#World_News
Published 15 August 2025

▪️ အိန္ဒိယထိန်းချုပ်ဒေသ ကက်ရှ်မီးယားရှိ ဟိမဝန္တာရွာတစ်ခုမှာ ရေကြီးရေလျှံမှုဖြစ်စဉ်ကြောင့် အနည်းဆုံးလူ ၅၆ ဦးသေဆုံးကာ ဒါဇင်ခန့် ပျောက်ဆုံးနေပါတယ်။

▪️ ချာဆိုတီ၊ ဂျမ်မူ၊ ကက်ရှ်မီးယားတို့မှာ မိုးတွေတဟုန်ထိုးရွာသွန်းခဲ့တာဖြစ်ပါတယ်။

▪️ ကြာသပတေးနေ့ ဒေသစံတော်ချိန် နံနက် ၁၁ နာရီခွဲမှာ ရေကြီးခဲ့တာဖြစ်ပြီး ဘုရားဖူး ၂၀၀ ကျော်ရှိနေတဲ့ ထမင်းစားဆောင်ကြီးအပြင် လုံခြုံရေးဂိတ်၊ ကားများ၊ မော်တော်ဆိုင်ကယ်များ ပျက်စီးသွားပါတယ်။

▪️ ကနဦးခန့်မှန်းချက်များအရ အနည်းဆုံး လူ ၈၀ လောက်ပျောက်ဆုံးနေကာ အပျက်အစီးတွေအောက် ပိတ်မိနေသူတွေလည်း ရှိနိုင်ပါတယ်။

▪️ ကယ်ဆယ်ရေးအဖွဲ့တွေက လူ ၂၀၀ ခန့်ကို ဘေးကင်းရာသို့ ကယ်ဆယ်ခဲ့ပေမယ့် အနည်းဆုံး ၅၀ ခန့် အပြင်းအထန် ဒဏ်ရာရခဲ့ကာ ဒေသတွင်းဆေးရုံတွေမှာ ဆေးကုသမှု ခံယူနေပါတယ်။

▪️ စစ်တပ်၊ လေကြောင်းတပ်ဖွဲ့တွေဖြင့် ကယ်ဆယ်ရေးတွေ လုပ်ဆောင်နေတယ်လို့ ခစ်ရှ်ဝါခရိုင်ခွဲကော်မရှင်နာ ရာမက်ရှ်ကူမာက ပြောပါတယ်။

▪️ ဟိမဝန္တာမှာဖြစ်နေကျအတိုင်း တစ်နာရီကို ၁၀၀ မီလီမီတာနှုန်းကျော်ဖြင့် ရုတ်တရက် မိုးအကြီးအကျယ်ရွာချခြင်းကြောင့် ရေကြီးရတာဖြစ်တယ်လို့ အိန္ဒိယသိပ္ပံနှင့်နည်းပညာ လက်ထောက်ဝန်ကြီးက ပြောပါတယ်။

▪️ ဝန်ကြီးချုပ် နာရန်ဒရာမိုဒီကတော့ အခြေအနေကို အနီးကပ်စောင့်ကြည့်နေပြီး ရေဘေးသင့်သူများအတွက် ဆုတောင်းမေတ္တာပို့ပါကြောင်း ပြောထားပါတယ်။

▪️ မကြာသေးမီကပဲ အိန္ဒိယ ဥတ္တရခန်ပြည်နယ်နဲ့ တရုတ်မြောက်ပိုင်းတို့မှာလည်း အလားတူရေကြီးမှုများကြောင့် ပျက်စီးမှုများဖြစ်ထားပါတယ်။

Source: The Sun

#World_Science
Published 15 August 2025

▪️ ပင့်ကူတွေ၊ ကင်းမြီးကောက်တွေလိုမျိုး မျိုးနွယ်တွေက ကုန်းမြေသတ္တဝါတွေကနေ ဆင်းသက်လာတယ်လို့ သိပ္ပံပညာရှင်တွေ ယူဆခဲ့ကြပေမယ့် ယခုနောက်ဆုံးဆန်းစစ်ချက်မှာတော့ နှစ်သန်းပေါင်း ၅၀၀ ခန့်သက်တမ်းရှိတဲ့ ရုပ်ကြွင်းတွေအရ သူတို့ဟာ သမုဒ္ဒရာတွေကနေ အစပြုတာဖြစ်နိုင်တယ်လို့ ယူဆလာပါတယ်။

▪️ Mollisonia symmetrica လို့ခေါ်တဲ့ ရုပ်ကြွင်းဟာ မြင်းခွာဂဏန်းတွေရဲ့ ကနဦးသတ္တဝါများဖြစ်မယ်လို့ ထင်ခဲ့ကြပြီး ဒီရုပ်ကြွင်းရဲ့ အာရုံကြောတည်ဆောက်ပုံက စိတ်ဝင်စားစရာ ဖြစ်လာပါတယ်။

▪️ Mollisonia ရဲ့ အာရုံကြောစနစ်က ပင်လယ်အဆစ်များသတ္တဝါတွေနဲ့ လက္ခဏာ တူညီပြီး ပင့်ကူမျိုးနွယ်တွေက ကုန်းပေါ်မှာ မနေထိုင်နိုင်ခင် သမုဒ္ဒရာရှေးဟောင်းသတ္တဝါတွေကနေ ဆင့်ကဲပြောင်းလဲလာခဲ့ပုံ ရှိပါတယ်။

▪️ ပင်လယ်ထဲကနေ ကုန်းပေါ်သို့ ရောက်လာပုံက သူတို့ရဲ့ အာရုံကြောကွန်ရက်စနစ်တွေ အချိန်ကြာလာတာနဲ့အမျှ အလိုက်သင့်ပြောင်းလဲလာတာ ဖြစ်နိုင်ပါတယ်။

▪️ Mollisonia ရဲ့ ထူးခြားတဲ့ အာရုံကြောအဖွဲ့အစည်းက အစောပိုင်းပင့်ကူမျိုးနွယ်တွေ လမ်းလျှောက်ခြင်း၊ ပင့်ကူမျှင်ထုတ်ခြင်း၊ ကုန်းပေါ်မှာ အသက်ရှင်သန်နိုင်ခြင်းတို့အတွက် အထောက်အကူဖြစ်နိုင်ဖွယ် ရှိပါတယ်။

▪️ ဒီတွေ့ရှိချက်က ပင့်ကူမျိုးနွယ်ဆင့်ကဲပြောင်းလဲခြင်းအကြောင်း နားလည်ပုံကို ပြန်လည်ပုံဖော်နိုင်ဖွယ်ရှိကာ အခြားသော ပင်လယ်ပြင်မှ ကုန်းမြေသို့ ဆင့်ကဲပြောင်းလဲခြင်းနဲ့ ပတ်သက်ပြီး မေးခွန်းထုတ်စရာတွေ ဖြစ်လာပါတယ်။

Source: Daily Galaxy

#World_Health
Published 15 August 2025

▪️ ခန္ဓာကိုယ်ထဲကဆီးတွေ ပါဝင်မှုများလွန်းပြီး ခဲကပ်သွားတဲ့အခါ ကျောက်ကပ်ထဲမှာ ကျောက်တည်လာပါတယ်။

▪️ အရွယ်အစား အမျိုးမျိုးဖြစ်နိုင်ပြီး ဆီးလမ်းကြောင်းထဲ ဖြတ်သန်းတဲ့အခါ နာကျင်ရပါတယ်။

▪️ အချို့သော အစားအစာတွေက ဆီးထဲက အောက်ဆဲလိတ်၊ ကယ်စီယမ်၊ ယူရစ်အက်ဆစ်၊ ဆိုဒီယမ်တို့ များလာနိုင်ပြီး ကျောက်ကပ်ထဲကျောက်တည်နိုင်စေပါတယ်။

▪️ ဒါကြောင့် ကျောက်တည်တဲ့သူတွေအနေနဲ့ ရှောင်ရှားသင့်တဲ့ အစားအစာတွေကို မျှဝေလိုက်ပါတယ်။

▪️ (၁) ဟင်းနုနွယ် - အောက်ဆဲလိတ်များပါဝင်များကာ ကျောက်ကပ်ထဲမှာ ကယ်စီယမ်နဲ့ ပေါင်းစည်းပြီး ကျောက်ဖြစ်နိုင်ပါတယ်။

▪️ (၂) သကြားမုန်လာ - သူ့မှာလည်း အောက်ဆဲလိတ် ပါဝင်မှုများကာ ပုံမှန်သောက်သုံးပါက ဆီးထဲမှာ များလာပြီး ကျောက်ဖြစ်နိုင်စေပါတယ်။

▪️ (၃) အခွံမာသီးနှင့်အစေ့များ - ဗာဒံစေ့၊ သီဟိုဠ်စေ့၊ မြေပဲတို့က အသင့်အတင့်စားရင် ကောင်းပေမယ့် ကျောက်ကပ်ကျောက်ရှိသူတွေမှာတော့ အများအပြားစားရင် ရောဂါပိုဆိုးစေနိုင်ပါတယ်။

▪️ (၄) ချောကလက် - သူ့မှာလည်း အောက်ဆဲလိတ်မြင့်မားစွာ ပါဝင်တာကြောင့် အများအပြားစားသုံးရင် ကျောက်ကပ်ကျောက်ဖြစ်နိုင်ပါတယ်။

▪️ (၅) လက်ဖက်ခြောက် - အောက်ဆဲလိတ်မြင့်မားစွာ ပါဝင်တာကြောင့် ရေအလုံအလောက် မသောက်ပါက ကျောက်ဖြစ်နိုင်ပါတယ်။

▪️ (၆) အသားကြီး - ခန္ဓာကိုယ်ထဲမှာ ယူရစ်အက်ဆစ်များစေကာ များလွန်းပါက ယူရစ်အက်ဆစ်ကျောက်များ ဖြစ်စေနိုင်ပါတယ်။

▪️ (၇) ဆိုဒီယမ်မြင့်မားသော အဆင့်ဆင့်ထုပ်ပိုးအစားအစာ - ဆိုဒီယမ်များတဲ့ အစားအစာတွေက ဆီးထဲမှာ ကယ်စီယမ် ပိုမိုစွန့်ထုတ်ကာ ကယ်စီယမ်ကျောက်ဖြစ်နိုင်ခြေ များစေပါတယ်။

▪️ (၈) ကိုလာနှင့်အချိုရည်များ - ကိုလာက ဖော့စ်ဖရစ်အက်ဆစ်ပါဝင်သလို အချိုယမကာတွေမှာလည်း ယူရစ်အက်ဆစ်များတာကြောင့် ကျောက်ကပ်ကျောက်တည်နိုင်ခြေ များပါတယ်။

▪️ (၉) ရူဗတ် - အောက်ဆဲလိတ်ကြွယ်ဝကာ ဆီးထဲမှာ ပမာဏများစေပြီး စူးရှတဲ့အချဉ်ဓာတ်က ကျောက်ကပ်ကျောက်ဖြစ်ခြင်းကို သက်ရောက်စေပါတယ်။

▪️ (၁၀) ဗိုက်တာမင်စီ ဖြည့်စွက်ဆေးများ - ဗိုက်တာမင်စီများလွန်းရင် ခန္ဓာကိုယ်ထဲမှာ အောက်ဆဲလိတ်အဖြစ် ပြောင်းလဲပြီး အောကဆဲလိတ်ကျောက်များ ဖြစ်နိုင်ခြေများစေနိုင်ပါတယ်။

Source: DoctorNDTV

ပေကျင်းမှာပြုလုပ်မယ့် ပထမဆုံးသော လူသားပုံစံစက်ရုပ် ကမ္ဘာ့အားကစားပွဲတွေမတိုင်မီ လူသားပုံစံစက်ရုပ် ဘောလုံးသမားတွေဟာ အပြင်းအထန် ခြေစစ်ပွဲတွေ ယှဉ်ပြိုင်နေကြပါတယ်။

#World_Event
Published 14 August 2025
#လူသားပုံစံစက်ရုပ် #ပေကျင်း
#YMG #Yangon_Times #Yangon_Media_Group

ဩဂုတ်၁၄၊ ၂၀၂၅ -

▪️ဗုဒ္ဓဟူးနေ့က ဖက်ဒရယ်အယူခံတရားရုံးတစ်ခုက သမ္မတထရမ့်ကို အနိုင်ပေးလိုက်ပါတယ်။ အစိုးရအဖွဲ့  အနေနဲ့ ကွန်ဂရက်က နိုင်ငံခြားအကူအညီအတွက် ရည်ရွယ်ထားတဲ့ ဒေါ်လာဘီလျံပေါင်းများစွာကို ဆက် ပြီးရပ်ဆိုင်းထားနိုင်၊ ဒါမှမဟုတ် ရပ်ပစ်နိုင်တယ်လို့ တရားရုံးက စီရင်လိုက်ပါတယ်။

▪️အမေရိကန်  ပြည် ထောင်စုရဲ့ ကိုလံဘီယာခရိုင်တရားရုံးရဲ့ အယူခံတရားသူကြီးအဖွဲ့က ၂-၁ မဲနဲ့ ဆုံးဖြတ်ခဲ့တာဖြစ်ပြီး ဒီအမှု ကို တရားစွဲဆိုသူတွေဖြစ်တဲ့ နိုင်ငံတကာအကူအညီပေးရေးအဖွဲ့တွေဟာ တရားစွဲဆိုခွင့်  မရှိဘူးလို့ ပြော  ပါတယ်။ နိုင်ငံခြားအကူအညီတွေကို ရပ်ဆိုင်းပစ်တာဟာ သမ္မတအနေနဲ့ ဇန်နဝါရီလမှာ ရာထူး  စတင်ယူတဲ့ ပထမဆုံးနေ့မှာပဲ လုပ်ဆောင်ခဲ့တဲ့ လုပ်ရပ်ဖြစ်ပါတယ်။

▪️ပြဿနာဖြစ်နေတဲ့ ဒီငွေတွေထဲမှာ စက်တင်ဘာလအထိ ကမ္ဘာလုံးဆိုင်ရာ ကျန်းမာရေး အစီအစဉ် တွေအတွက် ဒေါ်လာ ၄ ဘီလီယံနီးပါးနဲ့ ၂၀၂၈ ခုနှစ်အထိ HIV နဲ့ AIDS အစီအစဉ်တွေအတွက် ဒေါ်လာ ၆ ဘီလီယံကျော် ပါဝင်ပါတယ်။

▪️သမ္မတ ထရမ့်ကတော့ နိုင်ငံရပ်ခြားမှာ ရောဂါဖြစ်ပွားမှုနဲ့ ဆင်းရဲနွမ်းပါးမှုကို တိုက်ဖျက်ဖို့အတွက် သုံးစွဲ  နေတဲ့ နိုင်ငံခြားအကူအညီပေးရေးအစီအစဉ်တွေကို "အလဟဿ" လို့ ပြောဆိုခဲ့ပါတယ်။ အစိုးရအဖွဲ့က နှစ်စဉ် ကမ္ဘာလုံးဆိုင်ရာ ကျန်းမာရေးနဲ့ ဖွံ့ဖြိုးတိုးတက်ရေး အစီအစဉ်တွေအတွက် ဒေါ်လာ ဘီလီယံ ၃၀ လောက်ကို ကြီးကြပ်စီမံခဲ့တဲ့ အမေရိကန်နိုင်ငံတကာဖွံ့ဖြိုးတိုးတက်ရေးအေဂျင်စီကိုလည်း ဖျက်သိမ်းခဲ့ပါတယ်။

▪️နိုင်ငံခြားအကူအညီ ထောက်ပံ့ငွေ ရရှိနေတဲ့ နိုင်ငံတကာ အကူအညီပေးရေးအဖွဲ့တွေက ဖေဖော်ဝါရီလ ၁၀ ရက်နေ့မှာ အစိုးရအဖွဲ့ကို တရားစွဲခဲ့ကြပါတယ်။ မတ်လမှာ အမေရိကန် ခရိုင်တရားသူကြီး Amir Ali က အစိုးရအဖွဲ့ဟာ ကွန်ဂရက်က သတ်မှတ်ပေးထားတဲ့ရန်ပုံငွေတွေကို ဥပဒေနဲ့မညီဘဲ ရပ်ဆိုင်းခဲ့တယ် လို့ ပြောကြားခဲ့ပြီး ရန်ပုံငွေရပ်ဆိုင်းမှုအပေါ် ကနဦးတားမြစ်မိန့်ကို ထုတ်ပြန်ခဲ့ပါတယ်။

▪️ဗုဒ္ဓဟူးနေ့က စီရင်ချက်က အောက်တရားရုံးရဲ့ ကနဦးတားမြစ်မိန့်ကို ပြောင်းပြန်လှန်ခဲ့ပေမဲ့၊ ကွန်ဂရက် က ခွဲဝေချထားပေးထားတဲ့ ရန်ပုံငွေတွေကို ရပ်ဆိုင်းပစ်တာဟာ ဖွဲ့စည်းပုံအခြေခံဥပဒေနဲ့ ညီ၊ မညီ ဆိုတာကိုတော့ တရားသူကြီးအဖွဲ့က အဆုံးအဖြတ်မပေးခဲ့ပါဘူး။

Source NPR

#World_News
Published 14 August 2025

▪️ J-pop ကြယ်ပွင့် ကင်ရှင် ကာမီမူရာ က မတ်လကပွဲတစ်ခုအတွင်း သူ့ရဲ့စကားပြန်အဖြစ် ဆောင်ရွက်ခဲ့တဲ့ အမျိုးသမီးတစ်ဦးကို မဖွယ်မရာပြုကျင့်မှုဖြင့် ပြစ်မှုကျူးလွန်ကြောင်း ဟောင်ကောင်တရားရုံးတစ်ခုက ဗုဒ္ဓဟူးနေ့မှာ ဆုံးဖြတ်ခဲ့ပါတယ်။

▪️ အသက် ၂၆ နှစ်ရှိတဲ့ ကာမီမူရာဟာ One N'Only အဖွဲ့ဝင်ဟောင်းတစ်ဦးဖြစ်ခဲ့သူပါ။

▪️ ဧပြီလက အပြစ်မရှိဘူးလို့ဝန်ခံကာ ဇူလိုင်လတရားရုံးထုတ်စဉ်က သစ္စာထွက်ဆိုခြင်း မရှိခဲ့ပါဘူး။

▪️ ကာမီမူရာရဲ့ အပြုအမူက အမျိုးသမီးတွေအပေါ် မလေးစားတဲ့ပုံစံ ထင်ရှားတယ်လို့ တရားသူကြီး ပီတာယုက ပြောပါတယ်။

▪️ ဒီလိုအပြုအမူမျိုးကို ရှုတ်ချသင့်တယ်လို့ဆိုလိုက်ကာ သူ့ရဲ့ရှေ့နေက ဒဏ်ကြေးပေးဆောင်ရန်သာ တိုက်တွန်းခဲ့သဖြင့် ဟောင်ကောင်ဒေါ်လာတစ်သောင်းခွဲ ချမှတ်ခဲ့ပါတယ်။

▪️ ပြစ်ဒဏ်ချမှတ်မှုကို နာကြားတဲ့အချိန်မှာ ကာမီမူရာက သူ့ရဲ့တရားရုံးဘာသာပြန်ကို ပွေ့ဖက်ခဲ့ပြီး ပရိသတ်တွေကတော့ ခန်းမထဲမှာ ငိုကြွေးနေကြပါတယ်။

▪️ မတ်လ ၁ ရက်နေ့ ဟောင်ကောင် ပရိသတ်တွေ့ဆုံပွဲတစ်ခုအတွင်း ကာမီမူရာနဲ့ သရုပ်ဆောင် ဂျွန်ဆေးမိုတိုဂျီမာတို့က အမျိုးသမီးတစ်ဦးကို စကားပြန်အဖြစ် ခန့်အပ်ခဲ့ပါတယ်။

▪️ ညစာစားပွဲမှာ ကာမီမူရာက အမျိုးသမီးနားကို ရွှေ့ပြောင်းထိုင်ခဲ့ပြီး ခြေထောက်ကို ထိတွေ့ခဲ့ကာ ရေချိုးခန်းထဲသွားဖို့ ပြောခဲ့ပါတယ်။

▪️ အမျိုးသမီးက ငြင်းဆန်ခဲ့ပြီးနောက် ထထွက်သွားရာမှာ ကာမီမူရာက ပိတ်ကာခဲ့ပြီး နောက်တစ်ခါ ထပ်ပြောခဲ့ပြန်ပါတယ်။

▪️ အမျိုးသမီးက နေရာမှာပြန်ထိုင်ပြီးနောက် ကာမီမူရာလည်း ပြန်လာထိုင်ကာ ပြန်လည်တောင်းပန်ခဲ့ပါတယ်။

▪️ ကာမီမူရာရဲ့ ရှေ့နေကတော့ သူ့အမှုသည်က ခြိမ်းခြောက်တဲ့သဘော မရည်ရွယ်ဘူးလို့ ဆိုပါတယ်။

▪️ ကာမီမူရာအနေနဲ့ ဒီအဖြစ်အပျက်အတွက် တန်ဖိုးကြီးကြီးမားမား ပေးဆပ်လိုက်ရသလို ကုမ္ပဏီကနေချက်ချင်းအထုတ်ခံရတယ်လို့ တရားသူကြီးက ပြောသွားပါတယ်။

Source: Reuters