#World_Science
Published 09 September 2025

▪️ AI အသုံးပြုပြီး ခန္ဓာကိုယ်ထဲက ဒဏ်ရာတွေကို စစ်ဆေးကြည့်ရှုတဲ့နေရာမှာ ဆရာဝန်တွေရဲ့ကဏ္ဍ လျော့နည်းလာမှာ စိုးရိမ်နေရတယ်လို့ လေ့လာချက်အသစ်မှာ တွေ့ရှိထားပါတယ်။

▪️ ဒါနဲ့ပတ်သက်ပြီး ပညာရှင်တွေ ဖော်ပြထားတာ ရှိပါတယ်။

▪️ - အစီအစဉ်တင်ဆက်သူ မယ်ရီလူးဝစ်ကယ်လီ
AI အယ်ဂိုရစ်သမ်တွေက ရောဂါစစ်ဆေးရှာဖွေရေးတွေမှာ အကူအညီဖြစ်စေပေမယ့် ဆရာဝန်တွေ AI ကို မှီခိုလွန်းအားကြီးလာမှာကို စိုးရိမ်ရပါတယ်။

▪️ - NPR သိပ္ပံကဏ္ဍအယ်ဒီတာ ဘရမ်ဖီယယ် AI က ဆေးပညာလောကထဲ လျင်မြန်စွာ ဝင်ရောက်လာကာ ဆရာဝန်တွေအနေနဲ့ အမီလိုက်နေရပါတယ်။

▪️ ပိုလန်မှ ဆေးရုံဆေးခန်း အတော်များများဟာ အူမကြီးပြွန်ထည့်ခွဲစိတ်ရာမှာ AI စနစ်ဖြင့် အနာတွေရှာဖွေဖို့ ကြိုးစားခဲ့ကြပါတယ်။

▪️ ဒါပေမဲ့ AI ကို အသုံးမပြုတဲ့အခါမှာ ဆရာဝန်တွေအနေနဲ့ အနာတွေရှာဖွေရာမှာ အခြေအနေပိုဆိုးလာတာ တွေ့ရပါတယ်။

▪️ - အစာအိမ်အူလမ်းကြောင်းအထူးကု မာဆင်ရိုမန်ရှစ်
ကျွန်တော်တို့ ဆရာဝန်တွေဟာ စာအုပ်တွေ ဆရာတွေဆီကနေ ဆေးပညာသင်ယူခဲ့ရပြီး AI အသုံးပြုပုံတော့ မသင်ခဲ့ရပါဘူး။

▪️ AI စနစ်တွေရှိပေမယ့် တကယ်အသုံးဝင်မယ့် အချက်အလက်တွေ မရှိပါဘူး။

▪️ AI နဲ့ဆိုရင် ဆရာဝန်တွေက အလိုအလျောက်ပြလာမယ့် အရိပ်အယောင်ကိုသာ စောင့်မျှော်နေကြပါတယ်။

Source: NPR

#World_Health
Published 09 September 2025

▪️ သစ်သီးဝလံအားလုံးဟာ ကျန်းမာရေးအတွက် ကောင်းမွန်ပြီး အမျှင်ဓာတ်များ၊ လိုအပ်တဲ့ ဗိုက်တာမင်ဓာတ်များ ပါဝင်တယ်လို့ သိထားကြပါတယ်။

▪️ ဒါပေမဲ့ ဂလူးကို့စ်မြင့်တက်စေတဲ့ အချို့သော အသီးတွေကတော့ ဆီးချိုသမားတွေ၊ ဆီးချိုဖြစ်နိုင်ခြေရှိသူတွေအတွက် အန္တရာယ်ပိုများစေနိုင်ပါတယ်။

▪️ ဒီအတွက် Benefic Nutrition စီအီးအို ဒေါက်တာ ယာရှာဝမ့်ကူမာက ရှောင်ရှားရမယ့် သစ်သီးတွေကို ဖော်ပြထားပါတယ်။

▪️ (၁) သရက်သီး
သရက်သီးတွေဟာ သဘာဝသကြားဓာတ်တွေဖြစ်တဲ့ ဂလူးကို့စ်နဲ့ ဖရပ်တို့စ်တို့ ကြွယ်ဝစွာ ပါဝင်ပြီး သရက်သီးတစ်လုံးမှာ သကြား ၄၀ မှ ၄၅ ဂရမ် ပါဝင်တာကြောင့် သွေးတွင်းသကြားဓာတ်ပမာဏကို ချက်ချင်းမြင့်တက်စေနိုင်ပါတယ်။

▪️ (၂) ငှက်ပျောသီးမှည့်
ငှက်ပျောသီးဟာ မှည့်သွားရင် ကစီဓာတ်တွေက သကြားအဖြစ် ပြောင်းလဲသွားကာ ပိုမိုချိုမြိန်လာသလို သွေးတွင်းသကြားဓာတ် မြင့်တက်စေနိုင်ပါတယ်။

▪️ (၃) ချီကူ
ချီကူ ၁၀၀ ဂရမ်မှာ သကြား ၂၀ ဂရမ်ပါဝင်ပြီး သူ့ချည်းပဲစားလိုက်ရင် ဂလူးကို့စ်ပမာဏ ချက်ချင်းမြင့်တက်စေနိုင်ပါတယ်။

▪️ (၄) စပျစ်သီး
စပျစ်သီး ၁၀၀ ဂရမ်မှာ သကြား ၁၆ မှ ၁၈ ဂရမ်ပါဝင်ပြီး အနည်းငယ်လောက် စားလိုက်ရင်ပင် သွေးတွင်းသကြားဓာတ် ချက်ချင်းမြင့်တက်စေကာ အမျှင်ဓာတ်နည်းတာကြောင့် ဂလူးကို့စ်မထိန်းချုပ်နိုင်ပါဘူး။

▪️ (၅) နာနတ်သီး
နာနတ်သီးတစ်လုံးမှာ သကြားဓာတ် မြင့်မားစွာပါဝင်ပြီး စားပြီးတဲ့အခါ သကြားဓာတ် ရုတ်တရက်မြင့်တက်စေနိုင်သလို အများကြီးစားမိရင် ခန္ဓာကိုယ်က သကြားဓာတ်စုပ်ယူခြင်းကို ထိန်းဖို့မလွယ်ကူတော့ပါဘူး။

Source: Indian Express

ပေကျင်းမြို့မှာ ဗုဒ္ဓဟူးနေ့ကကျင်းပတဲ့ V-Day စစ်ရေးပြအခမ်းအနားမှာ ပျံသန်းပြခဲ့တဲ့ တရုတ်ပြည်ထုတ် တိုက်လေယာဉ်တွေဟာ တရုတ်လေတပ်ရဲ့ တိုက်ခိုက်စွမ်းရည်တွေကို ထင်ထင်ရှားရှားမြင်စေပါတယ်။

#Asia_Military
Published 08 September 2025
#ပေကျင်းမြို့ #တရုတ်လေတပ်_တိုက်လေယာဉ်
#YMG #Yangon_Times #Yangon_Media_Group

#Local_News
Published 08 September 2025

▪️ မန္တလေးတိုင်းဒေသကြီး အောင်မြေသာစံမြို့နယ်ရှိ ငလျင်လှုပ်ခတ်ခဲ့မှုကြောင့် ပြိုကျပျက်စီးသွားသော Sky Villa အဆောက်အအုံ A အဆောင်မှ အမျိုးသား(၁)ဦး၏ ရုပ်အလောင်းအား ထပ်မံထုတ်ယူနိုင်ခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ အဆိုပါ Sky Villa အဆောက်အအုံအား မြို့တော်စည်ပင်သာယာရေးကော်မတီနှင့် အောင်မြေသာစံမြို့နယ်မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များ ပူးပေါင်း၍ ရှင်းလင်းရေးလုပ်ငန်းများဆောင်ရွက်လျက်ရှိခြင်းဖြစ်သည်။

▪️ ထိုသို့ ဆောင်ရွက်ရာတွင် စက်တင်ဘာ ၈ ရက်နေ့တွင် အဆောင် (A)၊ မြေညီထပ်မှ မနက်၁၁ အချိန်၌ အမျိုးသား(၁)ဦး၏ ရုပ်အလောင်းအား ထပ်မံထုတ်ယူနိုင်ခဲ့ကြောင်းသိရသည်။

▪️ ထို့ကြောင့် မာလာမေတ္တာလူမှုကူညီရေးအသင်းယာဉ်ဖြင့် မန္တလေးပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။

#YMG/NN #Yangon_Times

#World_News▪️ ကူမင်းမြို့၊ စက်တင်ဘာလ ၈ ရက်(ရှင်ဟွာ) - တရုတ်နှင့် နိုင်ငံတကာမှ ဧည့်သည်များသည် တောင်ကမ္ဘာအတွင်း AI ပူးပေါင်းဆောင်ရွက်မှုဆိုင်ရာ ဆွေးနွေးရန်အတွက် ယူနန်ပြည်နယ်၊ ကူမင်းမြို့တွင် စုဝေးခဲ့ကြသည်။

▪️ AI သည် စက်မှုလုပ်ငန်းကဏ္ဍအမျိုးမျိုးနှင့် လျင်မြန်စွာပေါင်းစည်းလျက်ရှိပြီး စီးပွားရေးနှင့် လူမှုရေး ဖွံ့ဖြိုးတိုးတက်မှုအတွက် မောင်းနှင်အားအသစ်များကိုလည်း ထုတ်လုပ်ပေးနေသည်။

▪️ "AI သည် စက်မှုလုပ်ငန်း မျက်နှာစာများကို အလျင်အမြန် ပြန်လည်ပုံဖော်နေပြီး၊ ၀န်ဆောင်မှုလုပ်ငန်း စွမ်းဆောင်ရည်များကို မြှင့်တင်ကာ အရင်းအမြစ်ခွဲဝေသုံးစွဲမှုကို အကောင်းဆုံးဖြစ်အောင် ပြုလုပ်ပေးနေပါတယ်။

▪️ AI ကို တာဝန်ယူမှုရှိရှိ အသုံးပြုခြင်းဖြင့် လူငယ်များအတွက် အလုပ်အကိုင် အခွင့်အလမ်းအသစ်များ ဖန်တီးပေးနိုင်ပြီး ဒီဂျစ်တယ်ကွာဟမှုကို လျှော့ချကာ ပညာရပ်နှင့် ဆန်းသစ် တီထွင်မှုဆိုင်ရာ တောင်-တောင် ပူးပေါင်းဆောင်ရွက်မှုကို မြှင့်တင်ပေးနိုင်ပါတယ်" ဟု ဆီယာ ရာလီယွန်နိုင်ငံ စီမံကိန်းနှင့် စီးပွားရေးဖွံ့ဖြိုးတိုးတက်ရေးဝန်ကြီးဌာန ဒုတိယဝန်ကြီး ဂျွိုနသန်တိုင်တပ်စ်ဝီလျံ ကပြောသည်။

▪️ "AI နှင့် မီဒီယာပေါင်းစည်းမှုသည် မလွဲမသွေဖြစ်လာရမည့် လမ်းကြောင်းတစ်ခုဖြစ်ပြီး AI သည် သတင်းမီဒီယာနှင့် ဇာတ်ကြောင်းပြောခြင်းအတတ်ပညာများကို ပြန်လည်ပုံဖော်နေပြီဖြစ်ပါတယ်။

▪️ ဒါပေမယ့်တောင်ကမ္ဘာမှာရှိတဲ့ သတင်းအဖွဲ့အစည်းများစွာဟာအခြေခံအဆောက်အအုံများ၊တည်ငြိမ်တဲ့ အင်တာနက်၊ လုံလောက်တဲ့ ကွန်ပျူတာတွက်ချက်မှုစွမ်းအား၊ လုံခြုံသော Cloud ဝန်ဆောင်မှုများ ချို့တဲ့နေဆဲဖြစ်ပါတယ်" ဟု မြန်မာနိုင်ငံ Narrative Think Tank ၏ ဥက္ကဋ္ဌ ဦးကိုကို ကပြောသည်။

▪️ ၎င်းက ဤပြဿနာအတွက် ဖြေရှင်းချက်မှာ တောင်-တောင် ပူးပေါင်းဆောင်ရွက်မှုကို အားကောင်းအောင်လုပ်ရန်ဖြစ်ပြီး မြန်မာနိုင်ငံအတွက် တရုတ်နိုင်ငံ၏ အခန်းကဏ္ဍသည် အထူးအရေးကြီးကြောင်း၊ တရုတ်ကုမ္ပဏီများသည် ဆက်သွယ်ရေးအခြေခံအဆောက်အအုံများနှင့် AI စောင့်ကြည့်ရေးစနစ်များကို အဓိကပံ့ပိုးဆောင်ရွက်နေသူများသာမကဘဲ ဘာသာစကားနည်းပညာနှင့် ပြည်တွင်းဒေတာအရင်းအမြစ်များ ချဲ့ထွင်ရာတွင်လည်း အလားအလာရှိသော မိတ်ဖက်များဖြစ်ကြောင်းလည်း ထည့်သွင်းပြောဆိုသည်။

▪️ "မကြာသေးမီနှစ်များအတွင်း တောင်ကမ္ဘာသည် ကမ္ဘာလုံးဆိုင်ရာစစီးကြောင်းအတွင်း စုပေါင်းတက်ကြွမှု ကို ရရှိခဲ့ပါတယ်။

▪️ ကမ္ဘာ့အကြီးဆုံး ဖွံ့ဖြိုးဆဲနိုင်ငံနှင့် တောင်ကမ္ဘာ၏ သဘာဝအလျောက် အဖွဲ့ဝင်တစ်ဦး အနေဖြင့် တရုတ်နိုင်ငံသည် ခိုင်မာသော ပူးပေါင်းဆောင်ရွက်မှုများ၊ အစီအစဉ်များနှင့် လုပ်ဆောင်ချက်များမှတစ်ဆင့် တောင်ကမ္ဘာ၏ အကျိုးစီးပွားကို မြှင့်တင်ပေးလျက်ရှိပြီး အားလုံးပါဝင်သည့် စီးပွားရေးကမ္ဘာလုံးဆိုင်ရာမူဝါဒကို ထောက်ခံကာ၊ အမြဲတမ်း ပွင့်လင်းမှုကို ပြသနေပြီး တက်ကြွသောလုပ်ဆောင်ချက်များဖြင့် တောင်ကမ္ဘာသို့ ကြီးထွားမှုစွမ်းအား ယူဆောင်လာပေးနေပါတယ်" ဟု စက်မှုနှင့် သတင်းအချက်အလက်နည်းပညာ၀န်ကြီးဌာန၊ အမျိုးသား AI စံသတ်မှတ်ရေး အထွေထွေအုပ်စု ကျွမ်းကျင်ပညာရှင်ကော်မတီ၀င်၊ ရှန်ဟိုင်း AI စက်မှုလုပ်ငန်း သုတေသနတက္ကသိုလ်ဌာနမှူး ကျူကျိုယင် Zhu Zhaoying က ပြောသည်။

▪️ ၎င်းက နည်းပညာပူးပေါင်းသုတေသနပြုခြင်း၊ ဒေတာမျှဝေခြင်းနှင့် စွမ်းရည်များအတူတကွ တည်ဆောက်ခြင်းစသည့် လုပ်ဆောင်ချက်များမှတစ်ဆင့် တောင်ကမ္ဘာသည် ဘာသာစကားစုံ မော်ဒယ်များနှင့် ကုန်ကျစရိတ်သက်သာသော ကွန်ပျူတာတွက်ချက်မှုစွမ်းအား စသည့် သော့ချက်နည်းပညာဆိုင်ရာ စိန်ခေါ်မှုများကို ပူးပေါင်းဖြေရှင်းနိုင်ပြီး AI ၏ အမှီအခိုကင်းသည့် ဖွံ့ဖြိုးတိုးတက်မှုစွမ်းရည်ကို မြှင့်တင်နိုင်ကြောင်း ယုံကြည်ကြောင်းလည်းပြောသည်။

▪️ ဖိုရမ်အတွင်း ဆင်ဟွာသတင်းဌာနက AIGC-Safe ဟုခေါ်သော ကျယ်ပြန့်ပြည့်စုံသော အကြောင်းအရာများနှင့် ပုံစံများလုံခြုံရေးဆိုင်ရာ စုပေါင်းဝန်ဆောင်မှုပလက်ဖောင်း "ကြီးမားသော ပုံစံ လုံခြုံမှု စောင့်ကြပ်ရေး " "Large Model Security Guard" ကို စတင်မိတ်ဆက်ခဲ့သည်။

▪️ ဤပလက်ဖောင်းသည် ဒီဂျစ်တယ်ပြောင်းလဲမှုအတွက် ခိုင်မာသော အုတ်မြစ်ကို ပံ့ပိုးပေးနိင်ရေးအတွက် AI ဖြင့် AI ကို ကာကွယ်ခြင်း၊ ကြီးမားသော မိုဒယ်လ်များဖြင့် ကြီးမားသော မိုဒယ်လ်များကို တိုက်ခိုက်ခြင်း" ဟူသော အတွေးအမြင်ကို လက်ကိုင်ထားပြီး နည်းပညာဆန်းသစ်တီထွင်မှုကို ဆက်လက်အားကောင်းစေကာ အသုံးချနယ်ပယ်များ ချဲ့ထွင်ပေးမည်ဖြစ်သည်။

▪️ ၂၀၂၅ ကမ္ဘာ့တောင်ပိုင်း မီဒီယာနှင့် ပညာရှင်အဖွဲ့များ အဆင့်မြင့်ဖိုရမ်ကို စက်တင်ဘာလ ၅ ရက်မှ ၉ ရက် အထိ ယူနန်ပြည်နယ်တွင် ကျင်းပခဲ့ပြီး ရှင်ဟွာသတင်းဌာန၊ တရုတ်ကွန်မြူနစ်ပါတီ ယူနန်ပြည်နယ် ကော်မတီနှင့် ယူနန်ပြည်နယ်ပြည်သူ့အစိုးရတို့က ပူးပေါင်းအိမ်ရှင်အဖြစ် လက်ခံကျင်းပခြင်းဖြစ်သည်။

ရင်းမြစ်အကိုးအကား - xinhuanet.com

#World_News
Published 08 September 2025

▪️ ပြီးခဲ့တဲ့ ရက်သတ္တပတ်က အမေရိကန် ဂျော်ဂျီယာမှာ ဝင်ရောက်ဖမ်းဆီးခံခဲ့ရတဲ့ ကိုရီးယားလုပ်သားတွေကို တောင်ကိုရီးယားက ပြန်ခေါ်ဖို့ လုပ်ဆောင်နေတယ်လို့ ကိုရီးယားသမ္မတရုံးအရာရှိက ပြောသွားပါတယ်။

▪️ ထရမ့်အစိုးရအဖွဲ့ကတော့ စီးပွားရေးလုပ်ငန်းတွေကို ထပ်မံဝင်ရောက်စစ်ဆေး ဖမ်းဆီးသွားဦးမယ်လို့ အသေအချာပြောထားပါတယ်။

▪️ ထိန်းသိမ်းခံထားရတဲ့ တောင်ကိုရီးယားလုပ်သား ၃၀၀ ခန့်ကို လွှတ်ပေးဖို့ ညှိနှိုင်းမှုတွေ အဆုံးသတ်ပြီဖြစ်ကြောင်း တောင်ကိုရီးယားသမ္မတရုံးက တနင်္ဂနွေနေ့မှာ ပြောပါတယ်။

▪️ နှစ်နိုင်ငံ လုပ်ငန်းစဉ်များ ပြီးဆုံးတာနဲ့ စီးလုံးငှားလေယာဉ်ဖြင့် ပြန်ခေါ်သွားမယ်လို့ ဖော်ပြထားပါတယ်။

▪️ ဝါရှင်တန်ရှိ တောင်ကိုရီးယား ကောင်စစ်ဝန်ချုပ် ချိုကီဂျောင်က ဗုဒ္ဓဟူးနေ့မှာ လေယာဉ်ပေါ် တင်ဆောင်သွားဖွယ်ရှိကြောင်း ယွန်ဟပ်သတင်းဌာနက ဖော်ပြထားပါတယ်။

▪️ အမေရိကန်သမ္မတ ဒေါ်နယ်ထရမ့်က လူဝင်မှုကြီးကြပ်ရေးပေါ်လစီများ တင်းကြပ်သွားမယ်လို့ ဆိုထားကာ အမေရိကန်မှာ ရင်းနှီးမြှုပ်နှံတဲ့ နိုင်ငံခြားကုမ္ပဏီများအနေနဲ့ လူဝင်မှုဥပဒေများကို လေးစားလိုက်နာကြဖို့ တောင်းဆိုထားပါတယ်။

▪️ ထရမ့်က လူဝင်မှုကိစ္စကို အစိုးရအဓိကထောက်တိုင်တစ်ရပ်အဖြစ် လုပ်ဆောင်နေပြီး နေရပ်ပြန်ပို့မှုအများအပြား ပြုလုပ်ထားပါတယ်။

Source: Reuters.