#World_Health
Published 31 October 2025

■ အသက်ကြီးရင့်လာခြင်းက သဘာဝဖြစ်စဉ်ဖြစ်ပြီး ပြင်ပရုပ်ပိုင်းဆိုင်ရာသာမက နှလုံးကပါ အိုမင်းလာပါတယ်။

■ အသက်ကြီးလာတဲ့အခါ နှလုံးဖွဲ့စည်းပုံ၊ လုပ်ဆောင်ချက်တွေ ပြောင်းလဲလာပြီး နှလုံးသွေးကြောရောဂါများ ဖြစ်လာစေနိုင်ပါတယ်။

■ ဒါကြောင့် Max ဆေးရုံ နှလုံးသိပ္ပံဌာနမှ ဒေါက်တာ ဘယ်ဘီယာဆင်းက နှလုံးကို နုပျိုကျန်းမာနေစေမယ့် နည်းလမ်းတွေကို မျှဝေသွားပါတယ်။

■ (၁) သွေးပေါင်ချိန် ပုံမှန်စစ်ဆေးခြင်းဖြင့် သွေးပေါင်အခြေအနေကို သိရှိစေပြီး သွေးတိုးတဲ့အခါ နှလုံးနဲ့ ကျောက်ကပ်တို့ကို အန္တရာယ်ဖြစ်စေနိုင်ပါတယ်။

■ (၂) သွေးတွင်းသကြားဓာတ်နဲ့ သွေးတွင်းအဆီဓာတ်တို့ကို ပုံမှန်စစ်ဆေးထိန်းချုပ်သင့်ပြီး နေထိုင်စားသောက်မှုပုံစံတွေ ဆေးဘက်ဆိုင်ရာ ထိန်းချုပ်မှုတွေ ပေါင်းစပ်အသုံးပြုနိုင်ပါတယ်။

■ (၃) ဂျုံ၊ အသီးအနှံ၊ ဟင်းရွက်၊ ပရိုတိန်း၊ ကျန်းမာသောအဆီတို့ စားသုံးပေးကာ ဆား၊ အချို၊ အဆင့်ဆင့်ထုတ်လုပ်စားစရာများ လျှော့ချခြင်းဖြင့် သွေးတိုးနဲ့ နှလုံးရောဂါတို့ ဖြစ်နိုင်ခြေနည်းစေပါတယ်။

■ (၄) တစ်နေ့ကိုအနည်းဆုံး မိနစ် ၃၀ ခန့် လမ်းလျှောက်ခြင်း၊ ရေကူးခြင်း၊ စက်ဘီးစီးခြင်းတို့က နှလုံးသန်မာစေပြီး သွေးလည်ပတ်မှုကောင်းစေကာ ကိုယ်အလေးချိန် ထိန်းသိမ်းပေးပါတယ်။

■ (၅) ဆေးလိပ်နဲ့အရက်တို့က နှလုံးအပေါ် ဆိုးကျိုးသက်ရောက်စေတာကြောင့် ရှောင်ရှားခြင်းဖြင့် နှလုံးအိုမင်းခြင်းကို နှောင့်နှေးစေပါတယ်။

■ (၆) ကိုယ်အလေးချိန်ထိန်းသိမ်းခြင်းဖြင့် နှလုံးအပေါ် ဝန်ထုပ်ဝန်ပိုးလျော့နည်းစေပြီး သွေးတိုးဆီချိုဖြစ်နိုင်ခြေတို့ကို လျှော့ချပေးနိုင်ပါတယ်။

■ နှလုံးအတွက် ဘေးဖြစ်စေမယ့်အရာတွေကို ထိန်းသိမ်းပြီး နှလုံးကျန်းမာရေးအတွက် နေထိုင်စားသောက်မှုပုံစံတွေ ကျန်းမာအောင် နေထိုင်သင့်ပါတယ်။

Source: NDTV

#World_Health
Published 31 October 2025

■ "သူများတွေမကြားရတဲ့ နားထဲက အဆက်မပြတ် မြည်သံတွေကို ကြားနေရပါတယ်။ မရှိတဲ့အသံကို ကြားနေရတာဖြစ်ပြီး စိတ်စူးစိုက်မှု၊ အိပ်စက်မှုတို့ကို နှောင့်ယှက်နေပါတယ်။ ခေါင်းအုံးပေါ် ခေါင်းချလိုက်တာနဲ့ ခေါင်းထဲမှာ ဆူညံသံလှိုက်ထွက်လာပါတယ်" လို့ အသက် ၆၆ နှစ်အရွယ် အာမစ်ချန်ဒရာက ပြောပါတယ်။

■ သူဟာ ဆယ်စုနှစ်တစ်ခုကျော်ကြာအောင် နားထဲအသံမြည်တဲ့ပြဿနာ ခံစားနေရပြီး ဒါဟာ အပြင်ကနေမဟုတ်ဘဲ နားထဲမှာ အသံတွေထွက်နေတာ ဖြစ်ပါတယ်။

■ ဆူညံသံတွေကို အဆက်မပြတ် နားထောင်နေရသူတွေ၊ ရှိုးပွဲတွေ၊ ပေါက်ကွဲသံတွေ၊ ဆူညံပတ်ဝန်းကျင်မှာ အလုပ်လုပ်ရသူတွေမှာ ဒီလိုမျိုး ဖြစ်တတ်တယ်လို့ ဒေလီမှ ဒေါက်တာ ဆန်ဂျေဆက်ဒီဗာက ပြောပါတယ်။

■ နားထဲအသံမြည်ခြင်းက အသက်အရွယ်နဲ့ဆိုင်သလို ဆူညံသံကြောင့် အကြားအာရုံဆုံးရှုံးခြင်းနဲ့လည်း အတော်လေး သက်ဆိုင်ပါတယ်။

■ ပြင်ပကအသံ ကောင်းစွာမကြားရတော့တဲ့အတွက် ဦးနှောက်က အသံအစားထိုးမြည်ပေးတာ ဖြစ်ပါတယ်။

■ ကျယ်လောင်တဲ့ ဆူညံသံ၊ အတော်အသင့်ဆူညံသံကို ရေရှည်ကြားနေရခြင်းတို့က အကြားအာရုံထိခိုက်စေနိုင်ပါတယ်။

■ လူငယ်မျိုးဆက်တွေမှာ နားထဲအသံမြည်ခြင်းဖြစ်ရတဲ့ အဓိကအကြောင်းအရင်းတွေက နားကြပ်တပ်နားထောင်ခြင်း၊ ကျယ်လောင်စွာ သီချင်းနားထောင်ခြင်းတို့ ဖြစ်ပါတယ်။

■ ဒီဝေဒနာအတွက် သိပ္ပံနည်းကျ ကုသနည်းမရှိသေးဘဲ အာရုံကြောလုပ်ဆောင်ချက် ချို့ယွင်းမှုတွေကို နှောင့်ယှက်နိုင်မယ့် အသံနည်းလမ်းတွေတော့ ရှိပါတယ်။

■ ဆူညံသံတွေနဲ့ ထိတွေ့ခြင်းက နားအတွင်းပိုင်းကို ပြန်ပြင်မရလောက်အောင် ထိခိုက်စေနိုင်ကာ အသံတွေကြားနေရတဲ့ ဝေဒနာတွေ ခံစားရနိုင်ပါတယ်။

Source: Indian Express.

တောင်ကိုရီးယားနဲ့ နှစ် ၁,၀၀၀ သက်တမ်းကြာအောင် ဘာသာရေးနွယ်နေတဲ့ တရုတ်အန်ဟွေ့ပြည်နယ် ချီကျိုးမြို့ရှိ ဗုဒ္ဓတောင်ထိပ်ဖြစ်တဲ့ ကျူဟွာတောင်ဟာ အခုဆိုရင်ဧည့်ခရီးသွားလုပ်ငန်းနဲ့ ယဉ်ကျေးမှုဖလှယ်ရေးတို့ တိုးတက်မြင့်မားလာကာ နှစ်နိုင်ငံကြားဆက်ဆံရေးဖွံဖြိုးမှုမှာ အရေးပါနေပါတယ်။

#Asia_Culture
Published 30 October 2025
#တောင်ကိုရီးယား #ချီကျိုးမြို့
#YMG #Yangon_Times #Yangon_Media_Group

၂၀၂၅ခုနှစ် အောက်တိုဘာ ၃၀ ရက်

◾️စမ်းသပ်မှုအောင်မြင်ခြင်း

🔺သမ္မတ ဗလာဒီမာ ပူတင်က နျူကလီးယားစွမ်းအင်သုံး၊ အလိုအလျောက်မောင်းနှင်နိုင်သော Poseidon တော်ပီဒိုကို အောင်မြင်စွာ စမ်းသပ်နိုင်ခဲ့ကြောင်း ကြေညာခဲ့သည်။

🔺စမ်းသပ်မှုတွင် ရေငုပ်သင်္ဘောမှ ပစ်လွှတ်ခြင်းနှင့် ၎င်း၏ နျူကလီးယားစွမ်းအင်ယူနစ်ကို အသက်သွင်း ခြင်း နှစ်မျိုးလုံး ပါဝင်ခဲ့သည်။

◾️လက်နက်၏ စွမ်းဆောင်ရည်များ

🔺Poseidon သည် ကမ်းရိုးတန်းဒေသများကို ပျက်စီးစေနိုင်သော ကြီးမားသည့် ရေဒီယိုသတ္တိကြွ သမုဒ္ဒရာ  လှိုင်းလုံးကြီးများကို ဖြစ်ပေါ်စေနိုင်သည်။

🔺ခန့်မှန်းခြေ ပစ်ခတ်နိုင်သည့်အကွာအဝေး: ၁၀,၀၀၀ ကီလိုမီတာ (၆,၂၀၀ မိုင်)၊ အမြန်နှုန်း တစ်နာရီလျှင် ၁၈၅ ကီလိုမီတာ

🔺ကြားဖြတ်တားဆီးရန် မဖြစ်နိုင်ဟု ဆိုသည်။

🔺အရှည် မီတာ ၂၀၊ အချင်း ၁.၈ မီတာ နှင့် အလေးချိန် တန် ၁၀၀ ရှိသည်။

🔺အရည်-သတ္တုဖြင့် အအေးပေးထားသော ဓာတ်ပေါင်းဖိုဖြင့် စွမ်းအင်ပေးထားသည့်  ၂-မီဂါတန် အလေးချိန်ရှိ ထိပ်ဖူးကို သယ်ဆောင်နိုင်ဖွယ်ရှိသည်။

◾️မဟာဗျူဟာမြောက် အခြေအနေ

နျူကလီးယား အင်အားပြသမှု၏ တစ်စိတ်တစ်ပိုင်း

🔺ယင်းသည် မကြာသေးမီက Burevestnik နျူကလီးယား ခရုစ်ဒုံးကျည် (အောက်တိုဘာ ၂၁) နှင့် နျူကလီးယား ပစ်လွှတ်မှု လေ့ကျင့်ခန်းများ (အောက်တိုဘာ ၂၂) ပြုလုပ်ပြီးနောက် ထွက်ပေါ်လာခြင်း ဖြစ်သည်။

🔺ယူကရိန်းစစ်ပွဲနှင့် ပတ်သက်၍ အနောက်နိုင်ငံများ၏ ဖိအားပေးမှုများရှိနေသော်လည်း ရုရှားသည် အဓိက စစ်အင်အားကြီးနိုင်ငံအဖြစ် ဆက်လက်တည်ရှိနေကြောင်း ပူတင်က ပြသလိုပုံရသည်။

◾️ကမ္ဘာလုံးဆိုင်ရာ လက်နက်ပြိုင်ဆိုင်မှု

🔺Poseidon ကို ရုရှား၊ အမေရိကန်နှင့် တရုတ်တို့အကြား နျူကလီးယားလက်နက်များ ခေတ်မီအောင် ပြုလုပ်နေသည့် လက်နက်ပြိုင်ဆိုင်မှု၏ တစ်စိတ်တစ်ပိုင်းအဖြစ် ရှုမြင်ကြသည်။

🔺နေတိုး (NATO) က ယင်းကို Kanyon ဟု အမည်ပေးထားသည်။

🔺ယင်း၏ စွမ်းအားသည် Sarmat (SS-X-29/Satan II) တိုက်ချင်းပစ် ဒုံးကျည်ထက် သာလွန်ကြောင်း ပူတင်က အခိုင်အမာ ပြောကြားသည်။

◾️နိုင်ငံရေးနှင့် သံတမန်ရေးဆိုင်ရာ သက်ရောက်မှုများ

▪️အမေရိကန်နှင့် နေတိုးကို တုံ့ပြန်ခြင်း

🔺ပူတင်က ယင်းကို အောက်ပါတို့ကို ကိုးကား၍  တုံ့ပြန်မှုပြောဆိုသည်။

    🔺၂၀၀၁ ခုနှစ်တွင် ၁၉၇၂ ခုနှစ် ဒုံးကျည်ကာကွယ်ရေးစာချုပ် (Anti-Ballistic Missile Treaty) မှ အမေရိကန် နုတ်ထွက်ခဲ့ခြင်း။

    🔺နေတိုး (NATO)က အရှေ့ဘက်သို့ ချဲ့ထွင်လာခြင်း။

◾️ထရမ့် (Trump) ၏ တုံ့ပြန်မှု

🔺အမေရိကန် သမ္မတဟောင်း ဒေါ်နယ်လ် ထရမ့်က ရုရှားကို "စက္ကူကျား" ဟု ခေါ်ဆိုခဲ့သော်လည်း မော်စကိုသည် နျူကလီးယား ပြိုင်ဘက်အဖြစ် ဆက်လက်ရှိနေသည်ကို ဝန်ခံခဲ့သည်။

🔺နျူကလီးယား စမ်းသပ်မှုအသစ်များ ပြုလုပ်မည့်အစား ယူကရိန်းစစ်ပွဲကို အဆုံးသတ်ရန် ပူတင်ကို တိုက်တွန်းခဲ့သည်။

Ref: Reuters သတင်းကိုအခြေခံသည်။

ဘူဆန်၊ တောင်ကိုရီးယား၊ အောက်တိုဘာ ၃၀ (ဆင်ဟွာ) -- တရုတ်သမ္မတ ရှီကျင့်ဖျင်က အမေရိကန်သမ္မတ ဒေါ်နယ်ထရမ့်နှင့်အတူ နှစ်နိုင်ငံဆက်ဆံရေးအတွက် ခိုင်မာသော အခြေခံ အုတ်မြစ်တစ်ခု တည်ဆောက်ရန်နှင့် နှစ်နိုင်ငံလုံး၏ ဖွံ့ဖြိုးတိုးတက်မှုအတွက် ကောင်းမွန်သော ပတ်ဝန်းကျင်တစ်ရပ် ဖန်တီးရန် ဆက်လက်လုပ်ဆောင် သွားရန် အဆင်သင့်ရှိကြောင်း ကြာသပတေးနေ့က ပြောကြားခဲ့သည်။

ထရမ့်နှင့် တွေ့ဆုံမှုတွင် ရှီက ၎င်းတို့နှစ်ဦး၏ ပူးတွဲလမ်းညွှန်မှုအောက်တွင် တရုတ်-အမေရိကန် ဆက်ဆံရေး  သည် ယေဘုယျအားဖြင့် တည်ငြိမ်လျက်ရှိကြောင်း ပြောကြားခဲ့သည်။

"တရုတ်နဲ့ အမေရိကန်ဟာ မိတ်ဖက်တွေ၊ မိတ်ဆွေတွေဖြစ်သင့်ပါတယ်။ ဒါဟာ သမိုင်းက ကျွန်တော်တို့ကို သင်ကြားပေးခဲ့တာဖြစ်ပြီး လက်တွေ့မှာလည်း လိုအပ်နေတဲ့အရာ ဖြစ်ပါတယ်" ဟု ရှီက ပြောကြားခဲ့သည်။

မတူညီသော နိုင်ငံအခြေအနေများကြောင့် နှစ်ဖက်စလုံး အမြဲတမ်း သဘောထားချင်း တိုက် ဆိုင်ကြသည်တော့ မဟုတ်ကြောင်း၊ ကမ္ဘာ့ထိပ်တန်း စီးပွားရေး အင်အားကြီး နှစ်နိုင်ငံကြား တစ်ခါ  တစ်ရံ ပွတ်တိုက်မှုများ ရှိနေခြင်း မှာလည်း ပုံမှန်ပင်ဖြစ်ကြောင်း ရှီကထပ်လောင်းပြောကြားခဲ့  သည်၊

"အဆွေတော်နဲ့ ကျွန်တော်ဟာ တရုတ်-အမေရိကန် ဆက်ဆံရေးကို တက်မကိုင်ထားသူတွေဖြစ် ပါတယ်" ဟု ရှီက ပြောကြားခဲ့သည်။ "လေပြင်းလှိုင်းတံပိုးတွေနဲ့ စိန်ခေါ်မှုတွေရင်ဆိုင်ရတဲ့   အခါမှာ၊ ကျွန်တော်တို့ဟာ လမ်းကြောင်းမှန်ပေါ်မှာ ဆက်ရှိနေရမယ်၊ ရှုပ်ထွေးတဲ့ မြင်ကွင်းကို ဖြတ်ကျော်မောင်းနှင်ရမယ်၊ ပြီးတော့ တရုတ်-အမေရိကန် ဆက်ဆံရေးဆိုတဲ့ ဧရာမသင်္ဘောကြီး အသေအချာ ရှေ့ဆက်ခိုင်မာစွာရွက်လွှင့်နိုင်ရ  ပါမယ်”ဟုရှီကပြောသည်။

တရုတ်နိုင်ငံ၏ စီးပွားရေး ဖွံ့ဖြိုးတိုးတက်မှုတွင် ကောင်းမွန်သော အရှိန်အဟုန် ရှိနေကြောင်း ရှီက ပြောကြားခဲ့ပြီး၊ ယခုနှစ် ပထမ သုံးလပတ်အတွင်း တရုတ်၏ စီးပွားရေးသည် ၅.၂ ရာခိုင်နှုန်း တိုးတက်ခဲ့ပြီး ကမ္ဘာ့ အခြားနိုင်ငံများနှင့် ကုန်စည် တင်သွင်းမှု၊ တင်ပို့မှု ကုန်သွယ်ရေးမှာ ၄ ရာခိုင်နှုန်း တိုးတက်ခဲ့ကြောင်းလည်း ထပ် လောင်းပြောကြားခဲ့သည်။

ပြည်တွင်းနှင့် ပြည်ပ အခက်အခဲများ ရှိနေသည့်ကြားမှ ဤသည်မှာ လွယ်ကူသော အောင်မြင်မှု မဟုတ်ကြောင်း ရှီက မှတ်ချက်ပြုခဲ့ပြီး၊ တရုတ်စီးပွားရေးသည် ကြီးမား၊ ခံနိုင်ရည်ရှိပြီး အလားအလာကောင်းသော ကျယ်ပြန့်  သည့် သမုဒ္ဒရာကြီးတစ်ခုနှင့် တူကြောင်းထပ်လောင်းပြောကြားခဲ့သည်။

"ကျွန်တော်တို့မှာ ဘယ်လိုအန္တရာယ်နဲ့ စိန်ခေါ်မှုမျိုးကိုမဆို ဖြတ်ကျော်မောင်းနှင်နိုင်မယ့် ယုံကြည်မှုနဲ့ စွမ်းဆောင်ရည် ရှိပါတယ်" ဟု ရှီက ထပ်လောင်း ပြောကြားခဲ့သည်။

အကြိမ် (၂၀) မြောက် တရုတ်ကွန်မြူနစ်ပါတီ ဗဟိုကော်မတီ၏ စတုတ္ထအကြိမ် မျက်နှာစုံညီ အစည်းအဝေးတွင် လာမည့် ငါးနှစ်အတွင်း စီးပွားရေးနှင့် လူမှုရေး ဖွံ့ဖြိုးတိုးတက်မှု အစီအစဉ်အတွက် အကြံပြုချက်များကို ဆွေးနွေး  ဆုံးဖြတ်ခဲ့ပြီး အတည်ပြုခဲ့ကြောင်း ရှီက ပြောကြား ခဲ့သည်။

"လွန်ခဲ့တဲ့ ဆယ်စုနှစ် ၇ ခုကျော်အတွင်းမှာ၊ ဒီပုံစံဒီဇိုင်းတစ်ခုတည်းကိုပဲ လက်တွေ့အကောင်  အထည်ပေါ်လာဖို့ မျိုးဆက်တစ်ဆက်ပြီးတစ်ဆက် ကျွန်တော်တို့ လုပ်ဆောင်ခဲ့ကြပါတယ်။ ဘယ်သူ့ကိုမှ စိန်ခေါ်ဖို့ ဒါမှမဟုတ် အစားထိုးဖို့ ကျွန်တော်တို့မှာ ရည်ရွယ်ချက်မရှိပါဘူး။ ကျွန်တော်တို့ရဲ့ အဓိကအာရုံစိုက်မှုဟာ အမြဲတမ်း တရုတ်နိုင်ငံရဲ့ ကိုယ်ပိုင်အရေးကိစ္စတွေကို ကောင်းမွန်စွာ စီမံခန့်ခွဲဖို့၊ ကိုယ့်ကိုယ်ကိုယ် တိုးတက်အောင်လုပ်ဖို့၊ ပြီးတော့ ကမ္ဘာတစ်ဝန်းက နိုင်ငံအားလုံးနဲ့ ဖွံ့ဖြိုးတိုးတက်မှု အခွင့်အလမ်းတွေကို မျှဝေဖို့ပဲ ဖြစ်ပါတယ်" ဟု သူက ထပ် လောင်းပြောကြားခဲ့သည်။

ယင်းကို တရုတ်နိုင်ငံ၏ အောင်မြင်မှုအတွက် အရေးကြီးသော လျှို့ဝှက်ချက်တစ်ခုအဖြစ် ဖော်ပြခဲ့ပြီး၊ တရုတ်နိုင်ငံသည် ကဏ္ဍပေါင်းစုံတွင် ပြုပြင်ပြောင်းလဲမှုကို ပိုမိုနက်ရှိုင်းစေမည်ဖြစ်ပြီး၊ တံခါးဖွင့်မှုကို ချဲ့ထွင်မည်ဖြစ်ကာ၊ သင့်လျော်သော စီးပွားရေး ထုတ်လုပ်မှု တိုးတက်မှု ရရှိအောင် လုပ်ဆောင်ရင်း အရည် အသွေးမြင့်မားသော စီးပွားရေး တိုးတက်မှုကို မြှင့်တင်သွားမည်ဖြစ်ကြောင်း၊ ထို့ပြင် လူသားအားလုံးအတွက် ဘက်စုံဖွံ့ဖြိုးတိုးတက်မှုနှင့် ဘုံကြွယ်ဝမှုကို မြှင့်  တင်သွားမည်ဖြစ်ကြောင်း ရှီကပြောကြားခဲ့သည်။ ဤအချက်   သည် တရုတ်နှင့် အမေရိကန်ကြား ပူးပေါင်းဆောင်ရွက်မှု နယ်ပယ်ကိုလည်း ချဲ့ထွင်ပေးလိမ့်မည်ဖြစ်ကြောင်း ရှီက ထပ်လောင်းပြောကြားခဲ့သည်။

နှစ်နိုင်ငံ၏ စီးပွားရေးနှင့် ကုန်သွယ်ရေးအဖွဲ့များသည် အရေးကြီးသော စီးပွားရေးနှင့် ကုန်သွယ်ရေးဆိုင်ရာ ကိစ္စရပ်များအပေါ် အတွင်းကျကျ အမြင်ချင်းဖလှယ်ခဲ့ကြပြီး၊ ပြဿနာအမျိုးမျိုးကို ဖြေရှင်းရန် သဘော တူညီ  ချက် ရရှိခဲ့ကြောင်း ရှီက မှတ်ချက်ပြုခဲ့သည်။

အဖွဲ့နှစ်ဖွဲ့အား နောက်ဆက်တွဲ ခြေလှမ်းများကို အမြန်ဆုံး ရေးဆွဲ အပြီးသတ်ရန်နှင့်၊ ခိုင်မာသော အကောင် အထည်ဖော်မှုများမှတစ်ဆင့် နှစ်နိုင်ငံအပြင် ကမ္ဘာ့စီးပွားရေးကိုပါ ယုံကြည်မှု တိုးစေရန်အတွက် ဘုံနားလည် မှုများကို ထိရောက်စွာ ဆုပ်ကိုင် အသေအချာအကောင်အထည်ဖော်စေရေးကိုလည်း သူက တိုက်တွန်းခဲ့သည်။

တရုတ်-အမေရိကန် စီးပွားရေးနှင့် ကုန်သွယ်ရေး ဆက်ဆံရေးသည် မကြာသေးမီက အနိမ့်အမြင့် အတက် အကျများ ကြုံတွေ့ခဲ့ရပြီး၊ ဤအချက်က နှစ်ဖက်စလုံးအား ထိုးထွင်းသိမြင်မှု အချို့ကိုပေးခဲ့ကြောင်း ရှီက မှတ်ချက်ပြုခဲ့သည်။

စီးပွားရေး ဆက်ဆံရေးသည် တရုတ်-အမေရိကန် ဆက်ဆံရေးအတွက် အခက်အခဲ သို့မဟုတ် ပွတ်တိုက်မှု အချက် ဖြစ်မည့်အစား၊ ကျောက်ဆူးနှင့် တွန်းအားအဖြစ် ဆက်လက် တည်ရှိနေသင့်သည်ဟု ရှီက ပြောကြား ခဲ့သည်။

နှစ်ဖက်စလုံးသည် ကျယ်ကျယ်ပြန့်ပြန့် စဉ်းစားသင့်ပြီး ပူးပေါင်းဆောင်ရွက်မှု၏ ရေရှည်အကျိုးကျေးဇူးကို အသိအမှတ်ပြုသင့်ကြောင်း၊ အပြန်အလှန် လက်တုံ့ပြန်ခြင်းတည်းဟူသော သံသရာလည်မှုထဲသို့ မကျ ရောက်စေရမည်ဖြစ်ကြောင်း သူက ထပ်လောင်းပြောကြားခဲ့သည်။ ထို့ပြင် အဖွဲ့နှစ်ဖွဲ့အား တန်းတူညီမျှမှု၊ အပြန် အလှန် လေးစားမှုနှင့် အပြန်အလှန် အကျိုးရှိမှု စိတ်ဓာတ်ဖြင့် ဆွေးနွေးမှုများကို ဆက်လက်လုပ်ဆောင်ရန်၊ ပြဿနာများ စာရင်းကို ဆက်တိုက်တိုစေပြီး ပူးပေါင်းဆောင်ရွက်မှု စာရင်းကို ရှည်စေရန် တိုက်တွန်းခဲ့သည်။

ထိပ်တိုက်ရင်ဆိုင်ခြင်းထက် ဆွေးနွေးညှိနှိုင်းခြင်းက ပိုကောင်းကြောင်း ရှီက ပြောကြားခဲ့ပြီး၊ တရုတ်နှင့် အမေရိကန်သည် အပြန်အလှန် နားလည်မှု မြှင့်တင်ရန်အတွက် လမ်းကြောင်းအမျိုးမျိုး၊ အဆင့်  အမျိုးမျိုးမှတစ်ဆင့် ဆက်သွယ်မှုကို ထိန်းသိမ်းထားသင့်ကြောင်း ထပ်လောင်းပြောကြားခဲ့သည်။

တရားမဝင် ဝင်ရောက်မှုနှင့် ဆက်သွယ်ရေး လိမ်လည်မှုများ တိုက်ဖျက်ရေး၊ ငွေကြေးခဝါချမှု တိုက်ဖျက်ရေး၊ ဉာဏ်ရည်တု (AI) နှင့် ကူးစက်ရောဂါများ တုံ့ပြန်ရေးတို့တွင် နှစ်နိုင်ငံ ပူးပေါင်းလုပ်ဆောင်ရန် အလား  အလာကောင်းများ ရှိကြောင်း သူက ထပ်လောင်းပြောကြားခဲ့သည်။

သက်ဆိုင်ရာ ဌာနများသည် ဆွေးနွေးမှုနှင့် အမြင်ချင်းဖလှယ်မှုများကို အားကောင်းစေပြီး အပြန်အလှန် အကျိုး ရှိသော ပူးပေါင်းဆောင်ရွက်မှုများ လုပ်ဆောင်သင့်ကြောင်း ရှီက ပြောကြားခဲ့သည်။ ထို့ပြင် နှစ်နိုင်ငံသည် ဒေသ ဆိုင်ရာနှင့် နိုင်ငံတကာ စင်မြင့်များတွင်လည်း အပြုသဘောဆောင်သော အပြန်အလှန် ဆက်ဆံမှုများတွင် ပါဝင်  သင့်ကြောင်း ထပ်လောင်းပြောကြားခဲ့သည်။

"ယနေ့ကမ္ဘာကြီးဟာ ခက်ခဲတဲ့ ပြဿနာများစွာနဲ့ ရင်ဆိုင်နေရပါတယ်။ တရုတ်နဲ့ အမေရိကန်ဟာ နိုင်ငံကြီးများအနေနဲ့ ကျွန်တော်တို့ရဲ့ တာဝန်ကို ပူးတွဲ ထမ်းဆောင်နိုင်ပြီး၊ ကျွန်တော်တို့ နှစ်နိုင်ငံနဲ့ ကမ္ဘာ ကြီးတစ်ခုလုံးရဲ့ အကျိုးအတွက် ကြီးမားပြီး ခိုင်မာတဲ့ အရာတွေကို ပိုမိုပြီးမြောက်အောင် အတူတကွ လုပ်ဆောင်  နိုင်ပါတယ်" ဟု သူက ထပ်လောင်း ပြောကြားခဲ့သည်။

တရုတ်နိုင်ငံသည် ၂၀၂၆ ခုနှစ်တွင် APEC အစည်းအဝေးကို အိမ်ရှင်အဖြစ် လက်ခံကျင်းပမည်ဖြစ်ပြီး၊ အမေရိကန်ပြည်ထောင်စုသည် လာမည့်နှစ်တွင် G20 ထိပ်သီးအစည်းအဝေးကို အိမ်ရှင်အဖြစ် လက်ခံကျင်းပမည်ဖြစ်ကြောင်း ရှီက မှတ်ချက်ပြုခဲ့သည်။

ကမ္ဘာ့စီးပွားရေး တိုးတက်မှုကို မြှင့်တင်ရန်နှင့် ကမ္ဘာလုံးဆိုင်ရာ စီးပွားရေး စီမံအုပ်ချုပ်မှုကို တိုးတက် စေရန်အတွက် ထိပ်သီးအစည်းအဝေး နှစ်ခုစလုံး အကျိုးဖြစ်ထွန်းစေရေးတွင် နှစ်ဖက်စလုံးက အပြန်အလှန် ပံ့ပိုးကူညီနိုင်ကြောင်း သူက ထပ်လောင်းပြောကြားခဲ့သည်။

ရှီနှင့် တွေ့ဆုံရခြင်းသည် အလွန်ဂုဏ်ယူဖွယ်ဖြစ်ကြောင်း မှတ်ချက်ပြုရင်း ထရမ့်က တရုတ်နိုင်ငံသည် ကြီးမြတ် သော နိုင်ငံတစ်နိုင်ငံဖြစ်ပြီး သမ္မတရှီသည် လူအများလေးစားရသော ကြီးမြတ်သည့် ခေါင်းဆောင်  တစ်ဦးဖြစ်ကာ ရှီနှင့် နှစ်ပေါင်းများစွာ မိတ်ဆွေကောင်းများ ဖြစ်ခဲ့ပြီး အမြဲတမ်း အဆင်ပြေခဲ့ကြောင်း ပြောကြား ခဲ့သည်။

အမေရိကန်နှင့် တရုတ်သည် အမြဲတမ်း အံ့သြဖွယ်ကောင်းသော ဆက်ဆံရေး ရှိခဲ့ပြီး၊ ယင်းသည် ပို၍ပင် ကောင်းမွန်လာမည်ဖြစ်ကြောင်း ထရမ့်က ပြောကြားခဲ့ပြီး၊ တရုတ်နှင့် အမေရိကန် နှစ်နိုင်ငံလုံးအတွက် ပိုမို ကောင်းမွန်သော အနာဂတ်အတွက် မျှော်လင့်ချက်ကို ထုတ်ဖော်ပြောကြားခဲ့သည်။

တရုတ်နိုင်ငံသည် အမေရိကန်ပြည်ထောင်စု၏ အကြီးမားဆုံး မိတ်ဖက်ဖြစ်ပြီး၊ ပူးတွဲကြိုးပမ်းမှုများဖြင့် နှစ်နိုင်ငံ  သည် ကမ္ဘာကြီးအတွက် ကြီးမားသော အရာများစွာကို လုပ်ဆောင်နိုင်ပြီး နှစ်ပေါင်းများစွာ အောင်မြင်မှု ရရှိနိုင်  ကြောင်း ထရမ့်က ပြောကြားခဲ့သည်။

တရုတ်နိုင်ငံသည် ၂၀၂၆ APEC စီးပွားရေး ခေါင်းဆောင်များ အစည်းအဝေးကို အိမ်ရှင်အဖြစ် လက်ခံကျင်းပမည်ဖြစ်ပြီး၊ အမေရိကန်ပြည်ထောင်စုက လာမည့်နှစ်တွင် G20 ထိပ်သီးအစည်းအဝေးကို လက်ခံ ကျင်းပမည်ဖြစ်ကြောင်း ထရမ့်က ပြောကြားခဲ့ပြီး၊ ဤအရေးကြီးသော ပွဲများတွင် နှစ်ဖက်စလုံး အောင်မြင်မှု အဖြာဖြာ ရရှိစေရန် ဆုမွန်ကောင်းတောင်းခဲ့သည်။

သမ္မတနှစ်ဦးသည် စီးပွားရေး၊ ကုန်သွယ်ရေး၊ စွမ်းအင်နှင့် အခြားကဏ္ဍများတွင် ပူးပေါင်းဆောင်ရွက်မှု မြှင့်တင် ရန်နှင့် ပြည်သူအချင်းချင်း ဖလှယ်မှုများ ပိုမိုအားပေးရန် သဘောတူညီခဲ့ကြသည်။

သူတို့သည် ပုံမှန် အပြန်အလှန် ဆက်ဆံမှုများ ထိန်းသိမ်းရန်ကိုလည်း သဘောတူညီခဲ့ကြသည်။ ထရမ့်က လာမည့်နှစ်အစောပိုင်းတွင် တရုတ်နိုင်ငံသို့ လာရောက်ရန် မျှော်လင့်နေပြီး၊ သမ္မတရှီအား အမေရိကန်  ပြည်ထောင်စုသို့ လာရောက်ရန် ဖိတ်ကြားခဲ့သည်။■

#World_News
Published 30 October 2025

■ ကုလသမဂ္ဂအထွေထွေညီလာခံ (UNGA)က ကျူးဘားအပေါ် စီးပွားရေး၊ ကုန်သွယ်ရေးနဲ့ ငွေကြေးဆိုင်ရာ ပိတ်ဆို့မှုများ အဆုံးသတ်ပေးရန် အမေရိကန်ကို တိုက်တွန်းထားတဲ့ ဆုံးဖြတ်ချက်မူကြမ်းကို ဗုဒ္ဓဟူးနေ့မှာ အတည်ပြုလိုက်ပါတယ်။

■ ဒီဆုံးဖြတ်ချက်မူကြမ်းဟာ ထောက်ခံမဲ ၁၆၅ မဲ၊ ဆန့်ကျင်မဲ ၇ မဲနဲ့ မဲမပေးသူ ၁၂ နိုင်ငံရှိခဲ့ပါတယ်။

■ ဒီထဲမှာမှ အာဂျင်တီးနား၊ ဟန်ဂေရီ၊ အစ္စရေးလ်၊ မြောက်မက်ဆီဒိုးနီးယား၊ ပါရာဂွေး၊ ယူကရိန်းနဲ့ အမေရိကန်တို့က ဆန့်ကျင်မဲပေးခဲ့ကြပါတယ်။

■ UNGA ထုတ်ပြန်လိုက်တဲ့ ဥပဒေကြမ်းဟာ ကုန်သွယ်ရေးနဲ့ ရေကြောင်းခရီးသွားလာရေး လွတ်လပ်ခွင့်နဲ့ ပတ်သက်ပြီး အတည်ပြုထားတဲ့ ကုလသမဂ္ဂ မဟာမိတ်စာချုပ်နဲ့ နိုင်ငံတကာ ဥပဒေများအရ ယင်းတို့ရဲ့ တာဝန်များကို လိုက်နာဆောင်ရွက်သောအားဖြင့် စာသားကျမ်းမှာ ဖော်ပြထားတဲ့ ဥပဒေအစီအမံများ ထုတ်ပြန်ခြင်း၊ အသုံးချခြင်းတို့မှ ရှောင်ကြဉ်ရန် ကုလအထွေထွေညီလာခံက အဖွဲ့ဝင်နိုင်ငံများအားလုံးကို ထပ်မံပြီးတောင်းဆိုထားပါတယ်။

■ ဒါ့အပြင် အဆိုပါဥပဒေများနဲ့ အစီအမံများကို ဆက်လက်အကောင်အထည်ဖော်နေတဲ့ အဖွဲ့ဝင်နိုင်ငံများအနေဖြင့် ဥပဒေစနစ်နဲ့အညီ လိုအပ်တဲ့အဆင့်များကို အမြန်ဆုံးဖျက်သိမ်းပယ်ဖျက်ရန်လည်း တိုက်တွန်းထားပါတယ်။

■ ၁၉၉၂ ကစပြီး UNGA ဟာ ၁၉၆၂ နောက်ပိုင်း ကျူးဘားအပေါ် ချမှတ်ထားတဲ့ အမေရိကန်ရဲ့ ပိတ်ဆို့မှုကို အဆုံးသတ်ဖို့အတွက် နှစ်စဉ်ဖြေရှင်းဆုံးဖြတ်ချက်ကို အင်အားအလုံးအရင်းဖြင့် အတည်ပြုကျင့်သုံးခဲ့ပါတယ်။

Source: Xinhua