#World_Health
Published 25 October 2024
▪️ သိပ္ပံသုတေသနအတွက် ရုပ်အလောင်းလှူဒါန်းထားတဲ့ လူဆီမှာ ငယ်ပါ ၃ ခုပါနေတာကို ယူကေမှ ဆရာဝန်များ အံ့အားသင့်ဖွယ် တွေ့ရှိခဲ့ပါတယ်။

▪️ ဒါပေမဲ့ ထိုလူဟာ သူ့မှာဒီလိုပါတာကို တစ်ဘဝလုံး သိရှိခဲ့ပုံမပေါ်ပါဘူး။

▪️ အင်္ဂါအပြင်ပန်းပုံစံက ပုံမှန်အတိုင်း ဖြစ်နေတာကြောင့် မသိခဲ့ပုံပေါ်ပါတယ်။

ငယ်ပါ ၃ ခုပါတာဟာ အလွန်ရှားပါး အခြေအနေဖြစ်ပြီး လူသားတွေမှာ ပထမဆုံး တွေ့ရှိခဲ့တာက လွန်ခဲ့တဲ့ ၄ နှစ်က အီရတ်မှ ၃ လသားအရွယ်မှာ တွေ့ခဲ့တာ ဖြစ်ပါတယ်။

▪️ ဒါကြောင့် ယခုတွေ့ရှိမှုဟာ လူသားတွေမှာ ဒုတိယအကြိမ်သာဖြစ်ပြီး အရွယ်ရောက်ပြီးလူမှာတော့ ပထမဆုံးအကြိမ် ဖြစ်ပါတယ်။

▪️ ဆုံးပါးသွားပြီဖြစ်တဲ့ အသက် ၇၈ နှစ်အရွယ် လူဖြူလူမျိုးဟာ အရပ် ၆ ပေရှိပြီး ငယ်ပါက ပုံမှန်အတိုင်းသာ ဖြစ်ပါတယ်။

▪️ အလောင်းကို ခွဲစိတ်တဲ့အခါမှာ အင်္ဂါအတွင်း ငယ်ပါ ၂ ခုကို သုတေသီများ တွေ့ရှိခဲ့ကြပါတယ်။

▪️ ဒီထက်ပိုပြီး ခွဲကြည့်တဲ့အခါ ဆီးလမ်းကြောင်းပြွန်က အဓိကငယ်ပါရော နောက်တစ်ခုမှာပါ ရှိနေပါတယ်။

▪️ ဒုတိယတစ်ခုက ပိုသေးပေမယ့် ငယ်ပါတစ်ခုမှာရှိရမယ့် အဓိကတစ်ရှူး ၃ ခုစလုံး ရှိနေပါတယ်။

▪️ တတိယတစ်ခုကတော့ ဒုတိယငယ်ပါအနောက်မှာ တည်ရှိပြီး ဆီးလမ်းကြောင်းပြွန် မရှိသလို တစ်ရှူးတစ်လွှာလည်း မရှိပါဘူး။

▪️ အဓိကငယပါက ၃ လက်မရှည်ကာ အခြား ၂ ခုက ၁ လက်မခွဲစီ ရှိပါတယ်။
အင်္ဂါအပိုပါလာပြီး ပုံမှန်အတိုင်း အသက်ရှင်နေထိုင်နိုင်ခဲ့တဲ့ မှတ်တမ်းတွေ ရှိထားပါတယ်။

▪️ ငယ်ပါအပိုပါတာဟာ မျိုးဗီဇပြောင်းလဲခြင်းကြောင့် ဖြစ်မယ်လို့ ယူဆနေကြပါတယ်။

▪️ ငယ်ပါဖွံ့ဖြိုးတဲ့ တစ်ရှူးတစ်မျိုးကနေ ၃ ခုပွားခဲ့ခြင်းကြောင့် ဒီလိုအင်္ဂါအပိုတွေ ဖြစ်ပေါ်လာရပါတယ်။

▪️ ဒေသတွင်း လှူဒါန်းရေးဥပဒေများကြောင့် ထိုလူရဲ့ ဆေးမှတ်တမ်းတွေကိုလည်း သုတေသီများ သိခွင့်မရှိပါဘူး။

#Source: WION

#World_Health
Published 25 October 2024

▪️ ရင်သားကင်ဆာဆိုတာဟာ အမျိုးသမီးတွေမှာသာ ဖြစ်တယ်လို့ ထင်ကြပေမယ့် အမျိုးသားတွေမှာလည်း ရှားပါးဖြစ်နိုင်ခြေ ရှိပါသေးတယ်။

▪️ ရင်သားကင်ဆာ ဖြစ်ပွားမှုတွေထဲမှာ အမျိုးသားတွေက ၁ ရာခိုင်နှုန်းအောက် ရှိတယ်လို့ ဘင်ဂါလူရူ အက်စ်တာဝှိုက်ဖီးလ်ဆေးရုံမှ ဒေါက်တာ စီအင်န်ပါတီလ်က ပြောပါတယ်။

▪️ အမျိုးသားတွေမှာ ရင်သားကင်ဆာ ဖြစ်ရတာက အဓိကအားဖြင့် ဟော်မုန်းမညီမျှခြင်း၊ မျိုးဗီဇဆင့်ကဲပြောင်းလဲခြင်း၊ ပတ်ဝန်းကျင် အကြောင်းအရာများကြောင့် ဖြစ်တတ်ပါတယ်။

▪️ အမျိုးသမီးတွေမှာလိုမျိုးပဲ BRCA1 နဲ့ BRCA2 မျိုးဗီဇပြောင်းလဲမှုများကြောင့် အမျိုးသားတွေမှာလည်း ရင်သားကင်ဆာ ဖြစ်စေပါတယ်။

▪️ မျိုးရိုးထဲမှာ ရင်သားကင်ဆာဖြစ်တဲ့ အမျိုးသမီးတွေနဲ့ မျိုးဆက်နီးစပ်တဲ့ ယောက်ျားတွေမှာ အဓိကဖြစ်တတ်တယ်လို့ ထောက်ပြထားပါတယ်။

▪️ ဒါ့အပြင် အမျိုးသားတွေမှာ X ခရိုမိုဆုန်း အပိုပါလာတဲ့ ကလိုင်းဖယ်လ်တာရောဂါ မျိုးတွေမှာလည်း ရင်သားကင်ဆာ ဖြစ်နိုင်ခြေ များစေပါတယ်။

▪️ ဓာတ်ရောင်ခြည် ထိတွေ့ခြင်း၊ အချို့သော ဆေးကုသမှုများကြောင့် ဖြစ်နိုင်ခြေ များတတ်ပါတယ်။

▪️ ဆီးကျိတ်ကင်ဆာအတွက် ဟော်မုန်းကုသနည်းတစ်မျိုးဖြစ်တဲ့ အီစထရိုဂျင် ဆက်စပ်ဆေးတွေ သုံးစွဲနေရသူတွေ၊ အသည်းရောဂါ အဝလွန်ခြင်း ဝှေးစေ့ရောဂါအပါအဝင် အခြားရောဂါရှိသူတွေမှာ ရင်သားကင်ဆာ ဖြစ်နိုင်ခြေ များစေပါတယ်။

▪️ ရောဂါလက္ခဏာတွေကတော့ သိပ်မသိသာဘဲ အဖြစ်အများဆုံးက ရင်သားမှာ မာကျော မနာကျင်တဲ့ အဖုအပိမ့်တွေ ပေါ်လာတာပါပဲ။

▪️ နီမြန်းခြင်း၊ နို့သီးခေါင်းကျုံ့ဝင်ခြင်း၊ အရည်ထွက်ခြင်းတို့လည်း ဖြစ်တတ်ပါတယ်။

▪️ ရင်ဘတ်နေရာတွေ ဖောရောင်နေပြီဆိုရင် အကျိတ်နေရာတွေမှာပါ ကင်ဆာပျံ့နှံ့တဲ့သဘော ဖြစ်ပါတယ်။

▪️ ဒီလက္ခဏာတွေကို စောစီးစွာ သိရှိဖို့အရေးကြီးပြီဂ ဒါမှ ကုသမှု ပြုလုပ်နိုင်မှာ ဖြစ်ပါတယ်။

▪️ ရောဂါစစ်ဆေးရာမှာတော့ အမျိုးသမီးတွေကို စမ်းသပ်တဲ့အတိုင်း ရင်သားကင်ဆာ စစ်ဆေးနိုင်ပါတယ်။

▪️ အကျိတ်အရွယ်အစား၊ ပျံ့နှံ့မှုအပေါ် မူတည်ပြီး ကင်ဆာကုသရပါတယ်။

▪️ အမျိုးသားတွေမှာ ရင်သားကင်ဆာဖြစ်နှုန်း ရှားပြီး စောစီးစွာ ရောဂါတွေ့ရှိပါက ၅ နှစ်တာ အသက်ရှင်နိုင်ခြေ ၈၄ ရာခိုင်နှုန်းအထိ ရှိပါတယ်။

#Source: India Today

ရွှေဈေးနှုန်း ဆက်တိုက်မြင့်တက်နေပေမယ့် တရုတ်နိုင်ငံတဝှမ်း ရွှေဆိုင်တွေမှာတော့ ဝယ်ယူရောင်းချသူတွေ ပြည့်နေဆဲဖြစ်ပါတယ်။
#World_Business
Published 24 October 2024
#ရွှေဈေးဆက်တိုက်မြင့်တက် #တရုတ်နိုင်ငံရွှေဆိုင်
#YMG #Yangon_Times #Yangon_Media_Group

#Daily_News
Published 24 October 2024

၁။ မန္တလေးနှင့်ပုဂံရှိဘုရားစေတီ၊ ပုထိုး(၂၆)ခုတွင် Pagoda Digital Directory ကြည့်ရူနိုင်ရန်စီစဉ်နေ

၂။ ‌ဒညင်းကုန်းလက်ကားဈေးမှ နယ်စုံသို့ ဖရဲတန်ချိန်ထောင်ချီ၍  ပြန်လည်တင်ပို့နေ

၃။ ရွှေရည်ညွှန်းဈေး ကျပ် ၅၆သိန်းကျော်အထိဖြစ်လာ

၄။ ရွှေဈေးဆက်တိုက်မြင့်တက်နေသော်လည်း တရုတ်နိုင်ငံရွှေဆိုင်များတွင် အရောင်းအဝယ်ကောင်းနေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 24 October 2024

▪️ မြောက်ကိုရီးယား တပ်သား ၃ ထောင်ကို ရုရှားထံ စေလွှတ်ထားတဲ့ အထောက်အထား တွေ့ထားတယ်လို့ အမေရိကန်က ဗုဒ္ဓဟူးနေ့မှာ ထုတ်ဖော်လိုက်ပါတယ်။

▪️ ဒါဟာ ယူကရိန်းစစ်ပွဲမှာ နေရာချဖို့ ဖြစ်နိုင်ခြေရှိကာ တင်းမာမှု သိသိသာသာ မြင့်တက်စေနိုင်ပါတယ်။

▪️ မြောက်ကိုရီးယားသာ ရုရှားနဲ့အတူ တိုက်ခိုက်ရန် ပြင်ဆင်လာပါက အတော်လေးစဉ်းစားစရာရှိတယ်လို့ အမေရိကန် ကာကွယ်ရေးဝန်ကြီး လွိုက်အော်စတင်က ရောမမြို့မှာ ပြောကြားခဲ့ကာ ယူကရိန်းကလည်း အလားတူ စွပ်စွဲလိုက်ပါတယ်။

▪️ ဒါပေမဲ့ ရုရှားမှာ မြောက်ကိုရီးယားတပ်သားတွေ ဘာလုပ်မှာလဲဆိုတာကိုတော့ စောင့်ကြည့်ရဦးမယ်လို့ ပြောပါတယ်။

▪️ မြောက်ကိုရီးယားမှ အနည်းဆုံးတပ်သား ၃ ထောင်ဟာ ရုရှားအရှေ့ပိုင်းရှိ စစ်အခြေစိုက်စခန်း ၃ ခုမှာ လေ့ကျင့်ရေးဆင်းနေတယ်လို့ အမေရိကန်က ယူဆထားကြောင်း အိမ်ဖြူတော် ပြောရေးဆိုခွင့်ရှိသူ ဂျွန်ကာဘီက သတင်းထောက်တွေကို ပြောပါတယ်။

▪️ အောက်တိုဘာလ အစောပိုင်းကနေ လဝက်လောက်မှာ မြောက်ကိုရီးယားစစ်သားတွေကို ဝန်ဆန်ဒေသကနေ ဗလာဒီဗိုစတော့ခ်သို့ သင်္ဘောဖြင့် ပို့ဆောင်ခဲ့တယ်လို့ ဆိုပါတယ်။

▪️ ဒီတပ်သားတွေသာ ယူကရိန်းနဲ့ တိုက်ခိုက်ဖို့ဆိုရင် ယင်းတို့လည်း ပစ်မှတ်ဖြစ်လာမှာဖြစ်ပြီး ရုရှားတပ်သားတွေကို ခုခံတိုက်ခိုက်သလိုမျိုး မြောက်တွေကိုလည်း ခုခံတိုက်ခိုက်ရမှာ ဖြစ်တယ်လို့ ပြောပါတယ်။

▪️ တောင်ကိုရီးယား လွှတ်တော်အမတ်များ ပြောကြားချက်အရ မြောက်ဟာ တပ်သားစုစုပေါင်း ၁ သောင်းခန့် စေလွှတ်သွားဖို့ ကတိပြုထားပြီး ဒီဇင်ဘာလောက်မှာ အပြီးသတ်မယ်လို့ သိရပါတယ်။

▪️ စက်တင်ဘာလနဲ့ အောက်တိုဘာလတို့မှာ မြောက်ကိုရီးယားနိုင်ငံအတွင်း တပ်သားများ လေ့ကျင့်နေတဲ့ အရိပ်အယောင်များ မြင်တွေ့ခဲ့ရတယ်လို့ တောင်ကိုရီးယား လွှတ်တော်ထောက်လှမ်းရေး ကော်မတီအဖွဲ့ဝင် ပတ်ဆွန်ဝမ်က ပြောပါတယ်။

▪️ ဒါတွေကို ရုရှားအစိုးရနဲ့ မြောက်ကိုရီးယားသံတမန်တို့က ငြင်းဆိုလိုက်ပြီး အခြေအမြစ်မရှိတဲ့ ကောလာဟာလတွေလို့ ဆိုပါတယ်။ ‌

▪️ မြောက်ကနေ အထူးတပ်သားစစ်မှုထမ်း ၁၅၀၀ ခန့်ကိုလည်း ရုရှားသို့ သင်္ဘောဖြင့် စေလွှတ်ထားကာ ယူကရိန်းစစ်ပွဲမှာ တိုက်ခိုက်ရန် နေရာချသွားဖွယ်ရှိတယ်လို့လည်း တောင်ကိုရီးယား ထောက်လှမ်းရေးက ပြောပါတယ်။

▪️ ယူကရိန်းသမ္မတ ဇယ်လန်စကီက ရုရှားစစ်ပွဲမှာ မြောက်ကိုရီးယား ပါဝင်လာတဲ့ အထောက်အထားကို တုန့်ပြန်ဆောင်ရွက်ရန် မဟာမိတ်များကို တောင်းဆိုလိုက်ပါတယ်။

▪️ နေတိုး(NATO) မဟာမိတ်များကလည်း ရုရှားမှာ မြောက်ကိုရီးယား တပ်စွဲတာကို အပြစ်တင်လိုက်ပါတယ်။

▪️ အမေရိကန် အောက်လွှတ်တော် ထောက်လှမ်းရေးကော်မတီ ဥက္ကဌ မိုက်ခ်တာနာက ထုတ်ပြန်ရာမှာ မြောက်ကိုရီးယားတပ်တွေသာ ရုရှားကနေ ယူကရိန်းကို တိုက်ခိုက်ပါက ဂျိုးဘိုင်ဒင်က အမေရိကန်ထောက်ပံ့လက်နက်များဖြင့် ယူကရိန်းကို တုန့်ပြန်ပစ်ခတ်ခွင့် ပြုသွားမယ်လို့ ဆိုပါတယ်။

#Source: Reuters

#World_Science
Published 24 October 2024
▪️ နာဆာ(NASA)မှ ဒါဗင်ချီ(Davinci) အာကာသမစ်ရှင်ကို ၂၀၃၀ အစောပိုင်းမှာ လွှတ်တင်ရန် စီစဉ်ထားပါတယ်။

▪️ ကမ္ဘာဂြိုဟ်ဘေးနားမှာရှိတဲ့ ဗီးနပ်စ်ဂြိုဟ် (သောကြာဂြိုဟ်)မှာ သမုဒ္ဒရာတွေ တိုက်ကြီးတွေ ရှိခဲ့ဖူးခြင်းရှိမရှိ စူးစမ်းလေ့လာပြီး ဆန်းကျယ်မှုများကို ရှာဖွေရန် ရည်မှန်းထားတာ ဖြစ်ပါတယ်။

▪️ ထိုမစ်ရှင်မှာ အာကာသယာဉ်တစ်စီးနဲ့ စူးစမ်းရေးယာဉ်တစ်စီး ပါဝင်မှာဖြစ်ကာ ရှေးအချိန်တုန်းက တိုက်ကြီးတစ်ခုလို့ ယူဆရတဲ့ အယ်လ်ဖာရက်ဂျီယို တောင်တန်းဒေသကို ဦးစားပေး လေ့လာသွားမှာ ဖြစ်ပါတယ်။

▪️ ဆယ်စုနှစ် ၅ ခုအတွင်း ပထမဆုံးအနေနဲ့ ဒါဗင်ချီစူးစမ်းရေးယာဉ်ကနေ ဗီးနပ်စ်ဂြိုဟ် ထူထဲတိမ်တိုက်တွေအောက်ရှိ နယ်မြေဒေသများကို ပုံရိပ်ရိုက်ကူးသွားမှာ ဖြစ်ပါတယ်။

▪️ ယခင်က ဗီးနပ်စ်ဂြိုဟ်ပေါ်မှာ အာကာသယာဉ်များ ပျက်စီ အရည်ပျော်ဖူးတဲ့ သမိုင်းရှိနေပြီး ဂြိုဟ်ရဲ့ပြင်းထန်တဲ့ ပတ်ဝန်းကျင်အနေအထားကြောင့် ယခုလေ့လာမှုဟာလည်း အခက်အခဲတွေ တွေ့ရဦးမှာပါ။

▪️ ဒီအန္တရာယ်အတွက် ဒါဗင်ချီအဖွဲ့က ယခင်ဗီးနပ်စ်မစ်ရှင်တွေရဲ့ အချက်အလက်ဟောင်းတွေကို ပြန်စစ်ဆေးကာ ခေတ်မီဆန်းစစ်နည်းပညာများ အသုံးပြုနေပါတယ်။

▪️ ဒါတွေကို နှိုင်းယှဉ်တဲ့အခါ အချိန်နဲ့အမျှ ပြောင်းလဲလာတဲ့ ဂြိုဟ်အကြောင်းအရာတွေကို သိရှိနိုင်ပြီး မီးတောင်လှုပ်ရှားနိုင်ဖွယ် တွေ့ရှိချက်တွေကိုပါ သိရှိလာပါတယ်။

▪️ ဗီးနပ်စ်တိမ်တိုက်အောက် အမြင့် ၂၅ မိုင်လောက် ရောက်တာနဲ့ ဒါဗင်ချီစူးစမ်းရေးယာဉ်ကနေ အယ်လ်ဖာရက်ဂျီယိုကို စတင်ရိုက်ကူးမှာ ဖြစ်ပါတယ်။

▪️ လေထုအလင်းပျံ့ကျဲမှု အခက်အခဲကြောင့် သိပ္ပံပညာရှင်တွေက ပုံရိပ်တွေ ထင်ရှားပြတ်သားစေပြီး 3D မြေပုံတွက်ချက်ဖန်တီးနိုင်မယ့် ဉာဏ်ရည်တု အဆင့်မြင့်နည်းပညာများ ဖန်တီးနေပါတယ်။

▪️ အယ်လ်ဖာရက်ဂျီယိုမှ မျက်နှာသွင်ပြင်၊ ကျောက်တုံးအမျိုးအစားတွေကို ဆန်းစစ်ပြီးတော့ ကမ္ဘာပေါ်ရှိ တောင်တန်းများ မီးတောင်များ ဖြစ်ပေါ်ပုံဖြစ်စဉ်များနဲ့ ဆင်တူလားဆိုတာကို ဆုံးဖြတ်နိုင်ဖို့ မျှော်မှန်းထားပါတယ်။

▪️ အဆိုပါမစ်ရှင်ကနေ ဗီးနပ်စ်ဂြိုဟ်ရဲ့ ဘူမိသမိုင်းကြောင်းတွေ ကမ္ဘာ့ဆင့်ကဲပြောင်းလဲပုံနဲ့ ကွဲပြားပုံတွေကို ပုံဖော်သွားနိုင်ရန် သေချာနေပါတယ်။

#Source: India Today