#World_Health
Published 14 March 2023

အချိန်နဲ့အမျှ သဘာဝအတိုင်းစုပြုံလာတဲ့ အဆိပ်‌အတောက်အဆီပစ္စည်း ၂ မျိုးကို ဖယ်ရှားလိုက်ခြင်းဖြင့် အိုမင်းရင့်ရော်ခြင်းကို ဟန့်တားစေနိုင်ကာ ကိုယ်အလေးချိန်အနည်းချိန် ကျဆင်းစေနိုင်ကြောင်း လေ့လာတွေ့ရှိထားပါတယ်။

အသက်အရွယ်ကြီးတာနဲ့အမျှ သဘာဝအတိုင်း ပိုမိုစုပြုံလာတဲ့ ဂလစ်စရောလ်နဲ့ ဂလစ်စရယ်လ်ဒီဟိုက်တို့ကို ချေဖျက်ခြင်းဖြင့် အသက်ပိုရှည်နိုင်ကြောင်း ဗာဂျီးနီးယားတက္ကသိုလ်မှာ လေ့လာခဲ့ကာ Current Biology ဂျာနယ်မှာ ဖော်ပြခဲ့ပါတယ်။

သုတေသနအဖွဲ့က မမျှော်လင့်ဘဲတွေ့ရှိခဲ့တာဖြစ်ပြီး အသက်ရှည်စေရန် အဓိကအချက်က ဆဲလ်တွေထဲက အိုမင်းပျက်စီးနေတဲ့ အစိတ်အပိုင်းတွေကို ပြန်လည်သစ်လွင်စေတဲ့ အလိုအလျောက်ကုစားဖြစ်စဉ်ကို လှုံ့ဆော်ပေးဖို့ဖြစ်ကြောင်း သုတေသီ'အိုင်လင်းဂျော်ဂျယ်လီနာအိုရုခ်'က ရှင်းပြခဲ့ပါတယ်။

ဒီဖြစ်စဉ်အတွက် အရေးကြီးတာက အင်ဇိုင်း ၂ မျိုးကို လှုံ့ဆော်ပေးဖို့ဖြစ်ပြီး နဂိုသိပြီးသား အကြောင်းအရာများက ပံ့ပိုးပေးနိုင်ကြောင်း ဆိုပါတယ်။

လူသားတွေနဲ့ မျိုးရိုးဗီဇ ၇၀ ရာခိုင်နှုန်းတူပြီး ဇီဝဆေးသုတေသနမှာ အသုံးပြုလေ့ရှိတဲ့ C.elegans အဏုဇီဝသံကောင်တွေကို AMAR လို့ခေါ်တဲ့နည်းလမ်းဖြင့်လေ့လာခဲ့ကြပါတယ်။

adh-1 လို့ခေါ်တဲ့မျိုးရိုးဗီဇထဲကို ထည့်သွင်းလိုက်ခြင်းဖြင့် အိုမင်းရင့်ရော်ခြင်းကို ဆန့်ကျင်နိုင်တဲ့အကြောင်း ဖော်ထုတ်နိုင်မယ်ဆိုတာကို တွေ့ရှိခဲ့ကြပါတယ်။

ထိုအခါမှာ အယ်လ်ကိုဟောဒီဟိုက်ဒရိုဂျနေ့စ်အင်ဇိုင်း ပိုမိုထွက်ရှိကာ ဂလစ်စရောလ်နဲ့ ဂလစ်စရယ်ဒီဟိုက်တို့ကြောင့်ဖြစ်တဲ့ ဆိုးကျိုးများကို ကာကွယ်ပေးပြီး ပိုမိုကျန်းမာအသက်ရှည်စေပါတယ်။

ထို့နောက် နို့တိုက်သတ္တဝါတွေမှာလည်း ထိုနည်းအတိုင်း လုပ်ဆောင်သလားဆိုတာကိုသိရဖို့ မှိုတွေနဲ့ စတင်စမ်းသပ်ခဲ့ပါတယ်။

နောက်ပိုင်းမှာတော့ လူသားတွေမှာလည်း စမ်းသပ်ခဲ့ရာ အိုမင်းခြင်းကို နှောင့်နှေးစေကြောင်း စမ်းသပ်တွေ့ရှိခဲ့ပါတယ်။

AMAR နည်းလမ်းကို ဆေးဘက်ဆိုင်ရာမှာ ပိုမိုအသုံးချနိုင်ဖို့ မျှော်လင့်နေကြပါတယ်။

"လူတွေအတွက် အသက်အရွယ်နဲ့ဆိုင်တဲ့ ရောဂါတွေက အဓိကပြဿနာဖြစ်နေတာကြောင့် အိုမင်းခြင်းကို ပစ်မှတ်ထားတဲ့ဖြစ်စဉ်တွေက အထိရောက်ဆုံးနည်းလမ်းဖြစ်နိုင်ပါတယ်" လို့ ပြောပြသွားပါတယ်။

Source: The Jerusalem Post #World_Health #အိုမင်းခြင်း #သုတေသီ #YMG #Yangon_Media_Group

Published 13 March 2023

ဂျော်ဒန်ဘုရင် အက်ဘ်ဒူလာ(၂) ရဲ့ သမီးတော်ဟာ မတ် ၁၂ ရက်နေ့ တနင်္ဂနွေနေ့က ဂျော်ဒန်နိုင်ငံ မြို့တော် အမ်မန်ရဲ့ တော်ဝင်နန်းတော်ထဲမှာ လက်ထပ်ထိမ်းမြားခဲ့ပါတယ်။

သူ့ရဲ့ကြင်ယာတော်ဟာ ဂရိလူမျိုး ငွေကြေးလုပ်ငန်းရှင်တစ်ဦးဖြစ်ပါတယ်။

Source: AFP

#ဂျော်ဒန်မင်းသမီးအင်မန်လက်ထပ်

#ဂျော်ဒန်တော်ဝင်လက်ထပ်ပွဲ

#Princess_Iman

#YangpnMediaGroup

Published 12 March 2023 ဒီတောင်ကုန်းဟာ ဇင်ဘာတွေနိုင်ငံသားတွေ သူတို့ရဲ့ ဘိုးဘေးဘီဘင်တွေဆီသွားရောက်တိုင်ပင်ဆွေးနွေးရာ အထွတ် အမြတ်ထားတဲ့ တောင်ကုန်းဖြစ်ပါတယ်။ ပြီးတော့ နာမည်ဆိုးဖြင့်ကျော်ကြားခဲ့တဲ့ ကိုလိုနီနယ်ချဲ့သမား ဆီစီလ် ဂျွန် ရုတ်ဒ်က သူ့နောက်ဆုံးနားခိုရာအဖြစ် ရွေးချယ်ခဲ့တဲ့ တောင်ကုန်းလည်းဖြစ်နေပြန်ပါတယ်။ လူဖြူ လူမျိုးကြီးဝါဒီဖြစ်တဲ့ ရုတ်ဒ်ဟာ အသက် ၄၈နှစ်အရွယ်မှာ တောင်အာဖရိကမှာ ကွယ်လွန်ခဲ့ပါတယ်။ ဗြိတိသျှအင်ပါယာကို ချဲ့ထွင်နေရင်း သေဆုံးခဲ့တာပါ။ Source AFP #ဇင်ဘာဘွေ-ဗြိတိသျှနယ်ချဲ့သမိုင်း #ဆီစီလ် ဂျွန် ရုတ်ဒ် #Cecil_John_Rhodes #ရုတ်ဒ်အုတ်ဂူဖယ်ရှားရေး #YangonMediaGroup

#World_News Published 12 March 2023 အမေရိကန်ပြည်ထောင်စုက ပိတ်ဆို့အရေးယူမှုပြုလုပ်ထားတဲ့ စစ်ဗိုလ်ချုပ်ကြီးတစ်ဦးကို တရုတ်နိုင်ငံက ကာကွယ်ရေးဝန်ကြီးအဖြစ် ခန့်အပ်လိုက်ပါတယ်။ ကျင်းပနေတဲ့ တရုတ်အမျိုးသားပြည်သူ့ကွန်ဂရက်ကနေ ဗိုလ်ချူပ်ကြီး လီရှန်ဖူးကို ကာကွယ်ရေးဝန်ကြီးအဖြစ်ခန့်အပ်ခြင်းအပေါ် တနင်္ဂနွေနေ့က အတည်ပြုပေးခဲ့တာဖြစ်ပါတယ်။ အသက် ၆၅ နှစ်အရွယ်ရှိပြီဖြစ်တဲ့ ဗိုလ်ချုပ်ကြီးလီရှန်ဖူးဟာ ဗဟိုစစ်ကော်မရှင်ကနေ ရာထူးဆင်းသွားတဲ့ ဝေးဖန်ဟီနေရာကို ဆက်ခံပါလိမ့်မယ်။ သူ့ကို ကာကွယ်ရေးဝန်ကြီးအဖြစ် မခန့်အပ်မီမှာ ဗိုလ်ချူပ်ကြီးလီကို ကွန်မြူနစ်ပါတီရဲ့ ဗဟိုစစ်ကော်မရှင်မှာ ခန့်အပ်ခဲ့ပါတယ်။ သူဟာ စစ်တပ်ရဲ့ မဟာဗျူဟာအထောက်အပံ့တပ်ကနေ ပထမဆုံးစစ်ကော်မရှင်မှာပါလာတဲ့ စစ်သားတစ်ဦးဖြစ်ပါတယ်။အဆိုပါတပ်အသစ်ကို ၂၀၁၅ခုနှစ်က ဖွဲ့စည်းခဲ့ပြီး အာကာသ၊ဆိုက်ဘာ၊နိုင်ငံရေးနှင့် အီလက်ထရွန်းနစ်စစ်ပွဲများကို အာရုံစိုက်ဖို့ပြန်လည်ဖွဲ့စည်းခဲ့တယ်လို့ ဘလွမ်းဘတ်သတင်းဌာနကရေးပါတယ်။ ဗိုလ်ချူပ်ကြီးလီကို အမေရိကန်ပြည်ထောင်စုက ၂၀၁၈ခုနှစ်က ပိတ်ဆို့အရေးယူမှုတွေပြုလုပ်ခဲ့ပါတယ်။သူဟာ ရုရှားရဲ့ လက်နက်ကုမ္ပဏီ Rosoboronexport မှ တရုတ်နိုင်ငံကို Su-35 တိုက်ခိုက်ရေးလေယာဉ်နှင့် S-400 ဒုံးကျည်စနစ်ကို လွှဲပြောင်းပေးရာမှာ ဖြစ်မြောက်အောင်ဆောင်ရွက်ပေးသူအဖြစ် အမေရိကန်က စွပ်စွဲပြီး ပိတ်ဆို့အရေးယူခဲ့တာဖြစ်ပါတယ်။ အဲဒီအချိန်တုန်းက ဗိုလ်ချူပ်ကြီးလီဟာ တရုတ်နိုင်ငံရဲ့ ကာကွယ်ရေးနည်းပညာတွေကို ကြီးကြပ်ရတဲ့ ထိပ်တန်းစစ်ကော်မရှင်ရဲ့ လက်နက်ကိရိယာဖွံ့ဖြိုးတိုးတက်ရေးဌာနရဲ့ ညွှန်ကြားရေးမှူးဖြစ်ပါတယ်။ အမေရိကန်နိုင်ငံခြားရေးဝန်ကြီးဌာနဟာ ဗိုလ်ချုပ်ကြီးလီနှင့်သူ့ဌာနအပေါ် အမေရိကန်ရဲ့ရွေးကောက်ပွဲလုပ်ငန်းစဉ်တွေကို ကြားဝင်နှောက်ယှက်ခဲ့ပြီး အရှေ့ယူကရိန်းမှာ လက်မခံနိုင်စရာ အပြုအမူတွေလုပ်ခဲ့တယ်ဆိုပြီး ရုရှားအဖွဲ့အစည်းတွေနှင့်အတူ ပိတ်ဆို့အရေးယူမှုတွေပြုလုပ်ခဲ့ပါသေးတယ်။ #ဗိုလ်ချူပ်ကြီးလီရှန်ဖူး

#World_News Published

12 March 2023

အိန္ဒိယနိုင်ငံ ကာဆာရာဂေါ့က ဘာလခရစ်ရှ်နန်ပါလာရီဆိုတဲ့ အမျိုးသားကြီးတစ်ဦးဟာ အစာအိမ်အချဉ်ပေါက်တဲ့ ရောဂါကိုကုသဖို့အတွက် ပြီးခဲ့တဲ့ ၂၈ နှစ်လုံးလုံး အုန်းသီးကလွဲပြီး ဘာမှမစားဘဲ အသက်ရှင်နေထိုင်ခဲ့ပါတယ်။ ဆယ်စုနှစ်နှစ်စုကျော်ကြာအောင် အုန်းသီးတစ်မျိုးပဲစားသုံးခဲ့တယ်ဆိုတဲ့အတွက် အစားအသောက်မျိုးစုံ အရသာခံစားကြသူအများစုအတွက် ဒါဟာ မဖြစ်နိုင်ဘူလို့တွေးစရာပါ။ ဒါပမေယ့် သူကတော့ သူ့အနေနှင့် အုန်းသီပဲစားပြီး ကျန်းမာကြံ့ခိုင်နေတယ်လို့ ကြေညာပြောဆိုပါတယ်။ ဘာလာခရစ်ရှ်နန်ပါလာရီဟာ အစာအိမ်အချဉ်ပေါက်တဲ့ဝေဒနာနှစ်ရှည်လများခံစားခဲ့ရပြီး အဲဒီရောဂါကြောင့် သူ့အင်အားတွေ ချိနဲ့ခဲ့ရပါတယ်။ ဟိုသွားသည်လာတောင် မလုပ်နိုင်ခဲ့ဘူးလို့ပြောပါတယ်။ အဲဒါကြောင့် သူဟာ အစားအစုံမစားတော့ဘဲ အုန်းသီးတစ်မျိုးတည်းကိုသာ စားသုံးခဲ့တဲ့အခါ ဝေဒနာအတော်သက်သာလာတဲ့အတွက် ဒီအတိုင်းပဲဆက်နေတော့မယ်လို့ သူဆုံးဖြတ်ခဲ့တာဖြစ်ပါတယ်။ “ အုန်းသီးမှာ အဟာရဓာတ်အစုံပါတယ်။ ကယ်လ်ဆီယမ်၊မဂ္ဂနီဆီယမ်၊ဆိုဒီယမ်နှင့်ပိုတက်ဆီယမ်တို့လိုပေါ့။ အဲဒီ ဓာတ်တွေက သူ့ကိုခွန်အားတွေပြန်လည်ပြည့်ဖြိုးလာစေပြီး ကျန်းမာလာစေတယ်။ အဲဒါကြောင့် သူဟာ အုန်းသီးပဲစားပြီး အစားအစာကိုကန့်သတ်ခဲ့တာဖြစ်တယ်Ó လို့ သူ့ကိုအင်တာဗျူးလုပ်ခဲ့တဲ့ ဘလော့ဂါ ရှန်နက်စ်က ပြောပါတယ်။ သူနုပျိုစဉ်က ဒေသဘောလုံးအသင်းတစ်ခုမှာ သူဟာ ဘောလုံသမားတစ်ဦးဖြစ်ခဲ့ပါတယ်။ အသက် ၃၅ နှစ်အရွယ်မှာ သူဟာ အစာအိမ်အချဉ်ပေါက်ရောဂါဖြစ်လာပြီး ဆရာဝန်နှင့်ပြသခဲ့ရပါတယ်။ သူတစ်ခုခုစားပြီးတိုင်း သူ့အစာအိမ်ထဲကနေ အစာတွေအချဉ်ပေါက်ပြန်ထွက်လာပြီး အော့တာအန်တာဖြစ်ခဲ့ရပါတယ်။သူဟာ အစားအစာတွေကို တစ်မျိုးပြီး တစ်မျိုးကြိုးစားရှောင်ကြဉ်ခဲ့ပါတယ်။ ဒါပေမယ့် မအောင်မြင်ခဲ့ဘဲ အုန်းသီးနှင့်မှ သက်သာရာရခဲ့တယ်လို့ဆိုပါတယ်။ အဲဒါကြောင့် ၂၈ နှစ်လုံးလုံးအုန်းသီးပဲစားပြီး အသက်ရှင်နေထိုင်ခဲ့တာဖြစ်ပါတယ်။ “ နေ့တိုင်း ကျွန်တော်အုန်းသီးစားတယ်။ ကျွန်တော့်မိသားစုက အဲဒါကြောင့် အုန်းပင်တွေပိုစိုက်ပေးတယ်။ ဒီလိုနေထိုင်လာခဲ့တာ ၂၈ နှစ်ရှိပြီÓ လို့ သူကပြောပါတယ်။ အခုဆိုသူဟာ အသက် ၆၄နှစ်ရှိပါပြီ။ ဒါပေမယ့် သူဟာ သူနှင့်ရွယ်တူတွေထက် အများကြီးကျန်းမာနေပါတယ်။သူ့မိသားစုယာခင်းမှာ သူအလုပ်လုပ်ပါတယ်။ နေ့စဉ်ရေကူးပြီးလေ့ကျင့်ခန်းတွေလုပ်ပါတယ်။ သူ့မှာ စိုးရိမ်ရတဲ့ ဘယ်ကျန်းမာရေးပြဿနာမှမရှိသေးပါဘူး။ သူ့ရဲ့ အုန်းသီးစားတဲ့သတင်းဟာ အိန္ဒိယအိတ်စ်ပရက်စ်သတင်းစမှာ ၂၀၁၉ ခုနှစ်ကတည်းက စတင်ရေးသားခဲ့ပါတယ်။ အဲဒီကတည်းက သူ့သတင်းတွေကို ဟိုနေရာ သည်နေရာ ရေးသားခဲ့ကြပါတယ်။ ဒါပေမယ့် ဆရာဝန်တစ်ဦးဖြစ်တဲ့ ဒေါက်တာ တူရှားတာယဲလ်ကတော့ သူ့ကိစ္စဟာ သီးခြားဖြစ်တဲ့ သူမတူ ကိစ္စတစ်ခုသာ ဖြစ်တယ်။ အဲသလိုအုန်းသီးပဲစားပြီး ကျန်တဲ့အစားရှောင်တဲ့အလုပ်ကို သူထောက်ခံမှုမပြုပေးနိုင်ဘူး လို့ မီဒီယာတွေကို ပြောပါတယ်။

Source: Pakistan Observer

#အုန်းသီးတစ်မျိုးပဲစားသူ

#ဘာလခရစ်ရှ်နန်ပါလာရီ

#Balakrishnan_Palayi

#အိန္ဒိယ

#Yangon_Media_Group

Published 12 March 2023

ရှီယန်အေရိုစပေ့ရှ်ရင်းနှီးမြှပ်နှံမှုကုမ္ပဏီဟာ စွမ်းအင်သစ်လေယာဉ်အမျိုးအစားအစုံရဲ့ အမှာစာတွေရရှိနေတာဟာ ယွမ်ငွေ သန်း၁၀၀ကျော်တန်ဖိုးရှိသွားပြီလို့ အနောက်မြောက်ရှန်ဇီပြည်နယ် ရှီယန်မြို့ကပြောပါတယ်။ အမေရိကန်နှင့် ဟောင်ကောင်အထူးအုပ်ချုပ်ခွင့်ရဒေသအပါအဝင် ကမ္ဘာတစ်လွှားက ကုမ္ပဏီတွေကမှာယူနေတာဖြစ်ပြီး စွမ်းအင်သစ်လေယာဉ်အစီး ၅၀ ဝယ်ယူဖို့ အမှာရရှိထားပြီလို့လည်း သူတို့ကပြောပါတယ်။