#World_Science
Published 12 March 2026

■ ဂြိုဟ်တုတွေ၊ ရေဒါတွေ၊ မိုးလေဝသခန့်မှန်းချက်စနစ်တွေ မပေါ်ခင်တုန်းက လူတွေက တိရိစ္ဆာန်တွေကိုကြည့်ပြီး ရာသီဥတု အပြောင်းအလဲလက္ခဏာတွေ စောင့်ကြည့်ခဲ့ကြပါတယ်။
သိပ္ပံနည်းကျ ဟုတ်ဟုတ်မဟုတ်ဟုတ် ပတ်ဝန်းကျင်အာရုံခံမှုတွေကနေ တိရိစ္ဆာန်အပြုအမူတွေ ဖြစ်ပေါ်တတ်ပါတယ်။

■ (၁) မိုးခန့်မှန်းနိုင်သော ဖား
ဒေသအများအပြားမှာ မိုးမရွာခင် ဖားအော်သံတွေ ပိုမိုကျယ်လောင်လာတတ်ပြီး လေထုဖိအား ပြောင်းလဲခြင်းနဲ့ စိုစွတ်မှု မြင့်တက်လာခြင်းတို့ကို ဖားတွေတုံ့ပြန်တာ ဖြစ်ပါတယ်။

■ (၂) တိမ်ကောင်းကင်အကြောင်းသတိပေးနိုင်သော ငှက်များ
ပျံလွှားငှက်တွေ အနိမ့်ပျံရင် မိုးရွာအံ့ဆဲဆဲဖြစ်နိုင်ပြီး ရုတ်တရက်ငြိမ်သက်သွားရင်တော့ မုန်တိုင်းနီးကပ်လာတဲ့သဘော ဖြစ်ကာ ဒါဟာငှက်တွေက လေဖိအားနဲ့ လေဦးတည်ချက်တို့ကို သိနိုင်စွမ်း အလွန်မြင့်မားတာကြောင့် ဖြစ်ပါတယ်။

■ (၃) မုန်တိုင်းအာရုံခံနိုင်သော ကြောင်
ကြောင်တွေက မုန်တိုင်းတို့ မိုးတို့နီးစပ်လာရင် ကဏာမငြိမ်၊ ပုံးကွယ်တတ်တဲ့သဘော မြင်တွေ့ရပြီး ဒါဟာ သူတို့ရဲ့ နှုတ်ခမ်းမွှေးတွေက သေးငယ်လှတဲ့ လေဖိအားအပြောင်းအလဲကို အာရုံခံနိုင်သလို ပတ်ဝန်းကျင်က ငြိမ်သက်လျှပ်စီးဓာတ်ကိုလည်း အလွန်အာရုံခံနိုင်တာကြောင့် ဖြစ်ပါတယ်။

■ (၄) မိုးရွာခြင်းကို ငြိမ်သက်စွာပြုမူသော နွားများ
မိုးမရွာခင် နွားတွေ လဲနေတတ်တယ်လို့ ယူဆဖူးကြပြီး စိုစွတ်မှုမြင့်မားကာ လေဖိအားအေးလာပြီဆိုရင် မြက်တွေစိုစွတ်လာတာကြောင့် နွားတွေက နွေးထွေးခြောက်သွေ့အောင် လဲနေတဲ့သဘော ဖြစ်ပါတယ်။

■ (၅) မိုးကြီးခြင်းကိုခန့်မှန်းနိုင်သော ပုရွက်ဆိတ်
မုန်တိုင်း၊ မိုးများမလာခင်မှာ ပုရွက်ဆိတ်တွေ အများအပြား ပေါ်လာတတ်တာဟာ လေထုဖိအားကျဆင်းခြင်းကို အာရုံခံနိုင်ပြီး ရေကြီးခြင်းမှကာကွယ်ဖို့ အသိုက်ပြောင်းရွှေ့ကြတာ ဖြစ်ပါတယ်။

■ (၆) ဖိအားကျဆင်းကိုသိရှိသော ငါးမန်း
မုန်တိုင်း ဟာရီကိန်းတို့မလာခင် သမုဒ္ဒရာထဲမှာ ငါးမန်းတွေဟာ ရေနက်ထဲ သွားကြတာကို သိရှိထားပြီး ဒါဟာ သူတို့ရဲ့ အာရုံခံအင်္ဂါတွေက ရေထဲက လျှပ်စီးနဲ့ ဖိအားပြောင်းလဲမှုကို သိရှိနိုင်တာကြောင့် ရှောင်ရှားတဲ့သဘော ဖြစ်ပါတယ်။

■ (၇) ရာသီဥတုညွှန်ပြသည့် ပျား
ပျားတွေ ပျားအုံနားရှိနေခြင်း အနိမ့်ပျံနေခြင်းတို့ဆိုရင် မိုးလာတဲ့သဘောဖြစ်ပြီး သူတို့ရဲ့ နေထိုင်ပုံက စိုစွတ်မှုအပေါ် မူတည်နေပါတယ်။

Source: Indian Express

#World_Health
Published 12 March 2026

■ အယ်ဇိုင်းမားရောဂါမှာ ပါဝင်တဲ့ ပရိုတိန်းတစ်ခုကို စစ်ဆေးတဲ့ သွေးစစ်ဆေးချက်များဖြင့် ရောဂါလက္ခဏာ မပေါ်ခင်မှာပင် ဘယ်အသက်အရွယ်မှာ ရောဂါဖြစ်နိုင်လဲဆိုတာကို ကူညီခန့်မှန်းပေးနိုင်ဖွယ်ရှိပါတယ်။

■ ဒါပေမဲ့ ဒီစစ်ဆေးနည်းတွေရဲ့ တိကျမှုနဲ့ မရေရာမှုအပေါ် မေးခွန်းထုတ်စရာများ ရှိနေပါတယ်။

■ လေ့လာမှုရလဒ်တွေက အားကိုးစရာဖြစ်ပေမယ့် လူနာတစ်ဦးချင်းစီအတွက် ထင်ရှားတဲ့ အကျိုးကျေးဇူးအဆင့်မှာ မရှိသေးသလို အယ်ဇိုင်းမားရောဂါဆိုတာက ရှုပ်ထွေးလှပြီး တစ်ဦးနဲ့တစ်ဦး ဖြစ်ပျက်ပုံတွေ ကွဲပြားတယ်လို့ ဗန်ဒါဘစ်ဆေးတက္ကသိုလ်မှ အာရုံကြောစိတ်ပညာရှင် ကိုရီဘော်လ်တန်က ပြောပါတယ်။

■ ဦးနှောက်အသိဉာဏ် ချို့ယွင်းခြင်းမရှိတဲ့ အသက် ၆၂ နှစ်မှ ၇၈ နှစ်ကြား လူပေါင်း ၆၀၀ ကျော်ကို သွေးစစ်ဆေးမှုများ ပြုလုပ်ခဲ့ကြကာ ပုံစံတစ်မျိုးဖြင့် စမ်းသပ်ခဲ့ကြပါတယ်။

■ ဒီရောဂါဟာ ဦးနှောက်ထဲမှာ အမိုင်လွိုက်ပရိုတိန်းအနည်တွေ၊ tau ပရိုတိန်းတွေ စုပြုံလာတာဖြစ်ပြီး လက္ခဏာမသိသာခင်အထိ ဆယ်စုနှစ်ကြာအောင် ရောဂါတိုးလာပါတယ်။

■ သွေးစစ်ဆေးနည်းတွေဟာ ရောဂါနဲ့ ဇီဝလက္ခဏာများကို ရှာဖွေရာမှာ အသုံးများလာပါတယ်။

■ အမေရိကန်မှာ အယ်ဇိုင်းမားလက္ခဏာရှိသူတွေအတွက် အသိအမှတ်ပြုထားတဲ့ စစ်ဆေးနည်း ၂ မျိုးကတော့ Lumipulse နဲ့ Elecsys တို့ဖြစ်ပါတယ်။

■ အဝလွန်ခြင်း၊ ကျောက်ကပ်ရောဂါတို့လို ရှိရင်းစွဲရောဂါအခြေအနေတွေကြောင့် စစ်ဆေးချက်ရလဒ် အပြောင်းအလဲ ဖြစ်နိုင်ပါတယ်။

■ ဒီလေ့လာချက်တွေ အတည်ပြုနိုင်ဖို့အတွက်ဆိုရင် ကွဲပြားတဲ့လူမျိုးတွေမှာ နောက်ထပ်လေ့လာသွားဖို့ လိုအပ်နေကြောင်း သုတေသီတွေ ပြောသွားပါတယ်။

Source: ScientificAmerican

စက်သုံးဆီမပြတ်လပ်စေရန်နှင့် အမှန်တကယ်လိုအပ်သူများ အဆင်ပြေစွာဝယ်ယူနိုင်ရန် စက်သုံးဆီအရောင်းဆိုင်များတွင် မတ်လ ၁၂ရက်နေ့မှစ၍ Barcode  နှင့် QR Code များကို Application ဖြင့် အလို အလျောက်စစ်ဆေးသည့်နည်းလမ်းဖြင့် စိစစ်ရောင်းချပေးသွားမည်ဖြစ်ကြောင်း စွမ်းအင်ဝန်ကြီးဌာနက ယနေ့သတင်းထုတ်ပြန်ပါတယ်။  ထုတ်ပြန်ချက်အပြည့်အစုံကို အောက်ပါအတိုင်းဖော်ပြပါတယ်။

စက်သုံးဆီရောင်းချမှုများအပေါ် စိစစ်ကြပ်မတ်နိုင်ရေးဆောင်ရွက်သွားမည့်အစီအမံ အသိပေးထုတ်ပြန်ခြင်း

၂၀၂၆ ခုနှစ်၊ မတ်လ ၁၁ ရက်

စက်သုံးဆီမပြတ်လပ်စေရန်နှင့် စက်သုံးဆီအမှန်တကယ်လိုအပ်သူများ အဆင်ပြေချောမွေ့စွာ ဝယ်ယူရရှိနိုင်စေရန်ရည်ရွယ်၍ အရောင်းဆိုင်များတွင် တစ်ရက်အတွင်း ၂ ကြိမ် (သို့မဟုတ်) ၃ ကြိမ် တန်းစီ ဝယ်ယူမှုများလျော့နည်းပပျောက်စေရေးအတွက် အရောင်းဆိုင်များအနေဖြင့် တယ်လီဖုန်း Application ကို အသုံးပြုပြီး စိစစ်ရောင်းချမှုများဆောင်ရွက်သွားမည်ဖြစ်ပါသည်။

         ယင်းသို့ဆောင်ရွက်ရာတွင် အများပြည်သူဝန်ထုပ်ဝန်ပိုးမဖြစ်စေရေးနှင့် ပိုမိုရိုးရှင်းလွယ်ကူစွာ ဆောင်ရွက်နိုင်ရေးအတွက် ယာဉ်ပိုင်ရှင်များမှ Application အသုံးပြုရန်နှင့် Registration ပြုလုပ်ရန် လုံးဝ မလိုအပ်ဘဲ အရောင်းဆိုင်အခြေပြုစိစစ်သည့်နည်းလမ်းဖြင့်ဆောင်ရွက်သွားမည်ဖြစ်ပါသည်။ မော်တော် ယာဉ်များအတွက် Wheel Tax ၏ Barcode ကိုလည်းကောင်း၊ မော်တော်ဆိုင်ကယ်များအတွက် Wheel Tax ပါအချက်အလက်များကို အသုံးပြုပြီး QR Code ထုတ်ပေး၍လည်းကောင်း Application ဖြင့် အလို အလျောက်စစ်ဆေးသည့်နည်းလမ်းဖြင့် စိစစ်ရောင်းချပေးသွားမည်ဖြစ်ပါသည်။

မော်တော်ယာဉ်များအတွက် Wheel Tax တွင်ပါရှိသော Barcode အား ဆိုင်ဝန်ထမ်းမှ Scan ဖတ်၍ စနစ်မှ အလိုအလျောက်စစ်ဆေးပြီး တစ်ရက်အတွင်း တစ်ကြိမ်မျှ စက်သုံးဆီဝယ်ယူထားခြင်းမရှိသေးပါက စက်သုံးဆီများဆက်လက်ရောင်းချပေးမည်ဖြစ်ပါသည်။ အကယ်၍  တစ်ရက်အတွင်း နောက်တစ်ကြိမ် ထပ်မံ ဝယ်ယူရန် မည်သည့်ဆိုင်တွင်မဆို Scan ဖတ်ပါက ၎င်းရက်အတွင်း ပထမအကြိမ်ဝယ်ယူခဲ့မှုကို ဖော်ပြပေး မည်ဖြစ်ကာ ဆီဝယ်ယူခွင့်ရရှိမည်မဟုတ်ဘဲ နောက်တစ်ရက်တွင်မှသာ ထပ်မံဝယ် ယူခွင့် ရရှိမည်ဖြစ်ပါသည်။ တစ်ရက်အတွင်း တစ်ကြိမ်ဝယ်ယူပြီးနောက် ထပ်မံတန်းစီဝယ်ယူမှုများမရှိစေရေး စိစစ်တားမြစ် သွားမည်ဖြစ်ပါသည်။

မော်တော်ဆိုင်ကယ်များ၏ Wheel Tax တွင် Barcode မပါရှိသည့်အတွက် အရောင်းဆိုင်တွင် QR Code များထုတ်ယူရမည်ဖြစ်ပါသည်။ ယင်းသို့ ထုတ်ယူနိုင်ရေးအတွက် ယာဉ်ပိုင်ရှင်များအနေဖြင့် ဆိုင်ကယ်၏ Wheel Tax အား အရောင်းဆိုင်ဝန်ထမ်းသို့ပေးအပ်ပြီး ဝန်ထမ်းမှ Application တွင် ယာဉ် နံပါတ်နှင့် သက်တမ်းကုန်ဆုံးရက်များဖြည့်သွင်းကာ QR Code ထုတ်ပေးမည်ဖြစ်ပါသည်။ ယင်း QR Code ကို ပိုင်ရှင်အနေဖြင့် ဖုန်းဖြင့် ဓာတ်ပုံရိုက်ယူခြင်း သို့မဟုတ် အရောင်းဆိုင်မှ Print ထုတ်ပေးခြင်းဖြင့် ရယူသိမ်းဆည်းထားရှိရန် လိုအပ်မည်ဖြစ်ပါသည်။ စက်သုံးဆီဝယ်ယူသည့်အခါတိုင်း ၎င်း QR Code အား အရောင်းဆိုင်ဝန်ထမ်းသို့ပြသဝယ်ယူနိုင်မည်ဖြစ်ပြီး  မော်တော်ယာဉ်များတွင် စိစစ်သကဲ့သို့ တစ်ရက်အတွင်း ၂ ကြိမ် (သို့မဟုတ်) ၃ ကြိမ်ဝယ်ယူမှုမရှိစေရေး စနစ်မှအလိုအလျောက်စစ်ဆေးရောင်းချပေးသွားမည်ဖြစ်ပါသည်။

အရောင်းဆိုင်များမှ စက်သုံးဆီများစိစစ်ရောင်းချရာတွင် နိုင်ငံတော်မှ ထုတ်ပြန်ထားရှိသည့် မူဝါဒ များနှင့်အညီ ယာဉ်အသုံးပြုခွင့် ခွင့်ပြုထားမှုအလိုက် စက်သုံးဆီရောင်းချနိုင်ရေးကိုလည်း တစ်ပါတည်း စစ်ဆေးမည်ဖြစ်ပါသဖြင့် မိမိယာဉ်အသုံးပြုခွင့်ရှိသည့်ရက်များအတွက်သာ စက်သုံးဆီဝယ်ယူခွင့်ရရှိမည် ဖြစ်ပါကြောင်း အသိပေးအပ်ပါသည်။

နေပြည်တော်ကောင်စီနယ်မြေ ၊ ရန်ကုန်မြို့၊ မန္တလေးမြို့နှင့် တောင်ကြီးမြို့တို့တွင် ၁၂-၃-၂၀၂၆ ရက်နေ့မှစတင်၍ စက်သုံးဆီအရောင်းဆိုင်များ၌ Application ဖြင့် အလိုအလျောက်စစ်ဆေးသည့် နည်းလမ်းကို စမ်းသပ်အသုံးပြုသွားမည်ဖြစ်ပြီး စနစ်အား လိုအပ်သောစစ်ဆေးပြုပြင်မှုများဆောင်ရွက် ပြီးပါက ကျန်မြို့ကြီးများတွင်လည်း ဆက်လက်၍ Application ကို အသုံးပြုသွားမည်ဖြစ်ပါသည်။

ပြည်သူများ၏ပူးပေါင်းပါဝင်ကူညီဆောင်ရွက်ပေးမှုများကြောင့် စက်သုံးဆီအရောင်းဆိုင်များတွင် ယာဉ်တန်းစီမှုများလျော့ကျသွားပြီး ပုံမှန်ဖြန့်ဖြူးရောင်းချနိုင်သည့်အခြေအနေသို့ပြန်လည်ရောက်ရှိခဲ့ပါသည်။ စွမ်းအင်ဝန်ကြီးဌာနအနေဖြင့်လည်း နေပြည်တော်ရှိ ရေနံထွက်ပစ္စည်းကြီးကြပ်စစ်ဆေးရေးဦးစီးဌာန၏ Online Monitoring Center တွင် စက်သုံးဆီတင်သွင်း၊ သိုလှောင်၊ ဖြန့်ဖြူးရောင်းချခြင်းလုပ်ငန်းစဉ် (Supply Chain) တစ်လျှောက်ကို အချိန်နှင့်တပြေးညီစောင့်ကြည့်ကြပ်မတ်လျက်ရှိခြင်း၊ စက်သုံးဆီရောင်းချမှု များနှင့်ပတ်သက်၍ မြို့ကြီးများရှိ စက်သုံးဆီအရောင်းဆိုင်များတွင် ရောင်းချပေးသည့် ယာဉ်အမျိုးအစား နှင့်ယာဉ်နံပါတ်၊ ဆီအမျိုးအစားနှင့်ပမာဏ၊ ရောင်းချပေးသည့်ဈေးနှုန်း စသည်တို့ကိုလည်း   အချိန်နှင့်တပြေးညီ စောင့်ကြည့်ကြပ်မတ်လျက်ရှိခြင်းတို့အပြင် ပြည်တွင်းစက်သုံးဆီဖူလုံမှုရှိစေရေးကိုလည်း အစီအမံအတိုင်း အထူးအလေးထားဆောင်ရွက်လျက်ရှိပါကြောင်း အသိပေးထုတ်ပြန်အပ်ပါသည်။

စွမ်းအင်ဝန်ကြီးဌာန

တရုတ်သမ္မတရှီကျင့်ဖျင်က တပ်မတော်အတွင်း သစ္စာစောင့်သိမှုမြှင့်တင်ရေးရဲ့ အားသာချက်တွေကို အပြည့်အဝအသုံးချရန် စနေနေ့က အလေးထားပြောကြားလိုက်ကာ အမျိုးသားကာကွယ်ရေးနဲ့ လက်နက်ကိုင်တပ်ဖွဲများ ရေရှည်တည်တံ့ရေး အနေအထားဖြင့် ခေတ်မီတိုးတက်ရေးမြှင့်တင်သွားရန် ပူးပေါင်းအားထုတ်ကြဖို့ တိုက်တွန်းလိုက်ပါတယ်။

#Asia_Politics
Published 11 March 2026
#တရုတ်သမ္မတရှီကျင့်ဖျင် #တရုတ်အမျိုးသားပြည်သူ့ကွန်ဂရက်
#YMG #Yangon_Times #Yangon_Media_Group

မြန်မာနိုင်ငံမှာ ပထမဆုံးအဖြစ်ကျင်းပမယ့် ၂၀၂၆မြန်မာပိုက်ကျော်ခြင်း လိဂ် (MSL)ပြိုင်ပွဲကိုအခုလအတွင်း စတင်ပြုလုပ်သွားမှာဖြစ်ပြီး ယင်းပြိုင်ပွဲမှာဆုကြေး‌ငွေအပြင် ခပ်ကြေးငွေကျပ်သိန်း၈၀၀ကျော်ကိုပါချီးမြှင့်သွားမယ်လို့ သိရပါတယ်။

#Local_News
Published 11 March 2026
#မြန်မာပိုက်ကျော်ခြင်းလိဂ် #MSL
#YMG/NN #Yangon_Times

အင်ဒိုနီးရှားနိုင်ငံ၊ဂျာကာတာမှာပြုလုပ်မယ့် အထည်အလိပ်ပြပွဲကို တက်ရောက်မယ့်မြန်မာအထည်အလိပ်လုပ်ငန်းရှင်တွေအနေနဲ့ တည်းခိုစရိတ်ကျခံရန်မလိုဘဲ မြန်မာနိုင်ငံအထည်ချုပ်လုပ်ငန်းရှင်များအသင်းကကျခံပေးသွားမယ်လို့ သိရပါတယ်။

#Local_News
Published 11 March 2026
#ဂျာကာတာ #အထည်အလိပ်ပြပွဲ
#YMG/SW #Yangon_Times

#Daily_News
Published 11 March 2026

၁။‌ ‎ခပ်ကြေးငွေသိန်း၈၀၀ကျော်ချီးမြှင့်မည့် ပထမဆုံး မြန်မာပိုက်ကျော်ခြင်းလိဂ် ပြိုင်ပွဲကျင်းပမည်

‌‎၂။ ‌‌‌‌‌‌‌‌‌‌‌‎ဂျာကာတာတွင်ပြုလုပ်မည့် အထည်အလိပ်ပြပွဲသို့တက်ရောက်မည့်သူများ တည်းခိုစရိတ်ကျခံရန်မလို

‎၃။‌‌‎ ‌‌‌‌‌‌‌‌‌‎မြန်မာရိုးရာသနပ်ခါးသင်္ကြန်ပါ၀င်ရန်ဆွေးနွေးနေ

‎၄။‎ ‌‌‌‌‌‌‌‌‌(၁၄)ကြိမ်မြောက် တရုတ်အမျိုးသားပြည်သူ့ကွန်ဂရက်နှစ်စဉ်အစည်းအဝေး၌ တရုတ်သမ္မတရှီကျင့်ဖျင်မိန့်ခွန်းပြော... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရှမ်းပြည်နယ်၌ မြန်မာရိုးရာသင်္ကြန်ကာလအတွင်းသနပ်ခါးသင်္ကြန် ပါ၀င်ရန် ဆွေးနွေးနေတယ်လို့သိရပါတယ်။

#Local_News
Published 11 March 2026
#မြန်မာရိုးရာသနပ်ခါးသင်္ကြန် #ရှမ်းပြည်နယ်
#YMG/NN #Yangon_Times

အွန်လိုင်းမှ တဆင့်ရထားလက်မှတ်ဝယ်ယူခြင်းအချိန်ကန့်သတ်ချက်အား ရထားမထွက်ခွာမီ (၁၀) မိနစ်အထိ ပြင်ဆင်သတ်မှတ်လိုက်တယ်လို့
မြန်မာ့မီရထားမှ သိရပါတယ်။

#Local_News
Published 11 March 2026
#မြန်မာ့မီရထား #အွန်လိုင်း
#YMG/SW #Yangon_Times

#World_Health
Published 11 March 2026

■ ဆီးချိုရောဂါ၊ ဆီးချိုဖြစ်နိုင်ခြေရှိခြင်းနဲ့ ကိုယ်အလေးချိန် တက်ခြင်းတို့ကို ထိန်းသိမ်းဖို့အတွက် အာလူးစားသင့်လား ကန်စွန်းဥစားသင့်လားဆိုတာ မေးစရာရှိပါတယ်။

■ နှစ်မျိုးစလုံးက ဗိုက်ပြည့်ဝစေပြီး သက်သာစွာ ဝယ်ယူနိုင်ပေမယ့် သွေးတွင်းသကြားဓာတ် ထိန်းသိမ်းဖို့နဲ့ ပတ်သက်ရင်တော့ ကွဲပြားသွားပါတယ်။

■ အာလူးက အချိုဓာတ်မြင့်တက်စေပြီး ကိုယ်အလေးချိန် တက်စေတယ်လို့ သိထားပါတယ်။

■ တကယ်တမ်းတော့ သွေးတွင်းသကြားဓာတ် ထိန်းချုပ်ခြင်းက အာလူးအမျိုးအစားသာမက ဘယ်လိုချက်တယ် ဘယ်လောက်စားတယ် ဘာနဲ့တွဲစားလဲဆိုတာတွေလည်း သက်ဆိုင်နေပါတယ်။

■ အာလူးပြုတ်တွေမှာ သွေးတွင်းသကြားဓာတ်မြင့်တက်နှုန်း(GI) အသင့်အတင့်ရှိပြီး အာလူးထောင်း အာလူးဖုတ်တို့ကတော့ GI မြင့်မားပါတယ်။

■ ကန်စွန်းဥက ပြုတ်စားမယ်ဆိုရင် GI အသင့်အတင့်ကနေ အနည်းငယ်သာ ရှိပြီး သာမန်အာလူးတွေထက် သွေးတွင်းသကြားဓာတ် မြင့်တက်နှုန်း နှေးစေနိုင်ပါတယ်။

■ အမျှင်ဓာတ်ပါဝင်မှုက အစာခြေနှုန်းကို နှေးစေပြီး သွေးတွင်းသကြားဓာတ် ရုတ်တရက်မြင့်တက်ခြင်းကို ကာကွယ်ပေးကာ ကန်စွန်းဥက အခွံပါစားမယ်ဆိုရင် အမျှင်ပိုပါဝင်ပါတယ်။

■ နှစ်မျိုးစလုံးက ကာဗိုဟိုက်ဒရိတ် ကြွယ်ဝပြီး ခွန်အားပေးနိုင်ပေမယ့် ကွာခြားချက်က ဒီကာဗိုဟိုက်ဒရိတ်တွေ သွေးထဲမှာ ဂလူးကို့စ်အဖြစ် ဘယ်လောက်မြန်မြန် ပြောင်းလဲသလဲဆိုတာပါပဲ။

■ အာလူးနဲ့ ကန်စွန်းဥတို့ကို ပြုတ်စားခြင်းက ကစီဓာတ်ရစေပြီး သွေးတွင်းသကြားဓာတ် ထိန်းစေနိုင်ပါတယ်။

■ အာလူးကြော်နဲ့ ကန်စွန်းဥကြော်တို့ဆိုရင်တော့ သကြားဓာတ်မြင့်တက်စေပြီး ဆိုးကျိုးပြုဆီတွေလည်း ပါဝင်ပါတယ်။

■ နှစ်မျိုးစလုံးကို အသင့်အတင့်ပမာဏဖြင့် ပရိုတိန်း၊ အမျှင်ဓာတ်တို့နဲ့ တွဲစားပါက အာဟာရမျှတမှုရနိုင်ပါတယ်။

Source: India Today

#World_Health
Published 11 March 2026

■ သွေးတိုးလူနာတွေအနေနဲ့ ပုံမှန်သောက်နေရတဲ့ သွေးထိန်းဆေးတွေကို ငါးကြီးဆီနဲ့ တွဲသောက်လို့ရလားဆိုတာ သိချင်နေကြပါတယ်။

■ အိုမီဂါ-၃ ဖက်တီးအက်ဆစ်ကြွယ်ဝတဲ့ ငါးကြီးဆီဖြည့်စွက်ဆေးတွေဟာ နှလုံးကျန်းမာရေးကို အထောက်အကူ ဖြစ်စေပြီး အဆီဓာတ်တွေနဲ့ ရောင်ရမ်းမှုတွေကိုလည်း လျှော့ချပေးပါတယ်။

■ များသောအားဖြင့် ဒီဆေးနှစ်မျိုးကို တွဲသောက်လို့ ရပါတယ်။

■ အိုမီဂါ-၃ ဖက်တီးအက်ဆစ်တွေက သွေးကြောထဲ ရောင်ရမ်းမှုလျှော့ချခြင်း၊ သွေးကြောကျုံ့နိုင်ဆန့်နိုင်စွမ်း မြင့်မားစေခြင်းတို့ဖြင့် နှလုံးကျန်းမာရေးကို ထောက်ကူပေးတဲ့အပြင် သွေးပေါင်ချိန် လျှော့ချပေးနိုင်ဖွယ် ရှိတယ်လို့လည်း အထောက်အထားအချို့ တွေ့ထားပါတယ်။

■ ဒီလိုအာနိသင်တွေကြောင့် ငါးကြီးဆီကို သဘာဝဖြည့်စွက်ဆေးအဖြစ် သတ်မှတ်ကြပါတယ်။

■ လူသုံးများတဲ့ သွေးတိုးကျဆေးတွေ၊ ကယ်စီယံပိတ်ဆို့ဆေးတွေ၊ ဖိစီးမှုဟော်မုန်းပိတ်ဆို့ဆေးတွေ၊ ဆီးရွှင်တွေနဲ့ အနှောင့်အယှက် မဖြစ်နိုင်ပါဘူး။

■ သွေးပေါင်ချိန် ထိန်းသိမ်းနိုင်သူတွေမှာ ငါးကြီးဆီထည့်စားရင် သက်ရောက်မှု အနည်းငယ်မြှင့်တင်ပေးနိုင်ပါတယ်။

■ ဒါပေမဲ့ သက်ကြီးရွယ်အိုတွေ၊ ဆေးအများအပြား အသုံးပြုနေရသူတွေမှာတော့ သွေးပေါင်ချိန် အကျလွန်သွားနိုင်ကာ မူးဝေမေ့မောခြင်းတို့ ဖြစ်နိုင်ပါတယ်။

■ နောက်တစ်ချက်က ငါးကြီးဆီဟာ အတန်အသင့် သွေးကျဲစေတဲ့ အာနိသင်ရှိတာကြောင့် စားတာများသွားရင် သွေးယိုနိုင်ခြေများပါတယ်။

■ ငါးကြီးဆီဟာ အဓိကဆေးတွေနေရာမှာ အစားထိုးနိုင်တဲ့ ဖြည့်စွက်ဆေး မဟုတ်သလို လေ့ကျင့်ခန်း၊ စားသောက်ပုံစံ၊ ဖိစီးမှုထိန်းချုပ်ခြင်းတို့အတွက်လည်း လုံလောက်စွာ ဖြည့်စွက်နိုင်မှာ မဟုတ်ပါဘူး။

Source: Indian Express

နေပြည်တော်၊ မတ် ၁၀

နိုင်ငံတော်ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ  ဗိုလ်ချုပ်မှူးကြီး မင်းအောင်လှိုင်သည် ၂၀၂၁ ခုနှစ်မှ ၂၀၂၅ ခုနှစ်အထိ ၅ နှစ်တာကာလအတွင်း အစိုးရ၏ ဆောင်ရွက်ချက်များကို ပြန်လည်သုံးသပ်သည့် အစည်းအဝေးကို နေပြည်တော်၌ ကျင်းပပြုလုပ်ခဲ့ပြီး၊ လာမည့် ဧပြီလတွင် အစိုးရသစ်ထံ အာဏာလွှဲပြောင်းပေးတော့မည်ဖြစ်ကြောင်း အတည်ပြုပြောကြား လိုက်သည်။

ဗိုလ်ချုပ်မှူးကြီး မင်းအောင်လှိုင်က ပြီးခဲ့သည့် ရွေးကောက်ပွဲတွင် ဆန္ဒမဲပေးပိုင်ခွင့်ရှိသူ ၂၄ သန်းကျော်အနက် ၅၄.၂၂ ရာခိုင်နှုန်းကျော်ဖြစ်သည့် ၁၃.၁၄ သန်း လာရောက် မဲပေးခဲ့ကြကြောင်း ပြောကြားခဲ့သည်။  အဆိုပါ ရွေးကောက်ပွဲမှ ထွက်ပေါ်လာသည့် ကိုယ်စားလှယ်များနှင့်အတူ လွှတ်တော်အစည်းအဝေးများကို ယခု မတ်လအတွင်း စတင်ကျင်းပမည်ဖြစ်ပြီး၊ ဧပြီလတွင် အစိုးရသစ်ထံ နိုင်ငံတော်အာဏာ လွှဲပြောင်းပေးအပ်သွားမည်ဖြစ်ကြောင်း ထပ်လောင်းပြောကြားခဲ့သည်။

၅ နှစ်တာ ကာလအတွင်း တွေ့ကြုံခဲ့ရသည့် စိန်ခေါ်မှုများနှင့် ပတ်သက်၍ ဖွဲ့စည်းပုံအခြေခံဥပဒေ: ၂၀၂၀ ရွေးကောက်ပွဲ မဲမသမာမှုများကြောင့် ၂၀၀၈ ဖွဲ့စည်းပုံအခြေခံဥပဒေ နှင့်အညီ နိုင်ငံတော်တာဝန်ကို လွှဲပြောင်းရယူခဲ့ရခြင်း ဖြစ်သည်ဟု ဗိုလ်ချုပ်မှူးကြီးကပြောသည်။

 ထို့အပြင်    ငြိမ်းချမ်းရေးဆွေးနွေးမှု: NCA လမ်းကြောင်းပေါ်တွင် အခြေခံကာ တိုင်းရင်းသား   လက်နက်   ကိုင်  အဖွဲ့များ၊ နိုင်ငံရေးပါတီများနှင့် စုစုပေါင်း (၁၄၉) ကြိမ် တွေ့ဆုံဆွေးနွေးခဲ့သည်ဟုလည်း ဆိုသည်။

ဥပဒေပြင်ဆင်ရေး: ငြိမ်းချမ်းရေးဆွေးနွေးပွဲများမှ ရရှိလာသော အချက်များကို လာမည့်လွှတ်တော်  တွင် ဆွေးနွေးပြီး အခြေခံဥပဒေ ပြင်ဆင်ရေးကို ဆောင်ရွက်သွားမည်ဖြစ်ကြောင်းလည်း နိုင်ငံတော် ယာယီ   သမ္မတက အတည်ပြုပြောကြားသည်။

နိုင်ငံတော်၏ GDP တိုးတက်စေရန်အတွက် စိုက်ပျိုးမွေးမြူရေးကို အခြေခံသည့် MSME လုပ်ငန်းများကို အားပေးခဲ့ကြောင်းနှင့် ယခင်အစိုးရလက်ထက်က ဖြစ်ပေါ်ခဲ့သည့် ကုန်သွယ်မှုလိုငွေ အမေရိကန်ဒေါ်လာ ၂၅ ဘီလီယံကို သင်ခန်းစာယူ၍ ပို့ကုန်မြှင့်တင်ရန် ကြိုးပမ်းခဲ့ကြောင်း ဗိုလ်ချုပ်မှူးကြီးက ဖြည့်စွက်ပြောကြားသည်။

သယ်ယူပို့ဆောင်ရေးကဏ္ဍတွင် ရန်ကုန်-မန္တလေး ရထားလမ်းကို အဆင့်မြှင့်တင်ခဲ့ရာ ယခုအခါ တစ်နာရီ ကီလိုမီတာ ၁၀၀ နှုန်းဖြင့် မောင်းနှင်နိုင်ပြီဖြစ်ကြောင်းနှင့် ပြည်တွင်းလေဆိပ် ၈ ခုကိုလည်း အဆင့်  မြှင့်တင်ပေးလျက်ရှိကြောင်း သိရသည်။

ကျန်းမာရေးကဏ္ဍတွင် မြန်မာနိုင်ငံသားများ၏ မျှော်မှန်းသက်တမ်း တိုးတက်လာသော်လည်း အာဆီယံ ဒေသတွင်းတွင် အနိမ့်ဆုံးဖြစ်နေသေးသဖြင့် ဆက်လက်မြှင့်တင်ရန် လိုအပ်ကြောင်း ထောက်ပြခဲ့သည်။  နိုင်ငံတကာ ဆက်ဆံရေးတွင် လွတ်လပ်၍ တက်ကြွသော မူဝါဒကို ကျင့်သုံးခဲ့ပြီး၊ ICJ တရာ းရင်ဆိုင်မှုတွင်လည်း ဥပဒေကြောင်းအရ ထိရောက်စွာ ပါဝင်ရင်ဆိုင်ခဲ့ကြောင်း ပြောကြားခဲ့သည်။

ဗိုလ်ချုပ်မှူးကြီး မင်းအောင်လှိုင်က နောင်လာမည့် အစိုးရအနေဖြင့် အခက်အခဲများ မကြုံတွေ့စေရန် မိမိတို့၏ အတွေ့အကြုံများကို စနစ်တကျ မှတ်တမ်းတင် လွှဲပြောင်းပေးရန် တာဝန်ရှိသူများကို မှာကြားခဲ့ပြီး၊ အွန်လိုင်းလိမ်လည်မှုနှင့် မူးယစ်ဆေးဝါး တိုက်ဖျက်ရေးကို အမျိုးသားရေးတာဝန်အဖြစ် ဆက်လက်ဆောင်ရွက်ရန် တိုက်တွန်းကာ အခမ်းအနားကို ရုပ်သိမ်းခဲ့သည်။

Knl/ymg