ဒုတိယကမ္ဘာစစ်အတွင်း ဂျပန်တိုကျူးကျော်တိုက်ခိုက်ခဲ့ကြတဲ့ သမိုင်းကြောင်းတွေကို မျိုးဆက်သစ်တွေထံ ပိုမိုသိရှိအောင် အသိပေးသင့်တယ်လို့ ကျူးကျော်ဂျပန်တွေရဲ့ မျိုးဆက်တွေက ပြောလာပါတယ်။
#Asia_History
Published 10 July 2025
#ကျူးကျော်ခဲ့ပုံသမိုင်းကြောင်း #မျိုးဆက်သစ်များ
#YMG #Yangon_Times #Yangon_Media_Group

#Daily_News

Published 10 July 2025

၁။ ‌‎‎‎ငလျင်ဒဏ်သင့် အဆောက်အအုံထက်ဝက်ခန့်ခိုင်ခံ့မှုရှိမရှိ မစစ်ဆေးဖြစ်ကြသေးဟု စစ်တမ်းတစ်ရပ်ကဖော်ပြ
‎
၂။ ‌‎‎ပြည်ပထွက်မည့် လုပ်သားများ OWIC ကတ်လျှောက်ထားခြင်းကို ပွဲစားမှ တစ်ဆင့် မပြုလုပ်ရန် အသိပေး

၃။ ‎‎ဆန်နှင့်ဆန်ကွဲ တန်ချိန်နှစ်သိန်းကျော်တင်ပို့ထားပြီး တရုတ်သို့ဆန်အများဆုံးတင်ပို့

၄။ ‎‎‎‎‎‎ဒုတိယကမ္ဘာစစ်ကဂျပန်တို့ ကျူးကျော်ခဲ့ပုံသမိုင်းကြောင်းများကို မျိုးဆက်သစ်များထံ အမှန်အတိုင်းအသိပေးသင့်ကြောင်း သတိပေးလာကြပြီ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 10 July 2025

▪️ အမေရိကန်သမ္မတ ဒေါ်နယ်ထရမ့်က ဘရာဇီးလ်သမ္မတနဲ့ အချင်းများပြီးနောက်မှာ အမေရိကန်က ဘရာဇီးလ်မှ တင်သွင်းကုန်အားလုံးအပေါ် အခွန် ၅၀ ရာခိုင်နှုန်း သတ်မှတ်သွားမယ်လို့ ဗုဒ္ဓဟူးနေ့က ပြောပါတယ်။

▪️ ဘရာဇီးလ်သမ္မတ လူးဝစ်အင်နာစီယိုလူလာဒါဆေးလ်ဗားကလည်း အခွန်စည်းကြပ်မှုတွေနဲ့ တုံ့ပြန်သွားမယ်လို့ ပြန်လည်ချေပလိုက်ပါတယ်။

▪️ ၂၀၂၃ ခုနှစ်က လူလာသမ္မတမဖြစ်စေရန် အာဏာသိမ်းကြံစည်ခဲ့တဲ့အမှုဖြင့် တရားရင်ဆိုင်နေရတဲ့ သမ္မတဟောင်း ဂျဲဘိုလ်ဆိုနာရိုအပေါ် ဘရာဇီးလ်ရဲ့ ဆက်ဆံပုံနဲ့ပတ်သက်ပြီး ထရမ့်က အခုလိုအခွန်အခသတ်မှတ်ရခြင်း ဖြစ်တယ်လို့ ဖော်ပြထားပါတယ်။

▪️ လွတ်လပ်တဲ့ ရွေးကောက်ပွဲတွေ၊ အမေရိကားတို့ရဲ့ အခြေခံကျတဲ့ လွတ်လပ်စွာပြောဆိုခွင့်တို့ကို ထိပါးတာကြောင့် အခွန်နှုန်းထားသတ်မှတ်ရခြင်း ဖြစ်တယ်လို့ ဆိုထားပါတယ်။

▪️ ဒီလိုကြေညာပြီးတဲ့နောက် ဘရာဇီးလ်ငွေကြေးဟာ ဒေါ်လာနဲ့ယှဉ်ရင် ၂ ရာခိုင်နှုန်းကျော် ကျဆင်းလာပြီး အဓိကကုမ္ပဏီကြီးတွေ စတော့ဈေးကွက်မှာ ကျဆင်းနေပြီဖြစ်ပါတယ်။

▪️ အခွန်အသစ်တွေနဲ့ ပတ်သက်ပြီး လူလာက ဒုသမ္မတ၊ ဘဏ္ဍာရေးဝန်ကြီး၊ အခြားပုဂ္ဂိုလ်များနဲ့ ဘရာဆီလီယာမှာ အရေးပေါ်အစည်းအဝေး ခေါ်ယူဆွေးနွေးခဲ့ပါတယ်။

▪️ ဘရာဇီးလ်အတွက် တရုတ်ပြီးရင် အမေရိကန်ဟာ ကုန်သွယ်ရေးပိုင်းမှာ ဒုတိယအကြီးမားဆုံး မိတ်ဖက်နိုင်ငံဖြစ်ပြီး ၅၀ ရာခိုင်နှုန်းအခွန်သတ်မှတ်ချက်တွေက ဩဂုတ် ၁ ရက်နေ့မှာ စတင်သွားမှာဖြစ်ပါတယ်။

▪️ ကမ္ဘာကြီးဟာ ပြောင်းလဲထားပြီးဖြစ်ကာ ဧကရာဇ်မင်းလိုလူမျိုး အလိုမရှိဘူးလို့ လူလာက BRICS အစည်းအဝေးမှာ သတင်းထောက်တွေကို ပြောခဲ့ပါတယ်။

▪️ ဘရာဇီးလ်အပေါ် အခွန်တိုးမြှင့်သတ်မှတ်လိုက်ခြင်းက အမေရိကန်မှာ စားသောက်ကုန်ဈေးနှုန်းတွေ သိသိသာသာ မြင့်တက်လာနိုင်ပြီး အမေရိကန်မှာ သောက်သုံးနေကြတဲ့ ကော်ဖီ ၃ ပုံ ၁ ပုံလောက်ဟာ ဘရာဇီးလ်ကနေ တင်သွင်းတာဖြစ်ပါတယ်။

▪️ ဘရာဇီးလ်က အမေရိကန်သို့ နှစ်စဉ် ကော်ဖီအိတ်ပေါင်း ၈ သန်းနီးပါး တင်ပို့ထားပါတယ်။

#Source: Reuters

#World_Health
Published 10 July 2025

▪️ ဟင်းနုနွယ်ရွက်နေ့စဉ်စားခြင်းဖြင့် နာရီပိုင်းအတွင်းမှာပင် သွေးပေါင်ချိန် ကျစေနိုင်ဖွယ်ရှိတယ်လို့ ဆန်ထရာဆေးရုံမှ နှလုံးအထူးကု ဒေါက်တာဒီပတ်ခ်တယ်ရီဂျာက ပြောပါတယ်။

▪️ ဟင်းနုနွယ်မှာပါတဲ့ နိုက်ထရိတ်တွေက ခန္ဓာကိုယ်မှာ နိုက်ထရစ်အောက်ဆိုဒ်အဖြစ် ပြောင်းလဲပေးပြီး သွေးကြောတွေကို ပြေလျော့စေကာ သွေးကြောတွေထဲက သွေးဖိအားလျော့ကျစေပြီး သွေးပေါင်ချိန်ကျစေတယ်လို့ ရှင်းပြပါတယ်။

▪️ ဟင်းနုနွယ်လိုမျိုး အစိမ်းရောင်အရွက်တွေကို နေ့စဉ်ပုံမှန်စားပေးရင် သွေးပေါင်ချိန်များတဲ့သူတွေမှာ အပေါ်သွေးရော အောက်သွေးပါ သိသိသာသာ ကျစေတယ်လို့ စမ်းသပ်ချက်တွေမှာ တွေ့ရှိထားပါတယ်။

▪️ သကြားမုန်လာဖျော်ရည်ဖြင့်လည်း သွေးပေါင်ချိန်များတဲ့ စမ်းသပ်ခံသူ ၆၈ ဦးမှာ နေ့စဉ်သောက်သုံးခိုင်းရာမှာ သွေးပေါင်ချိန်သိသိသာသာ ကျဆင်းတာတွေ့ခဲ့ကြပါတယ်။

▪️ ဟင်းနုနွယ်က ပိုတက်ဆီယံကြွယ်တဲ့အပြင် ခန္ဓာကိုယ်ထဲမှာ ဆိုဒီယံပမာဏ ညီမျှစေပြီး သွေးပေါင်ချိန်ထိန်းသိမ်းပေးပါတယ်။

▪️ ဒါ့အပြင် မဂ္ဂနီဆီယံနဲ့ ဗိုက်တာမင်-စီ၊ ဗိုက်တာမင်-အီး၊ ဘီတာကယ်ရိုတင်းတို့လို မရှိမဖြစ် ဓာတ်တိုးဆန့်ကျင်ပစ္စည်းများလည်း များပြားစွာပါဝင်သဖြင့် သွေးကြောကျဉ်းခြင်းနဲ့ ကိုလက်စ်ထရောလ်များခြင်းတို့ကို လျော့ကျစေနိုင်ပါတယ်။

▪️ ဆေးဝါးတွေနေရာမှာ အစားထိုးဖို့မဟုတ်ပေမယ့် ဟင်းနုနွယ်က အာဟာရဓာတ်ဖြည့်တင်းဖို့အတွက်တော့ အစိတ်အပိုင်းတစ်ခုအဖြစ် အရေးပါနေပြီး နှလုံးရောဂါများဖြစ်နိုင်ခြေမှ လျော့ကျစေနိုင်ပါတယ်။

#Source: The Jerusalem Post

#World_Health
Published 09 July 2025

▪️ အမေရိကန် အစားအစာနှင့်ဆေးဝါးကွပ်ကဲရေး (FDA)က ဆေးထိုးသွင်းရတဲ့ HIV ကာကွယ်ဆေး lenacapavir ကို အသိအမှတ်ပြုလိုက်ပြီဖြစ်ပြီး ဒီဆေးဟာ ၁၀၀ ရာခိုင်နှုန်းနီးပါး ထိရောက်မှုရှိကာ တစ်နှစ်ကို နှစ်ကြိမ်သာထိုးပေးရမှာ ဖြစ်ပါတယ်။

▪️ လက်တွေ့စမ်းသပ်ချက်များအရ lenacapavir ဟာ ကိုယ်အလေးချိန် ၃၅ ကီလိုဂရမ်အထက်ရှိသူတွေမှာ လိင်ကြောင့်ကူးစက်တတ်တဲ့ HIV ရောဂါကို ၉၉ ရာခိုင်နှုန်း ထိရောက်မှုရှိအောင် ကာကွယ်နိုင်တယ်လို့ တွေ့ရှိခဲ့ပါတယ်။

▪️ ဒီဆေးဟာ အစောပိုင်းအဆင့်တွေမှာ ဗိုင်းရပ်စ်ပရိုတိန်း လုပ်ဆောင်ချက်ကို နှောင့်ယှက်ခြင်းဖြင့် HIV မျိုးပွားခြင်းကို တားဆီးပေးတာဖြစ်ပါတယ်။

▪️ ၆ လတစ်ကြိမ်ဆေးထိုးပေးတိုင်း ဒီလိုမျိုး လုပ်ဆောင်ပေးနေမှာ ဖြစ်ပါတယ်။

▪️ Yeztugo ဟာ ဆေးပညာမှာ အောင်မြင်မှုအကြီးဆုံးတွေထဲကတစ်ခု ဖြစ်လာပြီး HIV ကပ်ဆိုးကြီးကို အဆုံးသတ်နိုင်မယ့် အခွင့်အရေးဖြစ်တယ်လို့ Gilead စီအီးအို ဒန်နီယယ်အိုဒေးက ပြောပါတယ်။

▪️ Gilead ကုမ္ပဏီကနေ Yeztugo အမှတ်တံဆိပ်ဖြင့် ၂၀၂၆ မှာ ဆေးပေါင်း ၁၀ သန်းထုတ်လုပ်ဖို့ စီစဉ်ထားကာ ဝင်ငွေနိမ့်ပါးတဲ့နိုင်ငံတွေမှာ ရရှိနိုင်အောင် တိုးချဲ့သွားမှာ ဖြစ်ပါတယ်။

▪️ ဒါပေမဲ့ သူ့ရဲ့ဈေးနှုန်းက အခက်အခဲဖြစ်လာနိုင်ပြီး လူတစ်ယောက်အတွက် တစ်နှစ်ကို ၂၈,၂၁၈ ဒေါ်လာ ခန့် ကျသင့်မှာဖြစ်တာကြောင့် HIV ဝေဒနာရှင်အများဆုံးရှိနေတဲ့ အာဖရိကအတွက်တော့ ဈေးနှုန်းတတ်နိုင်မှာ မဟုတ်ပါဘူး။

▪️ ဒီအတွက် အခြားကုမ္ပဏီတွေကို လိုင်စင်ဖြင့် အလားတူဆေးမျိုး ထုတ်လုပ်ခွင့်ပြုသွားနိုင်မည့်နည်းလမ်း ရှိနေပါတယ်။

#Source: WIRED

#World_Science
Published 09 July 2025

▪️ အနာဂတ်ကျရင် မားစ်ဂြိုဟ်(အင်္ဂါဂြိုဟ်)ပေါ်က အိုအေစစ်နေရာကျယ်ကြီးတွေမှာ လူသားတွေနေထိုင်ကြတဲ့အကြောင်း စိတ်ကူးယဉ်ကြည့်နိုင်ပါတယ်။

▪️ အပူတန်ပြန်ရိုက်ခတ်တဲ့ ပစ္စည်းတွေနဲ့ တည်ဆောက်ထားတဲ့ မိုးလုံလေလုံနေရာကြီးမှာ အစားအစာတွေ စိုက်ပျိုးမွေးမြူကြမယ်။

▪️ မားစ်ဂြိုဟ်မျက်နှာပြင်ကြီးဆီကို စက်ရုပ်များစေလွှတ်ခဲ့ကြပြီး သူတို့တွေကတော့ မောပန်းခြင်း၊ ဓာတ်ရောင်ခြည်အဆိပ်သင့်ခြင်း၊ အမှုန်အမွှားကူးစက်ခြင်းတို့ မဖြစ်ဘဲ ရှာဖွေစူးစမ်းနိုင်ကြပါတယ်။

▪️ အာကာသစခန်းကြီးတွေ ဂြိုဟ်တုတွေကို ပတ်လမ်းကြောင်းတွေမှာ နေရာချထားကာ AI ဖြင့် အရေးကြီးဆုံးဖြတ်ချက်များ ချမှတ်နေသလို စကြဝဠာစနစ်ကြီး တစ်ခုလုံးကို အင်တာနက်ကွန်ရက်ကြီးဖြင့် ချိတ်ဆက်ထားပါတယ်။

▪️ ၂၀၄၀ ခုနှစ်အရောက်မှာ ယူကေအပါအဝင် နိုင်ငံ ၂၀ ကျော်လောက်ဟာ အာကာသထဲသို့ ချဲ့ထွင်နေထိုင်ရန် ရည်မှန်းထားပြီး ဈေးကွက်အသစ်တွေ၊ သိပ္ပံနည်းကျအောင်မြင်မှုတွေ ရလာစေမယ့် ရင်းမြစ်များကို ရှာဖွေသွားမှာဖြစ်ပါတယ်။

▪️ အင်္ဂါဂြိုဟ်ပေါ်က အေးခဲရေအနည်များက သောက်သုံးရေ၊ စိုက်ပျိုးရေတို့အတွက် အကူအညီဖြစ်လာနိုင်ပါတယ်။

▪️ ဥရောပအာကာသအေဂျင်စီက မားစ်ပေါ်မှာ ဆောက်လုပ်ရေးကြီးကြီးမားမား ပြုလုပ်ဖို့ ရည်ရွယ်ထားပါတယ်။

▪️ အာကာသအစအနများ ပြန်လည်အသုံးပြုခြင်းဖြင့် အာကာသဂေဟစနစ်ကို ရေရှည်ထိန်းသိမ်းဖို့ အကူအညီဖြစ်စေမှာပါ။

▪️ သိပ္ပံနည်းကျ ဖန်တီးအောင်မြင်မှုများနဲ့ ရင်းမြစ်အသုံးချနိုင်စွမ်းတို့အတွက် အာကာသထဲချဲ့ထွင်နိုင်ရန် အရေးကြီးကြောင်း ဥရောပအာကာသအေဂျင်စီက အလေးပေးပြောထားပါတယ်။

#Source: DailyMail