Published 20 Nov 2022

အမေရိကန်ပြည်ထောင်စု နယူးယောက်မြို့ အနောက်ပိုင်းနှင့်မြောက်ပိုင်းတစ်လျောက်မှာ အချိန်ကြာမြင့်လှတဲ့ နှင်းမုန်တိုင်းကြီးတစ်ခု စနေနေ့က တိုက်ခတ်သွားတဲ့အတွက်  ဘတ်ဖဲလိုးမြို့မှာ နှင်းထုတွေ အောက် ကျရောက် သွားရပါတယ်။

သမိုင်းဝင်လောက်အောင်ကြီးမားတဲ့ နှင်းမုန်တိုင်းကြီးကြောင့် အချို့နေရာတွေမှာဆိုရင် နှင်းတွေဟာ ၆ပေကျော်အမြင့်အထိ ဖုံးအုပ်သွားခဲ့ပြီး လမ်းတွေပိတ်သွားပါတယ်။ ကားတွေနှင့် လေယာဉ်တွေ မောင်းနှင်ပျံသန်းမှုတွေ ရပ်နားပစ်လိုက်ရပါတယ်။

“ကျွန်မတိုဘာတတ်နိုင်မှာလဲ,,ဒါဟာ သဘာဝမိခင်ကြီးပဲလေ” လို့ နှင်းမုန်တိုင်းကျပြီးတဲ့နောက် နှင်းတွေကိုရှင်းလင်း ရေးလုပ်နေတဲ့ ဘတ်ဖဲလိုဒေသခံတစ်ဦးဖြစ်တဲ့ ဆီဗီယာရီဗာယာက ပြောပါတယ်။

အဲဒီနှင်းမုန်တိုင်းကြောင့် နှင်းတွေကိုကြိုးစားရှင်းနေတဲ့ ဒေသခံနှစ်ဦးဟာ နှလုံးဖောက်ပြီးသေဆုံးသွားရတယ်လို့ အီရီ စီရင်စု အရာရှိ မတ်ခ် ပိုလွန်ကတ်ဇ်က ပြောပါတယ်။

နှင်းတွေကျတာဟာ သူ့မြို့အတွက် အထူးအဆန်းမဟုတ်ပေမယ့် ဒီတစ်ခါကတော့ အရင်ကျတာတွေထက် အတော့်ကို များလွန်းတယ်လို့လည်း ဘတ်ဖဲလို မြို့တော်ဝန် ဘိုင်ရွန်ဘရောင်းက စီအင်န်အင်န်သတင်းဌာနကိုပြောပါတယ်။

တနင်္လာ ဒါမှမဟုတ် အင်္ဂါနေ့လောက်ရောက်မှ မြို့ကပုံမှန်ပြန်ဖြစ်နိုင်တယ်လို့လည်း သူကပြောပါတယ်။

Source: AFP(Video)/CNN

#Buffalo_U.S

#Historic_Snow_Storm_US

#New_York_Snow_Storm

Published 20 Nov 2022

✅ သမ္မတဟောင်း ဒေါ်နယ်ထရမ့်ရဲ့ တွစ်တာ အကောင့်ကို ဘီလျံနာအီလွန်မတ်ခ်ပိုင်ဆိုင်သွားတဲ့ ဆိုရှယ်မီဒီယာ တွစ်တာကုမ္ပဏီကနေ  ပြန်အသုံးပြုခွင့်ပေးလိုက်

✅ မတ်စ်ခ်က သောကြနေ့နှင့်စနေနေ့တုန်းက  တွစ်တာအသုံးပြုသူတွေကို “ ထရမ့်ကို တွစ်တာအကောင့်ပြန်ပေးသင့် မသင့်” မဲပေးခိုင်းခဲ့

✅ အဲဒီအခါ “ထရမ့်ကို တွစ်တာအကောင့်ပြန်ပေး” ဖို့ မဲတွေက နှာတစ်ဖျားနှင့် အသာရသွားပြီးနောက် “ ထရမ့်ကို ပြန်ပေးဖို့ လူတွေက အသံထွက်ခဲ့ပြီ” လို့ မတ်ခ်က တွစ်တာတွင်ပို့စ်ရေးခဲ့

✅ ထရမ့်ကိုထောက်ခံသူတွေက အမေရိကန်ကပ္ပီတိုလ်အဆောက်အအုံကို ပြီးခဲ့တဲ့နှစ် ဇန်နဝါရီ(၆)ရက်က ချင်းနင်းဝင်ရောက်ပြီးနောက် တွစ်တာက ထရမ့်အကောင့်ကို ပထမဆုံးပိတ်ခဲ့

✅ အဲဒီနောက် အခြား ဖေ့စ်ဘုတ်ခ်၊အင်စတာဂရမ်၊ယူကျု၊စနက်ပ်ရှော့၊တွစ်ချ်နှင့်အခြား အင်တာနက် ကုမ္ပဏီတွေက လည်း ထရမ့်အကောင့်တွေကိုပိတ်

✅ ထရမ့်ဟာ တွစ်တာအပေါ်မှာ ၂၀၂၁ ဇန်နဝါရီ (၈)ရက်မှာ နောက်ဆုံးပို့တင်ခဲ့

✅ တွစ်တာကိုပြန်လာမလားလို့ မေးတဲ့အခါ ထရမ့်က “ အဲဒီအတွက် ကျွန်တော့်မှာ အကြောင်းပြချက်မတွေ့ဘူး” လို့ ပြန်ဖြေပြီး သူ့အနေနှင့်သူ့ရဲ့ကိုယ်ပိုင်  Truth Social. ပလက်ဖောင်းကိုဆက်သုံးနေမှာဖြစ်တယ်လို့ပြော

Source: AP, Reuters

#Twiite_Resume_Trump’s_Account

#Trump_Twitter

#Elon_Musk_Twitter

#World_Health
Published 20 November 2022

နိုဝင်ဘာ ၁၇ ရက်နေ့က ကိုယ်ဝန်လမစေ့ဘဲမွေးတဲ့ အထိမ်းအမှတ်နေ့ဖြစ်ပြီး အစ္စရေးလ်မှလက်သည်များအဖွဲ့အစည်းက မှတ်သားဖွယ်ရာများကို ဖော်ပြပေးလိုက်ပါတယ်။

ကိုယ်ဝန်သက်တမ်း ၃၇ ပတ်မတိုင်ခင် ကလေးမွေးဖွားခြင်းကို လမစေ့ဘဲမွေးတယ်လို့ သတ်မှတ်ပြီး ပုံမှန်ဆိုရင်တော့ ကိုယ်ဝန်သက်တမ်းရက်သတ္တပတ် ၄၀ ခန့်မှာ မွေးဖွားလေ့ရှိပါတယ်။

ကမ္ဘာတဝှမ်းမှာ ကလေး ၁၀ ယောက်မွေးတိုင်း လမစေ့ဘဲမွေးဖွားခြင်းက ၁ ယောက်နှုန်းဖြစ်ပေါ်နေပြီး နှစ်စဉ် ကလေး ၁၅ သန်းခန့်က လမစေ့ဘဲမွေးနေကြပါတယ်။

လမစေ့ဘဲမွေးဖွားခြင်းကို ဖြစ်စေတဲ့အကြောင်းအရင်းတွေရှိနေပြီး အချို့တဝက်သာ သိထားပါသေးတယ်။

- အရင်က လမစေ့ဘဲမွေးဖွားဖူးခြင်း

- သားအိမ်ခေါင်း မူမမှန်ခြင်း

- သွေးပေါင်ချိန်များခြင်း

- ရင်ကြပ်ဝေဒနာ

- ဆီးချို

- နှလုံးရောဂါ

- ဆေးလိပ်သောက်တတ်ခြင်း

- အရက်သေစာသုံးစွဲတတ်ခြင်း

- ဆေးဝါးသုံးစွဲခြင်း

- ကိုယ်ဝန်ဆောင်စဉ် ကိုယ်အလေးချိန်ကျလွန်းခြင်း၊ တိုးလွန်းခြင်း တို့ကြောင့်ဖြစ်နိုင်ပါတယ်။

ကိုယ်ဝန်သက်တမ်းမစေ့ခင် မွေးဖွားခြင်းကြောင့် ပြဿနာအချို့ကြုံတွေ့ရနိုင်ပြီး အသက်သေဆုံးနိုင်ချေရှိနေပါတယ်။

ဒါကြောင့် မွေးပြီးပြီးချင်းကလေးငယ်တွေကို ဆေးရုံမှာထားပြီး အထူးကြပ်မတ်စောင့်ရှောက်ရတာပါ။

၂၈ ပတ်မတိုင်ခင် မွေးတဲ့ကလေးတွေဟာ ဘေးအန္တရာယ်များစွာရှိပေမယ့် ၃၄ ပတ်နောက်ပိုင်းမှ မွေးတဲ့ကလေးတွေကတော့ ပိုပြီးတည်ငြိမ်စိတ်ချရပါတယ်။

အရေးကြီးတာကတော့ ကိုယ်ဝန်လမစေ့ဘဲ ပိုပြီးစောစောမွေးလေ ဆေးရုံမှာ ကြပ်မတ်စောင့်ရှောက်မှု ပိုပြီးလိုအပ်လေဖြစ်ပါတယ်။

Source: The Jerusalem Post
#Yangon_Media_Group

#World_Health
Published 20 November 2022

နာမည်ကြီးဖြည့်စွက်အားဆေးတစ်မျိုးဟာ ကင်ဆာဖြစ်ပွားနိုင်ချေရှိကြောင်း လေ့လာတွေ့ရှိထားပါတယ်။

ဗိုက်တာမင်-ဘီ၃ ဖြစ်တဲ့ နီကိုတင်နမိုက်ရိုင်ဘိုဆိုက်ဒ်(NR)ဟာ အိုမင်းရင့်ရော်ခြင်းကို ကာကွယ်ပေးပြီး ကိုလက်စ်ထရောများခြင်းနဲ့ သွေးပေါင်ချိန်တိုးခြင်းတို့ကို လျှော့ချနိုင်စွမ်းရှိတယ်လို့ ကြော်ငြာရောင်းချနေကြပါတယ်။

ဒါပေမဲ့ မစ်ဆူရီ-ကိုလံဘီယာတက္ကသိုလ်ရဲ့ လေ့လာချက်မှာတော့ NR ကို ကြွက်တွေမှာစမ်းသပ်ရာမှာ ရင်သားကင်ဆာဖြစ်နိုင်ချေများပြီး ဦးနှောက်သို့ပျံ့ပွားသွားနိုင်ကြောင်း တွေ့ရှိရပါတယ်။

NR ဆေးတောင့်တစ်တောင့်ကို ၀.၆ ဒေါ်လာဖြင့် ဆေးဆိုင်တွေနဲ့ အမေဇုန်တို့မှာ ဝယ်ယူရရှိနိုင်ပါတယ်။

ထိုဖြည့်စွက်စာဟာ ခန္ဓာကိုယ်ထဲမှာ နီကိုတင်နမိုက်အက်ဒီနင်ဒိုင်နျူကလီယိုတိုက်(NAD+) အဖြစ်ပြောင်းလဲပေးပြီး ဆဲလ်တွေကို အားဖြည့်စေပါတယ်။

ကင်ဆာဆဲလ်တွေက အဆိုပါစွမ်းအင်တွေကို အသုံးချပြီးတော့ ကင်ဆာပျံ့ပွားစေတာဖြစ်တယ်လို့ သုတေသီတွေက ဆိုပါတယ်။

လူတွေက ဗိုက်တာမင်ဖြည့်စွက်အားဆေးဆိုတာနဲ့ပဲ ကောင်းတယ်ထင်ပြီး သောက်သုံးကြပေမယ့် တကယ်ဖြစ်ပျက်တာတွေကို သိပ်မသိကြပါဘူး။

အမေရိကန်မှာ ဖြည့်စွက်အားဆေးလုပ်ငန်းတွင်ကျယ်လျက်ရှိပြီး လူဦးရေတဝက်ကျော်လောက်က ပုံမှန်သောက်သုံးလျက်ရှိပါတယ်။
အားဆေးဗူးတွေမှာ အကျိုးအာနိသင်တွေအကြောင်း အကျယ်တဝင့်ရေးထားကြပေမယ့် အားဆေးအများစုကတော့ ကျန်းမာရေးအကျိုးရလဒ် သိသာပြောင်းလဲခြင်းမရှိကြောင်း လတ်တလောဖော်ပြနေကြပါတယ်။

ကင်ဆာရှိတဲ့ကြွက်တွေမှာ NR ထိုးပေးပြီး နေ့စဉ်သတ်မှတ်ချက်ဖြစ်တဲ့ ၂၅၀ မီလီဂရမ်ထက် အဆ ၄၀၀ များပြားအောင် ပေးခဲ့ပါတယ်။

NR ပေးတဲ့ကြွက် ၁၁ ကောင်ထဲက ၉ ကောင်ဟာ ကင်ဆာဆဲလ်ပိုမိုပျံ့ပွားလာပြီး သာမန်ကြွက် ၁၂ ကောင်ထဲက ၃ ကောင်သာ ကင်ဆာပျံ့နှံ့ခဲ့ပါတယ်။

ကင်ဆာဆဲလ်တွေက မူလနေရာကနေ ဦးနှောက်ဆီရောက်သွားကာ အသက်အန္တရာယ်ပါ ဆုံးရှုံးနိုင်ပါတယ်။

အဆိုပါဖြည့်စွက်အားဆေးရဲ့ ဘေးထွက်ဆိုးကျိုးတွေအကြောင်း နောက်ထပ်စစ်ဆေးမှုတွေ ပြုလုပ်ဖို့ လိုအပ်ပါသေးတယ်။

Source: Daily Mail
#Yangon_Media_Group

Published 19 Nov 2022

ကာတာကမ္ဘာ့ဖလားဘောလုံးပြိုင်ပွဲမှာ အက်ဒီဒက်စ် Adidas ရဲ့ တရားဝင် နည်းပညာဘောလုံးကို နည်းပညာအသစ်နှင့် ပေါင်းစပ်ပြီး  ပြိုင်ပွဲတွေမှာ အသုံးပြုမှာဖြစ်ပါတယ်။

SAOT လို့ အတိုကောက်ခေါ်ကြတဲ့ ဆီမီးအော်တိုမက်တစ် လူကျွံဘောနည်းပညာကို ၂၀၂၂ ကမ္ဘာ့ဖလားအတွက် အက်ဒီဒက်စ်ရဲ့ တရားဝင်နည်းပညာဘောလုံး Al Rihla နှင့် ချိတ်ဆက်အသုံးပြုမှာမို့ ဒိုင်လူကြီးတွေအတွက် ပိုမိုမြန်ဆန်တိကျမှုရှိပြီး တစ်သတ်မတ်တည်း ဖြစ်မယ့် ဆုံးဖြတ်ချက်တွေ ချရာမှာ အထောက်အကူပြုလိမ့်မှာဖြစ်ပါတယ်။

SAOT နည်းပညာအရ ဘောလုံးအားကစားရုံရဲ့ အမိုးအောက်မှာ ဘောလုံးကို ခြေရာခံလိုက်မယ့် ရွေ့လျားကင်မရာ ၁၂ လုံးကို တပ်ဆင်မှာဖြစ်ပါတယ်။ အဲဒီအပြင် ကင်မရာတွေက ကစားသမားတစ်ဦးချင်းစီရဲ့ အချက်အလက်အမှတ်အသား ၂၉ နေရာ အထိ တစက္ကန့်ကို အကြိမ်၅၀အထိ ခြေရာခံမှတ်တမ်းတင်ပေးပါလိမ့်မယ်။ အဲဒီနောက် ကွင်းထဲမှာရှိနေတဲ့ တစ်ဦးချင်းစီရဲ့ တည်နေရာအတိအကျကို တွက်ချက်ပေးမှာဖြစ်ပါတယ်။ အဲဒီ ၂၉နေရာထဲမှာ  လူကျွံဘောဖမ်းဖို့ အရေးကြီးတဲ့ ကစားသမားတွေရဲ့ခြေလက်အစိတ်အပိုင်းနှင့် ခြေဖျား လက်ဖျားတွေလည်းပါဝင်ပါတယ်။

Source: AFP

#FIFA_Qatar_Worldcup

#SAOT_FIFA

#offside_tech_FIFA

https://fb.watch/gUiiY3EDap/

#World_Internet
Published 19 November 2022

အိန္ဒိယမှ အချက်အလက်စစ်ဆေးရေးအဖွဲ့ဟာ သတင်းမှားများ၊ အွန်လိုင်းအလွဲသုံးစားမှုများ၊ ဥပဒေရေးရာခြိမ်းခြောက်မှုများနဲ့ ရင်ဆိုင်နေရပါတယ်။

#Yangon_Media_Group