#World_Science

Published 26 August 2026

■ သုတေသနသစ်များအရ အသုံးအများဆုံး ပလတ်စတစ် ၃ မျိုးကို ဟိုက်ဒရိုဂျင်လောင်စာအဖြစ် ပြောင်းလဲနိုင်တဲ့ နည်းလမ်းသစ်တစ်ခု တွေ့ရှိခဲ့ပြီး ပြန်လည်အသုံးပြုလို့ရနိုင်သေးတဲ့ ပလတ်စတစ် စွန့်ပစ်ပစ္စည်းပြဿနာ ဖြေရှင်းရာမှာ အထောက်အကူ ပြုနိုင်မှာ ဖြစ်ပါတယ်။

■ UCLA နဲ့ တောင်ကိုရီးယားမှ သုတေသီများဟာ ပလတ်စတစ်စွန့်ပစ်ပစ္စည်းများကို ဟိုက်ဒရိုဂျင်လောင်စာအဖြစ် ပြောင်းလဲရန် Alkaline Thermal Treatment(ATT) နည်းပညာတစ်ရပ် တီထွင်ခဲ့ကြပါတယ်။

■ ဒီနည်းလမ်းဟာ ဆိုဒီယံဟိုက်ဒရော့ဆိုက်နဲ့ အပူကို အသုံးပြုကာ သန့်စင်မှု ၉၀ ရာခိုင်နှုန်းကျော်ရှိတဲ့ ဟိုက်ဒရိုဂျင်ဓာတ်ငွေ့ ထုတ်လုပ်ပေးပါတယ်။

■ PET ၊ PE နဲ့ PP ပါဝင်တဲ့ အများသုံး ပလတ်စတစ် ၃ မျိုးကို အမျိုးအစား သီးခြားခွဲခြားစရာမလိုဘဲ တိုက်ရိုက်အသုံးပြုနိုင်ပါတယ်။

■ PE နဲ့ PP ပလတ်စတစ်များကို အပူပေးခြင်းနဲ့ အောက်ဆီဂျင်ပေါင်းစပ်ခြင်း ပြုလုပ်ပေးခြင်းဖြင့် ဓာတုဖွဲ့စည်းပုံ ပိုမိုဓာတ်ပြုလွယ်ကူစေကာ ပြိုကွဲပျက်စီးစေပါတယ်။

■ ပုံမှန်နည်းပညာများထက် အပူချိန် ၃၀၀ မှ ၄၀၀ ဒီဂရီဆဲလ်စီးယပ်စ် လျှော့ချအသုံးပြုနိုင်တာကြောင့် စွမ်းအင်သုံးစွဲမှုကို သိသိသာသာ လျှော့ချပေးပါတယ်။

■ ထွက်ရှိလာတဲ့ ကာဗွန်ဘေးထွက်ပစ္စည်း ၇၅ ရာခိုင်နှုန်းခန့်ကို အခဲအဖြစ် ဖမ်းယူထားနိုင်သဖြင့် ဘေးအန္တရာယ်ရှိတဲ့ ကာဗွန်ဒိုင်အောက်ဆိုဒ် ထုတ်လွှတ်မှုကို တားဆီးပေးပါတယ်။

■ ပလတ်စတစ်ညစ်ညမ်းမှုနဲ့ သန့်ရှင်းတဲ့ စွမ်းအင်လိုအပ်ချက်ကို ဖြေရှင်းရန် အလွန်မျှော်လင့်ချက် ရှိပေမယ့် စမ်းသပ်အဆင့်ကနေ စီးပွားဖြစ် အတိုင်းအတာအထိ တိုးမြှင့်ထုတ်လုပ်ဖို့ကတော့ နောက်ထပ်စမ်းသပ်မှုတွေ လိုအပ်နေပါသေးတယ်။

Source: WION

#World_Health
Published 26 August 2026

■ ကိုယ်အလေးချိန် လျှော့ချခြင်းနဲ့ပတ်သက်ရင် နာရီအပိုင်းအခြားအလိုက် အစာဖြတ်ခြင်းနည်းလမ်းက လူပြောအများဆုံး နည်းလမ်းတွေထဲကတစ်ခု ဖြစ်ပါတယ်။

■ ညစာနဲ့ နောက်နေ့နံနက်စာ စားချိန်ကြား ၁၂ နာရီခြားပေးခြင်း (၁၂း၁၂ စည်းမျဉ်း)က ကိုယ်အလေးချိန် ရေရှည်ထိန်းသိမ်းရန် လွယ်ကူစနစ်ကျတဲ့ နည်းလမ်းဖြစ်ပါတယ်။

■ ၁၆:၈ ၊ ၁၄:၁၀ အစာဖြတ်ခြင်း နည်းလမ်းတွေကတော့ တင်းကျပ်လွန်းကာ ၁၂:၁၂ နည်းလမ်းကတော့ အစာကို တားဆီးတာထက် အစာအိမ်နဲ့ အစာခြေစနစ် အနားပေးခြင်းကို ပိုမိုဦးစားပေးပါတယ်။

■ တစ်ညလုံး အစားမစားဘဲနေခြင်းက အစာခြေပြီးနောက် အင်ဆူလင်ပမာဏလျော့ကျစေပြီး ခန္ဓာကိုယ်မှ သိုလှောင်ထားတဲ့ စွမ်းအင်များကို ပြန်လည်ထုတ်သုံးရန်အချိန်ရရှိစေပါတယ်။

■ အစားစားချိန်ကို ခန္ဓာကိုယ်ရဲ့ နေ့ညလည်ပတ်စက်ဝန်းနဲ့ ကိုက်ညီအောင် ပြုမူနေထိုင်ခြင်းက ခန္ဓာကိုယ်ရဲ့ အစာခြေစနစ်နဲ့ စွမ်းအင်အသုံးချမှု ဇီဝဖြစ်စဉ်ကို ပိုမိုကောင်းမွန်စေပါတယ်။

■ ညစာစားချိန်ကို အတိအကျသတ်မှတ်လိုက်ခြင်းကြောင့် ညဘက်မှာကယ်လိုရီများတဲ့ မုန့်တွေကို မလိုအပ်ဘဲစားမိခြင်းကနေသဘာဝအတိုင်းတားဆီးပေးပါတယ်။

■ ဒီစည်းမျဉ်းက နေ့စဉ်လူနေမှုဘဝနဲ့ အဆင်ပြေစေတာကြောင့် အခြားသော အစာဖြတ်ခြင်းနည်းတွေထက် ရေရှည်ပုံမှန်လုပ်ဆောင်ရန် လွယ်ကူစေပါတယ်။

■ အစားအစာ အာဟာရစားသုံးမှုကလည်း အရေးကြီးဆဲဖြစ်ပြီး ဟင်းရွက်၊ အဆီနည်းတဲ့အသား၊ ရေဓာတ်ပြည့်ဝမှု စတာတွေလည်း လိုအပ်ပါတယ်။

■ လူအများစုအတွက် ဒီနည်းလမ်းက ဘေးကင်းပေမယ့် ကိုယ်ဝန်ဆောင်မိခင်များ၊ နို့တိုက်မိခင်များ၊ ဆီးချိုလိုမျိုး ရောဂါရှိသူတွေကတော့ ဆရာဝန်နဲ့ တိုင်ပင်ပြီးမှသာ စတင်ကျင့်ကြံသင့်ပါတယ်။

Source: Indian Express

တနင်္လာနေ့ နံနက်ပိုင်းအထိ တရုတ်နိုင်ငံတဝှမ်းရှိ မြစ် ၃၄ စင်းဟာ သတိပေးရေမှတ်ထက် ကျော်လွန်နေဆဲဖြစ်ပြီး ရေအရင်းအမြစ်ဝန်ကြီးဌာနက အဝါရောင်အဆင့် ရေဘေးသတိပေးချက် ထုတ်ပြန်ခဲ့ပါတယ်။

#Asia_Disaster
Published 25 August 2026
#တရုတ်ပြည် #မြစ်
#YMG #Yangon_Times #Yangon_Media_Group

#World_News

Published 25 August 2026

■ အီရန်နိုင်ငံဟာ သဘာဝဓာတ်ငွေ့ ကုဗပေ ၇.၅ ထရီလီယံကျော် ပါဝင်တဲ့ ဓာတ်ငွေ့ပြင်ကြီးတစ်ခုကို တွေ့ရှိကြောင်း ကြေညာခဲ့ပါတယ်။

■ အသစ်တွေ့ရှိတဲ့ ဓာတ်ငွေ့ပြင်ဟာ အီရန်နိုင်ငံတောင်ပိုင်း ဖားရ်စ်ပြည်နယ်မှာ တည်ရှိပါတယ်။

■ ရေနံဝန်ကြီး မိုဆင်ပက်နက်ဂျတ်ရဲ့ အဆိုအရ ဓာတ်ငွေ့ ကုဗပေ ၅.၇ ထရီလီယံခန့်ကို စီးပွားရေးအရ ထုတ်ယူနိုင်မှာ ဖြစ်ပါတယ်။

■ ထုတ်ယူနိုင်မယ့် ဓာတ်ငွေ့ပမာဏဟာ ဧရာမ ဆောက်သ်ပါးစ်ဓာတ်ငွေ့ပြင်ရဲ့ အဆင့်တစ်ခုမှ ၁၅ နှစ်စာ ထုတ်လုပ်မှုနဲ့ ညီမျှပါတယ်။

■ အဆိုပါဓာတ်ငွေ့ဟာ ပြုပြင်သန့်စင်ရန် နည်းပါးတဲ့ ဓာတ်ငွေ့အမျိုးအစားဖြစ်သဖြင့် ဖွံ့ဖြိုးရေးနဲ့ လုပ်ငန်းလည်ပတ်စရိတ်များကို သိသာစွာ လျှော့ချပေးနိုင်မှာ ဖြစ်ပါတယ်။

■ ဓာတ်ငွေ့ပြင်မှာ စီးပွားရေးအတွက် ဒေါ်လာ ဘီလီယံပေါင်းများစွာ ဖန်တီးပေးနိုင်မယ့် ဓာတ်ငွေ့ရည်များစွာလည်း ပါဝင်ပါတယ်။

■ လတ်တလော စစ်ရေးပဋိပက္ခအတွင်း ပျက်စီးသွားတဲ့ စွမ်းအင်အခြေခံအဆောက်အအုံများကို ပြန်လည်ပြင်ဆင်နေချိန်မှာ အီရန်အနေဖြင့် ဒီဓာတ်ငွေ့ပြင်ကို အလျင်အမြန် ဖွံ့ဖြိုးတိုးတက်အောင် ဆောင်ရွက်ရန် စီစဉ်နေပါတယ်။

■ ဒီသတင်းကြေညာချက်က အီရန်နိုင်ငံမှာ လျှပ်စစ်ဓာတ်အား လိုအပ်ချက်နဲ့ အမေရိကန်ရဲ့ နောက်ထပ်စီးပွားရေးပိတ်ဆို့မှုများကြောင့် စီးပွားရေးဖိအားများနဲ့ ရင်ဆိုင်နေရချိန် ထွက်ပေါ်လာခြင်းဖြစ်ပါတယ်။

Source: Reuters

#World_Health
Published 25 August 2026

■ ဂျင်းပြုတ်ရည်သောက်ခြင်းက အစာခြေခြင်း၊ ကိုယ်အလေးချိန်ကျခြင်း၊ ကိုယ်ခံအားစနစ်တို့အတွက် အကူအညီ ဖြစ်စေနိုင်တယ်လို့ သုတေသန ထောက်ခံချက်တွေရှိထားပါတယ်။

■ ဂျင်းပြုတ်ရည်မှာ ဂျင်ဂျရောနဲ့ ရှိုဂေါလ်တို့လို ဓာတ်တိုးဆန့်ကျင်ပစ္စည်းများနဲ့ ရောင်ရမ်းမှုကို လျှော့ချပေးတဲ့ ဒြပ်ပေါင်းများ ပါဝင်ပါတယ်။

■ အစာအိမ်ထဲမှ အစာများကို အမြန်စုပ်ယူစေပြီး လေပွခြင်းနဲ့ အစာမကြေခြင်းတို့ကို သက်သာစေခြင်းဖြင့် အစာခြေစနစ် အထောက်အကူ ပြုစေပါတယ်။

■ ခရီးသွားစဉ် မူးဝေခြင်းနဲ့ကိုယ်ဝန်ဆောင်ချိန် မူးဝေအော့အန်ချင်စိတ်တို့ကို သက်သာစေပြီး ရှေးယခင်တည်းက သုံးစွဲခဲ့တဲ့ သဘာဝဆေးတစ်လက် ဖြစ်ပါတယ်။

■ ပုံမှန်သောက်သုံးပေးခြင်းဖြင့် သွေးဖိအား၊ ကိုလက်စထရော၊ သွေးတွင်းသကြားဓာတ်တို့ကို ကောင်းမွန်စေပြီး နှလုံးကျန်းမာရေးကို အထောက်အကူပြုနိုင်ပါတယ်။

■ ခန္ဓာကိုယ်ရဲ့ ဇီဝကမ္မဖြစ်စဉ်ကို အနည်းငယ်မြှင့်တင်ပေးနိုင်ပေမယ့် ကိုယ်အလေးချိန် အများအပြားလျှော့ချဖို့အတွက်တော့ တစ်ခုတည်းနဲ့ မလုံလောက်ပါဘူး။

■ ဂျင်းပြုတ်ရည် အလွန်အကျွံ သောက်သုံးရင်တော့ ရင်ပူခြင်း၊ ဗိုက်အောင့်ခြင်း၊ ဝမ်းလျှောခြင်းနဲ့ ပါးစပ်ယားယံခြင်းတို့လို ဘေးထွက်ဆိုးကျိုးများ ဖြစ်ပေါ်စေနိုင်ပါတယ်။

■ သွေးကျဲဆေး ဒါမှမဟုတ် ဆီးချိုဆေး သုံးစွဲနေသူများအနေဖြင့် ပမာဏများများ မသောက်သုံးမီ ဆရာဝန်နဲ့ တိုင်ပင်သင့်ပါတယ်။

■ ဂျင်းပြုတ်ရည် ပြုလုပ်ပုံကတော့ လှီးဖြတ်ထားတဲ့ ဂျင်းကို ရေထဲမှာ ၁၀-၁၅ မိနစ်ခန့် ဆူအောင်ပြုတ်ပြီး စစ်ယူရုံပါပဲ။

Source: India Today

#World_Health
Published 25 August 2026

■ အမျိုးသားများ ဖခင်မဖြစ်ခင် စားသောက်နေထိုင်မှုပုံစံတွေက မွေးလာတဲ့ကလေးတွေအပေါ် ရေရှည်သက်ရောက်မှု ဖြစ်စေတယ်လို့ သုတေသနအသစ်မှာ တွေ့ရှိထားပါတယ်။

■ ပြုပြင်ဖန်တီးထားတဲ့ အစားအစာများကို ပိုမိုစားသုံးခြင်းက မွေးကင်းစကလေးရဲ့ ခန္ဓာကိုယ်ဖွဲ့စည်းပုံကို တိုက်ရိုက်သက်ရောက်မှုရှိကြောင်း လတ်တလောလေ့လာမှုတစ်ခုမှာ ဖော်ပြခဲ့ပါတယ်။

■ ပြုပြင်ဖန်တီးထားတဲ့ အစားအစာ အများအပြားစားသုံးတဲ့ ဖခင်များမှ မွေးဖွားလာတဲ့ ကလေးတွေဟာ မွေးဖွားချိန်မှာ ကိုယ်အလေးချိန်ပိုများပြီး အခြားနေရာတွေမှာ အဆီပိုများကြောင်း တွေ့ရှိရပါတယ်။

■ အသက်အရွယ်အစောပိုင်းကာလမှာ အဆီစုစည်းမှုမြင့်မားခြင်းဟာ အရွယ်ရောက်ချိန်မှာ နှလုံးနဲ့ ဇီဝရုပ်ဖြစ်ပျက်မှုဆိုင်ရာ ရောဂါများ ဖြစ်ပွားစေနိုင်တဲ့ အဓိကအကြောင်းအရင်းတစ်ခု ဖြစ်ပါတယ်။

■ သုတေသနတွေ့ရှိချက်များအရ ပြုပြင်ဖန်တီးထားတဲ့ အစားအစာများဟာ အမျိုးသားအနေဖြင့် ကလေးမယူမီ ပျမ်းမျှကယ်လိုရီစားသုံးမှုရဲ့ ၃၀ ရာခိုင်နှုန်းခန့် ရှိနေပါတယ်။

■ အဖေဖြစ်သူ အာဟာရချို့တဲ့မှုဟာ ရောင်ရမ်းမှုကို ဖြစ်ပေါ်စေပြီး သန္ဓေမအောင်မီ သုတ်ပိုးအရည်အသွေး ပြောင်းလဲစေပါတယ်။

■ DNA methylation လိုမျိုး မျိုးရိုးဗီဇဆိုင်ရာ ပြောင်းလဲမှုယန္တရားများမှတဆင့် ဖခင်များဟာ ပြောင်းလဲသွားတဲ့ ဗီဇလုပ်ဆောင်ချက်များကို သားသမီးများထံ တိုက်ရိုက်လက်ဆင့်ကမ်း ပေးကြပါတယ်။

■ ကျန်းမာရေးနဲ့ ညီညွတ်စွာ ကိုယ်ဝန်ဆောင်နိုင်ရန်အတွက် ကိုယ်ဝန်မယူမီ ကျန်းမာရေးလမ်းညွှန်ချက်များကို မိခင်ရော ဖခင်ပါ အဓိကထားလုပ်ဆောင်ရမယ်လို့ ကျွမ်းကျင်သူများ အလေးပေးပြောထားပါတယ်။

Source: Newsweek