၂၀ နိုဝင်ဘာ၊၂၀၂၅

အကျဉ်းချုပ်

    ◾️အမေရိကန်က ယင်း၏ ငြိမ်းချမ်းရေး အစီအစဉ်ကို ကိယက်ဗ်မှ လက်ခံစေလိုကြောင်း သတင်းရင်းမြစ် နှစ်ခုက ပြောသည်။

    ◾️ယူကရိန်းက နယ်မြေနှင့် လက်နက်အချို့ကို စွန့်လွှတ်ရန်အစီအစဉ်က ရည်မှန်းထားကြောင်း  သတင်းရင်းမြစ်များက ဆိုသည်။

    ◾️ဇယ်လန်စကီးသည် ငြိမ်းချမ်းရေး အစီအစဉ်သစ်အတွက် တူရကီသို့ သွားရောက်နေသည်။

    ◾️သူသည် ကြာသပတေးနေ့တွင် အမေရိကန် စစ်တပ်အရာရှိများနှင့် တွေ့ဆုံမည်။

   ◾️ယူကရိန်းစစ်ပွဲကို အဆုံးသတ်ရန် အမေရိကန်၏ အစီအစဉ်နှင့် ပတ်သက်၍ ကိယက်ဗ်က   ရိပ်ဖမ်း သံဖမ်းရရှိထားကြောင်း သတင်းရင်းမြစ်တစ်ခုက ဆိုသည်။

လန်ဒန်/ကိယက်ဗ်၊ နိုဝင်ဘာ ၁၉ (ရိုက်တာ) - ယူကရိန်းနိုင်ငံက နယ်မြေနှင့် လက်နက်အချို့ကို စွန့်လွှတ်ရန် အဆိုပြုထားသည့် ရုရှားနှင့် စစ်ပွဲကို အဆုံးသတ်ရန် အမေရိကန်က ရေးဆွဲထားသော မူဘောင်ကို သမ္မတ ဗိုလိုဒီမာ ဇယ်လန်စကီးသည် လက်ခံရမည်ဖြစ်ကြောင်း အမေရိကန်ပြည်ထောင်စု က အရိပ်လက္ခဏာပြခဲ့ကြောင်း အဆိုပါကိစ္စကို အကျွမ်းတဝင်ရှိသူနှစ်ဦးက ဗုဒ္ဓဟူးနေ့တွင် ပြောကြား  ခဲ့သည်။

အဆိုပါကိစ္စ၏ ထိလွယ်ရှလွယ်ရှိမှုကြောင့် အမည်မဖော်လိုသူ သတင်းရင်းမြစ်များက အဆိုပါ အဆိုပြုချက်များတွင် ယူကရိန်း၏ လက်နက်ကိုင်တပ်ဖွဲ့ အရွယ်အစားကို လျှော့ချရန် အပါအဝင် အခြား အချက်များ ပါဝင်ကြောင်း ပြောကြားခဲ့သည်။ ဝါရှင်တန်က ကိယက်ဗ်သည် အဓိကအချက်များကို လက်ခံစေလိုနေကြောင်း သူတို့က ပြောသည်။

အရှေ့ပိုင်း ယူကရိန်းတွင် ရုရှား၏ နောက်ထပ် နယ်မြေ သိမ်းပိုက်မှုများကို ကိယက်ဗ်က ရင်ဆိုင်နေရချိန် နှင့် ဇယ်လန်စကီးက ဗုဒ္ဓဟူးနေ့တွင် ပါလီမန်က စွမ်းအင်နှင့် တရားရေး  ဝန်ကြီးများကို ရာထူးမှ ထုတ် ပယ်ခဲ့ရသည့် အဂတိလိုက်စားမှု စိစစ်မှုကို ကိုင်တွယ်   ဖြေရှင်းနေရချိန်တွင် ထိုကဲ့သို့သော အစီအစဉ် သည် ကိယက်ဗ်အတွက် ကြီးမားသော ဆုတ်ယုတ်မှုတစ်ရပ်အဖြစ် ပြသနေလိမ့်မည်။

အိမ်ဖြူတော်က အဆိုပါကိစ္စနှင့် ပတ်သက်၍ မှတ်ချက်ပေးရန် ငြင်းဆိုခဲ့သည်။ အမေရိကန် နိုင်ငံခြားရေးဝန်ကြီး မာကို ရူဘီယိုက X (တွစ်တာ) တွင် ဝါရှင်တန်သည် "ဤပဋိပက္ခ၏ နှစ်ဖက်စလုံးမှ အချက်အလက်များအပေါ် အခြေခံ၍ စစ်ပွဲကို အဆုံးသတ်ရန် ဖြစ်နိုင်ချေရှိသော စိတ်ကူးများကို ဆက် လက်ရေးဆွဲသွားမည်" ဟု ပြောကြားခဲ့သည်။

"ယူကရိန်းစစ်ပွဲကဲ့သို့ ရှုပ်ထွေးပြီး အသက်ဆုံးရှုံးစေသော စစ်ပွဲကို အဆုံးသတ်ရန်မှာ အလေးအနက်ထားပြီး လက်တွေ့ကျသည့် အယူအဆများကို ကျယ်ကျယ်ပြန့်ပြန့် ဖလှယ်ရန် လိုအပ်ပါသည်။ ကြာရှည်ခံမည့် ငြိမ်းချမ်းရေးကို ရရှိရန်အတွက် နှစ်ဖက်စလုံးသည် ခက်ခဲသော်လည်း မရှိမဖြစ်လိုအပ်သော အလျှော့အတင်းများကို သဘောတူရန် လိုအပ်သည်" ဟု ရူဘီယိုက ပြောကြား  ခဲ့သည်။

ဝါရှင်တန်က ရုရှားနှင့် ဆွေးနွေးထားသည့် စစ်ပွဲကို အဆုံးသတ်ရန် အမေရိကန်၏ အဆိုပြုချက်များနှင့် ပတ်သက်၍ ကိယက်ဗ်က "အရိပ်အမြွက်" လက်ခံရရှိထားကြောင်း ယူကရိန်းအကြီးတန်းအရာရှိကြီး  တစ်ဦးက ရိုက်တာကို ပြောကြားခဲ့သည်။ ယူကရိန်းသည် အဆိုပြုချက်များ ပြင်ဆင်ရာတွင် ပါဝင်ခဲ့ခြင်း မရှိကြောင်း အဆိုပါ သတင်းရင်းမြစ်က ဆိုသည်။

ဗုဒ္ဓဟူးနေ့တွင် သမ္မတ တေရစ်ပ် အာဒိုဂန်နှင့် တူရကီ၌ ဆွေးနွေးပွဲများ ပြုလုပ်နေသော ဇယ်လန်စကီး  သည် ကြာသပတေးနေ့တွင် ကိယက်ဗ်၌ အမေရိကန် စစ်တပ်အရာရှိများနှင့် တွေ့ဆုံရန် စီစဉ်ထားသည်။ Telegram တွင် မှတ်ချက်များပေးရာ၌ ဇယ်လန်စကီးက ဝါရှင်တန်၏ မူဘောင်ကို ဖော်ပြခြင်းမရှိဘဲ သုံးနှစ်ခွဲကျော် ကြာမြင့်နေပြီဖြစ်သော စစ်ပွဲကို အဆုံးသတ်ရန် အကူအညီပေးမည့် ထိရောက်သော အမေရိကန် ခေါင်းဆောင်မှုကို တောင်းဆိုခဲ့သည်။

"သွေးထွက်သံယိုမှုများကို ရပ်တန့်ရန်နှင့် ရေရှည်တည်တံ့သော ငြိမ်းချမ်းရေးကို ရရှိရန်အတွက် အဓိက  အချက်မှာ ကျွန်ုပ်တို့၏ မိတ်ဖက်အားလုံးနှင့် ပူးပေါင်းဆောင်ရွက်ရန်နှင့် အမေရိကန် ခေါင်းဆောင်မှုသည် ထိရောက်ပြီး ခိုင်မာနေရန် ဖြစ်သည်" ဟု အန်ကာရာ၌ အာဒိုဂန်နှင့် တွေ့ဆုံပြီးနောက် ဇယ်လန်စကီးက ရေးသားခဲ့သည်။ အမေရိကန်ပြည်ထောင်စုနှင့် အမေရိကန်သမ္မတ ဒေါ်နယ်လ် ထရမ့်တို့သာလျှင် "စစ်ပွဲကို နောက်ဆုံးတွင် အဆုံးသတ်ရန် လုံလောက်သော ခွန်အားရှိသည်" ဟု ဇယ်လန်စကီးက ပြော  ကြားခဲ့သည်။

အာဒိုဂန်သည် ဆွေးနွေးပွဲများအတွက် မတူညီသော ပုံစံများကို အဆိုပြုခဲ့ကြောင်းနှင့် "လိုအပ်သော ပလက်ဖောင်းကို တူရကီက ပံ့ပိုးပေးရန် အသင့်ရှိခြင်းသည် ကျွန်ုပ်တို့အတွက် အရေးကြီး သည်" ဟုလည်း ယူကရိန်းသမ္မတကပြောကြားခဲ့သည်။ စစ်ပွဲကို အဆုံးသတ်ရန် ထရမ့်အစိုးရ၏ ကြိုးပမ်း  မှု အသစ်တစ်ရပ်၏ လက္ခဏာများကြောင့် ဗုဒ္ဓဟူးနေ့တွင် ယူကရိန်းအစိုးရ ဘွန်းဈေးနှုန်းများ လများ အတွင်း အကြီးမားဆုံး ခုန်တက်ခဲ့သည်။

ဇူလိုင်လတွင် အစ္စတန်ဘူလ်၌ တွေ့ဆုံခဲ့သည့်နောက်ပိုင်း ကိယက်ဗ်နှင့် မော်စကိုတို့အကြား မျက်နှာ  ချင်းဆိုင် ဆွေးနွေးမှုများ ပြုလုပ်ခဲ့ခြင်း မရှိသေးဘဲ၊ ရုရှားတပ်ဖွဲ့များသည် မော်စကို၏ လေးနှစ်နီးပါး ကြာမြင့်နေပြီဖြစ်သော ယူကရိန်းစစ်ပွဲကို ဆက်လက်ဖိအားပေးနေပြီး တစ်ညတာ တိုက်ခိုက်မှုများတွင် လူ ၂၅ ဦး သေဆုံးခဲ့သည်။

ရုရှား၏ ရပ်တည်ချက်တွင် ပြောင်းလဲမှုမရှိ စစ်ပွဲကို အဆုံးသတ်ရန်အတွက် ယင်း၏ သတ်မှတ်ချက်များကို မော်စကိုက ပြောင်းလဲမည့် အရိပ်အယောင်မပြသော်လည်း ငြိမ်းချမ်းရေး ဆွေးနွေးပွဲများကို ပြန်လည် အသက်သွင်းရန် ကြိုးပမ်းမှုများသည် အရှိန်အဟုန် ရရှိလာပုံရနေသည်။

ရုရှားသမ္မတ ဗလာဒီမီယာ ပူတင်သည် အမေရိကန် ဦးဆောင်သော နေတိုး စစ်ရေးမဟာမိတ်အဖွဲ့သို့ ဝင်ရောက်ရန် အစီအစဉ်များကို ကိယက်ဗ်မှ စွန့်လွှတ်ရန်နှင့် ရုရှား၏ အစိတ်အပိုင်းအဖြစ် မော်စကိုက တောင်းဆိုသည့် ပြည်နယ်လေးခုမှ သူတို့၏တပ်ဖွဲ့များကို ရုပ်သိမ်းရန် ယခင်ကတည်းက တောင်းဆို  ခဲ့သည်။ မော်စကိုသည် ထိုတောင်းဆိုချက်များထဲမှ တစ်ခုခုကို စွန့်လွှတ်လိုက်ပြီဖြစ်ကြောင်း ညွှန်ပြခြင်း မရှိသေးဘဲ ယူကရိန်းကလည်း ယင်းတို့ကို လက်ခံမည်မဟုတ်ဟု ဆိုသည်။

ရုရှားတပ်ဖွဲ့များသည် ယူကရိန်းနယ်မြေ၏ ၁၉% ခန့်ကို ထိန်းချုပ်ထားပြီး ရှေ့သို့ တဖြည်းဖြည်း တိုးမြှင့်နေကာ ဆောင်းရာသီ နီးကပ်လာသည်နှင့်အမျှ ယူကရိန်း၏ စွမ်းအင် အခြေခံအဆောက်အအုံများ  ကို မကြာခဏ တိုက်ခိုက်မှုများ ပြုလုပ်နေသည်။

နေတိုးအဖွဲ့ဝင်ဖြစ်ပြီး ကိယက်ဗ်နှင့် မော်စကို နှစ်ဖက်စလုံးနှင့် ရင်းနှီးစွာ ရှိနေသည့် တူရကီသည် ၂၀၂၂ ခုနှစ်၊ စစ်ပွဲ၏ အစောပိုင်း သီတင်းပတ်များတွင် ပထမအဆင့် ငြိမ်းချမ်းရေး ဆွေးနွေးပွဲများကို လက်ခံ  ကျင်းပခဲ့ပြီး ထရမ့်မှ တိုက်ပွဲများကို အဆုံးသတ်ရန် အစီအစဉ်သစ်တစ်ခု စတင်ခဲ့သည့် ယခုနှစ်အထိ ယင်းသည် တစ်ခုတည်းသောဆွေးနွေးပွဲဖြစ်ခဲ့သည်။

ကရင်မလင်က အန်ကာရာတွင် ဗုဒ္ဓဟူးနေ့ ဆွေးနွေးပွဲများ၌ ရုရှားကိုယ်စားလှယ်များ ပါဝင်မည်  မဟုတ်ကြောင်း ပြောကြားခဲ့သော်လည်း ဆွေးနွေးပွဲရလဒ်များနှင့် ပတ်သက်၍ အမေရိကန်နှင့် တူရကီတို့  နှင့် စကားပြောဆိုရန် ပူတင်သည် လမ်ဖွင့်ထားကြောင်း ပြောကြားခဲ့သည်။

လုံခြုံရေး အာမခံချက်ဖြင့် နယ်မြေလဲလှယ်ခြင်းလား။

ဗုဒ္ဓဟူးနေ့တွင် အဆိုပါကိစ္စကို တိုက်ရိုက်သိရှိသော အမေရိကန် အရာရှိတစ်ဦးကို ကိုးကား၍ Axios က အစီရင်ခံရာတွင် အမေရိကန်၏ အစီအစဉ်သစ်သည် နောင်တွင် ကိယက်ဗ်နှင့် ဥရောပအတွက် ရုရှား၏ ကျူးကျော်မှုနှင့်ပတ်သက်၍ အမေရိကန်၏ လုံခြုံရေး အာမခံချက်ကို ရရှိရန်အတွက် ယူကရိန်းက လက်ရှိ မထိန်းချုပ်နိုင်သေးသည့် အရှေ့ပိုင်း ယူကရိန်း၏ အစိတ်အပိုင်းတစ်ခုကို မော်စကိုအား ပေးအပ်ရန် ရည်မှန်းထားကြောင်း ဖော်ပြထားသည်။

အဆိုပါ အမေရိကန်၏ အဆိုပြုချက်အသစ်ဟု ယူဆရသော အကြောင်းအရာများကို မှတ်ချက်ပေးသော ဥရောပ သံတမန်တစ်ဦးက သူတို့သည် ထရမ့်အစိုးရ၏ "ကိယက်ဗ်ကို အကျဉ်းအကြပ်ထဲ တွန်းပို့ရန်" နောက်ထပ် ကြိုးပမ်းမှုတစ်ရပ် ဖြစ်နိုင်ကြောင်း ပြောကြားခဲ့သော်လည်း၊ ယူကရိန်း၏ ရပ်တည်ချက် သို့မဟုတ် ဝါရှင်တန်၏ ဥရောပ မဟာမိတ်များ၏ ရပ်တည်ချက်ကို ထည့်သွင်းစဉ်းစားခြင်မရှိပါက အဖြေမရနိုင်ကြောင်းလည်း ပြောကြားခဲ့သည်။

ယူကရိန်းက ယင်း၏ စစ်တပ်ကို လျှော့ချသင့်သည်ဟူသော အကြံပြုချက်သည် အလေးအနက်ထားသော အဆိုပြုချက်ထက် ရုရှား၏ တောင်းဆိုချက်လိုဖြစ်နေကြောင်း အခြားဥရောပ သံတမန်တစ်ဦးက ပြောကြားခဲ့သည်။

စစ်တပ်အတွင်းဝန် ဒန် ဒရစ်စကောလ် ဦးဆောင်သော အမေရိကန် ကိုယ်စားလှယ်အဖွဲ့သည် ကိယက်ဗ်၌ "အချက်အလက်ရှာဖွေရေးမစ်ရှင်" ဖြင့် ရောက်ရှိနေကြောင်း ကိယက်ဗ်ရှိ အမေရိကန်သံရုံးက ပြောကြား  ခဲ့သည်။ စစ်တပ်အကြီးအကဲ ဗိုလ်ချုပ် ရန်ဒီ ဂျော့ချ်သည်လည်း ကိုယ်စားလှယ်အဖွဲ့တွင် ပါဝင်ပြီး သူနှင့် ဒရစ်စကောလ်တို့သည် ကြာသပတေးနေ့တွင် ဇယ်လန်စကီးနှင့် တွေ့ဆုံမည်ဖြစ်ကြောင်း အဆိုပါကိစ္စကို အကျွမ်းတဝင်ရှိသူတစ်ဦးက ရိုက်တာသို့ ပြောကြားခဲ့သည်။

#World_News
Published 20 November 2025

■ ၂၀၁၈ က ဝါရှင်တန်ပို့စ်ဆောင်းပါးရှင်တစ်ဦး အသတ်ခံရတဲ့ကိစ္စနဲ့ ပတ်သက်ပြီး ဆော်ဒီအာရေဗျ အိမ်ရှေ့စံမင်းသားအကြောင်း မေးမြန်းခဲ့တဲ့ ABC News သတင်းထောက်ကို အမေရိကန်သမ္မတ ဒေါ်နယ်ထရမ့် ဝေဖန်ပြီးနောက်တစ်နေ့မှာ အိမ်ဖြူတော်က ABC News ကို အရှိန်မြှင့်တိုက်ခိုက်လိုက်ပါတယ်။

■ ဖက်ဒရယ်လူမှုဆက်သွယ်ရေးကော်မရှင်(FCC)က နိုင်ငံတော်ကွန်ရက်များနဲ့ ပြည်တွင်းရုပ်သံလွှင့်ဌာနများကြား သဘောတူညီမှု ပြန်လည်သုံးသပ်ရေး လမ်းဖွင့်ပေးထားရာမှာ အခုလို ဝေဖန်မှုတွေ ထွက်လာတာ ဖြစ်ပါတယ်။

■ ဒစ္စနေပိုင်ဆိုင်တဲ့ ABC ရုပ်သံဌာနတွေရဲ့ ထုတ်လွှင့်ပြသခွင့်လိုင်စင်တွေကို ကော်မရှင်အနေနဲ့ ပြန်လည်ရုပ်သိမ်းသင့်တယ်လို့ ထရမ့်က အကြံပြုလိုက်ပါတယ်။

■ လွတ်လပ်တဲ့ ဖက်ဒရယ်အေဂျင်စီဖြစ်တဲ့ FCC က ၈ နှစ်သက်တမ်းရှိတဲ့ လိုင်စင်တွေကို ရုပ်သံလွှင့်ဌာနတစ်ခုစီထံ ထုတ်ပေးထားတာ ဖြစ်ပါတယ်။

■ FCC ဥက္ကဌ ဘရန်ဒန်ကားက ပြန်လည်သုံးသပ်ဖို့ ကြေညာထားပြီး ရုပ်သံလွှင့်ဌာနတွေအနေနဲ့ ဒဏ်ကြေးရင်မဆိုင်ရဘဲ အများပြည်သူအကျိုးအတွက် ထုတ်လွှင့်ပြသခွင့်ရှိမရှိကို ဦးတည်သွားမှာ ဖြစ်ပါတယ်။

■ ဘရန်ဒန်ကားက Jimmy Kimmel Live ထုတ်လွှင့်ပြသတာနဲ့ ပတ်သက်ပြီး ပြည်တွင်းရုပ်သံဌာနတွေ ဝေဖန်ပြီးနောက် နှစ်ဖက်ပါတီမှ ဝေဖန်မှုတွေနဲ့လည်း ရင်ဆိုင်နေရပါတယ်။

■ ပြည်တွင်းရုပ်သံတွေ အလုပ်မလုပ်နိုင်အောင် လုပ်ငန်းပြိုင်ဆိုင်မှုမရှိဘဲ လက်ဝါးကြီးအုပ်ထုတ်လွှင့်ခြင်းထဲမှာ သတင်းကွန်ရက်ကြီးတွေ ပါဝင်မှုရှိမရှိကို FCC က စုံစမ်းစစ်ဆေးသွားမှာဖြစ်ပါတယ်။

■ ABC News ကတော့ သူတို့ဟာ ထရမ့်အပေါ် တိုက်ခိုက်ခြင်းနဲ့ ဘက်လိုက်ဖော်ပြမှုတွေအကြောင်း စွပ်စွဲချက်တွေကို ငြင်းဆန်ထားပါတယ်။

■ FCC က အခြားမီဒီယာကုမ္ပဏီတွေကို စုံစမ်းစစ်ဆေးထားကာ သတင်းဌာနတွေ ပူးပေါင်းသွားခြင်းကို အတည်ပြုပေးထားခဲ့ပါတယ်။

Source: Reuters

#World_Science
Published 20 November 2025

■ အမေရိကန် ကမ်းစပ်နေရာတွေမှာ ဘာမှန်းမသိရတဲ့အရာများ အတွေ့များလာပြီး သိပ္ပံပညာရှင်တွေနဲ့ စစ်ရေးစောင့်ကြည့်သူများ အာရုံစိုက်လာပါတယ်။

■ ပင်လယ်အောက်ထဲ ငုပ်နေနိုင်တဲ့ UFO စောင့်ကြည့်အက်ပ်ထဲကနေ အမျိုးအမည်မသိ နစ်မြုပ်နေသော အရာဝတ္ထုများ(USO)တွေ ထောင်ပေါင်းများစွာ တွေ့ရတယ်လို့ ဖော်ပြလာပါတယ်။

■ Enigma လို့ခေါ်တဲ့အက်ပ်ဖြင့် ၂၀၂၂ စတင်ထုတ်လုပ်ပြီးတည်းက လေပေါ်နဲ့ ရေအောက် အမျိုးအမည်မသိဖြစ်စဉ် ၃ သောင်းကျော်ရဲ့ အချက်အလက်တွေ ရရှိခဲ့ပါတယ်။

■ ဩဂုတ်လထဲမှာ အမေရိကန် ကမ်းစပ်များရဲ့ ၁၀ မိုင်အတွင်း တွေ့ရှိမှု ၉ ထောင်နဲ့ ၅ မိုင်အတွင်း ၅၀၀ ခန့် တွေ့ရှိခဲ့ပါတယ်။

■ ဒီထဲက ၁၅၀ ခန့်ဆိုရင် ရေပေါ်မှာ မျောနေတာတွေ ရှိပါတယ်။

■ ကယ်လီဖိုးနီးယားနဲ့ ဖလော်ရီဒါတို့မှာ ၃၈၉ ကြိမ်နဲ့ ၃၀၆ ကြိမ်တို့ဖြင့် အများဆုံးဖြစ်နေပြီး သမုဒ္ဒရာမျက်နှာပြင်အောက်မှာ အစိမ်းရောင်အလင်း ရွေ့လျားနေတဲ့ ဗီဒီယိုပင် ပါဝင်ပါတယ်။

■ UFO တွေ့ရှိချက်အများအပြားက အမြင်များ အထင်မှားတယ်လို့ သတ်မှတ်နိုင်ပေမယ့် သမုဒ္ဒရာဆက်စပ်ပြီး အတွေ့များလာခြင်းက အာရုံစိုက်စရာဖြစ်လာတယ်လို့ အမေရိကန်ရေတပ် ဗိုလ်ချုပ်ကြီး တင်ဂယ်လောဒက်က ပြောပါတယ်။

■ ဒီတွေ့ရှိမှုတွေနဲ့ ပတ်သက်ပြီး အစိုးရမှ သတိပေးချက် မထုတ်ပြန်တာဟာ သိရှိထားသမျှကို အကုန်ထုတ်ဖော်ခြင်းမရှိတဲ့သဘော ဖြစ်နေတယ်လို့ ဖော်ပြဖူးပါတယ်။

■ လေထဲနဲ့ ပင်လယ်ထဲမှာ ရွေ့ချင်သလိုရွေ့နေပြီး တိုက်မိခြင်း၊ လွင့်စင်ခြင်းပင် မရှိတဲ့ အရာဝတ္ထုတွေက ကမ္ဘာကြီးအပေါ် ပြောင်းလဲမှုများ ဖြစ်လာနိုင်တယ်လို့ သတိပေးခဲ့ပါတယ်။

Source: WION.

#World_Health
Published 20 November 2025

■ မီးဖိုချောင်နေရာနဲ့ ပစ္စည်းတွေပေါ်မှာ ဘက်တီးရီးယားတွေ၊ ဗိုင်းရပ်စ်တွေ၊ မှိုတွေ အလွယ်တကူ ပေါက်ဖွားနိုင်ပါတယ်။

■ မတော်တဆ ရောဂါပိုးကူးစက်မိတဲ့အခါ ကျန်းမာရေးပြဿနာအမျိုးမျိုး ဖြစ်လာနိုင်ပါတယ်။

■ မီးဖိုချောင်မသန့်ရှင်းခြင်းကြောင့် ဖြစ်နိုင်တဲ့ ကျန်းမာရေးပြဿနာအချို့ကို ဖော်ပြလိုက်ပါတယ်။

■ (၁) ဆီးလမ်းကြောင်းပိုးဝင်ခြင်း - အဖြစ်အများဆုံး ပိုးမွှားကူးစက်ခြင်းဖြစ်ပြီး ရောဂါပိုးပါတဲ့ အသားတွေ၊ သန့်ရှင်းစွာ မကိုင်တွယ်ခြင်းတို့ကနေ ဖြစ်ပွားနိုင်ကာ ဆီးပြွန်၊ ဆီးအိမ်၊ ကျောက်ကပ်တို့ပါ ကူးစက်နိုင်ပါတယ်။

■ (၂) အစာအဆိပ်သင့်ခြင်း - မကျက်တဲ့အသားငါးတို့ကနေ ဆယ်လ်မွန်နဲလား၊ နို့နဲ့ ဟင်းရွက်စိမ်းတို့မှာ တွေ့ရတတ်တဲ့ အီးကိုလိုင်၊ သေချာစွာ မသိုလှောင်ထားတဲ့ အသားငါးတို့မှ လစ္စတီးရီးယားတို့ဟာ အစာအဆိပ်သင့်စေပြီး ပြင်းထန်ပါက ဆေးဘက်ဆိုင်ရာအကူအညီ လိုအပ်နိုင်ပါတယ်။

■ (၃) အရေပြားပိုးဝင်ခြင်း - မီးဖိုချောင်မသန့်ရှင်းတဲ့အခါ ပွန်းပဲ့ထိခိုက်ဒဏ်ရာတွေထဲကို ဘက်တီးရီးယားတွေ၊ ကပ်ပါးကောင်တွေ၊ မှိုတွေ ကူးစက်နိုင်ပါတယ်။

■ (၄) အစာအိမ်အူလမ်းကြောင်းပြဿနာများ - မီးဖိုချောင်မသန့်တဲ့အခါ တိုက်ရိုက်အထိခိုက်ဆုံးက အစာအိမ်အူလမ်းကြောင်းပြဿနာဖြစ်ပြီး ဝမ်းလျှောခြင်း၊ အော့အန်ခြင်း၊ ဗိုက်အောင့်ခြင်းတို့ ဖြစ်လေ့ရှိပါတယ်။

■ (၅) အသည်းရောင်အသားဝါအေ - ရောဂါပိုးကူးစက်ထားတဲ့ အစားအစာကြောင့် ဒီရောဂါဖြစ်ကာ အသည်းလုပ်ဆောင်ချက်ကို သက်ရောက်စေပြီး များသောအားဖြင့် မသန့်ရှင်းတဲ့ လမ်းဘေးစာတွေကနေ ကူးစက်နိုင်ပါတယ်။

■ (၆) ဒဏ်ရာအနာတရများ - မီးဖိုချောင်မသန့်ရှင်းရင် ထိခိုက်ဒဏ်ရာများ ရနိုင်ခြေပိုများပြီး ဒဏ်ရာတွေကို သေချာမကာကွယ်ပါက ပိုးမွှားများ အလွယ်တကူ ဝင်ရောက်နိုင်ပါတယ်။

Source: NDTV

တရုတ်နိုင်ငံက 6G နည်းပညာစမ်းသပ်မှုပထမအဆင့်ပြီးစီးခဲ့ပြီး အဓိကနည်းပညာပေါင်း ၃၀၀ ကျော် ဖွံဖြိုးတိုးတက်လာစေကြောင်း စက်မှုနဲ့ သတင်းအချက်အလက်နည်းပညာဝန်ကြီးဌာန(MIIT)က ကြာသပတေးနေ့မှာ ပြောခဲ့ပါတယ်။

#Asia_Technology
Published 19 November 2025
#မိုဘိုင်း #6G
#YMG #Yangon_Times #Yangon_Media_Group

#World_Health
Published 19 November 2025

■ အိပ်ရေးမဝခြင်း၊ မေ့လျော့တတ်ခြင်းတို့က စိတ်ဖိစီးမှုနဲ့ ပင်ပန်းနွမ်းနယ်မှုကြောင့်လို့ မြင်ကြပေမယ့် ဦးနှောက်ရင့်ရော်မှုနှုန်း မြန်ဆန်လာတဲ့လက္ခဏာဆိုတာကို မသိကြပါဘူး။

■ ဦးနှောက်အိုမင်းလာခြင်းဆိုတာက အချိန်ကြာလာတာနဲ့အမျှ ဦးနှောက်ထဲမှာ ဖွဲ့စည်းပုံ၊ ဓာတုပစ္စည်းနဲ့ လုပ်ဆောင်ချက်တွေ ပြောင်းလဲလာတာ ဖြစ်ပါတယ်။

■ ဒါက ရှောင်လွှဲလို့မရဘူးဆိုပေမယ့် ဆိုးဆိုးရွားရွားကြီး မအိုမင်းလာခင်မှာ ပြုပြင်ထိန်းသိမ်းလို့ရတာကြောင့် ဦးနှောက်အိုမင်းခြင်းကို မြန်ဆန်စေတဲ့ အစောပိုင်းလက္ခဏာ ၆ မျိုးကို ဖော်ပြလိုက်ပါတယ်။

■ (၁) သာမန်အလုပ်လုပ်ပြီးနောက် စိတ်ပင်ပန်းခြင်း - သာမန်ကိစ္စလေးတွေ လုပ်ပြီးနောက် အားအင်ကုန်ခမ်း ပင်ပန်းနွမ်းနယ်ခြင်း ခံစားရတာဟာ စွမ်းအင်ဖြစ်စဉ်ချို့ယွင်းတဲ့သဘော ဖြစ်ပါတယ်။

■ (၂) ပါးစပ်ဖျား၌စကားလုံးမေ့ခြင်း - မှတ်ဉာဏ်၊ စကားပြောဆိုခြင်းတို့မှာ ပါဝင်ပတ်သက်တဲ့ ဦးနှောက်အပိုင်းတွေမှာ ရောင်ရမ်းခြင်းကြောင့် မှတ်ဉာဏ်လစ်ဟသွားကာ လျှာဖျားမှာပဲ ပြောမယ့်စကား မေ့နေတတ်ပါတယ်။

■ (၃) ပင်ပန်းသော်လည်း ကောင်းစွာအိပ်မပျော်ြခင်း - အိပ်ချိန်ထချိန် ပုံစံမမှန်တဲ့သူတွေမှာ နေ့ညလည်ပတ်မှုစည်းချက်ပုံစံ ပျက်ယွင်းပြီး အိပ်စက်မှုအလေ့အထ ပုံမှန်မဖြစ်တော့ဘဲ အခြေခံကျတဲ့ ဆဲလ်နဲ့ ဇီဝဖြစ်စဉ်တွေကို သက်ရောက်လာပါတယ်။

■ (၄) စိတ်ဆိုးခြင်း၊ စိတ်အပြောင်းအလဲဖြစ်ခြင်း - အသက်အရွယ်အရ စိတ်ခံစားချက်တွေ ပြောင်းလဲလာတဲ့အခါ ဦးနှောက်အစိတ်အပိုင်းတွေကို သက်ရောက်ပြီး စိတ်အခြေအနေ အတက်အကျ ဖြစ်စေပါတယ်။

■ (၅) ဆူညံသံနဲ့ အလင်းရောင်ကို မခံနိုင်ခြင်း - ဦးနှောက်အိုမင်းလာလို့ အာရုံကြောတွေ အလွန်အထိမခံဖြစ်လာကာ ဆူညံသံတွေ အနှောင့်အယှက်တွေကို သည်းမခံနိုင်တော့ပါဘူး။

■ (၆) စားသောက်ပြီးနှောက် ဦးနှောက်ထိုင်းမှိုင်းခြင်း - စားပြီးသောက်ပြီး လေးလံထိုင်းမှိုင်းလာခြင်းက အစာခြေခြင်းနဲ့တင် မဟုတ်တော့ဘဲ ဦးနှောက်ရဲ့ အဓိကစွမ်းအင်ရင်းမြစ် ယိုယွင်းလာကာ စိတ်အာရုံယာယီ ချို့ယွင်းစေတာ ဖြစ်ပါတယ်။

■ ဦးနှောက်စောစီးစွာအိုမင်းခြင်းမှ ထိန်းသိမ်းဖို့အတွက် ဦးနှောက်လှုံ့ဆော်ပေးခြင်း၊ ကိုယ်လက်လှုပ်ရှားလုပ်ပေးခြင်း၊ အာဟာရပြည့်ဝအောင်စားခြင်း၊ သွေးပေါင်ချိန်ထိန်းသိမ်းခြင်းတို့ လုပ်ဆောင်နိုင်ပါတယ်။

Source: Times Of India