#Daily_News
Published 13 September 2024

၁။ ရေဘေးသင့်ပြည်သူများအတွက် မြန်မာ့လက်ဝှေ့ကမ္ဘာ့ချန်ပီယံခါးပတ်ကို လေ‌လံတင်ရောင်းပြီးလှူမည်

၂။ စက်သုံးဆီဈေးနှုန်းများ တစ်လီတာကျပ် ၁၀၀ ကျော်အထိ ကျဆင်းလာ

၃။ လေဖိအားနည်းအရှိန်ကြောင့် ချင်း၊ ရခိုင်၊ ရန်ကုန်နှင့်ဒေသအချို့ မိုးသက်လေပြင်းတိုက်ခတ်မည်

၄။ ကင်ညာစာသင်ကျောင်းတစ်ကျောင်း၌ မီးလောင်ကျွမ်းခဲ့သဖြင့် ကျောင်းသား(၂၁)ဦးသေဆုံး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 13 September 2024

▪️ ပုဂံတွင် မိုးသည်းထန်၍ရှေးဟောင်းအဆောက်အအုံ(၉)လုံးထိခိုက်ပျက်စီးခဲ့ကြောင်း သိရသည်။

▪️ ညောင်ဦးမြို့နယ် ပုဂံရှေးဟောင်းယဉ်ကျေးမှုနယ်မြေအတွင်း စက်တင်ဘာလ ၁၁ ရက်၊ ၁၂ ရက်တို့တွင် မိုးသည်းထန်စွာရွာသွန်းမှုကြောင့်

▪️ (၁)ဘုရားအမှတ်-၁ ရွှေစည်းခုံဘုရားတောင်ဘက်စောင်းတန်း၊ ခြင်္သေ့ရုပ်မြောက်ဘက်ကပ် လျက် အုတ်တံတိုင်းအနည်းငယ်ပဲ့ကျခြင်း၊

▪️ (၂)ဘုရားအမှတ်၁၅၉၇ သဗ္ဗညုဘုရား မြောက်ဘက်တံတိုင်းမုခ် အနောက်ဘက်ခြမ်းအုတ်များပဲ့ကျခြင်း၊

▪️ (၃)ဘုရားအမှတ်-၁၈၁၂ ထီးလိုမင်းလိုဘုရား၊ မဟာရံတံတိုင်းမြောက်ဘက် ချဉ်မိတ်တိုး၊အရှေ့ ဘက်အဝင်မုခ် အနည်းငယ်ပဲ့ကျခြင်း၊

▪️ (၄) ဘုရားအမှတ်- ၁၈၂ (ငှက်ပစ်တောင်အစု) ရင်ပြင်အုတ်ခုံပဲ့ကျခြင်း၊

▪️ (၅)ဘုရားအမှတ်၁၆၇(ငှက်ပစ်တောင်အစု) ဓမ္မစေတီဘုရား ပစ္စယံအောက်ပိုင်းပဲ့ကျခြင်း၊

▪️ (၆) ဘုရားအမှတ်- ၁၀၄၂ ဆင်က အုတ်တိုက် နံရံနှစ်ဘက် ပေါင်းကူးအမိုးပြိုကျခြင်း၊

▪️ (၇)ဆင်ဖြူရှင်ရေကန် မြောက်ဘက်ခြမ်းရေကန်ပဲ့ကျခြင်း၊

▪️ (၈)ဘုရားအမှတ် ၇၁၁ လက်ပွတ်ကန်ဘုရား ဘုရားရင်ပြင်ခုံ အရှေ့ဘက်ခြမ်းအုတ်များပဲ့ကျခြင်း၊ တံတိုင်းအတွင်းဘက် မြောက်ဘက်ခြမ်း အုတ်အနည်းငယ်ပဲ့ကျခြင်း၊ အရှေ့ဘက်တံတိုင်းအုတ်များ ပဲ့ကျခြင်းနှင့်

▪️ (၉)ဘုရားအမှတ်-၃၄၅ ဘုရား အနောက်တောင်ထောင့်နှင့်အနောက်ဘက် အောက်ခြေခုံပဲ့ကျခြင်း များ ဖြစ်ပေါ်ခဲ့ကြောင်းသိရသည်။

#YMG/tthl #Yangon_Times

ရန်ကုန်ယူနိုက်တက်အသင်းနဲ့ ဒဂုံစတားယူနိုက်တက်အသင်းပွဲစဉ်မှ ရရှိတဲ့ပွဲလက်မှတ်ဝင်ငွေ ၅၀ ရာခိုင်နှုန်းကို ရန်ကုန်ယူနိုက်တက်အသင်းမှ လှူဒါန်းသွားမှာဖြစ်တယ်လို့ သိရပါတယ်။
#Local_News
Published 13 September 2024
#ရေဘေးသင့်ပြည်သူ #ဘောလုံးပွဲဝင်ကြေးလှူဒါန်း
#YMG/tthl #Yangon_Times

ကမ္ဘာ့ရွှေဈေးနဲ့အတူ တစ်ရက်တာအတွင်း ရွှေရည်ညွှန်းဈေး ကျပ်ငါးသောင်းကျော် အထိမြင့်တက်လာတယ်လို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်းက သိရပါတယ်။
#Local_News
Published 13 September 2024
#ရွှေရည်ညွှန်းဈေး #ကျပ်ငါးသောင်းကျော်မြင့်တက်
#YMG/NN #Yangon_Times

လေဖိအားနည်းအရှိန်ကြောင့် ချင်း ၊ရခိုင်၊ ရန်ကုန်နဲ့ဒေသအချို့ မိုးသက်လေပြင်းတိုက်ခတ်ဖို့ရှိတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။
#Local_News
Published 13 September 2024
#မိုးသက်လေပြင်းတိုက်ခတ် #လေဖိအားနည်း
#YMG/tthl #Yangon_Times

ရန်ကုန်ဈေးကွက်အတွက်စက်သုံးဆီတင်သွင်း သိုလှောင်ဖြန့်ဖြူးခြင်းလုပ်
ငန်းကြီးကြပ်ရေးကော်မတီရဲ့ ဒီကနေ့ထုတ်ပြန်ချက်အရ စက်သုံးဆီအမျိုးအစားအလိုက် တစ်လီတာကို ကျပ် ၁၀၀ကျော်အထိကျဆင်းလာတယ်လို့ သိရပါတယ်။
#Local_News
Published 13 September 2024
#စက်သုံးဆီဈေးနှုန်း #ကျပ်၁၀၀ကျော်ကျဆင်း
#YMG/NN #Yangon_Times

ရေဘေးသင့်ပြည်သူ‌တွေအတွက် လက်ဝှေ့ချန်ပီယံ ထွန်းထွန်းမင်း မြန်မာ့လက်‌ဝှေ့ ကမ္ဘာ့ခါးပတ်လေလံတင်ပြီးလှူဖို့ရှိတယ်လို့ သိရပါတယ်။
#Local_News
Published 13 September 2024
#လက်ဝှေ့ချန်ပီယံခါးပတ် #လေလံတင်ပြီးလှူ
#YMG/tthl #Yangon_Times

#World_News
Published 13 September 2024

▪️ ယူကရိန်းကို အနောက်တိုင်းထုတ် အဝေးပစ်ဒုံးကျည်များဖြင့် ရုရှားနယ်မြေထဲသို့ ပစ်ခွင့်ပြုလိုက်ပါက အနောက်တိုင်းကို ရုရှားက တိုက်ရိုက်ရလိမ့်မယ်လို့ ရုရှားသမ္မတ ဗလာဒီမာပူတင်က ကြာသပတေးနေ့မှာ ပြောပါတယ်။

▪️ ဒီလိုခွင့်ပြုခြင်းဖြင့် စစ်ရေးပဋိပက္ခရဲ့ သဘောသဘာဝနဲ့ အတိုင်းအတာကိုလည်း ပြောင်းလဲစေလိမ့်မယ်လို့ ဆိုပါတယ်။

▪️ ယူကရိန်းသမ္မတ ဗိုလိုဒီမီယာဇယ်လန်စကီဟာ ရုရှားတို့ မတိုက်ခိုက်နိုင်စေရန်အတွက် အမေရိကန်မှ ATACMS နဲ့ ဗြိတိန်မှ Storm Shadows တာဝေးပစ်လက်နက်များ အပါအဝင် အနောက်ဒုံးကျည်များဖြင့် ရုရှားနယ်မြေထဲသို့ ပစ်ခွင့်ပြုရန် မဟာမိတ်နိုင်ငံတွေကို တောင်းဆိုနေတာ လနဲ့ချီကြာနေပါပြီ။

▪️ ဂြိုဟ်တုပစ်မှတ် အချက်အလက်များနဲ့ ဒုံးကျည်ပျံသန်းလမ်းကြောင်း သတ်မှတ်မှုများကို ယူကရိန်း လုပ်ဆောင်နိုင်စွမ်း မရှိတာကြောင့် နေတိုး(NATO) စစ်မှုထမ်းများမှ ပြုလုပ်ရမှာဖြစ်တဲ့နောက် ယူကရိန်းကို တာဝေးပစ်ဒုံးကျည်များ ထောက်ပံ့နေတဲ့ နိုင်ငံတွေဟာ စစ်ပွဲထဲ ပါဝင်သက်ရောက်လာတဲ့ သဘောလို့ ပူတင်က ပြောလိုက်ပါတယ်။

▪️ "ယူကရိန်းကို ဒီလိုလက်နက်တွေ အသုံးပြုခွင့် ပေး/မပေးအကြောင်း ပြောနေတာ မဟုတ်ပါဘူး။ နေတိုးအဖွဲ့ဝင်နိုင်ငံတွေ စစ်ရေးပဋိပက္ခမှာ တိုက်ရိုက်ပါဝင်လာမှာ ဟုတ်/မဟုတ်အကြောင်း ပြောနေတာပါ" လို့ ပူတင်က ရုရှားရုပ်သံဌာနတစ်ခုကို ပြောကြားသွားပါတယ်။

▪️ ဒီလိုသာဖြစ်လာရင် နေတိုးနိုင်ငံတွေ တိုက်ရိုက်ပါဝင်တဲ့ သဘောဖြစ်ကြောင်း၊ စစ်ပွဲရဲ့ သဘောသဘာဝ သိသိသာသာ ပြောင်းလဲသွားမှာဖြစ်ကြောင်း ပြောသွားပါတယ်။

▪️ ကမ္ဘာပေါ်မှာ နျူကလီးယားအင်အား အကြီးဆုံးလည်းဖြစ်တဲ့ ရုရှားက နျူကလီးယားလက်နက်တွေကို အသုံးပြုလာနိုင်တဲ့ နျူကလီးယားမူဝါဒလမ်းစဉ်ကို ပြင်ဆင်နေပါတယ်။

▪️ လက်ရှိမှာ ရုရှားတို့က တရုတ်နဲ့ ရေကြောင်းစစ်ရေး လေ့ကျင့်မှုများ ပြုလုပ်နေကာ တင်ပို့ကုန်များကို ထိန်းချုပ်ရန် စဉ်းစားနေပါတယ်။

#Source: Reuters

#Local_News
Published 13 September 2024

▪️ မန္တလေးတိုင်းဒေသကြီး၊ တံတားဦးမြို့နယ်ရှိကျေးရွာများတွင် ယနေ့နံနက်ပိုင်းက ရေများဝင်ရောက်၍ ကူညီကယ်ဆယ်ရေးများပြုလုပ်ခဲ့ရကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ စက်တင်ဘာ ၁၃ရက်နေ့၊ မနက် ၇ အချိန်ခန့်က ၊ မန္တလေးတိုင်းဒေသကြီး၊ တံတားဦးမြို့နယ်၊ ပလ္လင်တောင်၊ ရွှေပေါ်ကျွန်း၊ ဘုရားကြီးကုန်း၊ အေးကြည်ကုန်းကျေးရွာများအတွင်း ရေဝင်ရောက်မှုဖြစ်ပွားခဲ့ကြောင်း သိရသည်။

▪️ အဆိုပါဖြစ်စဉ်ကြောင့်  တံတားဦးမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ ရေဘေးသင့်ပြည်သူများအား ဘေးလွတ်ရာသို့ ကူညီရွှေ့ပြောင်းပေးလျက်ရှိကြောင်း သိရသည်။

#YMG/NN #Yangon_Times

#Local_News
Published 13 September 2024

▪️ နေပြည်တော်နယ်မြေအတွင်းရှိ ရေဘေးကူညီကြသည့် ပရဟိတအသင်းများမှ ကယ်ဆယ်ရေး​လူနာတင်ယာဥ်များအား New Day​ စက်သုံးဆီအရောင်း​ဆိုင်​မှ စက်သုံးဆီများလှူဒါန်းလျှက်ရှိကြောင်း သိရသည်။

▪️ New Day​ စက်သုံးဆီအရောင်း​ဆိုင်​တွင်​ နေပြည်တော်​နယ်မြေ​ တပ်ကုန်း၊လယ်ဝေးနှင့်ပျဥ်းမနား​ဒေသများသို့ ရေဘေးကယ်ဆယ်ရေးဆောင်ရွက်ရန် အနယ်နယ်အရပ်ရပ်မှ ရောက်ရှိလာမည့် ပရဟိတအသင်းများမှ ကယ်ဆယ်ရေး​လူနာတင်ယာဥ်များကို လှူဒါန်းပေးခြင်းဖြစ်သည်။

▪️ ထိုသို့လှူဒါန်းရာတွင် ယာဥ်တစ်စီးလျှင် စက်သုံးဆီ (၁၀) ဂါလံနှုန်းဖြင့် ကယ်ဆယ်ရေးလူနာတင်ယာဥ် အစီးရေ (၁၀၀) တိတိအား စက်သုံးဆီများအခမဲ့ဖြည့်တင်းလှူဒါန်းပေးမည်ဖြစ်ကြောင်း သိရသည်။

#YMG/NN #Yangon_Times

#World_Science
Published 13 September 2024

▪️ ယမန်နှစ်က အမေရိကန် ကောင်းကင်ထက်မှာ တရုတ်သူလျှိုပူဖောင်းများ တွေ့ရှိခဲ့သလိုမျိုး ယခုအခါ ဒင်ဗာကောင်းကင်မှာ နောက်ထပ်ထူးဆန်းတဲ့ ပူဖောင်းကို ဒေသခံများ တွေ့ရှိခဲ့ကြပါတယ်။

▪️ မိုင်လ်ဟိုက်စီးတီးပေါ်မှာ ပူဖောင်းကို တွေ့ရှိခဲ့တာဖြစ်ပြီး ဒေသခံတွေက KDVR သတင်းဌာနကို အကြောင်းကြားခဲ့ကြကာ စက်တင်ဘာ ၆ ရက်နေ့က ပထမဆုံးကြေညာခဲ့ပါတယ်။

▪️ ဖော်ပြချက်များအရ အဖြူရောင်အကြည် အလုံးလေးဟာ World View Enterprises အာကာသစူးစမ်းရေးနဲ့ နည်းပညာကုမ္ပဏီရဲ့ ပစ္စည်းဖြစ်ပြီး ဝန်ထမ်းတစ်ဦးက ဩဂုတ် ၃၀ ရက်နေ့မှာ အရီဇိုနာမြောက်ဘက်ကနေ လွှတ်တင်ခဲ့တာ ဖြစ်ပါတယ်။

▪️ ဒီစနစ်ဟာ ကမ္ဘာ့လေထုအပေါ်ယံလွှာမှာ ပျံသန်းပြီး ရက်တွေ လတွေကြာသည်အထိ လမ်းပြပေးနိုင်တယ်လို့ World View မှ ကြော်ငြာနဲ့ ဆက်သွယ်ရေး ဒုဥက္ကဌ ဖီးလ်ဝေါ့ကင်က ပြောသွားပါတယ်။

▪️ ထိုပူဖောင်းက အများသုံးလေကြောင်းပိုင်နက် ပေ ၃ သောင်းထက် ကျော်လွန်ကာ ၇၃၀၀၀ ပေမှာ ပျံသန်းနေခဲ့တာ ဖြစ်တယ်လို့ ဆိုပါတယ်။

▪️ ဒါဟာ မိုးလေဝသပူဖောင်းတစ်ခုနဲ့ ဆင်တူပေမယ့် အမြင့်ပေရောက်တဲ့အခါ မပေါက်နိုင်ခဲ့ပါဘူး။
ဒီနည်းပညာဟာ မုန်တိုင်းခြေရာခံခြင်း၊ တောမီးနဲ့ ဖန်လုံအိမ်ဓာတ်ငွေ့များ စတာတွေကို တိုင်းတာရာမှာ အသုံးပြုတယ်လို့ ကုမ္ပဏီက ဆိုပါတယ်။

▪️ ပူဖောင်းက အနောက်တောင်ဘက်သို့ လေဖြင့်မပါသွားခင်မှာ ဒင်ဗာနားတဝိုက် တွေ့ခဲ့ရတယ်လို့ ဆိုပါတယ်။

▪️ ဒေသခံအချို့ကတော့ ၂၀၂၃ ဖေဖော်ဝါရီတုန်းက အမေရိကန်မှာ တရုတ်သူလျှိုပူဖောင်းတွေ လာရောက်ထောက်လှမ်းတာကို ပြန်လည် အမှတ်ရစေတယ်လို့ ဆိုကြပါတယ်။

▪️ အနည်းစုကတော့ ဒါကို ဂြိုဟ်သားတွေရဲ့ ယာဉ်လို့ စိုးရိမ်ခဲ့ကြပါတယ်။

▪️ ဒင်ဗာဒေသ မြောက်ပိုင်းမှာ ပျံသန်းနေတဲ့ပူဖောင်းဟာ ဂြိုဟ်သားယာဉ်မဟုတ်ဘူးလို့ ဒင်ဗာမိုးလေဝသပညာရှင် ခရစ္စဘီယန်ချီက X ဆိုရှယ်မီဒီယာမှာ ဖော်ပြသွားပါတယ်။

#Source: WION

#World_News
Published 13 September 2024

▪️ လက်ကိုင်ဖုန်း အသုံးပြုခြင်းနဲ့ နှလုံးရောဂါ ဖြစ်နိုင်ခြေများခြင်းတို့ကြား ဆက်စပ်မှုရှိနေကာ အထူးသဖြင့် ဆေးလိပ်သောက်သူတွေနဲ့ ဆီးချိုသမားတွေမှာ ရှိတယ်လို့ တရုတ်သုတေသနတစ်ခုမှာ ဖော်ပြထားပါတယ်။

▪️ ဒါဟာ အိပ်ရေးမဝခြင်း၊ စိတ်ပိုင်းဆိုင်ရာ ဖိစီးမှုတို့နဲ့ ဆက်စပ်နေတယ်လို့ ဆိုကြပါတယ်။

▪️ အိပ်ရေးပျက်ပြီး စိတ်ကျန်းမာရေး ချို့တဲ့တဲ့အခါ နေ့ညလည်ပတ်မှုပုံစံ ပျက်ယွင်းခြင်း၊ ဟော်မုန်းနဲ့ ဇီဝကမ္မဖြစ်စဉ် ပျက်ယွင်းခြင်း၊ ရောင်ရမ်းခြင်းတို့ကနေ နှလုံးသွေးကြောရောဂါများ ဖြစ်လာနိုင်စေတယ်လို့ ပူးတွဲစစ်ဆေးရေးမှူး ဒေါက်တာ ရှန်ဟွေကျင်က ပြောပါတယ်။

▪️ သုတေသီများက ၂၀၀၆ မှ ၂၀၁၀ အတွင်း ဖုန်းအသုံးပြုလေ့ရှိတဲ့ သက်လတ်ပိုင်းအရွယ် လူ ၄၄၄၀၀၀ ခန့်ကို လေ့လာကြည့်ရှုခဲ့ကြပြီး တစ်ပတ်ကို အနည်းဆုံး ဖုန်းတစ်ကြိမ်ပြောသူတွေကို ပုံမှန်အသုံးပြုတယ်လို့ သတ်မှတ်ကာ ၂၃ ရာခိုင်နှုန်းကတော့ တစ်ပတ်ကို ဖုန်းတစ်နာရီ အသုံးပြုကြပါတယ်။

▪️ ထိုလူတွေကို ၁၂ နှစ်ကြာအောင် စောင့်ကြည့်ခဲ့ကြကာ လေဖြတ်ခြင်း၊ နှလုံးရောဂါ၊ နှလုံးဖောက်ခြင်း စတာတွေနဲ့ ပတ်သက်တဲ့ ဆေးရုံတက်ကုသမှုနဲ့ သေဆုံးမှုမှတ်တမ်းများကို လေ့လာခဲ့ကြပါတယ်။

▪️ လူ ၅၆၀၀၀ ကျော်မှာ နှလုံးသွေးကြောရောဂါ ဖြစ်ပွားခဲ့ပြီး ပုံမှန်ဖုန်းအသုံးပြုသူတွေ အထူးသဖြင့် ဆေးလိပ်သောက်သူတွေနဲ့ ဆီးချိုသမားတွေမှာ သိသိသာသာ အဖြစ်များပါတယ်။

▪️ ထိုထဲက ၁၁.၅ ရာခိုင်နှုန်းက စိတ်ပိုင်းဆိုင်ရာ ဖိစီးမှုကြောင့်ဖြစ်ပြီး ၅.၁ ရာခိုင်နှုန်းကတော့ အိပ်ရေးပျက်တာကြောင့် ဖြစ်ပါတယ်။

▪️ ထိုကာလတုန်းက ခေတ်မီစမတ်ဖုန်းတွေ ကျယ်ကျယ်ပြန့်ပြန့် မရှိသေးဘဲ ယခုဆိုရင် ဖုန်းတွေက ပိုမိုခေတ်မီကာ လူတိုင်းအသုံးပြုနေပြီ ဖြစ်တာကြောင့် ပိုပြီး သတိထားစရာ ဖြစ်လာပြီလို့ တိုရွန်တိုတက္ကသိုလ်မှ သုတေသီ ၃ ဦးမှ ဖော်ပြထားပါတယ်။

▪️ ဖုန်းပုံမှန်သုံးလို့ ရောဂါကို တိုက်ရိုက်ဖြစ်စေတာ မဟုတ်ပေမယ့် ကျန်းမာရေးနဲ့ မညီညွတ်တဲ့ နေထိုင်မှုပုံစံကြောင့် ဖြစ်စေတာပါလို့ နော့သ်ဝဲလ်လန်နော့စ်ဟေးလ်ဆေးရုံမှ နှလုံးဌာနအကြီးအကဲ ဒေါက်တာ ဗေရင်ဒါဆင်းက ပြောသွားပါတယ်။

▪️ WHO ကော်မရှင်ပြု သုံးသပ်ချက်တစ်ခုမှာတော့ ဆဲလ်ဖုန်းရောင်ခြည်နဲ့ ဖုန်းအသုံးပြုသူများမှာ ဦးနှောက်ကင်ဆာ ဖြစ်နိုင်ခြေ ဆက်စပ်မှုမရှိဘူးလို့ ဖော်ပြထားပါတယ်။

#Source: New York Post