#Local_News
Published 24 August 2024

▪️ နေပြည်တော်၊ ဥတ္တရသီရိမြို့နယ်အတွင်း မိုးသည်းထန်စွာရွာသွန်းမှုကြောင့် Ocean  Center အတွင်း ရေများဝင်ရောက်ခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဩဂုတ်၂၄ ရက်နေ့ မနက်၇ နာရီ အချိန်ခန့်က နေပြည်တော်၊ ဥတ္တရသီရိမြို့နယ်အတွင်း မိုးသည်းထန်စွာရွာသွန်းမှုကြောင့် Ocean Center အတွင်း ရေများဝင်ရောက်နေကြောင်း သိရသည်။

▪️ အဆိုပါ  သတင်းရရှိသဖြင့် ဥတ္တရသီရိခရိုင်မီးသတ်စခန်းမှ ရှာဖွေကယ်ဆယ်ရေးယာဉ်(၂)စီး၊ မီးသတ်စက်ကလေး(၁)လုံး၊ သန္ဓေမီးသတ်တပ်ဖွဲ့ဝင်များ၊ ပုဗ္ဗသီရိနယ်မြေမီးသတ်စခန်းမှ မီးသတ်စက်ကလေး(၁)လုံး၊ သန္ဓေမီးသတ်တပ်ဖွဲ့ဝင်များဖြင့် ရေစုပ်ထုတ်ခြင်း၊ သန့်ရှင်းပေးခြင်း၊ လူနေအိမ်များအတွင်းရှိ ရွှံ့နုန်းများ ရှင်းလင်းရေးလုပ်ငန်းများ သွားရောက်ဆောင်ရွက်ခဲ့ ကြောင်း သိရသည်။

#YMG/NN #Yangon_Times

ရန်ကုန်တိုင်းဒေသကြီးမှာ ၂၀၂၄-၂၀၂၅ခုနှစ်အတွက် နိုင်ငံ့စီးပွားမြှင့်တင်ရေး ရန်ပုံငွေစီမံကိန်းနဲ့ မိုးစပါးဧက ကိုးသောင်းကျော် စိုက်ပျိုးပြီး ရန်ပုံငွေကျပ်သန်း ၁၈၀၀၀ ကျော်သုံးစွဲသွားမယ်လို့ ရန်ကုန်တိုင်းဒေသကြီး စိုက်ပျိုးရေးဦးစီးဌာနက သိရပါတယ်။
#Local_News
Published 24 August 2024
#မိုးစပါးဧက #နိုင်ငံ့စီးပွားမြှင့်တင်ရေး
#YMG/NN #Yangon_Times

ပုဂ္ဂလိကတက္ကသိုလ်‌တွေအနေနဲ့ တက္ကသိုလ်အဆင့်ထိခွင့်ပြုချက်မရသေးပေမဲ့ ဒီဂရီဘွဲ့တော့ပေးနိုင်တယ်လို့ International School အသင်းနာယက ဦးနေအုပ်က ပြောပြပါတယ်။
#Local_News
Published 24 August 2024
#ပုဂ္ဂလိကတက္ကသိုလ် #ဒီဂရီဘွဲ့ပေးနိုင်
#YMG/tthl #Yangon_Times

သီလဝါဆိပ်ကမ်းဒေသရှိ ဆိပ်ခံတံတားတွေမှာ ဆီတင်သင်္ဘောလေးစီးမှ သိုလှောင်ကန်များသို့စက်သုံးဆီများ ဖြည့်တင်းပေးနေပြီး သင်္ဘောခြောက်စီးလည်း ရန်ကုန်မြစ်ဝတွင် ရောက်ရှိနေပြီ ဖြစ်တယ်လို့ နိုင်ငံတော်စီမံအုပ်ချုပ်ရေးကောင်စီ(SAC)ရဲ့ သတင်းထုတ်ပြန်ရေးအဖွဲ့က  အသိပေးထုတ်ပြန်ထားပါတယ်။
#Local_News
Published 24 August 2024
#ဆီတင်သင်္ဘောခြောက်စီး #ရန်ကုန်မြစ်ဝရောက်ရှိ
#YMG/NN #Yangon_Times

၂၄ ဩဂုတ် ၂၀၂၄

မန္တလေးတိုင်းဒေသကြီး မြင်းခြံမြို့မှာ ရှိတဲ့ မြင်းခြံ ဓာတ်အားပေးစက်ရုံကို ပြန်လည်လည်ပတ်နေပြီလို့  အဆိုပါ စက်ရုံကို လည်ပတ်နေတဲ့ စင်္ကာပူ  အခြေစိုက် Sembcorp Industries (Sembcorp) က ဩဂုတ် ၂၃ရက်က သတင်းထုတ်ပြန်ပါတယ်။

အဆိုပါ ဓာတ်အားပေးစက်ရုံကို လုံခြုံရေးအခြေအနေအရ ပြီးခဲတဲ့ ဩဂုတ် ၁၂ရက်က လည်ပတ်မှု ရပ်ဆိုင်းထားခဲ့ရတာ   ဖြစ်ပါ  တယ်။

စက်ရုံအနီးဝန်းကျင်တစ်ဝိုက်မှာ ပဋိပက္ခအခြေအနေတွေ လျော့ပါးသွားပြီး  ကုမ္ပဏီဝန်ထမ်းတွေအတွက် အန္တရာယ် မရှိ  တော့ လို့ စက်ရုံပြန်လည်ပတ်တာဖြစ်တယ်လို့ သတင်းထုတ်ပြန်ချက်မှာ ဖော်ပြထားပါတယ်။

စက်ရုံပြန်လည်လည်ပတ်ရက်ကို မြန်မာ့လျှပ်စစ်ဓာတ်အားထုတ်လုပ်ရေးလုပ်ငန်းနှင့် ညှိနှိုင်းဆောင်ရွက်ခဲ့တာလို့လည်း သိရပါတယ်။

အဆိုပါဓာတ်အားပေးစက်ရုံသည် သဘာဝဓာတ်ငွေ့သုံး combined-cycle gas turbine အမျိုးအစားဖြစ်ပါတယ်။

#World_News
Published 24 August 2024

▪️ အမေရိကန်သမ္မတ ဂျိုးဘိုင်ဒင်နဲ့ ယူကရိန်းသမ္မတ ဗိုလိုဒီမီယာဇယ်လန်စကီတို့ သောကြာနေ့က စကားပြောဆိုခဲ့ကြကာ အမေရိကန်က ဒေါ်လာ ၁၂၅ သန်းတန်ဖိုးရှိ စစ်ရေးအကူအညီသစ်များ ထောက်ပံ့ပေးသွားရန် ကြေညာခဲ့ပါတယ်။

▪️ ယူကရိန်းတို့ရဲ့ လွတ်လပ်ရေးနေ့မတိုင်ခင်မှာ ခေါင်းဆောင်နှစ်ဦး ပြောဆိုခဲ့ကြတာဖြစ်ပြီး ထိုနေ့မှာပဲ ရုရှားကျူးကျော်မှုမှာ ပတ်သက်ခဲ့တဲ့ ပုဂ္ဂိုလ်တွေ၊ ကုမ္ပဏီတွေရာနဲ့ချီပြီး အမေရိကန်က ဒဏ်ခတ်ပိတ်ဆို့မှုများ ချမှတ်လိုက်ကြောင်း ကြေညာခဲ့ပါတယ်။

▪️ အဆိုပါ ထောက်ပံ့ရေးထဲမှာ ယူကရိန်းရဲ့ အရေးကြီး အခြေခံအဆောက်အအုံတွေကို ကာကွယ်ပေးမယ့် လေကြောင်းကာကွယ်ရေး ဒုံးကျည်တွေ၊ ဒရုန်းကာကွယ်ရေးကိရိယာတွေ၊ စစ်မြေပြင်ပေါ်မှာ ပြောင်းလဲလာတဲ့ ရုရှားဗျူဟာများမှ ကာကွယ်မယ့် ကျည်ကာခွင်းဒုံးကျည်များ၊ ရှေ့တန်းတပ်သားများအတွက် ခဲယမ်းများနဲ့ ကာကွယ်ပေးမယ့် ဒုံးပျံစနစ်များ ပါဝင်တယ်လို့ ဘိုင်ဒင်ကပြောပါတယ်။

▪️ ဒီပဋိပက္ခမှာ ရုရှားအနိုင်ရမှာမဟုတ်ဘဲ ယူကရိန်းမှ လွတ်လပ်ရေး ကာကွယ်လိုသူတွေသာ အနိုင်ရမှာဖြစ်ကြောင်း၊ အမေရိကန်နဲ့ မဟာမိတ် မိတ်ဖက်များက ယူကရိန်းနဲ့ အတူရပ်တည်သွားမှာ ဖြစ်ကြောင်း ဆိုပါတယ်။

▪️ ယခုအထောက်အပံ့ထဲမှာ အမေရိကန် လက်နက်တိုက်မှ ပစ္စည်းတွေပါဝင်ပြီး ယူကရိန်းတို့ အရေးတကြီး လိုအပ်နေတဲ့ အရာတွေနဲ့ ကိုက်ညီတာတွေကို ထောက်ပံ့ထားတယ်လို့ အမေရိကန် ကာကွယ်ရေးဌာနက ပြောပါတယ်။

▪️ ဇယ်လန်စကီကလည်း စစ်ရေးကူညီထောက်ပံ့မှုကို ကျေးဇူးတင်ကြောင်း ပြောခဲ့ပြီး လေကြောင်းကာကွယ်ရေးအတွက် အရေးတကြီး လိုအပ်တာတွေ ရှိတယ်လို့ ပြောပါတယ်။

▪️ ၂၀၂၂ ဖေဖော်ဝါရီ ရုရှားတို့စတင်ကျူးကျော်ကတည်းက အမေရိကန်ဟာ ယူကရိန်းကို စစ်ရေးအဓိက ထောက်ပံ့နေသူဖြစ်ပြီး လက်နက်ခဲယမ်းတန်ဖိုးပေါင်း ဒေါ်လာ ၅၅ ဘီလီယံကျော် ရှိနေပြီဖြစ်ပါတယ်။

▪️ ရုရှားစစ်ပွဲဆက်လက် ဆင်နွှဲနိုင်ရန်နဲ့ အရေးယူပိတ်ဆို့မှုများကို ရှောင်လွှဲနိုင်ရန် ကူညီပေးနေတဲ့ လုပ်ငန်းတွေ ပုဂ္ဂိုလ်တွေ ၄၀၀ နီးပါးကို အမေရိကန်ဘဏ္ဍာရေးဌာနနဲ့ စီးပွားကူးသန်းဌာနက သောကြာနေ့အစောပိုင်းမှာ ဒဏ်ခတ်ပိတ်ဆို့မှုအသစ်များ ချမှတ်ကြောင်း ကြေညာခဲ့ပါတယ်။

#Source: NDTV

#World_Health
Published 24 August 2024

▪️ လေယာဉ်စီးရင်း အရက်သောက်ခြင်းက အထက်တန်းကျတယ်လို့ ထင်ရပေမယ့် မကြာသေးမီက လေ့လာချက်အရ ကျန်းမာရေးအန္တရာယ် ရှိနိုင်တယ်လို့ တွေ့ရှိလာပါတယ်။

▪️ အရက်သေစာနဲ့ အမြင့်ပေအထက်ပိုင်းရောက်နေတဲ့ လေယာဉ်ခန်းထဲက ဖိအားတို့ ရောစပ်တဲ့အခါ ခရီးစဉ်ကြာရှည်မယ်ဆိုရင် ခရီးသည်ရဲ့ နှလုံးကျန်းမာရေးကို အန္တရာယ် ဖြစ်စေနိုင်တယ်လို့ Thorax ဆေးပညာဂျာနယ်မှာ ဖော်ပြထားပါတယ်။

▪️ လေယာဉ်ပေါ်မှာ အရက်သောက်ပြီး အိပ်ပျော်သွားတဲ့အခါ သွေးပေါင်ချိန် ကျသွားပြီး နှလုံးခုန်နှုန်း မြင့်တက်လာကြောင်း တွေ့ရှိထားပါတယ်။

▪️ နှလုံးရောဂါအခံ ရှိသူတွေမှာ ပိုအန္တရာယ်များပြီး အရက်နဲ့ အမြင့်ပေအထက်ပိုင်း ဖိအားသက်ရောက်မှု နည်းတဲ့အနေအထားမှာ သွေးတွင်းအောက်ဆီဂျင်ပမာဏ သိသိသာသာ လျော့ကျသွားပါတယ်။

▪️ ထိုအခါမှာ ဦးနှောက်သို့ အောက်ဆီဂျင် ရောက်ရှိမှုနည်းပါးသွားပြီး အသက်အန္တရာယ် ရှိနိုင်ပါတယ်။

▪️ ထိုအချိန်မှာ အောက်ဆီဂျင်ပြည့်ဝနှုန်းက ၈၅ ရာခိုင်နှုန်းသို့ ကျဆင်းသွားကာ နှလုံးခုန်နှုန်းက တစ်မိနစ်ကို ၈၈ ချက်နှုန်းအထိ မြင့်တက်လာပါတယ်။

▪️ ဒါ့အပြင် ညဘက်နှစ်ခြိုက်စွာ အိပ်ပျော်သွားတဲ့ REM အိပ်စက်မှုပုံစံကိုလည်း တိုတောင်းစေပါတယ်။

▪️ ငယ်ရွယ်သူတွေမှာ ထိုအခြေအနေကြောင့် နှလုံးကျန်းမာရေးကို ဖိစီးမှုဖြစ်စေပြီး နှလုံးနဲ့ အဆုတ်ရောဂါတို့ ရှိတဲ့သူတွေမှာ ရောဂါလက္ခဏာ ပိုဆိုးစေပါတယ်။

#Source: India Today

#World_Health
Published 24 August 2024

▪️ အခုနောက်ပိုင်း ဆိုရှယ်မီဒီယာတွေမှာ ရေခဲစိမ်ခြင်းက နာမည်ကြီးလာပြီး ဆယ်လီတွေ၊ လေ့ကျင့်ခန်းဆရာတွေ ကိုယ်တိုင်လည်း ပြုလုပ်လာပါတယ်။

▪️ ရေခဲရေနဲ့ ရေခဲတုံးတွေထည့်ထားတဲ့ ရေချိုးကန်ထဲမှာ စိမ်နေရတာဖြစ်ပြီး ကျန်းမာရေးအကျိုးကျေးဇူး အမျိုးမျိုး ရနိုင်တယ်လို့ ဆိုနေကြပါတယ်။

▪️ ရှေးခေတ်တွေကတည်းက ထိုအလေ့အထပေါ်ပေါ်က်ခဲ့ပြီး အခုအခါမှာ တရားထိုင်ခြင်း၊ အသက်ရှူလေ့ကျင့်ခန်းလုပ်ခြင်း၊ ရေကူးခြင်းတို့နဲ့ တွဲဖက်လုပ်ဆောင်လာကြပါတယ်။

▪️ ဒါပေမဲ့ ဒီအလေ့အထနဲ့ ပတ်သက်လို့ စံနှုန်းသတ်မှတ်ချက်တွေ တရားဝင်ရှိမနေပါဘူး။

▪️ ပရော်ဖက်ဆာ ဟယ်ပန်နဲ့ ဒေါက်တာရှာဟာတို့ရဲ့ ပြောကြားချက်အရ အအေးထိတွေ့ခြင်းဖြင့် အအေးခံနိုင်ရည်ရှိလာခြင်း၊ စိတ်ပိုင်းဆိုင်ရာ ကြံ့ခိုင်ခြင်း၊ ဖိစီးမှုခံနိုင်ခြင်း၊ ဓာတ်တိုးဆန့်ကျင်နိုင်ခြင်း၊ သွေးပေါင်ချိန်၊ ကိုယ်ခံအားစနစ်၊ နှလုံးသွေးကြော ကျန်းမာရေးတို့မှာ တိုးတက်နိုင်တယ်လို့ ဆိုပါတယ်။

▪️ ရေခဲကန်အပူချိန်က ၀ မှ ၁၅ ဒီဂရီဆဲလ်စီးယပ်စ်လောက်ရှိပြီး မိနစ်ပိုင်းကြာတဲ့အထိ စိမ်ခြင်းဖြင့် အကျိုးကျေးဇူးရရှိစေတယ်လို့ ဆိုကြပေမယ့် တိတိကျကျ ဖော်ပြထားတာတော့ မရှိပါဘူး။

▪️ သုတေသနအရ ရောင်ရမ်ခြင်းကို လျော့ကျစေကာ သွေးလည်ပတ်မှု၊ ကိုယ်ခံအား ကောင်းမွန်ခြင်း၊ လေ့ကျင့်ခန်းလုပ်ပြီးနောက် သက်သာစေခြင်း၊ ဇီဝကမ္မဖြစ်စဉ် မြှင့်တင်ပေးခြင်းတို့ ပေးစွမ်းနိုင်ပါတယ်။

▪️ ရေခဲစိမ်ခြင်းက ဘေးထွက်ဆိုးကျိုးတွေလည်း ရှိနိုင်ပြီး အအေးနဲ့ ဓာတ်မတည့်ခြင်း၊ နီမြန်းခြင်း၊ ဖောရောင်ခြင်း၊ အသက်ရှူကြပ်ခြင်း၊ ရေခဲကိုက်ခြင်း၊ အာရုံကြောပြဿနာတွေ ဖြစ်နိုင်ပါတယ်။

▪️ အအေးထဲနေခြင်းကြောင့် နှလုံးခုန်နှုန်းနဲ့ သွေးပေါင်ချိန် မြင့်တက်စေနိုင်သလို နှလုံးခုန်မမှန်ခြင်း ပြဿနာ ရှိလာနိုင်ပါတယ်။

▪️ အချုပ်ပြောရရင် ရေခဲစိမ်ခြင်းဟာ အကျိုးကျေးဇူးရှိနိုင်သလို ဘေးထွက်ဆိုးကျိုးတွေလည်း ရှိနိုင်ပါတယ်။

▪️ ဆေးပညာအရ အတည်ပြုဖို့ လုံလောက်တဲ့ အချက်အလက်လည်း မရှိသေးတာကြောင့် သတိပြုသင့်ပါတယ်။

#Source: The Jerusalem Post

တရုတ်ပြည်ထုတ် ARJ21 အရပ်ဖက်သုံးလေယာဉ်အား ကုန်းပြင်အမြင့်ပိုင်းဒေသများ၌ စမ်းသပ်ပျံသန်း

တရုတ်ပြည်မှ အရပ်ဖက်သုံးလေယာဉ် ARJ21 ဟာ စီချွမ်ပြည်နယ်မှ ဗုဒ္ဓဟူးနေ့က ကနဦးသရုပ်ပြပျံသန်းမှုများ စတင်ပြုလုပ်ခဲ့ကြောင်း တရုတ်အရပ်ဖက်လေယာဉ်ကော်ပိုရေးရှင်း (COMAC)က ဖော်ပြလိုက်ပါတယ်။
#Asia_Aviation
Published 23 August 2024
#အရပ်ဖက်သုံးလေယာဉ် #စမ်းသပ်ပျံသန်း
#YMG #Yangon_Times #Yangon_Media_Group

#Daily_News
Published 23 August 2024

၁။ ရန်ကုန်၊ မန္တလေးလေဆိပ်များအပါအဝင် နယ်စပ်ဝင်ထွက်ပေါက်(၅)နေရာတွင် မျောက်ကျောက်ရောဂါစောင့်ကြပ်စစ်ဆေးခြင်းများ စတင်နေ

၂။ တက္ကသိုလ်ဝင်စာမေးပွဲဖြေဆိုခွင့် လျှောက်လွှာများ စက်တင်ဘာ(၁)ရက်မှ စတင်လျှောက်ထားနိုင်

၃။ ဓာတ်ဆီနှင့်ဒီဇယ်ဈေးအနည်းငယ်ပြန်ကျ

၄။ တရုတ်ပြည်ထုတ် ARJ21 အရပ်ဖက်သုံးလေယာဉ်အား ကုန်းပြင်အမြင့်ပိုင်းဒေသများ၌ စမ်းသပ်ပျံသန်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 23 August  2024

▪️ ရွှေပြည်သာနှင့် အင်းစိန်မြို့နယ်ရှိလမ်းဘေးစားသောက်ဆိုင်များအား ကျန်းမာရေးအထောက်အကူပြုလုပ်ငန်းများ ဆောင်ရွက်လျှက်ရှိကြောင်း ရန်ကုန်မြို့တော်စည်ပင်သာယာရေးကော်မတီမှ သိရသည်။

▪️ ရန်ကုန်မြို့တော်စည်ပင်သာယာရေးကော်မတီ၊ ပြည်သူ့ကျန်းမာရေးဌာနမှဝန်ထမ်းများသည် ယမန်နေ့နံနက်ပိုင်းက ‌မြို့နယ်စည်ပင်အုပ်ချုပ်ရေးမှူးရုံးဝန် ထမ်းများတာဝန်ရှိသူများပူးပေါင်း၍အင်းစိန်မြို့နယ်၊ ရွာမအနောက်ရပ်ကွက်၊ စက်ရုံလမ်းရှိလမ်းဘေးစားသောက်ဆိုင်များအားဝမ်း ပျက်ဝမ်း‌လျှော‌ရောဂါကြိုတင်ကာကွယ်ရေးအတွက်ကျန်းမာရေးနှင့်ညီညွတ်သောအစားအစာများ‌ရောင်းချနိုင်ရေးကျန်းမာ ရေးအသိ ပညာပေးခြင်း၊ ပညာပေးလက်ကမ်းစာစောင်ပေးဝေခြင်း၊ ရေသန့်ဆေးပြားများပေးဝေခြင်းများဆောင်ရွက်ခဲ့ကြောင်း သိရသည်။

▪️ ထို့အပြင် ယမန်နေ့နံနက်ပိုင်းက ‌မြို့နယ်စည်ပင်အုပ်ချုပ်ရေးမှူးဝန် ထမ်းများတာဝန်ရှိသူများပူးပေါင်း၍ရွှေပြည်သာမြို့နယ်၊ အမှတ် (၉) ရပ်ကွက်၊ စိန်စီဂုဏ် ရောင်လမ်းရှိလမ်းဘေးစားသောက်ဆိုင်များအားဝမ်းပျက်ဝမ်း‌လျှော‌ရောဂါကြိုတင်ကာ ကွယ်ရေးအတွက်ကျန်းမာရေးနှင့်ညီညွတ်သောအစားအစာများ‌ရောင်းချနိုင်ရေး ကျန်းမာရေးအသိပညာပေးခြင်း၊ ပညာပေးလက်ကမ်းစာစောင်များပေးဝေခြင်းများဆောင်ရွက်ခဲ့ကြောင်း သိရသည်။

#YMG/NN #Yangon_Times

အခု ၂၀၂၄ ခုနှစ် ၇ လတာကာလအတွင်း မြန်မာနိုင်ငံကို  ပြည်ပခရီးသွား ၇သိန်းနီးပါး လာရောက်လည်ပတ်ခဲ့တယ်လို့ ဟိုတယ်နှင့်ခရီးသွားလာ‌ရေးဝန်ကြီးဌာနက သိရပါတယ်။
#Local_News
Published 23 August 2024
#ပြည်ပခရီးသွား #ဟိုတယ်နှင့်ခရီးသွားလာ‌ရေး
#YMG/NN #Yangon_Times