#World_Health
Published 05 May 2026

■ အသားကြီးနဲ့ အဆင့်ဆင့်ထုတ်လုပ်စားစရာများ စားသုံးခြင်းဟာ ဆီးချိုရောဂါ ဖြစ်နိုင်ခြေကို ၅၀ ရာခိုင်နှုန်းနီးပါး မြင့်မားစေနိုင်တယ်လို့ လေ့လာဖော်ပြထားပါတယ်။

■ အသားကြီးနေရာမှာ ပဲ၊ အခွံမာသီး၊ ကြက်သား၊ ငါးတို့မှ ပရိုတိန်းတွေ စားသုံးပေးရင်တော့ ဆီးချိုဖြစ်နိုင်ခြေ လျော့နည်းစေနိုင်ပါတယ်။

■ အသားကြီးတွေမှာ ပရိုတိန်း၊ သံဓာတ်၊ ဗိုက်တာမင်-ဘီ၁၂ တို့ ပါဝင်ပေမယ့် များများစားရင်တော့ သွေးတွင်းသကြားဓာတ်နဲ့ အင်ဆူလင် ဆိုးကျိုးဖြစ်လာနိုင်ပြီး ဆီးချိုဖြစ်နိုင်ခြေ များစေပါတယ်။

■ အသားကြီးစားတဲ့အခါ ခန္ဓာကိုယ်က ပရိုတိန်းကို အမိုင်နိုအက်ဆစ်အဖြစ် ချေဖျက်ပေးပြီး ပိုနေတဲ့ အမိုင်နိုအက်ဆစ်တွေကို ဂလူးကို့စ်အဖြစ် ပြောင်းလဲတဲ့အတွက် သွေးတွင်းသကြားဓာတ် ဖြည်းဖြည်းချင်း မြင့်တက်လာပါတယ်။

■ ပရိုတိန်းအများအပြား စားခြင်းကလည်း သကြားဓာတ်ကို ထိန်းသိမ်းပေးတဲ့ ဂလူကာဂွန်တွေ ထွက်ရှိစေပြီး သွေးထဲသို့ သိမ်းထားတဲ့ဂလူးကို့စ်တွေ ထုတ်လွှတ်စေပါတယ်။

■ အဆင့်ဆင့်ထုတ်လုပ်ထားတဲ့ အသားကြီးတွေမှာ ပါဝင်တဲ့ နိုက်ထရိတ်၊ တာရှည်ခံဆေးများ၊ ဆိုဒီယံတို့က ခန္ဓာကိုယ်ထဲမှာ ရောင်ရမ်းမှုတွေ ဖြစ်စေပြီး မကောင်းတဲ့ဆီတွေကြောင့်လည်း အဆီစုပြုံလာစေပြီး ကိုယ်အလေးချိန် တက်စေနိုင်ပါတယ်။

■ အသားကြီးတွေကို အဓိကပရိုတိန်းရင်းမြစ်အဖြစ် ပုံမှန်စားသုံးရင် ခန္ဓာကိုယ်ထဲ ဇီဝကမ္မဖြစ်စဉ်တွေ ထိခိုက်နိုင်တဲ့အပြင် အဆင့်ဆင့်ထုတ်လုပ် စားစရာတွေနဲ့ပါ ပေါင်းစပ်စားတဲ့အခါ သွေးတွင်းသကြားဓာတ် ထိန်းချုပ်ဖို့ ခက်ခဲနိုင်ပါတယ်။

■ အပင်အခြေပြုတဲ့ ပရိုတိန်းတွေကို အမျှင်ဓာတ်၊ ဓာတ်တိုးဆန့်ကျင့်ပစ္စည်းများ၊ အာဟာရဓာတ်များနဲ့ တွဲဖက်စားသုံးရင်တော့ ကျန်းမာရေးအတွက် အထောက်အကူပေးနိုင်မှာ ဖြစ်ပါတယ်။

Source: Indian Express

#World_Health
Published 05 May 2026

■ ကမ္ဘာ့အကြီးဆုံး လေ့လာချက်ထဲမှာ စားသောက်မှုပုံစံနဲ့ ကင်ဆာဖြစ်နိုင်ခြေကြား ဆက်စပ်မှုရှိကြောင်း လေ့လာခဲ့ကြရာ အသားစားသူတွေနဲ့ နှိုင်းယှဉ်ပါက သက်သက်လွတ်စားသူတွေဟာ ကင်ဆာ ၅ မျိုးဖြစ်တဲ့ ရင်သား၊ ဆီးကျိတ်၊ ပန်ကရိယ၊ ကျောက်ကပ်၊ သွေးဖြူဥကင်ဆာတို့ ဖြစ်နိုင်ခြေပိုနည်းနေပါတယ်။

■ ကြက်ဘဲ၊ နို့ထွက်ပစ္စည်းတွေပါ မစားတဲ့ သက်သက်လွတ်သမားတွေကတော့ အူမကြီးကင်ဆာ ဖြစ်နိုင်ခြေ ပိုများတာ တွေ့ရပါတယ်။

■ ယူကေ၊ အမေရိကန်၊ အိန္ဒိယ၊ ထိုင်ဝမ်တို့မှ လူတွေကို ပျမ်းမျှ ၁၆ နှစ်လောက်ကြာအောင် စောင့်ကြည့်လေ့လာခဲ့ရာမှာ နို့ထွက်ပစ္စည်း စားသုံးသူတွေက အသားစားသူတွေထက် ဆီးကျိတ်ကင်ဆာ ဖြစ်နိုင်ခြေ ပိုနည်းပြီး ငါးသာစားသုံးသူတွေက အူမကြီး၊ ရင်သား၊ ကျောက်ကပ်ကင်ဆာတို့ ဖြစ်နိုင်ခြေ ပိုနည်းတာ တွေ့ရပါတယ်။

■ လေ့လာချက်အရ အသီးအနှံနဲ့ ဟင်းရွက်များ စားသုံးခြင်းက ကင်ဆာအများအပြားမှ ကာကွယ်နိုင်တယ်ဆိုတာ တွေ့ရတယ်လို့ အမ်မိုရီတက္ကသိုလ်မှ ပရော်ဖက်ဆာ ကေအမ်ဗန်ကက်နာရာယန်က ပြောပါတယ်။

■ ကင်ဆာြဖစ်နိုင်ခြေ အချက်အလက်တွေထဲမှာ BMI နဲ့ ဆေးလိပ်လိုမျိုး အကြောင်းအရာတွေလည်း သက်ရောက်နိုင်ပါတယ်။

■ အိန္ဒိယလေ့လာမှုတွေထဲမှာ စားသောက်ပုံစံ အမျိုးမျိုးက ကျင့်ကြံနေထိုင်စားသောက်တဲ့ အလေ့အကျင့်တွေနဲ့ များစွာသက်ရောက်နေပါတယ်။

■ အသီးအရွက် စားသုံးခြင်းရဲ့ အကျိုးကျေးဇူးတွေက သိသာထင်ရှားပေမယ့် အလွန်အကျွံ မှီခိုမနေဖို့ကိုလည်း သုတေသီတွေ သတိပေးထားပါတယ်။

Source: India Today

တရုတ်လျှပ်စစ်ကား EV အားသွင်းစခန်းတွေ မတ်လမှာ များပြားလာပြီး မတ်လကုန်မှာ အားသွင်းစခန်းပေါင်း ၂၁.၄၈၁ သန်း ရှိခဲ့ရာ ၄၆.၉ ရာခိုင်နှုန်း မြင့်တက်လာတယ်လို့ တရားဝင်အချက်အလက်မှာ ဖော်ပြထားပါတယ်။

#Asia_Industry
Published 04 May 2026
#EV #တရုတ်လျှပ်စစ်ကား
#YMG #Yangon_Times #Yangon_Media_Group

#Daily_News
Published 04 May 2026

၁။‌ ပုဂံရှိ နံရံဆေးရေးပန်းချီရေးဆွဲထားသည့် စေတီ၊ ပုထိုး၏သမိုင်းကို
တိုးရစ်စ်များ ပိုမိုစိတ်ဝင်စားကြဟုဆို

‌‎၂။ ‌‌‌‌အခြေခံစားအုန်းဆီရည်ညွန်းဈေးထပ်မံတက်လာ

‎၃။‌‌‎ ယခုနှစ်အတွင်းအမြန်လမ်း၌ ယာဉ်မတော်ဆမှုကြောင့်(၃၂)ဦး‌ေ-သဆုံး

၄။‎ ‌‌‌‌‌‌‌‌‌မတ်လကုန်အထိ တရုတ်ပြည်၏EVအားသွင်းစခန်း ၄.၈သန်းကျော်ရှိလာ... အစရှိတဲ့ သတင်းတွေကိုတင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပုဂံဒေသရှိ နံရံဆေးရေးပန်းချီရေးဆွဲထားတဲ့ စေတီ၊ ပုထိုးရဲ့သမိုင်းကို နိုင်ငံခြားသား ခရီးသွားဧည့်သည် တိုးရစ်စ်များပိုမိုစိတ်ဝင်စားလေ့ရှိကြတယ်လို ဟိုတယ်နှင့်ခရီးသွားညွှန်ကြားမှုဦးစီးဌာနပုဂံရုံးခွဲမှ သိရပါတယ်။

#Local_News
Published 04 May 2026
#ပုဂံ #နံရံဆေးရေးပန်းချီ
#YMG/NN #Yangon_Times

ပြည်ပမှစားအုန်းဆီထုတ်လုပ်တင်ပို့တဲ့ နိုင်ငံတွေရဲ့ဈေးကွက်နဲ့ဈေးနှုန်းဖြစ်ပေါ်မှုများအရ မေလ ၁ ရက်နေ့မှ ၇ ရက်နေ့အထိ ရန်ကုန်အထိုင်ဈေးအခြေခံလက်ကားရည်ညွှန်းဈေးနှုန်းမှာစားအုန်းဆီ တစ်ပိဿာလျှင်ငွေကျပ် ၇,၃၈၀ဖြစ်တယ်လို့ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက အသိပေးထုတ်ပြန်ကြေညာထားပါတယ်။

#Local_News
Published 04 May 2026
#စားအုန်းဆီ
#YMG/SW #Yangon_Times

ရန်ကုန်-မန္တလေးအမြန်လမ်းမကြီးမှာ အခု ၂၀၂၆ ခုနှစ် လေးလတာအတွင်း ယခုနှစ်အတွင်းအမြန်လမ်း၌ ယာဉ်မတော်ဆမှုကြောင့် ၃၂ဦး‌ေ-သဆုံးခဲ့တယ်လို့အမြန်လမ်းမကြီး ရဲတပ်ဖွဲ့ကနေ သိရပါတယ်။

#Local_News
Published 04 May 2026
#ရန်ကုန်_မန္တလေးအမြန်လမ်းမကြီး
#YMG/NN #Yangon_Times

ပြည်တွင်းပြောင်းဈေးဆက်တိုက်မြင့်တက်လာရာ ယခုရက်သတ္တပတ်တွင် ပြောင်းဈေးမှာ ပြည်တွင်းဈေးသာမက ပြည်ပဈေးပါမြင့်တက်လာပြီး ရန်ကုန်ဈေးကွက်တွင် ပြောင်း FOB ဈေးမှာ တစ်တန်လျှင် ၅ ဒေါ်လာခန့် ဈေးတက်လာတယ်လို့ ပြောင်းကုန်သည်များထံမှ စုံစမ်းသိရှိရပါတယ်။

#Local_News
Published 04 May 2026
#ပြောင်း #FOB
#YMG/SW #Yangon_Times

#Local_News
Published 04 May 2026

■ ကချင်ပြည်နယ် ၊မြစ်ကြီးနားမြို့၌ ယနေ့မနက်အစောပိုင်း တွင်မီး‌ လောင်မှု တစ်ခုဖြစ်ပွားခဲ့ကြောင်းသိရသည်။

■ မေလ ၄ရက်နေ့၊ မနက်၈ နာရီ၁၅မိနစ် အချိန်ခန့်က ကချင်ပြည်နယ်၊ မြစ်ကြီးနားမြို့၊ မြို့သစ်ကြီးရပ်ကွက်၊ လမ်းသွယ်(၃)တွင် မီးလောင်မှုဖြစ်ပွားခဲ့ကြောင်းသိရသည်။

■ အဆိုပါသတင်းရရှိသဖြင့် မြစ်ကြီးနားမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ရာမနက် ၀၈ နာရီ၃၀ မိနစ်အချိန်၌ မီးငြိမ်းနိုင်ခဲ့‌ ကြောင်းသိရသည်။

■ ယင်းမီးလောင်မှုဖြစ်စဉ်နှင့်ပျက်စီးဆုံးရှုံးမှုတန်ဖိုးများကိုဆက်လက်စုံစမ်းလျှက်ရှိကြောင်း သိရသည်။

#YMG/NN #Yangon_Times

#Local_News
Published 04 May 2026

■ ရန်ကုန်တိုင်းဒေသကြီး စည်ပင်သာယာရေးဝန်ကြီး ရန်ကုန်မြို့တော်စည်ပင်သာယာ ရေးကော်မတီဥက္ကဋ္ဌ (မြို့တော်ဝန်) ဦးမျိုးမြင့်အောင်သည် ယမာန်နေ့ နံနက်ပိုင်းကလှိုင်သာယာ (အရှေ့ပိုင်း) မြို့နယ်နှင့်ရွှေပြည်သာမြို့နယ် ရေစီးရေလာကောင်းမွန်ရေး၊ သန့်ရှင်းသာယာရေးလုပ်ငန်းများ ကြည့်ရှုစစ်ဆေးခဲ့ကြောင်းသိရသည်။

■ ထိုသို့စစ်ဆေးရာတွင် လှိုင်သာယာ (အရှေ့ပိုင်း) မြို့နယ် ရန်ကုန်-ပုသိမ်လမ်းသို့ သွားရောက်၍ လမ်းတစ်လျှောက် ရေမြောင်းရေစီးရေလာအခြေအနေများကို ကြည့်ရှုစစ်ဆေးပြီး ရေမြောင်းတစ်လျှောက် ပိတ်ဆို့မှုမရှိစေရေး၊ ရေစီးရေလာကောင်းမွန်ရေးလုပ်ငန်းများ ဆောင်ရွက်ရန် မှာကြားသည်။

■ ထို့နောက် မြို့တော်ဝန်နှင့်အဖွဲ့သည် ဗိုလ်အောင်ကျော်လမ်းပေါ်ရှိ အင်းဂလိုင်ချောင်းအတွင်းရှိ အမှိုက်များ ဆယ်ယူရှင်းလင်းနေမှုနှင့် ကနောင်မင်းသားကြီး လမ်းပေါ်ရှိ အများပြည်သူသုံးအားကစားကွင်းကို အများပြည်သူများ လွယ်ကူစွာလာရောက် ကစားနိုင်ရေးအတွက် အဆင့်မြှင့်တင်ရန်လိုအပ်မှုအခြေအနေများကို ကြည့်ရှုစစ်ဆေးပြီးလိုအပ်သည်များ မှာကြားသည်။

■ ယင်းနောက် ရွှေပြည်သာမြို့နယ် ရွှေပြည်သာတံတားဆင်းနေရာကို ယာဉ်များသွားလာရာတွင် အဆင်ပြေစေမှုရှိစေရန် လမ်းသားအား ညီညာစွာပြုပြင်ပေးရန်မှာကြားပြီး ရန်ကုန်ကွန်ပျူတာတက္ကသိုလ်ဝင်းအတွင်း သန့်ရှင်းသာယာလှပစေရန် တာဝန်ရှိသူများနှင့်တွေ့ဆုံဆွေးနွေးခဲ့ကြပြီး မြို့တော်ဝန်နှင့်အဖွဲ့သည် ရွှေပြည်သာမြို့နယ် လှော်ကားလမ်းပေါ်ရှိ ပန်းဥယျာဉ်နှင့် အားကစားကွင်းများဌာနပိုင်မြေနေရာ၌ ပန်းခြံဖော်ဆောင်နေမှုအခြေအနေကို ကြည့်ရှုစစ်ဆေးပြီး လိုအပ်သည်များဖြည့်ဆည်းဆောက်ရွက်ပေးခဲ့ကြောင်း သိရသည်။

#YMG/NN #Yangon_Times

#World_Science
Published 04 May 2026

■ အိန္ဒိယကတော့ မကြာခင်မှာ အာကာသကနေ ပိုမိုမြန်ဆန်စိတ်ချရတဲ့ အင်တာနက် ရတော့မှာဖြစ်ပါတယ်။

■ ၂၀၂၆ ဧပြီ ၂၉ ရက်နေ့မှာ ViaSat-3 F3 စွမ်းအားမြင့်ဂြိုဟ်တုကို ဖလော်ရီဒါ ကန်နက်ဒီအာကာသစင်တာကနေ SpaceX Falcon Heavy ဒုံးပျံဖြင့် လွှတ်တင်ခဲ့ပါတယ်။

■ အိန္ဒိယစံတော်ချိန် ည ၇ နာရီ ၄၃ မိနစ်မှာ ပစ်လွှတ်ခဲ့ပြီးနောက် ၅ နာရီခန့်အကြာမှာ ဒုံးပျံကနေ ကွဲထွက်သွားခဲ့ပါတယ်။

■ ViaSat က ကယ်လီဖိုးနီးယားအခြေစိုက် ဆက်သွယ်ရေးကုမ္ပဏီတစ်ခု ဖြစ်ပါတယ်။

■ မိနစ်ပိုင်းအတွင်းမှာပဲ ကောင်းမွန်စွာ လှုပ်ရှားနေတဲ့ အချက်အလက်တွေ ရရှိခဲ့ပြီး စီစဉ်ထားတဲ့အတိုင်း အတိအကျ ကမ္ဘာကိုပတ်နေပါတယ်။

■ ဒေတာသွားနိုင်စွမ်းက တစ်စက္ကန့်ကို ၁ တယ်ရာဘစ်ကျော်ရှိပြီး ဒါဟာ ကြည်လင်ပြတ်သား ဗီဒီယိုတစ်သန်းလောက်ကို တပြိုင်နက် ထုတ်လွှင့်ပြသနိုင်မှာ ဖြစ်ပါတယ်။

■ ယခင်ဂြိုဟ်တုတွေနဲ့ မတူတာက ဒေတာလွှဲပြောင်းနှုန်း bandwidth ကို လိုအပ်ချက်အများဆုံးနေရာများသို့ တိကျစွာ ဦးတည်ပေးနိုင်ပါတယ်။

■ ဥပမာအားဖြင့် အသွားအလာများတဲ့ လေကြောင်းလမ်းစဉ်၊ ဝေးလံတဲ့ကျေးရွာတစ်ခုခု၊ ပင်လယ်ပြင်မှ ရေတပ်သင်္ဘောတို့ကို ချိတ်ဆက်ပေးနိုင်မှာ ဖြစ်ပါတယ်။

■ ဒီဂြိုဟ်တုကို အမြဲတမ်းပတ်လမ်းကြောင်းနေရာသို့ လမ်းညွှန်ပြီး ဝန်ဆောင်မှုမပေးခင် စမ်းသပ်ချက်အများအပြား ပြုလုပ်ရဦးမှာ ဖြစ်ပါတယ်။

■ လေကြောင်းလမ်းများ၊ ပင်လယ်ပြင် ရေလမ်းကြောင်းများ၊ ဝေးလံတဲ့ လူနေထိုင်ရာနေရာများ၊ အစိုးရလုပ်ငန်းခွင်များအတွက် အင်တာနက် bandwidth ပံ့ပိုးပေးသွားမှာ ဖြစ်တယ်လို့ ViaSat India မှ MD ဂေါ်တမ်ရှာမာက ပြောပါတယ်။

■ အင်တာနက်ချိတ်ဆက်မှု သိပ်အဆင်မပြေဖြစ်နေတဲ့ အိန္ဒိယလို နိုင်ငံတွေအတွက်တော့ ယခုဂြိုဟ်တုဖြင့် မြန်နှုန်းမြင့်အင်တာနက် ရရှိစေတော့မှာ ဖြစ်ပါတယ်။

Source: India Todayc

#World_News
Published 04 May 2026

■ အီရန်ပဋိပက္ခနဲ့ မပတ်သက်ဆိုင်တဲ့ ကြားနေနိုင်ငံများကို ကူညီထောက်ပံ့မယ့်အနေနဲ့ ဟော်မုဇ်ရေလက်ကြားမှာ ပိတ်မိနေတဲ့ သင်္ဘောတွေကို စေလွှတ်ဖို့ တနင်္လာနေ့နံနက်မှာ အမေရိကန် စတင်အားထုတ်သွားမယ်လို့ သမ္မတ ဒေါ်နယ်ထရမ့်က ပြောပါတယ်။

■ အစီအစဉ်အကြောင်း အနည်းငယ်ပြောကားခဲ့ကာ ရေလက်ကြားမှာ ပိတ်မိနေပြီး အစာရေစာပြတ်လပ်တော့မယ့် သင်္ဘောသားတွေနဲ့ သင်္ဘောတွေကို ကူညီပေးသွားမယ်လို့ ဆိုပါတယ်။

■ ထိုသင်္ဘောတွေ လွတ်လပ်စွာ အလုပ်ပြန်လုပ်နိုင်ရန် အဆိုပါရေလမ်းကြောင်းတွေကနေ ဘေးကင်းစွာ ထွက်ခွာနိုင်ဖို့ လမ်းညွှန်ပြရမယ်လို့ ထိုနိုင်ငံတွေကို ပြောထားပါတယ်။

■ အီရန်ရော အမေရိကန်က ပင်လယ်ကွေ့မှာ သင်္ဘောဖြတ်သန်းမှု အားလုံးနီးပါးကို ပိတ်ဆို့ထားခဲ့တာ ဖြစ်ပါတယ်။

■ အမေရိကန်အစီအစဉ်ကို ဘယ်နိုင်ငံတွေ ကူညီပေးမလဲဆိုတာကိုတော့ မပြောထားသေးပါဘူး။

■ အီရန်ရဲ့ ငြိမ်းချမ်းရေးအဆိုပြုချက်က မလုံလောက်တဲ့အတွက် ငြင်းပယ်ဖို့ရှိတယ်လို့ ထရမ့်ပြောပြီး နောက်တစ်နေ့မှာပဲ အီရန်က အမေရိကန်ဘက်က တုံ့ပြန်ချက်တစ်ခု ရခဲ့တယ်လို့ ပြောပါတယ်။

■ အမေရိကန်က အီရန်အနေနဲ့ နျူကလီးယားပရိုဂရမ်အပေါ် တင်းကြပ်မှုများကို လက်ခံစေရန် အလိုရှိနေပြီး ယူရေနီယံ ထုတ်လုပ်မှုများကို လက်လျှော့စေချင်ပါတယ်။

■ ဟော်မုဇ်ရေလက်ကြားမှာ သင်္ဘောဖြတ်သန်းခွင့် မရတဲ့အတွက် လောင်စာဆီဈေးနှုန်း မြင့်တက်နေတာကြောင့် ထရမ့်မှာလည်း ဖိအားများနေပါတယ်။

■ အစ္စရေးလ်ကလည်း ဟစ်ဇ်ဘိုလာနဲ့ ပဋိပက္ခတင်းမာနေတဲ့အတွက် လက်ဘနွန်တောင်ပိုင်းမှာ ထွက်ပြေးတိမ်းရှောင်ကြဖို့ ညွှန်ကြားထားပါတယ်။

Source: Reuters