#World_Health
Published 02 August 2025

▪️ ခန္ဓာကိုယ်ကနေ အနံ့ဆိုးထွက်စေတဲ့ အစားအစာတွေထဲမှာ ကြက်သွန်ဖြူအပြင် အခြားအရာတွေလည်း ရှိပါတယ်။

▪️ အချို့သော အစားအစာတွေက တခြားဟာတွေထက်ပိုပြီး ခန္ဓာကိုယ်အနံ့ ပိုထွက်စေတယ်လို့ နယူးဂျာစီအခြေစိုက် အာဟာရပညာရှင် အဲရင်ပယ်လင်စကီဝိတ်ဒ်က ပြောပါတယ်။

(၁) ငါး
▪️ ငါးညှီနံ့ဆိုတာကို သိကြပေမယ့် အချို့အခြေအနေတွေမှာ ပင်လယ်စာတွေက ထရိုင်မီသိုင်းအေမင်း ဒြပ်ပေါင်းအဖြစ် ပြောင်းလဲပြီး ငါးညှီနံ့တစ်မျိုး ထွက်စေပါတယ်။

▪️ ဒီဒြပ်ပေါင်းက ခန္ဓာကိုယ်တလျှောက် သွားလာပြီး အနံ့ထွက်စေပေမယ့် အလွန်ရှားပါးဖြစ်တတ်တာကြောင့် သိပ်စိတ်မပူရပါဘူး။

(၂) ဟင်းသီးဟင်းရွက်
▪️ ဟင်းရွက်တွေက ကျန်းမာရေးအတွက် အကောင်းဆုံးဆိုပေမယ့် ပန်းဂေါ်ဖီစိမ်း၊ ဂေါ်ဖီထုပ်၊ ပန်းဂေါ်ဖီတို့က ဆာလ်ဖျူရစ်အက်ဆစ် ထုတ်လွှတ်တဲ့အချိန်မှာ ခန္ဓာကိုယ်အနံ့ထွက်စေပြီး ချွေးတွေ အငွေ့တွေကနေ ပိုဆိုးစေပါတယ်။

(၃) ဟင်းခတ်အမွှေးအကြိုင်များ
▪️ အချို့သော ဟင်းခတ်အမွှေးအကြိုင်တွေက ဆာလ်ဖာဒြပ်ပေါင်းတွေ၊ ဇီဝကမ္မဝတ္ထုတွေကြောင့် အနံ့ထွက်စေကာ ဘက်တီးရီးယားတွေနဲ့ ဓာတ်ပြုတဲ့အခါ အနံ့တွေ ဖြစ်ပေါ်စေပါတယ်။

(၄) အသားကြီး
▪️ အသားကြီးငါးကြီး များများစားရင် ခန္ဓာကိုယ်အနံ့ကို သက်ရောက်စေကာ အရေပြားဘက်တီးရီးယားတွေနဲ့ ပေါင်းပြီး အနံ့ဆိုးလာစေပါတယ်။

▪️ အနံ့အသက်ကောင်းစေမယ့် အစားအစာတွေနဲ့ ပတ်သက်ပြီး အချို့သော အစားအစာတွေ ပြောင်းလဲတဲ့အခါ ခန္ဓာကိုယ်အနံ့ လျှော့ချစေနိုင်မယ်လို့ ဆိုပါတယ်။

▪️ ရေ၊ အသီးအနှံ၊ ဟင်းရွက်တို့ များများစားခြင်း၊ ပန်းသီး၊ အစိမ်းရောင်အရွက်များ၊ ဒိန်ချဉ်၊ လက်ဖက်စိမ်းတို့လို အစားအစာများစားခြင်းဖြင့် အနံ့ထွက်စေတဲ့ ဒြပ်ပေါင်းတွေကို ချေဖျက်စေပြီး အူလမ်းကြောင်းဘက်တီးရီးယားတွေကို အထောက်အကူ ဖြစ်စေနိုင်ပါတယ်။

#Source: New York Post

တရုတ်ပြည် ကွမ်ကျိုးမှာ အင်္ဂါနေ့က သုံးမွှာပူးပန်ဒါကြီးသုံးကောင်ရဲ့ ၁၁ နှစ်ပြည့်မွေးနေ့ ကျင်းပခဲ့ကာ သူတိုကြိုက်နှစ်သက်တဲ့ ဝါး၊ သစ်သီးမုန့်များကို အထူးသုံးဆောင်ခဲ့ကြပါတယ်။
#Asia_Animal
Published 01 August 2025
#သုံးမွှာပူးပန်ဒါသုံးကောင် #(၁၁)နှစ်ပြည့်မွေးနေ့
#YMG #Yangon_Times #Yangon_Media_Group

#World_News
Published 01 August 2025

▪️ ကမ္ဘာတဝှမ်းမှ နိုင်ငံအများအပြားဟာ အမေရိကန်အစိုးရအဖွဲ့နဲ့ ကုန်သွယ်ရေးသဘောတူညီမှု မရရှိတာကြောင့် အမေရိကန်သို့ တင်ပို့သွားမယ့်ပစ္စည်းတွေအပေါ် အခွန်များစွာ စည်းကြပ်ခံရမယ့်အရေး ကြုံတွေ့နေရကာ ကမ္ဘာ့စီးပွားရေး ထိခိုက်လာနိုင်ပါတယ်။

▪️ အမေရိကန်ရဲ့ အကြီးမားဆုံး ကုန်သွယ်ရေးမိတ်ဖက်အချို့ကတော့ သဘောတူညီမှု အားလုံးမဟုတ်ရင်တောင် အနည်းဆုံးတစ်ချက်တော့ ရရှိခဲ့ပြီး ဥရောပသမဂ္ဂ၊ ဗြိတိန်ပြည်ထောင်စု၊ ဂျပန်တို့ ပါဝင်နေပါတယ်။

▪️ တရုတ်နဲ့ မက္ကဆီကိုတို့ဆိုရင် ညှိနှိုင်းရေးဆက်လုပ်သွားဖို့ အခွင့်အရေးရှိနေပေမယ့် နောက်ဆုံးမှာတော့ အခွန်မြင့်မားစွာ ပေးသွားရဖွယ် ရှိနေပါတယ်။

▪️ ဒေါ်နယ်ထရမ့်က ဒီလိုမျိုး အခွန်တွေစည်းကြပ်ရတာဟာ အမေရိကန် ပြည်တွင်းထုတ်လုပ်မှုများ အားပေးရန်ဖြစ်သလို အခြားနိုင်ငံတွေကိုလည်း အမေရိကန်တင်ပို့ကုန်ပစ္စည်းများအတွက် ကုန်သွယ်ရေး အတားအဆီးများလျှော့ချဖို့ တိုက်တွန်းရာရောက်ပါတယ်။

▪️ ထရမ့်ကတော့ နိုင်ငံခြားတင်ပို့သူတွေအနေဖြင့် အခွန်ပေးဆောင်ရမယ်လို့ ပြောနေပေမယ့် အမေရိကန်ကုမ္ပဏီတွေကသာ အများစုကို ပေးဆောင်နေရတယ်လို့ စီးပွားရေးပညာရှင်များ တွေ့ရှိထားပါတယ်။

▪️ သဘောတူညီချက်မရတဲ့ နိုင်ငံတွေကတော့ အခွန် ၅၀ ရာခိုင်နှုန်းအထိ ရင်ဆိုင်ရဖွယ်ရှိပြီး ဒီထဲမှာ ဘရာဇီးလ်၊ ကနေဒါ၊ ထိုင်ဝမ်၊ အိန္ဒိယတို့ ပါဝင်နေပါတယ်။

▪️ ပါကစ္စတန်၊ တောင်ကိုရီးယားတို့လို နိုင်ငံတွေကတော့ နောက်ဆုံးအချိန်ကျမှ သဘောတူညီမှုရခဲ့ပေမယ့် အတိအကျတော့ ရရှိခဲ့တာ မဟုတ်ပါဘူး။

▪️ ကနေဒါကနေ ပါလက်စ်တိုင်းကို အသိအမှတ်ပြုတဲ့ ကိစ္စမျိုးတွေကြောင့် ထရမ့်ရဲ့ပေါ်လစီတွေ ရှုပ်ထွေးလာပြီး ကုန်သွယ်ရေးညှိနှိုင်းဆွေးနွေးမှုတွေကို သက်ရောက်လာကာ သံတမန်ရေးရာ တင်းမာမှုမြင့်တက်နေပါတယ်။

#Source: AP News

#World_Science
Published 1 August 2025

▪️ Prionace glauca လို့ခေါ်တဲ့ ငါးမန်းပြာတွေရဲ့ အကြေးခွံတွေထဲက ဂွာနင်ပလိတ်လတ်တွေနဲ့ မယ်လာနင်အိတ်လေးတွေကြောင့် အပြာရောင်ဖြစ်ပေါ်စေတယ်လို့ သိပ္ပံပညာရှင်တွေ တွေ့ရှိထားပါတယ်။

▪️ အဆိုပါ နာနိုအရွယ်အစားပစ္စည်းတွေက ရေဖိအားလိုမျိုး ပတ်ဝန်းကျင် အခြေအနေပေါ်လိုက်ပြီး ပြောင်းလဲနိုင်ဖွယ်ရှိကာ ငါးမန်းတွေ သမုဒ္ဒရာထဲဖြတ်သန်းရွေ့လျားရင်း အရောင်ပြောင်းလဲနိုင်ပါတယ်။

▪️ တိရိစ္ဆာန်တွေထဲမှာ အပြာရောင်က အရှားပါးဆုံးအရောင်တွေထဲက တစ်ခုဖြစ်ပြီး ဒီအရောင်ထွက်ဖို့ သတ္တဝါတွေက ဆင့်ကဲပြောင်းလဲခြင်း နည်းလမ်းတွေအသုံးပြုလာကြတယ်လို့ ဟောင်ကောင် စီးတီးတက္ကသိုလ်မှ ဒေါက်တာ ဗစ်တိုးရီးယားခမ်စကာက ပြောပါတယ်။

▪️ သုတေသီတွေက အဆင့်မြင့်ပုံရိပ်နည်းပညာများနဲ့ ကွန်ပျူတာသရုပ်ဖော်ပုံစံများ အသုံးပြုပြီး နာနိုပစ္စည်းတွေကနေ အရောင်လှိုင်းအလျားတွေ ဘယ်လိုထုတ်လုပ်လဲဆိုတာကို လေ့လာကြပါတယ်။

▪️ ဂွာနင်တွေကြား ကွာဟချက်က အရောင်ပြောင်းလဲမှုကို ဆုံးဖြတ်ပေးကာ ကွာဟချက်ကျဉ်းမြောင်းရင် အပြာရောင်ဖြစ်စေပြီး ကွာဟချက်ကြီးရင် အစိမ်းရောင် ရွှေရောင်တို့ ထွက်စေပါတယ်။

▪️ ဒီလေ့လာတွေ့ရှိချက်က ငါးမန်းအရေပြားရဲ့ လုပ်ဆောင်ချက်အမျိုးမျိုးကို ဖော်ပြနေပြီး ရေရှည်ရှင်သန်နိုင်ဖို့ ရေလှုပ်ရှားမှုတွေနဲ့ အရောင်ပြောင်းလဲခြင်း ပေါင်းစပ်ထားတာ ဖြစ်ပါတယ်။

▪️ ခန္ဓာကိုယ်ဖွဲ့စည်းပုံ အရောင်သမ်းခြင်းကလည်း ဓာတုအရောင်ပြောင်းလဲခြင်းလို မဟုတ်တာကြောင့် ဂေဟစနစ်အတွက် သင့်လျော်စေပါတယ်။

▪️ ငါးမန်းတွေက အရောင်ပြောင်းလဲထုတ်လုပ်ရာမှာ ထူးခြားတဲ့ ဆင့်ကဲပြောင်းလဲမှုလမ်းကြောင်းကို ပြသနေတာ ဖြစ်ပါတယ်။

#Source: SciTechDaily

#World_Health
Published 1 August 2025

▪️ ယနေ့ခေတ် ကလေးတွေမှာ အမြင်အာရုံပြဿနာများ ဖြစ်နိုင်ခြေများစေတဲ့ အကြောင်းအရင်းများစွာ ရှိနေပါတယ်။

▪️ ဒါပေမဲ့ ကျန်းမာရေးနဲ့ညီညွတ်တဲ့ အလေ့အထတွေနဲ့ ကလေးတွေရဲ့ အမြင်အာရုံကို ကာကွယ်နိုင်ပါတယ်။

▪️ ဒီအတွက် မျက်လုံးပြဿနာအန္တရာယ်များ ဖြစ်နိုင်ခြေနည်းအောင် ကလေးတွေကို သွန်သင်ပြောပြပေးရမယ့် နည်းလမ်းများကို ဖော်ပြလိုက်ပါတယ်။

▪️ (၁) တီဗီ၊ ဖုန်း၊ ကွန်ပျူတာ အသုံးပြုတာများရင် အဝေးမှုန်ခြင်းဖြစ်နိုင်တာကြောင့် အချိန်အကန့်အသတ်ဖြင့်သာ ကြည့်ရှုစေရပါမယ်။

▪️ (၂) အပြင်ဘက်မှာ တစ်နေ့ကို ၁-၂ နာရီလောက် လှုပ်ရှားစေခြင်းဖြင့် သဘာဝအလင်းရောင် ထိတွေ့စေပြီး မျက်လုံးကြွက်သားများ အားကောင်းစေပါတယ်။

▪️ (၃) အလင်းရောင်ကောင်းကောင်းမရရင် မျက်လုံးကိုဒဏ်ဖြစ်စေတာကြောင့် ကလေးတွေ စာလေ့လာတဲ့အခါ အလင်းရောင်ကောင်းစွာ ရပါစေ။

▪️ (၄) အဝေးမှုန်ခြင်းနဲ့ မျက်လုံးဒဏ်ဖြစ်ခြင်းမှ ကာကွယ်နိုင်ရန် စာအုပ်တွေ၊ ဖုန်းတွေကြည့်တဲ့အခါ အနည်းဆုံး ၁၂-၁၆ လက်မလောက် ခွာကြည့်ခိုင်းပါ။

▪️ (၅) မကြာခဏ မျက်တောင်ခတ်ခြင်း၊ အနီးကြည့်ရာကနေ အဝေးသို့ပြောင်းကြည့်ခြင်းစသဖြင့် သာမန်မျက်လုံးလေ့ကျင့်ခန်းများက မျက်လုံးကြွက်သားများကို သန်မာစေပါတယ်။

▪️ (၆) ဗိုက်တာမင်-အေ၊ စီ၊ အီး၊ ဇင့်၊ အိုမီဂါ-၃ ဖက်တီးအက်ဆစ်တို့ကြွယ်ဝတဲ့ အစားအစာတွေ စားခြင်းဖြင့် မျက်လုံးကျန်းမာရေး ကောင်းမွန်စေပါတယ်။

▪️ (၇) ညဘက်လုံလောက်စွာ အိပ်စက်ခြင်းက မျက်လုံးနဲ့ ဦးနှောက်ကို မှန်ကန်စွာ အားဖြည့်စေပါတယ်။

▪️ (၈) ရေဓာတ်ခန်းခြောက်ရင် မျက်လုံးခြောက်သွေ့နိုင်တာကြောင့် တစ်နေ့တာလုံး ရေလုံလောက်စွာ သောက်ခိုင်းသင့်ပါတယ်။

▪️ (၉) မျက်လုံးကို လက်နဲ့ပွတ်မိရင် ရောဂါပိုးဝင်နိုင်တာကြောင့် လက်တွေကို သန့်ရှင်းစွာထားဖို့ သင်ပြထားသင့်ပါတယ်။

▪️ (၁၀) မျက်စိပုံမှန်စမ်းသပ်စစ်ဆေးခြင်းဖြင့် မျက်လုံးပြဿနာများ စောစီးစွာသိရှိနိုင်သဖြင့် စောစာဖြေရှင်းနိုင်မှာ ဖြစ်ပါတယ်။

#Source: DoctorNDTV

ကမ္ဘောဒီးယားနယ်စပ်နား ပဋိပက္ခဒဏ်ခံရတဲ့ ထိုင်းနိုင်ငံ ဆူရင်ပြည်နယ်ရှိရွာတွေအနေနဲ့ အပစ်အခတ်ရပ်စဲရေးရရှိပြီးနောက်မှာတောင် ပျက်စီးမှုအဆုံးအရှုံးဒဏ်တွေ ခံနေရပါတယ်။
#Asia_Crisis
Published 31 July 2025
#ထိုင်း-ကမ္ဘောဒီးယား #အပစ်အခတ်ရပ်စဲ
#YMG #Yangon_Times #Yangon_Media_Group