#World_News
Published 16 February 2026

■ ယူကရိန်းစစ်ပွဲမှာ ရုရှားတပ်သားတွေနဲ့အတူ တိုက်ခိုက်ရင်း ကျဆုံးသွားတဲ့ မြောက်ကိုရီးယားစစ်သည်များရဲ့ မိသားစုတွေအတွက် ပြုံယမ်းမှာ အိုးအိမ်နေရာဒေသတစ်ခု ဆောက်လုပ်ပြီးစီးသွားပြီလို့ မြောက်ကိုရီးယားက တနင်္လာနေ့မှာ ပြောပါတယ်။

■ စစ်ပွဲမှာကျဆုံးသူတွေအတွက် ခေါင်းဆောင်ကင်မ်ဂျုံအန်းမှ ဂုဏ်ပြုပေးတဲ့သဘော ဖြစ်ပါတယ်။

■ ကင်မ်ဂျုံအန်းက သမီးဖြစ်သူနဲ့အတူ တပ်မတော်သားအချို့ရဲ့ နေအိမ်တွေထံ သွားရောက်လည်ပတ်ခဲ့ပြီး အသက်ပေးခဲ့တဲ့ အာဇာနည်များအတွက် ကျေးဇူးဆပ်သွားမယ်လို့ ကတိပြုခဲ့ပါတယ်။

■ မြောက်ကိုရီးယားက ရုရှားစစ်ပွဲမှာ တိုက်ခိုက်ပေးသူတွေအတွက် ဂုဏ်ပြုပေးမယ်ဆိုတဲ့ ဝါဒဖြန့်မှုတွေ လုပ်ဆောင်နေကာ မော်ကွန်းတိုက်၊ ပြတိုက် ဆောက်လုပ်ပေးခြင်းတို့ ပါဝင်ပါတယ်။

■ ဒါတွေဟာ နိုင်ငံတွင်းစည်းလုံးညီညွတ်မှု မြှင့်တင်ရေးနဲ့ လူအများမကျေမနပ်မှု ထိန်းချုပ်ရေးတို့အတွက် ကြိုးပမ်းတာဖြစ်နိုင်တယ်လို့ သုံးသပ်နေကြပါတယ်။

■ ကင်မ်ဂျုံအန်းဟာ ရုရှားသမ္မတ ဗလာဒီမာပူတင်အတွက် လက်နက်ခဲယမ်းများအပါအဝင် တပ်သားအများအပြား စေလွှတ်ထားပါတယ်။

■ တောင်ကိုရီးယား ထောက်လှမ်းရေးများ ထုတ်ပြန်ချက်အရ စစ်ပွဲအတွင်း မြောက်ကိုရီးယားတပ်သား ၆,၀၀၀ ခန့် သေဆုံးဒဏ်ရာရခဲ့တယ်လို့ ခန့်မှန်းရပါတယ်။

■ မနှစ်က ခန့်မှန်းခြေ ၆၀၀ ခန့် သေဆုံးခဲ့တယ်လို့ ပြောပါတယ်။

■ မြောက်ကိုရီးယားတို့က ရုရှားနဲ့အတူ တိုက်ခိုက်ရင်းကနေ အကျိုးကျေးဇူးရထားပြီး ခေတ်မီတိုက်ခိုက်ပုံများ၊ ရုရှားနည်းပညာအကူအညီများ ရရှိထားတယ်လို့ ယုံကြည်ရပါတယ်။

■ ယခုလအတွင်း အာဏာရပါတီကွန်ဂရက်ကြီးတစ်ခု ဖွင့်လှစ်ဖို့ ပြင်ဆင်နေရာ လမ်းအသစ်လည်း ဖောက်လုပ်ထားပါတယ်။

■ ကင်မ်ဂျုံအန်းက လာမယ့် ၅ နှစ်အတွင်း ပြည်တွင်းနဲ့ ပြည်ပပေါ်လစီများနဲ့ ပတ်သက်ပြီး ရည်မှန်းချက်ကြီးတွေကို ကြေညာသွားဖို့နဲ့ ဒီထက်ပိုပြီး ထိန်းချုပ်နိုင်ဖို့ ကြိုးစားနေတာ ဖြစ်ပါတယ်။

Source: AP News

ျကာတာ ဖေဖော်ဝါရီ ၁၅၊  - အင်ဒိုနီးရှား သမ္မတ ပရာဘိုဝို ဆူဘီယန်တိုသည် သံချေးတက်နေသော သွပ်မိုးများကို ဖယ်ရှားပြီး ရိုးရာမြေအုတ်ကြွပ်များဖြင့် အစားထိုးရန် "သွပ်မိုးတိုက်ပွဲ" ဟု ကြေညာကာ အင်ဒိုနီးရှား၏ မိုးကုပ်စက်ဝိုင်းအလှကို ပြောင်းလဲမည့် ရည်မှန်းချက်ကြီးမားသော နိုင်ငံလုံးဆိုင်ရာ စီမံကိန်းတစ်ရပ်ကို စတင်လိုက်သည်။

အင်ဒိုနီးရှားလို “ဂန်တန်ငီဆာစီ” ဟုအမည်ပေးထားသည့်  အမိုးအုတ်ကြွပ် ပြောင်းလဲခြင်း ဤအစီအစဉ် သည် ၀င်ငွေနည်း အိမ်ရာများတွင် အတွေ့ရများသည့် ပူပြင်းအိုက်စပ်သော သွပ်မိုးများကို အေးမြပြီး ကြည့်ကောင်းသော မြေအုတ်ကြွပ်များဖြင့် အစားထိုးရန် ရည်ရွယ်သည်။ ဖေဖော်ဝါရီ ၂ ရက်နေ့က ပြု လုပ်သော နိုင်ငံတော်အဆင့် ညှိနှိုင်းအစည်းအဝေးတွင် သံချေးတက်နေသော သွပ်မိုးများ များပြားနေ ခြင်းသည် "ယိုယွင်းပျက်စီးခြင်း၏ သင်္ကေတ" ဖြစ်ပြီး နိုင်ငံ၏ ခရီးသွားဆွဲဆောင်မှုကို အဟန့်အတား ဖြစ်စေကြောင်း သမ္မတ ပရာဘိုဝိုက ပြောကြားခဲ့သည်။

ဤအမိုးအစားထိုးလဲလှယ်ရေး အစီအစဉ်သည် သမ္မတ၏ ပိုမိုကျယ်ပြန့်သော ASRI လုပ်ငန်းစဉ် (လုံခြုံခြင်း၊ ကျန်းမာခြင်း၊ သန့်ရှင်းခြင်းနှင့် လှပခြင်းဟု အဓိပ္ပာယ်ရသောအင်ဒိုနီးရှားဘာသာစကား  အတို  ကောက်စကားလုံး) ၏ အဓိက ဦးဆောင်စီမံကိန်းဖြစ်သည်။

"အိမ်တွေကောင်းရင် ပြည်သူတွေ ဂုဏ်ယူကြလိမ့်မယ်" ဟု ပရာဘိုဝိုက ပြောကြားခဲ့ပြီး မိုးပြာရောင်၊ ရေတပ်အပြာရောင်၊ အစိမ်းရောင်၊ မီးခိုးရောင်နှင့် အုတ်နီရောင် အုတ်ကြွပ်များဖြင့် တစ်ပြေးညီ လှပနေ  မည့် လူနေရပ်ကွက်များကို ပုံဖော်မျှော်မှန်းထားသည်။ သမ္မတသည် အလှအပအပြင် အပူဒဏ်သက်သာ  ရေးကိုလည်း အလေးပေးပြောကြားခဲ့ပြီး သွပ်မိုးများသည် ပြင်းထန်သော အပူပိုင်းဒေသအပူချိန်ကို လှောင်ပိတ်ထားတတ်သဖြင့် သဘာဝအလျောက် အေးမြစေသော ဂုဏ်သတ္တိရှိသည့် မြေအုတ်ကြွပ်များ နှင့် ယှဉ်လျှင် နေထိုင်သူများအတွက် သက်တောင့်သက်သာမရှိကြောင်း ထောက်ပြခဲ့သည်။

ကျေးရွာဦးဆောင်သော ထုတ်လုပ်မှု

ကုန်ကျစရိတ် သက်သာစေရန်နှင့် ဒေသတွင်းစီးပွားရေးကို မြှင့်တင်ရန်အတွက် အစိုးရသည် စက်မှုလုပ်ငန်းကြီးများကို ရှောင်လွှဲလုပ်ဆောင်ရန် စီစဉ်ထားသည်။ ထုတ်လုပ်မှုကို Koperasi Merah Putih ဟုခေါ်သော ကျေးရွာသမဝါယမအသင်းများထံ ဖြန့်ခွဲလုပ်ဆောင်သွားမည်ဖြစ်သည်။

ဆန်းသစ်သော ပစ္စည်းနှင့် နည်းပညာများ

Fly Ash (ကျောက်မီးသွေးပြာ) နည်းပညာ - ရိုးရာမြေအုတ်ကြွပ်၏ အလေးချိန်နှင့် ခိုင်ခံ့မှုဆိုင်ရာ ကိစ္စရပ်   များကို ဖြေရှင်းရန် အုတ်ကြွပ်အသစ်များကို မြေစေးနှင့် ကျောက်မီးသွေးသုံး လျှပ်စစ်ဓာတ်အားပေး  စက်ရုံများမှ ထွက်သော စွန့်ပစ်ပစ္စည်းဖြစ်သည့် Fly Ash တို့ ရောစပ်ထုတ်လုပ်ဖွယ်ရှိသည်။

ကုန်ကျစရိတ် နည်းပါးခြင်း - ဤစီမံကိန်းသည် ရူပီး ၁ ထရီလီယံ (အမေရိကန်ဒေါ်လာ ၅၉ သန်း) အောက်သာ ကုန်ကျမည်ဟု အစိုးရက ခန့်မှန်းထားပြီး နိုင်ငံတော်ဘဏ္ဍာငွေ၊ ပုဂ္ဂလိကကဏ္ဍမှ ထည့်ဝင်ငွေနှင့် လူထုပါဝင်မှုတို့ကို ပေါင်းစပ်အသုံးပြုသွားမည်ဖြစ်သည်။

အဆောက်အအုံကြံ့ခိုင်မှုနှင့် ဘေးကင်းရေးဆိုင်ရာ စိုးရိမ်မှုများ

အလှအပနှင့် အပူဒဏ်သက်သာစေသော အကျိုးကျေးဇူးများမှာ ထင်ရှားသော်လည်း ကျွမ်းကျင်သူများက လက်ရှိအိမ်များ၏ အဆောက်အအုံဆိုင်ရာ ကြံ့ခိုင်မှုနှင့် ပတ်သက်၍ ဘေးကင်းရေးဆိုင်ရာ စိုးရိမ်မှုများကို ကြီးကြီးမားမား ထောက်ပြနေကြသည်။

မြေအုတ်ကြွပ်များသည် သွပ်ပြားများထက် သိသိသာသာ ပိုလေးသည်။ တန်ဖိုးနည်းအိမ်ရာအများစုသည် ဤမျှလေးလံသော ဝန်ကို ထမ်းထားနိုင်ရန် ဆောက်လုပ်ထားခြင်း မဟုတ်သဖြင့် အိမ်ပြိုကျခြင်းမှ ကာကွယ်ရန် တန်းများနှင့် အုတ်မြစ်များကို ခိုင်ခံ့အောင်ပြုလုပ်ခြင်းကဲ့သို့သော ကုန်ကျစရိတ်ကြီးသည့် ပြုပြင်မွမ်းမံမှုများ လိုအပ်နိုင်ကြောင်း အင်ဂျင်နီယာလေ့လာသုံးသပ်သူများက သတိပေးထားသည်။

ထို့အပြင် အာချေးကဲ့သို့ ငလျင်ဒဏ်သင့်လွယ်သော ဒေသများတွင် လေးလံသော အမိုးများသို့ ပြောင်းလဲ ခြင်းသည် အငြင်းပွားဖွယ်ရာ ဖြစ်နေသည်။ ပေါ့ပါးသော သွပ်မိုးများသည် အဆောက်အအုံ ပြိုကျပါက သေစေနိုင်လောက်သည့် ဒဏ်ရာရရှိနိုင်ခြေ နည်းပါးသောကြောင့် ငလျင်လှုပ်ရှားမှုများအတွင်း ပိုမိုဘေး ကင်းကြောင်း သဘာဝဘေးအန္တရာယ် စီမံခန့်ခွဲမှု ကျွမ်းကျင်သူများက ငြင်းခုံဆွေးနွေးကြသည်။

လှပသော အမိုးများကို လိုလားဖွယ်ကောင်းသော်လည်း မြေယာအသုံးချမှု ပြုပြင်ပြောင်းလဲရေးနှင့် အခြေခံအိမ်ရာ လိုအပ်ချက်များကို ဦးစားပေးသင့်ကြောင်း ထောက်ပြလျက် အခြားသော အရေးတကြီး အိမ်ရာပြဿနာများ ရှိနေချိန်တွင် "gentengisasi" စီမံကိန်း၏ အရေးပါမှုကို ဝေဖန်သူများက မေးခွန်းထုတ်နေကြသည်။

Source CNA

မြောက်အတ္တလန္တိတ်သဘောတူအဖွဲအစည်း (NATO)က Arctic Sentry လိုခေါ်တဲ့ အကြီးစားဒေသစုံစစ်ဆင်ရေးတစ်ခု စတင်လိုက်ကြောင်း ဗုဒ္ဓဟူးနေ့က ကြေညာလိုက်ပါတယ်။

#World_Military
Published 14 February 2025
#Arctic_Sentry #NATO
#YMG #Yangon_Times #Yangon_Media_Group

#World_Health
Published 14 February 2026

■ သားအိမ်ခေါင်းကင်ဆာဆိုတာက အသက် ၄၀၊ ၅၀ ဝန်းကျင် အမျိုးသမီးတွေမှာ စိုးရိမ်ရတဲ့ ရောဂါလို့ သတ်မှတ်ခဲ့ကြပြီး ငယ်ရွယ်သူတွေမှာ စိတ်ထဲမထားခဲ့ကြပါဘူး။

■ ယခုအခါမှာတော့ ငယ်ရွယ်တဲ့အမျိုးသမီးတွေမှာလည်း သားအိမ်ခေါင်းကင်ဆာ အစောပိုင်းအဆင့် အဖြစ်များလာတာကို တွေ့လာရပါတယ်။

■ HPV ဗိုင်းရပ်စ် စောစီးစွာထိတွေ့ခြင်း၊ ကာကွယ်ဆေးနောက်ကျခြင်း၊ ရောဂါစစ်ဆေးမှုအားနည်းခြင်းတို့ကြောင့် ငယ်ရွယ်သူတွေမှာလည်း သားအိမ်ခေါင်းကင်ဆာအန္တရာယ် ရှိလာတတ်ပါတယ်။

■ HPV ကူးစက်ရင် များသောအားဖြင့် လက္ခဏာမပြတတ်တာကြောင့် ကြိုတင်ကာကွယ်မှု မလုပ်ထားရင် ရေရှည်မှာ သက်ရောက်လာနိုင်တယ်လို့ အိန္ဒိယ CK Birla ဆေးရုံမှ ဒေါက်တာဗီဗက်ဂူ့ပ်တာက ပြောပါတယ်။

■ အသက်အရွယ် အစောပိုင်းကာလတွေမှာ ရောဂါပိုးထိတွေ့ပြီး သတိမပြုမိမှာကို ဆရာဝန်တွေ စိုးရိမ်နေကြပါတယ်။

■ ကာကွယ်ဆေးထိုးတာ နောက်ကျရင် ကာကွယ်ဖို့ အရေးကြီးတဲ့ကာလ ကျော်သွားနိုင်ပါတယ်။

■ ကမ္ဘာတဝှမ်း HPV ကာကွယ်ဆေးအကြောင်း အသိပညာပေးထားပေမယ့် အိန္ဒိယမှာတော့ အယူအဆမှားတွေ၊ အသိကင်းမဲ့တာတွေကြောင့် မိသားစုတွေ ထိခိုက်စေပါတယ်။

■ ကလေးဘဝတည်းက စတင်ကာကွယ်သင့်သလို ငယ်ရွယ်သူအများစုဟာလည်း ရောဂါစစ်ဆေးမှု မလုပ်ဖူးကြပါဘူး။

■ ပုံမှန်စစ်ဆေးမှုများ ပြုလုပ်ခြင်းဖြင့် သားအိမ်ခေါင်းပုံမှန်မဟုတ်တာတွေကို တွေ့ရှိနိုင်ပြီး ကာကွယ်လို့ရနိုင်ပါတယ်။

■ ဒါ့အပြင် ကလေးဘဝတည်းက ကာကွယ်မှုများပြုလုပ်ဖို့နဲ့ ပညာပေးခြင်း၊ မျိုးပွားကျန်းမာရေးအကြောင်း ပွင့်လင်းစွာဆွေးနွေးခြင်းတို့ ပြုလုပ်သင့်ပါတယ်။

Source: India Today.

#World_Health
Published 14 February 2026

■ မျှစ်စားခြင်းရဲ့ အကျိုးကျေးဇူးအမျိုးမျိုးကို သုတေသနတစ်ခုမှာ တွေ့ရှိထားပါတယ်။

■ အန်ဂလီယာရပ်စ်ကင်တက္ကသိုလ်မှ သုတေသီများဦးဆောင်ကာ လူသားစမ်းသပ်ချက်များနဲ့ လူသားဆဲလ်လေ့လာချက်များ ပထမဆုံးပြုလုပ်ခဲ့ကြပါတယ်။

■ တွေ့ရှိချက်များအရ မျှစ်စားခြင်းဖြင့် သွေးတွင်းသကြားဓာတ် ထိန်းသိမ်းခြင်း၊ အူလမ်းကြောင်းကျန်းမာရေး တိုးတက်စေခြင်း၊ ရောင်ရမ်းမှုလျှော့ချခြင်းတို့ ရရှိစေနိုင်ပါတယ်။

■ ဝါးပင်က ကမ္ဘာပေါ်မှာ အမြန်ဆုံးကြီးထွားတဲ့အပင်မျိုးဖြစ်ပြီး အာရှမှာ စားသုံးနေကြဖြစ်သလို ကမ္ဘာတဝှမ်းမှာ အရေးပါတဲ့အစားအစာ ဖြစ်လာနိုင်တယ်လို့ သုတေသီတွေ ပြောပါတယ်။

■ သုံးသပ်ချက်များအရ မျှစ်မှာ ပရိုတိန်းကြွယ်ဝကာ အဆီနည်းပါးပြီး အမျှင်ဓာတ် အသင့်အတင့် ပါဝင်ပါတယ်။

■ ဒါ့အပြင် အမိုင်နိုအက်ဆစ်၊ ပိုတက်ဆီယံ၊ ဆယ်လီနီယံ၊ ဗိုက်တာမင်များ၊ သိုင်ယာမင်း၊ နိုင်ယာစင်တို့လည်း ပါဝင်ပါတယ်။

■ ဆီးချို၊ နှလုံးရောဂါတို့ ဖြစ်နိုင်ခြေကို လျှော့ချနိုင်စွမ်းရှိနေပါတယ်။

■ မျှစ်က အားထားရတဲ့စားစရာ ဖြစ်လာနိုင်ခြေရှိပေမယ့် ခိုင်မာတဲ့ အတည်ပြုချက်များ မရသေးခင် သေချာတဲ့ လူသားစမ်းသပ်ချက်တွေ ပြုလုပ်ရဦးမှာပါ။

■ မျှစ်စားတဲ့သူတွေမှာ ဓာတ်တိုးဆန့်ကျင်ခြင်းနဲ့ ရောင်ရမ်းဆန့်ကျင်အာနိသင်တွေလည်း တွေ့ရပါတယ်။

■ အကျိုးပြုဘက်တီးရီးယားများ ပွားများစေပြီး ဆဲလ်ထိခိုက်မှု လျော့နည်းစေခြင်းဖြင့် အူလမ်းကြောင်းကိုလည်း ထောက်ကူပေးတယ်လို့ တွေ့ရပါတယ်။

■ မျှစ်စားတဲ့အခါမှာတော့ သေချာချက်ပြုတ်ပြင်ဆင်ဖို့လိုပြီး ဒီလိုမဟုတ်ပါက ဆိုင်ယာနိုက်အဆိပ် ထွက်နိုင်ပြီး သိုင်းရွိုက်လုပ်ဆောင်ချက် နှောင့်ယှက်စေနိုင်ကြောင်း သတိပေးထားပါတယ်။

Source: NDTV

တရုတ်သမ္မတရှီကျင့်ဖျင်ဟာ အင်္ဂါနေ့က ပေကျင်းမြို့လယ် ဒေါင်ချန်ခရိုင်ရှိ လောင်ဖူဆီစီးပွားနယ်မြေသို့ သွားရောက်လည်ပတ်ခဲ့ပါတယ်။

#Asia_Culture
Published 13 February 2025
#တရုတ်သမ္မတရှီကျင့်ဖျင် #တရုတ်နှစ်သစ်ကူး
#YMG #Yangon_Times #Yangon_Media_Group