#World_Health
Published 10 May 2026

■ လူငယ်တွေ နားကြပ်အသုံးများလာခြင်းကြောင့် အကြားအာရုံချို့ယွင်းခြင်း အဖြစ်များလာပါတယ်။

■ ကမ္ဘာပေါ်မှာ လူပေါင်း ၁ ဘီလီယံခွဲလောက်ဟာ အကြားအာရုံချို့ယွင်းမှု တစ်မျိုးမျိုး ဖြစ်နေတယ်လို့ WHO က ထုတ်ပြန်ထားပါတယ်။

■ ၂၀၂၃ ဖော်ပြချက်တစ်ခုမှာ ဆယ်ကျော်သက်နဲ့ လူငယ် ၁ ဘီလီယံကျော်လောက်ဟာ နားကြပ်တွေ အသုံးပြုခြင်းကြောင့် အကြားအာရုံယိုယွင်းမှု ဖြစ်နိုင်ခြေများနေပါတယ်။

■ ဘေးကင်းစိတ်ချစွာ နားထောင်ဖို့အတွက် ၈၀ ဒက်ဆီဘယ်အောက် အသံထားရှိဖို့ WHO အကြံပြုထားပြီး နားကြပ်အသုံးပြုသူတွေမှာတော့ ဒီကန့်သတ်ချက်ကို ကျော်လွန်သွားနိုင်ကာ ဆူလောင်တဲ့အသံတွေကို နားထောင်တဲ့ကြာချိန်၊ အရေအတွက်တို့ကလည်း သက်ရောက်နေပါတယ်။

■ ကျယ်လောင်တဲ့ ဆူညံသံတွေကြောင့် နားရဲ့အကြားအာရုံဖွဲ့စည်းပုံကို ထိခိုက်စေကာ ဆူညံကြောင့် အကြားအာရုံဆုံးရှုံးခြင်း(NIHL) ခံစားရနိုင်ပါတယ်။

■ ဒီလိုအသံတွေကို အဆက်မပြတ် ထိတွေ့ရာကနေ နားအတွင်းပိုင်းထဲက အမွှေးဆဲလ်တွေ ထိခိုက်လာစေနိုင်ပါတယ်။

■ နားအတွင်းထဲထည့်ရတဲ့ နားကြပ်တွေ အသုံးများလာခြင်းက ပိုဆိုးစေပြီး အတွင်းလမ်းကြောင်းနဲ့ နားစည်တို့ အသံလှိုင်းတွေ လက်ခံမှုကို ထိခိုက်လာစေပါတယ်။

■ ဆူညံသံလျှော့ချပေးတဲ့ နားကြပ်တွေကတော့ သေချာလေးအသုံးပြုရင် ဘေးအန္တရာယ် လျှော့ချနိုင်ပါတယ်။

■ ကြိုတင်ကာကွယ်တဲ့ နည်းလမ်းတွေအနေနဲ့ အသံနှုန်း ၆၀ ရာခိုင်နှုန်းအောက် မိနစ် ၆၀ ထက်မပိုဘဲ နားထောင်သင့်ပြီး ပုံမှန်အကြားအာရုံကို စစ်ဆေးနေသင့်ပါတယ်။

Source: India Today.

#World_Health
Published 10 May 2026

■ GLP-1 ကုသဆေးတွေဖြစ်တဲ့ ဆယ်မာဂလူတိုက်နဲ့ တီယာဇီပတိုက်တို့ဟာ ဆာလောင်စိတ်ကို လျှော့ချပြီး အစာအိမ်ရှင်းလင်းရေးကို နှေးစေကာ အဝလွန်ခြင်းနဲ့ ဆီးချိုတို့ကို ထိရောက်စွာ ထိန်းချုပ်ပေးပါတယ်။

■ ဒီလိုမျိုး အစားလျှော့စားရာကနေ အာဟာရဓာတ် ချို့တဲ့မှုတွေ ဖြစ်လာနိုင်ပါတယ်။

■ အသက် ၄၂ နှစ်အရွယ် လူနာတစ်ဦးဆိုရင် ဘီ၁၂၊ ဗိုက်တာမင်-ဒီ၊ သံဓာတ်တို့ လျော့နည်းသွားပြီး ပင်ပန်းနွမ်းနယ်ခြင်း၊ ဆံပင်ကျွတ်ခြင်းတို့ ဖြစ်လာပါတယ်။

■ ဒီလိုလူနာတွေအတွက် ဘေးကင်းစိတ်ချရဖို့ ပညာရှင်နဲ့ တိုင်ပင်ကာ ပရိုတိန်းကြွယ်ဝတဲ့ အစားအစာများ စားသုံးပြီး ဖြည့်စွက်အားဆေးတွေ အသုံးပြုသင့်ပါတယ်။

■ GLP-1 ကုသနည်းတွေက သံဓာတ်၊ ကယ်စီယံ၊ ဖောလိတ်၊ ဗိုက်တာမင်-ဘီ၁၂၊ ဗိုက်တာမင်-ဒီတို့ ချို့တဲ့ခြင်းကို ပိုဆိုးစေနိုင်ပါတယ်။

■ အသားဓာတ်ပရိုတိန်း လျှော့စားခြင်းနဲ့ စားသောက်ပုံစံ မမှန်ခြင်းတို့ကလည်း ပိုဆိုးစေနိုင်ပါတယ်။

■ ဒီဆေးတွေ သုံးနေစဉ်မှာ အဆီတစ်ရှူးတွေထဲ ပြောင်းလဲသွားပြီး အဆီပျော်ဝင်ဗိုက်တာမင်တွေ စုပ်ယူမှုကို ယုတ်လျော့စေနိုင်ပါတယ်။

■ ဒီအချက်တွေဖြင့် ကုသမှုခံယူနေစဉ်အတွင်း အာဟာရဓာတ်အခြေအနေကို သေချာစောင့်ကြည့်ဖို့ လိုအပ်ပါတယ်။

■ GLP-1 အသုံးပြုနေသူတွေဟာ ပရိုတိန်းမကြွယ်ဝတဲ့ စားစရောတွေကိုပဲ စားချင်နေကြပါတယ်။

■ ဒါကြောင့် ပရိုတိန်းနဲ့ အာဟာရဓာတ် ကြွယ်ဝတဲ့ စားစရာတွေကို နည်းနည်းချင်း မျှတစွာ စားပေးဖို့ လိုအပ်ပါတယ်။

■ ဗိုက်တာမင်-ဘီ၁၂၊ ဗိုက်တာမင်-ဒီတို့ ဖြည့်စွက်ဆေးတွေပါ အသုံးပြုပြီး ကျန်းမာရေးပညာရှင်တွေနဲ့အတူ ထိန်းချုပ်ကုသနိုင်ပါတယ်။

Source: Indian Express.

တရုတ်ကုမ္ပဏီတွေပြုလုပ်တဲ့ AI မျက်မှန်တွေဟာ ကမ္ဘာ့ဈေးကွက်မှာ လူကြိုက်များလာပါတယ်။

#Asia_Business
Published 06 May 2026
#တရုတ်ပြည် #AIစမတ်မျက်မှန်
#YMG #Yangon_Times #Yangon_Media_Group

၉ မေ၊၂၀၂၆ (တိုကျို)

စစ်မြေပြင်မှာ အဆုံးရှုံးခံ တိုက်ခိုက်မယ့် စစ်ဆင်ရေးတွေနဲ့ အုပ်စုလိုက် ဝိုင်းရံတိုက်ခိုက်တဲ့ "Swarm Warfare" ဗျူဟာတွေအတွက် ဂျပန်နိုင်ငံဟာ အလွန်ဈေးသက်သာတဲ့ စက္ကူဂျပ်ဖာဒရုန်းတွေကို စတင်အသုံးပြုဖို့ ပြင်ဆင်နေပြီ ဖြစ်ပါတယ်။ ဒီဒရုန်းတစ်စီးရဲ့ တန်ဖိုးဟာ အမေရိကန်ဒေါ်လာ ၂,၀၀၀ ခန့်သာ ရှိတာကြောင့် အဆင့်မြင့် Gaming PC တစ်လုံးရဲ့ ဈေးနှုန်းထက်တောင် ပိုပြီး သက်သာနေတာပါ။

ဘာကြောင့် စက္ကူဂျပ်ဖာကို သုံးတာလဲ

ဒီဒရုန်းတွေကို ဂျပန်အခြေစိုက် ကုမ္ပဏီတစ်ခုက ထုတ်လုပ်တာဖြစ်ပြီး အထူးပြုပြင်ထားတဲ့ စက္ကူဂျပ်ပြား (Cardboard) တွေကို အဓိက အသုံးပြုထားပါတယ်။ ဒါဟာ ကြည့်ရတာ ရိုးရှင်းပေမဲ့ အားသာချက် အများကြီးရှိပါတယ် -

    စရိတ်သက်သာခြင်း- ဒေါ်လာ ထောင်သောင်းချီတန်တဲ့ ဒရုန်းတွေထက် အဆပေါင်းများစွာ သက်သာတဲ့အတွက် ရာနဲ့ချီတဲ့ ဒရုန်းတွေကို တစ်ပြိုင်နက်တည်း အသုံးပြုဖို့ လွယ်ကူစေပါတယ်။

    ရေဒါ ရှောင်ကွင်းနိုင်ခြင်း- စက္ကူနဲ့ ပြုလုပ်ထားတာကြောင့် ရန်သူ့ရေဒါတွေကနေ ထောက်လှမ်းဖို့ ခက်ခဲစေပါတယ်။

    သယ်ယူပို့ဆောင်ရေး- ဒီဒရုန်းတွေကို ပြားချပ်နေတဲ့ အထုပ်လိုက် သယ်ဆောင်သွားနိုင်ပြီး စစ်မြေပြင်မှာမှ မိနစ်ပိုင်းအတွင်း အလွယ်တကူ တပ်ဆင်နိုင်ပါတယ်။

စစ်ဆင်ရေး ဗျူဟာ

ဒီဒရုန်းတွေကို "Expendable" ခေါ် အဆုံးရှုံးခံ တိုက်ခိုက်ရေးယာဉ်တွေအဖြစ် သတ်မှတ်ထားပါတယ်။ အဓိကအားဖြင့် ရန်သူ့ခံစစ်ကို အလုံးအရင်းနဲ့ ဝင်ရောက်နှောင့်ယှက်ဖို့၊ ပစ်  မှတ်တွေကို ကာကွယ်ရေးစနစ်တွေ ကုန်ခန်းသွားအောင် လုပ်ဖို့နဲ့ အရေးကြီးတဲ့ ထောက်လှမ်းရေး အချက်အလက်တွေကို ကုန်ကျစရိတ် အနည်းဆုံးနဲ့ ရယူဖို့ ရည်ရွယ်ပါတယ်။

အခုလို စရိတ်နည်း နည်းပညာတွေကို အသုံးချလာတာဟာ ခေတ်သစ်စစ်ပွဲတွေရဲ့ ပုံစံကို သိသိသာသာ ပြောင်းလဲလာစေပြီး၊ နည်းပညာကြီးမားတဲ့ နိုင်ငံတွေကြားမှာ အကုန်အကျသက်သာတဲ့ လက်နက်ဆန်းတွေဟာ အရေးပါတဲ့ အခန်းကဏ္ဍကနေ ပါဝင်လာတော့မှာ ဖြစ်ပါတယ်။

Source: Tom's Hardware

#World_News
Published 09 May 2025

■ အမေရိကန်နဲ့ အီရန်တို့ သောကြာနေ့က အပြန်အလှန်ပစ်ခတ်သဖြင့် စစ်ပွဲအဆုံးသတ်ရေး ကြန့်ကြာနေပါတယ်။

■ အမေရိကန် ထောက်လှမ်းရေးအရ အီရန်ဟာ ရေကြောင်းပိတ်ဆို့မှုကို လနဲ့ချီ တောင့်ခံနိုင်မယ်လို့ သုံးသပ်ထားပါတယ်။

■ အမေရိကန်ရဲ့ ဆိပ်ကမ်းပိတ်ဆို့မှုတွေကနေ စီးပွားရေးဖိအားတွေကို အီရန်ဟာ ၄ လလောက်အထိ ခံစားရဦးမှာ မဟုတ်ဘူးလို့ အမေရိကန်စီအိုင်အေ အရာရှိတစ်ဦး ပြောပါတယ်။

■ ပိတ်ဆို့မှုတွေက အပျက်အစီးတွေ သက်ရောက်နိုင်ပြီး ကုန်သွယ်ရေးတွေ၊ စီးပွားရေးစနစ်တွေ ပြိုလဲနိုင်တာဟာ အမှားသာဖြစ်တယ်လို့ ထောက်လှမ်းရေးတစ်ဦး ပြောပါတယ်။

■ လတ်တလောရက်တွေမှာ ဟော်မုဇ်ရေလက်ကြားအတွင်း အပစ်အခတ်တွေ များနေကာ ယူအေအီး နောက်ထပ်တိုက်ခိုက်ခံခဲ့ရပါတယ်။

■ စစ်ပွဲအဆုံးသတ်ရေး အမေရိကန်ရဲ့ ငြိမ်းချမ်းရေးအဆိုပြချက်အပေါ် အီရန်ဘယ်လိုတုံ့ပြန်မလဲဆိုတာ အမေရိကန် စောင့်ဆိုင်းနေပါတယ်။

■ အီရန်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူက ဘယ်လိုတုံ့ပြန်မလဲဆိုတာကို ချင့်ချိန်နေဆဲ ဖြစ်တယ်လို့ ဆိုပါတယ်။

■ ဟော်မုဇ်ရေလက်ကြားမှာ အီရန်တပ်တွေနဲ့ အမေရိကန်သင်္ဘောများ မကြာမကြာ တိုက်ခိုက်မှုတွေ ဖြစ်ပွားနေပါတယ်။

■ စစ်ပွဲစတင်တည်းက အီရန်ဟာ သင်္ဘောများ ဖြတ်သန်းသွားလာမှုကို အတော်လေး ပိတ်ဆို့ထားခဲ့ပါတယ်။

■ အမေရိကန်ကလည်း ပြီးခဲ့တဲ့လက အီရန်သင်္ဘောများကို ပိတ်ဆို့မှုများ ချမှတ်ခဲ့ပါတယ်။

Source: Reuters

#World_Science
Published 09 May 2026

■ ကမ္ဘာ့ဆွဲငင်အား မရှိတဲ့နေရာမှာ ၂၄ နာရီကြာအောင် နေမယ်ဆိုရင် ကျန်းမာသန်စွမ်းသူအတွက် ထိခိုက်မှုမရှိပေမယ့် သွေးလည်ပတ်မှု၊ ဟန်ချက်၊ ဦးနှောက်လုပ်ဆောင်ချက်တို့မှာ သိသိသာသာ ပြောင်းလဲနိုင်ပါတယ်။

■ ဆွဲငင်အားမရှိတဲ့အခါ ခြေထောက်မှ သွေးတွေ အရည်တွေက ရင်ဘတ်၊ ဦးခေါင်းသို့ ရွေ့သွားပြီး မျက်နှာဖောင်းအစ်ခြင်းတို့ ဖြစ်နိုင်ပါတယ်။

■ ခန္ဓာကိုယ်က ဒါကို ပိုလျှံတဲ့အရည်အဖြစ် မှတ်ယူပြီး ဆီးပိုသွားစေကာ ပထမဆုံး ၂၄ နာရီအတွင်း ပလတ်စ်မာပမာဏ ကျဆင်းသွားပါတယ်။

■ ဆွဲအားမရှိတဲ့အချိန် နှလုံးသိပ်အလုပ်မလုပ်ရဘဲ သွေးပေါင်ချိန် အတန်ငယ်ကျဆင်းပေမယ့် ၂၄ နာရီပြောင်းလဲမှုတွေက လူအတွက် ခံနိုင်ရည်ရှိပါတယ်။

■ တစ်ရက်တည်းအနေနဲ့ကတော့ ကြွက်သား အရိုးတို့ သိသာစွာ မပြောင်းလဲနိုင်ပါဘူး။

■ ဆွဲငင်အားမရှိခြင်းက အမြင်အာရုံပြချက်တွေနဲ့ နားအတွင်း အချက်ပြချက်တွေကြား လွဲမှားမှုတွေဖြစ်ကာ ဦးနှောက်ရဲ့ ထိန်းညှိစနစ်ကို နှောင့်ယှက်ပါတယ်။

■ ဒါကြောင့် အာကာသခရီးသွားမူးဝေခြင်းမျိုး ဖြစ်တတ်ပြီး ဦးနှောက်က အာရုံကြောလုပ်ဆောင်ချက်တွေ ချိန်ညှိသွားတဲ့အခါမှာ သက်သာသွားပါတယ်။

■ ကမ္ဘာမြေဆွဲအား ပြန်သက်ရောက်ချိန်ဟာ ပိုဆိုးစေပြီး သွေးတွေက အောက်သို့စီးဆင်းကာ မူးဝေမိန်းမောခြင်း ခံစားရနိုင်သလို နားအတွင်းပိုင်းစနစ်တွေ ပြန်လည်ချိန်ညှိရမှာကြောင့် ယာယီဟန်ချက်မညီ ဖြစ်စေနိုင်ပါတယ်။

■ ဒါကြောင့် ကျန်းမာသန်စွမ်းသူအတွက် ဆွဲငင်အား မရှိတဲ့နေရာသို့ တစ်ရက်လောက် သွားနေခြင်းဟာ နေထိုင်လို့ မကောင်းပေမယ့် ယာယီလက္ခဏာတွေသာ ခံစားရနိုင်ကာ ခန္ဓာကိုယ်က ချက်ချင်းအလိုက်သင့် ပြောင်းလဲနိုင်ပါတယ်။

Source: Indian Express