#World_Health
Published 27 November 2025

■ သာမန်မျက်လုံးစကင်စစ်ဆေးခြင်းနည်းလမ်းတွေဖြင့် လူတစ်ဦးမှာ လေဖြတ်ဝေဒနာ ခံစားရနိုင်ခြေကို ခန့်မှန်းနိုင်မယ်လို့ လေ့လာချက်ပြုလုပ်ထားပါတယ်။

■ သုတေသီတွေက မြင်လွှာသွေးကြောဖွဲ့စည်းပုံနဲ့ အနာဂတ်မှာ လေဖြတ်နိုင်ခြေတို့ကြား ဆက်စပ်ပုံကို တွေ့ရှိထားပါတယ်။

■ ဒီသွေးကြောထဲက ပြောင်းလဲမှုပုံစံတွေကို ဆန်းစစ်ကြည့်ပြီး လေဖြတ်နိုင်ခြေကို လျှော့ချကာ အသက်တွေကို ကယ်တင်နိုင်မည့်နည်းလမ်းတွေ ရရှိလာနိုင်ပါတယ်။

■ မျက်လုံးအနောက်ဘက်က မြင်လွှာအစိတ်အပိုင်းကို ပုံရိပ်စကင်စစ်ဆေးရာမှာ လေဖြတ်ခြင်းနဲ့ ဆက်စပ်တဲ့ သွေးကြောလက္ခဏာပေါင်း ၂၉ မျိုး တွေ့ရှိခဲ့ကြပါတယ်။

■ ဒီထဲမှာ သွေးကြောသိပ်သည်းဆ၊ အရှည်အလျား၊ ခွဲဖြာပုံစံတွေ အမျိုးမျိုး ဖြစ်နေပါတယ်။

■ သုတေသီတွေက အသက် ၅၅ နှစ်အထက် လူပေါင်း ၄ သောင်းခွဲရဲ့ မြင်လွှာပုံရိပ်များကို ဆန်းစစ်ခဲ့ကြပြီး ၁၂ နှစ်ခွဲကြာအောင် စောင့်ကြည့်ခဲ့ရာမှာ ၇၄၉ ဦးက လေဖြတ်ခြင်းဝေဒနာ ခံစားခဲ့ရပါတယ်။

■ အယ်ဂိုရစ်သမ်စနစ်များဖြင့် မြင်လွှာတွေထဲက သွေးကြောရာတွေကို တွေ့ရှိစေပြီး လေဖြတ်အန္တရာယ်နဲ့ ဆက်စပ်နေတဲ့ သွေးကြောပြောင်းလဲမှုတွေကို ပိုမိုနားလည်စေပါတယ်။

■ မြင်လွှာပုံရိပ်ဖတ်နည်းလမ်းက နည်းပညာလိုအပ်ချက် နည်းပါးစွာဖြင့် ကျန်းမာရေးစောင့်ရှောက်မှု ခံယူနိုင်ကာ လေဖြတ်ခြင်းကို ကာကွယ်စေနိုင်မှာ ဖြစ်ပါတယ်။

■ လေဖြတ်ခြင်းခန့်မှန်းနိုင်မယ့်ပုံစံတွေကို ဒီထက်အဆင်ပြေချောမွေ့စေဖို့ နောက်ထပ်သုတေသနတွေ ပြုလုပ်ထားသွားမှာ ဖြစ်ပါတယ်။

■ ကျန်းမာရေးစောင့်ရှောက်မှုအပိုင်းမှာ AI နဲ့ မြင်လွှာပုံရိပ်ဖတ်စနစ် ပူးပေါင်းနိုင်ပါက ရောဂါရှာဖွေရေး လွယ်ကူလာမှာဖြစ်ပြီး အသက်ပေါင်းများစွာအတွက် အကျိုးရှိစေမှာ ဖြစ်ပါတယ်။

Source: Daily Galaxy

နိုင်ငံအမျိုးမျိုးမှ မော်တော်ယာဉ် ထုတ်လုပ်သူတွေဟာ ၂၀၂၅ ကွမ်ကျိုးနိုင်ငံတကာ မော်တော်ယာဉ်ပြပွဲမှာ တရုတ်ဈေးကွက်အတွက် အထူးထုတ်လုပ်ထားတဲ့ ထုတ်ကုန်များကို မိတ်ဆက်ပြသခဲ့ပါတယ်။

#World_Event
Published 26 November 2025
#ကွမ်ကျိုး #မော်တော်ယာဉ်
#YMG #Yangon_Times #Yangon_Media_Group

#World_News
Published 26 November 2025

■ ထိုင်းနိုင်ငံ ဟတ်ယိုင်မြို့မှာ ဆိုးရွားတဲ့ ရေကြီးရေလျှံမှု ဆက်လက်ကြုံတွေ့နေရကာ မြို့ရဲ့ စီးပွားရေးဒေသအနေနဲ့ အနည်းဆုံး ဒီဇင်ဘာလလယ် မတိုင်ခင်အထိ ရေမြုပ်နေဦးမယ်လို့ ကျွမ်းကျင်သူများ သတိပေးထားပါတယ်။

■ ဆာဒေါင်ခရိုင်မှာ အမြင့်ပိုင်းရေလျှံမှုကျဆင်းနေပေမယ့် မြို့ကိုမရောက်ခင်အထိ အနိမ့်ပိုင်းရေစီးဆင်းကာ ရေလျှံမှုပိုဆိုးစေလိမ့်မယ်လို့ အမျိုးသားကပ်ဘေးသတိပေးကောင်စီဖောင်ဒေးရှင်းမှ ဒုဥက္ကဌ ပရော်ဖက်ဆာ ဆရီးဆူပရာတစ်က အင်္ဂါနေ့မှာ ပြောသွားပါတယ်။

■ အင်္ဂါနေ့ နံနက် ၇ နာရီက တနင်္လာနေ့ထက် ၂ မီတာနီးပါး ပိုမြင့်လာပြီး အရင်ရက်တွေက တပိုင်းနစ်နေတဲ့အိမ်တွေဟာ လုံးဝနစ်မြုပ်သွားပြီဖြစ်ကာ ခွန်လန်မြူနီစီပယ်လိုမျိုး နေရာတွေက အိမ်နိမ့်တွေဆိုရင် ခေါင်းမိုးအထိ မြုပ်နေပြီလို့ ဖေ့စ်ဘွတ်ခ်မှာ ပြောထားပါတယ်။

■ နိုဝင်ဘာ ၂၁ မှ ၂၅ အတွင်း မိုးရွာသွန်းမှုက ၈၅၀ မီလီမီတာခန့်ရှိခဲ့ကာ ကုဗမီတာ ၁၂၀၀ မှ ၁၅၀၀ သန်းကြား ရှိခဲ့ပါတယ်။

■ သဘာဝရေဆင်းမြောင်းတွေနဲ့ ရေစုတ်ထုတ်မှုတွေကနေ ရေပြန်ကျဖို့အတွက် ၁၀ ရက်ခန့်ကြာမြင့်နိုင်ပေမယ့် ပင်လယ်ရေမျက်နှာပြင် မြင့်တက်နေတာကြောင့် ကြန့်ကြာနေရပါတယ်။
၂၀၀၇ ကပ်ဘေးကာကွယ်ရေးနဲ့ လျှော့ချရေးဥပဒေအရ ကပ်ဘေးထိန်းသိမ်းရေးပူးပေါင်းမှုတွေ မရှိတဲ့အပေါ် ပရော်ဖက်ဆာဆရီးက ဝေဖန်လိုက်ပါတယ်။

■ လူတွေက အိမ်ခေါင်မိုးပေါ် တက်နေရကာ ကားတွေနစ်မြုပ်နေကြောင်း၊ အဖွဲ့အစည်းတွေက အကူအညီတောင်းနေကြပေမယ့် ဗဟိုကွပ်ကဲရေးအပိုင်းက ဆောင်ရွက်ခြင်းမရှိကြောင်း ပြောပါတယ်။

■ ရေစီးဆင်းစေပြီး အဆုံးအရှုံးနည်းစေဖို့ လမ်းမတာရိုးတွေကို ဖြတ်တောက်ခြင်းလိုမျိုးတွေ ချက်ချင်းလုပ်ဆောင်ဖို့ တိုက်တွန်းနေပါတယ်။

■ ကယ်ဆယ်ရေးနဲ့ အရေးပေါ်လုပ်ဆောင်မှုတွေ ပြုလုပ်ကြဖို့ ထိုင်းကွန်မြူနတီဖောင်ဒေးရှင်းမှ မန်နေဂျာ မိုင်ထရီဂျောင်ခရိုင်ချက်က တောင်းဆိုထားပါတယ်။

■ ပြည်သူတွေအနေနဲ့ အရေးပေါ်ထောက်ပံ့ပစ္စည်းများ ပြင်ဆင်ထားခြင်း၊ ထွက်ပြေးရန်လမ်းကြောင်းများ စီစဉ်ထားခြင်း၊ အားနည်းသူများကို ကူညီခြင်းများ ပြုလုပ်ထားကြဖို့ အကြံပြုထားပါတယ်။

Source: Bangkok Post

#World_Health
Published 26 November 2025

■ အသက်မကြီးသေးတဲ့အရွယ်မှာ ဆံပင်ဖြူတွေ့လိုက်တာနဲ့ စိုးရိမ်စိတ်တွေ ဖြစ်တတ်ကြပါတယ်။

■ ဒါပေမဲ့ ဆံပင်ဖြူပေါက်တာက သိပ်ပြီးစိုးရိမ်စရာ မလိုဘူးလို့ လေ့လာချက်အသစ်မှာ ဖော်ပြထားပါတယ်။

■ ဆံပင်ဖြူတယ်ဆိုတာက အိုမင်းလာတဲ့သဘော တစ်ခုတည်းမဟုတ်ဘဲ အရေပြားကင်ဆာအချို့ကို ခန္ဓာကိုယ်က သဘာဝအတိုင်းခုခံတဲ့ဖြစ်စဉ် ဖြစ်ဖွယ်ရှိတယ်လို့ တိုကျိုတက္ကသိုလ်က လေ့လာထားပါတယ်။

■ သုတေသီတွေက ဆံကေသာရောင်ခြယ်ဆဲလ်တွေ DNA ထိခိုက်ပျက်စီးမှုနဲ့ ဆဲလ်ဖိစီးမှုများအပေါ် ဘယ်လိုသက်ရောက်လဲဆိုတာကို လေ့လာခဲ့ကြတာ ကြာပါပြီ။

■ ကင်ဆာဆဲလ်တွေ ကြီးထွားမလာစေရန် ခန္ဓာကိုယ်က ရောင်ခြယ်ထုတ်ပေးတဲ့ ပင်မစတမ်ဆဲလ်တွေကို တမင်တကာ ပိတ်ချပစ်တဲ့သဘော ဖြစ်နိုင်တယ်လို့ တွေ့ရှိဖော်ပြလာပါတယ်။

■ ဆံပင်ကို အရောင်ဖြစ်စေတဲ့ ရောင်ခြယ်ဆဲလ်တွေအနေနဲ့ DNA ပျက်စီးခြင်းမျိုးနဲ့ ကြုံတွေ့တဲ့အခါ DNA အမျှင်တန်းကျိုးပဲ့သွားပြီး ဆဲလ်တွေ ပြန်မကောင်းတော့ဘဲ ဆံပင်ဖြူသွားစေတာ ဖြစ်ပါတယ်။

■ ပျက်စီးသွားတဲ့ဆဲလ် ပွားများပြီး ကင်ဆာအကျိတ်ဖြစ်မယ့်အစား ဆံပင်အရောင်ကိုပဲ ဖြူစေလိုက်တာ ဖြစ်ပါတယ်။

■ အရွယ်မတိုင်ခင် ဆံပင်ဖြူတာက ဖိစီးမှု၊ အာဟာရချို့တဲ့ခြင်း၊ သိုင်းရွိုက်ပြဿနာ၊ ဆေးလိပ်သောက်ခြင်းတို့နဲ့ ဆက်စပ်နေပါတယ်။

■ ကျန်းမာရေးနဲ့ ညီညွတ်စွာ စားသုံးခြင်း၊ ဖိစီးမှုဖြေလျှော့ခြင်းစသဖြင့် နေထိုင်စားသောက်မှုပုံစံ ပြောင်းလဲခြင်းဖြင့် အရွယ်မတိုင်ခင် ဆံပင်ဖြူခြင်းကို ကာကွယ်နိုင်ပါတယ်။

Source: Times of India.

#World_Health
Published 26 November 2025

■ လိမ္မော်သီးခွံနဲ့ သစ်ကြံပိုးခေါက်တို့ကို ပြုတ်ခြင်းရဲ့ အကျိုးအာနိသင်တွေကို ထောက်ခံအားပေးသူတွေ များပြားလာပါတယ်။

■ လူမစားတဲ့အခွံတွေနဲ့ ဟင်းခတ်အမွှေးအကြိုင်တွေရဲ့ အာနိသင်တွေကို စိတ်ဝင်စားလာကြကာ သဘာဝ ပိုးမွှားသန့်စင်ဆေးနဲ့ လေသန့်စင်ပစ္စည်းအဖြစ် အသုံးပြုလိုလာကြပါတယ်။

■ အသုံးပြုတဲ့နည်းလမ်းကတော့ လိမ္မော်ခွံ ၂ ဖတ် ၃ ဖတ်နဲ့ သစ်ကြံပိုးခေါက်ချောင်းတွေကို ရေထဲမှာ ၁၀-၁၅ မိနစ်ခန့် ပွက်ပွက်ဆူအောင် တည်ထားရပါတယ်။

■ ထွက်လာတဲ့အငွေ့က လေသန့်စင်ဆေးဗူးတွေထက် ပိုမိုသန့်ရှင်းတယ်လို့ ဆိုနေကြပြီး လေထဲကို ဒြပ်ပေါင်းတွေ ထုတ်လွှတ်ကာ ဘက်တီးရီးယားနဲ့ မှိုတို့ကို သေစေတဲ့ အာနိသင်တွေ ရှိပါတယ်။

■ လိမ္မော်ခွံထဲမှာ ဓာတ်တိုးဆန့်ကျင်ပစ္စည်းများစွာ ပါဝင်ကာ အပူပေးလိုက်တဲ့အခါ ဇီဝသတ္တိကြွလာပြီး လေထဲပျံ့နှံ့သွားပါတယ်။

■ သစ်ကြံပိုးခေါက်မှာတော့ Cinnamomum zeylanicum လို့ခေါ်တဲ့ပစ္စည်းက ပိုးမွှားသေစေကာ ဓာတ်တိုးဆန့်ကျင်နဲ့ ရောင်ရမ်းဆန့်ကျင်အာနိသင်များ ပါဝင်ပါတယ်။

■ နှစ်မျိုးပေါင်းလိုက်တဲ့အခါ လေဝင်လေထွက်မကောင်းတဲ့ နေရာတွေမှာ ရှင်သန်လေ့ရှိတဲ့ ရောဂါပိုးမွှားတွေကို ဆန့်ကျင်နိုင်တယ်လို့ တွေ့ရှိထားပါတယ်။

■ ဒါ့အပြင် မှတ်ဉာဏ်၊ ဦးနှောက်စွမ်းဆောင်ရည်နဲ့ ဦးနှောက်ကျန်းမာရေးတို့ကို ထောက်ပံ့ပေးဖွယ်ရှိတယ်လို့လည်း သိရပါတယ်။

■ ဓာတုပစ္စည်းတွေထက်စာရင် ဈေးနှုန်းသက်သာပြီး သဘာဝအတိုင်း သန့်စင်ပေးနိုင်မှာ ဖြစ်ပါတယ်။

■ သိပ္ပံပညာရှင်တွေက ဒီနည်းလမ်းရဲ့ အကျိုးကျေးဇူးကို သိရှိထားပေမယ့် နောက်ထပ်သုတေသနတွေ မပြုလုပ်ဘဲ ချီးကျူးမစောဖို့ သတိပေးထားပါတယ်။

Source: Daily Galaxy

နိုင်ငံတကာခရီးသွားများ တရုတ်နိုင်ငံသို့ မြန်မြန်ဆန်ဆန် ဝင်ရောက်နိုင်ရန်အတွက် တရုတ်ကဒီဂျစ်တယ်ခရီးသွားကြေညာချက်ဝန်ဆောင်မှုကို စတင်လိုက်ပြီး ကြာသပတေးနေ့ကကျင့်သုံးလိုက်ပြီဖြစ်ပါတယ်။

#Asia_News
Published 25 November 2025
#တရုတ်နိုင်ငံ #နိုင်ငံခြားခရီးသွား
#YMG #Yangon_Times #Yangon_Media_Group