 March 2026

■ သုတေသီတွေက ခံတွင်းပိုးမွှားစနစ်ရဲ့ သဘာဝမျှခြေကို မထိခိုက်စေဘဲ သွားဖုံးရောဂါကို တိုက်ဖျက်နိုင်မယ့် နည်းလမ်းတစ်ခု တီထွင်ထားပါတယ်။

■ သွားဖုံးရောဂါဖြစ်စေတဲ့ ဘက်တီးရီးယားမျိုးစိတ် အနည်းစုက သွားချိုးတွေထဲမှာ စုပြုံလာပြီး သွားဖုံးရောင်ရမ်းခြင်းကို ဖြစ်စေပါတယ်။

■ ရောင်ရမ်းခြင်း ကြာရှည်လာတဲ့အခါ သွားဖုံးလျော့ပါး သွားဆုံးရှုံးနိုင်တဲ့အပြင် ဒီပိုးတွေ သွေးထဲရောက်သွားရင် ဆီးချို၊ အဆစ်ရောင်၊ နှလုံးသွေးကြောရောဂါ၊ အူရောင်ရောဂါ၊ အယ်ဇိုင်းမားရောဂါတို့ပါ ပတ်သက်လာနိုင်ပါတယ်။

■ သမားရိုးကျ ခံတွင်းကျန်းမာရေးပစ္စည်းတွေမှာ ကလိုဟက်ဆီဒင်း ပါဝင်ကာ ရောဂါပိုးဘက်တီးရီးယားသာမက အကျိုးပြုပိုးမွှားတွေကိုပါ ဖယ်ရှားလိုက်ပါတယ်။

■ ထိုကနေ ပိုးမွှားစနစ်ပျက်ယွင်းကာ ဆိုးကျိုးပြုဘက်တီးရီးယားတွေပါ အလျင်အမြန် ပြန်လည်တိုးပွားလာပါတယ်။

■ သတ္တိကြွဒြပ်ပေါင်း ဂွာနီဒီနိုအီသိုင်းဘင်ဇိုင်းအမိုင်နို အင်မီဒါဇိုပရီဒင်းအက်ဆီတိတ်က ဆိုးကျိုးပြု ဘက်တီးရီးယား ကြီးထွားမှုကို တားဆီးပြီး ကောင်းကျိုးပြုဘက်တီးရီးယားတွေကို ထိန်းသိမ်းပေးပါတယ်။

■ PerioTrap Pharmaceuticals ကုမ္ပဏီက ထိုဒြပ်ပေါင်းပါဝင်တဲ့ သွားတိုက်ဆေး ထုတ်လုပ်လိုက်ကာ သွားပိုးစားခြင်းကို ကာကွယ်ပေးပါတယ်။

■ အသေအချာ စမ်းသပ်ခြင်းဖြင့် ဒြပ်ပေါင်းရဲ့ ဘေးကင်းမှု၊ ထိရောက်မှု၊ သွားတွေ သွားဖုံးတွေနဲ့ သဟဇာတဖြစ်မှုတို့ကို သေချာစေမှာ ဖြစ်ပါတယ်။

■ နောက်ထပ် ကျန်းမာရေးသုံးပစ္စည်းတွေကိုလည်း ထုတ်လုပ်စမ်းသပ်နေကြပါတယ်။

Source: SciTechDaily

#World_Science
Published 25 March 2026

■ UC ဆန်တာခရုဇ်မှ သုတေသီတွေဟာ ဓာတ်ခွဲခန်းထုတ် လူသားဦးနှောက်ဆဲလ် အစုအဖွဲ့တွေကို cart-pole ကစားနည်း ဖြေရှင်းနိုင်အောင် လေ့ကျင့်ပေးခဲ့ပါတယ်။

■ ဆုပေးဒဏ်ပေး အချက်ပြစနစ်များဖြင့် အဆိုပါ ဦးနှောက်ငယ်များကို လေ့ကျင့်ပေးခဲ့ရာ ၄.၅ ရာခိုင်နှုန်းမှ ၄၆ ရာခိုင်နှုန်း အောင်မြင်တိုးတက်ခဲ့ပါတယ်။

■ ၂၀၁၃ ခုနှစ် မက်ဒယ်လင်းလန်ကက်စတာအဖွဲ့ ပထမဆုံးအနေနဲ့ လူသားပင်မဆဲလ်တွေကနေ 3D ဦးနှောက်တစ်ရှူးကို ထုတ်လုပ်ခဲ့ချိန်မှာ ဦးနှောက်အင်္ဂါတူအရာတွေ ဖြစ်ပေါ်လာပါတယ်။

■ ဦးနှောက်တုတွေက အာရုံခံထည့်သွင်းချက်တွေ ဒိုပါမင်းတွေ မလိုဘဲ လေ့လာမှတ်သားနိုင်ကာ လျှပ်စီးကြောင်းပေးပို့မှုတွေကနေ ဇီဝပတ်လမ်းကြောင်း သဟဇာတဖြစ်အောင် သင်ကြားပေးပါတယ်။

■ အာရုံကြောကွန်ရက် အနည်းဆုံးဖြင့်ပင် လုပ်ဆောင်ရမယ့် တာဝန်တွေကို ကျွမ်းကျင်အောင် လေ့လာနိုင်တယ်လို့ သရုပ်ပြနိုင်ခဲ့ပါတယ်။

■ နော့သ်ဝက်စတန်းတက္ကသိုလ်ကလည်း နေရာပေါင်းရာနဲ့ချီတဲ့ မှတ်တမ်းတွေကနေ ရယူကာ ဦးနှောက်တစ်ရှူးကို တိုက်ရိုက်ဆက်သွယ်ပေးတဲ့ ဇီဝအီလက်ထရွန်နစ်ကို ထုတ်လုပ်ခဲ့ပါတယ်။

■ ဒီလိုမျိုး ဇီဝပညာနဲ့ နည်းပညာပေါင်းစပ်နိုင်တာက ဦးနှောက်ဟာ ယခင်ထင်ထားတာထက် ပိုပြီးအဆင်ပြေချောမွေ့တဲ့ ဆော့ဖ်ဝဲကို လုပ်ဆောင်နိုင်တဲ့သဘော ဖြစ်ပြီး ဇီဝဗေဒနဲ့ AI ရောစပ်တဲ့စနစ်ဆီ ပိုမိုနီးစပ်လာစေပါတယ်။

■ ဦးနှောက်ငယ်တွေ လေ့ကျင့်သင်ကြားပေးခြင်းက စိတ်မသက်မသာဖြစ်စရာ မေးခွန်းတွေ ရှိလာပြီး အသိဉာဏ်အကန့်အသတ်နဲ့ သုတေသနနယ်နိမိတ်ဘောင်တွေအကြောင်း မေးစရာတွေ ဖြစ်လာပါတယ်။

Source: Gadget Review.

ANGON (March 24, 2026) — U.S. Embassy Chargé d’Affaires a.i. Sonnek visited the Yangon International Mobility Show at the Yangon Convention Center today, signaling a continued effort to strengthen commercial ties and support American enterprises in the local market.

During the visit, CDA Sonnek stopped by the Ford exhibition booth to support the prominent American automotive brand and highlight the U.S. commitment to fair competition for American companies in Myanmar. This engagement emphasizes the importance of a level playing field for international businesses operating within the country.

"We’re proud to stand with U.S. businesses bringing more choices to Myanmar’s auto market!" the Chargé d’Affaires stated during the event.

This visit marks the latest in a series of economic engagements by the U.S. government. It follows a significant agreement signed on February 25 at the U.S. Department of Agriculture’s regional office in Bangkok, where Myanmar entrepreneurs and U.S. officials finalized a deal for the export of American soybean meal to Myanmar. The Embassy’s active participation in the mobility show, coming just a month after the agricultural agreement, highlights a strategic trend of increasing direct engagement between U.S. diplomatic leadership and Myanmar’s business community.

 Photos: US E,bassy, Yangon

YMG မတ် ၂၄၊၂၀၂၆-မြန်မာနိုင်ငံဆိုင်ရာ အမေရိကန်သံရုံးရဲ့ အကြီးအကဲဖြစ်သူ မစ္စတာ ဆော်န်နစ်ခ်ဟာ ရန်ကုန်မြို့ရှိ ရန်ကုန် ကွန်ဗင်းရှင်းစင်တာတွင် ကျင်းပခဲ့တဲ့ Yangon International Mobility Show ကားပြပွဲသို့ သွားရောက် ကြည့်ရှုလေ့လာခဲ့ပါတယ်။

မစ္စတာဆော်န်နစ်ဟာ အဆိုပါပြပွဲအတွင်းခင်းကျင်းပြသထားတဲ့ အမေရိကန်ရဲ့ ဖို့ဒ်ကား Ford ပြခန်းကို ကြည့်ရှုအားပေးခဲ့တယ်လို့ ရန်ကုန်မြို့အခြေစိုက် အမေရိကန်သံရုံးရဲ့ သတင်းထုတ်ပြန်ချက်မှာ ဖော်ပြ ထားပါတယ်။

Ford ကုမ္ပဏီကို အားပေးကူညီဖို့နဲ့ အမေရိကန်ကုမ္ပဏီတွေကို မြန်မာနိုင်ငံအတွင်းမှာ မျှတတဲ့ စျေးကွက်ယှဉ်ပြိုင်မှု ရှိစေဖို့ အမေရိကန်ရဲ့ ကတိကဝတ်ကို အလေးပေးဖော်ပြဖို့အတွက် သံရုံးရဲ့ အကြီးအကဲ ဆောန်နစ်ခ်ဟာ Yangon International Mobility Show ကို သွားရောက်ခဲ့တာဖြစ်တယ်လို့ အမေရိကန်သံရုံးက ဆိုပါတယ်။

“မြန်မာ့မော်တော်ယာဉ်စျေးကွက်အတွင်း ရွေးချယ်စရာတွေ ပိုမိုများပြားလာအောင် ဆောင်ရွက်ပေးနေ  တဲ့ အမေရိကန်စီးပွားရေးလုပ်ငန်းတွေနဲ့အတူ ရပ်တည်ရတဲ့အတွက် မိမိတို့ ဂုဏ်ယူမိပါတယ်” လို့လည်း မစ္စတာဆော်န်နစ်ခ်က ပြောပါတယ်။

အမေရိကန်အစိုးရဟာ မြန်မာနိုင်ငံရဲ့စီးပွားရေးအရ ထိတွေ့ဆက်ဆံမှုတွေ ဆက်တိုက်ဆောင်ရွက်လာ တာဖြစ်ပါတယ်။ ဖေဖော်ဝါရီ ၂၅ ရက်က  မြန်မာနိုင်ငံသို့ အမေရိကန်ရဲ့ ပဲပုပ်ဖတ်တွေ တင်ပို့ဖို့ ဘန်ကောက်မြို့ရှိ အမေရိကန်အစိုးရ စိုက်ပျိုးရေးဝန်ကြီးဌာနရုံးခွဲမှာ မြန်မာလုပ်ငန်းရှင်များနှင့် သဘော တူညီချက်လက်မှတ်ရေးထိုးခဲ့ကြပြီး တစ်လခန့်အကြာမှာ အမေရိကန်သံရုံးအကြီးအကဲက မြန်မာ့ကား ပြပွဲကြီးသို့ သွားရောက်ပြီး မြန်မာ့လုပ်ငန်းရှင်များနှင့် ထိတွေ့ဆက်ဆံမှုတွေ ပြုလုပ်လာတာဖြစ်ပါတယ်။

ဓါတ်ပုံများ- အမေရိကန်သံရုံး(ရန်ကုန်မြို့)

အမေရိကန်ဖက်ဒရယ်အစိုးရရဲ့ တိုင်းပြည်စုစုပေါင်းကြွေးမြီဟာ အင်္ဂါနေ့အထိ ဒေါ်လာ ၃၉ ထရီလီယံ ကျော်လွန်သွားပြီလို့ဘဏ္ဍာရေးဝန်ကြီးဌာနက ထုတ်ပြန်ထားပါတယ်။

#World_Business
Published 24 March 2026
#အမေရိကန်
#YMG #Yangon_Times #Yangon_Media_Group

-တရုတ်စိုက်ပျိုးရေးနှင့် ကျေးလက်ရေးရာဝန်ကြီးဌာန နိုင်ငံခြားစီးပွားရေး ပူးပေါင်းဆောင်ရွက်မှုဗဟိုဌာန ညွှန်ကြားရေးမှူးချုပ် Jin Ke)

ယခုနှစ် မတ်လတွင် လန်ချန်း-မဲခေါင် ပူးပေါင်းဆောင်ရွက်မှုသည် ပထမအကြိမ် ခေါင်းဆောင်များအစည်းအဝေး၏ ၁၀ နှစ်ပြည့် အထိမ်းအမှတ်အဖြစ် အရေးကြီးသော မှတ်တိုင်သစ်တစ်ခုသို့ ရောက်ရှိခဲ့ပြီး အရည်အသွေးမြင့်မားသော ဖွံ့ဖြိုးတိုးတက်မှု "ဗားရှင်း ၂.ဝ" အဆင့်သစ်သို့ တရားဝင် ကူးပြောင်း ရောက်ရှိလာခဲ့ပြီဖြစ်သည်။ ပထမအကြိမ် ခေါင်းဆောင်များ အစည်းအဝေးတွင် စိုက်ပျိုးရေးနှင့် ဆင်းရဲနွမ်းပါးမှု လျှော့ချရေးကို ဦးစားပေး ကဏ္ဍများအဖြစ် သတ်မှတ်ခဲ့ချိန်မှစ၍ လန်ချန်း-မဲခေါင် ၆ နိုင်ငံမှ စိုက်ပျိုးရေး ဌာနများသည် "တူညီသောမြစ်ရေကို သောက်သုံးရသူများ၊ ကံကြမ္မာချင်း ဆက်စပ်နေကြသည်" ဟူသော စိတ်ဓာတ်ကို အခြေခံပြီး ဒေသတွင်း "ရိက္ခာအိုး" (စားနပ်ရိက္ခာဖူလုံရေး) ကို ခိုင်မာအောင် လက်တွဲ တည်ဆောက်ခဲ့ကြပြီး လယ်သမား သန်းပေါင်းများစွာ၏ ဝင်ငွေကို တိုးပွားလာစေရန် ဆောင်ရွက်ခဲ့ကြသည်။ စိုက်ပျိုးရေးပူးပေါင်းဆောင်ရွက်မှုကို လန်ချန်း-မဲခေါင် ယန္တရား၏ "လှပသောပြယုဂ်" တစ်ခု ဖြစ်လာစေရန် အတူတကွ  လက်တွဲ ဆောင်ရွက်ခဲ့ပြီး အေးအတူပူအမျှ လန်ချန်း-မဲခေါင် ကံကြမ္မာတူ အသိုက်အဝန်း တည်ဆောက်ရေး အတွက် ပံ့ပိုးကူညီပေးခဲ့ပါသည်။

ယန္တရားဖြင့် ဦးဆောင်ခြင်း - " အဆင့်မြင့်မဟာဗျူဟာမြောက်ဒီဇိုင်း" မှသည် "စနစ်တကျ ပေါင်းစည်း ဆောင်ရွက်မှု" ဆီသို့

ပူးပေါင်းဆောင်ရွက်မှုသည် တည်ငြိမ်ပြီး ရေရှည်တည်တံ့ခိုင်မြဲကာ ယန္တရားသည်လည်း "ပင် တိုင်အခြေခံအုတ်မြစ် " တစ်ခုကဲ့သို့ပင် ဖြစ်သည်။ လွန်ခဲ့သည့်  ဆယ်စုနှစ် အတွင်း လန်ချန်း -မဲခေါင် ၆ နိုင်ငံသည် ခေါင်းဆောင်များအစည်းအဝေးမှ ချမှတ်ထားသော မဟာ ဗျူဟာမြောက် မူဘောင် အောက်တွင် ပူးပေါင်းဆောင်ရွက်မှုများကို မြှင့်တင်ခဲ့ပါသည်။ မဟာ ဗျူဟာမြောက် စီမံကိန်းများက လမ်းညွှန်ပေးခြင်း၊ စီမံကိန်း အကောင်အထည်ဖော်မှုများက ထောက်ပံ့ပေးခြင်းနှင့် ယန္တရားဆိုင်ရာပလက်ဖောင်းများ တည်ဆောက်ခြင်းတို့ဖြင့် ဆက်နွှယ် နေသည့်  တစ်နေ့ထက်တစ်နေ့ ပိုမိုပြည့်စုံကောင်းမွန်လာသော ပူးပေါင်းဆောင်ရွက်မှု ကွန်ရက်တစ်ခုကို တည်ဆောက်နိုင်ခဲ့သည်။ လန်ချန်း-မဲခေါင် စိုက်ပျိုးရေး ပူးပေါင်းဆောင်ရွက်မှု ပူးတွဲလုပ်ငန်းအဖွဲ့၊ လန်ချန်း-မဲခေါင် စိုက်ပျိုးရေး ပူးပေါင်း ဆောင်ရွက်မှု ဗဟိုဌာန၊ ကွမ်ရှီးဌာနခွဲနှင့် သိပ္ပံနှင့်နည်းပညာ ပူးပေါင်းဆောင်ရွက်ရေး အဖွဲ့တို့ကို တစ်ခုပြီးတစ်ခု ဆက်တိုက် တည်ထောင်ခဲ့ပြီး "ဗဟိုဌာန + ဌာနခွဲ + ကျွမ်းကျင် မှုဆိုင်ရာ   ပူးပေါင်းဆောင်ရွက်ရေး" ဟူသော ထောက်ပံ့မှုစနစ်တစ်ခုကို ဖော်ဆောင် နိုင်ခဲ့သည်။ လန်ချန်း-မဲခေါင် စိုက်ပျိုးရေးပူးပေါင်းဆောင်ရွက်မှုဆိုင်ရာ သုံးနှစ်တာ လုပ်ငန်းစီမံချက်   (၂၀၂၀-၂၀၂၂) နှင့် ငါးနှစ်တာလုပ်ငန်းစီမံချက်   (၂၀၂၃-၂၀၂၇) တို့ကို အဆင့်ဆင့် အတည်ပြုနိုင်ခဲ့ခြင်းသည် ပူးပေါင်းဆောင်ရွက်မှုအတွက် ရှင်းလင်း ပြတ်သားသော "  တည်ဆောက်ရေးပုံစံများ" ကို ရေးဆွဲနိုင်ခဲ့သည်။     "လန်ချန်း-မဲခေါင် အသီးအပွင့်များရိတ်သိမ်းခြင်း" စီမံကိန်းအစုအဖွဲ့ （LMC Bumper Harvest Projects）နှင့် "လန်ချန်း-မဲခေါင် စိုက်ပျိုးရေးပူးပေါင်းဆောင်ရွက်မှု လုပ်ငန်းစီမံချက် (Lancang–Mekong Agricultural Cooperation "Hundred, Thousand, Ten Thousand” Action Plan)တို့ကို    ဆက်လက် အကောင်အထည်ဖော်ခဲ့ပြီး ပူးပေါင်းဆောင်ရွက်မှု နယ်ပယ်များကိုလည်း စဉ်ဆက်မပြတ် တိုးချဲ့နိုင်ခဲ့သည်။ ယင်းတို့သည် လန်ချန်း-မဲခေါင် စိုက်ပျိုးရေး ပူးပေါင်း ဆောင်ရွက်မှုကို ဘက်စုံ၊ ကဏ္ဍစုံနှင့် နယ်ပယ်ကျယ်ကျယ်ပြန့်ပြန့်ဖြင့်  ဖွံ့ဖြိုးတိုးတက်မှု အဆင့်သစ်သို့ ကူးပြောင်းနိုင်ရန် တွန်းအားပေးခဲ့ပါသည်။

နည်းပညာဆိုင်ရာ ပူးပေါင်းဆောင်ရွက်မှု - "မျိုးကောင်းမျိုးသန့် မွေးမြူခြင်း" မှသည် "စမတ် နည်းပညာဖြင့် စွမ်းဆောင်ရည်မြှင့်တင်ခြင်း"ဆီသို့

နည်းပညာ မျှဝေခြင်းသည် လန်ချန်း-မဲခေါင် စိုက်ပျိုးရေးပူးပေါင်းဆောင်ရွက်မှု၏ ထူးခြားသော လက္ခဏာ တစ်ခု ဖြစ်ပါသည်။ လန်ချန်း-မဲခေါင် ရန်ပုံငွေမူဘောင်အောက်တွင် ရာနှင့်ချီသော အသေးစားနှင့် အလတ်စား စိုက်ပျိုးရေးစီမံကိန်းများကို အကောင်အထည် ဖော်ခဲ့ပြီး မျိုးကောင်းမျိုးသန့်များ  မြှင့်တင်ခြင်းမှသည် အထွက်နှုန်း အဆမတန် တိုးတက် လာခြင်းအထိ လည်းကောင်း၊ နည်းပညာဆိုင်ရာ ပုံစံသစ်များ တီထွင်ဖန်တီးခြင်းမှသည် ထုတ်လုပ်မှုနှင့် ဝင်ငွေတိုးပွားလာခြင်းအထိ လည်းကောင်း ဆောင်ရွက်နိုင်ခဲ့ကြရာ ဒေသတွင်း စားနပ်ရိက္ခာဖူလုံမှု ခိုင်မာအားကောင်းစေရန် ကူညီပေးခဲ့ပါသည်။ ဓာတု ကင်းစင်သော စပါးအထွက်နှုန်း တိုးတက်ရေး နည်းပညာစမ်းသပ်မှုစီမံကိန်းကြောင့် ဒေသ တွင်း စပါးအထွက်နှုန်း ၂၅% တိုးတက်လာခဲ့ပြီး အရည်အသွေးမြင့် ဓာတုကင်းစင် စပါးမျိုးစေ့ ရွေးချယ်ခြင်းနှင့် နည်းပညာပေါင်းစပ်မှု စီမံကိန်းသည် မျိုးစေ့ကဏ္ဍ ပူးပေါင်းဆောင်ရွက်မှုကို မော်လီကျူးမျိုးပွားခြင်း (Molecular Breeding) အဆင့်သို့ ရောက်ရှိစေခဲ့သည်။ "စပါး - ပဲ - ဆီထွက်သီးနှံ" သီးလှည့်စိုက်ပျိုးနည်းစနစ်သည် မြန်မာနိုင်ငံအတွက် အရင်းအမြစ်များကို အကျိုးရှိရှိ အသုံးပြုနိုင်မည့် လမ်းစဉ်သစ်ကို ရှာဖွေဖော်ထုတ်ပေးနိုင်ခဲ့သည်။ လက်ရှိတွင် ပူးပေါင်းဆောင်ရွက်မှုသည် "ဒစ်ဂျစ်တယ်နှင့် စမတ်နည်းပညာ" ဆီသို့ ကူးပြောင်း နေပြီဖြစ်ရာ စမတ်လယ်ယာမြေများ တပြေးညီ ဖွံ့ဖြိုးတိုးတက်ရေး စီမံကိန်းများကို တည်ငြိမ်စွာ တွန်းအားပေးလျက်ရှိသည်။ ထိုင်းနိုင်ငံရှိ စမတ်ဒူးရင်းခြံ၊ ကမ္ဘောဒီးယားရှိ စမတ်ငါးလုပ်ငန်းနှင့် မြန်မာနိုင်ငံရှိ ရာသီဥတုနှင့် ကိုက်ညီသော စမတ် စိုက်ပျိုးရေး စမ်းသပ်ချက်များသည် ဒေသတွင်း စိုက်ပျိုးရေးကဏ္ဍ ဒစ်ဂျစ်တယ်အသွင်ကူးပြောင်း မှုအတွက် စံနမူနာများ ဖြစ်လာခဲ့ပြီး အဆိုပါ အောင်မြင်မှုများကို ကမ္ဘာ့ ဉာဏ်ရည်တု ညီလာခံတွင် စံပြဖြစ်ရပ်များအဖြစ် ထည့်သွင်း ဖော်ပြခြင်း ခံခဲ့ရပါသည်။

ပြည်သူ့အကျိုးပြု လုပ်ငန်းများ - " သေးငယ်သော်လည်း ထိရောက်မှုရှိသောစီမံကိန်းများ" မှသည် "စက်မှုလုပ်ငန်းစုကြီးများ" အထိ

လန်ချန်း-မဲခေါင် စိုက်ပျိုးရေးပူးပေါင်းဆောင်ရွက်မှုသည် တိကျပြီးအဆင့်မြင့်သော နည်း ပညာများကိုသာမက လက်တွေ့ကျပြီး ပြည်သူတို့၏လူမှုစီးပွားဘဝ အကျိုးပြုရေးကိုလည်း ပိုမို အလေးထား ဆောင်ရွက်ခဲ့ပါသည်။ မဲခေါင်မြစ်ဝှမ်းနိုင်ငံများသည် သဘာဝပတ်ဝန်းကျင် ကောင်းမွန်ပြီး သယံဇာတ ပေါကြွယ်ဝကာ ရော်ဘာ၊ ပီလောပီနံ၊ ကြံ၊ ငရုတ်ကောင်းနှင့် အပူပိုင်း သီးနှံများ စသည့် ထူးခြားသော သီးနှံများမှာ သိသာထင်ရှားသည့် အားသာချက်များ ရှိကြသည်။ ထို့ကြောင့်  သေးငယ်သော်လည်း ထိရောက်မှုရှိသော ပူးပေါင်းဆောင်ရွက်မှု စီမံကိန်း (Small yet Smart livelihood project)  အမြောက်အများ  ပေါ်ထွက်လာခဲ့ပြီး မျိုးစေ့ထုတ်လုပ်ခြင်း၊ အထွက်နှုန်းကောင်းမွန်အောင် စိုက်ပျိုးခြင်း၊ စက်မှုလယ်ယာစနစ်ဖြင့် စိုက်ပျိုးရိတ်သိမ်းခြင်း၊ ပြုပြင်ထုတ်လုပ်မှုနည်းပညာနှင့် စက်ကိရိယာများ တီထွင်ခြင်း စသည့် ကွင်းဆက်တစ်ခုလုံးဆိုင်ရာ ပူးပေါင်းဆောင်ရွက်မှုများကို ပံ့ပိုးပေးခဲ့သည်။ ၎င်းသည် ဒေသတွင်း၌ စံချိန်စံညွှန်းမီ ထုတ်လုပ်မှုစနစ်များ တည်ထောင်နိုင်စေရန်၊ ထုတ်ကုန်များ၏ တန်ဖိုး မြှင့်တင်ရန်၊  ပြည်သူများ၏  လူမှုစီးပွားဘဝနှင့် စက်မှုကဏ္ဍ  ဖွံ့ဖြိုးတိုးတက်မှုကို တစ်ပြိုင်နက်တည်း မြှင့်တင်ရန် ကူညီပေးခဲ့သည်။ ကမ္ဘောဒီးယားနိုင်ငံတွင် အကောင်အထည်ဖော်နေသည့် "စပါးနှင့် ငါး တွဲဖက်မွေးမြူရေးစနစ်" သည် "ရေတစ်မြောင်းထဲ နှစ်မျိုးသုံး၊ လယ်တစ်ကွက်ထဲ နှစ်မျိုးရိတ်သိမ်း"  ဟူသော ဂေဟစနစ်အခြေပြု ဆင်းရဲနွမ်းပါးမှု လျှော့ချရေး နည်းလမ်းသစ်ကို ဖော်ဆောင်ပေးခဲ့သည်။ လာအိုနိုင်ငံရှိ ရော်ဘာနည်းပညာ စံပြ စီမံကိန်းသည် ဒေသခံများ၏ ဝင်ငွေတိုးပွားမှုကို တွန်းအားပေးနိုင်ခဲ့ပြီး ကမ္ဘောဒီးယားရှိ စမတ် ငါးလုပ်ငန်း၊ ငရုတ်ကောင်းနှင့် ဖာလာ စိုက်ပျိုးရေးဆိုင်ရာ နည်းပညာ ပူးပေါင်းဆောင်ရွက်မှု စီမံကိန်းများကိုလည်း ကမ္ဘာလုံးဆိုင်ရာ ဆင်းရဲနွမ်းပါးမှုလျှော့ချရေး စံနမူနာများအဖြစ် ရွေးချယ်ခံခဲ့ရပါသည်။

နှစ်ဦးနှစ်ဖက် အကျိုးရှိသော စီးပွားရေးနှင့် ကုန်သွယ်ရေး   - " ထုတ်လုပ်ကုန်သွယ်မှု" မှသည် "တန်ဖိုးကွင်းဆက် မြှင့်တင်ခြင်း" သို့

ကုန်သွယ်မှု လွယ်ကူချောမွေ့ခြင်းသည် အပြန်အလှန် အကျိုးဖြစ်ထွန်းသော ပူးပေါင်း ဆောင်ရွက်မှု၏ "စစ်ဆေးမှုကျောက်စာ"ပင် ဖြစ်သည်။ ၂၀၂၅ ခုနှစ်တွင် တရုတ်နိုင်ငံနှင့် မဲခေါင် ငါးနိုင်ငံအကြား စိုက်ပျိုးရေးထွက်ကုန် ကုန်သွယ်မှုပမာဏသည် အမေရိကန်ဒေါ်လာ ၃၄.၅၆ ဘီလီယံ အထိ ရှိလာခဲ့ပြီး ၂၀၁၆ ခုနှစ် ပထမအကြိမ် ခေါင်းဆောင်များအစည်းအဝေး ကျင်းပချိန်နှင့် နှိုင်းယှဉ်ပါက တရုတ်နိုင်ငံမှ မဲခေါင်ငါးနိုင်ငံထွက် စိုက်ပျိုးရေးထွက်ကုန် တင်သွင်းမှုသည် ၂၂၂% တိုးတက်လာခဲ့သည်။ ထိုင်းနိုင်ငံမှ ထွက်ရှိသော ဒူးရင်းသီး စုစုပေါင်း ရောင်းအား၏ ၇၃% ကို  တရုတ်ဈေးကွက်တွင် ရောင်းချနိုင်ခဲ့ပြီး   ဗီယက်နမ်နိုင်ငံ၏ ဆန် တင်ပို့မှု စုစုပေါင်း၏ ၃၀% ကျော်မှာ တရုတ်နိုင်ငံသို့ တင်ပို့ခြင်း ဖြစ်ကာ လာအိုနိုင်ငံမှ ငှက်ပျောသီး များသည်လည်း တရုတ်-လာအို ရထားလမ်း အပြည်ပြည်ဆိုင်ရာ အအေးခန်း ကုန်တင်ရထားဖြင့် တရုတ်ဈေးကွက်အတွင်းသို့ ဝင်ရောက်လာခဲ့သည်။ ရင်းနှီးမြှုပ်နှံမှု ကဏ္ဍတွင် "နည်းပညာက ဦးဆောင်ပြီး လုပ်ငန်းရှင်များက နောက်မှလိုက်ပါခြင်း" ဟူသော ပုံစံသည်  သိသာထင်ရှားသော အောင်မြင်မှုများ ရရှိခဲ့သည်။ ၂၀၂၄ ခုနှစ်ကုန်အထိ တရုတ် နိုင်ငံ၏ မဲခေါင်ငါးနိုင်ငံအတွင်း စိုက်ပျိုးရေး ရင်းနှီးမြှုပ်နှံမှုပမာဏမှာ အမေရိကန်ဒေါ်လာ ၆.၀၅ ဘီလီယံအထိ ရှိလာခဲ့ပြီး ၂၀၁၆ ခုနှစ်နှင့် နှိုင်းယှဉ်ပါက ၁၄၆.၃% တိုးတက်လာခဲ့သည်။ နယ်စပ် ဖြတ်ကျော် စက်မှုလုပ်ငန်း ပူးပေါင်းဆောင်ရွက်မှုသည် ဒေသတွင်း ထူးခြားသော စိုက်ပျိုးရေး ထွက်ကုန်များ၏ တန်ဖိုးမြှင့်တင်ရန်အတွက် အရေးပါသော လမ်းကြောင်းတစ်ခု ဖြစ်လာသည်။ ကမ္ဘောဒီးယားနိုင်ငံသည် တရုတ်နိုင်ငံမှ သစ်သီးဝလံများ  တာရှည်ခံ နည်းပညာနှင့် ပြုပြင်ထုတ်လုပ်ခြင်း နည်းပညာများ၊ စက်ကိရိယာများနှင့် ရင်းနှီးမြှုပ်နှံ မှုများကို ရယူကာ အခြောက်ခံသစ်သီးပြားများ၊ သစ်သီးဝိုင်များနှင့် သစ်သီးရှာလကာရည်  ကဲ့သို့သော တန်ဖိုးမြှင့်ထုတ်ကုန်များကို ပူးပေါင်းထုတ်လုပ်ခဲ့ခြင်းဖြင့် သစ်သီးဝလံနှင့် ဟင်း သီးဟင်းရွက်  ထွက်ကုန်များ၏ ဈေးကွက်ယှဉ်ပြိုင်နိုင်စွမ်းကို ထိရောက်စွာ မြှင့်တင် နိုင်ခဲ့ ပါသည်။

အနာဂတ်မျှော်မှန်းချက် - "လန်ချန်း-မဲခေါင် စိုက်ပျိုးရေး ၂.၀ ဗားရှင်း" ကို အရည် အသွေးမြင့်မားစွာ တွန်းအားပေးဆောင်ရွက်ခြင်း

လက်ရှိတွင် လန်ချန်း-မဲခေါင် စိုက်ပျိုးရေး ပူးပေါင်းဆောင်ရွက်မှုသည် အဘက်ဘက်မှ အကျိုးကျေးဇူးများစွာ ထပ်ဆင့်ရရှိနိုင်သည့် အရေးကြီးသော အခွင့်အလမ်းကောင်းများကို ရရှိ ပိုင်ဆိုင်နေပြီဖြစ်ပါသည်။   တရုတ်-အာဆီယံ လွတ်လပ်သောကုန်သွယ်ရေးဇုန် ၃.၀ ဗားရှင်း စတင်ခြင်း၊ ဒေသတွင်း ဘက်စုံစီးပွားရေး ပူးပေါင်းဆောင်ရွက်မှု သဘောတူညီချက် (RCEP) မှ အကျိုးအမြတ်များ  စဉ်ဆက်မပြတ် ထွက်ပေါ်လာခြင်းနှင့် ဒစ်ဂျစ်တယ် စီးပွားရေး၊  အစိမ်းရောင် စီးပွားရေးစသည့် ထွန်းသစ်စ နယ်ပယ်များတွင် ပူးပေါင်းဆောင်ရွက်မှုများ တိုးချဲ့လာခြင်းတို့သည် ပူးပေါင်းဆောင်ရွက်မှု အတွက် အရည်အသွေး မြင့်မားသော ဖွံ့ဖြိုးတိုးတက်မှု အဆင့်သစ်သို့ ကူးပြောင်းရန် အားကောင်းသော တွန်းအားများ ဖြစ်စေပါသည်။ ဒေသတွင်းနိုင်ငံများသည် သိပ္ပံနည်းကျ တီထွင်ဆန်းသစ်မှုနှင့် ဒစ်ဂျစ်တယ် နည်းပညာများကို အသုံးပြု၍ စိုက်ပျိုးရေးကဏ္ဍကို ပြောင်းလဲရန် ခိုင်မာသော ဘုံသဘောတူညီချက်များ ရှိကြသည်။ လန်ချန်း-မဲခေါင် စိုက်ပျိုးရေးပူးပေါင်းဆောင်ရွက်မှုသည် ထုတ်လုပ်မှုကဏ္ဍရှိ နည်းပညာပိုင်းဆိုင်ရာ ပူးပေါင်းဆောင်ရွက်မှုမှတစ်ဆင့် ဒစ်ဂျစ်တယ် အသွင်ကူးပြောင်းမှု၊ ပတ်ဝန်းကျင်နှင့်ကိုက်ညီသောထုတ်လုပ်မှု၊ ရင်းနှီးမြှုပ်နှံရေး ပူးပေါင်းဆောင်ရွက်မှုနှင့် ဝန်ဆောင်မှုကုန်သွယ်ရေး တို့ပါဝင်သော လုပ်ငန်းကွင်းဆက်တစ်ခုလုံး ဆိုင်ရာ နက် ရှိုင်းသော ပူးပေါင်းဆောင်ရွက်မှုအထိ တိုးချဲ့လုပ်ဆောင်နေပါသည်။ ၎င်းသည်   ပိုမိုပါဝင်နိုင်ခွင့်ရှိသော၊ ခိုင်မာအားကောင်းသော ၊  ရေရှည်တည်တံ့သော နှင့်  ယှဉ်ပြိုင်နိုင်စွမ်းရှိသော ဒေသတွင်း စိုက်ပျိုးရေးနှင့် စားနပ်ရိက္ခာစနစ်ကို တည်ဆောက်ရန်အတွက်လည်း ရည်ရွယ်ပါသည်။

လန်ချန်း-မဲခေါင် စိုက်ပျိုးရေးပူးပေါင်းဆောင်ရွက်မှုသည် ပူးပေါင်းဆောင်ရွက်မှု အဆင့် အတန်းကို ဆက်လက် မြှင့်တင်သွားမည်ဖြစ်ပြီး အဓိကကျသော ကိစ္စရပ်များတွင် ပေါင်းစပ် ညှိနှိုင်းဆောင်ရွက်မှုကို အားကောင်းစေခြင်း မူဝါဒပိုင်းဆိုင်ရာ ညှိနှိုင်းမှုနှင့် စံချိန်စံညွှန်းများ ဖလှယ်ခြင်းတို့ကို   တိုးမြှင့်သွားမည်ဖြစ်သည်။ ဒစ်ဂျစ်တယ်စိုက်ပျိုးရေးနှင့် အစိမ်းရောင် စိုက်ပျိုးရေးနယ်ပယ်များတွင် ဒေသတွင်းဆိုင်ရာ စည်းမျဉ်းများနှင့် စံချိန်စံညွှန်းများကို ဦး ဆောင်  သတ်မှတ်သွားမည်ဖြစ်သည်။ သိပ္ပံနှင့်နည်းပညာ မောင်းနှင်အားကို ပိုမို နက်ရှိုင်း စေပြီး စားနပ်ရိက္ခာဖူလုံရေး၊ ထူးခြားသော  ဒေသထွက်လုပ်ငန်းများနှင့် စမတ်စိုက်ပျိုးရေး ကဲ့သို့သော အဓိကနယ်ပယ်များကို အာရုံစိုက်ကာ စံပြစီမံကိန်းများကို တည်ဆောက် သွားမည် ဖြစ်သည်။ တစ်ဦးတည်းမူပိုင် နည်းပညာ ပူးပေါင်းဆောင်ရွက်မှု အဆင့်မှသည် ပူးတွဲ သုတေသနပြုခြင်း၊  စံချိန်စံညွှန်းများ အတူတကွ သတ်မှတ်ခြင်းနှင့် အမှတ်တံဆိပ်များ ပူးတွဲ အသုံးပြုခြင်းစသည့် အသိပညာနှင့် အကျိုးအမြတ်များကို အတူတကွ မျှဝေ ခံစား နိုင်သည့် ပုံစံသို့ ကူးပြောင်းသွားမည်ဖြစ်သည်။ ကဏ္ဍစုံပါဝင်သော စီးပွားရေးနှင့် ကုန်သွယ်မှု  မြှင့်တင်ရေး ပလက်ဖောင်းတစ်ခုကို တည်ဆောက်ပြီး လန်ချန်း-မဲခေါင် စိုက်ပျိုးရေး ပူးပေါင်းဆောင်ရွက်မှုဗဟိုဌာန၏ အခန်းကဏ္ဍကို အပြည့်အဝ အသုံးချကာ နယ်စပ်ဖြတ်ကျော် စိုက်ပျိုးရေးလုပ်ငန်းများ ပူးပေါင်းဆောင်ရွက်မှုကို အတူတကွ တည်ဆောက်သွားမည်ဖြစ်ပြီး ဒေသထွက် ထူးခြားသော စိုက်ပျိုးရေး ထွက်ကုန်များကို အရည်အသွေးမြင့်မားသော၊ တန်ဖိုး မြင့်မားသောနှင့် အမှတ်တံဆိပ် ခိုင်မာသော  ထုတ်ကုန်များအဖြစ်သို့ ရောက်ရှိအောင် ဦးတည်ဆောင်ရွက်သွားမည် ဖြစ်သည်။

လန်ချန်း-မဲခေါင် မြစ်တစ်စင်းတည်းက ခြောက်နိုင်ငံကို ပံ့ပိုးပေးနေသကဲ့သို့  ဆယ်စုနှစ် တစ်ခုကြာ အစွမ်းကုန် ကြိုးပမ်းအားထုတ်မှုများမှ   အခန်းကဏ္ဍသစ်တစ်ရပ်ကို ဖွင့်လှစ် ပေးခဲ့ပြီဖြစ်သည်။ အနာဂတ်သို့ မျက်နှာမူလျက် လန်ချန်း-မဲခေါင် ၆ နိုင်ငံသည် စိုက်ပျိုးရေး ကဏ္ဍပူးပေါင်းဆောင်ရွက်မှုကို နက်ရှိုင်းစေရန်၊ စားနပ်ရိက္ခာဖူလုံမှုကို အတူတကွ ကာကွယ် စောင့်ရှောက်ရန်နှင့် စက်မှုကဏ္ဍ ကြီးပွားထွန်းကားမှုကို အတူတကွ မြှင့်တင်ရန်အတွက် လက်တွဲဆောင်ရွက်သွားကြမည်ဖြစ်သည်။ ပိုမိုမြင့်မားသော ပူးပေါင်းဆောင်ရွက်မှုဖြင့် အေးအတူ ပူအမျှ လန်ချန်း-မဲခေါင် ကံကြမ္မာတူ အသိုက်အဝန်း တည်ဆောက်ရေးကို တွန်းအားပေးကာ နှစ်ဦးနှစ်ဖက် အပြန်အလှန် အကျိုးဖြစ်ထွန်းစေမည့် အောင်မြင်မှု မှတ်တိုင်သစ်များကို ဆက်လက်ရေးထိုးသွားမည်ဖြစ်ပါသည်။

#Local_News
Published 24 March 2026

■ မြန်မာ့ဘောလုံးလောကအတွင်း အရည်အသွေးရှိသော ဒိုင်လူကြီးသစ်များ ပေါ်ထွက်လာစေရန် ရည်ရွယ်၍ မြန်မာနိုင်ငံဘောလုံးအဖွဲ့ချုပ် (MFF)၊ ဒိုင်ကော်မတီနှင့် ဒိုင်ဌာနတို့ ပူးပေါင်းဖွင့်လှစ်သည့် "MFF Basic Referee Course 1/2026" သင်တန်းဖွင့်ပွဲ အခမ်းအနားကို ယနေ့ နံနက် (၁၀:၀၀) နာရီက သုဝဏ္ဏကွင်းအတွင်းရှိ သတင်းစာရှင်းလင်းပွဲခန်းမတွင် ပြုလုပ်ခဲ့သည်။

■ အဆိုပါ အခြေခံဒိုင်သင်တန်းကို မတ်လ ၂၄ ရက်မှ ၃၀ ရက်အထိ ဖွင့်လှစ်သင်ကြားသွားမည်ဖြစ်ပြီး၊ ရန်ကုန်၊ ဧရာဝတီ၊ ကရင် နှင့် ပဲခူးတိုင်းဒေသကြီး အပါအဝင် ဒေသအသီးသီးမှ ပညာရေးဝန်ထမ်းများ၊ အားကစားနှင့်လူငယ်ရေးရာဝန်ကြီးဌာနမှ ဝန်ထမ်းများ၊ တက္ကသိုလ်ကျောင်းသားများနှင့် ဘောလုံးဝါသနာရှင် လူငယ်စုစုပေါင်း (၂၉) ဦး တက်ရောက်လျက်ရှိ‌ေကြာင်း သိရသည်။

■ သင်တန်းကာလအတွင်း သင်တန်းသားများသည် ဘောလုံးစည်းမျဉ်းဥပဒေများ၊ ဒိုင်လူကြီးတစ်ဦး လိုက်နာရမည့် ကျင့်ဝတ်များနှင့် ကွင်းအတွင်း ဆုံးဖြတ်ချက်ချမှတ်မှုဆိုင်ရာ အခြေခံသီအိုရီနှင့် လက်တွေ့လေ့ကျင့်ခန်းများကို စနစ်တကျသင်ကြားကြရမည်ဖြစ်သည်။

■ ယခုသင်တန်းမှတစ်ဆင့် ထူးချွန်သည့် ဒိုင်လူကြီးလောင်းများကို ပြည်တွင်းပြိုင်ပွဲများတွင် တာဝန်ပေးအပ်နိုင်ရန် ဆက်လက် လေ့ကျင့်ပျိုးထောင်သွားမည်ဖြစ်‌ေကြာင်း သိရသည်။

#YMG/SW #Yangon_Times

#Daily_News
Published 24 March 2026

၁။‌ ‎သမီးလှကျွန်းကိုစတုတ္ထမြောက် အဏ္ဏဝါအမျိုးသားဥယျာဉ် သဘာဝထိန်းသိမ်းရေးနယ်မြေအဖြစ် ပြောင်းလဲသတ်မှတ်

‌‎၂။ ‌‌‌‌‌‌‌‌‌‌‌ကမ္ဘာ့ရွှေဈေးနှင့်အတူ ကျဆင်းခဲ့သည့် မြန်မာ့‌ရွှေဈေးတစ်ရက်အတွင်း ကျပ်နှစ်သိန်းပြန်တက်လာ

‎၃။‌‌‎ ‌‌‌‌‌‌‌‌‌မန္တလေးသင်္ကြန် ၂၀၂၆ ကို မဏ္ဍပ် ၄၀ ကျော်အပြင် လမ်းလျှောက်သင်္ကြန်ကိုလည်း ထည့်သွင်းကျင်းပမည်

၄။‎ အမေရိကန်အစိုးရစုစုပေါင်း ကြွေးမြီ ဒေါ်လာ(၃၉)ထရီလီယံကျော်လွန်သွားပြီ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group