#World_Health
Published 29 June 2026

■ သွားတွေ အဝါရောင်သမ်းလာခြင်းဟာ ဆေးလိပ်သောက်ခြင်း တစ်ခုတည်းကြောင့် မဟုတ်ဘဲ နေ့စဉ်စားသုံးတဲ့ အစားအသောက်တွေကလည်း ဖြူနေတဲ့သွားတွေကို အရောင်စွန်းခြင်း၊ အဝါရောင်သမ်းခြင်း၊ ပျက်စီးခြင်းတို့ ဖြစ်စေနိုင်ပါတယ်။

■ ဒီအတွက် အဓိကအကြောင်းအရင်းက ရောင်ခြယ်ပစ္စည်းတွေ၊ အက်ဆစ်ဓာတ်တွေကြောင့် ဖြစ်ပြီး သွားအပြင်ဘက်မှာ ကာကွယ်ပေးတဲ့ ကြွေလွှာကို ထိခိုက်စေပါတယ်။

■ ကြွေလွှာက အနည်းငယ်မျှ ကွာကျရုံဖြင့် အစားအသောက်တွေကရတဲ့ အရောင်တွေ စွန်းထင်းလွယ်လာပါတယ်။

■ ကော်ဖီ၊ လက်ဖက်ရည်တို့မှာ ပါဝင်တဲ့ တန်နင်ဓာတ်က သွားကြွေလွှာနဲ့ ဆက်စပ်နေပြီး အရောင်ကျွတ်ခြင်း ဖြစ်စေပါတယ်။

■ နနွင်း၊ မုန်ညင်း၊ ဝိုင်နီ၊ မုန်လာဥ၊ ကိုလာတို့ဆိုရင် ရောင်ခြယ်ပစ္စည်းနဲ့ အက်ဆစ်ဓာတ်တွေ များတာကြောင့် သွားတွေ အရောင်စွန်းစေပါတယ်။

■ ဒိန်ခဲအမာ၊ ပီကေတို့ကတော့ အက်ဆစ်ဓာတ်ကို ညီမျှစေပြီး တံတွေးထုတ်လုပ်မှု ကောင်းစေတာကြောင့် ကြွေလွှာကို ကာကွယ်ကာ အရောင်စွန်းခြင်းကို လျှော့ချပေးနိုင်ပါတယ်။

■ ဒီလိုပြောလို့ ကော်ဖီတွေ မုန်လာဥတွေ စားသောက်ခြင်းကို ရပ်တန့်ဖို့ မလိုပါဘူး။

■ အချိုရည်တွေ သောက်ပြီးနောက် ရေသောက်ခြင်း၊ အက်ဆစ်ဓာတ်ပါတဲ့ အရည်တွေ သောက်တဲ့အခါ ပိုက်ဖြင့်သောက်ခြင်း၊ အက်ဆစ်ပါတဲ့ အစားအစာတွေ စားပြီးနောက် ခဏအကြာမှ သွားတိုက်ခြင်း စတဲ့အလေ့အကျင့်များဖြင့် အရောင်စွန်းခြင်းကို လျော့ပါးစေနိုင်ပါတယ်။

Source: The Jerusalem Post

#World_Science
Published 28 June 2026

■ သိပ္ပံပညာရှင်တွေဟာ ပင်လယ်မျှော့တစ်ခုရဲ့ ပြတ်တောက်ပျက်စီးနေတဲ့ အစိတ်အပိုင်းတစ်ခုဟာ ပင်လယ်ရေထဲမှာ ၃ နှစ်ကျော်ကြာအောင် ရှင်သန်နေခဲ့ပြီး ပါးစပ်မပါဘဲ အာဟာရများကို စုပ်ယူပြီးတော့ ဒဏ်ရာကို ပြန်လည်ကုစားနေတာကို တွေ့ရှိခဲ့ကြတယ်လို့ CNN မှာ ဖော်ပြထားပါတယ်။

■ ပြတ်နေတဲ့ တစ်ရှူးတွေဟာ စမ်းသပ်ကာလထက် များစွာပိုပြီး အသက်ရှည်ခဲ့ကြကာ နောက်ဆုံးမှာ စမ်းသပ်မှု ရပ်နားပြီးသည့်တိုင်အောင် ထိုတစ်ရှူးတွေဟာ ဆွေးမြည့်ပျက်စီးခြင်း လက္ခဏာရပ်များ လုံးဝမပြသတာကြောင့် ထာဝရ ဆက်လက်ရှင်သန်နိုင်မယ့် ပုံစံမျိုး ရှိပါတယ်။

■ တစ်ရှူးအသစ် ပြန်ဖြစ်ပေါ်နိုင်စွမ်းရှိတယ်လို့ သိထားတဲ့ Psolus fabricii ပင်လယ်မျှော့ရဲ့ ပြတ်တောက်ပျက်စီးနေတဲ့ တစ်ရှူးတွေဟာ ဆွေးမြည့်မသွားဘဲ ယင်းတို့ကိုယ်တိုင် ပြန်လည်ပြုပြင် ကြီးထွားလာကြောင်း တွေ့ရှိခဲ့ကြပါတယ်။

■ ထိုတစ်ရှူးတွေဟာ ပျက်စီးသွားတဲ့ အစိတ်အပိုင်းများကို ဖယ်ထုတ်ပစ်ခြင်း၊ အပေါ်ယံ အရေပြားတစ်ရှူးများ ပိတ်ဆို့ခြင်းတို့ဖြင့် ဒဏ်ရာကို ပြန်လည်ကုသခဲ့ကြပါတယ်။

■ ဆဲလ်လုပ်ဆောင်ချက်များ ထိန်းသိမ်းပြီး ရှင်သန်နေနိုင်ခဲ့ပေမယ့် ထိုတစ်ရှူးတွေဟာ သက်ရှိအသစ်အဖြစ် ကြီးထွားလာတာမျိုး မဟုတ်တာကြောင့် မသေမျိုးတို့ရဲ့ ထာဝရရှင်သန်ခြင်းလားလို့ မေးခွန်းထုတ်စရာ ဖြစ်လာပါတယ်။

■ ဒီရှာဖွေတွေ့ရှိမှုကနေ တစ်ရှူးပြန်လည်ဖြစ်ပေါ်မှု၊ ဆဲလ်ဇီဝဗေဒနဲ့ မူလသက်ရှိခန္ဓာကိုယ်မှ သီးခြားကွဲထွက်နေတဲ့ သက်ရှိတစ်ရှူးများရဲ့ အယူအဆတို့ကို နားလည်သဘောပေါက်စေဖို့အတွက် သက်ရောက်မှုတွေ ရှိလာနိုင်ပါတယ်။

Source: Gizmodo

#World_Science
Published 28 June 2026

■ ခြင်ကြောင့်ဖြစ်တဲ့ ရောဂါတွေ လျှော့ချရန် စမ်းသပ်ချက်ခေါင်းစဉ်အောက်မှာ Google က ဖလော်ရီဒါနဲ့ ကယ်လီဖိုးနီးယားတို့မှာ ဓာတ်ခွဲခန်းဖောက် ခြင် ၃၂ သန်းကို ဖြန့်လွှတ်သွားဖို့ ခွင့်ပြုချက် တောင်းခံနေပါတယ်။

■ Google က ရောဂါဖြစ်စေတဲ့ ခြင်ကောင်ရေထိန်းချုပ်ဖို့ ရည်မှန်းတဲ့ နည်းပညာတွေကို လုပ်ဆောင်နေတာ ဆယ်စုနှစ်တစ်ခု ကျော်ပြီဖြစ်ပါတယ်။

■ Debug အစီအစဉ် လုပ်ဆောင်နေတဲ့ အဖွဲ့က ရောဂါပျံ့ပွားစေတဲ့ ခြင်တွေကိုထိန်းချုပ်ဖို့ သုတေသီများ၊ အသင်းအဖွဲ့များ၊ အစိုးရအေဂျင်စီများနဲ့အတူ နည်းလမ်းသစ်တွေ ရှာဖွေနေပြီး လူတွေကို အသက်ရှည်ကျန်းမာစေဖို့ ကူညီနေကြောင်း Debug ဝက်ဘ်ဆိုက်မှာ ဖော်ပြထားပါတယ်။

■ လုပ်ငန်းစဉ်ကတော့ ခြင်ထီးတွေမှာ Wolbachia pipientis ဘက်တီးရီးယားမျိုးစိတ် ထည့်သွင်းလိုက်မှာ ဖြစ်ပါတယ်။

■ ဒီဘက်တီးရီးယားသယ်ဆောင်တဲ့ ခြင်ထီးက ခြင်မနဲ့ မိတ်လိုက်တဲ့အခါ မျိုးဥမပေါက်နိုင် ဖြစ်သွားပါလိမ့်မယ်။

■ ကြာလာရင် ခြင်ကောင်ရေ လျော့နည်းလာပြီး ရောဂါပျံ့ပွားနှုန်းလည်း ကျဆင်းလာမှာ ဖြစ်ပါတယ်။

■ ပထမနှစ်အတွင်း ဓာတ်ခွဲခန်းဖောက် ခြင်ထီး ၁၆ သန်းကို ဖလော်ရီဒါနဲ့ ကယ်လီဖိုးနီးယားတို့မှာ လွှတ်မှာဖြစ်ပြီး ဒုတိယနှစ်မှာ နောက်ထပ် ၁၆ သန်း လွှတ်မှာ ဖြစ်ပါတယ်။

■ ဒီအဆိုပြုချက်ကို အမေရိကန် ပတ်ဝန်းကျင်ကာကွယ်ရေး အေဂျင်စီက လက်ရှိမှာ စစ်ဆေးသုံးသပ်နေပါတယ်။

■ ရောဂါပိုးတွေကို ပြုပြင်သားဖောက်တဲ့ နည်းလမ်းကို အသုံးပြုလာကြတာ ဆယ်စုနှစ်တွေ ကြာပြီဖြစ်ပြီး ယခင်က မွေးမြူရေးတိရိစ္ဆာန်တွေ၊ တောရိုင်းသတ္တဝါတွေ၊ အိမ်မွေးတိရိစ္ဆာန်တွေမှာ အဓိကဖြစ်ပွားတဲ့ လောက်ကောင်ပျံတစ်မျိုးမှာလည်း အသုံးပြုဖြေရှင်းနိုင်ခဲ့ပါတယ်။

Source: NDTV

တရုတ်သမ္မတရှီကျင့်ဖျင်နဲ့ ဘင်္ဂလားဒေ့ရှ်ဝန်ကြီးချုပ် တာရစ်ရာမန်တို့ သောကြာနေ့က ပေကျင်းမှာတွေ့ဆုံခဲ့ကာ တရုတ်-ဘင်္ဂလားဒေ့ရှ်ဆက်ဆံရေး တည်ဆောက်ခြင်းနဲ့အတူ နှစ်နိုင်ငံဆက်ဆံရေး မြှင့်တင်သွားဖို့ ခေါင်းဆောင်နှစ်ဦး ပူးတွဲကြေညာခဲ့ကြပါတယ်။

#Asia_Politics
Published 27 June 2026
#တရုတ် #ဘင်္ဂလားဒေ့ရှ်
#YMG #Yangon_Times #Yangon_Media_Group

#World_News
Published 27 June 2026

■ ဟော်မုဇ်ရေလက်ကြားရှိ ကုန်တင်သင်္ဘောတစ်စင်းကို အီရန်တို့ ဒရုန်းဖြင့် တိုက်ခိုက်တာကို တုံ့ပြန်တဲ့အနေဖြင့် အမေရိကန်စစ်တပ်က သောကြာနေ့မှာ အီရန်ကို တိုက်ခိုက်ခဲ့ပြီး ပြီးခဲ့တဲ့အပတ်က သဘောတူညီခဲ့တဲ့ အပစ်အခတ်ရပ်စဲရေး စည်းကမ်းချက်များကို ချိုးဖောက်တယ်လို့ အပြန်အလှန် စွပ်စွဲနေကြပါတယ်။

■ အမေရိကန် ဗဟိုစစ်ဌာနချုပ်က စစ်လေယာဉ်များဖြင့် ဒုံးကျည်များ၊ ဒရုန်းများ သိုလှောင်ရုံများအပြင် ကမ်းရိုးတန်း ရေဒါစခန်းများကို တိုက်ခိုက်ခဲ့တယ်လို့ ပြောပါတယ်။

■ အီရန်တောင်ပိုင်း စီရစ်ခ်မြို့ရှိ ဆိပ်ခံတံတား ပတ်ဝန်းကျင်ကို ဒုံးကျည်တစ်စင်း လာရောက်ထိမှန်ခဲ့ကြောင်း အီရန်ဘက်က ပြောကြားခဲ့ပြီး ထိုဒေသအတွင်းရှိ အမေရိကန် စစ်ဘက်ဆိုင်ရာ ပစ်မှတ်များကို ပြန်လည်တိုက်ခိုက်ကာ အီရန်ရေတပ်ဘက်က တုံ့ပြန်ခဲ့ကြပါတယ်။

■ အစ္စရေးလ်နဲ့ လက်ဘနွန်တို့ကြား အပစ်အခတ် ရပ်စဲရေး သဘောတူညီချက်မှာ တိုးတက်မှုတွေ ရှိနေပါတယ်။

■ အီရန်က ရေလက်ကြားကို ထိန်းချုပ်လိုပြီး ပင်လယ်ကွေ့နိုင်ငံတွေအနေနဲ့ အမေရိကန်နဲ့ မပူးပေါင်းဖို့ သတိပေးထားပါတယ်။

■ ကုန်တင်သင်္ဘောတွေကို အီရန်တပ်တွေ သတိမပေးဘဲ တိုက်ခိုက်တာဟာ အပစ်အခတ် ရပ်စဲရေးကို အရှင်းသား ချိုးဖောက်တာ ဖြစ်တယ်လို့ ဖော်ပြထားပါတယ်။

■ ရေလက်ကြားမှာ သင်္ဘောတွေ ဘေးကင်းစွာ ဖြတ်သန်းနိုင်ရေးအတွက် ဆက်လက်ကူညီသွားမယ်လို့ အမေရိကန်စစ်တပ်က ပြောပါတယ်။

■ ရေလက်ကြားကနေ ရေနံတင်သင်္ဘောတွေ ထွက်လာနိုင်တာကြောင့် သောကြာနေ့က ရေနံဈေး ၃ ရာခိုင်နှုန်း ကျဆင်းခဲ့ပါတယ်။

Source: Reuters

#World_Health
Published 27 June 2026

■ ဦးနှောက်ကျန်းမာရေး အထောက်အကူဖြစ်မယ့် စားစရာတွေနဲ့ ပတ်သက်ပြီး မှိုတွေကို အသစ်လေ့လာခဲ့ရာမှာ မှိုပုံမှန်စားသုံးခြင်းဖြင့် အသက်ကြီးတဲ့အခါ ဦးနှောက်အသိဉာဏ် ချို့ယွင်းနိုင်ခြေ လျှော့ချနိုင်ဖွယ်ရှိပြီး ဦးနှောက်လုပ်ဆောင်ချက် ထိန်းသိမ်းပေးနိုင်မယ်လို့ ယူဆလာရပါတယ်။

■ မှိုတွေမှာ တွေ့ရတဲ့ အာဂိုသီယိုနိုင်း(ERGO)ဓာတ်က ဓာတ်တိုးဆန့်ကျင်ခြင်းနဲ့ ရောင်ရမ်းဆန့်ကျင်ခြင်း အာနိသင်တို့ ပိုင်ဆိုင်တာကြောင့် အိုမင်းခြင်းနဲ့ ဦးနှောက်စွမ်းရည် ကျဆင်းခြင်းတို့ကနေ ဦးနှောက်ကို ကာကွယ်ပေးနိုင်မယ်လို့ တွေ့ရှိထားပါတယ်။

■ ERGO ပမာဏမြင့်မားခြင်းက ဦးနှောက်အသိဉာဏ် လုပ်ဆောင်ချက် ကောင်းမွန်စေနိုင်ပြီး ဒီမန်ရှာ၊ အယ်ဇိုင်းမားရောဂါတို့ ဖြစ်နိုင်ခြေနည်းစေကာ ပမာဏနည်းရင်တော့ မှတ်ဉာဏ်ကျဆင်းမှု ပိုမိုမြန်ဆန်စေနိုင်ပါတယ်။

■ ERGO ဓာတ် အဓိကရရှိစေတဲ့ မှိုတွေထဲမှာ ရှီတာကဲမှို၊ ကမာမှို၊ ခြင်္သေ့လည်ဆံမှို၊ ကမာမှိုဘုရင်စတဲ့ အမျိုးအစားတွေ ပါဝင်ပါတယ်။

■ မှိုက ဗိုက်တာမင်-ဘီအုပ်စု၊ ဆယ်လီနီယံ၊ ကြေးနီ၊ အမျှင်ဓာတ်တို့လို ဦးနှောက်ကျန်းမာရေးအတွက် အကျိုးပြုတဲ့ အခြားအာဟာရဓာတ်တွေကိုလည်း ပေးစွမ်းနိုင်ပါတယ်။

■ ERGO က ဆဲလ်စွမ်းအင်ထုတ်စက်များကို ကာကွယ်ပေးပြီး ဦးနှောက်အတွင်းမှ အမိုင်လွိုက်အဖတ်များ ဖြစ်ပေါ်မှုကို လျှော့ချပေးနိုင်ကြောင်း သုတေသနတွေမှာ တွေ့ထားပါတယ်။

■ ဦးနှောက်ကျန်းမာရေး အထောက်အကူ ပြုစေနိုင်ဖို့ တစ်ပတ်ကို အနည်းဆုံး မှို ၄ ကြိမ်ခန့် ထည့်သွင်းစားသုံးရန် ပညာရှင်များ အကြံပြုထားပါတယ်။

■ ဒီတွေ့ရှိချက်တွေက အလားအလာကောင်းပေမယ့် ဆက်စပ်မှုအကြောင်းအရင်း မှန်ကန်တယ်လို့ အပြည့်အဝ သက်သေမပြနိုင်သေးတာကြောင့် နောက်ထပ်သုတေသနတွေ လိုအပ်တယ်လို့ သတိပေးထားပါတယ်။

Source: The Jerusalem Post