#World_Health
Published 09 March 2026

■ စင်္ကာပူရေပြင်ထဲမှာ ရှေးဟောင်းသုတေသန တူးဖော်ခဲ့ရာမှာ ၁၄ ရာစုနှစ် ယွမ်မင်းဆက်ရတနာသိုက် ကြွေထည်တွေရှိတဲ့ Temasek Wreck ကို တွေ့ရှိခဲ့ပါတယ်။

■ စင်္ကာပူအမျိုးသား အမွေအနှစ်ဘုတ်အဖွဲ့လက်ခွဲ HeritageSG မှ ဒေါက်တာ မိုက်ကယ်ဖလက်ကာ ဦးဆောင်ကာ ၂၀၁၆ မှ ၂၀၁၉ အတွင်း တူးဖော်ခဲ့ရာ ကြွေထည်အပိုင်းအစတွေနဲ့ အကောင်းပကတိကြွေပစ္စည်း ၃ တန်ခွဲခန့်အပြင် စုစုပေါင်းအလေးချိန် ၁၃၆ ကီလိုဂရမ်ခန့် ရရှိခဲ့ပါတယ်။

■ အထင်ရှားဆုံးက တရုတ်ပြည် ကျင်ဒယ်ရှန်မှ အပြာနဲ့အဖြူယွမ်ကြွေပစ္စည်း ဖြစ်ပါတယ်။

■ ယွမ်မင်းဆက်က ၁၂၇၁ စီအီးမှာ တည်ထောင်ခဲ့ပြီး ၁၃၆၈ စီအီးအထိ အဓွန့်ရှည်ခဲ့ပါတယ်။

■ Temasek Wreck စင်္ကာပူရေပြင် ရှေးခေတ်သင်္ဘောပျက်နေရာကြီးက ဒေသတွင်းသမိုင်းကြောင်းမှာ ကွက်လပ်တစ်ခုကို ဖြည့်ဆည်းနိုင်ခဲ့ပါတယ်။

■ ဖူကျန် ကွမ်ကျိုးမှာ တင်လာတဲ့ပစ္စည်းတွေကို Temasek သို့ ပို့ဆောင်ရန် သွားခဲ့တာဖြစ်တယ်လို့ အတည်ပြုထားပါတယ်။

■ ဒီတွေ့ရှိမှုက ယွမ်ခေတ် ပင်လယ်ပြင်ကွန်ရက်တွေ၊ ကုန်သွယ်ရေးတွေ၊ အရည်အသွေးမြင့် တရုတ်လက်မှုပညာတို့ကို ဖော်ပြနေပါတယ်။

■ အမျိုးသားအမွေအနှစ်ဘုတ်အဖွဲ့ကတော့ ဒီလိုတွေ့ရှိမှုဟာ သမိုင်းကြောင်း ရှာဖွေခြင်းနဲ့ အနာဂတ်သုတေသနလုပ်ငန်းများအတွက် အထောက်အကူဖြစ်လာနိုင်ခြင်းတို့ ရှိလာနိုင်တယ်လို့ အလေးပေးပြောထားပါတယ်။

Source: India Today

#World_Health
Published 08 March 2026

■ ဒေါသလေးတစ်ချက် ထွက်လိုက်တာနဲ့ သွေးကြောတွေ တောင့်တင်းစေကာ သွေးလည်ပတ်မှု အားနည်းပြီး နှလုံးဖောက်ခြင်း လေဖြတ်ခြင်းတို့ ဖြစ်နိုင်ခြေများတယ်လို့ တွေ့ရှိထားပါတယ်။

■ ၈ မိနစ်တာလောက် ဒေါသထွက်ရင်တောင် သွေးကြောချဲ့နိုင်စွမ်း တဝက်နီးပါးလောက် လျော့ကျသွားကာ နောက်ထပ် မိနစ် ၄၀ လောက်အထိ ကြာမြင့်နိုင်ပါတယ်။

■ ဒါကြောင့် မကြာခဏ ဒေါသထွက်ခြင်းက အချိန်ကြာလာရင် နှလုံးသွေးကြောပြဿနာတွေနဲ့ ပတ်သက်လာနိုင်တယ်လို့ ယူဆရပါတယ်။

■ ကျန်းမာရေးကောင်းတဲ့ လူပေါင်း ၂၈၀ ကို အမေရိကန်အဖွဲ့အစည်း အများအပြားက လေ့လာခဲ့ကြပါတယ်။

■ အဖွဲ့လေးဖွဲ့ခွဲကာ ၈ မိနစ်ကြာအောင် ဒေါသထွက်စရာ စိုးရိမ်စရာ ဝမ်းနည်းစရာ အမှတ်တရတွေကို ပြန်စဉ်းစားခိုင်းသလို စိတ်ကိုပုံမှန်အတိုင်းပဲ နေခိုင်းပါသေးတယ်။

■ ဒီနောက် သွေးကြောတွေ ဘယ်လောက်ချဲ့လဲဆိုတာကို စစ်ဆေးခဲ့ကြရာ သာမန်အတိုင်း စိတ်ခံစားချက်ထားတဲ့ အဖွဲ့နဲ့ယှဉ်ရင် ဒေါသထွက်စရာ ပြန်စဉ်းစားသူတွေက သွေးကြောကျယ်နှုန်း သိသိသာသာ ကျဆင်းသွားတာ တွေ့ရပါတယ်။

■ ဒေါသထွက်ရင် ကော်တီဆောနဲ့ အက်ဒရီနယ်လင်တို့လို ဖိစီးမှုဟော်မုန်းတွေ ထွက်လာပြီး သွေးကြောနံရံတွေ တောင့်တင်းစေတာကြောင့် သွေးကြောချဲ့ထွင်ရ ခက်ခဲစေကာ သွေးပေါင်ချိန်မြင့်တက်စေပါတယ်။

■ ဝမ်းနည်းခြင်း၊ စိုးရိမ်ပူပန်ခြင်းတို့လို ခံစားချက်တွေထက် ဒေါသစိတ်က သွေးကြောလုပ်ဆောင်ချက်တွေကို ဆိုးရွားစွာ ထိခိုက်စေပါတယ်။

■ အသက်ရှူလေ့ကျင့်ခန်း၊ သတိကပ်ခြင်း၊ ဒေါသထိန်းချုပ်ခြင်းတို့ဖြင့် နှလုံးကျန်းမာရေးကို ကာကွယ်နိုင်စေမှာ ဖြစ်ပါတယ်။

Source: India Today

#World_Health
Published 08 March 2026

■ တစ်နေ့ကို ၃ ကြိမ်သွားတိုက်ပြီး ခံတွင်းကျန်းမာရေး စစ်ဆေးမှု ပုံမှန်ပြုလုပ်ပေးပါက ရောဂါပြဿနာပေါင်း ၅၀ ကျော် ဖြစ်နိုင်ခြေ နည်းစေတယ်လို့ မင်နီဆိုတာ သွားဆေးတက္ကသိုလ်မှ ပရော်ဖက်ဆာ အဲ့ဒိုဂန်ကန်တာချီက ပြောပါတယ်။

■ ခံတွင်းကျန်းမာရေးက အလုံးစုံကျန်းမာရေးနဲ့ ဆက်စပ်နေကြောင်း ယခင်တည်းက သိရှိထားကာ အယ်ဇိုင်းမား၊ ကင်ဆာ၊ နှလုံးသွေးကြောရောဂါများ၊ ဆီးချိုစတာတွေနဲ့ ဆက်စပ်နေပါတယ်။

■ သုတေသနအရဆိုရင် ပုံမှန်သွားတိုက်ပြီး သွားဂရုစိုက်တတ်တဲ့ အလယ်အလတ်ရောဂါတွေ ရှိသူတွေဟာ ဦးနှောက်အသိဉာဏ်တုံ့ပြန်မှု များစွာသာလွန်တာ တွေ့ရပါတယ်။

■ ခံတွင်းရောဂါတွေမှ ဘက်တီးရီးယားတွေက သွေးကြောတွေ ဦးနှောက်တွေထဲထိ ဝင်ရောက်ပြီး ရောင်ရမ်းမှုတွေ ဖြစ်စေကာ အဆစ်အမြစ်နာခြင်း၊ အနည်စုပြုံခြင်းတို့ ဖြစ်လာစေပါတယ်။

■ ဥရောပနိုင်ငံအများစုက ခံတွင်းသန့်ရှင်းရေးနဲ့ ပတ်သက်လို့ သိပ်ပြီးဂရုမစိုက်ကြတာ တွေ့ရပါတယ်။

■ ယူကေမှာ အဝလွန်ခြင်း အဖြစ်များနေတာကို ကြည့်ရင် အဆင့်ဆင့်ထုပ်ပိုး စားစရာတွေကို မှီခိုလွန်းတာက ခံတွင်းကျန်းမာရေး ပိုဆိုးစေတာ တွေ့ရပါတယ်။

■ သွားဖုံးရောဂါက ရောင်ရမ်းမှုတွေ ဖြစ်စေပေမယ့် ဒီမန်ရှာ၊ အဆစ်အမြစ်ရောင်ရောဂါတို့ကို တိုက်ရိုက်ဖြစ်စေတယ်လို့တော့ မဟုတ်ပါဘူး။

■ အနောက်တိုင်း စားသောက်ပုံစံတွေ လူမှုစီးပွားရေးကိစ္စတွေကြောင့် ခံတွင်းကျန်းမာရေး ညံ့နေကြပြီး သက်ကြီးရွယ်အိုတွေမှာ ပိုဆိုးစေပါတယ်။

■ အိပ်ရာမဝင်ခင်နဲ့ အချိုစာတွေ စားအပြီးမှာ သွားတိုက်သင့်ပြီး လျှပ်စစ်သွားတိုက်တံအသုံးပြုတိုက်ကာ လျှာကိုလည်း သန့်ရှင်းသင့်တယ်လို့ အကြံပြုထားကြပါတယ်။

Source: EuroNews

တနင်္လာနေ့ညနေက လော့စ်အိန်ဂျလိစ်မြို့တော်ခန်းမရှေ့မှာ စစ်ပွဲဆန့်ကျင်ရေးလှုပ်ရှားမှုပြုလုပ်ခဲ့ကြပြီး အီရန်အပေါ် အမေရိကန်အစိုးရတိုက်ခိုက်မှုတွေကို ပြင်းထန်စွာရှုတ်ချခဲ့ကြပါတယ်။

#World_News
Published 07 March 2025
#အီရန် #လော့စ်အိန်ဂျလိစ်
#YMG #Yangon_Times #Yangon_Media_Group

#World_News
Published 07 March 2026

■ အမေရိကန်သမ္မတ ဒေါ်နယ်ထရမ့်က အီရန်အနေနဲ့ လုံးဝအရှုံးပေးဖို့ အလိုရှိနေပါတယ်။

■ အစ္စရေးလ်တို့က အီရန်နဲ့ လက်ဘနွန်တို့ကို နောက်ဆုံးတိုက်ခိုက်မှုများ ပြုလုပ်ထားပြီး အီရန်ကလည်း အစ္စရေးလ်နဲ့ ပင်လယ်ကွေ့နိုင်ငံများထံ ဒုံးကျည်များ ပစ်ခတ်ခဲ့ထားကာ အချို့သောနိုင်ငံများက ကြားဝင်စေ့စပ်မှုတွေ စတင်ပြုလုပ်လာသဖြင့် ပဋိပက္ခအဆုံးသတ်ရေး ပထမဆုံးလက္ခဏာတွေ ဖြစ်လာတယ်လို့ အီရန်သမ္မတ ကြေညာပြီးနောက် နာရီပိုင်းအကြာမှာပဲ ထရမ့်က ဆိုရှယ်မီဒီယာမှာ ဖော်ပြလာတာ ဖြစ်ပါတယ်။

■ ဘယ်လိုအခြေအနေပဲဖြစ်ဖြစ် အီရန်လုံးဝလက်မြှောက်အရှုံးပေးခြင်းကလွဲပြီး တခြားဘာသဘောတူညီချက်မှ မရှိဘူးလို့ ထရမ့်က ရေးထားကာ ရဲရင့်တဲ့ မိတ်ဆွေတွေက အီရန်ပျက်သုဉ်းခြင်း မဖြစ်ရအောင် မပင်မပန်း ကူညီသွားလိမ့်မယ်လို့ ဆိုပါတယ်။

■ ထရမ့်ရွေးချယ်တဲ့ ပဋိပက္ခလမ်းစဉ်ကြောင့် တစ်ကမ္ဘာလုံး စွမ်းအင်အထောက်အပံ့ ထိခိုက်နေကာ စီးပွားရေးဈေးကွက် ယိုယွင်းစေပါတယ်။

■ ဟော်မုဇ်ရေလက်ကြားမှာ လောင်စာတင်လမ်းကြောင်း ပိတ်ဆို့ခံရတာကြောင့် ၂၀၂၃ နောက်ပိုင်း ဥရောပနဲ့ အမေရိကန်စတော့ဈေးတွေ သိသိသာသာ ထိုးကျနေပြီး ရေနံဈေးနှုန်း အမြင့်ဆုံးဖြစ်လာပါတယ်။

■ အစ္စရေးလ်က လက်ဘနွန်မှာ စစ်ရေးလှုပ်ရှားမှုတွေ ချဲ့ထွင်လာပြီး ဟက်ဇ်ဘိုလာနဲ့ အီရန်တော်လှန်ရေးအစောင့်တပ်တွေကို ပစ်မှတ်ထားလာပါတယ်။

■ လူသားချင်းစာနာမှုပြဿနာလည်း ကြီးထွားနေပြီး လူထောင်ပေါင်းများစွာ နေရာရွှေ့ပြောင်းထားရကာ အီရန်၊ လက်ဘနွန်၊ အစ္စရေးလ်တို့မှာ အသေအပျောက်များနေပါတယ်။

■ အမေရိကန်ကတော့ စစ်ဆင်ရေးကြာရှည်လုပ်ဆောင်နိုင်ရန် ကာကွယ်ရေးကန်ထရိုက်တာများက လက်နက်ထုတ်လုပ်မှု အရှိန်မြှင့်တင်နေပါတယ်။

Source: Reuters

တိုကျို၊မတ် ၆၊၂၀၂၆- လိုင်စင်မရှိဘဲ အလှပြင်ခွဲစိတ်မှုတွေ လုပ်ပေးနေတဲ့ မြန်မာဆရာဝန်တစ်ဦးအပါအဝင် မြန်မာ နှစ်ဦးကို ဖမ်းဆီးလိုက်တယ်လို့ မတ်လ ၆ရက်နေ့မှာ အင်န်အိတ်ချ်ကေ သတင်းက ဖော်ပြပါတယ်။ သူတို့က လိုင်စင်မရှိဘဲ အလှပြင်  ခွဲစိတ်မှုတွေ လုပ်ပေးနေတယ်လို့ သံသယရှိလို့ဖမ်းဆီးလိုက်တာလို့ဆိုပါတယ်။

တိုကျိုရဲတပ်ဖွဲ့ရဲ့ အဆိုအရတော့ ဒီအမျိုးသားနှစ်ယောက်ဟာ ပြီးခဲ့တဲ့ ၂၀၂၅ မေလကနေ ဒီနှစ် ဖေဖော်  ဝါရီလအထိ တိုကျိုမြို့ထဲက အိမ်တစ်လုံးနဲ့ အဆောက်အအုံတစ်ခုမှာ ဆေးကုသခွင့်ဥပဒေကို ချိုးဖောက်   ပြီး လုပ်ကိုင်နေခဲ့ကြတာလို့ သိရပါတယ်။

ဖမ်းဆီးခံရသူတွေကတော့ အသက် ၄၁ နှစ်အရွယ် မျက်နှာခွဲစိတ်အလှုပြုပြင်ဆရာဝန် ဒေါက်တာ  ကြည်ချမ်းကို နဲ့ အသက် ၃၀ အရွယ် ကိုစိုးဝင်းနိုင် တို့ဖြစ်ပါတယ်။ သူတို့ဟာ အသက် ၃၀ ဝန်းကျင် မြန်မာ  အမျိုးသမီး သုံးယောက်ကို မျက်ရစ်  ဖော်ဖို့ဆိုပြီး မျက်ခွံခွဲစိတ်မှုတွေ လုပ်ပေးခဲ့တယ်လို့ စွပ်စွဲခံထားရ တာပါ။ ဒါ့အပြင် သူတို့နှစ်ယောက်က လူနာတွေကို ဆေးထိုးပေးတာတွေပါ လုပ်ခဲ့တယ်လို့ ဆိုပါတယ်။ ဒီကိစ္စ ဘယ်လိုပေါ်ပေါက်လာသလဲ  ဆိုတော့ အဲဒီအမျိုးသမီးတွေက ခွဲစိတ်ပြီးကတည်းက မျက်လုံးဖွင့်  ရတာ အဆင်မပြေတော့ဘူးဆိုပြီး ပြီးခဲ့တဲ့နှစ် ဇွန်လမှာ တိုကျိုရဲတပ်ဖွဲ့ကို သွားရောက်  တိုင်ကြား ခဲ့ရာ ကနေ စသိခဲ့ရတာပါ။

သံသယရှိသူတွေဟာ ဆိုရှယ်မီဒီယာတွေမှာ ကြော်ငြာပြီး ဖောက်သည်ရှာခဲ့ပုံရပါတယ်။ အဲဒီအမျိုးသမီး  သုံးယောက်က သူတို့အနေနဲ့ ဒေါ်လာ ၇၆၀ ကနေ ၁,၂၀၀ ကြားလောက် ပေးခဲ့ရတယ်လို့ ရဲတွေကို ပြောပြခဲ့ပါတယ်။ အခုတော့ သူတို့မျက်လုံးအောက်မှာ အနီရင့်ရောင် အမာရွတ်တွေ ကျန်နေခဲ့တဲ့အပြင် တခြားပြဿနာတွေပါ ကြုံနေရတဲ့အတွက် ဒီခွဲစိတ်မှုလုပ်ခဲ့မိတာကို အရမ်းနောင်တရနေကြပါတယ်။

ရဲတွေဘက်ကတော့ ဒီခွဲစိတ်မှုတွေမှာ တခြား ကူညီပေးတဲ့သူတွေလည်း ရှိဦးမယ်လို့ ထင်ထား  ကြပါတယ်။ ပြီးတော့ သူတို့အနေနဲ့ တခြားဖောက်သည်တွေကိုလည်း အခုလို တရားမဝင် ခွဲစိတ်မှုတွေ ထပ်လုပ်ပေးခဲ့တာမျိုး ရှိနိုင်တယ်လို့ ယူဆနေပါတယ်။ စုံစမ်းစစ်ဆေးရေးမှူးတွေကို ကိုစိုးဝင်းနိုင်ကတော့ သူဟာ ခွဲစိတ်မှုတွေမှာ ဘေးကနေ ကူညီပေးရုံပဲ ကူညီခဲ့တာပါလို့ ထွက်ဆိုထားပါတယ်။ ဒါပေမဲ့ ခွဲစိတ်မှု တွေကို ကိုယ်တိုင်လုပ်ခဲ့တယ်လို့ သံသယရှိခံထားရတဲ့ ကိုကြည်ချမ်းကိုကတော့ ဒီစွပ်စွဲချက်တွေကို ငြင်း  ဆိုထားပါတယ်။ သူကတော့ ဘယ်လို ဆေးဘက်ဆိုင်ရာ ကုသမှုကိုမှ လုပ်ခဲ့တာမရှိပါဘူးလို့ ပြောဆိုထား  တယ်လို့ သတင်းမှာဖော်ပြထားပါတယ်။

Source NHK