#World_News
Published 29 January 2026

■ ပြင်သစ် အမျိုးသားလွှတ်တော်က ဆိုရှယ်မီဒီယာမှာ အသက် ၁၅ နှစ်အောက် ကလေးတွေကို ပိတ်ပင်မယ့် တရားဥပဒေကို တနင်္လာနေ့က ထောက်ခံပြုလိုက်ပြီဖြစ်ပါတယ်။

■ အွန်လိုင်းအနိုင်ကျင့်ခြင်းနဲ့ စိတ်ကျန်းမာရေးအန္တရာယ်တို့ကို စိုးရိမ်ပူပန်လာကြတဲ့အတွက် ဒီလိုပိတ်ပင်ရတာ ဖြစ်ပါတယ်။

■ အသက် ၁၅ နှစ်အောက် ကလေးတွေကို လူမှုကွန်ရက် ကိစ္စအများအပြားကနေ ပိတ်ပင်သွားဖို့ ဥပဒေကြမ်း တင်သွင်းခဲ့ကြတာဖြစ်ပြီး လူနည်းစုအပေါ် ဆိုရှယ်မီဒီယာသက်ရောက်မှုကို အများပြည်သူ အမျက်ထွက်နေတာကိုလည်း မြင်တွေ့ရပါတယ်။

■ လွှတ်တော်အမတ်တွေက မဲဆန္ဒ ၁၁၆ မဲ ၂၃ မဲဖြင့် ထောက်ခံခဲ့ကြကာ အောက်လွှတ်တော်မှာ နောက်ဆုံးမဲဆန္ဒမပြုခင် အထက်လွှတ်တော်သို့ ရောက်ရှိနေပါပြီ။

■ သမ္မတ အီမန်နျူယယ်မက်ခရွန်က လူငယ်တွေကြား အကြမ်းဖက်ဖြစ်ရပ်တွေအတွက် ဆိုရှယ်မီဒီယာကိုလည်း အပြစ်တင်ထောက်ပြထားပါတယ်။

■ အသက် ၁၆ နှစ်အောက်ကလေးတွေကို ဆိုရှယ်မီဒီယာကနေ ပထမဆုံးပိတ်ပင်လိုက်တဲ့ ဩစတြေးလျလမ်းစဉ်ကို လိုက်ဖို့ တိုက်တွန်းနေတာ ဖြစ်ပါတယ်။

■ ယခုပိတ်ပင်မှုကို လာမယ့်စာသင်နှစ် စက်တင်ဘာမှစပြီး အချိန်မီအသက်သွင်းဖို့ မက်ခရွန်က အလိုရှိနေပါတယ်။

■ ဆိုရှယ်မီဒီယာအသုံးပြုကြတဲ့အတွက် ကလေးတွေ စာဖတ်ချိန် အိပ်ချိန်လျော့နည်းလာပြီး သူတို့ကိုယ်သူတို့ အခြားသူတွေနဲ့ နှိုင်းယှဉ်လာကြကြောင်း လွှတ်တော်အမတ် လော်ရီမီလာက ပြောပါတယ်။

■ ဩစတြေးလျရဲ့ ဆိုရှယ်မီဒီယာပိတ်ပင်ခြင်းကို ဗြိတိန်၊ ဒိန်းမတ်၊ စပိန်၊ ဂရိတို့ကလည်း လေ့လာနေကြပါတယ်။

■ ပြင်သစ်ဟာ ဥရောပသမဂ္ဂဥပဒေနဲ့အညီ အသက်စစ်ဆေးခြင်းလုပ်ငန်းစဉ်များဖြင့် ဆယ်ကျော်သက်တွေကို ပိတ်ပင်သွားရမှာ ဖြစ်ပါတယ်။

■ ဆယ်ကျော်သက်တွေကတော့ အမြင်ကွဲပြားနေကြပြီး အချို့က ဆိုရှယ်မီဒီယာရဲ့ အန္တရာယ်ကို နားလည်ကြသလို အချို့ကျတော့ ပိတ်ပင်တာဟာ လွန်လွန်းတယ်လို့ မြင်နေကြပါတယ်။

Source: Reuters.

#World_News
Published 30 January 2026

■ ရုရှားတို့က ငြိမ်းချမ်းရေးဆွေးနွေးဖို့အတွက် ယူကရိန်းသမ္မတ ဗိုလိုဒီမာဇယ်လန်စကီကို ရုရှားသို့လာရောက်ရန် ထပ်မံဖိတ်ခေါ်ထားကြောင်း ကြာသပတေးနေ့က ပြောပါတယ်။

■ အမေရိကန်တို့ဦးဆောင်ပြီး ယူကရိန်းစစ်ပွဲကို အဆုံးသတ်ရေး သဘောတူညီချက် ရရှိရန် ကြိုးပမ်းနေကြချိန် ဖြစ်ပါတယ်။

■ ထိုနှစ်နိုင်ငံ အပစ်အခတ်ရပ်စဲဖို့ သဘောတူညီလိုက်ပြီဆိုတဲ့ ကောလာဟလတွေကို ရုရှားက ငြင်းဆန်လိုက်ကာ ယခုနောက်ဆုံးအထိ အပြန်အလှန်ပစ်ခတ်ခဲ့ကြတယ်လို့ ဖော်ပြထားပါတယ်။

■ အမေရိကန် ကြားဝင်စေ့စပ်တဲ့ အဘူဒါဘီငြိမ်းချမ်းရေးဆွေးနွေးမှုတွေမှာ ငြိမ်းချမ်းရေးရရှိဖို့ အရှိန်အဟုန်ကောင်းတွေ မြင်တွေ့ခဲ့ရပေမယ့် ရုရှားနဲ့ ယူကရိန်းညှိနှိုင်းမှုတွေမှာ ကွဲပြားမှုတွေ ရှိနေတုန်းပါပဲ။

■ တိုက်ခိုက်မှုတွေ ပြင်းထန်နေဆဲဖြစ်ကာ ယူကရိန်းမှာ ဓာတ်အားပြတ်တောက်မှုတွေ ကြုံတွေ့နေရပါတယ်။

■ အမေရိကန် ကြားဝင်ညှိနှိုင်းအပြီး ရုရှားနဲ့ ယူကရိန်းသမ္မတို့ကြား ဆွေးနွေးပွဲပြုလုပ်နိုင်ရန် အလွန်နီးစပ်နေပြီလို့ အမည်မဖော်လိုတဲ့ အမေရိကန်အရာရှိတစ်ဦးက ပြောခဲ့ပါတယ်။

■ နယ်မြေပိုင်စိုးရေး၊ နိုင်ငံတကာမှ ငြိမ်းချမ်းရေးထိန်းသိမ်းမှုများ၊ ရုရှားထိန်းချုပ်ထားတဲ့ ယူကရိန်းနယ်မြေများအကြောင်း သဘောမတူညီတာတွေ ဆက်ရှိနေပါတယ်။

■ ယခင်က ဖိတ်ကြားချက်ကို ငြင်းပယ်ထားဖူးတဲ့ ဇယ်လန်စကီဆီမှ တုံ့ပြန်ဖြေကြားမှု ရုရှားမရသေးပါဘူး။

■ ဇယ်လန်စကီကတော့ ပူတင်ကသာ ယူကရိန်းကို လာရောက်ဖို့ ဖိတ်ခေါ်ထားပါတယ်။

■ ရုရှားတောင်ပိုင်းမှ အစိုးရထောက်ခံပြု ချက်ညာခေါင်းဆောင် ရမ်ဇမ်ကာဒီရော့ဗ်က ငြိမ်းချမ်းရေးဆွေးနွေးမှုများကို ဆန့်ကျင်နေပြီး စစ်ပွဲဆက်လက်ဆင်နွှဲဖို့ ထောက်ခံနေပါတယ်။

Source: Reuters

#World_Health
Published 30 January 2026

■ ဗိုက်တာမင်အားဆေးတွေဟာ လွန်ခဲ့တဲ့ ရာစုနှစ်လောက်တည်းက ဈေးကွက်ထဲ ရောက်ရှိခဲ့ပါတယ်။

■ တကယ်တမ်း ဗိုက်တာမင်အားဆေးတွေ လိုအပ်လားဆိုတာကို မောင့်ထရီယယ် မက်ဂီးလ်တက္ကသိုလ်မှ ဂျိုနသန်ဂျယ်ရီက သိပ္ပံနည်းကျသုတေသနများ ပြုလုပ်ခဲ့ရာမှာ လူအများစုက ဗိုက်တာမင်အားဆေးတွေ မလိုဘူးလို့ ဆိုပါတယ်။

■ အစားအစာကနေ ဗိုက်တာမင် အပြည့်အဝ မစုပ်ယူနိုင်တဲ့အခါ ဗိုက်တာမင်အားဆေးတွေကနေ အကျိုးကျေးဇူးရနိုင်ပါတယ်။

■ ဘရစ်ဂမ်နဲ့ အမျိုးသမီးငယ်များဆေးရုံနဲ့ ဖရက်ဟတ်ချင်ဆန်ကင်ဆာသုတေသနတို့မှာ လေ့လာစမ်းသပ်ချက်တွေ ပြုလုပ်ခဲ့ပါတယ်။

■ ပျမ်းမျှအသက် ၇၁ နှစ်ရှိသူတွေမှာ ဘက်စုံဗိုက်တာမင်များ ၃ နှစ် အသုံးပြုပြီးနောက် ဦးနှောက်အသိဉာဏ်စွမ်းရည်၊ မှတ်ဉာဏ်ပိုင်း၊ လုပ်ဆောင်ချက်အပိုင်းများ တိုးတက်လာခဲ့ပါတယ်။

■ ကျန်းမာသန်စွမ်းတဲ့ သက်လတ်ပိုင်း အမျိုးသမီးတွေမှာတော့ ဗိုက်တာမင်အားဆေးတွေ မလိုအပ်ဘဲ အရွက်၊ အသီး၊ ဂျုံပြောင်းဆန်၊ အခွံမာသီး၊ ပဲအမျိုးမျိုး ပါဝင်တဲ့ အစားအသောက်ကိုသာ ဦးစားပေးစားသုံးသင့်တယ်လို့ အကြံပြုထားပါတယ်။

■ ဘက်စုံဗိုက်တာမင်တွေက သာမန်လူတွေအတွက်တော့ အကျိုးကျေးဇူး သိသိသာသာ ပေးနိုင်တယ်ဆိုတဲ့ အထောက်အထားတွေ မရှိထားပါဘူး။

■ သက်လတ်ပိုင်း အမျိုးသမီးတွေအနေနဲ့ သံဓာတ်၊ ဘီ၁၂ နဲ့ ဗိုက်တာမင်-ဒီပမာဏတို့ကို ပုံမှန်စစ်ဆေးသင့်ပါတယ်။

■ အာဟာရစုံတဲ့ အစားအစာတွေ စားမနေဘူးဆိုရင် ဗိုက်တာမင်ဖြည့်စွက်အားဆေးတွေ အသုံးပြုနိုင်ပါတယ်။

Source: Chatelaine.

#World_Science
Published 30 January 2026

■ ကမ္ဘာပေါ်က အကြံ့ခိုင်ဆုံး အနုဇီဝပိုးမွှားတွေဟာ မားစ်ဂြိုဟ်ပေါ်မှာ လူသားနေထိုင်ရာနေရာများ ဆောက်လုပ်နိုင်ဖို့ အလားအလာရှိနိုင်ကြောင်း သုတေသီတွေ စဉ်းစားနေကြပါတယ်။

■ ဒီပိုးမွှားလေးတွေက မားစ်ဂြိုဟ်မြေကြီးတွေကို ဆောက်လုပ်ရေးအတွက် လိုအပ်တဲ့ ကွန်ကရစ်လို အရာတွေအဖြစ် ပြောင်းလဲနိုင်သလို သက်ရှိများ ရှင်သန်နိုင်ဖို့လိုအပ်တဲ့ အောက်ဆီဂျင်ကို ထုတ်လုပ်ဖို့လည်း ကူညီနိုင်ပါတယ်။

■ ဒီသုတေသနကနေ မားစ်ဂြိုဟ်ရဲ့ ရင်းမြစ်တွေအသုံးပြုပြီး ကမ္ဘာကနေ ပစ္စည်းများတင်ပို့မယ့် ကုန်ကျစရိတ် လျှော့ချနိုင်ဖို့ ရည်ရွယ်ပါတယ်။

■ မားစ်ဂြိုဟ်က လူသားတွေ နေထိုင်နိုင်မယ့် အလားအလာရှိပေမယ့် တကယ်တမ်းနေထိုင်ဖို့က အခက်အခဲများစွာ ရှိပါတယ်။

■ ရေရှည်ရှင်သန်စေနိုင်မယ့် နေရာတွေ ဆောက်လုပ်မှသာ အာကာသရောင်ခြည် ခံနိုင်ရည်ရှိပြီး အပူချိန်နဲ့ အောက်ဆီဂျင်တို့ ထိန်းညှိနိုင်မှာ ဖြစ်ပါတယ်။

■ စိတ်လှုပ်ရှားစရာအကောင်းဆုံး လေ့လာချက်က အနုဇီဝပိုးမွှားတွေနဲ့ မားစ်ဂြိုဟ်မှပစ္စည်းများ ပေါင်းစပ်ကာ ခံနိုင်ရည်ရှိတဲ့ ဘိလပ်မြေလိုအရာတွေ ပြုလုပ်တဲ့ နည်းလမ်းဖြစ်ပါတယ်။

■ 3D ရုပ်ပုံနည်းပညာများဖြင့် မားစ်ဂြိုဟ်မြေကြီးကို နေထိုင်ရာနေရာများ ဆောက်လုပ်ဖို့ အသုံးချကာ ကမ္ဘာ့ရင်းမြစ်များ မှီခိုမှုကို လျှော့ချနိုင်မှာ ဖြစ်ပါတယ်။

■ Chroococcidiopsis ပိုးမွှားက အသက်ရှူနိုင်တဲ့လေအတွက် အောက်ဆီဂျင် ထုတ်လုပ်ပေးကာ Sporosarcina pasteurii ရဲ့ ထုတ်လွှတ်ပစ္စည်းတွေကတော့ သီးနှံတွေ စိုက်ပျိုးပေါက်ရောက်နိုင်ပါတယ်။

■ ဒီသုတေသနက မားစ်ဂြိုဟ်ပေါ်မှာ လူသားတွေ ရေရှည်နေထိုင်နိုင်ဖို့ အခွင့်အလမ်း ဖြစ်လာနိုင်ပါတယ်။

Source: Daily Galaxy.

ဗင်နီဇွဲလား ကရာကက်စ်မြို့ကို အမေရိကန်တိုက်ခိုက်ပြီးနောက် ဗင်နီဇွဲလားမှ လူထောင်ပေါင်းများစွာဟာ ဘရာဇီးလ်ဘက်သို့ ဖြတ်သန်းရွှေ့ပြောင်းလာကြပါတယ်။

#World_News
Published 29 January 2026
#ဗင်နီဇွဲလားကရာကက်စ်မြို့ #အမေရိကန်
#YMG #Yangon_Times #Yangon_Media_Group

#World_News
Published 29 January 2026

■ အိန္ဒိယမှာ နီပါဗိုင်းရပ်စ် နှစ်ယောက်တွေ့ရှိသဖြင့် ထိုင်း၊ စင်္ကာပူ၊ ဟောင်ကောင်၊ မလေးရှားတို့မှ အာဏာပိုင်တွေဟာ လေဆိပ်မှာ စစ်ဆေးမှုတွေ တိုးမြှင့်ပြုလုပ်ပြီး ရောဂါမပျံ့ပွားအောင် ကြိုးပမ်းနေပါတယ်။

■ ဒီဗိုင်းရပ်စ်ကို အသီးစားလင်းနို့တွေနဲ့ ဝက်တို့လို သတ္တဝါတွေ သယ်ဆောင်ထားပြီး ရောဂါကူးစက်ခံရကာ ဖျားနာခြင်း၊ ဦးနှောက်ရောင်ရမ်းခြင်းတို့ ဖြစ်နိုင်ကာ အသက်ဆုံးပါးနိုင်ခြေ ၄၀ မှ ၇၅ ရာခိုင်နှုန်းကြား ရှိပါတယ်။

■ လူလူချင်း ကူးစက်နိုင်ပေမယ့် ကူးစက်ဖို့မလွယ်ကူဘဲ ရောဂါရှိသူနဲ့ ကြာရှည်ထိတွေ့မှသာ ကူးစက်နိုင်ပါတယ်။

■ များသောအားဖြင့် ရောဂါရှိတဲ့လင်းနို့တွေနဲ့ စားထားတဲ့အသီးတွေထံမှ လူသားတွေဆီ ကူးစက်တာ ဖြစ်ပါတယ်။

■ လူအများကြားမှာ ကူးစက်နိုင်ခြေကတော့ နည်းပါးနေသေးပြီး ကာကွယ်ဆေးအများအပြား ထုတ်လုပ်နေပေမယ့် စမ်းသပ်နေဆဲဖြစ်တယ်လို့ ဗြိတိန် အက်ဆပ်စ်တက္ကသိုလ်မှ မော်လီကျူးဗိုင်းရပ်စ်ပညာ ပို့ချသူ အက်ဖ်စတာသီယော့စ်ဂျီယိုတစ်က ပြောပါတယ်။

■ အိန္ဒိယအနောက်ဘင်္ဂလားမှာ ဒီဇင်ဘာနှောင်းပိုင်းက ကူးစက်ခံရသူနှစ်ဦးဟာ ကျန်းမာရေးလုပ်သားတွေဖြစ်ပြီး ဆေးရုံမှာ ကုသမှုခံယူနေပါတယ်။

■ အိန္ဒိယအာဏာပိုင်တွေက ရောဂါကူးစက်သူတွေနဲ့ ထိတွေ့ထားတဲ့ ၁၉၆ ယောက်ကို လိုက်လံစစ်ဆေးနေပြီး အားလုံးက ဗိုင်းရပ်စ်မရှိပါဘူး။

■ စင်္ကာပူ၊ ဟောင်ကောင်တို့မှာ အပူချိန်တိုင်းတာခြင်းလိုမျိုးတွေ ပြုလုပ်နေပြီး ထိုင်းနိုင်ငံမှာ ကျန်းမာရေးသတိပေးကြေညာချက် ထုတ်ပြန်ထားသလို မလေးရှားနဲ့ နီပေါတို့မှာ နယ်စပ်ကျန်းမာရေး အတိုင်းအတာတွေ တိုးမြှင့်ထားပါတယ်။

■ နီပါဗိုင်းရပ်စ်က အိန္ဒိယနဲ့ ဘင်္ဂလားဒေ့ရှ်တို့မှာ ပျံ့ပွားနေပြီး လက်ရှိမှာ ကာကွယ်ဆေးနဲ့ ကုသဆေးတွေ တရားဝင် မရရှိသေးပါဘူး။

Source: Reuters.