#World_Health
Published 20 August 2024

▪️ WHO က မျောက်ကျောက်ရောဂါကို ကမ္ဘာလုံးဆိုင်ရာ အရေးပေါ်အခြေအနေအဖြစ် ၂ နှစ်အတွင်း ဒုတိယအကြိမ် ကြေညာလိုက်ပါတယ်။

▪️ ကွန်ဂိုဒီမိုကရက်တစ်သမ္မတနိုင်ငံမှာ ထိုရောဂါပျံ့ပွားပြီး အိမ်နီးချင်းနိုင်ငံတွေကိုပါ ကူးစက်ပြီးနောက် အခုလို ကြေညာလာတာ ဖြစ်ပါတယ်။

▪️ မျောက်ကျောက်ရောဂါက သတ္တဝါတွေကစတင်တဲ့ ရောဂါဖြစ်ပြီး အော်သိုပေါက်စ်ဗိုင်းရပ်စ် အစိတ်အပိုင်းဖြစ်တဲ့ မျောက်ကျောက်ဗိုင်းရပ်စ် (MPXV)ကြောင့် ဖြစ်ပွားပါတယ်။

▪️ အာဖရိက အနောက်ပိုင်းနဲ့ အလယ်ပိုင်း သစ်တောဒေသတွေမှာ ပျံ့ပွားနေတာ ဖြစ်ပေမယ့် လတ်တလောမှာတော့ အခြားနိုင်ငံတွေကိုပါ ကူးစက်ပျံ့နှံ့လာပါတယ်။

▪️ ထိုဗိုင်းရပ်စ်က တိရိစ္ဆာန်မှ လူသားတွေထံ ကူးစက်နိုင်သလို လူသားအချင်းချင်းလည်း ကူးစက်နိုင်ပါတယ်။

▪️ ရောဂါကူးစက်ထားတဲ့ တိရိစ္ဆာန်တွေရဲ့ သွေး၊ ခန္ဓာကိုယ်အရည်များနဲ့ တိုက်ရိုက်ထိတွေ့မိတဲ့အခါ လူသားတွေဆီ ကူးစက်တတ်ပါတယ်။

▪️ လူသားချင်း ကူးစက်မှုမှာတော့ အရေပြားဒဏ်ရာ၊ အသက်ရှူလမ်းကြောင်းမှ ထွက်လာတဲ့ အစက်အမှုန်၊ ရောဂါပိုးရှိနေတဲ့ အရာတွေထိတွေ့ခြင်းဖြင့် အဓိကကူးစက်ပါတယ်။

▪️ ဗိုင်းရပ်စ်က ပေါက်ပြဲနေတဲ့ အရေပြားနေရာ၊ အသက်ရှူလမ်းကြောင်းတို့ကနေ ခန္ဓာကိုယ်ထဲသို့ ဝင်ရောက်တတ်ပါတယ်။

▪️ ရောဂါလက္ခဏာအနေနဲ့ ဖျားနာခြင်း၊ ခေါင်းကိုက်ခြင်း၊ ကြွက်သားနာခြင်းတို့ ဖြစ်တတ်ပြီး ၂ ပတ်ကနေ ၄ ပတ်ကြာအောင် အဖုအပိမ့်များ ဖြစ်လာတတ်ပါတယ်။

▪️ ရောဂါက အလိုအလျောက် သက်သာတတ်ပေမယ့် ကလေးတွေနဲ့ ကိုယ်ခံအားနည်းတဲ့ သူတွေမှာတော့ ဆိုးရွားတတ်ပါတယ်။

▪️ မျောက်ကျောက်ရောဂါကို လူသားမှာ ပထမဆုံးတွေ့ရှိခဲ့တာဟာ ၁၉၇၀ ခုနှစ်က ကွန်ဂိုနိုင်ငံမှာပဲ ဖြစ်ပါတယ်။

▪️ ၁၉၅၈ ခုနှစ်မှာ မျောက်တွေမှာ ဦးစွာတွေ့ရှိခဲ့တာကြောင့် မျောက်ကျောက်လို့ နာမည်ပေးခဲ့ပါတယ်။

▪️ ယခု ၂၀၂၄ မှာ ကွန်ဂိုမှာကူးစက်တဲ့ ဗိုင်းရပ်စ်က မျိုးဗီဇကွဲအသစ် clade lb ဖြစ်ပြီး အိမ်နီးချင်း ဘူရွန်ဒီ၊ ကင်ညာ၊ ရဝမ်ဒါ၊ ယူဂန်ဒါတို့ကိုပါ ပျံ့နှံ့လာပါတယ်။

▪️ ဒီမျိုးဗီဇကွဲက ကူးစက်နှုန်းမြန်ပြီး ယခုနှစ် အာဖရိကမှာ ကူးစက်သူပေါင်း ၁၇၀၀၀ ကျော်နဲ့ သေဆုံးသူ ၅၁၇ ဦးရှိထားပါတယ်။

▪️ လက်ရှိမှာ JYNNEOS ၊ Imvamune ၊ Imvanex စတဲ့အမည်ဖြင့် ရောင်းချနေတဲ့ MVA-BN ကာကွယ်ဆေးကသာ အမေရိကန် FDA မှအသိအမှတ်ပြုထားတဲ့ မျောက်ကျောက်ရောဂါ ကာကွယ်ဆေးဖြစ်ပါတယ်။

▪️ မျောက်ကျောက်ရောဂါနဲ့ ထိတွေ့နိုင်ခြေများတဲ့ သူတွေမှာ အဆိုပါကာကွယ်ဆေး ထိုးနှံကြဖို့ ရောဂါထိန်းချုပ်ကာကွယ်ရေးစင်တာတွေက အကြံပြုထားပါတယ်။

#Source: India Today

#World_Health
Published 20 August 2024

▪️ ပန်းသီးက ကျန်းမာရေးအတွက် ကောင်းမွန်တယ်ဆိုတာ သိကြပေမယ့် ပန်းသီးဘယ်အရောင်က ပိုပြီးအာဟာရ ဖြစ်လဲဆိုတာတော့ သိပ်ပြီးမသိကြပါဘူး။

▪️ အရောင်အနေနဲ့ဆိုရင် ပန်းသီးမှာ အစိမ်းရောင်၊ အနီရောင်၊ အဝါရောင်နဲ့ တစ်ခါတလေမှာ အရောင်ရောစပ်တယ်လို့ နယူးယော့ခ် ပန်းသီးအဖွဲ့အစည်းမှ ကယ်လီစပရင်ဂျာက ပြောပြပါတယ်။

▪️ ပန်းသီးမှာ အမျိုးအစားနဲ့ အရောင်ကွဲတွေ ရှိပေမယ့် အာဟာရပိုင်းနဲ့ ပတ်သက်ရင်တော့ ပန်းသီးမျိုးကွဲတွေကြား ခြားနားမှု သိပ်မရှိဘူးလို့ ဆိုပါတယ်။

▪️ ပန်းသီးအနီရင့်ရောင်လိုမျိုးကတော့ အရောင်ဖျော့တဲ့ အသီးတွေထက် ဓာတ်တိုးဆန့်ကျင်ပစ္စည်း ပိုမိုများပြားတတ်တယ်လို့ စပရင်ဂျာက ပြောပါတယ်။

▪️ တစ်နေ့ကို ပန်းသီးတစ်လုံးစားခြင်းဖြင့် ဆေးခန်းသွားစရာမလိုဘူးဆိုတဲ့ ယူဆချက်လည်းက အတိုင်းအတာတစ်ခုထိ မှန်ကန်နေတယ်လို့ ဘော့စ်တွန်ကလေးဆေးရုံမှ ဒိုင်အန်းလင်ဆေးအက်ဒ်လာက ဆိုပါတယ်။

▪️ ပန်းသီးဟာ နှလုံးရောဂါ၊ ဆီးချို၊ ကင်ဆာအပါအဝင် ရောဂါဆိုးတွေကို ကာကွယ်ပေးနိုင်ပါတယ်။

▪️ ပန်းသီးကို အနီရောင်ဖြစ်စေတဲ့ အန်သိုဆိုင်ယာနင်ဓာတ်ဆိုရင် စွမ်းအားမြင့် ဓာတ်တိုးဆန့်ကျင်ပစ္စည်း ဖြစ်ပြီး ခန္ဓာကိုယ်မှာ ရောင်ရမ်းဓာတ်တိုးခြင်းကို လျှော့ချပေးပါတယ်။

▪️ ပန်းသီးအစိမ်းရောင်ကတော့ နောက်ထပ် ဓာတ်တိုးဆန့်ကျင်ပစ္စည်းဖြစ်တဲ့ ကလိုရိုဖီးလ်ကြောင့် အစိမ်းရောင် ဖြစ်ပေါ်ပါတယ်။

▪️ ကလိုရိုဖီးလ်ဟာ ကင်ဆာအကျိတ်များ ဖြစ်ပွားခြင်းမှ ကာကွယ်ပေးနိုင်တယ်လို့ တွေ့ရှိထားပါတယ်။

▪️ ပန်းသီးအဝါမှာ ပါဝင်တဲ့ ကယ်ရိုတင်နွိုက်က အချို့သောကင်ဆာတွေနဲ့ မျက်လုံးရောဂါတို့ ဖြစ်နိုင်ခြေ လျော့နည်းစေပါတယ်။

▪️ ပန်းသီးအစိမ်းရောင်က သကြားဓာတ်နည်းပြီး အမျှင်ဓာတ်ကြွယ်ဝပါတယ်။

▪️ အရောင်စပ်ပန်းသီးတွေကတော့ ရေဓာတ်ပါဝင်မှုများပြီး အာဟာရမျှတစေပါတယ်။

▪️ ဘယ်လိုအမျိုးအစားပဲဖြစ်ဖြစ် ဖလေဗိုနွိုက်နဲ့ ဓာတ်တိုးဆန့်ကျင်ပစ္စည်းများက သွေးတွင်းသကြားဓာတ်ကို ထိန်းသိမ်းပေးပါတယ်။

▪️ လေ့လာချက်အရ တစ်နေ့ကို ပန်းသီး တစ်လုံးနဲ့အထက် စားသုံးတဲ့အမျိုးသမီးတွေဟာ ပန်းသီးမစားသူတွေထက် ဆီးချိုရောဂါဖြစ်နိုင်ခြေ ၂၈ ရာခိုင်နှုန်း လျော့နည်းပါတယ်။

▪️ ပန်းသီးမှာပါဝင်တဲ့ ပက်တင်က အူလမ်းကြောင်းထဲက အကျိုးပြု ဘက်တီးရီးယားတွေကို ထောက်ပံ့ပေးသဖြင့် အူလမ်းကြောင်းကျန်းမာရေး ကောင်းမွန်စေပါတယ်။

▪️ ပိုတက်ဆီယမ်က သွေးကြောတွေကို ပြေလျော့စေသဖြင့် သွေးပေါင်ချိန်ကို ထိန်းသိမ်းပေးနိုင်ကာ နှလုံးသွေးကြောဆိုင်ရာ ပြဿနာများ လျှော့ချပေးပါတယ်။

#Source: New York Post

ပထမဆုံးဟိုက်ဒရိုဂျင်စွမ်းအင်သုံးရထားစက်ခေါင်း တရုတ်နိုင်ငံတွင် မကြာခင်စတင်ပြေးဆွဲမည်

တရုတ်ပြည်ရဲ့ ပထမဆုံးသော စွမ်းအားမြင့် ဟိုက်ဒရိုဂျင်စွမ်းအင်သုံး မီးရထားစက်ခေါင်းဟာ စတင်လည်ပတ်တော့မှာဖြစ်ပြီး အမြင့်ဆုံးစွမ်းအား ၂၄၀၀ ကီလိုဝပ်နဲ့ တင်ဆောင်နိုင်တဲ့ အများဆုံးအလေးချိန် တန်ချိန် ၁ သောင်းရှိပါတယ်။
#Asia_Development
Published 19 August 2024
#ဟိုက်ဒရိုဂျင်စွမ်းအင်သုံး #ရထားစက်ခေါင်း
#YMG #Yangon_Times #Yangon_Media_Group

#Daily_News
Published 19 August 2024

၁။ စားသုံးဆီဖူလုံအောင် နေကြာကို ဧက(၁)သန်းကျော် တိုးချဲ့စိုက်ပျိုးမည်

၂။ ရေနစ်မြှုပ်သည့်ကွမ်းခြံများကို အစာကျွေးခြင်းရပ်နား၍ အရိပ်ထပ်ခြင်းအပါအဝင် အမြစ်သစ် ရရှိရန် ကနဦးဆောင်ရွက်သင့်ဟုဆို 

၃။ သီရိမင်္ဂလာကမ္ဘာအေးစေတီတော်၌ ဝါခေါင်လပြည့်(မေတ္တာအခါတော်နေ့)အခမ်းအနားကျင်းပပြီး ငြိမ်းချမ်းရေးဂျိုးငှက်များ ဘေးမဲ့လွတ်ခဲ့

၄။ ပထမဆုံးဟိုက်ဒရိုဂျင်စွမ်းအင်သုံး ရထားစက်ခေါင်း တရုတ်နိုင်ငံတွင် မကြာခင်စတင်ပြေးဆွဲမည် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရွှေတိဂုံစေတီတော် ဘဏ္ဍာတော်ထိန်းဂေါပကအဖွဲ့က ကြီးမှူးကျင်းပတဲ့  ဝါခေါင်လပြည့် မေတ္တာအခါတော်နေ့အခမ်းအနားကို ၁၃၈၆ခု ဝါခေါင်လပြည့်နေ့ မနက် ၅ နာရီမှာ ကျင်းပခဲ့တယ်လို့ သိရပါတယ်။
#Local_News
Published 19 August 2024
#ရွှေတိဂုံစေတီတော် #မေတ္တာအခါတော်နေ့
#YMG/NN #Yangon_Times

အခုတစ်ပတ်မှာတော့ စားအုန်းဆီဈေးနှုန်းရာဂဏန်းထပ်တက်လာပြီး စားအုန်းဆီရည်ညွှန်းဈေးဟာ တစ်ပိဿာကို(၆၁၇၀)ကျပ်အထိရှိလာတယ်လို့ သိရပါတယ်။
#Local_News
Published 19 August 2024
#စားအုန်းဆီ #ရည်ညွှန်းဈေးထပ်တက်
#YMG/tthl #Yangon_Times

 ဆဌသင်္ဂါယနာ သာသနားသမိုင်းဝင် သီရိမင်္ဂလာကမ္ဘာအေးစေတီတော်၌ ဝါခေါင်လပြည့်(မေတ္တာအခါတော်နေ့)အခမ်းအနားကို ဩဂုတ်၁၉ရက်မှာ ကျင်းပခဲ့ပါတယ်။
#Local_News
Published 19 August 2024
#ဝါခေါင်လပြည့်အခမ်းအနား #ငြိမ်းချမ်းရေးဂျိုးငှက်
#YMG/NN #Yangon_Times

ရေနစ်မြှုပ်တဲ့ ကွမ်းခြံတွေကို အစာကျွေးတာရပ်နားပြီး အရိပ်ထပ်ခြင်းအပါအဝင် အမြစ်သစ်တွေထွက်ရှိအောင် ပြုပြင်ထိန်းသိမ်းတာတွေ ပြုလုပ်ဖို့လိုအပ်တယ်လို့ ကွမ်းခြံလုပ်ငန်းနည်းပညာဖြန့်ဝေသူတွေဆီက သိရပါတယ်။
#Local_News
Published 19 August 2024
#ကွမ်းခြံ #အစာကျွေးခြင်းရပ်
#YMG/NN #Yangon_Times

စားသုံးဆီဖူလုံအောင် နေကြာကို ၂၀၂၇-၂၀၂၈ ခုနှစ်မှာ မိုးနဲ့ဆောင်း စုစုပေါင်းစိုက်ဧက ၃ ဒသမ ၀၇ သန်း လျာထားစိုက်ပျိုးသွားဖို့ရှိတယ်လို့ သိရပါတယ်။
#Local_News
Published 19 August 2024
#နေကြာကိုတိုးချဲ့စိုက်ပျိုး #စားသုံးဆီဖူလုံအောင်
#YMG/tthl #Yangon_Times

၁၉ ဩဂုတ် ၂၀၂၄

ဖိလစ်ပိုင် ကမ်းခြေစောင့်တပ်ရေယာဉ်နှင့် တရုတ်ကမ်းခြေစောင့်တပ်သင်္ဘောတို့ ယနေ့ ဩဂုတ် ၁၉ ရက် မနက် ၃ နာရီ ၂၃    မိနစ်က  တရုတ်ရေပိုင်နက်ထဲမှာ တိုက်မိတယ်လို့ တရုတ်အစိုးရ စီစီတီဗွီက သတင်းထုတ်ပြန်ပါတယ်။ ဖိလစ်ပိုင်   ကမ်းခြေစောင့် ရေယာဉ်ဟာ တရုတ်နိုင်ငံပိုင် နန်ရှာကျွန်းစုတွေရဲ့အစိတ်ပိုင်းတစ်ခုဖြစ်တဲ့ ရှန်ပင်းကျောင် ကျောက်တန်း     နှင့်ကပ်လျက် ရေပြင် ထဲ ကျူးကျော်ဝင်ရောက်ရင်း တိုက်မိကြတာဖြစ်တယ်လို့သတင်းကဆိုပါတယ်။

ထုတ်ပြန်တဲ့ ရုပ်သံထဲမှာ ဖိလစ်ပိုင်ကမ်းခြေစောင့်တပ်ရေယာဉ် ၄၄၁၀ ဟာ ရုတ်တရက်လှည့်လိုက်ပြီး တရုတ်ကမ်းခြေစော့် ယာဉ် ၂၁၅၅၁ ကို တိုက်လိုက်တာတွေ့ရပါတယ်။

အဲဒီရေယာဉ်ဟာ တရုတ်ကမ်းခြေစောင့်တပ်က အကြိမ်ကြိမ်သတိပေးချက်ကို မလိုက်နာဘဲ တရုတ်ရေပိုင်နက်ထဲ ကျူးကျော် ဝင်ရောက်ကာ တမင်ပင် တရုတ်သင်္ဘောကို ဝင်တိုက်တာဖြစ်တယ်လို့ သတင်းမှာဖော်ပြထားပါတယ်။

Source CCTV

#World_Military
Published 19 August 2024

▪️ အမေရိကန်နဲ့ တောင်ကိုရီးယားတပ်တို့ဟာ တနင်္လာနေ့မှာ စစ်ရေးပူးပေါင်း လေ့ကျင့်မှုကြီး စတင်ပြုလုပ်လိုက်ပါပြီ။

▪️ ဒီလေ့ကျင့်မှုရဲ့ ရည်ရွယ်ချက်က နျူကလီးယား လက်နက်ပိုင် မြောက်ကိုရီးယားရန်မှ ကာကွယ်ရေးအတွက် တိုးမြှင့်လုပ်ဆောင်ချင်တာဖြစ်ပြီး မြောက်ကိုရီးယားကတော့ သူတို့ရဲ့ လေ့ကျင့်မှုဟာ ကျူးကျော်ဖို့ ကြိုတင်လေ့ကျင့်တာ ဖြစ်ကြောင်း စွပ်စွဲလိုက်ပြန်ပါတယ်။

▪️ လက်ရှိမှာ မြောက်ကိုရီးယား လက်နက်စမ်းသပ်မှုတွေရော အမေရိကန်- တောင်ကိုရီးယား စစ်ရေးပူးပေါင်း လေ့ကျင့်မှုတွေကြောင့် ကိုရီးယားကျွန်းဆွယ်မှာ တင်းမာမှုမြင့်တက်နေတဲ့ အချိန်မှာပဲ ယခုလို နှစ်စဉ်လေ့ကျင့်မှုတွေ ပြုလုပ်လာတာ ဖြစ်ပါတယ်။

▪️ ဒီလိုလေ့ကျင့်မှုတွေဟာ ရန်လိုတိုက်ခိုက်တဲ့ သဘောရောက်တယ်လို့ မြောက်ကိုရီးယား နိုင်ငံခြားရေးဝန်ကြီးဌာနက ထုတ်ပြန်ပြီး နာရီပိုင်းအကြာမှာပဲ စစ်ရေးလေ့ကျင့်မှုတွေ စတင်ခဲ့တာ ဖြစ်ပါတယ်။

▪️ မြောက်ရဲ့ နျူကလီးယား ရည်မှန်းချက်က တရားမျှတပြီး စစ်ပွဲမဖြစ်ပွားရေးအတွက် အင်အားအစဉ်အဆက် မျှတမှုရှိအောင် ထိန်းသိမ်းထားဖို့ အရေးကြီးကြောင်း ဆိုပါတယ်။

▪️ အမေရိကန်နဲ့ တောင်ကိုရီးယားကတော့ ယင်းတို့ရဲ့ ပူးပေါင်းစစ်ရေးလေ့ကျင့်မှုဟာ ကာကွယ်ရေး သဘောသဘာဝသာဖြစ်ပြီး မြောက်ကိုရီးယားမှ ခြိမ်းခြောက်မှု များပြားလာတာနဲ့အညီ လေ့ကျင့်မှုများကိုလည်း တိုးချဲ့မြှင့်တင်ထားတာ ဖြစ်တယ်လို့ ထုတ်ပြန်လိုက်ပါတယ်။

▪️ အူလ်ချီဖရီးဒမ်းရှီးလ် လေ့ကျင့်ရေးကို ဩဂုတ် ၂၉ ရက်နေ့အထိ ၁၁ ရက်ကြအောင် ပြုလုပ်မှာဖြစ်ကာ ကွန်ပျူတာဖြင့် ဖန်တီးထားတဲ့ စစ်ပွဲအနေအထားတွေနဲ့ ကွင်းဆင်းလေ့ကျင့်မှုပေါင်း အမျိုးအစား ၄၀ ကျော် ပါဝင်မှာ ဖြစ်ပါတယ်။

▪️ ယခုနှစ် လေ့ကျင့်ရေးအစီအစဉ်က မြောက်ကိုရီးယားရဲ့ ခြိမ်းခြောက်မှု အမျိုးမျိုးကို အသင့်ကာကွယ်ဖို့ မြှင့်တင်သွားရန် ရည်ရွယ်ကြောင်း မဟာမိတ်တွေက ဆိုပါတယ်။

▪️ တောင်ကိုရီးယား စစ်မှုထမ်း ၁၉၀၀၀ ခန့် ပါဝင်မှာဖြစ်ပြီး အရပ်ဘက် ကာကွယ်ရေးနဲ့ လွတ်မြောက်ရေး လေ့ကျင့်မှုများ ဆောင်ရွက်သွားမှာ ဖြစ်ပါတယ်။

▪️ အမေရိကန်တပ်အင်အားကို မဖော်ပြထားသလို အမေရိကန် ဗျူဟာမြောက်ပစ္စည်းတွေ ပါဝင်ခြင်းရှိမရှိ မပြောထားပါဘူး။

▪️ မနှစ်က လေ့ကျင့်မှုပြုလုပ်စဉ်မှာ မြောက်ကိုရီးယားဘက်က ပဲ့ထိန်းဒုံးကျည်များ စမ်းသပ်ခဲ့ပြီး တောင်ကိုရီးယားပစ်မှတ်များကို နျူကလီးယားဖြင့် ချေမှုန်းတဲ့ပုံစံမျိုး လေ့ကျင့်ခဲ့ပါသေးတယ်။

#Source: AP News

#Local_News
Published_ 19 August 2024

▪️ Mi Mi Motors ကုမ္ပဏီက ညောင်တုန်းမြို့နယ်၌ လျှပ်စစ်စက်ဘီးနှင့် သုံးဘီးဆိုင်ကယ်များ တပ်ဆင်ထုတ်လုပ်နေပြီး ယခုအခါ E-Bike (MI. Bike 10 series) များကို စမ်းသပ်ထုတ်လုပ်နေပြီး ဈေးကွက်အတွင်း တင်ပို့ရောင်းချနေကြောင်း သိရပါတယ်။

▪️ Mi Mi Motors အနေဖြင့် E-Bike (MI. Bike 10 series) ၊ နှစ်ဘီးဆိုင်ကယ် (MI. Bike 20 series) ၊ နှစ်ဘီးဆိုင်ကယ် (MI. Bike 30 series) နှင့် သုံးဘီးဆိုင်ကယ် MI.(MET) series များကို ထုတ်လုပ်ရောင်းချသွားရန် ရည်မှန်းထားတယ်လို့ သိရပါတယ်။

▪️ မအူပင်ခရိုင် ညောင်တုန်းမြို့နယ် ဇီးဖြူကျွန်းကျေးရွာရှိ MiMi Motors ကုမ္ပဏီ၌ လျှပ်စစ်စက်ဘီး(E-Bike)နှင့် သုံးဘီးဆိုင်ကယ်များကို ဘက်ထရီကြိုးနှင့် မိန်းကြိုးတပ်ဆင်နေမှု၊ ကာဗာတပ်ဆင်နေမှု၊ လက်ကိုင်ကိုင်းတပ်ဆင်နေမှု၊ ပစ္စည်းတစ်ခုချင်းအလိုက် တပ်ဆင်နေမှုတို့ကို ဧရာဝတီတိုင်းဒေသကြီးဝန်ကြီးချုပ် ဦးတင်မောင်ဝင်းသည် ဩဂုတ် (၁၇) ရက်တွင် သွားရောက်ကြည့်ရှုစစ်ဆေးခဲ့ကြောင်း သိရပါတယ်။

▪️ ကုမ္ပဏီမှ ဝန်ထမ်းများက လျှပ်စစ်စက်ဘီး (E-Bike) နှင့် သုံးဘီး ဆိုင်ကယ်တို့အား စီးနင်းမောင်းနှင်ပြသခဲ့ပြီး တိုင်းဒေသကြီးဝန်ကြီးချုပ်နှင့် အဖွဲ့အား ပစ္စည်းတစ်ခုချင်းအလိုက် တပ်ဆင်နေမှုများနှင့် လျှပ်စစ်သုံးနှစ်ဘီး၊ သုံးဘီးဆိုင်ကယ်အမျိုးအစားများ ထုတ်လုပ်ဆောင်ရွက်နေမှုများ၊ လျှပ်စစ်စက်ဘီးနှင့် နှစ်ဘီးဆိုင်ကယ်၊ သုံးဘီးဆိုင်ကယ်များ ထုတ်လုပ်အသုံးပြုခြင်းအားဖြင့် စက်သုံးဆီ သုံးစွဲမှုကို လျှော့ချနိုင်ပြီး ကျောင်းသား၊ ကျောင်းသူများအပါအဝင် အသက်အရွယ်မရွေး လွယ်ကူစွာ သုံးစွဲနိုင်ကြောင်း သိရပါတယ်။

#Ymg_mnn #Yangon_Media_Group